🌙 *همسة مسائية* 🌄

*قال شيخ الإسلام ابن تيمية رحمه الله* :
« من اجتهد واستعان بالله تعالى، ولازم الاستغفار والاجتهاد، فلا بد أن يؤتيه الله من فضله، مالم يخطر ببال ».

‏سَأل أحدهم رَجلًا صالحًا أن يَدعُو له؛ فَدعا له قائلًا: آنسَك الله بقُربه.. فقَال الرّجل: زِدني!
فقال الرّجل الصَّالح: مَنْ آنسه الله بقربهِ أعطَاه أربعًا بغيرِ أربَع:
عِلمًا بغيرِ طَلب، وغنًى بِغير مال، وعزًّا بِغير عِشيرة، وأنسًا بِغير جَماعة؛ ألا يَكفيك هَذا؟
فبِكى الرّجل وقَال: بلى والله تَكفي وتَزِيد.


فَاللهُمَّ آنِسنَا بِقُربِك!
🤎

#بوصلة_حياة_المرأة
حكاية دنيا وإيمان مع التسويف

النهارده هنحكي حكاية إيمان و المحيط ودنيا والبحر وهنعرف مين فينا إيمان ومين دنيا
وهنفهم حاجات كتير هتدعمنا في تحقيق أهدافنا وفي علاج التسويف بإذن الله
يلا بينا🏃‍♀🏃‍♀🏃‍♀

دنيا عايشة في الدنيا بمفهوم كلمة عايشة يعنى بتاكل وتشرب و تطبخ وتذاكر للولاد، وتقضي طلبات الزوج.... ويوم ورا يوم بتمر الحياة واهي الدنيا ماشية بحلوها ومرها
بس دنيا لما بتقعد مع نفسها بتحس إنها في دوامة .. هي شايفة إن أمواج بحر الحياة بتدفعها يمين وشمال وشوية ترفعها فوق وشوية تنزلها تحت.

دنيا تعبت ومش قادرة تقاوم فقررت إنها تستسلم.. أصل مفيش فايدةمن المقاومة غير التعب والإنهاك النفسي وبس.

عشان كده هي عايشة يومها بالبركة وحسب الظروف، وعشان كده هي دايما بتسوف وتقول لما الظروف تتحسن هنجز وهحقق أهدافي.
لما امواج المتاعب والضغوط تهدى شوية.
عاوزه بس اقول لدنيا👇👇👇
للأسف يا دودو الظروف مش هتتحسن
الأمواج مش هتهدى وأنت مش هتنجزي
لو استمريتِ على كده هتغرقي أكتر في بحر الضغوط.
دي مش نظرة تشاؤمية ولكن دي حقيقة لإن اللي بيعيِّش نفسه في الجو ده بيندمج معاه بكل كيانه ومش بياخد أي خطوة تصلح حاله وبالتالي هيفضل زي ما هو.

ماشي يا دودو؟
فهمتي بقا؟
ركزي كويس
الضغوط دي نوعين 👇👇
نوع منقدرش نعمل معاه أي حاجة لإنه قدر، ورفعه عننا بيد الله وحده فعليك بالدعاء وافهمي إن الضغوط دي حكمة من ربنا فيها خير كبير ليك لو نظرتلها نظرة سليمةفبلاش تستسلمي لحالة الإحباط والحزن وتغرقي في دوامة الهموم اللي بتنسيكِ أهدافك وبتخليكِ تأجليها وتسوفي.

والنوع التاني من الضغوط يا دنيا في إيديك حله بعد التوكل على الله عز وجل .. فلازم تتحركي
تعرفي إزاي تحليه
تبحثي وتسألؤ وتتعلمي وتحاولي وتحاولي وتحاولي تاني وتالت وعاشر وتجربي لحد ما توصلي.
متفضليش واقفة مكانك في منتهى السلبية وكل اللي بتعمليه إنك تبكي و تشكي وتفضفضي
وانجاز مفيش
ايجابية مفيش
سعي مفيش
ماشي يا دنيا؟

رضا الجنيدي
#بوصلة_حياة_المرأة

✍ كلنا راحلون ويبقى الأثر.. فلنترك أثرا قبل الرحيل.

صفحة المدربة والمستشارة الأسرية رضا الجنيدي على التلجرام
@Redaalgeneedy
صفحتنا على الفيس بوك
https://m.facebook.com/Reda.Geneedy

صباحكم طاعة 🌷

📖 تلقين سورة الماعون

⏳المدة: ٢:٣٣

🗣️القارئ: عبدالقادر عثمان

#خيركم_من_تعلم_القرآن_وعلمه

*💌 رسالة اليوم إليك*

"من ترك شيئًا لله، عوّضه الله خيرًا منه"
ليست مقولة… إنها وعد.

إذا جاهدت هواك،
وتركت ما تحب لأجل ما يحب الله،
فانتظر من الكريم عوضًا،
لا يُشبه ما تركت… بل أعظم، وأبقى.

لكن!
بمراد الله، لا بمرادك،
وبتقديره، لا بتوقّعاتك.

#رسالة_اليوم
💌💌

نورٌ لكم !!

📘لو وجد الماء بعد الصلاة لا نعيد الصلاة.

📕لكن لو وجد أثناء الصلاة فهذه المسالة محل خلاف بين أهل العلم.

💥 فمنهم من قال: إن التيمم لا يبطل بوجود الماء حينئذ
👈 لأنه بدأ في الصلاة على وجه مأذون فيه شرعاً، فلا يخرج منها إلا بدليل شرعي.

💥 ومنهم من قال: إنه يبطل التيمم بوجود الماء في الصلاة،

👈 واستدلوا بعموم قوله تعالى: {فإن لم تجدوا ماء}، وهذا قد وجد الماء فيبطل تيممه، وإذا بطل التيمم بطلت الصلاة،

👈وعموم قوله صلى الله عليه وسلم: "فإذا وجد الماء فليتق الله وليمسه بشرته" صحيح الجامع

👈ولأن التيمم بدل عن طهارة الماء عند فقده، فإذا وجد الماء زالت البدلية فيزول حكمها،

💡 فحينئذ يخرج من الصلاة ويتوضأ ويبدأ الصلاة من جديد.

#التيمم
#الفقه_الإسلامي
#هبة_حلمي

🫧💦🫧💦🫧💦🫧💦🫧💦🫧💦

🌿مركز منهج حياة

بالقرآن والسنة نعيش أفضل حياة.

https://www.tg-me.com/ManhagHayah

📚وصفة التيمم:

أن ينوي، ثم يُسَمِّي، ويضرب الأرض بيديه ضربة واحدة، ثم ينفخهما- أو ينفضهما-
ثم يمسح بهما وجهه ويديه إلى الرسغين ( يمسح الكفين ) ؛

🌴لحديث عمار عن عمار بن ياسر رضي الله عنهما قال : بعثني رسول الله صلى الله عليه وسلم في حاجة فأجنبت فلم أجد الماء فتمرغت في الصعيد كما تمرغ الدابة ، ثم أتيت النبي صلى الله عليه وسلم فذكرت ذلك له ، فقال : (إنما كان يكفيك أن تقول بيديك هكذا . ثم ضرب بيديه الأرض ضربةً واحدة ، ثم مسح الشمال على اليمين وظاهر كفيه ووجهه) رواه البخاري.

#التيمم
#الفقه_الإسلامي
#هبة_حلمي

🫧💦🫧💦🫧💦🫧💦🫧💦🫧💦

🌿مركز منهج حياة

بالقرآن والسنة نعيش أفضل حياة.

https://www.tg-me.com/ManhagHayah

دعاء عظيم لا يُقارن بكنوز الدنيا كلها..

#بوصلة_حياة_المرأة

حكاية إيمان ودنيا مع التسويف
شفنا في الحلقة اللي فاتت دنيا عايشة إزاي
إيمان مختلفة تماما عن دنيا رغم إن ظروفها أصعب وأقسى
هي برضه دايرة في دوامة أمواج الحياة.. بالعكس هي جوا محيط من الضغوط مش بس بحر زي دنيا.
بس هي فاهمة المعنى الحقيقي للحياة
هي فاهمة إنها مش عايشة عشان تاكل وتشرب وتحط أيديها على خدها وقت المصاعب .. هي دورها أكبر من كده.. وهمتها أعلى من كده.
هي فاهمة حكمة الحياة وحكمة الضغوط وحكمة الفشل كمان.
عارفة إن ربنا خلقنا في دار كلها كبد وتعب، ووضعنا في اختبارات، وخلق لنا إرادة التغيير وإرادة الفعل وإرادة النجاح، وإرادة الحركة في مناكب الأرض.
وإننا بايدينا إننا ننطلق فيها بكل طاقتنا، أو نستسلم ونموِّت إرادتنا بسيف التسويف والتأثر بالضغوط.

ايمان فاهمة إن الحياة قوامها الحركة وإني لازم أتحرك للأمام
مبستسلمش للموج ولكن بقاوم وبتعلق بكل بادرة ممكن تساعدني.
بحاول لحد ما بوصل.

ايمان فاهمة إنها هتضطر تنزل المحيط تاني رغما عنها ومفيش مفر من كده وإن حياتها رغما عنها جواه فلازم تفكر وتبدع وتصنع سفينة متينة وتتعلم قيادتها صح.

دنيا قالت مش هنزل البحر بس هي مش عارفة إن غصب عنها أمواج البحر هتطولها فللأسف هي هتفضل مكانها لحد ماتغرق😢😢
ويمكن دنيا تقول ادام شوية هبقا أشتري سفينة ولا أستلفها ولا أصنعها.
بس ده مش هيحصل.. طول ما هي بتسوِّف مش هيحصل.
وفعلا مرت الأيام والشهور.
هل دنيا اتعلمت صناعتها؟
أبدا
طب قيادتها؟
برضه لا
طب أيه النتيجة الحتمية لموقف دنيا؟
طبعا أنتم عارفين النتيجة.



طب تعالوا نحلل قصة إيمان ودنيا👇👇👇

البحر والمحيط دول هما المصاعب اللي بتحيط بينا بأمواجها الشرسة ووحوشها المفترسة.. رغما عننا لازم هنمر بيها وهي دي طبيعة الحياة.
أمواج محيطك ممكن يكون زوج صعب المراس.
ماديات بتعجزك
مرض وقعتِ فريسة ليه.
بيئة عايشة فيها بتهدك وبتحبطك.
مسؤوليات اتحطيتي فيها غصب عنك وواكلة كل وقتك وجهدك.
أو أي ضغط تاني أنت بتمري بيه
بس يا ترى هتستسلمي؟
هتسوّفي وتقولي لما المشاكل تخلص هبقا أتحرك؟

المشاكل دي هي اللي بتطلع أجمل ما فيك لو تعاملتي معاها صح.
حوّلي المشكلة لتحدي مع ذاتك .. اجعليها نقطة تحدي للتسويف.
نقطة انطلاقة للأجمل
تعرفي تشكري ربنا على المشكلة زي ما بتشكريه على النعمة؟
ايوه
لإن النعمة ممكن تخليكِ تنامي في الخط وتحسي بالأمان.
المشكلة بتفوقك
بتقولك في حاجات كتير ناقصاكِ واهملتيها
بتقولك خدي بالك من نفسك شوية

عاوزين نعمل زي ما الشيخ محمد الغزالي كان بيقول في كتابه الأكثر من رائع جدد حياتك
كان بيقول ⬅️اصنع من الليمون شرابا حلوا.
تعرفي تخلي محنتك منحة وتحولي الليمون اللاذع لشراب حلو المذاق؟

بصي يا جميلة👇👇
الفاكهة لما بتتعصر بتخرج أحلى ما فيها.
الذهب لما بينصهر بيتنقى من الشوائب.
الصحابة ربنا حطهم في فترة مواجهة صعاب وتحديات قبل ما ينطلقوا لنشر الإسلام عشان يكونوا اد المسؤولية الجديدة.
عشان التحديات دي هي اللي صنعت بعد قوة إيمانهم بالله صنعت منهم أبطال غيروا وجه التاريخ.
تعرفي تبصي لمشكلتك بالشكل ده
بنظرة اليقين في الله، ومحاولة معرفة الحكمة من المشكلة؟
تعرفي تتعاملي بروح التحدي للمشكلة؟
الإيجابية في مواجهتها؟
تبدعي بإنك تخرجي من نفسك حاجة جميلة بسبب المشكلة دي؟
تحولي المشكلة من طاقة دفع سلبية نحو التسويف لطاقة دفع إيجابية نحو الإنجاز؟
أكيد هتعرفي إن شاء الله بعد التوكل والاستعانة بالله.
رضا الجنيدي
#بوصلة_حياة_المرأة

✍ كلنا راحلون ويبقى الأثر.. فلنترك أثرا قبل الرحيل.

صفحة المدربة والمستشارة الأسرية رضا الجنيدي على التلجرام
@Redaalgeneedy
صفحتنا على الفيس بوك
https://m.facebook.com/Reda.Geneedy