ليلتكم مباركة✌🏻

اجلس مع أسرتك واختبر معلوماتهم في الجزء السابع من القرآن الكريم.

مع سلسة مسابقات:

♡ليدبروا♡

*(الجزء السابع)*


♧ الجزء السابع اختبار غريب القرآن
https://forms.gle/QToubyKQDkjp6h977

الجزء السابع اختبار مسابقة تدبرية

https://forms.gle/7LvR8GrmY8brexm38

*🕌🕌 شفيقة في المسجد 🕌🕌*

*💡💡 أنوار الصيام 💡💡*

*💥 نور الرضا 💥*

✨ إبراهيم فتح الباب ودخل بشنطتين في إيده 🛍️ شفيقة قالت له إيه اللي معاك ده يا إبراهيم ‼️ مش عوايدك تدخل علينا بحاجة 🤔

✨ قال لها ده لحمة 🥩

✨ قالت له لحمة 😮‼️ يا واد قول كلام غير ده هتجري ريقنا ليه🤤

✨ قال لها الحاج فوزي صاحب المصنع دبح عجلين وفرق على العمال كلهم 🐂🐂

✨ قالت له يا صلاة النبي يا صلاة النبي ... إلهي يكسب ويربح 😙
بس دابح عجلين ومديك ٢ كيلو بس 😒

✨ قال لها واحنا اللي زينا ياخدوا إيه غير الفتافيت ‼️

✨ ناس عايشة بالطول والعرض ومش عارفين يودوا اللي عندهم فين، إشي فلل وعربيات وغيره وغيره، واحنا قاعدين شايلين هم اللقمة ☹️ دي عيشة تقرف ودخل أوضته ورزع الباب وراه🚪

✨ بعد شوية شفيقة سمعت صوت كركبة وخبط، فبصت من البلكونة لقت جيرانها بينقلوا عفشهم عشان هينقلوا في بيت مـِلك🏠

✨ فقالت : حسرة علينا 😕 هيروحوا في التمليك، واحنا خلينا في الشقة الإيجار اللي قد العلبة دي😕 هما بيجيبوا الفلوس دي كلها منين 🤔

✨ وحست بخنقة وضيق، قامت رايحة لأم عباس، وخدتها وراحت على المسجد يسمعوا درس النهاردة، يمكن تنسى حسرتها دي شوية 😑

✨ فالحاجة إيمان في دخلتها شافت أم عباس بتشاور لشفيقة على واحدة قاعدة على جمب وبتقول لها : شايفة الدهب اللي لابساه قد إيه 🧐 ده تمنه يجيب له شقة تمليك ياختي 👁️

✨ شفيقة قالت لها : جاتنا نيلة في حظنا الهباب 😪 أهي دي العالم اللي عايشة بصحيح ... اسكتي أنا مش ناقصة حسرة😖

✨ الحاجة إيمان سلمت عليهم وبدأت الدرس وقالت : قد إيه شهر رمضان جميل ... بيعلمنا الرضا وسكينة القلب لما نبقى على يقين إن ربنا حكيم عليم بيقسم الأرزاق بحكمة وعدل 👌🏻

قال تعالى : *{ نَحۡنُ قَسَمۡنَا بَیۡنَهُم مَّعِیشَتَهُمۡ فِی ٱلۡحَیَوٰةِ ٱلدُّنۡیَاۚ وَرَفَعۡنَا بَعۡضَهُمۡ فَوۡقَ بَعۡضࣲ دَرَجَـٰتࣲ لِّیَتَّخِذَ بَعۡضُهُم بَعۡضࣰا سُخۡرِیࣰّاۗ وَرَحۡمَتُ رَبِّكَ خَیۡرࣱ مِّمَّا یَجۡمَعُونَ }*

✨ ربنا سبحانه وتعالى جعل الناس في الدنيا منهم الغني ومنهم الفقير، واختبر كل واحد بظروفه ... الفقير اختبره بالصبر والتحمل والشكر والرضا ، والغني اختبره بتقواه في ماله هل هيستخدمه في طاعة الله ويشكر ربنا عليه ⁉️ ولا هيقول ده حقي وانا اللي عملته، ويستخدمه في المعاصي والفجور⁉️

✨ والنبي صلى الله عليه وسلم لما خُيّـِر بين إنه يكون ملك رسول أو عبد رسول، اختار إنه يكون عبد رسول ...
كان بينام صلى الله عليه وسلم على حصير ويأثر في جمبه، وكان بيته بيقعد بالشهر مفيش نار 🔥 تتقاد فيه للطهي وغيره
وصبر ورضي ووصانا نصبر ونرضى ونجعل همنا الاخرة، لأن الدنيا متاعها زائل لكن الجنة ونعيمها دائم أبدي🤲🏻

✨ فالمفروض الإنسان يعيش متواضع، يرضى باللي ربنا قسمه له، وميبصش لرزق حد ☝🏻

✨ الرضا نور لو دخل قلب الانسان هيسعد و يعيش مرتاح البال وسليم الصدر 🤍

قال تعالى : *{ وَلَا تَمُدَّنَّ عَیۡنَیۡكَ إِلَىٰ مَا مَتَّعۡنَا بِهِۦۤ أَزۡوَ ٰ⁠جࣰا مِّنۡهُمۡ زَهۡرَةَ ٱلۡحَیَوٰةِ ٱلدُّنۡیَا لِنَفۡتِنَهُمۡ فِیهِۚ وَرِزۡقُ رَبِّكَ خَیۡرࣱ وَأَبۡقَىٰ }*

✨ معنى الآية دي إن الواحد ميمدش عنيه ويبص بنظرة غيرة وحسد لأصحاب المآكل والملابس والزينة والبيوت الجميلة ... لأن كل ده اختبار من ربنا لأصحابها، ممكن تكون سبب لرضا ربنا لما يستعملوها صح وفي طاعة الله وممكن تكون فتنة وتبقى سبب هلاك في الدنيا والآخرة والعياذ بالله 🚫

✨ فالمفروض على كل مسلم يرضى باللي ربنا قسمهوله من الرزق سواء كتير أو قليل، ويعرف إن فيه غيره يتمنوا النعم اللي عنده، ويركز في اللي هينفعه في أخرته👍🏻

✨ وكمان الرزق مش فلوس وعربيات وفلل بس☝🏻 لكن الرزق ممكن يكون صحة أو أولاد أو زوج طيب أو حكمة و ذكاء أو راحة بال 🙂

✨ وطبعا الرضا بالرزق ميمنعش إن الإنسان يشتغل ويجتهد ويحسن مستواه، لكن بقلب راضي ونفس هادية صافية بعيد عن الغل والحقد والحسد والنظر للي في إيدين الناس ✅

✨ ودايما الواحد يبص للي أقل منه عشان يحس بنعم ربنا عليه ....قال رسولُ اللَّه ﷺ: *"انْظُرُوا إِلَى مَنْ هو أَسفَل مِنْكُمْ وَلا تَنْظُرُوا إِلَى مَنْ هُوَ فَوقَكُم؛ فهُوَ أَجْدَرُ أَن لا تَزْدَرُوا نعمةَ اللَّه عَلَيْكُمْ"*

✨ لأن النظر للناس اللي أقل مني، يخليني أحمد ربنا على النعم اللي أنا فيها ... لكن النظر للي أعلى مني يخليني أزدري النعم، يعنى أحتقرها ومحسش بقيمتها 😕

✨ وكمان لما نشوف حد ربنا موسع رزقه، ندعي له بالبركة ونتمنى له الخير، ونقول اللهم بارك له، وارزقنا من فضلك🤲🏻... لأن المنعم الرزاق سبحانه وتعالى اللي بيرزق النملة في جحرها، قادر يرزقنا من حيث لا نحتسب 👍🏻

✨ وفي نهاية الجلسة، قامت واحدة توزع شيكولاتة 🍫 فشفيقة قالتلها بمناسبة إيه دي ياختي ⁉️🤔

قالتلها اشترينا شقة تمليك إمبارح الحمدلله 😊

برقت شفيقه 😳 وقالت لها انتي كمان ⁉️ 🙂
الصبر من عندك يارب 😐

استحملي يا شفيقة ونشوفك بكرة على خير 😅

#شفيقة_في_المسجد
#سلاسل_شفيقة

فهيّا بنا لنلتف حول مائدة القرآن مع تصحيح التلاوة والتدبر لما تيسر من القرآن الكريم 🌿

📖 تلقين سورة الكوثر

⏳المدة: ١:١٠

🗣️القارئ: عبدالقادر عثمان

#خيركم_من_تعلم_القرآن_وعلمه

♡قصة آية♡

🌟(سبب نزولها)

(۞ یَـٰبَنِیۤ ءَادَمَ خُذُوا۟ زِینَتَكُمۡ عِندَ كُلِّ مَسۡجِدࣲ وَكُلُوا۟)[ الأعراف 31]

عن ابن عباس قال : كانت المرأة تطوف بالبيت وهي عريانة فتقول: من يعيرني تطوافا تجعله على فرجها وتقول اليوم يبدو بعضه أو كله .. فما بدا منه فلا أحله.

فنزلت هذه الآية : "زِینَتَكُمۡ عِندَ كُلِّ مَسۡجِدࣲ".

#الصحيح_المسند_من_أسباب_النزول.
#الوادعي
#ليدبروا

*« ٨ رمــضــانـ🌙»
* اللهم يا جبار يا جبار، يا جابر المنكسرين ومقيل عثرات التائهين،
اجعل بعد الكسر جبرا،
وبعد العسر يسرا،
وبعد الضيق والشدة سعة وفرجا،
يا مجيب دعوة المضطرين 🌙🤲🏻🌙

*مالتفاسير التي تنصحني بقراءتها كشخص مبتدئ؟!*


#علاء_حامد
#كيف_أتدبر_القرآن

خاص للنساء في رمضان 💦

{ وَءَاخَرُونَ ٱعۡتَرَفُوا۟ بِذُنُوبِهِمۡ خَلَطُوا۟ عَمَلࣰا صَـٰلِحࣰا وَءَاخَرَ سَیِّئًا عَسَى ٱللَّهُ أَن یَتُوبَ عَلَیۡهِمۡۚ إِنَّ ٱللَّهَ غَفُورࣱ رَّحِیمٌ }
[ التَّوۡبَةِ: ١٠٢]
"إذا وقعت في المعصية فلا تجمع معها معصية أخرى وهي *الاستكبار،* بل اعترف بذنبك واطلب المغفرة.. عسى الله أن يغفر لك! "

#شاهد_آية

ليلتكم مباركة✌🏻

اجلس مع أسرتك واختبر معلوماتهم في الجزء الثامن من القرآن الكريم.

مع سلسة مسابقات:

♡ليدبروا♡

*(الجزء الثامن)*


♧ الجزء الثامن اختبار غريب القرآن
https://forms.gle/DYYyTgXgck3xioXcA

الجزء الثامن اختبار مسابقة تدبرية
https://forms.gle/e4BKDDxhps7moRUv5

*🕌🕌 شفيقة في المسجد 🕌🕌*

*💡💡 أنوار الصيام 💡💡*

*💥 نور الحياء 💥*

✨ بطة بتكلم صاحبتها في التليفون وبتقول لها : اوعي تغيبي النهاردة دانتي فاتك نص عمرك امبارح، جالنا حتة معيد جديد يجنن 🤩
قمر وعيونه خضر 😍
وبيهزر ويضحك مع البنات😎
هيخلي الواحد يذاكر مادته بنفس 🤗

✨ شفيقة نادت عليها قالت لها : خلصي رغي، وتعالي عملتلك سندوتشين خديهم معاكِ المعهد لحسن تهبطي من قلة الأكل 🤕

✨ فبطة قالت لها هاكل إزاي يا ماما قدام الناس في رمضان 😦⁉️

✨ قالت لها إيه يعني ما انتِ عندك ظروف ومعذورة
وبعدين محدش له حاجة عندنا 🤨
أنا مش عارفة انت طالعة بتتكسفي كدة لمين 😬‼️
ده وأنا قدك كنت أصوم يوم وأفطر يومين تلاتة من غير ظروف ولا حاجة 😋

✨ وهما بيتكلموا سمعوا خناقة وصوت عالي في الشارع، فبصت بطة من البلكونة وقالت : إلحقي ده إبراهيم أخويا بيتخانق مع عمي حسين بتاع المخلل 😮 وبيشتمه عشان إداله شوية مخلل صغيرين 🤬

✨ شفيقة قالت منا عارفاه راجل بخيل وإيده مقرمطة😠 وطلعت البلكونة تزعق وتشتم هي كمان لحد ما الناس فصلوا بينهم وسكتوهم 🚫

✨ وبالليل كالعادة قابلت أم عباس في المسجد وكانت بتحكي لها على الخناقة، وإنها مسكتتش، وشتمت الراجل وادتهومله 😠

✨ بدأت الحاجة إيمان كلامها بالصلاة على النبي صلى الله عليه وسلم و قالت : هنتكلم النهاردة عن نور الحياء 🙂

الحياء نور وزينة المؤمن، و كما قال النبي صلى الله عليه وسلم *" الحياء شعبة من الإيمان "*

✨ الحياء نور وخلق جميل بيخلي الإنسان يتأدب في علاقته مع ربنا سبحانه وتعالى ومع الناس 👍🏻

قال رسول الله صلى الله عليه وسلم : *" إن لكل دين خُلُقًا، وخُلُقُ الإسلام الحياء"*
وكمان قال : *" الحياء لا يأتي إلا بخير"*

✨ والحياء فيه منه حياء فطري بيكون في شخصية الإنسان بشكل طبيعي ✅ وفيه حياء مكتسب بيجي من زيادة الإيمان ومعرفة ربنا سبحانه وتعالى والإحساس بعظيم قدره، فيستحي الإنسان من معصيته ✅

✨ والحياء صفة محمودة ( إلا إذا كان الحياء ده يمنعك من الحق، فيبقى حياء مذموم ) فمفروض لما ألاقي شخص بيستحي متريقش عليه وأنهره، بل بالعكس أثني على حيائه واشجعه عليه 👍🏻

عن ابْنِ عُمَرَ رضي اللَّه عنهما: *" أَنَّ رسولَ اللَّه ﷺ مَرَّ عَلَى رَجُلٍ مِنَ الأَنْصَارِ وَهُوَ يَعِظُ أَخَاهُ في الحَيَاءِ، فَقَالَ رسُولُ اللَّه ﷺ: دَعْهُ، فإِنَّ الحياءَ مِنَ الإِيمانِ "* متفقٌ عَلَيْهِ.

✨ والصيام والحياء مينفعش يفترقوا عن بعض لان الصيام بيخلي المؤمن يستشعر مراقبة ربنا سبحانه وتعالى له في السر والعلن، فيستحي إنه يقول شيء قبيح أو يعمل شيء لا يرضي الله، فيزيد الحياء في قلبه ويظهر على سلوكه، فيترك المعاصي والفواحش حياءً من الله قبل خوفه من العقوبة 👌🏻

قال النبي صلى الله عليه وسلم: *" إِذَا أَصْبَحَ أَحَدُكُمْ يَوْمًا صَائِمًا فَلا يَرْفُثْ، وَلا يَجْهَلْ، فَإِنْ امْرُؤٌ شَاتَمَهُ أَوْ قَاتَلَهُ فَلْيَقُلْ: إِنِّي صَائِمٌ إِنِّي صَائِمٌ "*

✨ معنى لا يرفث يعني ميقولش كلمات قبيحة وسيئة، ومعنى لا يجهل يعني ميعملش أفعال الجهال زي الصراخ والصوت العالي والزعيق ❌

✨ يعني بيعلمنا الصيام حتى لو اتأذيت من أي شخص، إني أمسك نفسي ولساني عن السب والشتم والألفاظ السيئة؛ افتكر حرمة الشهر الكريم وحرمة صيامي وأطبق حديث النبي صلى الله عليه وسلم ✋🏻

✨ شايفين قد إيه الصيام مدرسة بتهذب النفس وتربيها وتنهيها عن الأشياء السيئة اللي بتفسدها ✅

✨ ومن صور الحياء إني أستحي أنظر للرجال الأجانب عني 👀

✨ عدم الحياء بينشر التساهل في إطلاق البصر سواء من الرجال للنساء أو العكس
سواء في الواقع أو حتى من ورا الشاشات📱📺

✨ ابتلينا للأسف بالمسلسلات والنظر للرجال بلا حياء والكلام عن جمالهم وتفاصيلهم وكأننا مش هنتحاسب عن كدة لمجرد إنهم ورا الشاشة 🙁

قال تعالى :*{ قُل لِّلۡمُؤۡمِنِینَ یَغُضُّوا۟ مِنۡ أَبۡصَـٰرِهِمۡ وَیَحۡفَظُوا۟ فُرُوجَهُمۡۚ ذَ ٰ⁠لِكَ أَزۡكَىٰ لَهُمۡۚ إِنَّ ٱللَّهَ خَبِیرُۢ بِمَا یَصۡنَعُونَ ، وَقُل لِّلۡمُؤۡمِنَـٰتِ یَغۡضُضۡنَ مِنۡ أَبۡصَـٰرِهِنَّ وَیَحۡفَظۡنَ فُرُوجَهُنَّ}*

✨ الأمر موجه للكل رجال ونساء بغض البصر لأنه أحفظ لقلب الإنسان وحياؤه ...
وشفنا للأسف مقارنات وبيوت بتتخرب بسبب سخط النساء على أزواجهم، ومقارنتهم بالممثلين والمشاهير وكأن دول بس هما الرجالة ومينفعش غيرهم، وده كله بسبب البعد عن فهم الدين وتطبيقه في حياتنا 🚫

✨ ولو من البداية أطعنا أمر ربنا بغض البصر، كنا حفظنا نفسنا من المشاكل دي وأثارها السيئة على القلب وعلى استقرار البيوت والأسر ✅

✨ فالواجب على كل أم تربي أولادها من صغرهم على خلق الحياء في كلامهم وألفاظهم، وفي ملابسهم وحشمتهم، وحفظ أبصارهم عن النظر المحرم ... لأن من شب على شيء شاب عليه، أربيهم وأعلمهم الحياء من الله سبحانه وتعالى في السر قبل العلن 👌🏻

✨ لو فعلا قدرنا نعمل كدة، هنربي جيل واعي، وعلى علم، يقدر يتقي الفتن والمؤمرات المحيطة بيه من كل جانب 🚫

✨ شفيقة قالت : هو ده الكلام المظبوط ... آه أمال إيه‼️
لا تقولي مهند ولا مراد مفيش زي عبدو 🥸 لولا بس الصلعة بتاعته😀

انتظرونا بكرة مع نور جديد من أنوار الصيام😊

#شفيقة_في_المسجد
#سلاسل_شفيقة

‏سرعة انقضاء ليالي رمضان مُخيفة، ذهبت ثمانية ليال على عجل ولله في رمضان عتقاء من النّار في كلّ ليلة قد انقضت، ماذا أعددت مع الله، كم من خلوة سكبت بها عبراتك وزدت بها شوقًا إلى الله كم من آية غيّرتك فغيرت مسارك مع الله…
‏يا صاحبي إن الركب قد ساروا فسارعوا إلى مغفرة من الله ورضوان.