‏لو انسحب برضاي ماهي هزيمه
‏عشان احافظ للي بقالك من الود
‏لأني اصيل الذوق نفسي كريمه
‏ولا احتمل تجريح من كثرة الرد
‏ترى الحشيمه للنفوس الحشيمه
‏ونفوس ترويها وما تنبت الورد
‏اخشى النهايه يا عزيزي الليمه
‏ صبرت لأجل الود والصبر له حد

‏الله لا يجعل حاجة الكريم عند اللئيم
‏ولا سيرة الطيب على لسان الردي

‏ولا أساوم على حسن الخلق والذوق والتهذيب
‏ولو تجمح بي أفكاري بغير الخير ما أسرجهّا

‏عسى نفسي إذا لاقت من الدنيا كثير الريب
‏ما توقن غير بالمعروف والإحسان يوهجها ..

‏اغلى الليالي معك وأحلى التفاصيل فيك
‏ياشمس عمري ويا نور القمر والقمر

‏رضيت منك وراضي بك وراضي عليك
‏واحبك اكثر من ايام العمر والعَمر
‏ ❤️

‏«في دربٍ ما أقوى ظلامه..هو شمعتي لا كثرت أيامي السود»
‏❤️

‏" مرحبًا عدّ القلوب اللي من الفرقى كسيحه
‏ وعدّ ما هلّت هماليل المزن يا أعز زاير "
‏🤍

‏"قنوع بكل شي إلا في تقديري لذاتي
‏ما تليق فيني الهوامش وانا عنوان واضح"

يا كبرك بعيني ويا كثر القبول
‏يابو الكلام اللي لعلاتي دوا

‏انا اشهد إن (الشيب) في وجهك يقول:
‏انا الربيع اللي من الطيبه روى

‏كل من سألني عنك من باب الفضول:
‏هذا ابوك ؟ أقول لا ، مالك لوا

‏هذا ربيع القلب في كل الفصول
‏هذا هو الفردوس والدنيا سوا ♥️

‏⁧ #بشاير_عبدالعزيز رحمها الله⁩

‏مرحبا يا غاية القلب يا العذب القراح
‏ليلةٍ ما جت بـ ذكراك ما فيها حلى
‏َ
‏اعتذر مقبول عذرك وحي على الفلاح
‏ما يدقق بين الاحباب من باب الغلى
‏َ
‏كل ما تطري المواصل يجي قلبي انشراح
‏وكل ما تطري المفارق يجي قلبي بلى
‏َ
‏فيك سر الجاذبيه ومعنى الارتياح
‏والجمال النخبوي واللطافة من إلى

ياسليلة بـيرقً فـي الـمواقف مايطيح
‏يـوم يمنى الـموت بـين القبايل طايله

‏ماطمعت الابقربك على الوجه الصحيح
‏لـوّخيل الحظ مـن دون قربك صايله

‏من تلذذ وصلك العذب ياالترف المليح
‏مـاقـعد بـرق الـرجا كـل لـيل يخايله

‏عـرّب عـياله عـلى اسمً يضيّفه المديح
‏من يضيف اسمك رباعي بكرت العايله

ما لا ترغب ان يحدث لك
لاتؤذي به غيرك

"يمكن تموت الأرض لو ماضحكتي
وتضمى البساتين الندّيه والاشجار"

‏بالرضِا أو بالإكراه ضروري تؤمن
‏بأن كل شيء زائل
‏في أي لحظة ولأي سبب وأحياناً حتى بدون سبب

‏قلوب الناس ما تسوى تعب قلبك و قلبك بار
‏يا قلبٍ طيبته عزت علیه و غربت داره

‏يصدك من يعافك لو تجيب الغيم و الأمطار
‏و يودك من يبيلك ولو هواك يموّت غباره

‏يجيلك من يبي وصلك لو الدرب انفرش مسمار
‏" وإذا القلب اشتهى ساق القدم ما دور أعذاره "

‏و من يستاهلك ما يتركك ساعة عمر تحتار
‏ و من يستاهلك ما يتركك تشتاق لـ أخباره

‏و ما دام الناس ما بيدينها لا جنة و لا نار ؟
‏عساهم ما رضوا و ليا رضوا كلٍ و مقداره

‏ترى هالعمر رحلة و الخلايق كلهم زوار
‏ عسانا من خيار اللي خطروه و خير زوّاره

‏تدور الأرض وتدور معاها دورة الأقدار
‏وكُل ساقي سيسقى ما سقى و الأرض دوّارة

‏" لذلك لا تعامل هالبشر بالمثل " لا و أختار
‏تكون اللي يجمّل بـ العفو و الطيبة أقداره

‏تشبّه فيك لا تشبه أحد لو ترهب الأنظار
‏ولا تسمح لأحد يسلبك منّك قو تياره

‏وحاول تترك بكل الأماكن قيمة و تذكار
‏يموت الأدمي ويعيّشه فعله و تذكاره

‏حبيسين بزوايا الأرض ما حنا أبد أحرار
‏ولا حرّ بهالدنيا سوى من حرر أفكاره

‏ما دامك مرضي الله و بخواطر والدينك بار
‏تطمّن و امشي دروب الصعاب " وهات البشارة "

‏" معك أدوّر ما يجر السوالف والقصيد
‏ومع جميع الناس حتى الكلام يكودني "
‏🤍

‏" بالسراجيف له عرش وثير متعلّي
‏فوق جال الضلوع العوج قلبٍ مهايف "

‏لا طرى زوله علي وأنا اتقهوى
‏ما اتوعّى . . إلا و فنجالي برد.

‏آتسللّ في عتيم شعورك سواة الحرامي
‏قصدي أقطف لي من الضلعين لو وردة نديّة

‏- يا ربيعي،
‏- يا هواي العذب،
‏- يا صفوة كلامي،
‏- يا فِعل يمناي،
‏- يا دعواي: في صبح وعشيّة..

‏- يا حفيدة مكرمين الضيف،
‏- يا كل الأسامي،
‏- يا عصابة رأس "من نيرانهم للحين حيّة"

‏• غمّضي بعيونك الثنتين في ظلّي....ونامي
‏و أوعدك تصحين وأنا مشقي الدنيا الشقيّة.

جعلنا ماحنا على الشماتين بـ شامتين
‏ وجعلنا واللي نحب من النار إعتقا
‏ نرجي اللي يوعد الرسل والناس أجمعين
‏ مايخيب من لجا له وخافه وإتقا

خيرك وشرك دين ترده الحياة لك يوماً ما