#قصص_الأنبياء(٢)
#السيرة_النبوية
#الحلقة_الثامنة_والخمسون
#قبل_معركة_بدر

اتكلمنا المرة إللي فاتت عن تجهيزات جيش مكة لحرب المسلمين، وشوفنا في المقابل قلة تجهيزات الجيش الإسلامي بقيادة رسول الله ﷺ،
وصل جيش مكة لمكان اسمه العُدْوة القصوى يعني جنوب وادي بدر،
ووصل رسول الله ﷺ للعُدْوة الدنيا يعني للجزء الشمالي منه،
وفي نفس الوقت ده كانت قافلة أبو سفيان موجودة على نفس خط الجيشين،
يعني هم الثلاثة كانوا على ثلاث خطوط متوازية ||| ومحدش يعرف حاجة عن الثاني 😮
شوفوا وصف ربنا في القرآن:
"أَنتُم بِالْعُدْوَةِ الدُّنْيَا وَهُم بِالْعُدْوَةِ الْقُصْوَىٰ وَالرَّكْبُ أَسْفَلَ مِنكُمْ ۚ وَلَوْ تَوَاعَدتُّمْ لَاخْتَلَفْتُمْ فِي الْمِيعَادِ ۙ وَلَٰكِن لِّيَقْضِيَ اللَّهُ أَمْرًا كَانَ مَفْعُولًا"
دلوقتي محتاجين نعرف مكان الجيش بالضبط، فخرج رسول الله ﷺ بنفسه ومعاه أبو بكر الصديق في عملية استكشافية وعرفوا مكان الجيش إللي كان في العُدوة القصوى،
١_استعدي بالمراجعة لكن رسول الله ﷺ معرفش عددهم كان كم بالضبط، ولا عدد قادتهم ولا وضع الجيش الداخلي كان إيه🤔
فأرسل زي ما تقولوا فرقة استكشافية صغيرة
كان فيها علي بن أبي طالب والزبير بن العوام وسعد بن أبي وقاص،
قدرت الفرقة دي إنها تمسك غلامين من جيش قريش، فأخذوهما وراحوا لرسول الله ﷺ،
وبدأ يسألهم عن الجيش وعددهم أد إيه، فقالا له : احنا منعرفش😕
فسألهم : طيب هم بيذبحوا في اليوم كم بعير، يعني بيذبحوا كم جمل عشان يأكلوا؟
فقالا له: يوم بيذبحوا تسعة ويوم بيذبحوا عشرة🤔
فقال رسول الله ﷺ :
عدد الجيش ما بين التسعمائة والألف👌
لأنه كان من المعروف عندهم إن المائة شخص بيكفيهم جمل واحد😉
فسألهم رسول الله ﷺ:
فيهم مين من أشراف قريش؟!
فقالا له: عتبة بن ربيعة وشيبة بن ربيعة
《فاكرينهم وفاكرين إرسالهم لعدّاس لرسول الله ﷺ لما كان في الطائف》
أمية بن خلف وأبو جهل بن هشام، وعقبة بن أبي مُعيط.

فكده كل قادة المشركين موجودين في الجيش وعرف رسول الله ﷺ أعداد جيش المشركين وأنهم ثلاثة أضعاف جيش المسلمين،
يبقى احنا محتاجين نعمل خطة عشان نعوض الفرق في العدد، احنا عددنا قليل بس عندنا إمكانيات تانية ممكن نستغلها
ومن الحاجات إللي ممكن نستغلها لمصلحتنا هي أرض المعركة👌
فاتجه رسول الله ﷺ لأرض بدر عشان يقيم معسكر المسلمين فيها،

،استقر رسول الله ﷺ في أرض بدر وجاء الليل، وفجأة نزل المطر😮
والمطر مع أرض رملية يعمل طين ويخلي الحركة صعبة😕
لكن ده محصلش مع المسلمين،
ربنا أنزل عليهم مطر خفيف هين، خلى الأرض متماسكة من تحت أرجلهم، وشربوا منه واغتسلوا،
في حين إن المطر نزل على معسكر المشركين شديد جدا وبقت الأرض مطينة عندهم وعملت برك مية خلتهم مش عارفين يتحركوا

تخيلوا بقى المسلمين هيواجهوا جيش ثلاثة أضعاف عددهم،
فالطبيعي إنهم يكونوا قلقانين وبيفكروا ومش عارفين يناموا،
وخصوصا إن دي أول معركة حقيقية للمسلمين👌
يعني هم في السرايا والغزوات إللي قبل كده كانوا بيخرجوا من المدينة عشان يعترضوا قوافل قريش، بس مكنش بيحصل مواجهة بينهم وبين القوافل إللي كانوا بيخرجوا عشانها،
وطبعا استفادوا كثير من السرايا والغزوات دي بإنهم كسروا الحاجز النفسي إللي كان عندهم، متخليني بقالهم أربعة عشرة عام لم يقاتلوا،
فكانت السرايا والغزوات دي زي فترة تدريب سواء تدريب نفسي أو جسدي فهم تدربوا على ركوب الخيل وعلى التخطيط للمعارك وعلى فنون القتال،
فكل ده كان تمهيد للمعركة الكبيرة إللي هتحصل 👍🏻

فالمفروض إن اي أحد في موقفهم ميشوفش النوم🤷‍♀️
لكن إللي حصل كان غير كده، الجيش كله نام😳
ربنا جعل المسلمين كلهم يناموا بما فيهم الحرس إللي كان بيحرس جيش المسلمين😯
ربنا أنزل عليهم الأمان وهدوء الأعصاب محدش بقى يفكر في عدد ولا طريقة قتال ناموا مرتاحين البال ولا كأنهم في أرض معركة

معسكر المشركين بقى كان مضطرب من البداية أصلا👌
أمية بن خلف مكنش عايز يقاتل، والأخْنَس بن شُرَيق انسحب أصلا،
والناس مترددة مش عارفين هيقاتلوا ليه بعد ما القافلة خلاص بقت في أمان،
لدرجة إن عتبة بن ربيعة وهي سيد من سادات مكة وكان رافض إنه يقاتل رسول الله ﷺ قال للناس:
يا جماعة اسمعوا كلامي، إنتم لو دخلتم في معركة مع المسلمين هتقتلوا منهم ناس،
والناس دي إما آباءكم أو أبنائكم، وكل واحد هيبص للثاني ويقول له إنت إللي قتلت أخي أو أبي يوم بدر فيكره بعضكم بعض ،فخلوها في رقبتي وارجعوا👌
فغضب أبو جهل وقال : واضح إنك جبان😤
هو محمد وأصحابه إيه غير مائة رجل هنخلص عليهم في قاعدة😏
فقال له عتبة بن ربيعة: بكرة تعرف مين الجبان إللي هيودي قومه في داهية😑

ووجه عتبة الكلام لقومه وقال لهم : والله كأني شايفهم بيضربوكم وبيقضوا عليكم😓
طبعا الكلام ده قصاد الناس كلها ، فده أثر على نفسيتهم بالسلب، يعني القادة عمالين يتخانقوا ومترددين أمّال احنا الجنود نعمل إيه😶

والموضوع موقفش على كده، جاء حكيم بن حزام إللي كان شارك في نقض الصحيفة لو تفتكروا
وقال لعتبة بن ربيعة:
تحب إنك تاخد شرف إنك حميت الناس من القتل إللي ممكن يحصل لهم النهاردة
فقال له عتبة : أعمل إيه؟
فقال له حكيم:
إنتم عايزين من محمد دم عمرو بن الحضرمي إللي قُتل في سرية نخلة صح، خلاص ادفع إنت لأهله الدية بتاعته وترجع بالناس🤷‍♀️
فقال له : أنا معنديش مشكلة، المشكلة في أبو جهل فانت روح له وقل له :
إيه رأيك ترجع بالناس إللي معاك دي عن ابن عمك؟

فراح حكيم بن حزام لأبي جهل وكلمه، فرد عليه أبو جهل وقال له: وهو عتبة ملقاش حد غيرك يبعته😏
فقال له حكيم: أه ملقاش غيري، وإنت بتتكلم عن سيد من سادات مكة على فكرة😒
فرفض أبو جهل الرجوع وصمم على القتال👌

راح واحد منهم عشان يشوف عدد المسلمين أد إيه، ورجع وقال لهم إنهم حوالي ثلاثمائة، وإن المسلمين شكلهم مش سهلين خالص، ومفيش واحد فيهم هيستسلم أو يقبل الموت إلا لما يقتل رجل منكم،
فلو مات مننا ثلاثمائة رجل يبقى إيه المكسب إللي احنا حققناه😕
فكروا كويس وخدوا القرار👌

التردد والقلق وعدم الاتفاق بين قادة المشركين كان سبب كبير في اضطراب جيش المشركين،
والقلق والحيرة دي طبعا منعتهم من النوم وخلتهم قلقانين ومش عارفين يعملوا إيه،
ناس طالعة تحارب وهي أصلا مش مقتنعة بالحرب دي، هتكون النتيجة عاملة إزاي😏
عدت الليلة على الفريقين زي ما شفنا وجاء صباح يوم المعركة.

اليوم بدأ إزاي، وإيه الأحداث إللي حصلت في معركة بدر،
ده إللي هنعرفه الجزء الجاي إن شاء الله😊



#السيرة_النبوية
#ايمان_شلبي

الدرس الرابع عشر🌺🌺
#مد_البدل👆👆

#تجويد

*صلاة العصر أثابكم الله*🤍

#الأربعون_النسائية

نسأل سؤالا

ماهو الأولى في الشرع طاعة الزوج أم الوالدين؟

طاعة كلٍّ مِن الوالِدَين والزَّوج واجِبٌ شَرعِيٌّ ، فإذا استطاعت المرأة أن تُطيع الجميع وتُرضي الكلَّ فبها ونعمت ، وإذا لم تَستَطعْ بأن تعارضت طاعة الزَّوج وأحد الوالدين أو هما معًا ، فالواجب على الزَّوجة حينئذ تَقديم طاعة الزَّوج في المعروف على طاعَتَيهما ، مادامت الزَّوجة باقيةٌ ولايَتُها في ذِمَّة زوجها ؛

وذلك لأنَّ نصوص طاعة الوالدين لا تتعارض مع نصوص طاعة الزَّوج ، وإنَّما كلٌّ بحسب الحال ،
وهو ما يُسمى عند العلماء بالتخصيص ، فطاعة الوالدين ثابتة مادامت ولاية المرأة تحت ولاية والديها ، فإذا انتقلت ولايتها إلى زوجها صارت الطَّاعة لازمة في حقِّها لزَوجها ، فهو انتقال حُكم من طرف إلى آخر ، وهذا لا يَعني إهمال حقوق الوالدين بعد الزَّواج بل إنَّ حقوقَ الوالدين باقِيَة قبل الزَّواج وبعده ، إلَّا أن طاعة الزَّوج في المعروف تُصبِح آكَدُ من طاعة الوالدين حين التَّعارُض.

نسأل أيضا
هل طاعة الزوج مطلقة؟
يعني في اي شيء مهما كان تطيعه؟

طاعة الزوج مقيدة بقيود ثلاثة:
1. أنها لا تكون في أمر فيه مخالفة للشرع ؛ فعن عليّ س أَنَّ النَّبِيَّ ﷺ قال ( لَا طَاعَةَ فِي مَعْصِيَةٍ ، إِنَّمَا الطَّاعَةُ فِي الْمَعْرُوفِ ).

2. أن تكون في استطاعة الزوجة ولا يلحقها فيها ضرر ؛ لقول الله تعالى: ﴿ لَا يُكَلِّفُ اللَّهُ نَفْسًا إِلَّا وُسْعَهَا ﴾.

وقوله تعالى: ﴿ وَمَا جَعَلَ عَلَيْكُمْ فِي الدِّينِ مِنْ حَرَجٍ ﴾،

ولقوله ﷺ : ( إِنَّمَا الطَّاعَةُ فِي الْمَعْرُوفِ ) .

وقوله ﷺ : ( لا ضرر ولا ضرار ).

3. وعند بعض العلماء أنها لا تكون واجبة إلا في أمور النكاح وما يتعلق به ، قال ابن نجيم الحنفي: لِأَنَّ الْمَرْأَةَ لَا يَجِبُ عليها طَاعَةُ الزَّوْجِ في كل ما يَأْمُرُ بِهِ إنَّمَا ذلك فِيمَا يَرْجِعُ إلَى النِّكَاحِ وَتَوَابِعِهِ خُصُوصًا إذَا كان في أَمْرِهِ إضْرَارٌ بها.

وعليه فلا حق للزوج في منع امرأته من فعل مباح لا يضيع حقًا من حقوقه ، فليس له منعها من أكل ما تريد من الحلال ، إلا إذا كان يمنعه من الاستمتاع بها ، كأكل ما له رائحة كريهة ، مع أن في هذا الحكم عند أهل العلم خلافًا.

قال ابن قدامة -رحمه الله- : وهل له منعها من أكل ما له رائحة كريهة ، كالبصل والثوم ، والكرات؟ على وجهين ؛ أحدهما: له منعها من ذلك ؛ لأنه يمنع القبلة ، وكمال الاستمتاع.
والثاني: ليس له منعها منه ؛ لأنه لا يمنع الوطء. المغني لابن قدامة.
وليس له منعها من لبس ما يباح لها في غيبته ، وليس له أن يجبرها على الخروج للكسب ، ولو شرط عليها ذلك في العقد ؛ لكن من حقه منعها من الخروج للكسب أو غيره ، ولو كان خروجها لعمل أو غرض مباح وليس فيه ما يخالف الشرع ، أو يخل بحق الزوج ، وذلك أن من حق الزوج على زوجته أن تلزم بيته ولا تخرج منه إلا بإذنه ، إلا إذا كانت قد اشترطت عليه في العقد أن يأذن لها في الخروج للعمل ، ولم يكن في خروجها مخالفة شرعية ، فلا حقّ له حينئذ في منعها .

نسأل سؤالا آخر له علاقة بالزوج والزوجة ولكن هذه المرة في المعاملات المالية

إذا كان للزوجة مالًا خاصا فهل يجوز لها التصرف فيه بغير إذن زوجها؟

باب لا يجوز للمرأة هبة أو عطية في مالها إلا بأذن زوجها:
قال رسول الله ﷺ : ( لا يجوز للمرأة أمر في مالها إذا ملك زوجها عصمتها ).

لا شك أن الحر البالغ العاقل الرشيد يجوز له التصرف في ماله مطلقًا في حال الحياة سواء أكان بالبيع أو الإجارة أو الهبة أو الوقف وسائر أنواع التصرفات وهذا لا خلاف فيه عند أهل العلم.

ولا خلاف بين أهل العلم أيضًا أن الزوج ليس له حق الاعتراض على زوجته فيما إذا كان تصرفها في مالها بعوض كالبيع والإجارة ونحوها إذا كانت تلك المرأة رشيدة جائزة التصرف وليست ممن يخدع في المعاملات عادة .

واختلفوا هل لها الصدقة أو الهبة بجميع مالها أو بعضه بدون إذن الزوج:
القول الأول : إن الزوج له حق منعها فيما زاد على الثلث وليس له الحق فيما دون ذلك وبه قال المالكية والحنابلة على إحدى الروايتين .

القول الثاني : للزوج منع زوجته من التصرف مطلقًا أي سواء أكان بالقليل أو بالكثير إلا في الأشياء التافهة وبه قال الليث بن سعد .

القول الثالث : منع المرأة من التصرف في مالها مطلقًا إلا بإذن زوجها وبه قال طاووس .

القول الرابع : للمرأة التصرف في مالها مطلقًا سواء كان بعوض أو بغير عوض أكان ذلك بمالها كله أو بعضه وبه قال الجمهور ومنهم الحنفية والشافعية والحنابلة ، وهو أعدل الأقوال .. وردّ الجمهور على الاستدلال بحديث : ( لا يَجُوزُ لامْرَأَةٍ هِبَةٌ فِي مَالِهَا إِذَا مَلَكَ زَوْجُهَا عِصْمَتَهَا ) ، بأنّ ذلك محمول على الأدب وحسن العشرة ولحقّه عليها ومكانته وقوة رأيه وعقله فيستحبّ للمرأة المسلمة إذن أن تستأذن زوجها - ولا يجب عليها - وتؤجر على ذلك .

عنْ أَبِي هُرَيْرَةَ قَالَ قِيلَ لِرَسُولِ اللَّهِ ﷺ أَيُّ النِّسَاءِ خَيْرٌ قَالَ (الَّتِي تَسُرُّهُ إِذَا نَظَرَ وَتُطِيعُهُ إِذَا أَمَرَ وَلا تُخَالِفُهُ فِي نَفْسِهَا وَمَالِهَا بِمَا يَكْرَه).

فهل يجوز للمرأة أن تأخذ من مال زوجها دون إذنه؟


#الأربعون_النسائية
#هبة_حلمي

جُرْعتك اليوميّة من القرآن تعطيك ذٰلك🌿

(لنختم القرآن سماعا)

الورد (٢٠٥)

(الربع الأول & الحزب الثاني والخمسين )

#القارئ: عبدالله بصفر
#ليدبروا على التليجرام
https://www.tg-me.com/GhRoooh/12116

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/LozAhr42uJY?feature=shared
#صباحكم_قرآنٌ_يُتلى

*لا تخاف إلا من آلله ياسر الدوسري _كلمات رائعة عن الخوف من الله*🌼🌼

#قصص_الأنبياء(٢)
#السيرة_النبوية
#الحلقة_التاسعة_والخمسون
#غزوة_بدر_الكبرى(١)
#بداية_المعركة

وقفنا المرة إللي فاتت عند صباح يوم معركة بدر، استيقظ المسلمون بعد ما ربنا جعلهم يناموا، وكان أول شيء رسول الله ﷺ عمله هو الدعاء،
أيوة احنا بناخد بالأسباب وبنعمل إللي علينا لكن من غير توفيق ربنا مش هيبقى في أي نتيجة كويسة👌

وهنلاقي إن الدعاء مستمر معانا على طول، يعني رسول الله ﷺ لما خرج من المدينة قعد يدعي ربنا للصحابة ويقول:
"اللهم إنهم حفاة فاحملهم، اللهم إنهم عراة فاكسهم،
اللهم إنهم جياع فأشبعهم"
ولما جاء قبل المعركة برده قعد يدعي ربنا بأنه يعطيه نصره إللي وعده به،
، يارب انصرهم يارب لو المجموعة دي هلكت مفيش حد هيعبدك، لأن في الأرض في الزمن مكنش في حد بيعبد ربنا غير المسلمين👌
فرسول الله ﷺ وهو رسول الله قعد يلح على ربنا في الدعاء،
حتى أبو بكر الصديق رضي الله عنه لما لقاه بيدعي بشدة قال له : يا رسول الله!
خفف شوية من الدعاء متخفش ربنا مش هيخلف وعده معاك!
ومكنش بس رسول الله ﷺ إللي بيدعي ده كل الجيش كان بيدعي وقلبه متعلق بالله، ودي أهم صفة من صفات الجيش إللي ربنا ينصره👌


ومش بس المسلمين هم إللي كانوا بيدعوا ،ده المشركين كمان كانوا بيدعوا ربنا تخيلوا😅
بيدعوا ربنا إنه ينصرهم على المسلمين😶
أبو جهل كان بيقول :
"يارب! محمد قطع الرحم وجالنا بدين إحنا منعرفوش، فانصر في المعركة دي الأحب والأقرب لك" 🤲

☆إنتم متخيلين بعد ده كله والسنين والمعجزات دي كلها في مكة وربنا قال عن المشركين إنهم عارفين إن رسول الله ﷺ صادق وهم إللي جحدوا.. أبو جهل بيدعي إن الأحب إللي الله هو إللي ينتصر😳
ده إنت لو بتدعي على نفسك مش هتقول كده🤦‍♀️
فحاجة من الإثنين:
يا إما أبو جهل بيدعي بالدعاء ده عشان يحفز الناس إللي معنوياتها صفر وكارهة القتال أصلا ويخليهم يعيشوا وَهْم إنهم على حق وبيقاتلوا في سبيل قضية عادلة،
وإنهم بيعملوا الخير للوطن وللعالم لما يقضوا على المسلمين إللي عايزين ينشروا الفساد في الأرض،
وإن المليار ونص عايزين يقتلوا الدنيا كلها عشان يعيشوا لوحدهم يا حرام🙄
أو إن أبو جهل من كثرة ما عاش دور إنه زعيم وبيقنع الناس بإن هو المُصلح وصاحب الأخلاق المدافع عن الحق صدق نفسه وإن هو عبقري زمانه😏

بدأ رسول الله ﷺ يجهز جيش المسلمين إللي هيقاتل المشركين👌
أول مرة العرب يتجمعوا تحت راية واحدة وتحت دين واحد،
جعلهم رسول الله ﷺ صفوف متساوية في منتهى النظام،
وهو بيصف الصفوف كان بيقول لهم الخطة إللي هيبدأوا بها القتال قال:
محدش يرمي السهام على المشركين إلا لما يقربوا منكم، عشان مترموش السهام وهم لسه بعيد
ومحدش يطلع سيفه من غمده إلا لما يقترب منكم الجيش جدا👌


المعركة خلاص قربت تبدأ ورسول الله بيرص الصفوف لقى في واحد من الصحابة طالع عن الصف، ومش واقف عدل🤨
فقال له رسول الله ﷺ:
استقم ! يعني قف في الصف مضبوط وكان في يد رسول الله ﷺ زي عود أو خشبة كده زقّه بها أو زي ما تقولوا ضربه بها،

فالصحابي ده وكان اسمه 《سواد بن غزية》من الأنصار
قال له : يا رسول الله أوجعتني😥
وإنت جئت بالحق والعدل ولازم تعطيني القصاص😤

☆سواد عارف إن رسول الله ﷺ هو أكثر واحد بيطبق شرع ربنا، ماهو هو إللي قال:
"من ضَرَب بسوط ظلما، اقتُصَّ منه يوم القيامة"
وقال للصحابة : أتدرون من المفلس؟
قالوا: المفلس فينا من لا درهم له ولا متاع، فقال:
إنّ المفلس من أمّتي يأتي يوم القيامة بصلاة وصيام وزكاة ويأتي قد شتم هذا، وقذف هذا،
وأكل مال هذا، وسفك دم هذا، وضرب هذا، فيُعْطَى هذا من حسناته، وهذا من حسناته،
فإن فنيت حسناته قبل أن يقضى ما عليه أُخِذَ من خطاياهم فطرحت عليه ثمّ طرح في النّار"

فسواد استغل إن رسول الله ﷺ هو اتقى الناس عشان يطبق ده،
والصحابة مستغربين من إللي سمعوا سواد بن غزية بيقوله، لرسول الله ﷺ وإنه إزاي بيطلب القصاص لنفسه🤨
يعني الموضوع بسيط وحاجة عادية مش مستاهلة القصاص وكمان ده رسول الله ﷺ قائد الدولة الإسلامية
وإنت عايز تقتص منه😳

رسول الله ﷺ بكل بساطة أعطاه العود عشان يقتص منه،
من غير ما يتكلم ولا كلمة،
ومش بس رسول الله ﷺ أعطى له العود، ده كمان كشف عن بطنه ﷺ لأنه لما ضرب سواد بالعود كانت بطنه مكشوفة فأراد إن الضربة تكون على الجلد مباشرة زيه بالضبط،

طبعا كل ده والصحابة شايفين الموقف 😢
فأول ما رسول الله ﷺ كشف عن بطنه وقال لسواد اقتص مني، قام سواد وحضن بطن النبي ﷺ وقبّله

فرسول الله ﷺ استغرب من إللي عمله وسأله:
إيه إللي خلاك تعمل كده يا سواد؟!
فقال له سواد :
يا رسول الله! إنت شايف الوضع إللي احنا فيه وأنا ممكن أموت فحبيت إن آخر حاجة تحصل لي إن جلدي يمس جلدك😊
سواد لم يمت في بدر، ولكنه لفت نظرنا لصفة ثالثة من صفات الجيش إللي ربنا بينصره، وهي إن القائد يكون متلاحم مع شعبه وجنوده،
لخصها رسول الله ﷺ في بيعة العقبة الثانية بكلمة :
"أنا منكم وأنتم مني" 👌

أنا أشتغل معاكم زي مانتم بتشتغلوا، أنا أتحمل الألم زيكم بالضبط،
احنا قلنا إن المسلمين لما خرجوا لغزوة بدر كانوا بيبدلوا بينهم على بعير واحد،
وكان رسول الله ﷺ بيبدل مع علي بن أبي طالب وصاحبي اسمه مرثد بن أبي مرثد،
فقالا لرسول الله ﷺ: يا رسول الله احنا هنمشي عنك وإنت خليك راكب على الجمل
فقال لهما رسول الله ﷺ : أنتما مش أقوى مني، ولا أنا مستغني عن الأجر، أنا عايز أجر زيي زيكم👌
فتخيلوا لما يكون القائد متداخل مع الجنود بالطريقة دي، هيحبوه أد إيه ويفدوه بأرواحهم

، قبل ما المعركة تبتدي خالص واحد من المشركين رمى سهم ناحية معسكر المسلمين فكان واحد اسمه حارثة بن سراقة بيشرب من حوض بئر بدر فأصابه السهم ومات وكان أول قتيل في غزوة بدر،
فكده هو مات قبل ما المعركة تبتدي، فهو وضعه إيه، هل يحسب شهيد ولا لأ🤔
حتى أمه الربيع بنت النضر أخت أنس بن النصر وعمة أنس بن مالك إللي هيكون خادم رسول الله ﷺ بعدين سألت رسول الله ﷺ عن حال ابنها وهل هو في الجنة ولا لأ،
فرسول الله طمنها وقال لها إنه مش بس دخل الجنة،
لأ ده كمان مكانه الفردوس الأعلى من الجنة👌

وقف الجيشين قصاد بعض، وراح واحد من المشركين أقسم إنه هيشرب من ماء بدر إللي هو ناحية رسول الله ﷺ وانطلق الرجل ناحية البئر، فاعترضه حمزة بن عبد المطلب فقطع رجله،
والرجل قعد يقاوم عشان عايز يوفي بقسمه لحد ما وصل للبئر وقبل ما يشرب قتله حمزة بن عبد المطلب،
كده دي أول نقطة في صالح المسلمين، رفعت معنوياتهم وغاظت المشركين خلت ثلاثة منهم يقوموا للمبارز👌
وكان من عادة العرب إنهم قبل ما يبتدوا بالحرب كان يخرج كم واحد من كل جيش يطلب المبارزة،
يعني رجل يخرج من الجيش ويقول للجيش المقابل اخرجوا لي واحد أبارزه رجل لرجل كنوع من الاستعراض يعني

مين الثلاثة إللي قاموا ؟
قام عتبة بن ربيعة وأخوه شيبة بن ربيعة وابنه الوليد بن عتبة وهم من أقوى وأشد فرسان مكة👌

☆عتبة بن ربيعة إللي كان لسه من شوية عمال يقول للناس ارجعوا قام أول واحد يقاتل المسلمين 😳

على الرغم من إن عتبة بن ربيعة كان صاحب أراء حكيمة،
وكان من الحكماء القلائل في قريش،
وشوفنا إزاي إنه لآخر لحظة عمال يقنع الجيش بإنه يرجع عن قتال المسلمين،
حتى رسول الله ﷺ لما شافوا من بعيد قبل بدء المعركة وكان راكب على جمل أحمر قال عنه :
"إن يكن في أحد من القوم خير فعند صاحب الجمل الأحمر، إن يطيعوه يرشدوا"
إلا إنه عنده مرض خطير مضيع معظم الناس للأسف، وهو مرض الإِمّعِية،
يعني بيمشي ورا الناس، إذا أحسنوا عمل زيهم وإذا أساؤوا أساء زيهم ،
قام عتبة بن ربيعة يدافع عن الباطل وهو عارف إنه باطل،
خرج ثلاثة من الأنصار عشان يواجهوا فرسان المشركين عتبة وشيبة والوليد،
فقالوا لهم:
احنا مش عايزينكم إنتم🤚
احنا عايزين أبناء عمنا نقاتلهم😤

فقال رسول الله ﷺ:
قم يا عبيدة بن الحارث، قم يا حمزة بن عبد المطلب، قم يا علي بن أبي طالب!
كل دول من أقارب رسول الله ﷺ👌
رسول الله ﷺ كقائد بيورينا بطريقة عملية إنه قبل ما يطلب حاجة خطر من جنوده كان هو مقدم أهله للخطر ده،

كل واحد بدأ يقاتل التاني في النص بين الجيشين، ، علي بن أبي طالب بارز شَيبة، و حمزة بارز عتبة ، وعبيدة بن الحارث بارز الوليد بن عتبة .
علي بن أبي طالب وعمه حمزة استطاعا قتل عتبة وشيبة ابنا ربيعة، ومات عتبة ولم تنفعه حكمته 😓
وعبيدة بن الحارث والوليد بن عتبة كل واحد ضرب الثاني فراح حمزة وعلي وكملوا على الوليد وقتلاه وأخذا عبيدة ورجعوا لجيش المسلمين،
وهنا بدأت المعركة وبدأ المسلمين والمشركين يقاتلوا بعض
هجوم شامل كاسح في كل المواقع، والمسلمين صوتهم بقي يعلي ويقولوا : أحَدٌ أحدْ، أحدٌ أحد،
الجو بقى مليان تراب من الحركة، أصوات السيوف العالية في كل مكان، ورسول اللهﷺ بيدعي للمسلمين، وبيشجعهم على القتال، ومن تشجيعه إنه قال لهم:
قوموا إلى جنة عرضها السماوات والأرض، والله إللي يقاتلهم اليوم ويقتل وهو صابر ومحتسب مُقبل غير مُدبر إلا أدخله الله الجنة👌
فواحد من الأنصار اسمه عُميْر بن الحمام سمع كلام رسول الله ﷺ وكان في إيده تمرات بياكلها فقال :
إيه ده يعني مفيش بيني وبين الجنة إلا إن الناس دي يقتلوني؟
والله تبقى حياة طويلة لو استنيت لحد ما أكل التمرات دي، ورماها من إيده وانطلق وسط المشركين وقعد يقاتل حتى قُتل شهيد رضي الله عنه،

في وسط المعركة وكان عبد الرحمن بن عوف بيقاتل فكان جنبه شابين من شباب الانصار صغيرين في السن،
هما معاذ ومُعوّذ ابنا عفراء،
فقال في نفسه ياريت لو كان حوالي ناس أشداء أقوياء 😓
فلقى واحد منهم جاي يكلمه بصوت واطي جنب أذنه مش عايز صاحبه يسمع وسأله:
ياعم! إنت تعرف أبو جهل🤫
فقال له عبد الرحمن بن عوف: وإنت عايز إيه من أبو جهل🤨
فقال له :أصل أنا سمعت إنه كان بيؤذي ويشتم رسول الله ﷺ فعايز أقتله😤
فقال له : أول ما هشوفه هقول لك
مفيش لحظات إلا والشاب الثاني بيسأل عبد الرحمن بن عوف نفس سؤال صاحبه:
ياعم! تعرف أبو جهل🤔

فقال له عبد الرحمن بن عوف: وإنت عايز إيه من أبو جهل إنت كمان😳
فقال له الشاب:
أصل أنا سمعت إنه كان بيؤذي ويشتم رسول الله ﷺ فعايز أقتله😕
فقال له عبد الرحمن : أول ما هشوفه هقولك 👌

بعد شوية شاف عبد الرحمن بن عوف أبو جهل وهو وسط المشركين فقال لهما:
شايفين الرجل إللي حوله الناس ده ، هو ده أبو جهل👌
فأول ما سمعوا كلامه انطلقا زي السهمين واخترقوا الصفوف لحد ما وصلوا لأبو جهل وكل واحد ضربه بسيفه ورجعوا فورا لرسول الله ﷺ عشان يبشروه
المشركين من الصدمة مكنوش عارفين يعملوا إيه ، يلحقوا أبو جهل ولا يطلعوا ورا الشابين، لحد ما وصل الشابين لرسول الله ﷺ وكل واحد فيهم بيقول : يا رسول الله أنا قتلت أبا جهل😍
فقال لهما رسول الله ﷺ: إنتم مسحتم سيوفكم؟
فقالا له : لا، فلما رأى السيفين وشاف عليهم أثر الدم على قال : إنتم الاثنين قتلتوه👌

والمعركة شغالة ورسول الله ﷺ بيدعي للمسلمين وكان معاه أبو بكر الصديق رضي الله عنه قال رسول الله ﷺ له:
أبشر يا أبا بكر، فلقد جاء جبريل معه الملائكة ليقاتلوا مع المسلمين👌

إيه إللي بعد ما جاءت الملائكة وإزاي انتهت غزوة بدر،
ده إللي هنعرفه الجزء الجاي إن شاء الله 😊


#السيرة_النبوية
#ايمان_شلبي

حقيقة 👌🏻