اللهم اصلح بالنا يارب 🤲🏻

🎧لنختم القرآن سماعاً (١١)

🔘الربع الثالث & الحزب الثالث

📽 سورة البقرة من ( ١٧٧ إلى ١٨٨)

👤القارئ: محمد العريفي

#صباحكم_قرآنٌ_يُتلى
#ليدبروا
https://www.tg-me.com/GhRoooh/13701

رسالة اليوم إليك 💌

﴿وإن ﺗَﺘَﻮَﻟَّﻮْﺍ ﻳَﺴْﺘَﺒْﺪِﻝْ.ﻗَﻮْﻣًﺎ ﻏَﻴْﺮَﻛُﻢْ﴾

إذا أنعم الله عليك بباب خير
ودعوة وصلاح
فلا تتحول عنه
فيحوله الله لغيرك !

💌💌

#رسالة_اليوم

مهم جداً جداً وخاص للنساء والبنات👆🏻👆🏻


يرجى النشر

مهم جداً جداً وخاص للنساء والبنات👆🏻👆🏻


يرجى النشر

#قصص_الأنبياء(٢)
#السيرة_النبوية
#الحلقة_مائة_وثلاث_وعشرون
#علامات_الساعة_الكبرى_الجزء_الرابع
#المسيح_الدجال_الجزء_الثالث
#ابن_صيّاد

وقفنا المرة إللي فاتت عند ابن صياد واختلاف العلماء فيه هل هو الدجال ولاّ لأ،
خلونا نشوف قصة ابن صياد وانتم احكموا بنفسكم إذا كان العلماء لهم حق في الاختلاف ده ولاّ لأ😁
ابن صياد اسمه : صافي بن صياد أو صائد،
وقيل عبد الله بن صياد أو صائد، وكان ابن صياد من يهود المدينة،
وكان دجّالاً وبيتكهن للناس، فكانت تكهناته دي أحيانا بتكون صادقة وأحيانا كاذبة، فانتشر خبره بين الناس، وطلعت إشاعة إن هو الدجال،
فرسول الله ﷺ كان عايز يطّلع على أمره ويتبين حاله ويعلم حقيقته، ويُظهر إبطال حاله للصحابة ، وإنه كاهن ساحر يأتيه الشيطان فيُلقي على لسانه ما يلقيه الشياطين إلى الكهنة،
وخصوصا إن مكنش نزل لرسول الله ﷺ وحي في ابن صياد هل فعلا هو الدجال زي ما الناس بتقول ولاّ لأ،
فكان رسول الله ﷺ بيذهب لابن صياد ويسأله أسئلة يختبره بيها، وساعات كان يتخفى لابن صياد ويحاول يسمع من كلامه من غير ما ياخد باله،
يعني مثلا في يوم من الأيام خرج رسول الله ﷺ مع عمر بن الخطاب ومعاه كم واحد من أصحابه متجهين ناحية ابن صياد،
فكان ابن صياد قاعد بيلعب مع الصبيان وكان ساعتها قَارَب الحُلُم يعني قرب من البلوغ يعني عمره اثنا عشر سنة تقريبا،
ولما قرب رسول الله ﷺ من ابن صياد محسش بيه ابن صياد ولا أخد باله إن رسول الله ﷺ قرب منه لحد ما رسول الله ﷺ ضرب بيده، يعني خبط بإيده👏
فابن صياد التفت وشاف رسول الله ﷺ، فقال له رسول الله ﷺ:
" أَتَشْهَدُ أَنِّي رَسُولُ اللَّهِ؟!!"
فنظر ابن صياد لرسول الله ﷺ وقال:
" أَشْهَدُ أَنَّكَ رَسُولُ الأُمِّيِّينَ"

☆ودي أول نقطة تلخبط، لأن الدجال إللي كان مقيد بالسلاسل سأل تميم الداري ما فعل نبي الأميين😕

وراح ابن صياد سأل رسول الله ﷺ:
أتشهد أني رسول الله؟
فتركه رسول الله ﷺ وقال :
" آمَنْتُ بِاللَّهِ وَبِرُسُلِهِ"
يعني ابن صياد بيدعي النبوة أمام رسول الله ﷺ، ورسول الله ﷺ تركه معملهوش حاجة عشان عايز يستغله ويسمع كلامه من غير ما ابن صياد يحس بكده،
وبعدين سأله رسول الله ﷺ :
انت بتشوف إيه؟! أو إيه إللي بيجيلك؟
يعني مش انت رسول ايه بقى الوحي اللي بيجيلك،
فقال ابن صياد: يأتيني صادق وكاذب!
فقال له رسول الله ﷺ: انت اختلط عليك الأمر 👌
وبعدين قال له رسول الله ﷺ:
"إِنِّي قَدْ خَبَأْتُ لَكَ خَبِيئًا"
يعني أنا خبأت لك حاجة، تقدر تعرف إيه هي، وكان رسول الله ﷺ خبأ في نفسه 《الدخان》 من قوله تعالى:
" فَارْتَقِبْ يَوْمَ تَأْتِي السَّمَاء بِدُخَانٍ مُّبِينٍ"
فقال ابن صياد:
"هُوَ الدُّخُّ"
يعني يقصد الدخان، ولكنه قطمها على طريقة الكهان، فعرف رسول الله ﷺ مادته وأنها شيطانية، فقال له رسول الله ﷺ:
" اخْسَأْ فَلَنْ تَعْدُوَ قَدْرَكَ"
يعني لا تتعدى حدودك انت وأمثالك من الكهان إللي مش بيحفظوا من جمل الشياطين الكثيرة كلمة واحدة،
يعني رسول الله ﷺ بيوضح الفرق بينه وبين ابن صياد وبيقول له انت مش رسول ولا حاجة،
انت اخرك تعرف كلمة ولا اتنين من كلام الشياطين، أما الأنبياء والرسل فإن الله تعالى يوحي إليهم من علم الغيب ما يوحي، فيكون الوحي واضح مفهوم كامل،
فهنا عمر بن الخطاب قال لرسول الله ﷺ:
"دَعْنِي يَا رَسُولَ اللَّهِ أَضْرِبْ عُنُقَهُ"
يعني خليني أقتله ونخلص، فقال له رسول الله ﷺ:
" إِنْ يَكُنْهُ فَلَنْ تُسَلَّطَ عَلَيْهِ وَإِنْ لَمْ يَكُنْهُ فَلا خَيْرَ لَكَ فِي قَتْلِهِ"
يعني لو هو الدجال مش هتقدر تقتله، ولو مش الدجال فمفيش فايدة من قتله،
ورسول الله ﷺ لم يقتل ابن صياد مع إنه ادعى النبوة لأن ساعتها ابن صياد كان لسه صغير مبلغش الحُلم حتى، يعني كان عمره حوالي اثنا عشر سنة زي ما قلنا من شوية،

بعد كده رسول الله ﷺ ومعاه أبي بن كعب راحوا لمنطقة النخل إللي فيها ابن صياد زي بستان كده أو مزرعة، ورسول الله ﷺ قعد يمشي براحة بين النخل والشجر عشان يراقب ابن صياد من غير ما ياخد باله لعله يعرف عنه حاجة،
فشافه رسول الله ﷺ وهو نايم على رداء بتاعه وعمال يتمتم بكلمات كده بصوت واطي بكلام مش مفهوم،
فرسول الله ﷺ عمال يقرب منه وبيحاول يسمع بيقول إيه،
وإيه الكلام الغير مفهوم إللي بيقوله ده،
فأم صياد خرجت من البيت إللي في المزرعة وشافت رسول الله ﷺ وهو بيتخفى لابنها وبيتسمع له فنادت على ابنها وقالت:
يا صافِ محمد وراك👌
فثار ابن صياد وغضب وقام من مكانه، فقال رسول الله ﷺ:
"لَوْ تَرَكَتْهُ بَيَّنَ"
يعني لو أمه مكنتش اتكلمت وكنت سمعت الكلام إللي عمال يقوله كنت عرفت إذا كان هو الدجال ولاّ لأ،
فرسول الله ﷺ فضل متحير في أمره ومعرفش إذا كان ابن صياد هو الدجال فعلا ولاّ لأ وانتشر الموضوع بين الناس إن رسول الله ﷺ بيشك في ابن صياد إن هو الدجال،

وكان عمر يحلف بالله إن ابن صياد هو الدجال أمام رسول الله ﷺ ورسول الله ﷺ مش بيعترض عليه لأن رسول الله ﷺ كان متوقف فيه وميعرفش إذا كان فعلا هو الدجال ولاّ لأ،
فكان غالب عليهم الظن ان ابن صياد هو فعلا الدجال عشان كده عمر رضي الله عنه كان بيحلف ورسول الله ﷺ مكنش بيعترض،
وقصة ابن صياد مع رسول الله ﷺ كانت في السنين الأولى بعد الهجرة يعني قبل قصة تميم الداري إللي قلنا عنها المرة إللي فاتت،
فلما جاء تميم الداري وحكى قصته لرسول الله ﷺ نقدر نقول إن قصة ابن صياد بقت خلاص منسوخة،
وإن ابن صياد مجرد واحد من الكُهان الدجالين وليس هو الدجال الأكبر إللي هيخرج آخر الزمان،
لكن المشكلة بقى في إللي حصل بعد كده وخلّى العلماء يختلفوا،
بعد موت رسول الله ﷺ حصلت حادثتين مع ابن صياد حيرت العلماء:
◇الحادثة الأولى :
ابن صياد أسلم وبقى غني عنده أموال كثيرة وكثرت ذريته،
واحنا قلنا إن الدجال عقيم لا يُولد له،
في مرة ابن صياد كان ماشي في طريق من طُرق المدينة الضيقة فقابله عبد الله بن عمر بن الخطاب وكان مع عبد الله مجموعة من أصحابه،
فلقاه بقى أعور، وعينه عاملة زي العنبة الطافية😳
فاستغرب عبد الله بن عمر وقال لابن صياد:
إمتى حصل لعينك إللي أنا شايفه ده😧
فقال له ابن صياد: معرفش😕
فقال له ابن عمر: متعرفش؟!! وهي في رأسك؟!!🤨
يعني عينك في راسك ومش عارف امتى بقيت أعور😅
فابن صياد قال لعبد الله بن عمر:
لو أراد الله جعل عيني في عصاك 🤷‍♂️
فهنا عبد الله بن عمر غضب منه جدا وراح ماسك العصاية بتاعته ونزل ضرب على ابن صياد لحد ما كسر العصايا بتاعته على ابن صياد،
فغضب ابن صياد غضب شديد وانتفخ، أه انتفخ🙊
وقعد ينتفخ لحد ما ملأ السكة الضيقة إللي كانوا واقفين فيها زي ما بنشوف في أفلام الكارتون كده😅
والناس إللي واقفة كلهم بقى مصدومين من منظر ابن صياد😳
والعجيب كمان إن عبد الله بن عمر بيقول والله ما حسيت إني ضربته ولا فاكر أصلا إني ضربته، وأصحابي إللي كانوا معايا هم إللي بيقولوا إني ضربته،
وراح بعدها لأخته حفصة بن عمر زوجة رسول الله ﷺ وحكى لها إللي حصل،
فقالت له حفصة: انت مالك ومال ابن صياد بتغضبه ليه، انت مش عارف إن الدجال هيخرج بسبب غضبة يغضبها👌

◇الحادثة الثانية:
ابن صياد كان بيسمع كلام الناس فيه وإن هو الدجال فكان بيتأذى من كلامهم وكان دايما يدافع عن نفسه بأنه مش هو الدجال،
خرج ابن صياد مرة للحج مع الناس، وكان من ضمن الناس واحد من الصحابة من الأنصار اسمه أبو سعيد الخدري،
ففي الطريق قعدوا يريحوا والناس اتفرقت كل واحد راح مكان واتبقى أبو سعيد مع ابن صياد،
فهنا أبو سعيد الخدري رضي الله عنه خاف من ابن صياد من كتر الكلام إللي بيتقال عليه😅
لأ وابن صياد جاب متاعه أغراضه وحاجته يعني ووضعها مع متاع أبو سعيد، يعني احنا قاعدين مع بعض مش هسيبك😁
فأبو سعيد قال له :
الجو حر فلو إنك وضعت أغراضك تحت الشجرة إللي هناك دي يكون أحسن،
ففعلا ابن صياد أخذ أغراضه ووضعها تحت الشجرة، وبعدها كان في غنم فراح ابن صياد حلب من الغنم وجاء لأبو سعيد باللبن يشربه، فقال لأبي سعيد: اشرب،
لكن أبو سعيد مش عايز منه حاجة أصلا هو نِفسه يبعد عنه وده لازق فيه🤦‍♂️
فقال له أبو سعيد:
الحر شديد واللبن حار😅
بيعتذر بلطف يعني عشان ميجرحوش ويقول له أنا مش عايز منك حاجة،
فقال ابن صياد لأبي سعيد:
أبا سعيد! لقد همَمْت أن آخذ حبلاً فأعلقه بشجرة ثم أختنق مما يقول لي الناس😑
يعني من كتر الكلام أللي الناس بتقوله عنه فكر إنه ينتحر ويخلص من الهم ده كله،
وبدأ بقى يدافع عن نفسه ويتلطف في الكلام مع أبو سعيد عشان يثبت له براءته، قال :
يا أبا سعيد! من خَفِيَ عليه حديث رسول الله ﷺ ما خفي عليكم معشر الأنصار!
يعني لو الناس معرفتش أحاديث رسول الله ﷺ الأنصار أكيد عارفين كلامه ﷺ، ومش انت من أعلم الناس بحديث رسول الله ﷺ،
طيب هو مش رسول الله ﷺ قال عن الدجال إنه كافر؟!
طيب أنا مسلم🤷‍♂️
مش رسول الله ﷺ قال عنه : هو عقيم لا يُولد له، طيب أنا تركت ابني في المدينة،
مش رسول الله ﷺ قال: لا يدخل المدينة ولا مكة، طيب أنا جاي من المدينة ورايح مكة أهه😕
فزي ما تقولوا كده ابن صياد صعب على أبو سعيد الخدري ولقى إن كلام ابن صياد فعلا منطقي جدا، وقال أبو سعيد في نفسه:
حتى كدت أن أعذره، يعني فعلا حسيته مظلوم، وإن مش هو الدجال،
وراح ابن صياد مكمل كلامه:
أما والله إني لأعرفه وأعرف مولده وأين هو الآن😤
يعني أنا أعرف الدجال وأعرف أبوه وأمه وأعرف هو فين دلوقتي،
فأبو سعيد اتصدم وقال له: تباً لك سائر اليوم، أيُسُّرك أنك ذاك الرجل؟
يعني تحب إنك تكون انت الدجال، فابن صياد إللي عمال يدافع عن نفسه وكان عايز ينتحر بسبب كلام الناس قال:
لو عُرِض عليَّ ما كرهت🤷‍♂️
يعني لو اتعرض عليه إنه يكون الدجال مش هيعترض وهيوافق عادي جدا🤦‍♂️

وحتى موته، محدش يعرف هو مات إزاي ولا هو فين أصلا، حصلت حادثة اسمها يوم الحَرّة حصل فيها قتال بين أهل المدينة وجيش يزيد بن معاوية،
وفي اليوم ده فقدوا ابن صياد لا لقوه هو شخصيا ولا لقوا جثته وده من الأمور إللي زودت الشك عند الناس،
وقالوا إن هو المسيح الدجال، لكن القول الراجح إن ابن صياد هو دجال من الدجالين وإنه ليس هو الدجال الأكبر،
وشك رسول الله ﷺ فيه كان بسبب إن في صفات مشتركة بينه وبين الدجال، وربنا كان أوحى لرسول الله ﷺ صفات الدجال ولم يوحِ له مين هو الدجال👌

☆ممكن حد يسأل ويقول : طيب هو مش الدجال مكتوب بين عينيه كافر وهيشوفها كل مؤمن ، إزاي رسول الله ﷺ مشافهاش🤨

بكل بساطة العلامة دي وغيرها من العلامات إللي جاءت في الدجال مش هتظهر غير في وقت فتنته لما يخرج على الناس آخر الزمان فيدعي الألوهية،
فلو اعتبرنا ان ابن صياد كان فعلا الدجال فطبيعي إن رسول الله ﷺ ميشفش بين عينيه كلمة كافر،
وزي ما قلنا إن الراجح إن ابن صياد مش هو الدجال👌

كده احنا عرفنا مكان المسيح الدجال والعلاقة بينه وبين ابن صياد وعرفنا المكان إللي هيخرج منه،
امتى بقى هيخرج، وإيه الظروف إللي هيخرج فيها🤔
احنا قلنا إن الدجال هيخرج بعد الملحمة الكبرى وفتح القسطنطينية في آخر الزمان،
أما الظروف إللي هيخرج فيها فالثلاث سنين إللي بيسبقوا خروج الدجال هيكونوا ثلاث سنوات شِدَاد،
هيكون في فُرقة واختلاف وفتنة وفساد من أحوال الناس ، وخفة من الدين ،وسوء ذات بين،
ويصيب الناس فيها جوع شديد ، السنوات دي مفهمش مطر والماء على الأرض هيكون قليل جدا،
فاكرين لما قلنا إن من علامات الساعة الصغرى توقف نزول المطر ، أهه في الثلاث سنوات قبل خروج الدجال هتحصل العلامة دي ،
في السنة الأولى تحبس السماء ثلث المطر،
والأرض هي كمان هتحبس ثلث النبات، وفي السنة الثانية السماء تحبس الثلث الثاني من المطر والأرض تحبس الثلث الثاني من النبات،
وفي السنة الثالثة تحبس السماء الثلث الثالث من المطر والأرض تحبس الثلث الثالث من النبات،
يعني مفيش ماء يبقى مفيش زرع، فمش هيلاقوا أكل يأكلوه ولا مية يشربوها، حتى الحيوانات هتهلك إلا ما شاء الله،
قال رسول الله ﷺ:
" إن قبل خروج الدجال ثلاث سنوات شداد، يصيب الناس فيها جوع شديد،
يأمر الله السماء في السنة الأولى أن تحبس ثلث مطرها، ويأمر الأرض أن تحبس ثلث نباتها،
ثم يأمر السماء في السنة الثانية فتحبس ثلثي مطرها،
ويأمر الأرض فتحبس ثلثي نباتها، ثم يأمر السماء في السنة الثالثة فتحبس مطرها كله، فلا تقطر قطرة،
ويأمر الأرض فتحبس نباتها كله، فلا تنبت خضراء، فلا يبقى ذات ظَلْف إلا هلكت؛ إلا ما شاء الله"
والمقصود من ذات الظلف الحيوانات، فالصحابة لما سمعوا كلام رسول الله ﷺ سألوه عن الناس هيعيشوا إزاي ومفيش لا زرع ولا ماء ولا حتى حيوانات يأكلوها،
فقال لهم رسول الله ﷺ إنهم هيعيشوا على قول لا إله إلا الله والحمد لله والله أكبر، وهيقوم الذكر بمقام الطعام،
"قيل: فما يعيش الناس في ذلك الزمان؟
قال رسول الله ﷺ : التهليل والتكبير، والتحميد، ويجزئ ذلك عليهم مَجْزأة الطعام"

◇وهنا في فائدة وهي إن الأذكار بتعطي قوة للبدن، وده مش خاص بآخر الزمان فقط لكن خاص بكل زمان والدليل على كده إن فاطمة بنت رسول الله ﷺ لما اشتكت له وإنها عايزة خادم قال لها رسول الله ﷺ إنه هيقولها على حاجة هي أحسن من الخادم، وهي إنها قبل ما تنام تسبح الله ثلاث وثلاثين مرة،
وتحمد الله ثلاث وثلاثين وتكبر أربع وثلاثين، فالحديث موضح إن الذكر فيه فائدة في تقوية البدن،
فحتى احنا لو احتاجنا للي يساعدنا في الأعمال فالحل إننا نكثر من ذكر الله، لأن فيه قوة للبدن،
ودي حقيقة فعلا مش مجرد كلام وعن تجربة شخصية عشان محدش بس يستبعد الموضوع وإنه صعب أو مستحيل👌

☆طيب سؤال بقى،
هو مش احنا قلنا إن المهدي هيكون قبل الدجال وإنه لما يحكم هيملأ الأرض عدل وربنا هيخرج له الثمار وينزل له الغيث من السماء،
إزاي بقى يكون في قحط وقلة ماء وغذاء وفتن وفساد في أحوال الناس🤔
المسيح الدجال هيخرج في زمن المهدي، والمهدي هيكون حاكم عادل وهيملأ الأرض عدل والعدل بييجي معاه كثرة الخير ونزول البركة من السماء،
لكن الوضع هيتغير قبل خروج الدجال بثلاث سنوات وربنا قادر، ومش معنى إن المهدي هيكون إمام عادل وخليفة راشد إن ميكونش في ناس فاسدين في الأرض وفي منافقين،
فقبل خروج الدجال هيكون في فتن تصيب الناس عشان تطلع إللي جواهم ويميز الله الخبيث من الطيب ويتميز أهل الحق عن أهل الباطل، وساعتها ينقسم الناس لفريقين :
فريق مؤمن لا نفاق فيه، وفريق منافق لا إيمان فيه،
والمؤمنين هم إللي هيقاتلوا الروم وينتصروا عليهم ويفتح الله عليهم القسطنطينية وروما وغيرها من البلاد،
ومتنسوش إن المهدي هيحكم سبع أو ثمان سنوات،
فممكن لما يحكم هيقدر يملأ الأرض عدل وتفضل الفتن والاختبارات مستمرة عشان يحصل التمايز بين المؤمنين وغيرهم،

لأن احنا عارفين إن المنافقين مش بيظهروا غير في عزة الإسلام وقوته، فإزاي ربنا يُظهر إللي في قلوبهم غير بالابتلاءات والفتن زي ما حصل في غزوة أحد وما بعد غزوة أحد وإللي حصل في غزوة الأحزاب لو تفتكروا👌
فمن حكمة ربنا إن يكون في ابتلاءات وشدائد قبل الدجال عشان المؤمنين يتعلقوا بالله فتثبت قلوبهم في الامتحان الأكبر ،
وفي نقطة تانية وهي إن الدجال لما يخرج هيكون جايب معاه الخيرات كلها وهيأمر السماء إنها تمطر فتمطر ويأمر الأرض البُور إللي مفيهاش زرع إنها تطلع زرع فالزرع يخرج،
فهنا الابتلاء يكون أشد على الناس ومش هيثبت أمامها غير المؤمن صادق الإيمان،
ومش كده وبس ده الدجال هيعمل حاجات تانية في الناس هنعرفها الجزء الجاي إن شاء الله بالتفصيل👌



#Eman_Shalapy

اسم الله البصير

♥️🌱 ورد إسم الله البصير في القران الكريم اثنتين وأربعين مرة ، منها قوله جل وعلا:
- ﴿سبحان الذي أسرى بعبده ليلا من المسجد الحرام إلى المسجد الأقصى الذي باركنا حوله لنريه من اياتنا إنه هو السميع البصير﴾ [الإسراء: ١]
- ﴿ذلك بأن الله يولج الليل في النهار ويولج النهار في الليل وأن الله سميع بصير﴾ [الحج: ٦١]
- ﴿وما أرسلنا قبلك من المرسلين إلا إنهم ليأكلون الطعام ويمشون في الأسواق وجعلنا بعضكم لبعض فتنة أتصبرون وكان ربك بصيرا﴾ [الفرقان: ٢٠]
.
و ورد في السنة النبوية : - عن أبي موسى الأشعري قال: «كنا مع النبي صلى الله عليه وسلم في سفر، فكنا إذا علونا كبرنا، فقال النبي صلى الله عليه وسلم : أيها الناس، اربعوا على أنفسكم؛ فإنكم لا تدعون أصم ولا غائبا، ولكن تدعون سميعا بصيرا»
.
.
.
♥️🌱 معاني إسم الله البصير :
.
البصر في حق الخلق: حاسة الرؤية ، والبصيرة: العلم والفطنة. و”البصير” من صيغ المبالغة على وزن فعيل، ورجل بصير بالعلم: عالم به.
.
- أولا : البصير هو المبصر لكل شيء، وله صفة البصر التي تليق بجلاله وعظمته، فيرى كل ما ظهر وخفي وكل ما عظم ودق. أنه البصير الذي أحاط بصره بجميع المبصرات في أقطار الأرض والسموات، حتى أخفى ما يكون فيها ، فيرى دبيب النملة السوداء على الصخرة الصماء، في الليلة الظلماء، وجميع أعضائها الباطنة والظاهرة، وسريان القوت في أعضائها الدقيقة، ويرى سريان المياه في أغصان الأشجار وعروقها، وجميع النباتات على اختلاف أنواعها وصغرها ودقتها، ويرى نياط عروق النملة والنحلة والبعوضة، وأصغر من ذلك.
.
- ثانيا : أنه سبحانه بصير، ذو إبصار بالأشياء كلها، عليم بها خبير بدقائقها. قال ابن القيم -رحمه الله- في المدارج: “البصير الذي لكمال بصره، يرى تفاصيل خلق الذرة الصغيرة، وأعضائها، ولحمها، ودمها، ومخها، وعروقها، ويرى دبيبها على الصخرة الصماء في الليلة الظلماء “.
.
.
يتبع ...

#العيش_مع_أسماء_الله_الحسنى

🌙 همسة مسائية🌅

•‏ سبحان الله وبحمده ١٠٠ مرة قبل طلوع الشمس وقبل غروبها .. لا تتركها لا تغفل عنها : راكبًا و ماشيًا قائمًا و قاعدًا و على جنب ؛ حاضرًا ومسافرًا ..
‏لا يأتي أحد يوم القيامة بأفضل مما جئتَ به ؛ إلا أحد قال مثل ما قلتَ أو زاد عليه ..
‏ومن فاته هذا الوقت فليستدرك في أي ساعة من ليل أو نهار ؛ وهو في خير عظيم وإلى خير عظيم ..

د. عبدالعزيز الشايع حفظه الله ..

#إطلالة_على_اسم_الله_الفتاح

الفتح الجميل(1)

🔸كل فتوحات الفتاح رائعة، وكلها نحتاج إليها، نرجوها ولا نستطيع العيش بدونها ولكننا في حياتنا نحيا بأعظم فتحين وكلاهما ميلاد جديد وعظيم لنا.

🔹الميلاد الأول لحظة فتح الهداية ودخول الكافر في روضات الإسلام، أو عودة المسلم العاصي إلى رحاب ربه والعيش في ظلال الإيمان، والميلاد الثاني لحظة فتح مِسك الختام حين يفتح الله على العبد بابا للعمل الصالح وحسن الخاتمة قبل الرحيل عن هذه الحياة.

🔸هي حياة جديدة وميلاد لحياة مختلفة، حياة أبدية لا يتخللها عمل ولا ملل، ولا يتخللها يأس ولا ضيق نفس، ولا يتخللها نصب ولا وصب.

🔷اللهم اجعلنا ممن تنعم عليهم بفيوضات هذين الميلادين، واجعلنا نتقلب في نعمهما يا فتاح .


بقلم/ رضا الجنيدي

✍️ كلنا راحلون ويبقى الأثر.. فلنترك أثرا قبل الرحيل.

*قبل أن تنام !!!*
*إفعل ما تيسر من:*
*1- "نفض الفراش"*
"مرتين"
*2- "الوتر"*
جنة القلوب!
*3- "الوضوء"*
النوم على الطهارة!
*4-" التحصين"*
أذگار النوم!
*5- "سورة الملك"*📖
المنجية من عذاب القبر!
*6- "الإستغفار"*
أستغفر الله العظيم واتوب اليه!
*7-"النوم"*
بطريقة النبي صلى الله عليه وسلم..
النوم على الشق الأيمن!
*8- "قيام الليل"*
إصطفاء من الله!