وهو إزاي موسى عليه السلام يعترض أصلا ويطلب من رسول الله ﷺ إنه يسأل من ربنا التخفيف مع إنه هو إللي قال لبني إسرائيل افعلوا ما تؤمرون لما قال لهم إن ربنا يأمركم أن تذبحوا بقرة😳
من صفات الأنبياء ومنهم موسى عليه السلام التسليم التام لأوامر الله،
ومش معنى إن موسى عليه السلام بيقول رأيه في مواقف معينة يبقى هو كده معترض أو لا ينفذ أوامر الله حاشاه 👌
العلماء لهم قولين في السبب إللي جعل موسى عليه السلام يقول رأيه ورسول الله ﷺ يسمع كلامه :
القول الأول:
إن موسى عليه السلام ورسول الله ﷺ كانوا عارفين إن فرض الخمسين صلاة ده مش أمر حتمي غير قابل للنقاش،
لا هم كانوا عارفين إن الأمر لسه فيه كلام عشان كده موسى عليه السلام قال رأيه ،
ورسول الله ﷺ أخذ برأيه وأيده جبريل عليه السلام، والملائكة لا يفعلون أمر إلا بإذن الله
القول الثاني للعلماء :
إن ده كان من باب سؤال الله التخفيف ورفع الحرج والمشقة عن الأمة ، وده جائز لا يتنافى مع الرضا بقضاء الله ولا التسليم له،
زي بالضبط لما ندعي ربنا برفع البلاء، والنصر على الأعداء،
♡بالمناسبة موسى عليه السلام لم يتمنّ إنه يكون من أمة محمد
كل الأحاديث إللي بتقول عن موسى عليه السلام إنه تمنى يكون من أمة محمد فهي إما أحاديث موضوعة أو منكرة ضعيفة جدا لا تصح 👌

◇نيجي لآخر سؤال وهو :
اشمعنى رسول الله ﷺ استحى في مراجعة ربنا لما وصل للصلوات الخمس ومستحاش قبل كده🤨
أولا:
لازم نعرف إن كل حاجة بتتم بقدر الله 👌
يعني ربنا أَلهم موسى عليه السلام إنه يقول لرسول الله ﷺ إنه يسأل ربنا التخفيف،
وأَلهم رسول الله إنه يسأل الله التخفيف كل مرة وألهمه كذلك الحياء إنه يسأل التخفيف لما وصل للعدد خمس صلوات😊
ثانيا:
في رواية بتقول إن ربنا كان بيخفف الصلوات خمسة خمسة لحد ما وصلت لخمس صلوات ، فلو رسول الله ﷺ رجع وسأل ربنا التخفيف كده مش هيبقى في صلاة، وكأن رسول الله ﷺ بيطلب من ربنا إلغاء الصلاة
ده غير إن ربنا كان بيخفف الصلاة من غير ما يُعقب على شيء ،
لحد ما وصلوا لخمس صلوات فعقّب هنا وقال إنهم خمس في العمل وخمسين في الأجر، فعرف رسول الله ﷺ إن مينفعش تخفيف أقل من كده🤷‍♀️

☆دي كانت معظم الأسئلة إللي ممكن تيجي على بال حد فينا

كده رحلة رسول الله ﷺ للسماء انتهت وخلاص هينزل للأرض مع جبريل عليه السلام، نزل رسول الله ﷺ من السماء لبيت المقدس مرة أخرى وركب على البراق عشان يرجع لبيته في مكة😊
لكن قبل ما نرجع مع رسول الله ﷺ لمكة ونشوف أبو جهل وباقي كفار قريش تاني🙄 ونشوف رد فعلهم على قصة الإسراء برسول الله ﷺ،
في أحداث حصلت في رحلة الإسراء والمعراج أنا مقلتهاش لأن أنا معرفش وقتها كان إمتى بالضبط هل كان قبل المعراج ولا بعده، لأن العلماء مختلفين فيها، أنا كنت ناوية أذكرها النهاردة،
بس هخليها للمرة الجاية عشان نفضل عايشين مع رحمة ربنا شوية لأن الشخص إللي رسول الله ﷺ قابله كان صعب،
والحاجات إللي رسول الله ﷺ شافها كانت أصعب،
فالموضوع محتاج تفصيل😊

رسول الله ﷺ قابل مين، وإيه المشاهد إللي شافها ؟
ده إللي هنعرفه الجزء الجاي إن شاء الله 😉


#السيرة_النبوية
#ايمان_شلبي

*قال ابن القيم - رحمه الله* - :

*فإن اللسان لا يسكت البتة:*

* فإما لسان ذاكر
* وإما لسان لاغ
* ولابد من أحدهما.
*
*فهي النفس*

إن لم تشغلها بالحق
شغلتك بالباطل ...

*وهو القلب*

إن لم تسكنه محبة الله عز وجل
سكنته محبة المخلوقين ولابد.

*وهو اللسان*

إن لم تشغله بالذكر شغلك باللغو
وهو عليك ولابد .

*فاختر لنفسك إحدى الخطتين* *وأنزلها في إحدى المنزلتين.*

#رسائل_من_القرآن #أدهم_شرقاوي 🤲🏻

📌والتجاهل أنواع، فهو إما أن يكون:

⚡️تجاهلا للشخص، وكأنه غير موجود، حتى ينتبه ويعود لرشده ويعتذر عما بدر منه، وقد قيل: إن القليل من التجاهل يعيد كل شخص إلى حجمه الطبيعي.

⚡️ أو تجاهلا للذكريات والمواقف المؤلمة، وجعلها وراء ظهورنا بأن نبدأ صفحة جديدة في حياتنا، بل وجعلها حافزا لنا للانطلاق نحو حياة وأمل مشرق.

⚡️ أو تجاهلا للكلمات المسيئة لنا، ولنا في رسول الله -صلى الله عليه وسلم- أسوة "عندما كان يشتمه كفار قريش وينادونه مذمما، فما كان منه إلا أنه قال:- «أَلَا تَعْجَبُونَ كَيْفَ يَصْرِفُ اللهُ عَنِّي شَتْمَ قُرَيْشٍ وَلَعْنَهُمْ؛ يَشْتِمُونَ مُذَمَّمًا وَيَلْعَنُونَ مُذَمَّمًا وَأَنَا مُحَمَّدٌ». (رواه البخاري)–صلوات الله وسلامه عليه-"،

أيضا ما أرشدنا إليه ديننا الحنيف في قوله تعالى : (وَعِبَادُ الرَّحْمَنِ الَّذِينَ يَمْشُونَ عَلَى الأرض هَوْناً وَإِذَا خَاطَبَهُمُ الجاهلون قَالُواْ سَلاَماً)،
وقوله تعالى: (وَإِذَا سَمِعُوا اللَّغْوَ أَعْرَضُوا عَنْهُ وَقَالُوا لَنَا أَعْمَالُنَا وَلَكُمْ أَعْمَالُكُمْ سَلَامٌ عَلَيْكُمْ لَا نَبْتَغِي الْجَاهِلِينَ).

⚡️وهناك تجاهل للسلوك، فعن أَنسٍ قَالَ: "كُنتُ أَمْشِي مَعَ رسول اللَّه صلى الله عليه وسلم وَعَلَيْهِ بُرْدٌ نَجْرَانيٌّ غلِيظُ الحَاشِيةِ، فأَدْركَهُ أَعْرَابيٌّ، فَجَبَذهُ بِرِدَائِهِ جَبْذَةً شَديدَةً، فَنظرتُ إِلَى صَفْحَةِ عاتِقِ النَّبيِّ صلى الله عليه وسلم وقَد أَثَّرَتْ بِها حَاشِيةُ الرِّداءِ مِنْ شِدَّةِ جَبْذَتِهِ، ثُمَّ قَالَ: يَا مُحَمَّدُ، مُرْ لِي مِن مالِ اللَّهِ الَّذِي عِندَكَ، فالتَفَتَ إِلَيْه، فضَحِكَ، ثُمَّ أَمر لَهُ بعَطَاءٍ" (متفقٌ عليه).

وأخيرا بإيدك مفتاح من أهم مفاتيح سعادتك وراحة بالك وهو التغافل
وزي ما بنقول

🍃 طنش تعش منتعش 🍃

سبحانك اللهم وبحمدك أشهد أن لا إله إلا أنت أستغفرك وأتوب إليك

#فن-التغافل
#هبة-حلمي

تغافل تعش مرتاح👌

صباحُ الحامدين ♥️

(لنختم القرآن سماعا)

الورد (١٨٥)

(الربع الأول & الحزب السابع والأربعين)

#القارئ: تركي عبيد المري
#ليدبروا على التليجرام
https://www.tg-me.com/GhRoooh/12036

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻
https://youtu.be/EiBaJ0Fluhs?feature=shared
#صباحكم_قرآنٌ_يُتلى

فإني قريب♥️

حقيقة ﴿إِيَّاكَ نَعْبُدُ وَإِيَّاكَ نَسْتَعِينُ﴾ بمعنى مختلف تذوق المعنى... #رحلة_مع_الفاتحة #أحمد_العربي

#قصص_الأنبياء(٢)
#السيرة_النبوية
#الحلقة_السابعة_والثلاثون
#رحلة_الإسراء_والمعراج
#العودة_لمكة

اتكلمنا المرة إللي فاتت عن رجوع رسول الله ﷺ للأرض،
وقلنا إنه هيقابل شخصية صعبة،
لكن قبل ما نتكلم عن عن الشخصية دي محتاجين نعرف وصية الملائكة لأمة محمد ﷺ إللي هو احنا 😁
إبراهيم عليه السلام وصانا بسبحان الله والحمد لله ولا إله إلا الله والله أكبر،
أما الملائكة فكان لهم وصية مختلفة، يقول رسول الله ﷺ إنه كل ما يعدي على مجموعة من الملائكة يقولوا له مُرْ أمتك بالحجامة،
يعني يا محمد أؤمر أمتك إنهم يحتجموا، والحجامة يعني استخراج الدم الفاسد من الجسم، ولها فوائد كثيرة جدا بس مش موضوعنا هنا😅

احنا هنرجع للشخصية الصعبة المختلفة إللي رسول الله ﷺ قابلها في رحلته ،الشخصية دي كانت مِلك من الملائكة، الملك ده كان 《مَالك خازن النار》
بعد ما رسول الله ﷺ خلص صلاة بالأنبياء رأى من حائط بيت المقدس الشرقي جهنم😶
وشاف ملك من الملائكة وهو بيُقلب جمر في النار ، عارفين زي ما بنقلب الجمر أو الفحم المولع كده😓
ولما بنقلب الجمر بيطلع من حوله زي شرارة ، رسول الله ﷺ شاف الشرارة بتاعة الجمر وهي عاملة زي القصر الكبير،
"إِنَّهَا تَرْمِي بِشَرَرٍ كَالْقَصْرِ "
طبعا رسول الله ﷺ لم يدخلها وهي لم تؤذيه أو تمسه، هو شايفها بس👌
قال جبريل عليه السلام لرسول الله ﷺ : يا محمد هذا مالك صاحب النار فسلم عليه.
فرسول الله ﷺ الْتفت يبص عليه لقى رجل عابس😠
يُعرف الغضب في وجهه، يعني واحد مكشر إللي يشوفه يعرف إنه غضبان،
فبدأ مالك رسول الله ﷺ بالسلام وقال : السلام عليك يا محمد!
فسلم عليه رسول الله ﷺ
في بعض الروايات رسول الله ﷺ استغرب منه وسأل جبريل عليه السلام هو مضحكش في وجهي ليه،
فجبريل عليه السلام قال لرسول الله ﷺ :
هو لو كان بيضحك لحد كان ضحك لك، لكنه لا يضحك👌

مالك بقى خازن النار لا يتبسم أبدا، وده يعطينا انطباع بقول الله عز وجل:
"عَلَيْهَا مَلَائِكَةٌ غِلَاظٌ شِدَادٌ لَّا يَعْصُونَ اللَّهَ مَا أَمَرَهُمْ "


رأى رسول الله ﷺ بعض الناس إللي بيعذبوا في النار، من المشاهد دي إنه شاف ناس بيأكلوا الجِيَف، يعني بياكلوا جثث ميتة معفنة🤢
تخيلوا والعياذ بالله لما الواحد بيعدي ويكون في حيوان ميت وتبقى ريحته طلعت، بنبقى مش طايقين ريحته، في ناس بقى هتاكله في النار، يعني مش بس هيبقى عذابهم النار، لأ ده كمان هياكلوا الجيف😞
رسول الله ﷺ سأل جبريل عليه السلام مين الناس دي😳
فجبريل عليه السلام قال له:
هؤلاء الذين يأكلون لحوم الناس!
《الغيبة》كبيرة من الكبائر 😶

☆محتاجين نقف هنا وقفة صح😑
الغيبة انتشرت بطريقة صعبة
الغيبة معناها ذكرك أخاك بما يكره كما قال رسول الله ﷺ،
سواء بأخلاقه أو بلبسه أو بشكله أو أي حاجة تضايقه👌
يعني تفكري كده لو أنا قلت الكلمة دي الشخص ده هيزعل ولا لأ ، أو لو عرف إني قلت عليه كده هيكره إني قلت الكلام ده ولا لأ🤔
تخيلوا لما واحدة تطلب نصيحة في مجموعة مثلا عالفيس، لمشكلة مع صاحبتها ولا مع زوجها، والناس تسيب المشكلة وتقعد تشتم في الزوج ولا في صاحبتها،
متخيلين إن كل دي غيبة😶

ممكن واحدة تقول طيب أنا أصلا مغلطتش ما هي كده فعلا😑
رسول الله ﷺ قال :لو فيه الكلام ده يبقى اغتبته لو مش فيه الكلام يبأى بهتّه👌
والبهتان إن الإنسان يفتري على أخوه المسلم بكلام غير صحيح،
زي ما واحد ييجي يقول ده الشيخ الفلاني ده منافق😒
ويصمم ويحلف، طيب إنت عرفت منين والنفاق ده أصلا حاجة في القلب محدش يقدر يعرفها غير بوحي من عند ربنا😑
فتخيلوا لما تجتمع الغيبة مع البهتان ده هيبقى وضعه إيه في الآخرة😶

وفي مشهد ثاني للناس إللي بيأكلوا لحوم الناس ويتكلموا في أعراضهم رآهم رسول الله ﷺ وعندهم أظافر من النحاس بيقطعوا بها وجوههم وصدورهم 😰
الموضوع صعب جدا ربنا يعافينا...يا جماعة حافظوا على نفسكم، أي حد يجيب سيرة الناس قصادكم نبهوه وقولوا له ياخد باله، واحنا نفسنا لازم ناخد بالنا كويس أوي من كلامنا،
مش هنخسر حاجة لو متكلمناش،
لكن لو اتكلمنا أكيد هنخسر كثير، رسول الله ﷺ قال إن أكثر أهل النار هم النساء،
وقال إن أكثر حاجة بتدخل الناس النار هو اللسان والفَرْج👌
فعلى إيه المغامرة، لأ...خلينا نمسك لساننا ونبعد عن أي مواضيع فيها كلام عن الناس بصفة عامة،
دي جنة ونار مش هزار....

كل واحد فينا يتوب ويستغفر
ويدعي للناس إللي اغتابهم قبل كده، ويبدأ مع ربنا صفحة جديدة، وناخد بالنا من كلامنا بعد كده سواء لو احنا إللي بنتكلم أو الناس هي إللي بتتكلم معانا👌

من المشاهد إللي رسول الله ﷺ شافها في النار، إنه رأى عاقر الناقة، فاكرينه...الرجل من قوم صالح عليه السلام إللي قتل الناقة
ورأى رسول الله ﷺ ناس شفاههم بتتقص بمقصات من نار،
"رجالا تقرض شفاههم بمقارض...."
فسأل رسول الله ﷺ جبريل عليه السلام مين الناس دي
فجبريل عليه السلام قال له:

إن دول الخطباء من أمتك يأمرون الناس بالبر والمعروف والطاعات وناسيين نفسهم مش بيعملوا إللي بيقولوا للناس عليه👌

◇ولازم هنا توضيح عشان الناس متفهمش غلط😊
المقصود من الكلام إن إللي هيتعذب العذاب ده هم الناس إللي بيقعدوا يقولوا للناس اعملوا واعملوا واعملوا وهم مش بيعملوا حاجة خالص من إللي بيقولوا عليها،
ودول عكس الناس إللي بتجاهد نفسها في عمل الطاعات ونشر الدين حتى لو كانوا مقصرين ومش بيعملوا بكل إللي بيقولوا عليه👌


مشاهد النار في حادثة الإسراء والمعراج مكنتش كثيرة لأن الغاية من الإسراء والمعراج كان إسعاد رسول الله ﷺ وإنه يرى آيات ربنا وأد إيه ربنا راضي عنه،
في حديث تاني رسول الله ﷺ هيشرح مشاهد لأهل النار بس ده هيكون بعد الهجرة،
فلما ييجي وقته هنشرحه إن شاء الله 😊
وكمان من الأحداث إللي حصلت إن رسول الله ﷺ اجتمع مع إبراهيم وعيسى وموسى عليهم جميعا السلام،
وقعدوا يتكلموا عن الساعة يعني يوم القيامة ميعاده امتى، واتكلموا عن علامات الساعة،
فإن شاء الله هقول إللي حصل بينهم لما نتكلم عن علامات الساعة الكبرى 😉

☆نيجي بقى للسؤال المهم إللي ملخبط ناس كثير😅
هو إزاي رسول الله ﷺ شاف الناس إللي بتتعذب دي ولسه يوم القيامة مجاش🤔

الموضوع بكل بساطة إن ربنا جعل رسول الله ﷺ يرى مآل الناس دي💁‍♀️
نوضح أكثر، هو الزمن بيد مين
الزمن بيد الله عز وجل وربنا قادر إنه يجعل رسول الله ﷺ يشوف إللي هيحصل للناس دي،
مش احنا ساعات بنشوف رؤيا وبعدين تتحقق بعد كم سنة نقول أيوة أنا شفت الحدث ده قبل كده،
فطبيعي جدا إن ربنا يقرب الزمان لرسول الله ﷺ ويشوف مآل الناس إللي هي لسه عايشة هيكون إيه🤷‍♀️
وخصوصا إن دي حاجة بسيطة بالنسبة لمعراجه ﷺ للسماء ورؤية العجائب من خلق الله 😉
وهنلاقي حتى في القرآن ربنا بيتكلم عن أحداث يوم القيامة مثلا بصيغة الماضي في القرآن،
فهل معنى كده إن في قيامة قامت قبل كده🤔
لأ... استخدام الفعل الماضي عشان يعبر عن المستقبل عشان يقول لنا الأحداث دي هتحصل أكيد بدون أي شك👌

والمشاهد إللي رسول الله ﷺ شافها كانت لناس بيعذبوا في النار،
غير بقى الأحاديث إللي بتتكلم عن عذاب الناس في القبر دي موضوع تاني
عشان بس نفرق بين الإثنين، لأن في ناس بتنكر عذاب القبر وبيقولوا إن الحساب هيبقى يوم القيامة فقط،
والكلام ده غير صحيح🙅‍♀️❌

◇عالسريع كده الإنسان لما بيموت بيكون حالتين
إما بيُنعم أو بيُعذب،
☆إللي بينعم بيكون جاوب صح على أسئلة الملكين منكر ونكير :
من ربك؟ ما دينك؟ من نبيك ؟
فبيُفتح له باب من الجنة ويكون معاه عمله الصالح على هيئة رجل طيب الرائحة جميل المنظر يُؤنسه لحد يوم القيامة،
وروحه تُنعم في الجنة،
ويكون لنعيم الروح أثر على الجسد، يعني الجسد كمان هيتنعم مع الروح لكن مش زي نعيم الجسد والروح في الآخرة،
يارب يرزقني واياكم🤲🏻

☆وإللي بيُعذب ثلاثة أنواع:
¤نوع بيُعذب في قبره لحد ما مقدار السيئات يخلص وبعدين يُنعم في قبره لحد يوم القيامة زي ماقلنا من شوية 👆

¤والنوع الثاني واحد سيئاته كثيرة جدا وعذاب القبر مكفاش سيئاته، فده هيُعذب في النار لحد ما يوفي سيئاته وبعدين يدخل الجنة👌

¤النوع الثالث: الكفار ودول بيتعذبوا في القبر وفي النار إلى الأبد ربنا يعافينا 😞

رسول الله ﷺ ركب البراق ورجع مع جبريل عليه السلام لمكة، وفي طريق العودة حصلت موقف هيكون له الأثر بعدين،
كان في قافلة تجارية راجعة لمكة، فرآها رسول الله ﷺ وكان في بعير لهم هرب وواحد منهم راح يدور عليه ولقاه،
وشاف على رأس القافلة يعني في مقدمة القافلة جمل لونه أسود والمتاع إللي عليه لونه إسود،
وهو معدي على البراق سلم عليهم، فقالوا :ده صوت محمد
المهم وصل رسول الله ﷺ لبيته في مكة، وكل الأحداث دي كانت في ليلة واحدة،
رجعنا لأرض الواقع مرة تانية، رجعنا لمكة ورجعنا لكفار قريش، ورجعنا للدعوة ومهمة بناء أمة الإسلام👌
أنا بصراحة مش عارفة رسول الله ﷺ هيتعامل مع الناس دي تاني إزاي😶
يعني الواحد كان نسي أصلا إن أبو جهل ده موجود ولا أمية بن خلف، ولا غيرهم من المشركين،
وده واحنا بس بنسمع فما بالنا برسول الله ﷺ، أكيد هو كان نفسه يفضل في السماء في العالم المثالي ده وسط الملائكة زي ماحنا تمنينا وتشوقنا للعالم ده
لكن رسول الله ﷺ عارف إن وراه مسؤولية ورسالة لازم يؤديها الأول،
أكيد نظرته لكل حاجة هتتغير، نظرته للحياة الدنيا، ونظرته للناس ونظرته للإبتلاءات والأذى،
رسول الله ﷺ حياته هتتغير تماما بعد الرحلة دي👌


أسأل الله العظيم رب العرش العظيم أن يجمعنا جميعا أنا وكل من يقرأ كلامي في الفردوس الأعلى من الجنة بصحبة رسول الله ﷺ وصحبة إبراهيم وموسى وعيسى وجميع الأنبياء عليهم السلام
كما جمعنا بصحبة سيرتهم في الدنيا يارب آمين🤲
إن شاء الله الجزء الجاي هنشوف رسول الله ﷺ بدأ يتعامل مع الناس وإيه خطته الجديدة لنشر الدعوة 😉

#السيرة_النبوية
#ايمان_شلبي

السلام عليكم، هل يجوز كمصري التفاخر بالفراعنة وتاريخهم وبنائهم وقول نحن أبناء الفراعنة أو بناة الأهرام أو ما شابه، وهل يجوز زيارة الأماكن الأثرية؟

ج/ وعليكم السلام ورحمة الله وبركاته،

في الحديث: (لينتهين أقوام عن الفخر بآباء هم من جثي جهنم أو ليكونن أهون على الله من الجعلان)،

وفي الحديث: (من فخر بتسعة آباء له في الكفر فهو عاشرهم في النار).

قَبَّح الله الفراعنة.

الشيخ محمود مداد

أتساءل كثيرا، لماذا لم يَمُن الله عَليّ بأزواج كسائر الفتيات؟ هذه الفكرة تكاد تفسد علي ديني مثلما أفسدت دنيتي.

ج/ لماذا لا تسألين: لماذا مَنَّ الله عَلَيّ بالصحة والناس تملأ المستشفيات!؟

لماذا لا تسألين: لماذا مَنَّ الله عَلَيّ بالإسلام والكفار كثير؟

لماذا لا تسألين: لماذا مَنَّ الله عَلَيّ بالعقل وهناك مجانين كُثر؟!

لماذا لا تسألين: لماذا مَنَّ الله عَلَيَّ بمنزل يؤويني وكثير من الناس لاجئين وسط الثلوج!؟

الشيخ مطلق الجاسر

لو سمحت هو مش سيدنا عيسى والسيدة مريم كان دينهم المسيحية طب هو ليه الدين ده دلوقتي حرام؟

ج / الحمد لله

جميع الأنبياء دينهم هو الإسلام، وشرائعهم فرعٌ عن الإسلام، ومن جملة المسيحية التي آمن بها عيسى ودعا أتباعه إليها أن يؤمنوا بإله واحد لا شريك له، وأن عيسى عبد الله ورسوله، وأن يؤمنوا بمحمدٍ صلى الله عليه وسلم النبي الأمي عندما يأتيهم،

لكن النصارى كفروا بالمسيحية قبل أن يكفروا بدين الإسلام، كفروا بها لما حرفوها وجعلوا المسيح إلهًا أو ابن إله، مع إن المسيح ما قال لهم إلا ما أمره الله به "أَنِ اعْبُدُوا اللَّهَ رَبِّي وَرَبَّكُمْ"، وكفروا بها لما ابتدعوا فيها ما ليس منها، وكفروا بها لما تركوا اتباع النبي الذي جاءهم بالحق من عند ربهم مصدقًا لما بين يديه، فما ازدادوا بعد الكفر إلا كفرًا.

وكذلك المسلمون، لو أن واحدًا منهم آمن بمحمد وكفر بموسى وعيسى ابن مريم فلا فرق بينه وبين هؤلاء الذي آمنوا بعيسى وكفروا بمحمد، بل المؤمن حقًا هو من "آمَنَ بِاللَّهِ وَمَلَائِكَتِهِ وَكُتُبِهِ وَرُسُلِهِ لَا نُفَرِّقُ بَيْنَ أَحَدٍ مِّن رُّسُلِهِ وَقَالُوا سَمِعْنَا وَأَطَعْنَا غُفْرَانَكَ رَبَّنَا وَإِلَيْكَ الْمَصِيرُ"

والله الموفق

الشيخ كريم حلمي

مش عارفة أقرب من ربنا، حاسة إن قلبي مات.

ج/ غض البصر + إعطاء الصدقة بنفسك للفقراء والمساكين + زيارة دور الأيتام + زيارة المقابر + كثرة ترديد «لا إله إلا الله» + كثرة التلاوة + ركعات في جوف الليل

ما اجتمعت في إنسان فقسى قلبه

الشيخ أحمد عبد السلام

أنا آسفة جدا أني بزعج حضرتك، بس أنا الأيام دي في انتكاسة جامدة جدا! أنا البريود جاتلي ومن وقت ما خلصت وأنا مش بنتظم في الصلاة أبدا، بجمع صلوات كتير وفى يوم بيعدي عليا ومصليش خالص.
اتخنقنت من نفسي ومن أن كل شوية يحصل لي كده وكرهت أن تجيلى البريود بتشقلب حالي مضايقة من نفسي جدا.

ج / هذا شيء كتبه الله على بنات آدم، وهذه من الابتلاءات التي يُختبر بها إيمان الإنسان، ومن أعظم ما يعينك على تجنب هذا الاضطراب هو عدم الانقطاع عن العبادة في هذه الفترة..

لماذا نحصر العبادة والصلة بالله في الصلاة فقط دون غيرها؟!

اجعلي لك - منذ أول يوم - أورادًا في الذكر والدعاء والمناجاة (لفترة طويلة نسبيًا وليس مجرد دقيقة أو دقيقتين)، وفي سماع القرآن، وفي الصدقة والصلة وزيارة المرضى والمساكين ونحوهم إن استطعتِ.

إن فعلتِ ستكون هذه الفترة من أعظم فترات الشهر لولا ما يصاحبها من الاضطرابات النفسية الطبيعية .

الشيخ كريم حلمي