لسه خايفة؟!
لسه مترددة ومش عاوزه تتحركي؟!
لسه لابسة نظارة سودا مكتوب على عدساتها أنا فاشلة.. أنا مش هقدر؟!
معقول 😱😱
طب ممكن أسألك سؤال؟
أنت أقل من اللي حاولوا ووصلوا في أيه؟!
ولا أي حاجة غير الإقدام
اخلعي نظارة الإحساس بالخوف من الفشل
لوني أحلامك دايما بألوان كلها بهجة وسعادة.
متنظريش لحلمك على أنه مستحيل.. طالما غيرك قدر يحققه أنت كمان تقدري، وحتى لو غيرك مقدرش ليه متكونيش أنت أول من يترك بصمة جديدة ويحقق حلم جديد؟!

لوني أحلامك بلون الإرادة.. حتى الصعوبات لونيها بألوان الإيجابية والأمل في غد مختلف.
ديننا دين تفاؤل
في أصعب اللحظات بنلاقي النبي صلى الله عليه وسلم كله تفاؤل وحسن ظن بالله.
وهو في الغار يخشى أبو بكر أن ينظر الكفار أسفل منهم فيرونهم نلاقي رد النبي صلى الله عليه وسلم بكل ثقة ويقين :
"ما ظنك باثنين الله ثالثهما"
وأنت كمان ما ظنك بمسلمة سلكت طريق التغيير؟
ما ظنك بمسلمة بتحلم تكون أفضل، بتاخد خطوات، بتقاوم الكسل والفشل والخوف والتردد، تفتكري ربنا سبحانه وتعالي هيتركك وحدك؟
والله أبدا
الله عز وجل أرحم بنا من أمهاتنا.
لو صدقتِ الله هيصدقك.
لو امتلأ قلبك باليقين في الله عز وجل وإنه معك في كل خطوة إيجابية بتمشيها في حياتك أكيد هتلاقي حياتك اختلفت مع الوقت تماما.
خلي التفاؤل هو لون أحلامك
لون بكرة اللي أنت منتظراه
واستعينى بحول ولا قوة إلا بالله على كل المصاعب.
أكثري منها فهي زاد لك في طريق التغيير .. هتمنحك قوة نفسية هائلة، هتهون عليك المصاعب، هتشعري معاها إن كل شيء سهل بإذن الله.
التفاؤل اللي بكلمك عنه ده صفة العظماء والقادة والناجحين.
في يوم من الأيام حدث لأديسون شيء صعب جدا
احترق معمله بالكامل .. بكل محتوياته وبكل مافيه.. وقف ينظر إليه في تأمل بعدما احترق وكان ابنه حزين جدا من اللي حصل.
اديسون نظر للموضوع نظرة إيجابية كلها تفاؤل وقال لابنه: "هناك فائدة عظيمة لما حصل بالأمس، فقد احترقت كل أخطائنا..الحمد لله يمكننا البدء من جديد"
بعد ثلاثة أسابيع من الحريق، استطاع أديسون أن يخترع أول فونغراف!(مشغل أسطوانات)
شايفين التفاؤل بيعمل ايه؟!
أنت كمان لوني حياتك بالتفاؤل
بالأمل
لوني أحلامك بالأمل والتفاؤل
أحسنى الظن بالله
وكوني علي يقين إنك هتقدري بإذن الله وافتكري الحديث القدسي:
"أنا عند ظن عبدي بي"
ياترى ظنك في الله عز وجل هيكون ازاي؟

فاكرة سيدنا موسى لما خرج هو وقومه وكان فرعون وراهم هو وجنوده والبحر أمامهم قوم موسى قالوا لسيدنا موسى: "إنا لمدركون"
يعنى خلاص جيش فرعون هيتمكن مننا
ده كان ظن قوم موسى لإنهم مش محسنين الظن بالله
مفيش يقين في الله
لكن سيدنا موسى كان دايما مستشعر لمعية الله، عنده يقين في ربه عارف إنه عليه الجهد والنتيجة بيد الله عز وجل
فقال لهم بكل ثقة في الله:
"كلا إنَّ معيَ ربي سيهدين"
في لحظة تغيرت قوانين الكون وانشق البحر
حسن الظن في الله، واليقين فيه يمنحك القدرة على تحدي كل الظروف وكل الصعاب
اتحركي
متخافيش
أحسني الظن في الله

يا ترى لسه خايفة؟!
يا ترى ظنك في الله دلوقتي عامل إزاي؟

رضا الجنيدي
#بوصلة_حياة_المرأة

✍ كلنا راحلون ويبقى الأثر.. فلنترك أثرا قبل الرحيل.

صفحة المدربة والمستشارة الأسرية رضا الجنيدي على التلجرام
@Redaalgeneedy
صفحتنا على الفيس بوك
https://m.facebook.com/Reda.Geneedy

صباح التوكل على الله 🤍

*🌿 ⚡ ومضات قرآنية ⚡*

﴿ وَعِبَادُ الرَّحْمَـٰنِ الَّذِينَ يَمْشُونَ عَلَى الْأَرْضِ هَوْنًا ﴾

*📌 تدبّر:*
آية تصف أجمل صفات المؤمنين: التواضع واللين في السير بين الناس، بلا كبر ولا أذى، بل بوقار ورحمة.

هي رسالة تهذيب: المؤمن لا يعلو على الناس ولا يزهو بنفسه، بل يعرف قدره، ويحفظ للآخرين كرامتهم.

وهي دعوة للاقتداء: كن من «عباد الرحمن» حقًا بسلوكك وأخلاقك، لين قلبك، وخفض جناحك للناس، ورفقك بهم.

*🤲🏻 دعاء:*
اللهم زينا بالتواضع، وطهر قلوبنا من الكبر، واجعلنا من عبادك المتقين الذين تمضي خطاهم على الأرض هونًا، وارفعنا عندك بأخلاقنا يا أرحم الراحمين. 🤲🏻

#ومضات_قرآنية
#ليدبروا

وصية عظيمة🌿

*قد تكون سبب نجاتك*⭐

الحلقة العاشرة من سلسلة صحّح تلاوتك 🌿

إن الله يُعطي الصابَرين عَطاءٌ
يُنسيهُم مُرَ مَا صَبرو .."🌷🤍

*أبشـــــــــــروا*

🌙 *همسة مسائية* 🌄

*قال عبدالرحمن السعدي رحمه الله*

" من أنفع الأمور لطرد الهم: أن توطن نفسك على أن لا تطلب الشكر إلا من الله".
‏📚الوسائل المفيدة

#بوصلة_حياة_المرأة
أنا تايهه ليه؟
أنا مش بخاف من الفشل
أنا مش بستمع للكلام السلبي من حد
أنا بحاول وبتحرك وبكافح بس مش بوصل
أنا برضه حاسة بالفشل
سنين طويلة بحاول ولسه واقفة مكاني
سنين طويلة بحاول وغيري وصل وأنا للأسف لسه في نفس النقطة😔😔
ده👆 حديث ممكن يدور في أذهان بعضنا
ببساطة كده هقولك على سبب مهم من الأسباب اللي مخلياكِ كده

😱عدم التركيز😱
يعنى ايه
عدم التركيز أقصد بيه إنك مش مفرغة جهدك الأكبر على نقطة تميزك
هتقولي لي مفيش نقطة تميز
هقولك برضه بسبب
😱عدم التركيز😱
عدم تركيز عدسة عقلك وعينك على نقاط القوة اللي فيك
كلنا عندنا نقاط قوة بس ممكن تكون متوارية ومستخبية بسبب بعض العوامل اللي ليك يد فيها أو اللي ملكيش يد فيها

طب الحل أيه؟
🌸التركيز طبعا هو الحل🌸
أولا هتركزي ذهنك اليومين دول على اكتشاف نقاط قوتك وتميزك
الحاجة اللي بتحسي بفخر وسعادة لما بتعمليها
الحاجة اللي بتفرحي لما بتعمليها
ابحثي ونقبي لحد ما تلاقيها
بعد ما توصلي ليها
هنبدأ في مرحلة تانية من التركيز
وهي تركيز الطاقة والجهد على الشيء ده
متشتتيش نفسك في حاجات كتير
ركزي على نقاط تميزك عشان تكوني مختلفة ومبدعة
هحكيلكم مشهد من مشاهد حياتي واللي كنت فيها بعاني من عدم التركيز
لما ابني محمد اصيب بفشل كلوي وهو عنده ١١ شهر وكان خلاص على وشك الموت وبعد ما ربنا منَّ عليا بشفائه ىقيت بفكر إزاي نعيش حياة صحية.
اهتميت إني أطبخ أكل صحي وأتعلم معلومات عن النباتات الطبية.
تابعت قنوات التلفزيون والنت ومع الوقت الموضوع تحول عندي لعشق إني بحب الطب البديل والأعشاب وبعدين تطور اني بقيت أحب أعمل مستحضرات تجميلية طبيعية
اجتهدت جدا جدا وبقيت شغوفة بالمجال ده وبقا هدفي أقدم ثقافة صحية للناس لإني كل ما أشوف حد مريض بتألم ويبقا نفسي أساعده
أنشأت موقع للطب البديل والأعشاب وفي فترة قصيرة وصل في وقت من الأوقات إنه كان من أوائل المواقع على النت في المجال ده على مستوى مصر
كنت بقرأ كتير في الأعشاب وفوائدها وتداخلاتها مع بعض
اشتريت كتب كتير للأعشاب حديثة وقديمة جدا لابن سينا وابن البيطار وغيرهم
اطلعت على أحدث المعلومات الطبية الخاصة بالنباتات
طبعا مليش دعوة بأدوية و بأمراض مستعصية لإني بؤمن بالتخصص والعلم ومش بحب نظام أم العريف😂😂😂
كتبت مقالات على النت باسم مستعار لإني وقتها مكنتش بكتب باسمي وبفضل الله المقالات دي لحد دلوقتي موجودة على النت وبلاقي منها في مواقع طبية كبيرة.
تواصلت مع كبار الأطباء المتخصصين في الطب البديل وقابلتهم وأخدت مع بعضهم دورات.
بدأت اعمل مستحضرات طبيعية تجملية ليا وكهدايا لصديقاتي وكانت نتائجها مذهلة.
كنت شغوفة جدا بالفكرة.
ولكن بعد فترة وقفت مع نفسي وقفة
سألت نفسي: فين حلمي القديم
حلمي اللي كنت بدعي بيه ربنا دايما وهو إن يكون ليا أثر وإن صوتي يوصل للناس حتى ولو بعد مماتي من خلال قلمي وكتاباتي
إني أقدر أغير في فكر الناس لما يكون في ذهنهم افكار مش صح دينيا أو تربويا.
إني أكون كاتبة ليا أثرى في المجتمع.
لقيت نفسي مش مركزة على هدفي وانحرفت لهدف تاني خالص
مش بس كده دا أنا بعمل عشرات الحاجات مع موضوع الأعشاب واهتماماتي كتير لإني طاقتي كبيرة ولإني مريت بفترة في حياتي استسلمت فيها للظروف ووقفت جميع أحلامي فبقيت عاملة زي العطشان اللي مصدق لقى الميه
بقيت عامله زي التايه اللي عمال يمشي في ١٠٠ طريق وهو مش عارف هو رايح فين.
التزمت الصدق مع نفسي
أنا تايهة فعلا
أنامش مركزة
حطيت لنفسي أولويات
كانت أولوياتي الكتابة ومساعدة الناس على تغيير نفسهم وتعليم الأمهات إزاي يربوا ولادهم صح.
بدأت أمشي في خطوات تحقيق هدفي الأساسي
بفضل الله ثم بشهادة معظم اللي قربوا مني أعتقد إني نجحت أكون صاحبة قلم مؤثر ومدربة مؤثرة وداعية جيدة

الحمد لله كل ده بفضل الله ثم التزام الصدق مع النفس والتركيز
على فكرة عاوزه أقولكم سر😍😍
أنا كمان زمان كنت بخاف من الفشل😱😱
زمان كنت تايهة🙈🙈
زمان كانت ثقتي بنفسي مهزوزة😔😔
زمان كنت بتأثر بالكلام السلبي😏😏
زمان كنت بقع وبيجيلي إحباط من أول عقبة😢
زمان كنت مش بعرف أنظم وقتي☠☠
زمان كنت غير دلوقتي
زمان مكنتش بعرف أقول لا
زمان كنت بجي على نفسي كتير أوي وبضحي بأهدافي عشان الآخرين
زمان كنت حد ودلوقتي بفضل الله أنا حد مختلف تماما.
دلوقتي بقيت بفضل الله شخصية متوازنة.
بالاستعانة بالله ثم بالجهاد ومحاولة التخلص من العيوب والشغل على نفسي سنوات وفي النهاية وصلت للي أنا فيه دلوقتي
وكان من أهم الأسباب 🌸التركيز🌸
ركزي على نقاط قوتك.
ركزي على الحاجة اللي هتكوني مبدعة فيها
امشي في طريقك وبلاش تمشي في طرق جانبية وافتكري إن أسرع وسيلة للوصول لهدفك هو الخط المستقيم

رضا الجنيدي
#بوصلة_حياة_المرأة

✍ كلنا راحلون ويبقى الأثر.. فلنترك أثرا قبل الرحيل.

صفحة المدربة والمستشارة الأسرية رضا الجنيدي على التلجرام
@Redaalgeneedy
صفحتنا على الفيس بوك
https://m.facebook.com/Reda.Geneedy

اللهم صل وسلم وبارك على نبينا محمد وعلى اله وصحبه وسلم

نور بين الجمعتين 🌿