#قصص_الأنبياء(٢)
#السيرة_النبوية
#الحلقة_السادسة_والعشرون
#موت_أبي_طالب

كنا واقفين المرة إللي فاتت عند أبو جهل لما كان واقف بيدافع عن نقض الصحيفة،
وقصاده خمسة منظمين من سادات مكة عايزين ينقضوا الصحيفة،
وهم واقفين كلهم بيتخانقوا كده ...فجأة لقوا أبو طالب بن عبد المطلب عم رسول الله صلى الله عليه وسلم داخل عليهم المسجد🤨
فشاف ابو طالب الناس واقفة وبتتكلم فدخل في الكلام وقال لهم:
ابن أخويا بيقول إن الصحيفة إللي إنتم معلقينها في الكعبة وفيها قانون المقاطعة أكلتها دودة الأرض ومسبتش فيها حاجة غير اسم الله عز وجل...باسمك اللهم👌
كفار مكة استغربوا إيه إللي بتقوله ده🤨
فقال لهم: روحوا هاتوا الصحيفة لو لقتوها زي ما ابن أخي قال...ترجعوا عن المقاطعة،
ولو كان كاذب هنتركه لكم وإنتم خذوه واقتلوه😳
فقالوا : صح معاك حق ..ده العدل😕
فراح زعماء مكة ودخلوا الكعبة وبيشوفوا الصحيفة لقوها زي ما رسول الله قال🥺
معجزة واضحة قصادهم، طبعا مكنش في حل تاني غير إنهم ينهوا المقاطعة زي ما وعدوا أبي طالب،
وانتهى حصار المسلمين بعد ثلاث سنوات في محرم من السنة العاشرة من البعثة،

☆شوفوا هو ربنا كان قادر إنه ينهي الموضوع كله في لحظة،
لكن ربنا أراد إنه يعلم الصحابة ويعلم كل الأجيال إللي هتيجي بعدهم: الصبر والثبات على الإيمان،
وكمان بيعلمنا إن أصعب المشاكل إللي ممكن يكون الإنسان فيها ممكن تتحل من طريق عمره ما يخطر على بال أحد أصلا،
إللي هينهي القصة دي كلها..دودة😶
متخيلين...ربنا سخر دودة عشان تنهي حصار صعب شديد استمر ثلاث سنوات على المسلمين😳
الدودة قعدت ثلاث سنوات تأكل في الصحيفة، حد كان يخطر على باله إللي حصل ده أصلا🤷‍♀️
فاتعلموا الصبر واتعلموا كويس قوي كلام ربنا:
"وَمَا يَعْلَمُ جُنُودَ رَبِّكَ إِلَّا هُوَ" 👌

انتهى الحصار وخرج المسلمون أشد ثباتا على الإسلام وأقوى يقينا في الله😊
في بدايات السنة العاشرة من البعثة مرض أبو طالب عم رسول الله،
كان وصل عمره لثمانين سنة، وكمان خرج من حصار ثلاث سنوات أكل فيها ورق الشجر ،
ده غير القلق إللي كان عايش فيه بسبب خوفه على رسول الله صلى الله عليه وسلم،
فكل ده أثر على صحته وأصبح مريض نايم في السرير مش بيتحرك،
الناس كلها عرفت بمرض أبي طالب وتوقعوا إنه يموت قريب😶
فخاف زعماء مكة
هما مش ناويين يسيبوا رسول الله ، هيؤذوه يعني هيؤذوه😑
لكن المشكلة إنهم لو آذوه بعد موت أبي طالب، العرب هتعايرهم...إنتم استغليتم موت عمه عشان تستفردوا بيه وتعملوا إللي إنتم عايزينه😏
عملوا إيه🤔
راح وفد من خمسة وعشرين رجل من سادات مكة لأبي طالب ،منهم أبو جهل، وأبو سفيان وأمية بن خلف، وعتبة بن ربيعة وغيرهم،
اجتمعوا عنده وقالوا له:
يا أبا طالب!
إنت عارف مكانتك عندنا عاملة إزاي، وإنت شايف حالتك إيه دلوقتي، واحنا خايفين عليك من الموت وإنت عارف إللي بيننا وبين ابن أخوك😥
فانت ابعث حد يجيبه ونشوف حل وسط بيننا، احنا هنسيبه في حاله وهو يسيبنا في حالنا،
ونعيش في سلام مع بعض من غير أي مشاكل ، أظن مفيش أحسن من كده🤷‍♂️
☆يعني عايزين رسول الله يشوف الكفار يعبدوا الأصنام وميتكلمش ولا يدعوهم،
عايزين رسول الله يتقبل الناس على كفرهم وصباح الخير يا جاري وإنت في حالك وأنا في حالي
عايزين رسول الله يشوف الفواحش والظلم والربا وكل أمور الجاهلية ويسكت عادي،
مش إنت بتعبد إلهك وأنا بعبد إلهي، خلاص بقى مشيها،
سيبك من الأمر بالمعروف والنهي عن المنكر والكلام ده، كل واحد حر😒

أهل مكة بعد ما كانوا رافضين الإسلام تماما وبيعذبوا المسلمين عشان يتركوا دينهم،
قدموا تنازلات أخيرا وتقبلوا فكرة وجود الإسلام، وكمان المسلمين لسه خارجين من حصار كان تاعبهم جدا،
فهما مش هيقدروا يستحملوا أي حاجة دلوقتي خالص😣

وأرسل أبو طالب لرسول الله فلما جاء قال أبو طالب لرسول الله في حضور وفد المشركين:
دول أشراف قومك اجتمعوا على إنهم يعطوك ويأخذوا منك،
يعني هتعيشوا مع بعض في سلام من غير أي مشاكل👌

فرد عليه رسول الله صلى الله عليه وسلم وقال:
ياعم! إيه رأيك أدعوهم لحاجة أحسن من كده؟
فقال أبو طالب: هتدعوهم لإيه🤔
قال رسول الله:
أدعوهم إنهم يقولوا كلمة واحدة يملكوا بها العرب والعجم!!
أصلا أهل مكة مكنوش يحلموا بوحدة العرب،
دلوقتي بتكلمنا إننا نكون حكام للعرب والعجم...فارس والروم😳
فأبو جهل بكل حماسة قال:
قول إيه هي الكلمة دي...واحنا هنقولها لك وكمان هنقول لك عشر أمثالها 😲

فقال رسول الله:
تقولون لا إله إلا الله وتتركوا ما تعبدون من دونه!!
فاتصدموا كلهم طبعا...هو إنت لسه في القصة دي😑
ورفض كفار مكة عرض رسول الله ورفض رسول الله عرض كفار مكة، وفشلت المفاوضات😶
اشتد المرض بأبي طالب المساعد الأكبر للمسلمين والمدافع الأول عن رسول الله ودعوته على الرغم من كفره،
عرف رسول الله إن عمه أبو طالب مريض جدا فراح عنده ولقاه بيحتضر

وكان عنده أبو جهل، اللحظة الحاسمة جت، مفيش أي مجال للتردد، رسول الله بقاله عشر سنين بيدعوه للإسلام لكن مفيش فايدة،
دي آخر فرصة...لو مات على الكفر انتهى...هيكون خالد مخلد في النار، مش هيطلع منها أبدا 😰
بعد كل الدفاع وتحمل الألم ده كله يُخلد في النار 😥

وقف رسول الله على رأسه وقعد يقول لعمه:
يا عم قل لا إله إلا الله... كلمة أدافع بها عنك يوم القيامة!!

رسول الله عمال يحاول مع عمه والموقف صعب جدا 😥
وفجأة واحد يقول:
يا أبا طالب! إنت هتسيب ملة عبد المطلب 😡
إزاي تسيب دين آباءك وأجدادك 😡

بعد تردد للأسف قال أبو طالب : لولا إن قريش تعيرني ويقولوا إنه قالها بسبب خوفه من الموت لكنت قلتها يا محمد ، بل أنا على ملة عبد المطلب...ومات😨😢

فحزن رسول الله حزن شديد وقال :
والله لأستغفر لك الله مادام ربنا لم ينهانِ عن ذلك!

ونزل بعدها قول الله :
"إِنَّكَ لَا تَهْدِي مَنْ أَحْبَبْتَ وَلَٰكِنَّ اللَّهَ يَهْدِي مَن يَشَاءُ"
ونزل كمان :
"مَا كَانَ لِلنَّبِيِّ وَالَّذِينَ آمَنُوا أَن يَسْتَغْفِرُوا لِلْمُشْرِكِينَ وَلَوْ كَانُوا أُولِي قُرْبَىٰ مِن بَعْدِ مَا تَبَيَّنَ لَهُمْ أَنَّهُمْ أَصْحَابُ الْجَحِيمِ"

☆محتاجين نقف هنا كذا وقفة،
◇أولا:
نحمد الله على نعمة الإسلام وندعوه أنه لا يحرمنا منها نحن ومن نحب يارب آمين🤲

◇ثانيا:
شفنا أثر الصحبة السيئة على الإنسان، صديق السوء أبو جهل استمر يذكر أبا طالب بالكفر ويذكره بالعادات والتقاليد والناس لحد ما دي كانت نهايته😞
فاللي عندها صاحبة دايما بتعايرها بالتزامها أو تذكرها بالمعاصي أو بتساعدها على المعصية،
تبعد عنها فورا👌
"الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ"

◇ثالثا :
سؤال ممكن ييجي في دماغنا

، ليه أبو جهل كان مصمم إن أبو طالب ميدخلش الإسلام، مع إنه خلاص هيموت ، فكان يسيبه 😕

أبو جهل كان خايف إن لو أسلم أبو طالب كل بني هاشم يسلموا بسببه،
ولو حصل كده ، احتمال كبير مكة تؤمن وكده سلطته في مكة هتضيع،
فهو أهم حاجة عنده طبعا مصلحته حتى لو على حساب مصلحة غيره،
ودي بنشوفها في حياتنا كثير جدا للأسف😞

◇رابعا:
الكفر لا تنفع معه طاعة...مهما كان الإنسان حسن الخُلق مُدافع عن حقوق المظلومين،
حتى لو دافع عن دين الإسلام ومات وهو غير مسلم ، فهو في النار، لن تنفعه أي طاعة مادام لا يشهد أن لا إله إلا الله أولا ومحمد رسول الله ثانيا👌
لكن ربنا لا يظلم أحد، كان أبو طالب أشد الناس دفاع عن رسول الله وعن الدعوة،
فرسول الله هيشفع في أبي طالب يوم القيامة إنه ميكونش في الدرك الأسف من النار،
هيكون عذابه إنه ييقى في قدمه جمرتين أو نعلين زي جزمتين من نار يغلي منهما دماغه، وده أهون عذاب لأهل النار ربنا يعافينا😞

◇خامسا:
سؤال مهم ومحير جدا...ليه رسول الله مع إنه مستجاب الدعوة ودعا لأكثر من شخص بالهداية وربنا هدهم،
مدعاش لأبي طالب إن ربنا يهديه 😳

¤قبل الإجابة لازم نفهم الأول إن رسول الله قعد عشر سنين يدعو عمه للإسلام واجتهد في ذلك،
حتى إن اثنين من أبناء أبي طالب وزوجته أسلموا، ومع ذلك هو لم يؤمن،
يعني رسول الله عمل إللي عليه من الأسباب الدنيوية،
زي ما نوح عليه السلام عمل مع ابنه وزي ما إبراهيم عليه السلام ما عمل مع أبوه👌

¤ربنا قال لرسوله:
"إِنَّكَ لَا تَهْدِي مَنْ أَحْبَبْتَ وَلَٰكِنَّ اللَّهَ يَهْدِي مَن يَشَاءُ ۚ وَهُوَ أَعْلَمُ بِالْمُهْتَدِينَ"
يعني مش عشان أنا بحب الشخص ده فخلاص هخليه يهتدي،
ممكن أكون بحبه لكن نهايته إنه من أهل النار،🤷‍♀️
فدي أول قاعدة بتعلمها إن ربنا يهدي من يستحق الهداية فقط،
بيرى قلوب العباد هل الشخص ده يستحق الهداية ولا لأ،
وأبو طالب كان عايز يدخل في الإسلام إرضاءا لرسول الله عشان ميزعلش ،
مش لأنه مؤمن بالله وبرسالة الإسلام، فالمحرك الرئيسي لكل أفعال أبو طالب هو حبه لابن أخوه كابن أخ مش كرسول من عند الله👌

¤مش كل دعاء رسول الله يُستجاب، والدليل على كده في صحيح مسلم إن رسول الله طلب من ربنا إنه يعطي أمته ثلاثة أمور، فأعطى له اثنتين ومنع عنه واحدة،
لحكمة ربنا يعلمها👌
ده غير كده رسول الله لو دعا بحاجة وهي تخالف ماقدره الله ربنا بيمنعه من الاستمرار في الدعاء ده،
فكان بيدعو لناس معينة وبيدعو على ناس ثانية،
فربنا أنزل :
"لَيْسَ لَكَ مِنَ الْأَمْرِ شَيْءٌ أَوْ يَتُوبَ عَلَيْهِمْ أَوْ يُعَذِّبَهُمْ فَإِنَّهُمْ ظَالِمُونَ "
فمبقاش يدعي، فربنا هو إللي بيوفق ويُلهم رسول الله الدعاء الموافق قدر الله💁‍♀️
◇سادسا:
مينفعش ندعي بالرحمة ولا نستغفر لأي أحد شفناه مات على الكفر،
وكمان مينفعش نحبه المحبة الدينية،
يعني مينفعش نحبه لأنه مجتهد في دينه مثلا ، ولا إنه متمسك بدينه، أو بسبب محبتنا له نعصي الله😅
لكن المحبة الطبيعية الفطرية عادي، زي ما رسول الله كان بيحب عمه كده،
وزي ما إبراهيم عليه السلام كان بيحب أبوه، وزي ما نوح عليه السلام كان بيحب ابنه،

كل دي محبة فطرية طبيعية، ومفيش تعارض بين إن الإنسان يحب أمه أو أبوه أو عمه محبة فطرية،
وفي نفس الوقت يكره الكفر إللي هم عليه ويحاول إنه يغيره👌
زي ما رسول الله حاول مع عمه وباقي الأنبياء إللي قلناهم

مات أبو طالب في السنة العاشرة من البعثة، وعلى الرغم من إن المدافع الأول عن الدعوة مات،
إلا إن الدعوة هتستمر،
فربنا هو إللي بيسخر الناس لحماية الدعوة وتبليغها👌

لكن بعد موت أبي طالب الأذى اشتد جدا على رسول الله
كل الكراهية والعداء إللي كان جواهم طلعت دلوقتي😶


وفي وسط كل الشدائد والابتلاءات دي حصل ابتلاء تاني أشد🙊

يا ترى إيه الإبتلاء إللي حصل ،
وإزاي رسول الله هيقدر يكمل في طريق الدعوة وسط الصعوبات والآلام دي كلها،
ده إللي هنعرفه الجزء الجاي إن شاء الله😊



#السيرة_النبوية
#ايمان_شلبي

كثير من النساء عند إجتماعهن تبدأ كل واحدة في الحديث عن حياتها الزوجية _ وهذا من آفات اجتماع النساء _ فتحكي هذه عن محاسن زوجها ...
وتحكي تلك عن حب زوجها وعشقه لها ...أما هذه فتحكي عن صفاته وأخلاقه الرائعة ...
وإذا بالزوجة المسكينة تتحسر على زوجها الذي يأتي من عمله مهدودا لا يرى أمامه من التعب فيأكل وينام
وتجلس تفكر لماذا لم أتزوج مثل فلان ؟؟أو فلان ؟؟
وتبدأ في كره زوجها ويزين لها الشيطان فلا ترى منه إلا كل سوء ويمتلئ قلبها بالحزن والتعاسة
ونسيت أنه إذا كان عنده مساوئ فكذلك هو مليئ بالمميزات
ولكنها بسبب عدم رضاها وقناعتها بما أعطاها الله لا ترى هذه المميزات والتي ربما لا تكون موجودة في زوج صديقتها فلانة أو علانة
وتكون تلك المقارنة ناراً تملأ البيت وربما تهدمه على من فيه .

فاحذري أختي الغالية من مقارنة زوجك بغيره ...فكما يقولون البيوت أسرار وإذا كانت زوج صديقتك فيه مميزات كثيرة فكذلك زوجك
فافتحي عينك وتمعنى في رؤية الصفات الجميلة في زوجك فهو _مهما كان _ أفضل من غيره
وهو الوحيد المناسب لك لأن الله عزوجل كتبه لك ....
فأي شخص غيره ستكونين معه في حال أسوء وعليك أن تتيقني من ذلك ...فما يقدره الله عزوجل هو الخير والأفضل .


كوني على يقين أن ربك عادل وما قدره لك هو الخير وغيره سيكون فيه فسادك وتعاستك ....فاحمدي الله وأشكري فضله وأسعدي بما آتاك ولا تتمنى ما في يد غيرك .

❤❤ همسة ❤❤ القناعة و الرضا تتولد مع التمعن في محاسن أزواجنا بشرط أن تكون لدينا قابلية البحث عن مكامن الجمال فيهم لا في غيرهم .


#هبة_أ_أبو_شوشه
#غفر_الله_لأمي
#مقتطفات
#دورة_اكسسوارات_الحياة_الزوجية

س/أعمل إيه لو شوفت ابني بيتفرج على مشاهد إباحية؟؟؟
*
ج/
1️⃣ أول حاجة لو كان ده مجرد شك بلاش تواجه عشان ماتسهلش عليه الطريق ويقول كده كده أنا وحش وماحدش بيثق فيا فيتفرج فعليا
ولكن الحل هيكون الكلام معاه كتييير عن اسم الله الرقيب ومراقبة ربنا ليك وانت لوحدك وحتى لو في الضلمة وإن عينك دي نعمة من ربنا فاوعى تستعملها في معصيته وان اعضاءنا هتشهد علينا يوم القيامة
2️⃣ في حالة إنك تأكدت بالفعل يبقى هتتكلم معاه بأسلوب هادي كله حب وشفقة وتفهم منه ايه اللي حصل ووصل للمقاطع دي ازاي ويكلمك عن اصحابه وتعرفه خطورة الاباحية عليه وأنه بيأذي نفسه وأنها هتضر جسمه غير طبعا إنها حاجه محرمة تغضب ربنا
3️⃣ مهم جدا جدا في كلامك معاه
- مافيش تعيير أو احتقار ❌️
- مافيش بقى بعد كل اللي بعمله عشانك و....❌️
- مافيش إفشاء لسره بعدها عند أي حد ❌️
- ماتتغيرش نظرتك ولا معاملتك ليه بعد مافتحلك قلبه
- خليك أهل للثقة عشان يرجعلك لما يبقى عنده مشكلة
4️⃣ استغل الفرصة دي وكلمه في الأمور الجنسية اللي محتاج يعرفها منك بدل مايعرفها من اصحابه وعرفه العورات وفرصة تكلمه عن قوم لوط وتعرفه يعني ايه شذو-z
5️⃣ مهم طبعا متابعة المحتوى المعروض على الشاشات في البيت فمايبقاش التلفزيون طول الوقت شغال ع مسلسلات وافلام واغاني فيها مناظر مش تمام لأن ده مع المراهق هيثير شهوته ويخليه يروح يدور تاني
6️⃣ مهم قبل ماتتكلم معاه تكون عارف ضرر المشاهد دي جسمانيا ونفسيا وتكلمه من الجانب الطبي مع الجانب الديني
7️⃣ مهم تحط قوانين في البيت تقلل فرصة تكرار الموقف ده ودي المفترض تكون خطوة سابقة قبل ماالطفل يتعرض لحاجه
وليكن مثلا ..
- ممنوع نستعمل التليفونات في غرف النوم لأن الخلوة أكبر دافع
- اجهزة التليفونات لكل الاولاد والبنات لازم تكون من غير باسورد
- تنزل على تليفونات ولادك برنامج الحماية الأبوية
- تقفل ظهور الصور اللي مش تمام من اعدادات جوجل
الخطوات دي كان مفترض تتعمل من بدري بس لو حصل مشكلة فده ادعى انك تعملها
8️⃣ مهم جدا تشغل ابنك بعدها برياضة وانشطة بره البيت
اشتركله في اكتر من رياضة يخرج فيها طاقته دي
9️⃣وقبل كل اللي فات ومعاه لازم لازم تهتم بإن ابنك يكون بيحافظ على الصلاة
عوده ان حتى لو بيعمل كل حاجة غلط مايقفلش الباب .. يسيب باب الصلاة مفتوح مع ربنا وصلاته هتنهاه عن الغلط حتى لو بعد فترة
🔟 الدعاااء الدعااااء
ادعي بصلاح ولادك وان ربنا يحفظهم من الطرق دي وكلمهم كتير عن طرق الشيطان انه يضلنا زي ماهو ضل

🚫وخلي مفتاح قلبه حاضر في ذهنك مع كل خطوة 👇
التركيز على الإيجابيات + مافيش مقارنة + مافيش استهزاء + المدح والفخْر بيه وعدم احتقاره

#رسايل
#رسايل_ضد_الإباحية

ننتقل لنقطة اخرى نضعها في اعتبارانا ونحن نتعامل مع الزوج

4⃣ عدم تكرار النصائح:

تكرار النصائح كل مرة يجعل الطرف الآخر ينزعج وينفر من شريكه، فممكن تحاولي تناقشيه بالعقل ، وإلا فمن الأفضل غض النظر وتقبله كما هو.

💥نضرب مثال :

زوجك بيسرح وانت بتكلميه وانت بتزعلي
كلمتيه في النقطة دي مرة واتنين وعشرة ومفيش فايدة 😓
هو طبع مش عارف يتغلب عليه مش قصده يتجاهلك

👈 يبقى من العقل إنك تتغافلي عن هذا العيب وتتقبليه.

5⃣ نسيان طلب ما:

ممكن تطلب الزوجة طلب معين من زوجها، لكنه نسي، ومش شرط يكون بسبب تجاهله الأمر

فتظن الزوجة أنه غير مبالٍ بطلباتها

👈 وهنا يجب أيضاً أن تغض المرأة النظر.

💥تتصل بزوجها الصبح وتقوله وأنت راجع من الشغل ممكن تجيبلي كرتونة بيض وكيلو دقيق علشان صحبتي جاية النهاردة وعايزة اعمل كيكة
والزوج يقولها من عيوني 😍

لكن وهو راجع من الشغل مجهد نسي
وأول ما يدخل يفتكر ويقولها آسف نسيت أجيبها 😳

لكن هي تبدأ تعاتب وتتخانق وتقوله لو كان صاحبك مكنتش هتنسى
لو كنت بتهتم بيا كنت افتكرت 🤬

وتكون ليلة طويلة من النكد والخناق😩

6⃣ الانشغال عن الوعد:

أحياناً قد يعد الزوج شريكته بأمر ما ولا تسمح له الفرصة لتنفيذ هذا الوعد، وهنا من الضروري أن تتفهم الزوجة وضع زوجها ، وتدرك سبب انشغاله عن تنفيذ هذا الوعد ، وتتغافل إذا شعرت بأنه يتحجّج ليبرر سبب عدم الوفاء بوعده.

💥يوعدها بالسفر للمصيف كمان أسبوع
وهي تفرح وتجهز الحاجة
وقبل السفر بيوم يقولها معلش نأجلها شوية علشان جالي شغل مهم 🥰

وهي عارفة من أخته إن عندهم ظروف لكن هو مش عايز يقولها السبب الحقيقي

بكل بساطة وذكاء تعمل نفسها مصدقة موضوع الشغل.

7⃣ تجاهلي المشاكل العابرة :

وهي المشاكل التي يفتعلها أحد الزوجين بشكل استثنائي عابر, وهي ليست من صفاته الدائمة, وإنما كما يقال:
لكل عالم هفوة ,ولكل جواد كبوة .

💥مثلا :
زوج استهزء بزوجته وليس من عادته الاستهزاء، أو تكلم عن بعض عيوبها أمام أهلها وهذا ليس من عادته

هذه التصرفات يكفي في علاجها الإشارة فقط ، ولا ينبغي لأي من الزوجين أن يعاتب الأخر ويهجره من أجل هذه التصرفات وذلك باعتبار أنها عابرة مش دائمة والأصل في المشاكل العابرة إتباع أسلوب التغافل معها .

أغلب حالات الطلاق سببها غضب الرجل الأعمى ورد المرأة الأحمق

#فن_التغافل
#هبة-حلمي

🌴🌴

#روشتة_نجاح

‏النوايا الطيبة منصورة ولو طال
الطريق بها،
والله في عونها وستنتصر وتأيّد
ويعمها العوض والفرح،
والنوايا السيئة الخبيثة مهما
خبثت وسرقت وكادت في الأرض؛
سيأتي يوم وتهلك وتفضح وتكون
عبرة لمن لا يعتبر...!
فعلي نياتكم ترزقون ...

• قال رسول الله ﷺ :
" اجْعَلُوا آخِرَ صَلَاتِكُمْ باللَّيْلِ وِتْرًا .." 🌧️
صحيح البخاري

رب الخير لا يأتي الا بالخير🤍

(لنختم القرآن سماعا)

الورد (١٧٥)

(الربع الثالث & الحزب الرابع والأربعين)

#القارئ: هيثم الدخين
#ليدبروا على التليجرام
https://www.tg-me.com/GhRoooh/11998

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻
https://youtu.be/em1pLBW2N-g?feature=shared
#صباحكم_قرآنٌ_يُتلى

#قصص_الأنبياء(٢)
#السيرة_النبوية
#الحلقة_السابعة_والعشرون
#عام_الحزن

وقفنا المرة إللي فاتت عند رسول الله صلى الله عليه وسلم لما عمه أبو طالب مات وقريش ما صدقت واشتدت في الأذى على رسول الله جدا،
اجتمع على رسول الله الأذى الجسدي والأذى النفسي، فكان إللي بيخفف عنه ويصبّره بعد ربنا هي زوجته خديجة😊
كانت معاه من البداية،
من فترة شبابه لحد نزول الوحي، وفترة الجهر بالدعوة وشِعب أبي طالب،
وجعلت كل أموالها تحت تصرف رسول الله، يتصرف فيها زي ما هو عايز عشان تعينه على نشر دعوة الإسلام
فخديجة كانت لها مكانة خاصة في قلب رسول الله ومكانة خاصة عند رب العالمين ،
لدرجة إن ربنا أرسل لها السلام مع جبريل ليخبرها به رسول الله 😮
وربنا بشرها على لسان رسول الله ببيت في الجنة من اللؤلؤ المجوف هادئ جدا مفهوش أي دوشة،
"عن أبي هريرة رضي الله عنه قال:
"أَتَىَ جِبْرِيلُ النّبِيّ صلى الله عليه وسلم. فَقَالَ:
يَا رَسُولَ اللّهِ هَذِهِ خَدِيجَةُ قَدْ أَتَتْكَ، مَعَهَا إِنَاءٌ فِيهِ إِدَامٌ أَوْ طَعَامٌ أَوْ شَرَابٌ،
فَإِذَا هِيَ أَتَتْكَ فَاقْرَأْ عَلَيْهَا السّلاَمَ مِنْ رَبّهَا عَزّ وَجَلّ، وَمِنّي، وَبَشِّرْهَا بِبَيْتٍ فِي الْجَنّةِ مِنْ قَصَبٍ لاَ صَخَبَ فِيهِ وَلاَ نَصَبَ".

مع إن الجنة أصلا هادئة ، لكن زيادة تخصيص لخديجة رضي الله عنها ؛
لأنها كانت دائما بتحافظ على هدوء البيت لرسول الله عشان يرجع يرتاح فيه،
لم يُذكر إنها عملت مشكلة مع رسول الله، ولا رفعت صوتها عليه ولم تُتعبه أبدا، و بالعكس كمان دي كانت بتساعده وتعينه،
فبقت أفضل نساء أهل الجنة.
انتو عارفين ان خير متاع الدنيا المرأة الصالحة، فلما تكون امرأة بالصلاح ده ، زوجها هيحبها أد إيه🤔

ومع إن الزواج بأكثر من امرأة كان منتشر عادي في الجاهلية
إلا إن رسول الله لم يتزوج عليها أبدا خلال حياتها معاه إللي استمرت خمسة وعشرين سنة👌
وده من تقديره لها عليه الصلاة والسلام، فهي أغنته عن أي امرأة وكانت له نعم الزوجة،
فكان من وفائه لها وهو صاحب الخلق العظيم إنه لا يُكدر عليها الحياة بسبب الغيرة 😉

لكن مهما كان الإنسان بيحب شخص ومرتبط به فسنة الله في الكون لا تتبدل ولا تتغير،

بعد موت أبي طالب بثلاثة أيام وفي رواية ثانية قيل شهر ماتت خديجة رضي الله عنها😞

بصفة عامة موت الزوجة بالنسبة للرجل بيبقى مصيبة ،وكل ما طالت العشرة كان الفراق أصعب،
فتخيلوا لما تكون زوجة زي خديجة رضي الله عنها وماتت في أشد الأوقات على رسول الله👌
لسه رسول الله مخرجش من حزنه على موت أبي طالب على الكفر،
فربنا يبتليه بفقد السكن ، بفقد رفيقة عمره وأم أولاده😞
ماتت إللي كانت بتهون عليه وتعطيه الثقة لما يشتد عليه الأذى من قريش، ابتلاءات ورا بعض ورا بعض،
ورسول الله في الإبتلاءات دي مكنش شاب صغير ده كان عنده خمسين سنة

رسول الله هو أشد البشر بلاءا على الإطلاق ، ومهما كانت ابتلاءاتنا فهو ابتلاءاته كانت أشد،
ومع ذلك حياته موقفتش ، كان بيحزن ويتألم لكن الحياة بتستمر،
عنده دعوة لازم يوصلها لكل أهل الأرض، عنده أصحاب بيتعذبوا لازم يهون عليهم👌🏻


◇حياة رسول الله صلى الله عليه وسلم كلها عِبر، ومفيش بشر على وجه الأرض قصة حياته متوثقة ومحفوظة بالدقة والتفاصيل دي غير رسول الله صلى الله عليه،
وده عشان نتبعه في كل خطوة من خطوات الحياة😊

ماتت خديجة في السنة العاشرة للبعثة، بعد موت أبي طالب،
والعلماء سموا العام ده بعام الحزن بسبب حزن رسول الله الشديد على عمه وزوجته،
يعني مش رسول الله هو إللي سمى العام بعام الحزن👌

الوضع دلوقتي في مكة نقدر نقول عنه إنه بقى متجمد، واقف زي ماهو مفيش أي تقدم😕
المسلمين بيعذبوا، المشركين بيؤذوا رسول الله، محدش دخل في الإسلام، ودعوة الإسلام بتُحارب وتُشوه😞
حتى لما كان أي أحد ييجي للحج من سادات العرب كان سادات مكة بيحذروه إنهم يسمعوا لرسول الله،
وده من بداية الجهر بالدعوة،
حتى في قصة حصلت مع سيد قبيلة دَوْس في حج السنة السادسة من البعثة،
سيد دَوْس كان اسمه 《الطُّفَيْل بن عمرو الدَّوْسي》
جاء للحج فلما سادة مكة شافوه قالوا له عندنا رجل ساحر، بيقول كلام سحر بيفرق بين الرجل وأهله والرجل وقبيلته،
فاوعى تسمع له أبدا🤫
فيقول الطفيل إنهم قعدوا يزنوا عليه لحد ماخاف وحط القطن في ودنه عشان ميسمعش كلام رسول الله ولو بالغلط تخيلوا😅
فوهو بيطوف حول الكعبة شاف رسول الله بيصلي عند الكعبة،
وطبعا كان شكله مميز لأنه بيصلي صلاة مختلفة عن باقي الناس، وكان قريب منه فأسمعه الله بعض كلمات من القرآن
فلما رسول الله خلص صلاة وقام عشان يرجع بيته راح وراه الطفيل بن عمرو،

☆سبحان الله الممنوع مرغوب
يعني سادات مكة لو كانوا سابوه أو حتى كانوا قالوا له روح اسمع لمحمد مكنش هيروح،
بس عشان هم خوفوه وقالوا متروحش أثاروا فضوله،
وكل ما أي حد حاول يمنع دعوة الإسلام من الإنتشار وحاربها تنتشر أكثر 👌

راح له الطفيل وقال له يا محمد : قومك قالوا لي كذا وكذا وخوفوني منك، لحد ما سديت أذني بالقطن😑
وأنا سمعت بعض الكلام إللي قلته فأنا عايز أسمع منك 😕
فرسول الله بدأ يوضح له رسالة الإسلام وقرأ عليه القرآن،
فأسلم الطفيل بن عمرو الدوسي😮
وبعدين في نفس اللحظة إللي أسلم فيها قال لرسول الله:
يارسول الله أنا سيد قومي، والناس بتسمع كلامي فأنا هروح أدعوهم للإسلام،
لكن ادعوا الله إنه يجعل لي آية زي علامة كده تساعدني في دعوتهم👌
فدعا له رسول الله : يارب اجعل له آية،
فكان في وجهه زي نور كده ،كأنه مصباح مُضيء،
فقال يا رسول الله:
بلاش وجههي هيقولوا إن الآلهة عاقبته عشان ساب الدين😓 فدعا رسول الله له إنه يجعلها في طرف السوط بتاعه،
فبقى الضوء متعلق في طرف سوطه

فلما وصل لقبيلته دوس ودخل عليه أبوه وكان شيخا كبير في السن يسلم عليه قال له الطفيل:
متكلمنيش ولا لك أي علاقة بي خالص😤🤚
فأبوه استغرب وسأله: ليه يابني كده😥
فقال له الطفيل:
عشان أنا أسلمت وتابعت دين محمد 😤
فأبوه قال له: خلاص أنا ديني هو دينك 👌
فقال له الطفيل:
روح اغتسل وطهر ملابسك وتعال أعلمك الإسلام، وفعلا عمل كده وعلمه وأسلم أبو الطفيل ،
جاءت زوجته وقال لها: متكلمنيش ولا لك اي علاقة بي خالص😤🤚
فزوجته استغربت إيه ده في إيه🤨
فقال لها نفس الكلام فأسلمت هي كمان معاه،
لقى الموضوع ماشي معاه كويس😅
راح رايح لقومه وقال لهم نفس الكلام إللي قاله لأبوه وزوجته،
طبعا مسمعوش كلامه وكانوا هيقتلوه ، وخلاص مش هنكلمك ولا لنا علاقة بك ، وهنجيب غيرك يعني بسيطة 😡

فراح لرسول الله صلى الله عليه وسلم وقال له : يارسول الله محدش فيهم آمن وانتشر فيهم الزنا،
ادع عليهم يارسول الله😤
فرفع رسول الله يده وقال:
اللهم اهد دوسا 🤲
فقال له : روح ادع قومك 《وارفق بهم》👌

☆الطفيل بن عمرو كان مفكر إن الناس كلها زي بعض، وينفع معاها نفس الأسلوب،
فلما استعمل أسلوب الشدة مع أهله ونجح،
فكر إن الأسلوب ده هينفع مع قومه😶
رسول الله عرف إن الطفيل كان شديد على قومه، فوصّاه إنه يكلمهم براحة ورفق، مع إنهم كفار،
وكانت النتيجة إن دوس كلها أسلمت 😊

الدعوة دلوقتي واقفة في مكة، مانعين حد يسمع لرسول الله،
مضيقين على المسلمين في كل حاجة😑
طيب وبعدين لازم يكون في حل وإلا كده مش هيبقى في أي تقدم خالص في الدعوة😶
ورسول الله مهما كان حزين أو مهموم فهمه الأول هو نشر دعوة الإسلام👌
فرسول الله فكّر في حاجة يعملها لأول مرة معملهاش خلال العشر سنين إللي فاتوا دول😮
فكر إنه يطلع بنفسه خارج مكة يشوف مدينة تانية يدعو الناس إللي فيها،
لكن المدينة إللي رسول الله محتاجها لها مواصفات معينة،
رسول الله فكر أنهي أكثر مدينة مناسبة ، لقاها مدينة الطائف👌
اشمعنى الطائف🤨
مدينة الطائف كان لها مميزات مش موجودة في غيرها:
◇أولا:
تعتبر الطائف المدينة الثانية في الجزيرة العربية بعد مكة،
فيها ناس كثيرة وفيها التجارة شغالة كويس، ولها مكانة بين قلوب العرب💁‍♀️
◇ثانيا:
الطائف فيها قبيلة قوية جدا هي قبيلة ثقيف، وواضح من الأحداث إن الخطوة الجاية إللي قريش هتعملها هي إنها هتحارب رسول الله والمسلمين،
فاحنا محتاجين قبيلة قوية👌
◇ثالثا:
كان في منافسة دينية كبيرة بين مكة والطائف، فإذا كانت مكة فيها الصنم المشهور هُبل،
فالطائف فيها صنم اللات المشهور وإللي ناس كثيرة بتحلف به،
فيمكن الطائف تحب تسحب البساط من مكة فتتبنى هي الدعوة الجديدة دي وتتفوق على مكة💁‍♀️
◇رابعا:
الطائف تعتبر قريبة نسبيا من مكة، المسافة بينهم مائة كيلو فقط،
فكده هيبقى التنسيق سهل بين مكة والطائف، يعني رسول الله هيعرف يتابع الأحداث في البلدين بسهولة
◇خامسا:
الطائف مهمة جدا لأهل مكة لأن أثرياء مكة لهم أملاك في الطائف،
فلو دخلت الطائف في الإسلام هتكون ضربة اقتصادية كبيرة موجعة لأهل مكة 👌

رسول الله أخذ القرار بإنه يتوجه للطائف، وكان ده بعد موت أبي طالب وخديجة بحوالي شهر،
على حسب الروايات كان في شهر شوال من السنة العاشرة للبعثة تقريبا

المسافة بين مكة والطائف مائة كيلو،
فخرج رسول الله للطائف ماشي على قدمه😶
وكان الطريق كله صحراء وحر ، كان في شهر مايو تقريبا،
هو كان ممكن يأخذ معاه جمل أو فرس مثلا،
بس لو كان عمل كده كان أهل مكة هينتبهوا إنه مسافر فممكن يمنعوه، وهو عايز ينشر الدعوة😕
ففَضّل إنه يتحمل مشقة السفر عشان يحاول إنجاح فكرة الدعوة في الطائف 👌
وحتى وهو مسافر لم يأخذ أحد من الصحابة الأقوياء زي حمزة أو عمر بن الخطاب،
عشان برده محدش ياخد باله،أخذ معاه زيد بن حارثة، وكان ساعتها اسمه زيد بن محمد،
فعادي لما واحد يخرج مع ابنه في مشوار🤷‍♀️
قعد رسول الله صلى الله عليه وسلم في الطريق حوالي يومين، لحد ما وصل للطائف.

يا ترى هيبتدي الدعوة إزاي وهيكون إيه رد فعل أهل الطائف،
ده إللي هنعرفه الجزء الجاي إن شاء الله😊



#السيرة_النبوية
#ايمان_شلبي

لا حول ولا قوة الا بالله 💔