*الذكر يُعين على الطاعات🌱*

(لنختم القرآن سماعا)

الورد (١٥٩)

(الربع الثالث & الحزب الأربعون)

#القارئ: بيشةوا قادر الكردي
#ليدبروا على التليجرام
https://www.tg-me.com/GhRoooh/11945

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/NzLujIfDydA?feature=shared

#صباحكم_قرآنٌ_يُتلى

#قصص_الأنبياء(٢)
#السيرة_النبوية
#الحلقة_العاشرة
#بداية_الدعوة

وقفنا المرة إللي فاتت عند جبريل عليه السلام لما أنزل أول آيات القرآن على رسول الله صلى الله عليه وسلم بعد فترة انقطاع الوحي وكانت الآيات هي:
"يَا أَيُّهَا الْمُدَّثِّرُ. قُمْ فَأَنذِرْ. وَرَبَّكَ فَكَبِّرْ.
وَثِيَابَكَ فَطَهِّرْ. وَالرُّجْزَ فَاهْجُرْ. وَلا تَمْنُن تَسْتَكْثِرُ. وَلِرَبِّكَ فَاصْبِر"
والأيات هنا فعل أمر👌
فالأمر جاء لرسول الله صلى الله عليه وسلم من رب العالمين يبقى لازم ينفذه👌

المشكلة بقى إنه هينفذ الأمر ده إزاي أصلا
وهو مطلوب منه إنه يوصل الإنذار والرسالة دي لكل أهل الأرض😶
وأهل الأرض مش بس البشر ..لأ ده كمان رسول للجن😳
إن رسالته لكل أهل الأرض من البشر وكمان من الجن،
فرسول الله صلى الله عليه وسلم هو أول رسول للإنس والجن مع بعض ،
كل رسول كان بيكون لقومه خاصة والجن ربنا كان بيبعث لهم رسل زيهم من جنسهم،
لكن محمد رسول الله هو أول نبي ورسول لأهل الأرض جميعا من الجن والإنس إللي هم الثقلين 😮

خلينا نركز مع بعض كده ونشوف أهل الأرض في الزمن بتاعه كانوا عاملين إزاي ،
خلونا نأخذهم واحدة واحدة ،نبتدي من البلد إللي رسول الله صلى الله عليه وسلم كان عايش فيها،
رسول الله كان عايش في بلد كل أهلها بيعبدوا الأصنام وبيقولوا إن دي هي الألهة بتاعتهم،
طبعا مكنوش بيؤمنوا بحاجة اسمها إن في يوم قيامة ولا جنة ولا نار ولا إنهم هيبعثوا بعد الموت مرة أخرى😕
هي بس حياتهم الدنيا بيعيشوها بكل ملذاتها ،
ويعملوا إللي هم عايزينه ويموتوا وخلاص انتهى الموضوع على كده،
ومش بس كده...ده المجتمع مع الشرك والكفر إللي هو كان فيه ده كان مجتمع فاسد 😑
شرب الخمر ده كان بالنسبة لهم زي شرب المية عندنا، التعامل بالربا ده حاجة أساسية في حياتهم،
الزنى بقى مقلكوش 😥
كان في خيام كده معمولة وعليها زي رايات...يعني علامات معروفة إن دي خيام البغايا ومعروفة في التاريخ باسم الرايات الحمر للي عايز يروح يزني، وكان كله عيني عينك كده😶
ده حتى الزواج كان داخل فيه زنى تخيلوا😳
يعني كان عندهم الزواج الشرعي بتاعنا إللي هو فيه مهر وفيه ولي وفيه شهود وإعلان الزواج ونوع الزواج ده أقره الإسلام عادي ،
وكان معظم الناس الناس بيتزوجوا كده ورسول الله صلى الله عليه وسلم كان زواجه من خديجة زواج شرعي وأمه وأهله كلهم زواجهم كان زواج شرعي👌

كان في بقى أنواع تانية من الزواج كانت عجيبة 😮
تخيلوا إن الرجل كان يقول لمراته بعد ما تطهر من الحيض روحي لفلان من أشراف مكة وساداتها واستبضعي منه...يعني تزني معه وبعدين زوجها ميقربش منها لحد ما يبان إنها حامل من الرجل ده،
وبعد كده خلاص بقى يقرب منها عادي، كان بيعمل كده يرجو نجابة الولد يعني يكون ابنه ذكي وقوي🙄

والسادة كانوا بيرحبوا جدا بالشهوات إللي زي كده💁‍♀️
فطبعا أكيد هيحاربوا أي أحد ييجي يقول لهم إللي إنتم بتعملوه ده غلط أو في دين بيقول لكم إن الكلام ده ممنوع😑
متسألوش بقي في المواقف دي فين غيرة الرجل العربي إللي كان ممكن يذبح فرس بسبب إن مراته قعدت عليه عشان ميجيش راجل تاني يقعد عليه مكانها😅
ولا تسألوا عن مشاعر المرأة وهي رايحة لواحد يعاشرها بأمر من زوجها ومفيش حاجة اسمها إنها تعترض وتقول لأ🤐
هي كانت مجرد أداة تسمع وتطيع، ولا تسألوا عن اختلاط الأنساب وضياع الحقوق

دي حاجة بسيطة من وضع البلد إللي رسول الله صلى الله عليه وسلم نشأ وتربى فيها ،
والمفروض إنه هيغير الحاجات دي كلها، وأهل مكة مكنوش عايشين عالفساد والكفر ده سنة ولا اتنين ،
ولا عشرة ولا عشرين ده كانوا عايشين عليه مئات السنين
يعني الحاجات دي مغروسة فيهم...شاربينها كده وبتجري في دمهم👌
فإزاي رسول الله هيغير الكلام ده وهو بشر زيهم 😳

هنطلع من مكة دلوقتي ونشوف العالم المحيط بمكة في الوقت ده كان عامل إزاي👈
في الزمن ده كان في دولتين بيحكموا الأرض،
الدولة الرومانية كانت بتحكم نصف الأرض، والدولة الفارسية كانت بتحكم النصف الثاني،
وكانوا على طول هم الإثنين بيتخانقوا مع بعض عشان يثبتوا مين الأقوى💪


بالمقياس البشري حاجة مستحيلة ان حد يقدر يتجرأ إنه يدعو الفرس والروم 😢
الروم دول كان طبعهم وحشي كانوا بيرموا العبيد للحيوانات يتصارعوا معاها وهم بيتفرجوا عليهم 😑

☆خليكوا فاكرين معاملة العبيد كانت عاملة إزاي عشان تشوفوا الإسلام عمل إيه مع العبيد👌

نسيب الرومان ونشوف الفرس 💁‍♀️
ودول كانوا حاجة كده فوق الوصف كانوا بيعملوا حاجة كل أهل الأرض كانوا بينفروا منها وكانوا بيعيبوا على أهل فارس الموضوع ده😮
كان عندهم زواج المحارم ده حاجة عادية جدا 😳
الرجل يتزوج أمه.. أخته...بنته...عادي جدا والموضوع كان منتشر بين السادة وبين عوام الناس🙊
وكان الناس بتقدس الأكاسرة يعني ملوك الفرس وكان منتشر بينهم إن الأكاسرة دول في دمهم دم الإله ،
لدرجة إن الناس المقربين من كسرى مكنوش يقفوا قصاده أو جنبه،

لازم يكونوا بعيد عنه أمتار وإللي عايز يدخل على كسرى لازم يحط على وشه قماشة زي نقاب كده عشان أنفاسه لا تلوث الحضرة الملكية😀

نروح لأوروبا كانوا في قمة التخلف والحروب بينهم مستمرة،
مصر كان بيحكمها الرومان وكان فارضين على الشعب الضرائب الباهظة على كل حاجة لدرجة إنهم فرضوا ضريبة على إللي يموت 🙃
والظلم منتشر والاضطهاد والتعذيب😑
الهند بقى كانت العجب العجاب كانوا بيعبدوا كل حاجة لدرجة إنهم عبدوا أدوات الكتابة القلم والكراسة وعبدوا الفئران😅
والصين كانوا كفار عندهم ثلاثة ديانات منهم عبادة بوذا

☆شوفوا مهما تتخيلوا مش هتقدروا تتصوروا أوضاع الأرض في زمن بعثة رسول الله صلى الله عليه وسلم كانت عاملة إزاي😓
تخيلوا إن رسول الله صلى الله عليه وسلم بيقول عن ربنا في حديث قدسي :
" إِنَّ اللَّهَ نَظَرَ إِلَى أَهْلِ الْأَرْضِ فَمَقَتَهُمْ عَرَبَهُمْ وَعَجَمَهُمْ إِلا بَقَايَا مِنْ أَهْلِ الْكِتَابِ"
المقت يعني شدة الكره، فربنا كره البشر من كثرة الفساد في الأرض إلا ناس قليلة جدا من أهل الكتاب إللي استمروا متمسكين بدينهم الصحيح👌
فكانت الأرض في الزمن ده محتاجة حد يرشدها للطريق الصحيح.

أول خطوة عملها رسول الله صلى الله عليه وسلم عشان يوصل دعوته هو إختيار الأشخاص المناسبين عشان يكلمهم في أمر الإسلام👌
ماهو مينفعش أي حد كده يروح يقو له أنا رسول 😳

فهو دور على الناس إللي بيثق فيهم وعارف إنه لو قال لهم إنه رسول هيصدقوه وكمان يساعدوه ويقفوا جنبه 👌


مين بقى الأشخاص دول🤔

أول واحدة كانت زوجته ورفيقة عمره وأم أولاده وإللي كانت دايما بتعينه على فعل الخير خديجة بنت خويلد 😊

فراح قال لها إن هو رسول من رب العالمين أرسله للناس عشان يدعوهم لعبادة الله وحده ،
وإنهم يتركوا عبادة الأصنام فآمنت خديجة على طول👌
ماهي متابعة الموضوع من البداية👍

وبعدين رسول الله صلى الله عليه وسلم دعا ثلاثة أشخاص آخرين هم : 《عبد الله بن عثمان أو عبد الله بن أبي قحافة أو خلونا نقول : أبو بكر الصديق》
الثاني :《علي بن أبي طالب》 ،
والثالث : 《زيد بن حارثة》
رسول الله صلى الله عليه وسلم دعاهم للإسلام
مين هما الثلاثة دول وهل فعلا أسلموا زي خديجة ولا إيه كانت رد فعلهم؟
واشمعنى العرب بالذات إللي ربنا اختارهم عشان تكون فيهم رسالة الإسلام؟
ده إللي هنعرفه الجزء الجاي إن شاء الله 😊


#السيرة_النبوية
#ايمان_شلبي

#قصص_الأنبياء(٢)
#السيرة_النبوية
#الحلقة_الحادية_عشرة
#رسالة_الإسلام_والعرب

وقفنا المرة إللي فاتت عند رسول الله صلى الله عليه وسلم لما أخذ أول خطوات الدعوة إلى الإسلام ،
وبدأ يشوف مين هم الأشخاص المناسبين حوله عشان يقول لهم عن بعثته 🌳
وكان أول شخص أخبره رسول الله صلى الله عليه وسلم هي زوجته خديجة رضي الله عنها إللي آمنت بدون أي تردد👌

وقلنا إنه دعا ثلاثة أشخاص كمان هم أبو بكر الصديق وعلي بن أبي طالب وزيد بن حارثة، وكل واحد فيهم له قصة مختلفة عن التاني👌

قبل ما نعرف قصتهم في سؤال مهم لازم نعرف إجابته
وهو :
اشمعنى العرب بالذات إللي ربنا اختارهم عشان تكون فيهم الرسالة 🤔
ما هو أهل الأرض كلهم كانوا ضايعين زي ما شفنا المرة إللي فاتت ..يعني مكنش هتفرق؟
ليه مكنش رسول الله صلى الله عليه وسلم من الروم أو من الفرس مثلا واشمعنى اللغة العربية بالذات إللي نزل بها القرآن🤔

تخيلوا إن مكة هي أنسب مكان يخرج منه نبي آخر الزمان، والوضع فيها مناسب جدا عشان تبدأ فيه الدعوة الإسلامية👌
خلينا نأخذهم واحدة واحدة:
أولا اختيار مكة بالذات:
♡النقطة الأولى:
مكة أو جزيرة العرب بصفة عامة مكنوش يعرفوا غير دين إبراهيم عليه السلام ،
يعني بيعترفوا بوجود خالق للكون لكن حكموا معه غيره ..فسهل إننا ندعي ناس تؤمن بالله لكن عندهم لخبطة من إننا ندعي ناس لا تؤمن بوجود إله اصلا ،أو بتقول إن الإله هو النار ولا الفأر ولا غيره


♡النقطة الثانية
العرب مكنش عندهم تاريخ ثقافي يُذكر، حياة تعتبر بدائية بسيطة جدا👌
لكن الروم مثلا كان فيها فلسفات كثيرة وظهر فيهر فلاسفة زي أرسطو وأفلاطون وغيرهم،
والدولية الفارسية كان برده فيها ناس زي الفلاسفة كده كانوا بيحطوا شرائع للناس زي مَزدك ،
والهند كان فيها حكماء كثير جدا زي ما بيقولوا ،
ومصر كانت أرض الفراعنة زمان ولهم تاريخهم الطويل وعندهم قوانين وتشريعات وكانوا تابعين للدولة الرومانية يعني كانوا نصارى،
فتخيلوا لو كان رسول الله ظهر وسط حضارة من الحضارات دي كان الناس هتقول إيه😕

كانوا هيقولوا ده بيقلد الناس إللي سبقوه والكلام إللي بيقوله ده مجرد تطور للثقافات والمعتقدات السابقة💁‍♀️
تخيلوا إن ربنا مخلاش رسول الله يعرف يقول شعر زي باقي العرب مع إنه أبلغ العرب وأفصحهم،
والناس كلها عارفة ده عنه عشان لما القرآن ينزل ويبلغه لهم ميقولوش ده إنت إللي مؤلفه👌
☆ مع إنهم هيقولوا برده زي ما هنشوف🙄

والرسالة منزلتش في فلسطين مثلا عشان الناس متقولش إن رسول الله صلى الله عليه وسلم أخذ من التوراة والإنجيل وحرف فيهما وخلطهم ببعض.

فنزول الرسالة في مكان شبه منعزل عن الأفكار الفلسفية والتشريعات المعقدة كان سبب في نقاء التكوين عند الصحابة ،
وعشان يحمي رسالة الإسلام من أي أي انحراف ودليل إن فعلا الدين ده من عند الله.


♡النقطة الثالثة:
مكة ملهاش أي تاريخ عسكري ..معندهمش جيوش منظمة ..الأسلحة بتاعتهم قديمة..الخطط الحربية خطط بدائية 😕
مجرد قبائل متفرقة بيتهجموا على بعض وخلاص ..ميعرفوش غير حرب الإغارات والسطو👌

فلما بلد ملهاش أي تاريخ عسكري بالمنظر ده ولا عندهم أي قادة ،
أمال مين الناس إللي هتفتح دولة فارس إللي عدد جيشها اثنين مليون جندي ...الناس دي كانت فين 🤨

كانت موجودة لكن مكنش لها أي ذكر غير بعد الإسلام،
يعني الإسلام هو إللي هيغيرهم 😊
فكأن ربنا بيقول لنا عن طريق التجربة العملية إن العرب بدون إسلام ولا شيء🤷‍♀️

فهي رسالة لنا على مر التاريخ بتقول لنا طول ما العرب بعيد عن دينهم الإسلام هيكونوا متفرقين مذلولين ليس لهم أي قيمة.. متأخرين في كل المجالات،
لكن لو تمسكوا بدينهم صح هيكونوا أعز البشر وهيتفوقوا على أي أحد غيرهم في كل المجالات ،لأن ربنا ساعتها هيكون ناصر لهم ومعين👌

ثانيا العرب نفسهم :
العرب في الجاهلية كان عندهم صفات تميزوا بها عن غيرهم
أول حاجة الصدق، الصدق كان عندهم حاجة أساسية ،
كانوا بيقرفوا من الكذب.. بيترفعوا إنهم يكذبوا،
ميقدروش يكذبوا وإلا كانوا الناس تعيرهم 🤔


من الصفات برده كانت: صفة الكرم ،
العرب كانوا كرماء جدا لدرجة إن الواحد فيهم كان ممكن يصرف أمواله كلها أو يذبح آخر شاة عنده وهي كل ما يملك عشان يكرم ضيفه😯

وصفة كمان هي صفة الشجاعة ،
وكان العرب بيفتخروا بالموت قتلا، مكنش عندهم أي مانع إن الواحد فيهم يموت في مقابل إنه يوفي بكلمته أو يدافع عن صديقه 💪


من الصفات إللي تميزوا بها إنهم بيرفضوا يعيشوا في ذل👌
يعني هو عنده عنده يموت عزيز ولا إنه يعيش ذليل.

وكمان كانوا بيتميزوا بالصبر وقوة التحمل بسبب البيئة إللي كانوا بيعيشوا فيها،
ثالثا : نزول القرآن باللغة العربية بالذات
نزول القرآن باللغة العربية كان بسبب إن أهل المكة بيتكلموا باللغة العربية،
واحنا عارفين إن معجزة الأنبياء بتكون من نفس الحاجة إللي أهل البلد متميزين فيها ،

فكان أهل مكة بارعين في اللغة العربية لدرجة إنهم وصلوا فيها لقمة الإعجاز البشري وخصوصا الشعر😮
تلاقي واحد قال قصيدة يقوم التاني يرد عليه في نفس اللحظة...يبقى السيف على رقبته ويقول شعر 🤨

فكان الشعر عندهم زي الكلام عندنا وهنشوف إزاي الشعر ده كان وسيلة مهمة جدا لنشر الإسلام،👌
كان العرب مجرد ما يسمعوا آيات القرآن فقط كانوا بيدخلوا في الإسلام.

نرجع للنبي صل الله عليه وسلم
دعا رسول الله علي بن أبي طالب للإسلام وكان عمره عشر سنوات وعلي بن أبي طالب هو ابن عم رسول الله إللي كان اسمه عبد مناف وكان لقبه أبو طالب😉
وسبب دعوته هو إن علي بن أبي طالب كان عايش مع رسول الله صلى الله عليه وسلم في بيته ،
وده كان بسبب إن أبو طالب كان رجل فقير زي ما قلنا قبل كده،
فحصلت أزمة اقتصادية في مكة فرسول الله راح لعمه العباس وقال له تعال نساعد أبو طالب في أزمته،
وكل واحد فينا يأخذ واحد من أبنائه عنده في البيت يصرف عليه ويبقى خففنا عليه شوية،
فراحوا لأبي طالب وأخذ رسول الله علي وأخذ العباس جعفر بن أبي طالب،
فلما بُعث رسول الله صلى الله عليه وسلم عرض الإسلام على علي بن أبي طالب وهو عمره عشر سنين فأسلم علي وكان أول من أسلم من الصبيان😊

عليّ تربى على يد رسول الله فشاف من أخلاقه إللي خلاه يحبه حب أكثر من حبه لأبيه،

كل اللي يعرف النبي صلى الله عليه وسلم يحبه بغض النظر الشخص ده كان امرأة زي خديجة ولا كان طفل زي علي بن أبي طالب،
ولا مَوْلى.. عبد مُحرر يعني زي زيد بن حارثة إللي هنعرف قصته المرة الجاية إن شاء الله😁

#السيرة_النبوية
#ايمان_شلبي

#رسائل_من_القرآن #أدهم_شرقاوي 🤲🏻

⚠️محرمات منتشرة ... تبعدنا عن الجنة⚠️
📌26- لبس القصير والرقيق والضيق من الثياب للنساء:-

هنتكلم عن حاجة شبعنا كلام فيها وللأسف بنسمع من ودن ونطلع من التانية 😢

لأن شهواتنا غلبتنا
لأننا اغترينا بجمالنا ونسينا اللي أعطانا الجمال ده قادر ياخده في لحظة
لأننا مش خايفين من اليوم اللي هنقابل فيه ربنا ويحاسبنا مش على اللي عملناه بس
لا وهنتحاسب على كل واحد بص علينا كمان 😞

🍃قال سبحانه وتعالى : ﴿يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا﴾

⬅️لو بتعتبري نفسك إنك من نساء المؤمنين والكلام ده موجه ليكي يبقى تنفذي
⬅️لو بتعتبري نفسك من حفيدات امهات المؤمنين يبقي نفذي من غير تفكير
ولا مش معتبرة نفسك منهم 😳

💥لو أحببتِ ربك
💥لو أحببتِ رسولك صلى الله عليه وسلم
✍لقولتي سمعنا وأطعنا ونفذتي من غير جدال
لكن قلبك مشغول بحب الدنيا واللي فيها ومتاعها وفقط ولا مكان لغيرها في قلبك😖
قال تعالى : ﴿قل إن كنتم تحبون الله فاتبعوني يحببكم الله ويغفر لكم ذنوبكم والله غفور رحيم * قل أطيعوا الله والرسول فإن تولوا فإن الله لا يحب الكافرين﴾"

💡أخدتي بالك
📢ان حب الله ورسوله يتطلب اتباع وطاعة وتسليم وتنفيذ للاوامر.

فكري في غضب ربنا
فكري في سؤاله ليكي وعذابه
فكري في وقوفك بين يديه وسؤاله لك
هتجاوبيه بإيه ؟
حجتك هتكون إيه ؟😞

فكري فيما أعده الله لكل متبرجة فالرسول صلى الله عليه وسلم يصف المتبرجة في الأحاديث الصحيحة بأوصاف كل وصف منها أعظم من الآخر فيقول :

1⃣ بأنها من أهل النار ، و أنها لا تقرب الجنة بل لا تجد ريحها
2⃣ بأنها ملعونة مطرودة من رحمة الله
3⃣ بأنها زانية ولا يقبل منها صلاة
4⃣ بأنها منافقة و أنها من شر هذه الأمة
5⃣ بأنها من صاحبات الكبائر التى تعادل الزنا والسرقة و القتل
6⃣ بأنها من جنود الشيطان

هانت عليك نفسك ؟ 😥
مش حاسة باللي مستنيكي إذا لم تتوبي ؟
يكفي إنك تخليتي عن هويتك الإسلامية
ولما حد يشوفك هيبقى مش عارف انتي مسلمة ولا لأه 😭

هتقولي مش بايدي
لأني كل ما بخرج أشتري حاجة الاقي كله ضيق وشفاف 🙃
أعمل إيه يعني؟ 😅

لا بإيدك 😡
لو لفيتي كويس هتلاقي
ياستي خيطي عند خياطة
لو لاقوا إن محدش بيرضى يلبس الكلام ده ولا يشتريه هيعملوا اللي ميخسرهومش

انتم عارفين إن اللي بيتحكم في الموضة أغلبهم يهود ؟ 😨

بيتحكموا فيكي وفي لبسك وده مش صدفة
ده خطة مدروسة 😤

لأن من بروتوكولات صهيون : (كأس وغانية يفعلان بالأمة المحمدية ما لا يفعله ألف مدفع ودبابة فأغرقوها، أي أمة محمد أغرقوها في حب المادة والشهوات)
وأدينا غرقانين وبنطلع في الروح 😢

والنبي صلى الله عليه وسلم كان عارف إن ده هيحصل وإن في نساء من نساء المسلمين هتلبس من غير هدوم
يعني الاسم كاسيات لكن في الحقيقة عاريات

🌴قال صلى الله عليه وسلم : " صنفان من أهل النار لم أرهما: قوم معهم سياط كأذناب البقر يضربون بها الناس ونساء كاسيات عاريات مميلات مائلات رؤوسهن كأسنمة البخت المائلة، لا يدخلن الجنة ولا يجدن ريحها وإن ريحها ليوجد من مسيرة كذا وكذا " رواه مسلم
والبخت هي الجمال طوال الأعناق.

ليه رضيتي تكوني مجرد سلعة للعرض الكل بيبص عليها
والدبان يلف حواليها ؟
ده لو شوفتي حلويات مكشوفة مش ممكن تشتريها
للدرجة دي انتي من وجهة نظرك أقل قيمة من قطعة الحلويات المكشوفة ؟😰

لو تعرفي نظرة الناس ليكي وإنتي ماشية !
لو تعرفي تعليقاتهم عليكي وانتي ماشية !
لو تعرفي الشباب والرجال بيقولوا عليكي ايه !
هتبكي على حالك واللي وصلتي ليه وازي خليتي نفسك صغيرة في عيون الناس 😞

متقوليش المهم طهارة القلب ❤️ وسلامة النية
لأن كلامك ده يناقض اللي بتعمليه .
👈لأن القلب إذا صلح والباطن إذا طهر والروح إذا زكت، أكيد هيكون السلوك وفق ما أمر اللَّه تعالى بشأنه،
ولا يجتمع ابدا صفاء الباطن وطهارة القلب مع الإصرار على المعصية صغيرةً كانت أو كبيرة.

سواء قبلتي ولا لم تقبلي ، اقتنعتي ولا لم تقتنعي هتتستر عورتك غصب عنك مش برضاكي 🙃
فعند تكفينك سوف يلملم هذا الشعر الحريري ويتغطى بالكفن اللي هيغطي جميع جسدك بمفاتنك بكل محاسنك سيلف بثلاث قطع بيض علشان يتدفن بعدها جسمك في التراب.
وأظنك عارفة قسوة التراب وظلمة القبر 📢فبإيدك تجعليه روضة من رياض الجنة او حفرة من حفر النار.

〰🌸🍃〰🌸🍃〰

قناة 🌷همسات الأوابين🌷

اللهم أصلح البلاد والعباد يارب ...

🌾⛅️‏ ‏أشرق الأيام يوم الجمعة، وأشرق الأعمال فيه صلاتها وأشرق الأقوال صلاة على النبي ﷺ وأشرق الساعات آخر ساعة من الجمعة، فكيف إذا اجتمعت هذه الإشراقات في يوم واحد. فكن يقظاً وأنت تتحرى هذه المغانم، واستغرق اليوم العظيم بالإكثار على النبي ﷺ يغفر ذنبك وتكفى همّك!

📖( من قرأَ سورةَ الْكَهفِ في يومِ الجمعةِ أضاءَ لَهُ منَ النُّورِ ما بينَ الجمعتينِ ).

*▫️ليس في العالم أحدٌ عبادته، وكلامه، وصمته، وضحكه، ومزاحه، ونومه، ولباسه، وطعامه شريعة إلا محمد ﷺ،*

#الصلاة_على_النبي ﷺ

لم يذكر اللهُ قطُّ ولا جاء في سيرة رسول الله ولا صحابته أن المؤمن يقف عند ما ينزل به من المصائب ويُوقِف سعيه وعمله حُزنا على المصيبة -مهما عظمتْ وتنوعَّت-
بل يستعين اللهَ ويصبرُ ويحتسبُ ويتلمّس لُطف الله به فيها ويستأنف العمل استئناف مُوقِنٍ مُستبشرٍ لا يزيدُه البلاء إلا إيمان وعملا

((فَمَا وَهَنُوا۟ لِمَاۤ أَصَابَهُمۡ فِی سَبِیلِ ٱللَّهِ وَمَا ضَعُفُوا۟ وَمَا ٱسۡتَكَانُوا۟ۗ وَٱللَّهُ یُحِبُّ ٱلصَّـٰبِرِینَ))

((الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ))

واللهُ يُحب الصابرين وهو يتولَّى الصالحين وهو مع الذين اتقوا والذين هم مُحسنون
فلا ير اللهُ في قلبك إلا اليقين وحُسن الظن
ولا يسمع من لسانك إلا الاسترجاع وذكر الله
ولا ير من فعلِك إلا العمل الصالح والسعي

ولا حول ولا قوة إلا بالله

أمس كانت ذكرى مرور 300 يوم على طوفان الأقصى.
كل يوم منها حافل بالدروس التي يجب أن تُحفر في ذاكرتنا وذاكرة أبنائنا وتصوغَ قناعاتنا ومشاعرنا ومواقفنا وسلوكاتنا..

300 يومٍ يَثْبُتُ في كلٍّ منها أن قوى الشر العالمية وأذيالها ليسو آلهة تفعل ما تشاء، بل عبيد مقهورون لسلطان الله، عجزوا عن استخراج أسراهم من بقعة صغيرة جداً، وعجزوا عن هزيمة ثلة بقدرات بسيطة جداً..(وهو القاهر فوق عباده)..

300 يومٍ يثبُتُ في كل منها أن المسلم إذا أخذ بالأسباب فإن الله تعالى يحقِّقُ على يديه ما لم يكن أحد يتصوره! على الرغم من خذلان القاصي والداني -إلا من رحم الله- وتآمرِ مجرمي الأرض أجمعين..(إن ينصركم الله فلا غالب لكم)..

300 يومٍ يثبتُ في كل منها أن العدو جبان لا يستقوي إلا على الضعفاء، وأن أولياءه مجرمون عديمو الأخلاق، وأن عهودهم ومواثيقهم واتفاقياتهم ودعاوى اهتمامهم بالحقوق تُرمى في أقرب زبالة، وأن هذا العالَم لا يعرف إلا لغة القوة..(ولولا دفعُ الله الناس بعضهم ببعض لفسدت الأرض)..

300 يومٍ يَثبتُ في كل منها -ومن خلال نماذج كثيرة جداً- أن العبد بمعونة الله يصبر على البلايا التي تفتت الجبال!..(هو الذي أنزل السكينة في قلوب المؤمنين).
وغيرها الكثير الكثير الكثير من الدروس التي عُجنت بها هذه الأيام الـ300 عجناً !
فهل سنبقى حيارى أصحاب ردود أفعال مؤقتة لا تلقي الأحداث بظلالها على سلوكنا؟ أم سنتعظ ونتلمس الطريق بهمة عالية ونفَس طويل ومجاهدة لأهوائنا وشهواتنا؟
(والذين جاهدوا فينا لنهدينهم سبُلنا وإن الله لمَعَ المحسنين).

-

قال الشيخ بكر أبو زيد -رحمه الله-:
" وكم من بلاء رُدَّ بسبب الدعاء، فكم من بلية ومحنة رفعها الله بالدعاء، ومصيبة كشفها الله بالدعاء، وذنب ومعصية غفرها الله بالدعاء؛ حِرزٌ للنفس من الشيطان، وترس لرد السهام.

وكم من رحمة ونعمة ظاهرة وباطنة استُجلبت بسبب الدعاء، من نصر وعز وتمكين ورفع درجات في الدنيا والآخرة، فلله ما أعظم شأن الدعاء وأعظم فضل الله ونعمته على عباده به..".

[تصحيح الدعاء | ص20]
 

#ساعة_استجابة

http://www.tg-me.com/ala_kalbek

"أَأُقيمُ بَعدَكَ بِالمَدينَةِ بَينَهُم؟
‏يا لَهفَ نَفسي لَيتَني لَم أولَدِ"

‏•حسّان بن ثابت، بعد وفاة النبي ﷺ

إزاي تختار صُحابك ؟

إختار الصاحب اللي يعلي من هِمتك يعني يبقى شخص ماشي على نفس طريقك
شخص معاك على نفس المستوى او أعلى منك ميبقاش بيعطلك ، شخص ماشي بنفس سُرعتك
إنتوا الإتنين تبقوا بتشجعوا بعض على الطاعات

مينفعش تروح تصاحب شخص يقلل من عزيمتك و يبعدك عن طريقك و هدفك اللي انت عاوز توصله

إختار ناس تناسبك و تناسب أهدافك .

أحمد عامر || قصص الكهف