🎊🎉🎈اليوم عيدنا وكل جمعة بالصلاة والسلام على رسول الله صلى الله عليه وسلم عيد.... 🎊🎉🎈

اقنعيني لو سمحت (3)

ولكن … ودعونا نضع خط عررررررريض على الجملة التالية👇🏻👇🏻👇🏻

لا ينبغي أن يتوقف عمله على معرفة الحكمة !!!!!!!🤚🏻

بمعنى ..
عندي أمر لله عزوجل 👈🏻
قرأت أدلته .. وتيقنت أنها صحيحة … ولكن لم أستوعب الحكمة من فرضيته أو لم اقتنع بها من وجهة نظري ..كيف أتصرف ؟🧐

هنا لابد من التسليم والانقياد وطاعة الله عزوجل في أمره أولاً
لأن الدليل موجود وصحيح
ولأنني على يقين أنني أعبد رب حكيم عليم
إذا خفيت عني حكمته في أمر ما فليس معنى ذلك أنها ليست موجودة
ولكن معنى ذلك أنني لم أتوصل لها بعد !!!!
ثقة كاملة في رب العالمين
يقين تام بحكمته وعظمته وعلمه

.
.
ملخص كل الكلام السابق 👆🏻في نقتطين لابد أن تغرسيهما في أبناءك 🪴

🍃إذا جاء أمر من الله سبحانه وتعالى فلابد من التسليم والانقياد والطاعة سواء علمت الحكمة أم لم تعلمها

🍃هذا التسليم والانقياد لا يعني عدم طلب الحكمة والاقتناع ولكن لا يتوقف عمله على ذلك

فيكون الترتيب الصحيح
التسليم والانقياد
ثم طلب الحكمة والاقتناع

وهذا ينقلنا للرد على الطرف الثاني القائلين ( نتركهم على راحتهم حتى يقتنعوا)🤓

دعوني أقولها لكم صريحة : إذا انتظرت اقتناعهم بعد عرض الأدلة العقلية والنقلية فستنتظري طويلاً
فمن لم تكفيه أدلة الكتاب والسنة والعقل فحينها هو لا يبحث عن الحق ، وإنما هو يجادل وفقط ويتبع هواه
لأن الحق واضح وضوح الشمس فإذا لم يقبل به حينها فلن يفعل مستقبلاً إلا أن يشاء الله


طيب هنا سؤال متوقع 😁 عارفاكم أنا وحفظاكم 😜
ماذا لو بعد كل هذا لم تقتنع ؟؟؟
يعني أعطيت الأدلة وبحثنا عن الحكمة ولكن كان الرد ( عفواً لم أقتنع ولن استجيب لهذا الأمر .. ماذا أفعل كولي أمر سواء أم أو أب ؟🙄
هل أضرب وأصرخ وأشد شعرهم أم أشد شعري أنا وادعي عليهم وأجلس في ركن البيت أبكي على حالي ؟!


#هبه_أ_أبو_شوشه
#اقنعيني_لو_سمحت
#غفر_الله_لأمي

⛔التشاؤم عقيدة الجاهلية الإنسان إذا فَتَحَ على نفسه باب التشاؤم ضاقت عليه الدنيا، وصار يتخيل كل شيء أنه شؤم . 👌فينبغي للإنسان أن لا يطرأ له على بال؛ لأنه ينكد عليه عيشه. 💥فالواجب الاقتداء بالنبي ﷺ حيث كان يعجبه الفأل #علاج_التشاؤم 💥قال الشيخ صالح الفوزان حفظه الله : فالحاصل؛ أن الطيرة تعالج بهذه الأمور *#الثلاثة:* #أولا:* التوكل على الله. #ثانيا:* المضي وعدم التأثر بها ولا تظهر على تصرفاتك، وما كأنها وجدت . #والثالثة:* أن تدعو بهذه الدعوات الواردة في الأحاديث فإذا دعوت الله بهذه الدعوات: فإن الله يعافيك من الطيرة ويمدك بإعانته، ونصره، وتوفيقه. 📚 إعانة المستفيد شرح كتاب التوحيد *📌 فإذا رأى أو سمع أحدكم ما يكره، فليقل:👇 *⬅️ اللهم لا يأتي بالحسنات إلا أنت، ولا يدفع السيئات إلا أنت، ولا حول ولا قوة إلا بك.*

ابني عنده 9 سنوات ويسألني من خلق الله -سبحانه وتعالى-؟ كيف أستطيع أن أجاوبه إجابة يفهمها؟ مع العلم أننا نعيش في دولة غربية.

ج/ تقولي له:
دلوقتي لو عندنا مثلًا شاي، وعاوزين نخلي طعمه مسكّر، نعمل إيه؟
هيقولك: نحط عليه سكر.
تقولي له: طيب، لو إحنا بقى عاوزين نخلي السكر مسكر، نحط عليه إيه؟
فهيقولك: ما ينفعش، لأن هو السكر هو اللي بيخلي الحاجة تبقى مسكرة..

فتقولي له، نفس الكلام، دلوقتي إحنا مخلوقين، يبقى لازم حد يخلقنا، بس اللي خلقنا ما ينفعش يكون حد خلقه، لأنه كده هيبقى مخلوق.. وهكذا زي توضيح السكر بالظبط، هو في نفسه مسكّر مش محتاج حاجة تخليه مسكر، بس هو لما بيتحط في أي حاجة بيخليها مسكّرة..

فربنا -عَزَّ وَجَل- مش محتاج حد ي‍خلقه لأنه سبحانه خالِق، وإحنا عشان مخلوقين فمحتاجين حد ي‍خلقنا..

وهكذا، ده مثال طبعًا من كذا مثال ممكن يتعملوا بنفس الطريقة.

والله أعلم.

الغازي محمد

هو حرام لو حد كل ما تحصله حاجة من بلاء او كدة او اي ظرف معاه يكتب على الفيس والواتس ده؟

ج / الشكوى إلى المخلوق مذمومة، لماذا يجهر بشكواه ويصدع ببلواه؟ هلا صبر واحتسب وجعل ذلك بينه وبين الله، وتراه يشكو من؟ يشكو خالقه الرحيم إلى من لا يرحمه، لا ينبغي فعل هذا أبدا، أما لو كان لمصلحة كطلب دعاء من صالح أو نحو ذلك فلا بأس، وأما لمجرد الشكوى فلا ينبغي.

الشيخ محمود مداد

ليه بجد البنات اللي تعرف واحد واتنين وتلاته ومقضيها بتتجوز وعايشة عادي وإحنا اللي محفظين ع قلبنا وع اهلنا محدش بيتقدم لينا اصلا لازم نصاحب ونلف وندور يعني، عايزه اجابه مقنعه بجد!

ج / لأن الدنيا حين ينتشر فيها الفساد يفوز بكثير من لذاتها أهل الفساد، ثم إن لم يتوبوا يعذّبون بما عملوا في الآخرة.

ولأن الدنيا ليست معيارا لرضا الله أو سخطه، بل هي دار عملٍ في العموم لا دار جزاء.

ولأن الدنيا دار ابتلاء للمؤمن، كما في الحديث: الدنيا سجنُ المؤمن؛ يعني أنه محبوسٌ بالتكاليف الشرعية التي تقيّده وتحجزه عما حرم الله.

ثم إنه لا مانع من أن يفوز المؤمن بكثير من لذات الدنيا، بل هذا حاصل إن شاء الله لكثير ممن شاء الله لهم ذلك، فليأمل الإنسان خيرا ويكثر من الدعاء والصدقة، وما عند الله خير وأبقى.

محمد الجعفري

هل دعاء الخلاء: "أعوذ بالله من الخبث والخبائث" أقول قبله "بسم الله" ؟

ج/ نعم ورد هذا من حديث علي -رضي الله عنه- ولفظه: ستر ما بين أعين الجن وعورات بني آدم أن يقول أحدهم إذا دخل الخلاء "بسم الله".. فتقول "بسم الله، اللهم إني أعوذ بك من الخبث والخبائث"، ويكون ذلك قبل دخول الكنيف المبني لئلا تذكر الله داخله فذلك مكروه.

الشيخ محمود مداد

ليش طاعة الزوج واجب؟! شو الحكمة يعني هاد مو ظلم

ج/ ليس الزواج علاقة قهر وجبر لتكون طاعة الزوج ظلمًا !

إذا نظرنا إلى ذلك من جهة الحب؛ فالمحب أسرع شيء إلى طاعة حبيبه والعمل بما يرضيه والسبق إلى ما يحبه.

وإن كانت عقلا: فكل مشاركة في هذا العالم لابد فيها من رأس ومرءوس، ومتى حضرت "أنا وأنت" في البيت؛ فقد معناه وصار خرابا!

ثم إن كل هذا في ديننا محفوف بالمعروف محفوظ بالإحسان، منهي فيه عن الظلم والجور والقهر والأذى.

ومن تدبر حقيقة العلاقة بين الزوجين علم أن هذا من كمالات الإسلام وجماله، ولكن كثيرا من الناس لا يعلمون، ويشوهون معنى الزواج فيجعلونه نوعا من أنواع التسلط والقهر، أو ميدانا للمسابقات: من منا يقهر الآخر وينكد عليه!

الشيخ وجدان العلي

تُبَعثِرُكَ الهُمومُ بِكُلِّ وَادٍ،
وَتُلهيكَ الحَيَاةُ بِلَا حُدود..
سَتَعلَمُ إِن سَجَدتَ علَىٰ انفِرَادٍ،
بِأَنَّ الأُنسَ حَقَّاً فِي السُّجود..

وصية رسول الله صلي الله عليه وسلم
يا عبدَ الله، لا تكَن مثل فلان كان يقوم الليل، فتركَ قيام الليل

قيام الليل شرف المؤمن
قيام الليل 🤲📿📿🤲

💎💎 ‏"يأتي كل شيء ‏في توقيته الذي يراه الله مناسبًا لنا ‏وتجهله محدودية بصيرتنا ‏فكل شيء بميعاد ‏وعندما يأتي الوقت المناسب ‏ستجد كل شيء يحدث بأدنى حد من المجهود

‏ما قُدّر له الانتهاء سينتهي
‏وما قُدّر له البدء سيبدأ
‏وما قُدّر له النسيان سَيُنسى! ‏وكل شيء سيأخذ مساره الصحيح"
صبحكم الله بالرضا والسعاده

(لنختم القرآن سماعا)

الورد (١٦٨)

(الربع الثاني & الحزب الخامس والأربعين)

#القارئ: هيثم الدخين
#ليدبروا على التليجرام
https://www.tg-me.com/GhRoooh/12006

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻
https://youtu.be/C-OdFgHf2Ls?feature=shared
#صباحكم_قرآنٌ_يُتلى

ياااارب جدد الإيمان في قلوبنا🌷

#قصص_الأنبياء(٢)
#السيرة_النبوية
#الحلقة_الثلاثون
#هم_الدعوة
#الإعداد_للرحلة

اتكلمنا المرة إللي فاتت عن النفر من الجن الذين أسلموا بعد ما سمعوا رسول الله ﷺ يقرأ القرآن وهو قائم يصلي ورجعوا يدعوا قومهم للدخول في الإسلام،
رسول الله ﷺ مكنش يعرف إن في جن سمعوه ولا أي حاجة خالص عن القصة دي لحد ما نزل القرآن وأخبر رسول الله ﷺ بقصة الجن،
وإسلام المجموعة دي من الجن كانت من بشارات استجابة دعاء رسول الله ﷺ 😊
ربنا أراد إنه يهون على قلب رسول الله ﷺ بعد موت أبي طالب وموت خديجة والأذى إللي تعرض له في الطائف،
فكانت أولها ترقيق قلب اثنين من المشركين من أشد أعداء رسول الله ﷺ وإرسالهم للطعام مع عداس العبد النصراني،
وإسلام عداس وكانت دي ثاني البشريات،
وبعد كده إرسال ملك الجبال، وبعدين إسلام الجن 👌

طبعا ما ربنا هو اللطيف عز وجل
☆عارفين..في نوعين من اللطف:
لطف ظاهر ولطف باطن ،
اللطف الظاهر إن ربنا يبعد عنك الأذى، مثلا كانت هتخبطك عربية فبعدتي عن الطريق قبل ما تحصلك الحادثة وهكذا وده بيحصل كثير وبنشوفه،
وحتى تلاقينا كثير بنقول الحمد لله ده ربنا لطف بينا ...ده كان ممكن تحصل كارثة 😮

أما بقى اللطف الباطن فمعناه إن ربنا بيجعل في القلب سكينة واطمئنان كده ورضا، ومفيش قلق واضطراب مهما حصل

فكان من لطف ربنا برسول الله ﷺ إنه يرسل له البُشريات عشان يخفف عن قلبه الحزن إللي كان حاسس بها،
وربنا هيعمل حاجة لرسول الله ﷺ يمحوا بها الحزن ده من قلبه تماااما هنعرفها إن شاء الله لما ييجي وقتها 😁

نرجع لرسول الله ﷺ إللي المفروض واقف خارج مكة ومحتاج إنه يدخلها ، لكن في مشكلة دلوقتي😕
هيدخل إزاي وظاهر الأوضاع إن دخول مكة في الوقت ده صعب،
واحتمال كبير يغدروا به ويقتلوه
ماهو في وجهة نظرهم خائن لأنه خرج عليهم وراح يطلب النصر من قبائل تانية 😶
وهو ملوش أحد يحميه في مكة، كبير بني هاشم أبو طالب مات....أبو لهب من أشد أعداء الإسلام😑
وحتى لو مفيش خطورة على حياته،
لو رسول الله ﷺ دخل مكة كده عادي بعد ما طُرد من الطائف، المشركين هيشمتوا فيه وفي المسلمين وهيصوروا الموضوع إنه هزيمة لرسول الله ﷺ وللمسلمين.

رسول الله ﷺ فكر إزاي يدخل مكة ويحافظ على حياته وفي نفس الوقت لا يعطي الفرصة للمشركين إنه يشمتوا فيه ،
كان الحل إنه يستغل قانون من قوانين الجاهلية لصالحه وهو قانون الإِجارة، يعني الحماية،
وهو إن الرجل إللي ملوش أحد يحميه ،يدخل تحت حماية رجل له قوة ومنعة في القبيلة،
وطبعا مادام القانون مفهوش أي تعارض أو تنازل عن أي حاجة في الدين.
فقرر رسول الله ﷺ إنه يدخل في جوار أو في حماية واحد من سادات مكة المشركين 👌

☆ليه
لأن لو رسول الله ﷺ دخل في حماية واحد من المسلمين هيبقى كأنه بيعلن الحرب على مكة وهنا هتنقسم مكة لفريق مؤمن وفريق كافر،
ورسول الله ﷺ مش عايز كده دلوقتي لأن مش هو ده الوقت المناسب للمواجهة،
المسلمين لسه مستضعفين، عايزين نحط قواعد ثابتة عشان لما تحصل المواجهة لا يُباد المسلمين ويرجع وضعهم أسوأ من الأول 😶
ومع إن عدّى عشر سنين لحد دلوقتي من بداية الدعوة للإسلام، إلا أن المسلمين لسه مستضعفين ،
وإللي بيدعو مين...ده رسول الله ﷺ أفضل من مشى على الأرض، سيد الأولين والآخرين ، المُؤيد بالمعجزات ولسه المسلمين مستضعفين،
واخدين بالكم
ربنا بيقول لنا متستعجلوش على النتائج...اصبروا...إللي أحسن منكم بمراحل قعد عشر سنين يدعو ولسه المسلمين مستضعفين،
فما بالكم باللي أقل منه محتاج أد إيه 👌


رسول الله ﷺ عارف إن سنين طويلة من الضياع والبعد عن الدين وتغلغل الكفر والظلم في قلوب الناس مش هيتغير بثورة ولا هيتغير بمواجهة متهورة مش محسوب لها أي حساب،
رسول الله ﷺ معندوش مانع إنه يعلم الناس ويأصل العقيدة في قلوبهم، ويربيهم صح حتى لو استمر الأمر سنين طويلة عشان لما تحصل المواجهة الحقيقية تكون النتيجة هي انتصار الدين👌
لو اتبعنا منهج رسول الله ﷺ زي ما ربنا أمرنا أوضاعنا كلها هتختلف،


رسول الله ﷺ أرسل للمُطعم بن عدي المشرك عشان يكون في جواره،
والمطعم بن عدي فاكرينه😉
كان واحد من الخمسة إللي كان عنده مروءة واشترك في نقض صحيفة شعب أبي طالب

فلما عرف إن رسول الله ﷺ عايز يدخل في جواره وافق ونادى على أبنائه وقومه وقال لهم إلبسوا السلاح بتاعكم وتعالوا معايا عشان أنا اجرت محمد،
ووقفوا عند باب مكة مستنيين رسول الله ﷺ يدخل عشان يحموه،

دخل رسول الله ﷺ مكة مرفوع الرأس ، وتوجه ناحية الكعبة ومعاه المطعم بن عدي وأبنائه وأفراد قبيلته ماشيين حواليه بالسلاح بيحموه،
وصلوا لحد الكعبة ، وأول ما وصلوا وقف المطعم وسط الناس وقال :
يا معشر قريش!
محمد في حمايتي محدش يقرب منه ولا يؤذيه حتى بكلمة 👌
صلى رسول الله ﷺ عند الكعبة ركعتين في حماية المطعم بن عدي،
وفي هنا رسالة خفية من رسول الله ﷺ لأهل مكة بما فيهم المطعم بن عدي👌

بيقول لهم بطريقة عملية أنا لسه على طريقي، أنا لسه متمسك بدعوتي، ومش معنى إني دخلت في جوار المطعم بن عدي المشرك إني هسكت وهتنازل عن الدين،
لأ..كل حاجة هتمشي زي مانا عايز...ومفيش أي تنازل عن أي شيء في الدين
ولو كان المطعم بن عدي قال لرسول الله ﷺ إنه يحميه بشرط إنه يتوقف عن الدعوة مكتش رسول الله ﷺ هيوافق أبدا🤚

رجع رسول الله ﷺ لبيته وسط الحماية دي ووقف حراس على بيته من الخارج يحرسوه،
والأوضاع هدأت في مكة نسبيا، بعد الإجارة دي😊

عايزاكم تتخيلوا لما رسول الله ﷺ يدخل بيته بعد الأحداث دي كلها، أحداث الطائف والجن ودخوله لمكة،
وميلاقيش إللي كانت بتستقبله لما يرجع ،وتسمعه لما يحكيلها ويفضفض معاها،
هيحكي لمين دلوقتي...رسول الله ﷺ بشر يعني من الإنس يعني بيأنس بالبشر هو كمان... زيه زينا

مين إللي عالم بالحزن ده ...اللطيف الخبير
ماهو كل إللي حصل ده كله كان بتقدير ربنا، ولو شاء ربنا محدش كان يقدر يمس رسول الله ﷺ بأي شيء، ولو شاء الله مكنش قبض روح خديجة،
يعني كل ده ابتلاء من الله عز وجل، وربنا الرحيم اللطيف الودود

ربنا أراد إنه يزيل الحزن إللي في قلب رسول الله ﷺ ده من جذوره ويفرحه
في الوقت إللي كان بيترتب لرسول الله ﷺ خطة تفرحه كان رسول الله ﷺ بيفكر في الوضع بتاعه ،
وإزاي يبدأ يتحرك بالدعوة عشان ينشرها برة مكة، برغم الظروف المؤلمة إللي هو فيها،

خلونا نفكر مع رسول الله ﷺ ،
هو دلوقتي في حماية المطعم بن عدي، لكن موقف المطعم بن عدي موقف مؤقت،
لو قريش صبرت سنة سنتين على الوضع ده ،مش هتقدر تصبر مدة طويلة ،
وحتى المطعم بن عدي نفسه له طاقة ومش هيقدر يحمي رسول الله ﷺ على طول،
وممكن بسبب ضغط من قريش المطعم يترك حماية رسول الله ﷺ وساعتها هتبقى مشكلة،
يبقى الحل دلوقتي إيه🤔
إننا نشوف وضع دائم يحميه ويحمي الدعوة بدل الوضع المؤقت مع المطعم بن عدي،
يبقى محتاجين نبحث عن ناس لهم مكانة برة مكة، أقوياء يؤمنوا ويقدروا ينصروا رسول الله ﷺ ودعوة الإسلام ،
يبقى هو ده القرار الصحيح، البحث عن من ينصر الدعوة👌

كان رسول الله ﷺ في بيته وفجأة سقف بيته اتفتح ، ونزل منه جبريل عليه السلام،
وكان جبريل عليه السلام يأتي لرسول الله ﷺ في صورة بشر،
لما نزل جبريل على رسول الله ﷺ في بيته، شق صدره😶
ودي المرة الثانية إللي يُشق فيها صدر رسول الله ﷺ،
المرة الأولى لما كان صغير واتكلمنا عنها في البداية😉

فجبريل شق صدر رسول الله ﷺ بدون بنج وبدون دم يسيل وبدون ألم ولا أي حاجة خالص
فلما شقه فتح اللحم وطلع قلبه ﷺ وغسل جبريل صدر رسول الله ﷺ من الداخل بماء زمزم، وغسل قلبه كمان بماء زمزم لحد ما جوف رسول الله ﷺ بقى نقي 😮
وبعدين جاء جبريل عليه السلام بطست من ذهب يعني طبق كبير من ذهب مليان حكمة وإيمان،
فأفرغها في صدره ﷺ،
وقفل اللحم على بعضه ومسح جبريل على اللحم فرجع زي مكان ولا كأن كان في صدر مفتوح ولا أي حاجة

طبعا في هنا أسئلة كثيرة وفين وإزاي ومعقول و...و....الكلام ده حصل ورسول الله ﷺ حكاه والحديث في البخاري،
وإللي بيؤمن بالله مش هيلاقي صعوبة إنه يصدق الكلام ده💁‍♀️
إللي حصل مع رسول الله ﷺ ده اسمه معجزة، والمعجزة هي الشيء الخارق للعادة، يعني برة قوانين العقل أصلا
فطبيعي إن العقل ميستوعبش الكلام ده، وهنا ييجي دور الإيمان بالغيب وبقدرة الله
هو ربنا رافع السماوات بغير عمد ، خالق الكون، خالق البشر أصلا وخالق كل ذرة في الكون مش هيقدر يقول للدم لا تنزف ، مش هيقدر يوقف الإحساس بالألم،
الله على كل شيء قدير👌
يبقى نقول آمنا بك يارب وبقدرتك وآمنا بكل الغيب

ربنا بيجهز رسول الله ﷺ لرحلة، لكن الرحلة دي مش زي أي رحلة عشان كده التجهيزات بتاعتها كانت تجهيزات خاصة جدا ،
بيجهزه لرحلة الإسراء والمعراج
إيه الرحلة دي وإيه إللي حصل فيها ده إللي هنعرفه الجزء الجاي إن شاء الله😊


#السيرة_النبوية
#ايمان_شلبي