عشر أسباط في قسم اتفقوا على قيادة معينة، وسكنوا شمال فلسطين وكَوّنوا مملكة إسرائيل،
والقسم التاني: الاتنين الأسباط إللي فاضلين،
دول اتفقوا على قيادة تانية خالص، وسكنوا جنوب فلسطين وكَوِّنوا مملكة يَهُوذَا..
وكان السِبْطين دول هما:
◇سِبْط يَهُوذا إللي كان فيه المُلك قبل كده زي داود وسليمان عليهما السلام،
◇والسبط التاني سِبْط بنيامين.

مملكة بقى الشمال استمرت حوالي 200 سنة، كلها كُفر وظلم وفساد😶
لحد ما ربنا سلّط عليهم الآشوريين إللي جاءوا من العراق، وأفنوا مملكة إسرائيل، وأخدوا معظم شعب إسرائيل وبعتروه وشتتوه في العالم .. باعوهم هنا وهناك وشردوهم لحد ما فنوا عن آخرهم،
وبكده انتهى تمااااااما من الدنيا بكاملها كل نسل العشرة أسباط دول👌
يعني مابقاش في التاريخ حاجة اسمها يهودي من نسل الأسباط العشرة..
يبقى اتبقى عندنا فقط "ممكلة يهوذا" إللى موجودة في الجنوب، وإللي فيها بيت المقدس.
ومن هنا جت تسمية اليهود، نسبةً إلى نسل يهوذا إللي فيه المُلك..
واسم اليهود مكنش معروف أيام موسى عليه السلام ولا حتى في باقي الأنبياء من بعده،
والفَرعين بتوعهم دول من الأسباط -إللي همّ يهوذا وبنيامين- همّ إللي هيكملوا معانا الأحداث لحد ما ربنا يرسل عيسى عليه السلام👌
استمرت ممكلة يهوذا بعد سقوط مملكة إسرائيل حوالي مائة وخمسين سنة، خلال الـ١٥٠ سنة دي حصلت أحداث في مملكة يهوذا،
الأحداث دي من الإسرائيليات،
لكنها من قسم الإسرائيليات اللي لا تُصَدَّق ولا تُكَذَّب زي ما شرحنا قبل كده، يعني ممكن أن تُروَى عادي،
وهي موجودة في البداية والنهاية لابن كثير، فأنا هقولها من باب فقط إننا نربط الأحداث ببعض عشان نبقى متخيلين الأحداث ماشية إزاي
《《انتشر الفساد في بني إسرائيل، فربنا بعث فيهم نبي من تاني اسمه شَعِيَا أو أشْعِيا، الاتنين صح.. وكان مَلِك بني إسرائيل في الزمن ده اسمه "حِزْقِيا" وكان مطيع للنبي أشعِيا، لكن بنو إسرائيل كانوا فاسدين كعادتهم..
في يوم مرض الملك وكان في رِجله قُرحة،
في نفس الوقت ده كان ملك بابل مُتجه لبيت المقدس ومعاه ستمائة ألف جندي عشان يغزو بيت المقدس والملك ده كان اسمه "سَنْحَاريب"،
والناس خافت، ووصل الخبر لملك بني إسرائيل الطيب، فسأل الملك النبي أشعِيا: ربنا أوحى لك بإيه عن الجنود دي😥 فالنبي قال: لم يوحي إليّ بشيء عنهم.. ثم نزل وحي على النبي بعدها إنه يقول للملك إنه يكتب وصيته عشان خلاص هيموت قريب..
فقعد الملك يدعي ربنا إنه يُمدّ له في أجله، وكان ملك صالح زي ما قلنا، فربنا استجاب دعاؤه، وأمد له في عمره خمسة عشرة سنة👌

☆بس مش الآجال مكتوبة ؟ ومش احنا ماينفعش ندعي بطول العمر
أيوة مكتوبة في اللوح المحفوظ، وفعلا زي ما ربنا قال:
"وَلِكُلِّ أُمَّةٍ أَجَلٌ فَإِذَا جَاءَ أَجَلُهُمْ لا يَسْتَأْخِرُونَ سَاعَةً وَلا يَسْتَقْدِمُونَ"
لكن ده عن الأجل النهائي، فمكتوب عند ربنا إن أجله النهائي هيكون بعد 15 سنة،
وطولة العمر الزيادة دي مكتوب إنها هتحصل، وإن عمره كده كده كان هيبقى تام بال15 دول،
لكن من أسباب تمام العدد بشكل كامل هيكون في دعوة من العبد الصالح ده ربنا هيستجيب لها،
فكل ده مكتوب في اللوح المحفوظ وإللي هو في علم الله وحده واحنا بنعرفه فقط بعد ما بيقع مش قبلها..
فبالتالي الملك الطيب ده ماتأخرش عن أجله لحظة👌

وبالنسبة للدعاء بطولة العمر:
فاحنا يجوز عادي في ديننا الدعاء بطول العمر لنفسنا أو لغيرنا،
لكن نقيد الدعاء ده بأمور صالحة تقرّبنا من ربنا؛ لإن فيه ناس كل ما زاد عمرها زادت بُعدا عن الله، والنبي ﷺ لما كان بيدعي لحد من الصحابة بطولة العمر كان بطبيعة الحال معروف إن عمرهم كله في طاعة..
فاحنا نقول مثلا في الدعاء :
ربنا يطوّل عمرك في طاعة الله، أو في الخير ، أو فيما يرضي الله وهكذا.
فالملك الصالح شكر ربنا على استجابة دعاؤه وضاعف من تضرعه وذله لله،
فربنا شفى له قدمه من القُرحة وأهلك جيش مَلك بابل ، ماعدا سنحاريب الملك، ومعاه خمسة من أصحابه،
وكان في أصحابه دول واحد اسمه 《بُخْتُنَصَّر》
فأخد مَلك بني إسرائيل الطيب الناس الستة المهزومين دول، وربطهم في القيود، وجعل الجنود بتوعه يطوفوا بيهم وسط الناس في البلد إذلالًا لهم..
وبعدين ربنا أوحى للنبي أشعِيا إنه يقول للملك إنه يرسل الست أشخاص دول لبلادهم عشان يحكوا إللي حصل لهم وينذروا قومهم ويخوفوهم منه..
فلما رجع سنحاريب لبابل وحكى إللي حصل معاهم، السحرة والكهنة قالوا له:
ماحنا قلنا لك عن رب الناس دي وإن محدش بيقدر علِيه من زمان😑
وعاش سنحاريب بعدها سبع سنين ومات..
لما خلصت الـ15 سنة جاء أجل ملك بني إسرائيل النهائي فمات،
بعد موته بني إسرائيل فجَرُوا وفسقوا لأبعد الحدود، وانتشر شرَّهم في كل اتجاه.. فأوحى الله لنبيه أشعِيا، إنه يوعظهم وينذرهم ويذكرهم بالله، وإنه هيعاقبهم لو خالفوا أمره واستمروا في طغيانهم..
فلما خلص كلامه معاهم ومواعظه، راحوا قايمين عليه واعتدوا عليه.. كانوا عايزين يقتلوه..

فهرب منهم وطلع يجري لحد ما عدى على شجرة ، فاتفلقت قدامه عشان يدخل فيها فدخل واختبأ منهم،
فالشيطان مسك طرف ثوبه وخلاه بره الشجرة ، فشافوه، فنشروا الشجرة والنبي أشعِيا جواها، وقتلوه قاتلهم الله😞
ومع ذلك ربنا أرسل لهم نبي تاني اسمه أَرْمِيا،
وكان برده بيوعظهم وينهاهم عن فسقهم و شرهم وإنهم لو مستجبوش ربنا هيرسل عليهم ملك جبار قاسي يخرب بلدهم ويقتلهم، وفعلا أرميا نفّذ كلام ربنا كله وحذرهم ، لكنهم كذبوه وقالوا عليه مجنون😑》》

¤طب هو ليه ربنا يحذر بني إسرائيل أصلا 🤔
عشان يعلمهم ويعلم كل الأمم إللي هتيجي بعد كده، إن مهما كانت جرائم الإنسان وذنوبه عظيمة وكتيرة، فلو تاب وأصلح ومشي في الطريق الصح، ربنا هيتوب عليه ويقبله ويعفو عنه،
لكن لو أصر على طغيانه وعصيانه، ربنا هيعاقبه ويعذبه بألوان العذاب،
يسلط عليه حد يُؤذيه مثلا، أو يبتليه بمرض يُذله ويقعده، أو يبتليه بفقر يفضح ستره ويحوِجه للسؤال مثلا...
ولو حد فلت من عقاب الدنيا لحكمة إلهية، فعقاب الآخرة موجود👌

في الوقت ده كان مَلك بابل في بلاد العراق معروف بقوته وبطشه،
فكان يقود جيوشه عشان يحتل البلاد، الملك ده كان اسمه 《بُخْتُنصّر》

☆فاكرين لما قلنا إن الأرض حكمها أربعة ملوك: اثنين كفار واثنين مؤمنين؟
الاتنين الكفار كانوا: النمرود و بُخْتُنصّر.
والاتنين المؤمنين كانوا : ذو القرنين وسليمان بن داود عليهما السلام.
وإذا أراد الله شيئا هيأ أسبابه👌
فاكرين بني إسرائيل عملوا إيه في سنحاريب وبختنصر من كم سنة فاتت وذلوهم إزاي
لما بنو إسرائيل عصوا أمر الله وطغوا في الأرض وبدأوا يقتلوا الأنبياء، ربنا ألقى في قلب بُخْتُنصّر إنه يروح يغزو بني إسرائيل مرة ثانية👌
فاتحرك بالجيش بتاعه في اتجاه بيت المقدس.. ففي الطريق لما وصل لدمشق، أهل دمشق خافوا منه، فقدموا له الهدايا والأموال واتصالحوا معاه،
فتركهم بُخْتُنصّر واتجه لبيت المقدس، فمَلِك بني إسرائيل في الزمن ده اتعاهد مع بُخْتُنصّر برده بنفس الطريقة زي ما أهل دمشق عملوا معاه،
وأخد بختنصر بعض أثرياء بني إسرائيل معاه، وقرر إنه يرجع للعراق..
فساعتها بنو إسرائيل اعترضوا على ملكهم وإللي عمله ده وغضبوا إنه إزاي يعمل كده.. فراحوا قاتلينه ونقضوا الصلح مع بُخْتُنصّر😐
فبختنصر رجعلهم تاني وحاصر مدينة القدس فترة، فلما طال الحصار استسلموا لبختنصر، وفتحوا أبواب المدينة..
دخل بختنصر المدينة وحرَقها وقتل المقاتلين وسبى النساء والأطفال، وحرَّق التوراة، وخرَّب الحصون وهدم محاريب العبادة..
يعني أنزل بيهم العذاب والعقاب إللي فعلا يستحقوه👌
"وَقَضَيْنَا إِلَىٰ بَنِي إِسْرَائِيلَ فِي الْكِتَابِ لَتُفْسِدُنَّ فِي الْأَرْضِ مَرَّتَيْنِ وَلَتَعْلُنَّ عُلُوًّا كَبِيرًا"
مش بس كده، ده كمان بختنصر أخد معاه إلى أرض العراق ٤٠ ألف من اليهود كعبيد، عشان يخدموا أهل بابل زي ماخدموا الفراعنة في مصر😏
وفي بعض اليهود هربوا منه لمصر في الوقت ده.. وبكده انتهى تماااما الحكم اليهودي في فلسطين👌
همّ اليهود هيرجعوا تاني بعدين زي ماهنشوف، لكن مش هيرجعوا كحكام للبلد،
"فَإِذَا جَاءَ وَعْدُ أُولَاهُمَا بَعَثْنَا عَلَيْكُمْ عِبَادًا لَّنَا أُولِي بَأْسٍ شَدِيدٍ فَجَاسُوا خِلَالَ الدِّيَارِ ۚ وَكَانَ وَعْدًا مَّفْعُولًا "
☆فكان العلو الأول لبني إسرائيل👆 في زمن داود وسليمان عليهما السلام..
فلما كفروا وطغوا وأفسدوا، ربنا أرسل عليهم إللي يهلكهم ويذلهم، إللي هو بختنصر وجنوده،
إللي هي: "بَعَثْنَا عَلَيْكُمْ عِبَادًا لَّنَا أُولِي بَأْسٍ شَدِيدٍ فَجَاسُوا خِلَالَ الدِّيَارِ "
وأي حد سواء مسلم أو كافر فهو عبد لله غصب عنه👌

وبالنسبة للعُلو الثاني، فلعله يكون هو إللي احنا شايفينه دلوقتي بيحصل لليهود ، في أرض فلسطين وأجزاء من لبنان ومن سوريا،
بقى ليهم اتصالات إقتصادية على أعلى مستوى في العالم، وبقى في دول كبيرة واقفة معاهم، وبقى ليهم هيبة سياسية ووزن في صناعة القرار على مستوى العالم،
ولسه بيخططوا في التوسع أكتر وأكتر عشان يقيموا دولة إسرائيل الكبرى المزعومة بتاعتهم... وكل ده داخل ضمن العُلو في الأرض ،
"ثُمَّ رَدَدْنَا لَكُمُ الْكَرَّةَ عَلَيْهِمْ وَأَمْدَدْنَاكُم بِأَمْوَالٍ وَبَنِينَ وَجَعَلْنَاكُمْ أَكْثَرَ نَفِيرًا"
فاحنا حاليا مستنيين البشارة الثانية إللي جت في الآية بعد كده، إن ربنا يرسل عليهم إللي يعلمهم الأدب تاني ويعيدوا الكرة تاني عليهم، زي ما ربنا قال:
"فَإِذَا جَاءَ وَعْدُ الْآخِرَةِ لِيَسُوءُوا وُجُوهَكُمْ وَلِيَدْخُلُوا الْمَسْجِدَ كَمَا دَخَلُوهُ أَوَّلَ مَرَّةٍ وَلِيُتَبِّرُوا مَا عَلَوْا تَتْبِيرًا"
فإذا جاء وعد الآخرة يعني: المرة الثانية 👌

المهم،
كان من ضمن إللي بُخْتُنصّر أسرهم: نبي من أنبياء الله اسمه دانيال..
فلما مشي بختنصر من مدينة القدس ووصل للعراق بالأسرى، مسك النبي دانيال وحطه في بئر كبير وحط معاه أسدين عشان ياكلوه صاحي ويقتلوه😶
حصل إيه مع النبي دانيال؟

ده إللي هنعرفه الجزء الجاي إن شاء الله😁

#Eman_Shalapy

#رسائل_من_القرآن #أدهم_شرقاوي

⚠️محرمات منتشرة ... تبعدنا عن الجنة⚠️
📌3- الاعتقاد في تأثير النجوم والكواكب في الحوادث وحياة الناس

ناس كتير من عادتها تفطر والجرنال في ايدها تبص بصة سريعة قبل ما تبدأ الروتين اليومي

يالا الهول 😱
ده حقيقي ولا بحلم 😵
بتقرأ حظك اليوم ؟ 😨
👈انت مش عارفة إنه حرام ؟؟؟!!!

لازم نكون عارفين إن من الأمور المحرمة اللي كتير بيقع فيها للأسف
❌اللجوء إلى أبراج الحظ في المجلات والجرائد,

💥فإن اعتقد ما فيها من أثر النجوم والأفلاك فهو مشرك

✍وإن قرأها للتسلية فهو عاصٍ آثم,
لأنه لا يجوز التسلي بقراءة الشرك,
بالإضافة لما قد يلقي الشيطان في نفسه من الاعتقاد بها فتكون وسيلة للشرك.

قدامك سكة سفر 🛤
عرفوا منين وانتي اقصى حاجة شفتيها الشارع اللي ورا بيتكم

وهتلاقي مشكلة في الشغل
وانت بتدور على شغلانه بقالك كام سنة ومش لاقي أصلا 😄

هتتخانقي مع زوجك 💪
وانت مش متزوجة اصلا 😁
ولا الراجل الغلبان لسه جايبلك هدية امبارح🎁
وتنكدي عليه عيشته علشان يتخانق ويتحقق اللي قرأتيه

تفتح التلفزيون تلاقي عالمة الفلك والأبراج اللي مفيش منها واللي هتعرفلك المستخبي وتشوفلك الطالع وتقرأ لك الكف 🔮

دي مصيبة كبيرة 😢
الإسلام جه علشان يحرر العقول والنفوس من الأوهام والأباطيل في أي صورة كانت
ومنها الكهانة والعرافة والتنجيم، وادعاء معرفة الغيب المستور

💡كفاية بس نقرأ الآيات والأحاديث علشان نعرف إن كل ده كذب
يقول الله تعالى في سورة النمل: "قُلْ لا يَعْلَمُ مَنْ فِي السَّمَاوَاتِ وَالْأَرْضِ الْغَيْبَ إِلَّا اللَّهُ وَمَا يَشْعُرُونَ أَيَّانَ يُبْعَثُونَ "

وفي سورة الجن يقول تعالى: "عَالِمُ الْغَيْبِ فَلا يُظْهِرُ عَلَى غَيْبِهِ أَحَداً . إِلَّا مَنِ ارْتَضَى مِنْ رَسُولٍ فَإِنَّهُ يَسْلُكُ مِنْ بَيْنِ يَدَيْهِ وَمِنْ خَلْفِهِ رَصَداً"

👈فوصف الله تعالى نفسه بأنه وحده عالم الغيب، وأنه لا يطلع على هذا الغيب أحدًا من خلقه، إلا من ارتضى من رسول، وأنه يعلمه منه بقدر ما تقتضيه مشيئته وحكمته.

وتقرأ في أحاديث لرسول الله صلى الله عليه وسلم: "من أتى عرافا فسأله عن شئ 👈 لم تقبل له صلاة أربعين ليلة"

و "من أتى كاهنًا فصدقه بما يقول،👈 فقد كفر بما أنزل على محمد صلى الله عليه وسلم"

والعراف والكاهن والمنجم كلهم من فصيلة واحدة، وهم الذين يدعون معرفة الغيوب والمضرات عن طريق الجن والنجوم وغيرها.

والحكاية بدأت من زمان فكان لكثير من الأمم اعتقادات في النجوم وتأثيرها في أحداث الكون، حتى ألّهها بعضهم وعبدوها من دون الله، أو أشركوها مع الله تعالى، ومن لم يعبدها صراحة أعطاها شيء من التقديس وخلاها في حكم المعبود! ☹️

ومن بقايا ذلك: الاعتقاد بأن ما يجري في عالمنا الأرضي من أموره، له صله بتلك النجوم العلوية، إيجابًا أو سلبا، وأن السعادة والنحس، والسرور والحزن، والغلاء والرخص، والسلم والحرب، مرتبطة بحركات الأفلاك وسير النجوم.🌒

❌وطبعا كل ده يرفضه الإسلام ،

فالنجوم ما هي إلا جزء من مخلوقات الله تعالى في هذا الكون العريض، والعلوية والسفلية بالنسبة لها أمور نسبية، وهي كائنات مسخرة لخدمتنا كما قال تعالى: "وَهُوَ الَّذِي جَعَلَ لَكُمُ النُّجُومَ لِتَهْتَدُوا بِهَا فِي ظُلُمَاتِ الْبَرِّ وَالْبَحْرِ قَدْ فَصَّلْنَا الْآياتِ لِقَوْمٍ يَعْلَمُونَ".

وقال تعالى: "وَسَخَّرَ لَكُمُ اللَّيْلَ وَالنَّهَارَ وَالشَّمْسَ وَالْقَمَرَ وَالنُّجُومُ مُسَخَّرَاتٌ بِأَمْرِهِ إِنَّ فِي ذَلِكَ لَآياتٍ لِقَوْمٍ يَعْقِلُونَ"

وقال: "وَلَقَدْ زَيَّنَّا السَّمَاءَ الدُّنْيَا بِمَصَابِيحَ وَجَعَلْنَاهَا رُجُوماً لِلشَّيَاطِينِ وَأَعْتَدْنَا لَهُمْ عَذَابَ السَّعِيرِ"

📢اذا علم "التنجيم" القائم على ادعاء معرفة الغيب علمًا جاهليًا مرفوضًا في الإسلام، ومعتبرًا من ضروب السحر

كما في حديث ابن عباس عن النبي صلى الله عليه وسلم: "من اقتبس شعبة من النجوم، اقتبس شعبة من السحر، زاد ما زاد".

〰🌸🍃〰🌸🍃〰

قناة 🌷همسات الأوابين

الشيخ حازم شومان كان بيقول (بكرا يااللي كنتي بتلبسي لبس آمهات المؤمنين والجو حر مش طايقه النقاب بس صابره عشان ربنا )..هتيجي علي باب الجنه تصوتي من الفرحه وأنتِ ماسكه إيد السيده فاطمه وعائشه وخديجه وأنتِ عارفه انك رايحه معاهم..🥺💙

واحدة سألت الشيخ
= ياشيخ هو اللي مش لابسين خمار هيتحاسبوا عليه؟
- هز راسه وقالها ااه
= ازاي يعني ما ممكن واحدة يكون لبسها فساتين وچيب وخمار لاء
- الخمار زي الصلاة فرض وانتهي..
*عشان اللي مش مقتنع إنه فرض وابقوا قولو ل ربنا إننا منعرفش إنه فرض ربنا هيرد عليكو لي مسمعتوش فلاني الفلاني قال إنو فرض ساعتها هتقفي ومش هتقدري تتكلمي*🙂💙

كفاك ففي الحشا صوت من الاشفاق نادانا🥺💔

يا مسلمه!
كلما ضاقت ملابسك ضاق قبرك.💔🥺

كونك مسلمة فـ انتِ مطالبة بالإلتزام بالزي الشرعي ..🌚💙
أما حكاية الدين فـ القلب وقلبي أبيض وربنا عالم بنيتي دي ملهاش علاقة بلبسك خالص لو تعلمي يعني ..💙
الحجاب واللبس الواسع فرض عليكي سواء كان قلبك أبيض أو اسود أو مخطط يفندم 🙂🙂🚶🏻‍♀️

لِبسك بيعبر عن أبوكِ وأخوكِ ودينك، ورا كُل بنت مُتبرجة؛ بيت مُحطم دينيًا.

- حازم شومان🌍💙

_ الحجاب مش مستوى اجتماعي
_ الحجاب مش عادات وتقاليد
_ الحجاب مش ستايل لبس

الحجاب فرض يعني جنة ونار
نركز 👀💙

"سيب البنت تعيش سنها دى لسه صغيره"!!
جمله أنجبت لينا جيل من الكاسيات العاريات.

نسأل الله الهداية لنا جميعاً💙

منقول بحب وعز وفخر ودعاء عريض بالثبات والصدق والإخلاص

_

"كل شخص يمشي على هذه الأرض يعيش قصة إبتلاء قد تكون لك ظاهرة، وقد تكون خفيّة يتوارى فيها عن أنظار الناس ويعيش هذا الابتلاء بينه وبين ربّه،

ولا أحد سيسلم من الإختبار!
ومتى ما عرف المرء الغاية من الابتلاء واستشعر أن الدنيا محطة عبور.. سكن قلبه واستراح.

ومن يَتصبَّر يُصبِّره الله.

- مقتبس.

صباح التوكل على الله 🤍

(لنختم القرآن سماعا)

الورد ( ١٣٣)

(الربع الأول & الحزب الرابع والثلاثين)

#القارئ: خالد إسماعيل
#ليدبروا على التليجرام
#صباحكم_قرآنٌ_يُتلى

الأخيار يحفظون الأسرار.
الشيخ: محمد الشنقيطي.

#قصص_الأنبياء
#الحلقة_الرابعة_والأربعون
#قصة_عُزَير
#مقدمة_عن_ذي_القرنين

وقفنا المرة إللي فاتت عند بُخْتُنصّر لما أدخل أسدين مع النبي دانيال في بئر كبير عشان ياكلوا ويقتلوه وهو صاحي،
لكن سبحان الله الأسدين لم يؤذياه بالعكس ده قعدوا يلحسوا فيه😮
ربنا أيّد نبيه بمعجزة من عنده تُثبت إنه نبي 👌

☆وطبعا بُخْتُنصّر مش مستوعب إللي حصل ده😳
ماهو أصله مش فاهم إن كل المخلوقات ماتقدرش تعمل حاجة إلا بأمر ربنا وإن ربنا هو مُسبب الأسباب ومالك الملك يقدر ينزع الأسباب ويعطلها في الوقت إللي يريده،
ميعرفش إنما أمره إذا أراد شيئا أن يقول له كن.. فيكون.. ميعرفش:
" إن الأمة لو اجتمعت على أن يضروك بشيء لن يضروك إلا بشيء قد كتبه الله عليك"👌
خرج دانيال من البئر سليم مُعافى😊
فعمل خاتم ونقش على الفص بتاعه صورة رجل بين أسدين والأسدين بيلحسوه، عشان مينساش نعمة ربنا عليه بإنه أنقذه في الوقت العصيب ده👌
من ضمن إللي بيُحكَي في قصة النبي دانيال، إن بُخْتُنصّر شاف رؤيا ونسيها، فسأل عنها دانيال،
فحكاها له دانيال زي ما شافها وفسرها له كمان، وكان تفسيرها بشارة ببعثة رسول الله ﷺ، وإن مُلك أمة التوحيد والإسلام هيبلغ مشارق الأرض ومغاربها👌

◇قصة دانيال عليه السلام👆 من الإسرائيليات التي لا تُصدق ولا تُكذب،
لكن الصحابة لما فتحوا مدينة تُسْتَر في فتوح فارس،
ودخلوا بيت مال الهُرمُزان إللي هو قائد الجيش الفارسي في معركة القادسية،
لقوا فيه تابوت، كان جواه جثة لرجل أنفه طولها ذراع، كان أهل الفرس لما ينقطع عنهم المطر كانوا بيستسقوا بجثة الراجل ده،
فأرسل الصحابة لعمر بن الخطاب رضي الله عنه يحكوا له عن قصة الجثة دي،
فقال لهم عمر: إن ده جسد نبي لإن الأرض والنار مش بياكلوا أجساد الأنبياء..
ولما لقوا الخاتم في يده، الصحابة سألوا الناس عنه، فالناس قالوا لهم إن دانيال ده كان ملك من الملوك السابقين أسَره وحصل كذا كذا.. وحكوا لهم حكايته مع الأسدين إللي على الخاتم،
فعرف الصحابة إنه النبي دانيال..
وحفر المسلمون ثلاثة عشر قبرا في النهار،
ودفنوا جثة النبي دانيال في واحد منهم بالليل عشان محدش يعرف مكانه ويطلعه تاني، ويحافظوا على التوحيد،
ويُبطلوا عبادة التوسل بالأموات إللي تعتبر شرك بالله تعالى👌
☆بالمناسبة :
مدينة تُسْتَر بالفتح، مع إن معظمنا كان بيمسعها بالضم "تُستُر" لكن لما بحثنا عنها بالتشكيل، لقينل الموجود كان بالفتح في تفسير ابن كثير، ومكنش موجود بالضم خالص.. فهل هي ليها تشكيلين ، واحد بالضم وواحد بالفتح؟ الله أعلم🤷‍♂️
لكن المؤكد إن التشكيل بالفتح ثابت👌

نرجع بقى شوية لبيت المقدس بعد خروج بُخْتُنصّر منه..
أصبح بيت المقدس خراب والناس مقتولين فيه، فمرّ على بيت المقدس رجل صالح من بني إسرائيل،
وكان راكب على حمار بتاعه، وكان معاه سلة فيها أكل يخصه.. كان فين ورايح فين؟ محدش يعرف
لكن المهم إنه لما دخل المدينة وشاف الناس مقتولة والمدينة خراب، قال في نفسه وهو بيتعجب:
إزاي الناس دي ربنا هيحييها مرة تانية😮
هو مكنش بيشك في قدرة ربنا.. لكنه كان مستغرب🤔
، ويقال إن اسمه أَرميا النبي إللي اتكلمنا عنه المرة إللي فاتت أو إنه اسمه عُزيْر إللي احنا عارفينه من القرآن،
بس العلماء اختلفوا هل عُزَير ده رجل صالح ولا نبي🤔
لكن المشهور عند أهل التفسير إنه رجل صالح واسمه عُزَير،
فلما شاف عُزيْر خراب المدينة وشاف كمية جثث القتلى وشدة المقتلة فيهم، استغرب إزاي ربنا هيرجع الأرض دي عمار مرة تانية😮
"أَوْ كَالَّذِي مَرَّ عَلَىٰ قَرْيَةٍ وَهِيَ خَاوِيَةٌ عَلَىٰ عُرُوشِهَا قَالَ أَنَّىٰ يُحْيِي هَٰذِهِ اللَّهُ بَعْدَ مَوْتِهَا"
فربنا توفاه لمدة 100 سنة، ثم أحياه من تاني.. وخلال المائة سنة دي أحداث كتيير حصلت...
بختنصر كان مات خلاص،
وحصلت معركة بين أهل بابل في العراق وبين الفُرس في إيران، وانتصر الفُرس على البابليين بمساعدة اليهود إللي كانوا في بابل عبيد زي ما قلنا،
وضم الفُرس حُكم فلسطين للدولة الفارسية، وانتهى الحكم البابلي العراقي لفلسطين، ودخل فيها الحُكم الفارسي..
وكان بعض اليهود رجعوا لأرض فلسطين في الوقت إللي هي فيه تحت الحكم الفارسي، وبدأوا يعمَّروا المدينة مرة تانية....
كل ده وعُزير ميت
فبعد ما المائة سنة خلصوا ربنا بعثه وأحياه من تاني.. فلما قام، كان متخيل إنه نام كام ساعة بس كده،
فربنا سأله على لسان ملك من الملائكة في هيئة بشر يعني غالبا: انت بقالك أد إيه نايم؟
رد عُزير : يوم أو جزء من يوم🤔..
"قَالَ كَمْ لَبِثْتَ قَالَ لَبِثْتُ يَوْمًا أَوْ بَعْضَ يَوْمٍ"
فقال له: انت فاهم غلط، انت بقالك 100 سنة نايم،
"قَالَ بَل لَّبِثْتَ مِائَةَ عَامٍ"
وعشان تتأكد من كلامي بُص للأكل إللي معاك كده وبص على حمارك،
ويُقال إن كان معاه عنب وتين وعصير،
فلما بص عليهم لقى كل حاجة زي ماكانت كإن فعلا عدى عليهم كام ساعة فقط زي ما هو نفسه قال، فاستغرب إزاي بتقول 100 سنة ومفيش حاجة اتغيرت

"فَانظُرْ إِلَىٰ طَعَامِكَ وَشَرَابِكَ لَمْ يَتَسَنَّهْ"
لكن لما بص على حماره لقاه بقى عضم كإنه فعلا ميت بقاله سنيين طويلة،
فنادى المَلَك على عظام الحمار فاستجابت وبقت تركب على بعضها لوحدها، وعُزير واقف مذهول إزاي في لحظات المَلَك ألبس العظام بالعروق والأعصاب واللحم وبعدين الجلد لحد ما أحيا الحمار من تاني بإذن الله..
"وَانظُرْ إِلَىٰ حِمَارِكَ وَلِنَجْعَلَكَ آيَةً لِّلنَّاسِ ۖ وَانظُرْ إِلَى الْعِظَامِ كَيْفَ نُنشِزُهَا ثُمَّ نَكْسُوهَا لَحْمًا"
"فَلَمَّا تَبَيَّنَ لَهُ قَالَ أَعْلَمُ أَنَّ اللَّهَ عَلَىٰ كُلِّ شَيْءٍ قَدِيرٌ" 👌
وهو ده "عينُ اليقين" إللي اتكلمنا عنه قبل كده في قصة طلب إبراهيم عليه السلام من ربنا إنه يُريه كيف يُحي الموتى😊
ركب عُزَير على حماره ومِشي وسط الناس ، فاستغربهم واستغربوه! مين ده! ومين دول!😳
كل حاجة متغيرة !... فحاول إنه يخمن مكان بيته، لحد ما وصل عند بيت وكان على باب البيت امرأة عجوز ،
فسألها ده بيت عُزير؟ فبكت المرأة العجوز وقالت:
بقالي زمن ماسمِعتش حد بيقول اسم عُزير، الناس هنا كلهم نسيوه خلاص..
فقال لها : أنا عُزير ..ربنا أماتني 100 سنة وبعدين بعثني تاني النهاردة، فالمرأة العجوز أخدته وراحت بيه لمجلس بني إسرائيل عشان تقول لهم عنه، والمرأة دي كانت أَمَة من الإماء بتخدم في بيت عُزير من زمان،
حكت لهم القصة بتاعته، فطبعا بنو إسرائيل مصدقوش كلامها..
وكان من ضمن اللي سمعوا الحكاية منها هناك ابن عزير ، فقال:
إن أبي بين كتفيه شامة سوداء... يعني زي علامة لونها إسود كده ومميزة وأنا عارفها من زمان🤔
فكشف عُزَير عن كتفه، فشافوا العلامة وعرفوا إنه عزير!
وكان عُزير أعلم واحد فيهم بالتوراة بعد ما كان حرَّقها وأفناها بُختنصر،
ففرحوا بيه جدا وكان بالنسبة لهم آية عظيمة جدا بالفعل زي ما ربنا كان قال في قصته من شوية " َلِنَجْعَلَكَ آيَةً لِّلنَّاسِ".. يعني كل إللي عاش وسطيهم من نفس جيله كلهم عجائز، حتى الأَمَة إللي خدمت في بيته، وحتى ابنه إللي كان أصغر منه،
كلهم عواجيز إلا هو فقط إللي شاب، على هيئته من يوم ما اختفى👌
بني إسرائيل يعملوا إيه بقى😬
مش مثلا يزدادوا إيمانا بالله بسبب المعجزة دي..! لأ، ده قالوا : عُزَير ابن الله😐
☆يعني إللي في دمهم في دمهم😑
لكن الحق يتقال برده، دي كانت طائفة معينة فقط من اليهود إللي قدسوا عُزير وقالوا إنه ابن الله، وكان منهم يهود المدينة إللي كانوا على عهد رسول الله ﷺ، سبحانه وتعالى عما يقولون علوًّا كبيرا..
و في الأزمان إللي جت بعد عزير اليهود تبرأت من القول ده،
لكن في الأصل القول ده كان موجود فيهم ومنشأه كان من عندهم👌
إيه إللي حصل لعُزير بعد كده ..وعاش كم سنة...؟
الله أعلم 🤷‍♂️
مفيش أخبار عن الموضوع ده؛ لأن زي ماحنا عارفين إن ربنا بيحكي لنا أخبار الأمم السابقة عشان ناخد منها العبرة💁‍♂️
يعني لما نقرأ أي قصة من قصص الأنبياء في القرآن، لازم تسيب أثر في حياتنا بالعبرة إللي أخدناها منها فعلا ،
ونبدأ على أساسها نتغير للأحسن للي يرضي ربنا عنا،
وإلا العبر دي كلها هتكون حُجة علينا يوم القيامة بدل ما تكون حجة لنا👌

عاش بنو إسرائيل في بيت المقدس تحت الحُكم الفارسي حوالي 207 سنة 🤔،
لحد ما غزا القائد الروماني الكبير الإسكندر المقدوني فلسطين، وأزال الحكم الفارسي، وبدأ الحكم الإغريقي في فلسطين...
وبنو إسرائيل كل الفترات دي محكومين وتابعين لكل الحكام إللي بيحكموا فلسطين👌

☆إيه ده😳...معنى كده إن الإسكندر المقدوني ده هو ذو القرنين😲

هو في ناس بتخلط بين الاتنين وبتقول إن الإسكندر الأكبر ده هو ذو القرنين
والكلام ده غير صحيح .. لإن الإسكندر المقدوني الإغريقي كان كافر بيعبد الأصنام، زيه زي الدولة الفارسية بالضبط👌
ولكن على الرغم من كفره إلا إنه كان ملك عادل ولعل ده إللي بيخلي الناس تلخط بينهم..
وفترة حكمه لفلسطين إللي كانت مدتها ٢٦٩ سنة، كان فيها علوم كتير وازدهار في جوانب المعيشة وغيره، بشكل أبهر اليهود إللي كانوا في فلسطين، فبدأوا يتعلموا لغة الإغريق وثقافتهم..
وانقسم اليهود لفرقتين:
الفرقة الأولى: فرقة متأَغرقة، يعني بتتبع الإغريق في كل حاجة حتى الوثنية 🤦‍♂️
☆يعني مش مثلا ياخدوا الحلو ويسيبوا الوحش، لأ، ده أخدوا كل شيء عن الإغريق😑
مش بس يتعلموا ثقافة الإغريق وعلومهم، لأ أخدوا عنهم كمان عبادة الأوثان، وهمّ أصلا أهل كتاب وعندهم الأنبياء،
ومش بس كده بقى، دول حرَّفوا التوراة إللي هي مُحرّفة أصلا من قبل كده عشان توافق ثقافة الإغريق
مش لازم يشجعوا تجديد الخطاب الديني زي عندنا كده😬 وكإن تجديد الخطاب الديني معناها نسف أعمدة وأركان الدين الأولاني وإقامة بيت جديد على أنقاضه😑
يمكن حِجتهم في ده زي حِجة بعض المسلمين في زماننا إللي بيتبعوا الغرب في كل حاجة برده و بيقلدوهم حتى لو كان في أمر فيه مخالفة للعقل والمنطق والفطرة السليمة ،

المهم ده كان حال الفرقة الأولى المتأغرقة...

الفرقة الثانية بقى: هي إللي فضلت على التوراة المُحرفة التحريف العادي

◇التوارة اتحرفت لأنها اتكتبت بعد موت موسى عليه السلام بسبعمائة سنة 😮
فقعدوا يجيبوا كلمة من هنا على كلمة من هنا...واحنا شفنا أصلا أخلاق بني إسرائيل كانت عاملة إزاي😑
فكانوا يزوّدوا وينقصوا باللي يوافق هواهم،
وكانوا بدأوا بكتابة التوراة لما راحوا العراق أسرى وكان بختنصر حرق لهم التوراة زي ما قلنا المرة إللي فاتت،
وكان قائد الفرقة التانية دي واحد اسمه "يًهُوذا المُكابِي"، واليهود بيعتبروه بطل لإنه ثبت واتمسّك بالتوارة –المحرفة قديما أصلا- في ظل اتِّباع معظم باقي اليهود في أرض فلسطين للإغريق والتوراة المحرفة حديثا

استمر حكم الإغريق ٢٦٩ سنة زي ما قلنا لحد ما في دولة كبيرة جدا في الوقت ده وهي الدولة الرومانية غزت فلسطين ودخلت فيها وحكمتها وحكمت اليهود إللي فيها،
وكان اليهود من أيام ما ساعدوا الفُرس وهم عندهم زي حُكم ذاتي كده🤔
لكن لما الدولة الرومانية غزت فلسطين قضت على الحكم الذاتي بتاع اليهود ده، وأصبح اليهود تابعين لحكم الدولة الرومانية👌
بعد حوالي ثلاثين سنة، دخل في اليهودية زعيم من الزعماء الرومان اسمه "هيرُودِس"،
والزعيم ده كان ظالم وفاسد وشديد البطش بسكان فلسطين بما فيهم اليهود، وكان الجميع بيكرهوه😑
لكن من أعماله إنه جدد بناء المسجد الأقصى ووسّعه..
وكان هيرودس حاكم لفلسطين في زمن زكريا ويحيى عليهما السلام إللي هنعرف قصتهم إن شاء الله بعد ما نتكلم عن بعض قصص حصلت في بني إسرائيل قبل زكريا عليه السلام😊

طيب إيه حكاية ذي القرنين بقى🤔

ده إللي هنعرفه الجزء الجاي إن شاء الله 😁


#Eman_Shalapy

📮أتوب و أرجع للذنب فما الحل ؟


الشيخ : #سامي_هوساوي

‏قال الشيخ ابن عثيمين رحمه الله :

‏إسأل نَفسَك عن الصلاة في وقتها والمُحافظة عليها، خصوصًا صلاة الفجر.

‏ إن كنت من أهلها وبانتظام فاعلم أنَّك مُؤمن ليس بَينَك وبينَ الجنَّة إلَّا أن تَموت ..

‏وإن كُنتَ ضيَّعتَها فسَارع إلى إنقاذِ نَفسك.

فريق👈🏻أنتِ ملكة👑

⚠️محرمات منتشرة ... تبعدنا عن الجنة⚠️

📌4- اعتقاد النفع في أشياء لم يجعلها الخالق عز وجل كذلك:

كتير من الناس بتعتقد وجود حاجات بتمنع الحسد مثل الخرز الأزرق
والكف وحدوة الحصان وغيرها 😳

⁉️لكن إنت مش عارف إن كل الكلام ده من خرزة زرقاء وكف وحدوة الحصان ونعل الحذاء اللي بتعلقها في البيت أو العربية والخيط اللي بيتحط في الايد حرام ؟ 😨

💥وفاعل ذلك إن اعتقد أن هذه الأشياء تنفع أو تضر من دون الله فهو مشرك شركاً أكبر,( يعني يخرج من الاسلام )

💥وإن اعتقد أنها سبب للنفع أو الضرر, فهو مشرك شركاً أصغر

عرفت إن الموضوع مش سهل ؟ 😫

🌴عن عبد الله بن مسعود رضي الله عنه قال : سمعت رسول الله صلى الله عليه وسلم يقول : "إن الرقى والتمائم والتوَلة شرك"

🌴وعن عقبة بن عامر الجهني أن رسول الله صلى الله عليه وسلم أقبل إليه رهط فبايع تسعة وأمسك عن واحد فقالوا : يا رسول الله بايعتَ تسعة وتركت هذا ، قال : " إن عليه تميمة ، فأدخل يده فقطعها فبايعه وقال : مَنْ علق تميمة فقد أشرك" .

💡والمقصود بالرقى الرقى بغير ما ورد به الشرع، أما ما ورد به الشرع فليست من الشرك.

♨️والتمائم : جمع تميمة و التميمة : خرزات كانت العرب تعلقها على أولادهم يتقون بها العين في زعمهم فأبطلها الإسلام

♨️والتولة: شيء يعلقونه على الزوج، يزعمون أنه يحبب الزوجة إلى زوجها والزوج إلى امرأته

ليه دايما بنسيب الحاجة اللي ربنا شرعها لينا وفيها الخير
ونروح لحاجات لا تنفع ولا تضر وكل اللي بنستفيد منها إننا ناخد ذنوب وخلاص؟ 😡

في حاجات ربنا شرعها لينا تحمينا من الحسد

🌾هنقرأ حاجات بسيطة وسهلة :

🔹قراءة الفاتحة مرة أو سبع مرات كما ثبت في الصحيح

🔹قراءة أول خمس آيات من سورة البقرة

🔹قراءة آية الكرسي

🔹قراءة سورة الكافرون والإخلاص والمعوذتين

🌾ثم قراءة الأوراد النبوية المأثورة الثابتة عنه صلى الله عليه وسلم :

🔸عن أبي سعيد الخدري - رضي الله عنه – : ( أن جبريل - عليه السلام - أتى النبي صلى الله عليه وسلم فقال : يا محمد ! اشتكيت ؟ فقال : ( نعم ) ، فقال جبريل – عليه السلام - : (باسم الله أرقيك من كل شيء يؤذيك من شركل نفس أو عين حاسد الله يشفيك باسم الله أرقيك )

🔸كان النبي صلى الله عليه وسلم : ( يعوذ الحسن والحسين ويقول : إن أباكما كان يعوّذ بها إسماعيل وإسحاق أعيذكما بكلمات الله التامة من كل شيطان وهامة ومن كل عين لامة )

🔸وعن عبدالرحمن بن خنبش - رضي الله عنه - قال : قال رسول الله صلى الله عليه وسلم : ( أتاني جبريل ، فقال : يا محمد ! قل قلت : وما أقول؟ قال : قل : أعوذ بكلمات الله التامات ، التي لا يجاوزهن بر ولا فاجر ، من شر ما خلق ، وذرأ ، وبرأ ، ومن شر ما ينزل من السماء ، ومن شر ما يعرج فيها ، ومن شر ما ذرأ في الأرض ، وبرأ ومن شر ما يخرج منها ، ومن شر فتن الليل والنهار ، ومن شر كل طارق يطرق ، إلا طارقا يطرق بخير ، يا رحمن ! )

🔸عن عائشة - رضي الله عنها - قالت : ( كان رسول الله صلى الله عليه وسلم إذا اشتكى رقاه جبريل قال : بسم الله يبريك ، من داء يشفيك ، ومن شر حاسد إذا حسد وشر كل ذي عين )

⚠️ومش شرط قراءة كل الأوراد دي بل حسب القدرة والاستطاعة وبعدين يُنفث في اليد ويمسح الرأس و الجسم.

〰🌸🍃〰🌸🍃〰
قناة 🌷همسات الأوابين🌷

كيف نتخلص من النمل في البيت 🌟

🌟🍃

*‏حسبُنا أنّنا عبادٌ لله،*
نعيشُ في كنفه وتدبيره،
إذا ألمَّت بنا المُلمّات لجأنا إليه
ولا حيلة لنا إلا ذاك؛
فلا ربّ لنا سِواه،
ولا حول ولا قوّة لنا إلا به...!

#الوتر_مناجاه& صيــام الاثنين ياأهل الريان....