*قيامُ الليل خطوات تخطوها إلى الجنّة*

وجلسة تُنقي فيها نفسك وقلبك ،
فلا تضيع على نفسك فرصة كهذه.

*‏"إن ربي قريبٌ مجيب"*

‏الوتر

#قيام_الليل_شرف_المؤمن🌻

اللهم الرفيق الصالح🥀

(لنختم القرآن سماعا)

الورد (١٧١)

(الربع الأول & الحزب الواحد والأربعين)

#القارئ: بيشةوا قادر الكردي
#ليدبروا على التليجرام
https://www.tg-me.com/GhRoooh/11952

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/mbkQRB2WEcU?feature=shared

#صباحكم_قرآنٌ_يُتلى

*المؤمن مستقر نفسيًا*♻️

‏البيت الذي فيه غناء
وتأخير الصلاة
ولا يُقرأ فيه القرآن
يلزم أهله توبة وليس رقية .

💔💔

#أحمد_النفيس

#قصص_الأنبياء(٢)
#السيرة_النبوية
#الحلقة_الثالثة_عشرة
#الدعوة_السرية

كنا واقفين المرة إللي فاتت عند أبي بكر عبد الله بن أبي قحافة لما راح دعا خمسة من أصحابه للدين الجديد وكلهم أسلموا وكمان دعا أهل بيته فأسلموا هم كمان،
وكنا بنسأل لماذا استجاب الشباب لدعوة أبي بكر من غير حتى ما يروحوا يتأكدوا من محمد بن عبد الله إللي هو المفروض إنه صاحب الرسالة🤔

يجاوبنا على السؤال ده واحد من إللي أسلموا هو طلحة بن عبيد الله، وخلينا نركز كده مع كلام طلحة عشان نتعلم إزاي ندعو عشان يستجاب لنا زي أبي بكر 👌
بيقول عن أبي بكر أولا:
كان لين الكلام يعني بيختار الكلمات الرقيقة وأسلوبه بسيط ومقنع،
ثانيا:
كان تاجر صاحب أخلاق عالية واستقامة، كان بيكسب الناس من خلال تجارته بعكس طبيعة التجار تخسر الناس بسبب التجارة😑
كان تاجر صادق كريم ورحيم بيرأف بأحوال الناس،
كان بيعطيهم أكثر ما بيأخذ منهم وبيحسن لهم،
والقلوب ربنا طبعها على إنها تحب إللي يحسن لها وتكره إللي بيسيء لها👌
ثالثا :
كان متميز في علم الأنساب ومع ذلك كان أي أحد يقعد معاه ، الناس بتألفه بسرعة ويكلم أي أحد سواء الطبقة المثقفة وأشراف مكة،
أو حتى الشباب الصغير والعبيد يعني كان متواضع لا يتكبر على أحد،
وعمره ما طعن في نسب أحد من الناس مع إنه عارف النقائص إللي في أنساب كل واحد فيهم يعني من الآخر نقطة ضعفهم في إيده ومع ذلك لم يُعيّر أحد منهم أبدا👌
تخيلوا أحد بالأخلاق دي إزاي الناس متحبهوش،
فهو أصلا كان باني الثقة دي عند الناس من البداية 😊

الواحد يتوقع إن أبو بكر بعد مجهود أول يوم ده يريح بقى، ويقول أنا عملت إللي عليّ وزيادة 💁‍♂️
لأ...هو معملش كده😮
تاني يوم من إسلامه ودعوته للخمسة إللي قلنا عليهم ، راح دعا أربعة غيرهم وأسلموا😳
《أبو عبيدة عامر بن الجراح》
《عثمان بن مظعون》
《الأرقم بن أبي الأرقم》
《أبو سلمة بن عبد الأسد》
كل الناس دي أسلمت وصدقت أبي بكر لما كلمهم😮
هو كان بيأخذهم لرسول الله صلى الله عليه وسلم بعدين عشان يعرفهم أكثر على الإسلام،
لكن هو إللي دعاهم من البداية مكنش مستني من رسول الله إنه يقول له روح ادعي الناس،
وخصوصا إن الإسلام كان لسه في البداية يعني مكنش فيه تحفيز على الدعوة ولا كان لسه رسول الله قال إن إللي يدعي أحد هيبقى له نفس الأجر،
بدون أي محفزات وده كان نشاط أبي بكر 😯


أعداد المسلمين بدأت تزيد واحدة واحدة..عندنا أهل بيت رسول الله صلى الله عليه وسلم زوجته وبناته ومن يعيش معه في بيته،
أهل بيت أبي بكر الصديق وتسعة من أصحابه، وكل واحد من التسعة دول بدأ يدعو إللي يعرفه ويحبه ويثق فيه،
لحد ما وصل عدد الذين أسلموا إلى أربعين مسلم،
منهم سبعة وعشرين من الأغنياء وثلاثة عشر من الفقراء،
يعني مكنش الإسلام ثورة من الفقراء على الأغنياء زي ما بعض الناس بتقول😀
فزي ما شفنا... الإسلام لكل الفئات ..الصغير والكبير ،
الحر والعبد ،الغني والفقير، الرجل والمرأة
أي إنسان يقدر يدخل في الإسلام، بدون تفرقة عنصرية👌

رسول الله صلى الله عليه وسلم كان بيدعو الناس رجل رجل بيختار ناس معينة يكلمهم،
وكان بيعلم الناس إللي يسلموا إنهم يعملوا كده،
☆خلوا الموضوع سر🤫
واستمر رسول الله صلى الله عليه وسلم يدعو هو وأصحابه بين أهل مكة في السر لمدة ثلاث سنين😳

ممكن حد يسأل ليه رسول الله يقعد يدعوا ثلاث سنين،
ماهو كان ممكن يقوم في مكة من أول يوم ويدعو الناس للأسلام،
وخصوصا إن دعوة الإسلام مقنعة ومع شوية معجزات الناس هتقتنع وهتؤمن 🤔

أولا :
هنحط قاعدة كده عشان هتمشي معانا في السيرة كلها وهي إن رسول الله صلى الله عليه وسلم《 رسول》 يعني بشر حامل رسالة ..بيوصل إللي ربنا بيقوله له،
مش بيجيب أي حاجة من عنده ..كل خطوة بيعملها هي بأمر من عند ربنا👌

ثانيا:
مش كل حاجة مقنعة وجميلة الناس هتتقبلها😑
فهو عارف إن دعوة الإسلام مهما كانت مقنعة فهي هتواجه محاربة شديدة جدا،
لو مش من عوام الناس فمن السادة إللي الدين هيوقف لهم مصالحهم 😶
فتخيلوا كده لو رسول الله من أول يوم نزل عليه الوحي وقف وسط مكة وقبل ما يدعو أي أحد وقال يا جماعة أنا رسول الله وبدأ يشرح لهم الإسلام،
وعارضه السادة وعملوا معاه مشاكل وبدأوا يؤذوه، ويشوشوا على دعوته كان إيه إللي هيحصل🤔

إللي كان عنده نية إنه يسلم هيخاف ويرجع في كلامه،
وإللي اقتنع وعايز يسلم هيفكر ألف مرة قبل ما يسأل حتى،
عشان ميتعرضش للأذى،
وهتلاقي ده بكلمة وده يقول كلمة وده يطلع شبهة وده يسأل سؤال،
ورسول الله بشر مش هيعرف يرد على كل ده في وقت واحد وخصوصا إن في ناس هتجادل وتسخر منه،
فكده هيضيع الحق وتضيع هيبة الرسالة 👌
وربنا قادر على فكرة إنه يحمي رسوله من كل أذى😅
لكن ربنا بيضع لنا قواعد عشان نقدر نبني عليها في أي زمن لو تشابهت الظروف مع الظروف في عهد رسول الله صلى الله عليه وسلم😉
خدوا بالكم إن السيرة دي مش بنعرفها للتسلية 😀
ده منهج ربنا منزله لنا عشان نطبقه في حياتنا👌

بيقول لنا لما تيجوا تدعوا اختاروا الأشخاص المناسبين،
لما تيجوا تلتزموا متواجهوش أهلكم في البيت كلهم مرة واحدة،
شوفوا مين في البيت إللي تحسوا إنكم تعرفوا تدعوه وكلموه وخذوه في صفكم،
واعملوا كده مع واحد ورا الثاني، عشان لو حصلت مواجهة بالكلام تلاقي إللي يساعدك ويقف جنبك👌

ثالثا:
ربنا بيقول لنا بالطريقة العملية إننا لما نكون عايزين نبني دولة وكانت ظروف حياتنا زي ظروف رسول الله لما بدأ الدعوة يبقى نعمل زيه وندعو في السر

◇وفي قاعدة مهمة جدا رسول الله بيعلمها لنا وهي إن الداعية مطلوب منه إنه يحافظ على حياته وعلى نفسه من الموت،
مش عشان هو خايف من الموت 😀
لأ..ده عشان يحافظ على الدين وعلى استمرار رسالة الإسلام
عشان كده رسول الله صلى الله عليه وسلم كان بيدعو الناس في السر لمدة ثلاث سنوات كاملة،
عشان يحط قواعد تكون أساس له لما يواجه أهل مكة بعدين👌

يعني رسول الله مكنش جبان خدوا بالكم👌
لأن الفرق بين الحكمة في الحفاظ على النفس عشان الرسالة تستمر وبين إن الإنسان بيعمل كده عشان هو جبان خطوة😅

لو الشخص ده قاعد كده في بيته لا بيدعو ولا بيحاول يصلح ولا بيحاول يوصل الدين ولا يقول كلمة حق،
يبقى ده كده جبان😑
وده عكس إللي رسول الله كان بيعمله،
رسول الله كان بيدعو في السر وينشر الإسلام بين الناس وفي نفس الوقت واخد بالأسباب عشان يحافظ على حياته👌
رسول الله كان بيدعو الناس للإسلام وبيعرفهم به كان بيقول لهم:
إن الكون ده له إله واحد هو الخالق وهو الرازق والمحيي والمميت ليس له شريك، وهو أرسلني عشان أوضح لكم إزاي تعبدوه،
إله الكون الله بيأمركم بالصلاة والزكاة والصيام وصلة الأرحام والصدق والعفاف،
وفي أول سنة من البعثة كانت صلاة الليل فرض،
يعني كانوا بيصلوا قيام الليل ركعتين قبل طلوع الشمس ،
وكمان كانوا بيصلوا ركعتين قبل غروب الشمس،
" وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ الْغُرُوبِ"

ومن أول يوم من البعثة بعد فتور الوحي ونزول سورة المدثر ، نزلت أول آيات سورة المزمل عشان تأمر رسول الله صلى الله عليه وسلم بالصلاة:
"يَا أَيُّهَا الْمُزَّمِّلُ. قُمِ اللَّيْلَ إِلاَّ قَلِيلا. نِصْفَهُ أَوِ انقُصْ مِنْهُ قَلِيلا. أَوْ زِدْ عَلَيْهِ وَرَتِّلِ الْقُرْآنَ تَرْتِيلا"

فكان أي أحد بيُسلم في السنة الأولى كان يجب عليه الصلاة،
وهي كانت مختلفة عن الصلاة بتاعتنا دلوقتي ،
لأن الصلاة إللي احنا عارفينها دلوقتي اتفرضت بعدين زي ما هنشوف إن شاء الله😉

خلال أول ثلاث سنوات من البعثة أسلم حوالي ستون رجل وامرأة،
وكان من إللي أسلموا: بلال بن رباح وسمية وزوجها ياسر وابنهما عمار،
خلال الثلاث سنوات دول أهل مكة كانوا بيشوفوا رسول الله وهو بيصلي، وكان أهل المسلمين إللي أسلموا بيشوفهم برده،
لكن محدش كان بيعلق 😕
كانوا سايبينهم عادي ولو حد سأل كانوا بيشرحوا لهم الإسلام وخلاص،
والسبب في إن أهل مكة مكنوش بيتعرضوا للمسلمين دول ولا بيؤذوهم،
إنهم كانوا مفكرين إن الناس دي متبعين نفس منهج ورقة بن نوفل، وزيد بن عمرو بن نفيل وأمية بن أبي الصلت،
إللي احنا اتكلمنا عنهم قبل كده😉
ميعرفوش إن رسالة الإسلام دي رسالة جديدة أصلها التوحيد أيوة لكن شرائعها مختلفة عن الشرائع السابقة 👌
فكانوا سايبينهم🤷‍♀️
كانوا ماشيين بمبدأ ما لقيصر لقيصر وما لله لله، يعني بالبلدي كده الدين لله والوطن للجميع😀
مادام إنت بتعبد الإله بتاعك في بيتك ولا في مسجدك خلاص اعبد براحتك💁‍♂️
يعني الدين ده في الجامع بس، تطلع من الجامع تسيب الدين وراك🤓
لكن تقولي دين يتدخل في كل صغيرة وكبيرة وتقولي إله واحد إللي يحكم وتقول حلال وحرام....لاااا هنا تقف بقى😏

عشان كده مكنش في أي أحد بيعترض على المسلمين ولا على رسول الله لما كانوا بيصلوا أو بيشرحوا الإسلام لأي أحد بيسأل هم بيعملوا إيه

رسول الله خلال الثلاث سنوات دي كان محتاج مكان يعلم فيه المسلمين الإسلام،
لكن مينفعش يطلع يقعد وسط أهل مكة كده ويعلمهم،
المسلمين كده هيتعرفوا🤔
واحنا بنرتب إننا هنعلن الدعوة دي في يوم من الأيام، فلو أهل مكة عرفوا كل المسلمين ممكن يقتلوهم كلهم ويقضوا عليهم كلهم😑
يبقى لازم نتعلم في الخفاء من غير ما أي أحد يعرف وكمان عشان يبقى ده المكان إللي هنجتمع فيه دائما،
مين الشخص المناسب إللي يقدر يجتمع عنده المسلمون🤔
اختار رسول الله صلى الله عليه وسلم دار الأرقم بن أبي الأرقم إللي أسلم على يد أبي بكر الصديق👌

احنا لما نسمع إن رسول الله اختار الأرقم للمهمة الخطيرة دي،
ييجي في دماغنا إن الأرقم ده رجل كبير قوي له منعة ويقدر يدافع عن نفسه وعن المسلمين لو أي أحد عرف إن بيته هو مقر اجتماع أتباع الدين الجديد صح💁‍♀️
طيب خذوا المفاجأة دي😈
الأرقم بن أبي الأرقم لما أسلم ولما كان المسلمين بيجتمعوا في بيته كان عمره ثلاثة عشر سنة 🙊
١٣ سنة...متخيلين😳
يعني إللي في سنه عندنا دلوقتي في إعدادي

إزاي سن صغير زي ده يكون بيته هو المقر الرئيسي لاجتماع المسلمين😳
يعني هو مش ممكن لسانه يفلت بكلمة هنا ولا كلمة هنا😐
هو أه سن صغير لكنه رجل بالإسلام👌
وكمان الأرقم كان من قبيلة بني مخزوم والقبيلة دي بتنازع بني هاشم إللي هي قبيلة رسول الله على الشرف،
يعني في بينهم منافسة ،
فهل من المعقول من وجهة نظرهم إن محمد الهاشمي يكون في بيت واحد من بني مخزوم😉

والسبب الثالث:
إن بيت الأرقم كان بعيد عن الطريق يعني مكنش في وسط مكة، الناس رايحة جاية عليه،
كان في حتة مطّرفة كده فمحدش هياخد باله من البيت ده

شايفين رسول الله إزاي بيعلمنا طريقة الأخذ بالأسباب 👌
أيوة ربنا هو الحافظ لكن لازم أبذل
ما في وسعي عشان أحافظ على نفسي😊

الدنيا كانت ماشية تمام خلال الثلاث سنين دول،
لحد ما جاء الأمر من الله لرسوله إنه يجهر بالدعوة😮

إزاي جهر رسول الله بالدعوة ؟
وكان إيه رد فعل أهل مكة مع الصادق الأمين؟

ده إللي هنعرف الجزء الجاي إن شاء الله😊



#السيرة_النبوية
#ايمان_شلبي

⚠️محرمات منتشرة ... تبعدنا عن الجنة⚠️
📌28- لعن المؤمن ولعن من لا يستحق اللعن:

كلمة بنسمعها كتيررر

وانت واقف في طابور
وانت راكب مواصلات
وانت ماشي في الشارع 😖

كتير أول ما حد يغضب أول كلمة تيجي على لسانه هو ⬅️اللعن 😡

ومش بتفرق كبير ولا صغير
ذكر ولا انثى
ولا بيلعن بشر ولا دواب ولا جماد ولا ايام وساعات
بل حتى بيلعنوا نفسهم وزوجاتهم وابناؤهم 😰

عارفين يعني إيه اللعن ؟ 😳

👈يعني الطرد والإبعاد من رحمة الله

فيه ناس نصبوا نفسهم قضاه وبدأوا يحكموا إن فلان يستحق رحمه ربنا وفلان لا يستحق فيلعنه بكل بساطه 😢

المفروض إن المؤمن قلبه معلق بالله وزي ما بيتمنى إن ربنا سبحانه وتعالى يرحمه بيرحم كل من حوله ، ويكون قلبه فيه رقه ورأفه بكل ما حوله ويبعد عن كل غلظة وفظاظة وجحود ويبقى لسانه عذب لا ينطق إلا بكل خير

وعلشان تعرفوا إن الأمر خطير تعالوا نشوف ازاي الرسول صلى الله عليه وسلم اهتم بالموضوع ده

🌴عن جرموذ الجهني -رضي الله عنه- قال: قلت يا رسول الله أوصني. قال: (أوصيك ألا تكون لعانا).

ومن الأحاديث كمان

🌴( إني لم أبعث لعانا و إنما بعثت رحمة ) رواه مسلم

🌴( ليس المؤمن بالطعان ولا اللعان ولا الفاحش ولا البذيء ) رواه الترمذي

🌴( لا يكون المؤمن لعانا ) رواه الترمذي

🌴( لا تلاعنوا بلعنة الله ولا بغضبه ولا بالنار ) رواه الترمذي
🔸أي لا تدعوا على الناس بما يبعدهم الله من رحمته

🌴( لعن المؤمن كقتله ) متفق عليه.
🔸أي في التحريم أو العقاب أو الإبعاد ، إذ اللعنة تبعد من الرحمة والقتل يبعد من الحياة الحسية

مش كده بس ده كمان اللعان لا يكون من الشفعاء يوم القيامة 😥

🌴( لا يكون اللعانون شفعاء ولا شهداء يوم القيامة ) رواه مسلم

🔸و ( شفعاء ) أي لا يشفعون يوم القيامة حين يشفع المؤمنون في إخوانهم الذين استوجبوا النار

🔸( ولا شهداء ) أي لا يكونون شهداء يوم القيامة على الأمم بتبليغ رسلهم إليهم الرسالات ، وقيل لا يرزقون الشهادة في سبيل الله

لسه في حديث تاني أصعب 😞

هل تعلم يا من تلعن أن لعنتك تصعد إلى السماء ⁉️
فيهرب أهل السماء منها من خوفهم أن تصيبهم ⁉️
وبعدها تهبط إلى الأرض فتهرب الكائنات منها من خوفهم أن تصيبهم⁉️
وبعدها تذهب يميناً ويساراً حتى تصادف من يستحقها ⁉️
وأخيرا تعود إليك إذا كان من لعنت لا يستحق لعنتك⁉️

🌴فعن أبي الدرداء قال: قال رسول الله : ( إن العبد إذا لعن شيئاً صعدت اللعنه إلى السماء، فتغلق أبواب السماء دونها، ثم تهبط إلى الأرض، فتغلق أبوابها دونها، ثم تأخذ يميناً وشمالاً، فإن لم تجد مساغاً رجعت إلى الذي لعن فإن كان أهلاً، وإلا رجعت إلى قائلها ) رواه أبو داود وحسنه الألباني

عارفين الرسول صلى الله عليه وسلم عمل إيه مع من لعنت ناقتها ⁉️

🌴عن عمران بن حصين قال: بينما رسول الله في بعض أسفاره، وامرأة من الأنصار على ناقة، فضجرت، فلعنتها، فسمع ذلك رسول الله فقال: ( خذوا ما عليها ودعوها، فإنها ملعونة ) .

قال عمران: فكأني أراها الآن تمشي في الناس ما يعرض لها أحد. .

✍قال النووي رحمه الله: ( إنما قال هذا زجراً لها ولغيرها، وكان قد سبق نهيها ونهي غيرها عن اللعن، فعوقبت بإرسال الناقة. والمراد. النهي عن مصاحبته لتلك الناقة في الطريق ) شرح صحيح مسلم للنووي

🌴وعن ابن عمر رضي الله عنهما، أن رجلاً لعن الريح عند رسول الله فقال: ( لا تلعن الريح فإنها مأمورة، من لعن شيئاً ليس له بأهل، رجعت اللعنة عليه ) رواه أبو داود والترمذي وصححه الألباني

وكان سلف الأمة أحرص منا على الخير، وكانوا بعيدين كل البعد عن السبّ واللعن، ويطيبون ألسنتهم بذكر الله وشكره ودعائه والثناء عليه وتلاوة كتابه:

🌱عن سالم قال: ما لعن ابن عمر خادماً قط، إلا واحداً فأعتقه. لا تكن عوناً للشيطان على أخيك.

🌱وعن ابن مسعود قال: ( إذا رأيتم أخاكم قارف ذنباً فلا تكونوا أعواناً للشيطان عليه، تقولون: اللهم اخزه، اللهم العنه، ولكن سلوا الله العافية، فإنا أصحاب محمد كنا لا نقول في أحداً شيئاً، حتى نعلم على ما يموت، فإن ختم له بخير، علمنا أنه قد أصاب خيراً، وإن ختم له بشر، خفنا عليه عمله.

ازاي اللسان اللي بيذكر ربنا ويقرأ القران هو نفس اللسان اللي بيسب ويشتم ويلعن 😫
❌مش ممكن ابدا يجتمع الاتنين مع بعض

〰🌸🍃〰🌸🍃〰

تابعونا على قناة 🌷همسات الأوابين🌷

#رسائل_من_القرآن #أدهم_شرقاوي 🤲🏻

#صباح المتوكلين 🧡

(لنختم القرآن سماعا)

الورد (١٧٢)

(الربع الثاني & الحزب الواحد والأربعين)

#القارئ: هيثم الدخين
#ليدبروا على التليجرام
https://www.tg-me.com/GhRoooh/11953

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/bhkvDCMGjqM?feature=shared

#صباحكم_قرآنٌ_يُتلى

هل الإنسان يكون في ظل صدقته ؟

#قصص_الأنبياء(٢)
#السيرة_النبوية
#الحلقة_الرابعة_عشرة
#الجهر_بالدعوة

وقفنا المرة إللي فاتت عند رسول الله صلى الله عليه وسلم لما كان بيدعو الناس في السر لمدة ثلاث سنوات،
في السنة الأولى من البعثة يُقال إنه اتولد لرسول الله صلى الله عليه وسلم ولد وسماه عبد الله،
الموضوع فيه خلاف ، علماء قالوا اتولد قبل البعثة وعلماء قالوا اتولد بعد البعثة😉

وكنا قلنا قبل كده إن أبناؤه كانوا القاسم وزينب وأم كلثوم ورقية وفاطمة، وقلنا إن القاسم مات ومتبقاش غير البنات،
دلوقتي رسول الله رُزق بولد تاني من زوجته خديجة ، فهو لم يتزوج غيرها👌
عدت الأيام ومات عبد الله، مات وهو صغير🙊


رسول الله لم يعترض ورضي بقضاء الله وكمل حياته في الدعوة إلى الله،
وكأن ربنا بيقول لنا أهو بشر زيكم ومكنش عنده غير بنات وأولاده الصبيان بيموتوا ،
عادي يعني الحياة بتمشي...مش نهاية الكون..أيوة الإنسان ممكن يحزن لكن ميخليش الحزن ده يوقف حياته👌

خلال الثلاث سنوات الأولى من البعثة أسلم ستون رجل وامرأة فقط من قبائل متفرقة في مكة،
يعني لو قسمناها هنلاقي إن كل سنة بيسلم حوالي عشرين شخص🤔
والداعية هو رسول الله الصادق الأمين إللي مفيش أحد في أخلاقه ولا في بلاغته ولا في قوة اقناعه،
ومع ذلك أسلم العدد القليل ده👌

من الناس إللي أسلمت في الثلاث سنوات دول كان《 خَبّاب بن الأَرَت》و《مصعب بن عمير》و《عبد الله بن مسعود》و《جعفر بن أبي طالب》و《 وسعيد بن زيد بن عمرو بن نفيل》
فاكرين زيد بن عمرو بن نفيل إللي كان موحد على دين إبراهيم عليه السلام وكان مستني نبي آخر الزمان ودعا الله إن ابنه يكون صاحب النبي ده😉
وسعيد بن زيد ده كان متزوج من ابنة عمه فاطمة بنت الخطاب أخت عمر بن الخطاب، فأسلمت فاطمة مع زوجها سعيد،
وكان إللي بيُسلم بيخفي إسلامه 👌
والناس إللي أسلمت دي كان اسمهم الرّعِيل الأول يعني السابقون إلى الإسلام،
وكل إنسان رأى رسول الله صلى الله عليه وسلم أو اجتمع معه وآمن به واستمر على إيمانه حتى مات رسول الله ومات أو مات هو على الإيمان فده كده اسمه صحابي👌

فالستين رجل وامرأة الذين آمنوا برسول الله دول اسمهم صَحابة👌

☆قبل ما نبدأ في الدعوة الجهرية هنقول قاعدة مهمة لأنها مستمرة معانا في شرح السيرة وكمان دي عقيدتنا كمسلمين وهي :
إن القرآن الكريم《 كلام الله》 يعني كلام ربنا تكلم به بصوت وحرف ولكن بطريقة تليق بجلاله وكماله،
ولله المثل الأعلى مش احنا بنتكلم كلام عبارة عن صوت وحروف ؟
أهه برده القرآن ربنا تكلم وقال القرآن ، يعني القرآن مش مخلوق زي السماوات والأرض وزي البشر👌
والقرآن لم ينزل سور كاملة على بعض،
ولكن نزل آيات متفرقة على حسب الاحداث والمناسبات،
يعني ممكن النهاردة تنزل آية من سورة البقرة، غدا أربعة آيات من سورة الشعراء وهكذا😉
يعني لما كانت تحصل حاجة ربنا يقول لجبريل آيات القرآن وجبريل يأخذ الآيات 《من الله مباشرة》 ويقولها لرسول الله صلى الله عليه وسلم،
يعني ربنا بينَزّل الآيات على جبريل وجبربل ينزلها على محمد رسول الله ورسول الله يقولها للناس👌

لكن مش معنى إن القرآن نزل آيات متفرقة يبقى أي احد يحط أي آية مكان الثانية🚫
لأ طبعاً لأن ترتيب الآيات في المصحف توقيفي، يعني رسول الله فقط هو إللي رتبها الترتيب إللي احنا عارفينه ده بوحي من الله👌
كان بيقول لكتّاب الوحي خلوا آية كذا فوق آية كذا في سورة كذا،
والقرآن كله عبارة عن مائة وأربعة عشرة سورة، نزل منها اثنان وثمانون سورة في مكة😉
السورة المكية التركيز فيها هيكون على العقيدة👌
يعني من هو الله والإيمان بالغيب ويوم القيامة والأحداث إللي هتحصل فيه،
وكمان هيحكي لهم أحداث الأمم السابقة ويدعوهم للتفكير العقلي المنطقي هل الكلام ده مقنع ولا لأ👌
يعني دي قاعدة ربنا بيضعها لأي إنسان عايز يتعلم الدين
تبدأ بالعقيدة يعني تعرف مين هو الله ،
وإيه هو اليوم الآخر ويعني إيه جنة ونار وشكلهم إيه،
ونتعلم أخبار الأمم السابقة عشان نتعظ ومنقعش في نفس أخطائهم،
ومع ده كله نتدبر في الآيات والكون وفي أحداث حياتنا عشان الإيمان يدخل القلب والعقل👌


بعد الثلاث سنوات من الدعوة سرا وإسلام الستين رجل وامرأة من قبائل مختلفة،
ربنا أمر رسوله بالجهر بالدعوة لأن دلوقتي بقى في قاعدة نقدر نبني عليها،
في أتباع للدين... أهل مكة مش هيقدروا عليهم لأنهم من قبائل مختلفة وكمان فيهم ناس كثيرة من أشراف مكة💁‍♀️

الجهر بالدعوة كان على مرحلتين :
المرحلة الأولى كانت إنه يجهر بالدعوة بين أقاربه،
ربنا أنزل عليه آية:
"وأنذر عشِيرتَك الأقربين"
والحكمة إن رسول الله يبدأ بأهله
لأن لو آمن الأهل هيكونوا سند له ويحموه من أي مخاطر ممكن يتعرض لها👌

رسول الله عمل أكل ودعا أعمامه وأبناءهم من باب إنه يؤلف قلوبهم،

كان من أعمام رسول الله صلى الله عليه وسلم إللي حضروا عمه عبد العزى أو خلونا نقول أبو لهب،

وكان موضوع الإسلام اتعرف بين أهل مكة، إن محمد بن عبد الله بيقول إنه رسول بيوحى إليه وإنه بيعبد إله مختلف عن الآلهة بتاعتهم،
فأبو لهب قبل ما رسول الله يتكلم بأي كلمة راح قايل :
أنا بقول لك قصاد أعمامك واولاد أعمامك، سيبك من الكلام إللي إنت بتقوله ده، احنا مش هنقدر نواجه الناس إنت عايز تورطنا😑
ولو فضلت مصمم فاحنا نحبسك أحسن ما يجتمع عليك بطون قريش ومعاهم قبائل العرب فيقضوا عليك،
أنا مشفتش حد جاء لأهله بشر أكثر من إللي جئت به😤
فسكت رسول الله صلى الله عليه وسلم ومتكلمش،
ودي حكمة بالغة منه، أصل هيدخل في جدال معاه ويضيع هيبة الحق،

☆خدوا بالكم إن أبو لهب بيكلم رسول الله بالأسلوب ده وهو في بيته لسه واكل من أكله،
ومع ذلك رسول الله حتى مقلهوش عيب ده إنت في بيتي إزاي تتكلم كده👌
ركزوا مع تصرفات رسول الله صلى الله عليه وسلم لأنها دين واحنا بنتعلم منه👌

مرة ثانية رسول الله عمل طعام ودعا أقاربه
زوجته خديجة قالت له إنه يتفرغ للدعوة وهي إللي هتتكفل بالمصاريف،
يعني خديجة رضي الله عنها كانت بتبذل مالها لخدمة دين الله👌
فقبل ما ابو لهب يتكلم بدأ رسول الله الكلام وقال:
"الحمد لله أحمده وأستعينه وأؤمن به وأتوكل عليه، وأشهد أن لا إله إلا الله وحده لا شريك له"

طبعا الكلام ده كان صدمة بالنسبة لهم
وحده لا شريك له😳
أمال فين اللات والعزى ومناة وباقي الآلهة😐
وأكمل رسول الله كلامه:
"إن الرائد لا يكذب أهله، والله الذي لا إله إلا هو إني رسول الله إليكم خاصة وإلى الناس عامة، والله لتموتن كما تنامون ، ولتُبعثن كما تستيقظون ،
ولتحاسبن بما تعملون ، وإنها الجنة أبدا أو النار أبدا"

☆جملة الرائد لا يَكذب أهلَه ده مثل عربي معناه إن الشخص إللي بيكون متقدم على القافلة بيبحث عن العشب والماء،
عمره ما هييجي يكذب على أهله ويخدعهم

رسول الله لخص رسالة الإسلام كلها في الكلمتين دول، إله الكون هو الله وأنا رسوله، وهتموتوا وهتُبعثوا،
وهتتحاسبوا على أعمالكم وعلى حسب أعمالكم يا إما جنة أبدا أو نار أبدا 👌
ردة فعل أقارب رسول الله انقسمت لموقفين:
موقف ابو طالب عم رسول الله إللي كان مربيه وبيحبه أكثر من حبه لأبنائه،
قال له أبو طالب: أنا معاك وهقف جنبك وهدافع عنك،
فاعمل إللي إنت أُمرت به، فوالله لأعينك وأساعدك وأمنعك من الأذى👌
لكن نفسي مش مطاوعاني إني أسيب دين عبد المطلب😞


الموقف الثاني موقف أبو لهب وهو إنه صمم على عدائه لابن أخيه أولا ورسول الله ثانيا👌
وقال لهم : امسكوه ووقفوه قبل ما حد تاني يوقفه 🤦‍♂️
☆يعني يقصد اغسلوا عاركم بإيدكم 🙄

فأبو طالب قال : والله لندافع عنه طول ماحنا عايشين😤
ودي كانت المرحلة الأولى من الدعوة الجهرية،

المرحلة الثانية:
في يوم من الأيام خرج رسول الله صلى الله عليه وسلم من بيته،

لحد ما وصل جبل الصفا وطلع عليه ووجّه وجهه ناحية الناس وبدأ ينادي على كل أهل مكة بأسماء قبائلهم:
يااا بني فهر...يااا بني عدي...يااا بني هاشم..ياااا....ياااا
والناس سمعت الصوت..إيه ده ..مين إللي بينادي ده😦
الصادق الأمين...الصادق الأمين😮
أول مرة يعملها يبقى أكيد في حاجة 😱
فكل الناس بدأت تتجمع وإللي مش عارف يروح يبعت حد من عنده عشان يروح يشوف في إيه😳

أول ما الناس اتجمعت قال لهم :
لو قلت لكم إن في جيش خلف الوادي ده جاي يهجم عليكم ...هل هتصدقوني؟
قالوا : طبعا احنا منعرفش عنك إلا الصدق وعمرك ما كذبت😲
فقال لهم : فأنا نذير لكم بين يدي عذاب شديد👌

☆رسول الله قبل ما يقول لهم أي حاجة أقام عليهم الحُجة
يعني خلاهم يعترفوا بلسانهم إنه صادق وإنهم لازم يصدقوه،👌


ياترى أهل مكة كان ردهم إيه على الصادق الأمين؟

ده إللي هنعرفه الجزء الجاي إن شاء الله😊


#السيرة_النبوية
#ايمان_شلبي