#قصص_الأنبياء(٢)
#السيرة_النبوية
#الحلقة_السابعة_والأربعون
#في_طريق_الهجرة

كنا واقفين عند رسول الله ﷺ لما تجهز هو وأبو بكر رضي الله عنه عشان يهاجروا من مكة ويتجهوا ليثرب وشرحنا الخطة بتاعتهم،
لما خرج رسول الله ﷺ من مكة نظر إليها وقال :
"وَاللهِ إِنَّكِ لَخَيْرُ أَرْضِ اللهِ وَأَحَبُّ أَرْضِ اللهِ إِلَيَّ، وَاللهِ لَوْلَا أَنِّي أُخْرِجْتُ مِنْكِ مَا خَرَجْتُ"

☆محتاجين نقف هنا وقفة عشان نفهم معنى مهم جدا👌
حب الوطن ده من المشاعر الفطرية في الإنسان زي حب الإنسان لأولاده وأمه وابيه
حلو الكلام
طيب لو الإنسان اتمنع إنه يُظهر دينه زي مثلا إنه مش عارف يؤدي الصلاة وباقي شعائر الإسلام والناس بتحاربه وبتؤذيه يبقى هنا الوضع إيه😕
يبقى يعمل زي رسول الله ﷺ ويسيب وطنه ده ويروح مكان تاني يقدر يُقيم فيه دينه ويعبد ربنا براحته،
طبعا لو كان يقدر إنه يسيب وطنه ده
والهجرة دي واجبة على الإنسان لو يقدر ، قال تعالى:
"يَا عِبَادِيَ الَّذِينَ آمَنُوا إِنَّ أَرْضِي وَاسِعَةٌ فَإِيَّايَ فاعبدون"
وإللي ميقدرش يهاجر يخفي إيمانه لحد ما ربنا يسهل له أمره،
زي المسلمين إللي معرفوش يهاجروا من مكة واتحبسوا فيها،
فاحنا عندنا في الإسلام الحفاظ على الدين مقدم على كل شيء👌
وبالمناسبة الحديث المشهور بتاع :
"حب الأوطان من الإيمان"
حديث موضوع😊

رسول الله ﷺ لما قال كلامه عن مكه مكنش يقصد حب الأرض ذات نفسها ولا التراب مثلا
لكن لأن مكة خير بقاع الأرض عند الله تعالى بنص الحديث

رسول الله ﷺ ترك وطنه لأنه مش قادر يُقيم فيه دينه وخرج هو وأصحابه من المسلمين لأرض ثانية عشان يعبدوا الله فيها،
اتجه رسول الله ﷺ مع أبي بكر الصديق رضي الله عنه لحد ما وصلوا لغار ثور وده كان في أواخر صفر من السنة الرابعة عشرة للبعثة ،
وبدأ تنفيذ الخطة من جميع الأطراف كل واحد عارف دوره،
في الوقت إللي كان فيه رسول الله ﷺ في الغار مع أبي بكر الصديق، كانت مكة مقلوبة
محمد ﷺ اختفى، راح فين.. طلع من مكة إزاي ...طيب فين أبو بكر.. مش لاقيينه هو كمان ...كده كل إللي كانوا خايفين منه هيحصل😮


دي آخر فرصة ممكن يلحقوا فيها رسول الله ﷺ قبل ما يهاجر، فطلعوا على الطرق يدوروا عليه،
حطوا مكافأة مائة ناقة لأي حد يلاقيه أو يقتله، ومائة ناقة في زمانهم كانت مبلغ كبير
فكل الناس بدأت تدور عشان تاخد المكافأة، كل مجموعة أخذت مكان تبحث فيه، وصل مجموعة من المشركين عند غار ثور إللي فيه رسول الله ﷺ وأبو بكر،
وقف المشركون على باب الغار وقعدوا يتكلموا، ولو واحد منهم بص لتحت رجله كده هيشوفهم
متخيلين موقف رسول الله ﷺ وأبو بكر بعد الخطة المحكمة دي، لقوا المشركين واقفين في المكان إللي هم فيه،
ولو المشركون شافوا رسول الله ﷺ وأبو بكر المرة دي هيقتلوهم أكيد😶
فكان أبو بكر الصديق رضي الله عنه خايف وقال لرسول الله ﷺ:
يا رسول الله لو واحد منهم بص تحت رجله هيشوفنا😥
فقال له رسول الله ﷺ :
متخفش! تخيل لما يكون اثنين الله ثالثهما إيه إللي ممكن يحصل، ربنا معانا👌
" إِذْ يَقُولُ لِصَاحِبِهِ لَا تَحْزَنْ إِنَّ اللَّهَ مَعَنَا ۖ "
فهنا ربنا أنزل عليهم السكينة وساعدهم بجند من جنوده،
وهي الملائكة، فهي صرفت بصر المشركين عن النظر لداخل الغار،
"فَأَنزَلَ اللَّهُ سَكِينَتَهُ عَلَيْهِ وَأَيَّدَهُ بِجُنُودٍ لَّمْ تَرَوْهَا."
ومشي المشركون وتركوا الغار من غير حتى ما يفكروا ينظروا داخل الغار بعد ما قطعوا المشوار الطويل ده كله في طريق صعب وفي الحر😳

فكان إللي صرفهم هو الله سبحانه وتعالى، عشان يقول لرسول الله ﷺ ويقول لنا احنا كمان إن مهما خططتم ومهما دبرتم ومهما أخذتم بالأسباب فأنا إللي بإيدي كل شيء،
والتوفيق من عندي أنا،
ورسول الله ﷺ بيعلمنا إننا في أشد المواقف لازم يكون عندنا يقين تام بالله، وإن محدش في الكون ده كله يقدر يعمل حاجة إلا بإذن الله👌


☆وطبعا هنا مننساش نقول إن قصة العنكبوت والحمامتين إللي كانوا معششين على باب الغار وإن في شجرة نبتت على باب الغار، كل دي قصص غير صحيحة🚫
وأصلا الإعجاز في إن ميكونش في حاجة على باب الغار عشان تبان قدرة ربنا الظاهرة ،
ده غير إن القصص دي مخالفة لكلام ربنا في القرآن
"وَأَيَّدَهُ بِجُنُودٍ لَّمْ تَرَوْهَا"
يعني التأييد هنا كان من الملائكة الغير ظاهرة، بعكس نسج العنكبوت والحمامة إللي هم جنود رآها المشركون🤷‍♀️

قعد رسول الله ﷺ في الغار مع أبي بكر الصديق رضي الله عنه ثلاثة أيام زي ما كانوا مخططين،
خلال الأيام الثلاثة دي كان بدأ البحث عن رسول الله ﷺ يهدأ شوية شوية،
وبعد الثلاثة أيام مانتهوا جاء عبد الله بن أُريقط ومعاه الناقتين عشان رسول الله ﷺ يبدأ رحلته إلى يثرب،
بدأوا يمشوا من الطريق الصعب فلفت نظر رسول الله ﷺ حركة أبو بكر الصديق الغريبة،
شوية يمشي قصاده، وشوية يمشي وراه ، فرسول الله ﷺ سأله: مالك يا أبا بكر، ليه بتمشي كده؟
فقال له أبو بكر الصديق رضي الله عنه بكل حب:
يا رسول الله!

افتكر الناس إللي بيطاردونا فأمشي خلفك،
وبعدين أخاف لحد يكون حاطط لنا كمين فأمشي قصادك😥

يعني أبو بكر الصديق بيقول لرسول الله ﷺ بطريقة عملية:
أنا مش مهم.. إنت أهم مني.. أنا أفديك بروحي يا رسول الله👌
وهم ماشيين كده شافهم من بعيد بعض المشركين لكنهم مكنوش متأكدين، فلما رجعوا مكة قابلوا واحد اسمه سراقة بن مالك، فقال له واحد منهم:
احنا شفنا ناس ماشيين على طريق الساحل، ممكن يكون محمد وصاحبه🤔
فسراقة عايز يأخذ المكافأة لوحده😈
فراح قايل لهم:
لالا مش هم خالص ..ده فلان وفلان لسه كانوا طالعين من عندنا من شوية

وبعد ما مشيوا من عنده، راح يستعد عشان يخرج وراء رسول الله ﷺ،
دخل خيمته واستقسم بالأزلام، يعني شاف حظه بيقول له أه اطلع المشوار ده ولا لأ، وده من الشرك إللي ربنا نهى عنه👌
فطلع له على الخشبة: لا😕
لكن هو عايز يطلع دي مائة ناقة
فعادي كأنه مشفش حاجة وراح لبس الدرع بتاعه وأخذ سلاحه وفرسه وطلع ناحية رسول الله ﷺ.


فضل سراقة ماشي بفرسه لحد ما أبو بكر رضي الله عنه شافه جاي من بعيد فأبو بكر خاف وقال :
يا رسول الله ..دول لحقونا😥
فرسول الله ﷺ قال له : كلا...ودعا رسول الله ﷺ على سراقة فقال :اللهم اكفيناه بما شئت👌
ففي نفس اللحظة رجل الفرس غاصت في الأرض ووقعت على وجهها وغاصت لحد ما بقت بطنها لازقة في الأرض 😮
فنط سراقة من عليها وهو بيقول إيه ده😳
فبدأ يقوم الفرس فقامت وهي بتحمحم يعني بتعمل صوت إللي هو صوت الفرس،
وأول ما قامت لقى دخان من غير ما يكون في نار، فعرف ساعتها سراقة إن رسول الله ﷺ ممنوع منه،
يعني لا يمكن الوصول إليه ولا القبض عليه ولا إيذائه👌

فمبقاش عارف يعمل إيه😶
فنادى على رسول الله ﷺ وطلب منه إنه يعطي له الأمان،
سبحان الله
إللي معاه السلاح والعتاد هو إللي بيطلب الأمان
فقال سراقة لرسول الله ﷺ:
أنا عرفت إن إللي حصلي ده بسببك، فادعي ربنا إنه ينجيني وأنا والله ما هقول لأحد عليك وهبعد عن طريقك أي حد يطلع يطاردك😥
وكمان على الطريق هتلاقوا الإبل بتاعتي، فقولوا للراعي يعطيكم من اللبن بتاعها وخذوا سهم من السهام بتاعتي عشان تبقى علامة لكم عند الراعي،
فرفض رسول الله ﷺ إنه يأخذ منه شيء،
في اللحظة إللي فرس سراقة غاصت في الأرض عرف إن رسول الله ﷺ هيظهر وينتصر على الناس في يوم من الأيام فأحب إنه ياخد من رسول الله ﷺ الأمان يعني عايز رسول الله ﷺ يكتب له كتاب يعطي له فيه الأمان عشان لو حصل حاجة في المستقبل،
فأمر رسول الله ﷺ عامر بن فهيرة إنه يكتب له كتاب يعطي له فيه الأمان، وفي رواية تانية طلب من أبي بكر الصديق،
وفعلا سراقة هيستخدم كتاب الأمان ده بعدين

فقال سراقة لرسول الله ﷺ : أؤمرني يا نبي الله وأنا هعمل إللي إنت عايزه👌
بيقول له نبي الله وهو مشرك متخيلين التحول إللي حصل

فقال له رسول الله ﷺ: متخليش حد ييجي ورانا🤚
فرجع سراقة وأول ميشوف حد رايح في اتجاه طريق رسول الله ﷺ يقول له:
خلاص محدش يروح الطريق ده أنا فتشت فيه، روحوا دوروا في مكان تاني😒


استمر رسول الله ﷺ في رحلته، فوهو ماشي قابل في الصحراء دي بدون أي ميعاد سابق ابن عمته الزبير بن العوام كان راجع من الشام في قافلة مع بعض المسلمين،
وكان مع الزبير ملابس جاي بها من الشام فأعطى ثوبان أبيضان لرسول الله ﷺ وأبو بكر الصديق رضي الله عنه،
واستكمل رسول الله ﷺ رحلته،
لحد ما وصلوا خيمة لامرأة في الصحراء وكان لها مع رسول الله ﷺ قصة😊
قصتها إيه مع رسول الله ﷺ 😁
ده إللي هنعرفه الجزء الجاي إن شاء الله😉


#السيرة_النبوية
#ايمان_شلبي

هذه ليلةٌ ونيسة..

خفف عنك أحمالك من الهم، والذنب، وخذ البشرى بالفتح والبركات، وكل طيِّب من الرزق
تطيب بطيبٍ لطيف، هذا أوان طيب روحك، ونفسك، وأيامك أيضا

ما عليك إلا أن تصلي وتسلم على النبي صلى الله عليه وسلم

اللهم صلِ وسلم على نبينا محمد وعلى آله وصحبه أجمعين.

- منقول

#الأربعون_النسائية🌿


تنقسم الزينة من حيث استعمالها إلى:

زينة مباحة: كل زينة أباحها الشرع ، وأذن فيها للمرأة ، مما فيه جمال للمرأة وعدم ضرر بالشروط المعتبرة ، ويدخل في ذلك: لباس الزينة ، والحرير ، والحلي والطيب، ووسائل التجميل الحديثة.

زينة مستحبة: وهي كل زينة رغب فيها الشارع وحث عليها ، ويدخل في هذا القسم سنن
الفطرة: كالسواك ، ونتف الإبط ، وتقليم الأظافر ، والاستحداد ، ونحو ذلك.

زينة محرمة: وهي كل ما حرم الشرع وحذر منه مثل: النمص ووصل الشعر ، أو كان فيه تشبه بالرجال أو بالكفار.

يقول الله تعالى: ﴿ وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ ﴾.

إذا من الضوابط الخاصة بزينة المرأة:
ستر الزينة والبعد عن التبرج وتجنب إظهارها للرجال الأجانب ومراعاة القصد والاعتدال والبعد عن
الإسراف ، ومراعاة حدود الزينة أمام النساء.

فيجب على كل مؤمنة أن تستر زينتها عن الرجال الأجانب

والزينة تشمل ال كحل والمكياج والحلي ونحو ذلك . وب َعْل المرأة هو زوجها

( وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا)
فما المقصود بها؟

قَوْلُهُ تَعَالَى: ﴿ وَلا يُبْدِينَ زِينَتَهُنَّ ﴾، يعني لَا يُظْهِرْنَ زِينَتَهُنَّ لِغَيْرِ مَحْرَمٍ، وَأَرَادَ بِهَا الزِّينَةَ الْخَفِيَّةَ وَهُمَا زِينَتَانِ خَفِيَّةٌ وَظَاهِرَةٌ، فَالْخَفِيَّةُ مِثْلُ الْخَلْخَالِ وَالْخِضَابِ فِي الرِّجْلِ وَالسُّوَارِ فِي الْمِعْصَمِ وَالْقُرْطِ وَالْقَلَائِدِ، فَلَا يَجُوزُ لَهَا إِظْهَارُهَا، وَلَا لِلْأَجْنَبِيِّ النَّظَرُ إِلَيْهَا،

وَالْمُرَادُ مِنَ الزِّينَةِ مَوْضِعُ الزِّينَةِ. قَوْلُهُ تَعَالَى: ﴿ إِلَّا مَا ظَهَرَ مِنْها ﴾، أَرَادَ بِهِ الزينة الظاهرة،

اختلف أَهْلُ الْعِلْمِ فِي هَذِهِ الزِّينَةِ الظَّاهِرَةِ الَّتِي اسْتَثْنَاهَا اللَّهُ تَعَالَى،

قَالَ سَعِيدُ بْنُ جُبَيْرٍ وَالضَّحَّاكُ وَالْأَوْزَاعِيُّ: هُوَ الْوَجْهُ وَالْكَفَّانِ.

وَقَالَ ابْنُ مَسْعُودٍ: هِيَ الثِّيَابُ بِدَلِيلِ قَوْلِهِ تَعَالَى: ﴿ خُذُوا زِينَتَكُمْ عِنْدَ كُلِّ مَسْجِدٍ ﴾ [الْأَعْرَافِ: 31]، وَأَرَادَ بِهَا الثِّيَابَ وَقَالَ الْحَسَنُ: الْوَجْهُ وَالثِّيَابُ.

وقيل هي الكحل والخاتم
وطبعا رسمة العين اللي بنشوفها دلوقتي غير الكحل زمان واكيد الكحل بالشكل الحالي ملفت للنظر

فالمراد بما ظهر هنا : الثياب والعباءة والخمار ، أو ما ظهر منها بغير قصد
زِينَتَه بسبب الريح مثلا .
قال ابن كثير رحمه الله : " أي لا يظهرن شيئً ا من الزينة للأجانب ، إلا ما لا يمكن إخفاؤه" ،

ويقول تعالى في حق القواعد من النساء : ﴿ غير متبرجات بزينة ﴾
.
فإذا كان هذا في حق اللاتي لا يرجون نكاحًا –لكبر سنهن– فهو أولى بالتحريم على اللواتي يردن النكاح - أي اللاتي لم يبلغن سن اليأس-

طيب ما الحكمة من منع الزينة أمام الرجال؟
هل هذا تقييد لحرية المرأة وحبها للتجمل؟

هنعرف الحلقة القادمه بإذن الله 🌹

#الأربعون_النسائية
#هبة_حلمي

أسرار الكهف✨

جرعة قُرآنية صباحيّة تُطيب أوجاعكَ، وتُريح قلبكَ، و تنير يومك، وترفع أجركَ.

القارئ : ماهر المعيقلي.
سورة : الكهف.

تذكر :
المستمع للقرآن شريك للقارئ ، بكل حرف حسنة و الحسنة بعشر أمثالها ( تكسب أجر و ثواب الاستماع ).

من سنتين كنت في نادي التنمية مع بعض الأصحاب برفقة أولادي، بنلعب..

بعد ما خلصنا، بقول فين (البراء)؟
"أصغر أولادي"

مش لاقيينه !!
دورنا كتير مش لاقيينه!!

بقيت أنادي بصوت عالٍ عليه يمكن يسمعني ويرد!!

بقيت أسأل الناس سواء اللي داخلين النادي زيارة أو اللي شغالين فيه !!
كلهم بيقولوا: لا !!

كنت في حالة من القلق لا يعلمها إلا الله!!

خاصة وأنا كنت مصمم - في البيت - إنه ييجي معانا يلعب ويجري مع إخوته!!

تذكرتُ كَنزًا لطالما نصحتُ الناسَ به !!

وهو كنز الصلاة على النبي صلى الله عليه وسلم.

شرعتُ في الصيغة الإبراهيمية وكلي ثقة في ربي إني هلاقي ابني!!

وبالفعل لقيته - بفضل الله - راكب عربيات التصادم جنب طفلة وبيلعبوا!!

بتاع الأمن قال: الطفل دا خرج ورا ناس لغاية الشارع !!

هم ركبوا وهو فضل واقف في الشارع !!

وبعدين دخل تاني على لعبة العربيات !!

الشاهد: أقسم بمن أودع القرءانَ في صدري،
ما وقعتُ في كربةٍ قط، وصليتُ على النبي صلى الله عليه وسلم، إلا كشف اللهُ غمي،
وكفاني همي..
وفي الحديث: إذَن تُكفىٰ همَّك، ويُغفَرُ ذنبُك.
أخرجه الترمذي، وحسنه الأرناؤوط.

فلا تغفل عن هذا الكنز أبدًا..

عجبتُ لمن كانت كرباته تصول وتجول،
وهو معه كنز الصلاة على الرسول !!

ساكت ليه؟
صلِّ علىٰ النبي محمد وآله.


محمد الفرماوي

حينَما تَتوكلُ على اللـہ يُساقُ إليكَ الخير منْ حَيثُ لا تَحتسِب ،
اللهم إنِّي وَكلتُ أمرِي إليْك في كل شيء.🤍

(لنختم القرآن سماعا)

الورد (١٩٤)

(الربع الثاني & الحزب التاسع والأربعين)

#القارئ: محد جبريل
#ليدبروا على التليجرام
https://www.tg-me.com/GhRoooh/12072

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻


https://youtu.be/M0gY_e1a1g4?feature=shared
#صباحكم_قرآنٌ_يُتلى

#قصص_الأنبياء(٢)
#السيرة_النبوية
#الحلقة_الثامنة_والأربعون
#وصف_النبي_المصطفى
#وصول_رسول_الله_للمدينة

اتكلمنا المرة إللي فاتت عن رسول الله ﷺ لما خرج من مكة وقعد في غار حراء ثلاثة أيام وبعدين بدأ رحلته ليثرب،
وشفنا إللي حصل مع سُراقة بن مالك ومقابلة رسول الله ﷺ للزبير بن العوام في الطريق،

لما كان الرسول صلى الله عليه وسلم ماشي في القافلة الصغيرة بتاعته مرّوا على خيمة لامرأة بدوية كبيرة في السن قوية و عاقلة غير مشهورة في الجاهلية اسمها أُم مَبعد الخُزَاعية،
وكانت قصاد الخيمة بتعمل أشغالها لما مر عليها رسول الله ﷺ،
فسألها لو عندهم تمر أو لحم يشترونه، فملقاش عندها حاجة وكانت فقيرة، وكان أصابهم قحط فقالت له:
والله لو عندنا حاجة كنت هضيفكم من غير ما تطلبوا😥
فرأى رسول الله ﷺ في الجنب كده شاة هزيلة ضعيفة ، فسأل أم معبد هي إيه دي؟
فقالت له أم معبد : دي شاة مخرجتش مع باقي الأغنام في الرعي لأنها هزيلة ومجهدة مش هتقدر تتحرك😓
فقال لها رسول الله ﷺ:
طيب تأذني لي إني أحلبها؟
فقالت له : أه عادي.. لو كان فيها لبن 🤷‍♀️
فجاب الشاة ومسح على ضرعها وقال :
بسم الله، اللهم بارك لها في شاتها،
فاتملى ضرع الشاة باللبن وطلب إناء طبق كبير، فحلب فيه لبن كثير وبعدين أعطاها اللبن تشرب لحد ما شبعت،
وسقى أصحاب لحد ما ارتووا، وشرب هو في الآخر ﷺ، وبعدين ملأ لها الإناء وتركه عندها ومشي.

أنا متخيلة شكل أم معبد وهي مستغربة ومتفاجئة من إللي شافته😳
معجزة ظاهرة واضحة قصادها

بعد شوية إلا وزوجها أبو معبد قادم ومعاه أغنام هزيلة بيتمايلوا من شدة الضعف، مش قادرين يمشوا،
فلما شاف اللبن قال :
إنتي جبتي اللبن ده منين والشاة إللي عندك هزيلة ضعيفة عزباء ومفيش ولا شاة تانية في البيت فيها لبن😳
قالت : أيوة صح معاك حق، لكن احنا عدى علينا رجل مبارك😮
وقعدت تحكي لأبي معبد القصة إللي حصلت معاها، فقال لها: طيب اوصفيه لي كده🤔

فقالت له بتوصفه بالإضافة لوصف الصحابة:
أنا شفت رجل ظاهر الجمال والحسن، رأسه ضخمة مش رأس صغيرة يعني ،والرأس الكبيرة في الرجال من مظاهر الحسن عند العرب
شعره أسود ولا هو شعر مجعّد ولا الشعر الناعم أوي المسترسل ده ، لأ.. شعره مفرود وحلو،

☆وكان ساعات يقصه عادي، وساعات يتركه لحد ما يوصل لكتفه،
أما وجهه فكان مدوّر ولون بشرته مش أبيض أوي زي الدقيق كده ولا هو أسمر ، بياضه كان بياض فيه حُمرة،
إذا سُر يعني يعني فَرح تقاطيع وجهه بتنور كأنه بيلمع زي الذهب،
وإذا تبسم الدنيا تنور، وكان بيتعرف السرور ده في وجهه يعني كان على الفطرة مشاعره إللي في قلبه ظاهرة على وجهه، إذا استحى...إذا كره شيء...
ومحدش كان أجمل منه، كأن الشمس تجري في جبهته يعني جبهته عريضة وبتلمع ..منورة، عينه واسعة، حمر رموشه يعني المكان إللي بيطلع منه الرموش..منبت الرموش فيه حُمرة،
ورموشه نفسها طويلة وكثيفة،
حدقة العين شديدة السواد والبياض إللي حولها شديد البياض، تحس إن عينه مكحلة مع إن مفيش فيها كحل، حواجبه طويلة ورفيعة مقوسة ومليانة شعر،
إللي يشوف حواجبه يحسهم متصلين ببعض لكنهم مش متصلين،
الجزء إللي بين حواجبه من بداية الأنف أبيض مفيهوش شعر، لكن فيه عِرق لما يغضب بيظهر العرق ده ويبقى بارز،
وجهه مش مليان شعر، الشعر موجود في محيط اللحية وخدوده ناعمة،
وكان بيعرق كثير وكان العرق في وجهه عامل زي حبات اللؤلؤ،
أنفه طويلة وأرنبة أنفه صغيرة ..نهاية أنفه يعني، وفي وسط الأنف حَدب يعني في ارتفاع عند قصبة الأنف بدون ما يكون شكلها قبيح،
فمه كبير وأسنانه بيضاء في بينها فواصل، يعني متفرقة وكل سِنّة متحددة لوحدها،
لما يضحك أسنانه بتبرق تحس إنه بيتلألأ، شعر لحيته ضخم وكثيف لونه أسود يصل طول لحيته لحد صدره وشكلها جميل،
لما يتكلم في سره الناس إللي وراه يعرفوا إنه بيتكلم بسبب تحرك لحيته، فهي كانت باينة لهم،
مكنش بيقصر لا من طولها ولا من عرضها، الجزء إللي تحت الشفاة السّفْلى فيه سبعة عشرة شعرة بيضاء،
أما شاربه فكان بيُحفيه يعني بيقصره جدا لحد ما يتبقى منبت الشعر، لكنه مكنش بيحلقه.

وكانت رقبته طويلة وبيضة عاملة زي إبريق الفضة، أكتافه عريضة وصدره واسع وكانت بطنه وصدره حتة واحدة مكنش عنده كرش يعني
وقلنا إنه كان بيعرق كثير وكان عرقه ده ريحته زي ريحة المسك،
وظهره كان عامل زي سبيكة فضة ظهره حتة واحدة، وكان على ظهره خاتم النبوة واحنا شرحنا شكله قبل كده
أما ذراعه فكانت طويلة ومليانة شعر،
وكان كف إيده ضخم وعريض وكانت ناعمة جدا وأَليَن من أي حرير وكانت أبرد من الثلج، وريحتها أحلى من المسك ﷺ
لما كان بيمشي رجله كلها بتكون على الأرض يعني كلها حتة واحدة، وهو مكنش طويل أوي ولا قصير كان طوله متوسط،
ولما كان بيمشي كان بيمشي بسرعة ومحدش كان بيمشي أسرع منه،
ولما بيلتفت يلتفت بجسمه كله مش بيلتفت برأسه بس،
ولما بيعتدل بيعتدل بجسمه كله،

لما كان بيتكلم كلامه مُفصل، كل كلمة لوحدها والحروف باينة، يعني القاف قاف والكاف كاف، بيتكلم باللسان والشفتين كلام واضح لدرجة إن إللي قصاده يقدر يعد الكلمات إللي قالها👌
وكان صوته فيه بَحّة خفيفة
ومحدش شم ريحة أجمل من ريحته، وهو أشبه الناس بإبراهيم عليه السلام،

بعد ما أم معبد خلصت وصف زوجها قال لها :
والله ده صاحب قريش إللي بيدوروا عليه 😮
وأنا كنت ناوي أتبعه، وفعلا هتبعه أول ما أعرف أوصل له👌

في الطريق قبل ما يصل رسول الله ﷺ يثرب قابل رجل اسمه بُرَيْدة بن الحصيب زعيم قبيلة أسلم وكان معاه سبعين رجل من قومه،
وكانوا خرجوا يبحثوا عن رسول الله ﷺ عشان ياخدوا مكافأة المائة ناقة من قريش،
رسول الله ﷺ بكل هدوء عرض عليه وعلى قومه الإسلام
مع إن الموقف خطير والناس دي جاية إما تقتله أو تأسره ومع ذلك رسول الله ﷺ كان همه الدعوة 👌
وسبحان مقلب القلوب زعيم القبيلة أسلم وأسلم معاه السبعين رجل كلهم في لحظة واحدة كده😳

كان خبر خروج رسول الله ﷺ من مكة وصل للأنصار في المدينة، فكانوا بيخرجوا ينتظروه على أبواب يثرب،
لأنهم مكنوش عارفين الوقت المحدد إللي هيوصل فيه رسول الله ﷺ ،لأنه كان ماشي من طريق غير الطريق المعروف، وكان بيخرج معاهم اليهود إللي كانوا ساكنين في يثرب،

نشوف كده عالسريع اليهود دول جاءوا منين أصلا لأن هيكون في احتكاك بينهم وبين المسلمين وبين رسول الله ﷺ كثير، وخصوصا إننا كنا سايبينهم في الشام بعد رفع عيسى عليه السلام فإيه إللي جابهم يثرب🤨
اليهود كانوا بيطاردوا أتباع عيسى عليه السلام وبيعذبوهم وبيحرضوا عليهم الملوك وخصوصا الحواريين،
فربنا سلط عليهم إللي يقتلهم ويعذبهم، في قصة طويلة ملك من ملوك الرومان حاصر اليهود في القدس وصمم إنهم ينزلوا على حكمه،
ولما استسلموا له أمرهم إنهم يقتلوا بعض، كل رجل يقتل أهله وإللي هيتبقى في النهاية هيسيبه يعيش،
وفعلا اليهود بدأوا يقتلوا بعض الرجل يقتل زوجته وأولاده مجزرة بشعة😑
فهرب إللي عرف يهرب وقُتل إللي قُتل، ولم ينجوا من المجزرة دي إلا الشريد ، يعني إللي كان برة البلد أصلا في مكان بعيد،
فبدأ يتجمع اليهود المشردين على هيئة مجموعات وسكنوا يثرب واستقروا بها واختاروا أخصب الأماكن وسكنوا فيها وبنوا الحصون،
ومن هذه المجموعات:
يهود بني قَيْنُقاع، ويهود بني النُّضِير، ويهود بني قُرَيْظة وغيرهم، وكانوا بالمئات، وكان عندهم خبرات بالزراعة والصناعة وبناء الحصون،
وده كان سبب ازدهار الزراعة وانتشار البساتين في يثرب،
بعد انهيار سد مأرب وحصول السيل هاجرت القبائل اليمنية ومنها قبيلة الأَزْد إللي كان منها الأوس والخزرج،
فجاءوا ليثرب بعد اليهود فاضطروا إنهم يسكنوا الأماكن المهجورة في يثرب، لأن الأماكن الخصبة سكنها اليهود،
وطبعا اليهود خافوا على نفسهم💁‍♀️
فقعدوا يوقعوا بين الأوس والخزرج عشان ميتحدوش ضدهم، نظام فرّق تَسُد🙄
وفعلا قامت بينهم الحروب وكان آخرها يوم بُعاث إللي كان قبل الهجرة بفترة،
فلما فهم العرب خطة اليهود بعد سنين طويلة من القتال وإنهم كده هيفنوا بعض والمستفيد من الموضوع هم اليهود فعملوا صُلح واتفقوا على رجل اسمه عبد الله بن أُبَي بن سلول يكون هو حاكم المدينة،
لكن حصلت بيعة الأنصار وكل الأمور اتغيرت👌
وصل رسول الله ﷺ وأبو بكر الصديق رضي الله عنه لحدود يثرب إللي هيكون اسمها المدينة النبوية بعد ما رسول الله ﷺ هيدخلها،
وبكده انتهت فترة الدعوة في مكة، انتهت ثلاثة عشرة سنة من البناء والتأسيس لعقيدة المسلمين، وبناء أخلاقهم،
انتهت مرحلة التعذيب والسخرية والتعدي على رسول الله ﷺ والمسلمين،
واتعلم الصحابة درس مهم جدا في السنين دي وهو إن الطريق إلى الله مش مفروش بالورود،
وإن المسلم ربنا لن يُمكّن له في الأرض إلا لما يُبتلى ويواجه الابتلاء بالصبر والثبات👌
أيوة كانت فترة صعبة لكن برده كان فيها إيمانيات وسعادة عاشها الصحابة مع رسول الله ﷺ،
هنشوف إن شاء الله أثر تربية رسول الله ﷺ للصحابة خلال الثلاثة عشرة سنة دي هتكون عاملة إزاي،
انتهت فترة العهد المكي وهتبدأ فترة العهد المدني😉

إزاي رسول الله ﷺ بدأ حياته في المدينة النبوية، وإيه الأُسس إللي وضعها في المدينة ؟
ده إللي هنعرفه الجزء الجاي إن شاء الله 😊

#السيرة_النبوية
#ايمان_شلبي