ازاي اتوب توبه نصوحه يا شيخ كل ما اقلع عن ذنب واقول عمري ما هرجع برجع+ ربنا هيحسب ندمي دا ولا لأ ؟

ج / إذا تبت توبة صادقة محت الذنب، فإذا عدت للذنب حوسبت على الجديد فقط، فتب ولا تيأس، وتوبتك تكون بالإقلاع الفوري عن الذنب والعزم على عدم الرجوع إليه والندم على فعله، ولا يبطل التوبة رجوعك إلى الذنب لكن عد فتب ولا تيأس، والله يعين.

الشيخ محمود مداد

أشعر بخلل ما فى علاقتي بزوجى كأن قلوبنا تغيرت قليلا، كأن هدأ الحب قليلا أو أصبحت العلاقة أكثر نضجا، كان دائما حلمى ألا يتحول زواجنا لواجبات كمعظم العلاقات التى أراها، أم أن هذه مرحلة حتمية؟

ج/ فترة عابرة تمر بها عادة كل العلاقات الزوجية مهما كان دفئها ووهجها..

وأجمل ما في الأمر أنك واعية بها..

تحتاجان إلى نفس جديد في علاقتكما وإلى الكثير من التغيير.

غيري تسريحة شعرك ولونه إن أمكنك.

وغيري قليلا في أثاث البيت خاصة غرفة النوم ولو بأن تغيري أمكنة الأشياء..

غيري ستارة نافذة غرفتكما، لون أحمر أو وردي أو بنفسجي..

غيري عطرك وشكل زينتك وملابسك.. اقتني له هدية رقيقة..

عشاء جميل على ضوء الشمع بعد أن ينام الأولاد..

أرسلا الأولاد إلى والديك ولو ليومين.. سافرا أو اخرجا وحدكما من غير الأولاد..

جلسة أمام الشاطئ أو بمطعم هادئ وتحدثا عن ذكرياتكما الجميلة..

وابتعدا عن مناقشة أحوال الجيب وتراشق التهم بالتقصير والأعباء التي تنتظركما.

إن كان يقرأ رَدي: هدية جميلة مصحوبة برسالة قصيرة تجدد فيها معاني الولاء والوفاء والمودة..

قارورة عطر أو أي شيء جميل من أدوات زينتها وتزينها..

مفاجأة سارة لها من تلك الأشياء التي تعلم أنها تبهجها.

وصال تقة

ما هو اليمين الذي احتاج له لكفارة و اكيد انا مش فاكرة حاجة و في سؤال قراته بقول لو حلفت حد على حاجة و معملهاش عليا كفرة يمين و ما هي كفارة اليمين ؟

ج / نعم .. عليكِ كفارة يمين
واليمين التي يُكفّر عنها هي الحلف بالله جل وعلا أو بصفة من صفاته على أمر مستقبل ثم يحنث الحالف فلا يفعل ما حلف على أن يفعله.
( يعني تقولين مثلًا "والله سأفعل كذا" ثم لا تفعلينه)

وكفارة اليمين: إطعام عشرة مساكين مسلمين - ولو صغارًا - ، لكل واحد منهم (750 جم) من البُرّ (القمح)، أو (1500 جم) من التمر أو الزبيب أو الشعير، ويمكن الأقوات الأخرى (كالأرز) على قولٍ ..
(أو) كسوة عشرة مساكين

فإن كان الإنسان فقيرًا لا يملك أي مالٍ لهذا فليصم ثلاثة أيام متتابعات.

الشيخ كريم حلمي

ابني ٩ سنوات يسألني: الأطفال شهداء غزة بيروحوا الجنة فورا ولا يوم القيامة؟ ممكن توضيح للنقطة دي.

ج / نعم يدخلون الجنة فورا ويكونون في شفاعة سيدنا إبراهيم والسيدة سارة - عليهما السلام -، ويوم القيامة يشفعون لآبائهم ليدخلوا معهم الجنة، صح ذلك عن النبي صلى الله عليه وآله وسلم.

روى أحمد والحاكم والبيهقي من حديث أبي هريرة رضي الله عنه أن رسول الله صلى الله عليه وسلم قال: "أولادُ المؤمنين في جبلٍ في الجنةِ ، يكفُلهم إبراهيمُ وسارةُ ، حتى يردَّهم إلى آبائهم يومَ القيامةِ"

محمد الجعفري

نسأل الله العفو والعافية 🤲🏻

شبح التعدد 👻(5)

السبب الرئيسي من وجهة نظري هو
🌷التضحية🌷

هو سبب خفي ..لا تشعر به النساء ولا يظهر على السطح..
ولكن إذا فتشنا في أعماقنا وجلسنا جلسة صريحة مع النفس لأعترفت كل منا أن هذا هو السبب الأساسي والأكثر ألما ووجعا 💔
وهو في الغالب ما يسبب رعب النساء وتحاشيهم لهذا الأمر ..
كل المشاكل التي وردتني(عن التعدد) ..أوقرأتها على مواقع التواصل الإجتماعي سواء على الصفحات العامة او الجروبات النسائية كان فيها تفاصيل مختلفة بإختلاف المشكلة ولكنها تحمل عامل مشترك وحيد👆 (تضحية الزوجة)

عاشت معه على الحلوة والمرة ..
تحملت فقره وقلة ذات اليد ..
ضحت بصحتها وانوثتها واهتمامها بنفسها
وصبرت على شظف العيش
وعاشت عمرها تحرم نفسها من متع كثيرة تتمناها👈 لتعينه في حياته وتسنده وتعلي من مستواه ..
⬅️كانت راحته اولويه لها حتى لو على حساب راحتها ..
⬅️سعادته اولويه لها ولو على حساب سعادتها ..
⬅️حاجته اولويه لها ولو على حساب حاجتها ..

كانت هي دوما دوما الطرف المضحي ..
تعبت ..تألمت ..سهرت ..حرمت نفسها ..تحملت فوق طاقتها ..
وهي تظن أنه قريبا وبعد أن تتيسر الأحوال وتأتي الأموال💴💰 سياتي الوقت الذي يرد لها الجميل على وقوفها بجانبه وتحملها عيشته ...
ويأتي رد الجميل سريعا على هيئة عروس صغيرة👰 ..
لم تتعب يوما معه او تصبر على فقره او تقف بجانبه او تحرم نفسها وتحملها مالا طاقة لها به ..
وهنا فقط يكون الانهيار💔 ..والانكسار

أليس هذا ما يحدث ⁉️
هي تنهار لأنها ضحت ..
نعم هي تحبه واشتعلت غيرتها لأنه تزوج
ولكن انهيارها بسبب تضحيتها التي لم تجد عنده اي تقدير فقابلها بالحجود والنسيان ..والخذلان

انا عشت فترة طويلة في إحد الدول العربية ..ووجدت الزواج الثاني امر طبيعي جدا عندهم ..ولم يكن لمجرد انه من عاداتهم كما يقال ..ولكن التعدد في بعض الدول العربية يمر بدون انهيارات وانكسارات لأن الزوجة هناك لا تضحي كما نفعل نحن : ))))

وبالتالي عندما يتزوج الزوج فهي تحزن ..وتغضب ..وتغاار ولكنها أبدا لا تنهار أو تنكسر كما يحدث معنا

طيب والحل !!!

يتبع ↩️


#هبة_أ_أبو_شوشه
#شبح_التعدد
#زوجيات

يارب 💔

اللهم ارزقنا من فضلك 🤲🏻

(لنختم القرآن سماعا)

الورد (١٨٩)

(الربع الأول & الحزب الثامن والأربعين)

#القارئ: إدريس أبكر
#ليدبروا على التليجرام
https://www.tg-me.com/GhRoooh/12053

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻
https://youtu.be/fgDczOxmf7A?feature=shared
#صباحكم_قرآنٌ_يُتلى

اللهم لك الحمد كما ينبغى لجلال وجهك ولعظيم سلطانك 💔

#قصص_الأنبياء(٢)
#السيرة_النبوية
#الحلقة_الواحدة_والأربعون
#بيعة_العقبة_الأولى

اتكلمنا المرة إللي فاتت عن معجزة انشقاق القمر، ووقفنا عند سؤال مهم وهو:
ليه ربنا لم يُهلك أهل مكة بعد ما طلبوا معجزة ولم يؤمنوا بها زي ما أهلك الأمم السابقة،
وخصوصا إن احنا قلنا قبل كده إن جبريل عليه السلام جاء قبل كده لما طلبوا إن مكة يبقى فيها أنهار ويحولها لأرض خضراء، وكانوا طلبوا برده إنه يحول لهم جبل الصفا لذهب،
فقال جبريل لرسول الله ﷺ إن ربنا بيقول لو أعطاهم إللي طلبوه وكذبوا هيهلك مكة،
إيه الفرق بقى في الموقفين🤔

ربنا بيهلك الأمم إللي بتطلب معجزة بعينها، يعني هم بيقولوا عايزين معجزة كذا،
زي ثمود قوم صالح هم إللي طلبوا الناقة بكل مواصفتها وربنا خلقها لهم بالمواصفات إللي طلبوها،
ومع ذلك كفروا فاستحقوا العذاب والهلاك،
ولما طلب كفار مكة من رسول الله ﷺ أنه يفَجّر لهم من الأرض ينابيع ماء، وطلبوا معجزات بعينها زي ما قلنا في الجزء الثامن عشر،
ربنا قال إنه ممكن يحقق لهم كل إللي طلبوه لكن لو كذبوا بعد كده هيهلكوا جميعا👌
لكن في معجزة شق القمر هم مقلوش احنا عايزينك تشق لنا القمر،
ده رسول الله ﷺ هو إللي عرض عليهم لما قالوا له أَرِنا معجزة،
عرض عليهم إيه رأيكم لو شققت لكم القمر تؤمنوا؟
فقالوا له : ماشي،
ده غير كده مش كل الناس شافت انشقاق القمر،
والمعجزة لازم الناس كلها تشوفها زي ناقة صالح،
فبعض أهل مكة شافوه وبعضهم كان في بيته وإللي كان مشغول لأن القمر بيطلع في الليل والليل الناس فيه بتنام وبتقعد في بيوتها،
فكان النقاش مع رسول الله ﷺ في بداية الليل فأراهم آية انشقاق القمر يعني الموضوع مكنش مترتب له أصلا👌

نرجع لرسول الله ﷺ في السنة الثانية عشرة للبعثة، كان رسول الله ﷺ بيدعو الناس بس كالعادة مفيش استجابة وحرب الدعوة شغالة،
كان بيشرح للمسلمين آيات القرآن وبيعلمهم الدين لحد ما جاء وفد من المدينة في موسم الحج من السنة الثانية عشرة من البعثة،
وكان الوفد مكون من اثنا عشر رجل من الأوس والخزرج ،
جاءوا عشان يقابلوا رسول الله ﷺ،
قعدوا مع رسول الله ﷺ في مكان اسمه العَقَبة، وبدأ رسول الله ﷺ يطلب منهم أمور محددة،
قواعد الإسلام الأساسية خلونا نشوفها ونشوف هل احنا مطبقينها في حياتنا ولا لأ👌
◇أولا :
ألا يشركوا بالله شيئا : تطبيق العقيدة الصحيحة، عبادة ربنا عبادة صحيحة، محدش يقدم أي أمر على أمر الله عز وجل👌
◇ثانيا:
لا يسرقوا ولا يزنوا ولا يقتلوا أولادهم ولا يأتوا ببهتان يفتروه بين أيديهم ولا أرجلهم،
والبهتان يعني أي حاجة بتخلي الشخص مندهش من الكذب إللي سمعه،
من أنواع البهتان:
الغيبة والنميمة وقذف المحصنات وقول الزور وشهادة الزور والزنا، وإن المرأة تزني وتلحق ولد الزنا بزوجها،
يعني أي حاجة مستبشعة تدخل في البهتان👌

بعد العقيدة الصحيحة تيجي الأخلاق،
مفيش قيام لأي أمة بدون الأخلاق، لو مفيش أخلاق ،ضاعت السياسة والحكم والقضاء والمعاملات😶





◇الشرط الثالث إللي رسول الله ﷺ طلبه من وفد الأوس والخزرج قال:
لا تعصوني في معروف 👌
أمر واضح من رسول الله ﷺ إنهم يطيعوه ولا يعصوه مادام يأمرهم بمعروف، يطيعوه في أوامره وفي نواهيه،
يعني لما رسول الله ﷺ يقول :
"ليس المؤمن بالطّعان ولا اللّعان ولا الفاحش ولا البذيء"
يبقى على طول كلامنا ميكنش فيه أي طعن ولا لعن ولا فُحش ولا ألفاظ بذيئة حتى لو كل الناس بيقولوها🤚

☆وممكن حد يستغرب هو ليه رسول الله ﷺ قال لهم يطيعوه في المعروف، ماهو طبيعي إن رسول الله ﷺ مش هيقول إلا المعروف🤔

رسول الله ﷺ بيضع قواعد للمستقبل، قواعد لبناء الأمة في أي زمن، يعني أي حد هييجي بعدي تطيعوه لما يأمركم بالمعروف تطيعوه أمركم بمعصية لا تطيعوه،
《لا طاعة لمخلوق في معصية الخالق》

بعد ما رسول الله ﷺ قال لهم الشروط أو القواعد بتاعته قال لهم:
لو عملتم إللي قلت لكم عليه ده ...جزاؤكم الجنة👌
مفيش مُلك في الدنيا مفيش لكم أي حاجة في الدنيا،
جزاؤكم في الآخرة فقط🤚
ولو حد فيكم خالف كلامي وربنا عجّل عقوبته في الدنيا يبقى خلاص دي كفارة،
لو ربنا ستره بعد عصيانه لكلامي فأمره لله إن شاء عاقبه وإن شاء غفر له👌

كان إيه رد فعل الوفد🤔
وافق الوفد وبايعوا رسول الله ﷺ على الكلام إللي قاله لهم كله، وبقى اسمها بيعة العقبة الأولى أو بيعة النساء،
هي البيعة مكنش فيها نساء، لكن اتسمت كده لأن النساء كانوا بيبايعوا رسول الله ﷺ على الشروط دي من غير الجهاد في سبيل الله

☆طيب وليه رسول الله ﷺ مطلبش منهم النصرة أو إنهم يجاهدوا في سبيل الله🤨

لأن رسول الله ﷺ عارف إن القرار مش بأيدي الناس دي، هم مجموعة من يثرب مش من الناس إللي بإيدها تاخد القرار،
فهو مش هيحملهم ما لا يطيقوا،
فهو الأول بيربيهم إيمانيا عشان يقدروا يدعوا قومهم ويكون عدد المسلمين أكثر وساعتها يقدروا يتحملوا مسؤولية نصرة الإسلام والدفاع عن رسول الله ﷺ 😊
¤طيب إزاي رسول الله ﷺ هيربي المسلمين ويدعي الناس في يثرب وهو في مكة🤔

كده يبقى احنا محتاجين شخص يقوم بمهمة الدعوة إلى الله في يثرب ويكون سفير للإسلام هناك، يعلم المسلمين ويكون صورة متحركة للإسلام وقدوة للناس،
ويمهد أهل البلد نفسيا لاستقبال المسلمين من مكة أو الحبشة أو أي مكان في الأرض،
وطبعا يدرس الوضع الاقتصادي والعسكري والأمني في يثرب عشان رسول الله ﷺ هيروح يقعد فيها،
فمحتاجين ندرس كل حاجة ونعالجها ، احنا بنبني دولة دلوقتي فمفيش أي مجال للخطأ👌

مين بقى أكثر واحد ملائم للمهمة دي...مفيش غير مصعب بن عُمير😁
فاكرين مصعب وإللي أمه عملته معاه لما أسلم وكان إزاي هو أكثر شباب مكة ترفا ومع ذلك ساب كل حاجة من أجل الإسلام😊
طيب ليه رسول الله ﷺ اختار مصعب بالذات ، أكيد في أسباب،
احنا اتعودنا من رسول الله ﷺ إنه مش بيعمل حاجة ولا ياخد قرار إلا وله حكمة في قراره وله بُعد نظر

خلونا نشوف الأسباب إللي خلت رسول الله ﷺ يختار مصعب بن عمير بالذات دونا عن أي واحد تاني من الصحابة 👌
♡أولا:
مصعب من أوائل الناس إللي أسلمت وبالتالي هو من أعلم الصحابة وكان بيحفظ كل ما ينزل من القرآن،
وعارف إمتى نزلت الآيات ومعناها يعني خاض التجربة الإسلامية من البداية👌
وطبعا لازم يكون على علم واسع، لأن مش هينفع لما تحصل حاجة يروح يسأل رسول الله ﷺ لأن هيكون بينه وبين رسول الله ﷺ مسافة خمسمائة كيلو،
يعني حوالي خمس ساعات بالعربية لو ماشي على سرعة مائة كيلو متر😶
فهناك مكنش فيه عربيات فتخيلوا الوقت إللي هيحتاجه عشان يوصل لرسول الله ﷺ 😕

♡ثانيا:
كان من صفة مصعب رضي الله عنه إنه هادئ وصبور وعنده لباقة في الكلام وذكي وعنده سعة صدر وحليم وده صفات أساسية لازم تكون في الداعية، وكمان مصعب كان إنسان رقيق ومتواضع، يعني داعية مثالي

♡ثالثا:
مصعب من أشراف مكة فلما يروح لهم واحد شريف في النسب أكيد هيسمع له أشراف أهل يثرب ،بعكس لو راح لهم عبد ضعيف أو إنسان مجهول🤷‍♀️

♡رابعا:
مصعب كان من أغنياء مكة المشهورين، وترك الغنى والأموال عشان الإسلام،
فهيكون قدوة لأغنياء يثرب إللي عايزين يدخلوا في الإسلام وبيترددوا بسبب أموالهم او ملكهم،
فهو مثال عملي لرجل استطاع إنه يسيب المال من أجل الإسلام💁‍♀️
وكمان دليل واقعي إن دين الإسلام مش دين ثورة من الفقراء على الأغنياء ، ولا هو ظهر بسبب عوامل اقتصادية زي ما في ناس بتقول 🙄

♡خامسا:
السفير المنعزل عن مكة وعايش في أمان ممكن يُفتن بالدنيا والعيشة المريحة بعد ما كان شُعلة في الدعوة،
لكن مصعب نجح في اختبار أصعب، وهو إنه كان عايش أصلا وسط العيشة المريحة دي،
وإللي يخليه يرفض الدنيا من يد أمه إللي كانت موفرة له كل سُبل الراحة أكيد هيرفضها من يد أي حد تاني
ونقطة تانية مهمة إن السفير الإسلامي ممكن يُفتن بفتنة الزعامة والرئاسة وإن الناس بتمشي وراه،
لكن مصعب كان وضعه مختلف لأنه كان هيبقى زعيم في قبيلته بني عبد الدار إللي معاهم مفتاح الكعبة وبيتوارثوه،
فكان المفتاح هيبقى في إيده ويكون هو الزعيم لولا دخوله في الإسلام👌

♡سادسا:
مصعب بن عمير كان من المهاجرين للحبشة في الهجرة الأولى والثانية، فأكيد هجرته خلته يكتسب خبرة في التعامل مع الأغراب ومع عادات وتقاليد مختلفة،
فاللي يخليه يقدر يتعامل مع ناس غير عرب ولغتهم ودينهم مختلف عنه،
يخليه يقدر تعامل مع عرب زيه، يعني التعامل هيكون أسهل

♡سابعا:
هجرة مصعب للحبشة خلت عنده القدرة إنه يسيب بلده وأحبابه، واحنا مش عارفين مهمته في يثرب هتقعد كم سنة،
فمادام هو صبر السنين دي في الحبشة يبقى يقدر يصبر زيهم في مكان تاني💁‍♀️

♡ثامنا:
مصعب كان عمره في الوقت ده خمسة وثلاثين عام، وده سن مناسب جدا للعمل في الدعوة،
يعني لا هو شاب في بداية سن الشباب فيتهور في أخذ القرار بسبب حماسه،
ولا هو شيخ كبير في السن صعب يتحرك وتكون مهمة الدعوة شاقة عليه👌

كانوا بيحفظونا واحنا صغيرين إن أول سفير في الإسلام هو مصعب بن عمير،
لكن محدش كان بيقول لنا هو ليه كان هو السفير، مكنش حد بيقول لنا إن رسول الله ﷺ كان بيخطط وبيختار الناس المناسبة لكل حدث،
وإنه كان بيختار الأشخاص بعناية، ومش بيختار اختيار عشوائي كده وخلاص،
دولة الإسلام والصحابة متبنوش في لحظة، رسول الله ﷺ مكنش معاه عصا موسى بيحقق بها المعجزات
رسول الله ﷺ كان بيفكر ويخطط ويأخذ بالأسباب وكان بيتعب وبيتأذى في سبيل الله،

رجع مصعب بن عمير مع وفد الأوس والخزرج ليثرب عشان يبتدي مهمته،
وهناك حصلت أحداث هتغير مجرى الدعوة الإسلامية للأبد
مين إللي دخل في الإسلام وأدخل معه قبيلته كلها في يوم واحد😁
هنعرف إن شاء الله الجزء الجاي 😉


#السيرة_النبوية
#ايمان_شلبي