(لنختم القرآن سماعا)

الورد (١٣٦)

(الربع الرابع & الحزب الرابع والثلاثين)

#القارئ: محمد عبادة
#ليدبروا على التليجرام
#صباحكم_قرآنٌ_يُتلى

نسأل الله العفو والعافيه 🤲🏻

#قصص_الأنبياء
#الحلقة_السابعة_والأربعون
#أصحاب_السبت

بما إننا اتكلمنا عن يأجوج ومأجوج والسد..وقلنا إننا نحط بيننا وبين الفتن سد،
فأنسب قصة نتكلم عنها النهاردة هي قصة أصحاب السبت😊
خلونا نشوف السبب👌

اليهود كانوا بيقولوا إنهم أحباب الله،
فربنا قال لهم لو كلامكم صحيح ، طيب ليه بيعذبكم بذنوبكم وعصيانكم وجحودكم
ربنا مش بيعذب إللي بيحبه، ممكن يعاقب المؤمن عشان يفوق من غفلته ، لكن نزول العذاب من ربنا على ناس معينة مش بيكون وهو بيحبهم عز وجل..
"وَقَالَتِ الْيَهُودُ وَالنَّصَارَىٰ نَحْنُ أَبْنَاءُ اللَّهِ وَأَحِبَّاؤُهُ ۚ قُلْ فَلِمَ يُعَذِّبُكُم بِذُنُوبِكُم ۖ بَلْ أَنتُم بَشَرٌ مِّمَّنْ خَلَقَ"

أيوة ربنا فضّل بني إسرائيل بالنبوة والمُلك على باقي البشر في زمانهم، لكن إللي بيعصي وبيُعرِض عن البينات ويؤذي الرسل ويُبارز ربنا بعصيان أمره؛ ربنا بيعذبه في الدنيا قبل الآخرة..
طيب عايزين مثال
عندنا قصة أصحاب السَّبْت👌

أصحاب السبت دول هم قوم من بني إسرائيل، منعرفش زمانهم كان إمتى بالتحديد، لكن يُقال إنهم كانوا في زمن داوود عليه السلام،
وكانت قرية اليهود دي جنب البحر، فطبعا ده معناه إنهم كانوا بيعتمدوا على صيد السمك في غذائهم.
ربنا كان محرّم عليهم صيد السمك في يوم السبت... باقي الأسبوع مباح الصيد عادي، لكن يوم السبت لأ👌

☆طيب اشمعنى يوم السبت
كل نبي من الأنبياء بيقول لقومه على يوم الجمعة وفضله،
فلما موسى عليه السلام قال لبني إسرائيل عن يوم الجمعة زي باقي الأنبياء؛
بني إسرائيل اعترضوا وقالوا لأ السبت أحسن، وقعدوا يبرروا ويجادلوا، فربنا قال لهم خليكم في السبت..
فلما جاء زمن قرية أصحاب السبت ربنا ابتلاهم إنهم لا يصطادوا السمك يوم السبت، كاختبار وامتحان لهم على الطاعة👌
في البداية كانوا ملتزمين بعدم صيد السمك، وكانوا بيصطادوا في باقي أيام الأسبوع،
لكن مكنش بيطلع لهم سمك في البحر غير يوم السبت😶
طول الأسبوع مفيش ولا سمكة.. ويوم السبت السمك كثير جدا لدرجة إنه بينط على بعض وبيشوفوه بعنيهم

ما هو إزاي الإنسان يعرف إذا كان صادق فعلا في كلامه ولّا لأ؟
بالإبتلاء والامتحانات ومُفترق الطرق وعند المشاكل والصعاب والفتن والشهوات....و...و .. و

فبيبتلي الإنسان عشان ربنا يقوله شوف نفسك.. شوف أفعالك.. هل انت فعلا صادق في كلامك وايمانك والتزامك ولّا لأ👌
"أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ"

فربنا خلى السمك يطلع على وش المية يوم السبت بكميات كبيرة ويغوص في أعماق البحر باقي الأسبوع،
وسبحان الله لو مكنوش جادلوا في يوم الجمعة، كان زمانهم بياكلوا السمك عادي يوم السبت

بني إسرائيل كانوا صابرين على ابتلاء يوم السبت وثابتين على طاعة ربنا في عدم الصيد فيه، لحد ما واحد منهم عمل إيه؟
عمل حيلة ...
حفر يوم الجمعة زي حفرة كبيرة جنب البحر، عشان لما الموج يجيب السمك يوم السبت، يدخل السمك في الحفرة، وميعرفش يطلع تاني، وييجي هو يوم الأحد ياخد السمك من الحفرة.. وبكده ما يبقاش اصطاد يوم السبت، وكإن ربنا مش مطلع على مكره وتحايله على الحرام
"وَاسْأَلْهُمْ عَنِ الْقَرْيَةِ الَّتِي كَانَتْ حَاضِرَةَ الْبَحْرِ إِذْ يَعْدُونَ فِي السَّبْتِ إِذْ تَأْتِيهِمْ حِيتَانُهُمْ يَوْمَ سَبْتِهِمْ شُرَّعًا وَيَوْمَ لَا يَسْبِتُونَ ۙ لَا تَأْتِيهِمْ ۚ كَذَٰلِكَ نَبْلُوهُم بِمَا كَانُوا يَفْسُقُونَ "

☆عارفين زي إيه
رسول الله ﷺ قال:
"لعن الله الواشمات والمُتَفَلّجات للحُسْن والمُتَنمّصات المُغَيّرات لخلق الله"
فعلة التحريم هي التغيير لخلق الله👌
فتيجي واحدة تعمل إيه😕
تقوم مشقرة حواجبها《 وترفّعها خااالص كأنها متنمصة بالضبط》...وتقول أنا مشلتش ولا شعراية أهه أنا شقرت بس🤷‍♂️
طيب ماهي النتيجة في الحالة بتاعتنا دي واحدة...وهو التغيير لخلق الله..وده سبب التحريم أساسا🙃
طبعا أنا بتكلم في نقطة إللي بتشقر حواجبها وبتخليها زي إللي عاملة حواجبها بالضبط،
وإلا فالتشقير عليه خلاف بين العلماء، فريق قال جائز وفريق قال محرم، عشان بس ميختلطش الأمر على الناس وحد يفهم كلامي خطأ

المهم،
الراجل اليهودي ده استعمل وسيلة حلال، حيلة مشروعة مش حرام يعني، عشان يوصل لشيء محرم ربنا نهى عنه..
فبعد ما أخد السمكة، راح بيته وشواها، فجاره شم الريحة وجه يسأله انت جبت السمك منين وعملت إيه،
حكى له إللي عمله، راح التاني عامل زيه،
والثالث والرابع لحد ما الموضوع انتشر في بني إسرائيل😶

انقسم الناس في بني إسرائيل على ثلاثة أقسام:
◇القسم الأول: قسم بدأ يصطاد السمك وياكل ويجاهر بالمعصية عادي خااالص وده كان أكبر قسم... وكإن لسان حالهم بيقول:
إيه يا جماعة هو احنا بنعمل حاجة غلط...؟! هو انتم لا سمح الله شوفتونا اصطادنا يوم السبت؟ إيه التشدد بتاعكم ده🙄
◇والقسم الثاني: ناس بتؤمر بالمعروف وبطاعة الله، وتنهى عن المنكر وعصيان الله و التحايل على الحرام،

يعني بتقول للعصاة حرام كده، بتعصوا ربنا... إنتم بتحتالوا على شرع ربنا... بتستهزءوا بالله وآياته وبتستهينوا بوعيده... يا جماعة مينفعش .. ربنا بيمهل ولا يهمل... وهكذا..
والتانيين؟؟ ولاااا همّ هنا😑

◇والقسم الثالث بقى جماعتنا الساكتين🤐
حزب الكنبة زي ما بيقولوا في زماننا.. لكن في نوعين من الساكتين دول:
1-إللي بيقولوا مالناش دعوة، كل واحد حر، خليني في نفسي... وياريتهم يسكتوا على كده🙆‍♂️
لأ، ده كمان بيعترضوا على الناس إللي بتأمر بالمعروف وتنهى عن المنكر ويعاكسوا شغلهم،
بيقولوا لهم باندهاش وسلبية: انتم بتنصحوهم ليه؟
ماهمّ كده كده إللي في دماغهم في دماغهم، بتوجعوا دماغكم انتم ليه بقى! ما ربنا هو اللي هيحاسبهم! هو انتم إللي هتحاسبوهم؟! اهدوا كده وكبروا دماغكم!😕
"وَإِذْ قَالَتْ أُمَّةٌ مِّنْهُمْ لِمَ تَعِظُونَ قَوْمًا ۙ اللَّهُ مُهْلِكُهُمْ أَوْ مُعَذِّبُهُمْ عَذَابًا شَدِيدًا ۖ "
لكن النوع ده مع ذلك، من جواهم في قلبهم مش راضيين عن المنكر ده وعارفين إنه غلط👌
2-والنوع التاني من الساكتين: ناس بيقولوا نفس كلام النوع الأول لكنهم في قلبهم راضيين بالمنكر ده ومش مقتنعين إنه غلط، ودول يدخلوا مع العصاة على طول👌

طب كان رد الناس الناصحين إللي من القسم التاني إيه على إللي بيقولوا لهم كبروا دماغكم وسيبوهم براحتهم ماهو ربنا اللي هيحاسبهم؟
"قَالُوا مَعْذِرَةً إِلَىٰ رَبِّكُمْ وَلَعَلَّهُمْ يَتَّقُونَ"
يعني إحنا بننصح عشان نرفع العذر من علينا عند السؤال عن إنكار المنكر بين يدي الله عز وجل،
وكمان يمكن النصيحة دي تؤثر فيهم في يوم من الأيام وربنا يجعلها سبب في هداتيهم كلهم أو بعضهم🤷‍♂️

☆طيب قفزة كبيرة كده من عصر بني إسرائيل لعصرنا الحالي كده ونقارن بين حالهم وحالنا😶
طبعا كلنا شايفين انتشار المعاصي في كل مكان ليل نهار في البيوت والشوارع وكل مكان😞
يا ترى بقى كل واحد مننا في أنهي قسم من الأقسام الثلاثة؟

◇هل يا ترى أنا من الناس إللي بتعصي أوامر ربنا وتتحايل على الحرام بل وبتجاهر بالمعصية بلا حياء ولا خجل من الناس..؟


◇ولا أنا من القسم الثاني إللي بيصلح في نفسه أيوة، بس سايب الناس تعصي ربنا عادي وحتى وشه مش بيتغير لما يشوف حرمات الله إللي بيتم انتهاكها ليل نهار،

◇ولّا أنا من القسم التالت إللي بيؤمر بالمعروف، وبنصح الناس وأفهمهم بالحكمة والموعظة الحسنة، وبنهى عن المنكر بدون منكر أشد منه، وبعمل ده كله ثبات بحول الله وقوته، مهما حصل ومهما تعرضت للأذى👌

لما بني إسرائيل استمروا في عصيانهم لله، الناس إللي كانوا بينصحوهم خافوا على نفسهم أحسن ينزل عليهم العذاب همّ كمان لما ينزل على العصاة دول،
فراحوا بنوا 《سور》 بينهم وبين العصاة، وانعزلوا عنهم وبقى لكل مجموعة فيهم باب يخرجوا منه..
وفي يوم من الأيام، لما الناصحين خرجوا من الباب بتاعهم، لقوا باب العصاة مقفول ومحدش خرج😕
فقالوا لبعض أكيد حصل حاجة..!
فراح واحد تسلق الجدار وبص عليهم لقاهم كلهم اتمسخوا قردة🐒🐒🐒 وخنازير🐖🐖🐖😳
"فَلَمَّا عَتَوْا عَن مَّا نُهُوا عَنْهُ قُلْنَا لَهُمْ كُونُوا قِرَدَةً خَاسِئِينَ"
"وَلَقَدْ عَلِمْتُمُ الَّذِينَ اعْتَدَوْا مِنكُمْ فِي السَّبْتِ فَقُلْنَا لَهُمْ كُونُوا قِرَدَةً خَاسِئِينَ"
وبعد كام يوم -يُقال ثلاثة أيام- مات العصاة إللي ربنا مسخهم دول، فهمّ ملهمش نسل خالص زي ما الناس فاكرة 👌

فربنا نجّى الناصحين بسلام، ودول الفريقين إللي القرآن حكى عنه في الآية:
"فَلَمَّا نَسُوا مَا ذُكِّرُوا بِهِ أَنجَيْنَا الَّذِينَ يَنْهَوْنَ عَنِ السُّوءِ وَأَخَذْنَا الَّذِينَ ظَلَمُوا بِعَذَابٍ بَئِيسٍ بِمَا كَانُوا يَفْسُقُونَ "

طب والناس إللي سكتت😕؟
ربنا مجبش سيرتهم بالتحديد هل همّ مع إللي العذاب أخذهم بظلمهم؟ ولّا همّ نجوا مع الناصحين إللي ربنا نجاهم؟
عشان كده العلماء اختلفوا، قسم منهم قال هلكوا مع العصاة لأنهم متكلموش،
وقسم تاني من العلماء قالوا نَجَوا من الهلاك عشان كانوا كارهين للمنكر بقلوبهم رغم سلبيتهم في إنكارهم،
فمفيش حسم للمسألة دي والعلم عند الله،
حتى بعض المشايخ كان بيقول عن الساكتين دول جملة فيها عبرة جميلة قال: ملهمش أي دور فملهمش أي ذِكر، كإنهم هوا ملوش وزن ولا أثر..

☆طيب ليه ربنا بيقولنا على موضوع المسخ ده🤔
لأن هيكون في مسخ للناس قبل قيام الساعة
قال رسول الله ﷺ:
"بين يدي الساعة مسخٌ وخَسف وقذف"
المسخ يعني بشر يتقلبوا لصورة تانية غير بشرية، زي بني إسرائيل كده👆
والخسف يعني الأرض تنشق وتبلع ناس أو بيوت، زي خسف قارون كده لما حكينا قصته،
والقذف يعني ربنا يقذف حجارة من السماء على العصاة أو المُكذبين، زي ما حكينا في اللي حصل لقوم لوط👌
◇طيب مين الناس إللي هيحصل فيهم كده😳
هيحصل المسخ والخسف والقذف في نوعين من الناس:
النوع الأول:

◇الناس إللي بيتكلموا في القَدَر، ويقولوا ربنا ماقدّرش أي حاجة، ومبيعرفش الأمور إلا بعد ما بتحصل وتقع! وإن الناس همّ إللي بيخلقوا الأفعال مش ربنا إللي خقلها😑
ودول طائفة من ضُلّال العقيدة، اسمها طائفة "القدرية"

◇والنوع الثاني: همّ أصحاب الخمور والأغاني😶
وده ظاهر ومنتشر جدا حوالينا
لما رسول الله ﷺ قال"في هذه الأمة مسخ وخسف وقذف" واحد من الصحابة سأله إمتى الكلام ده🤔؟
فرسول الله ﷺ قال له: "إذا ظهرت القِينات، والمعازف"
القينات يعني المغنيات والمعازف يعني أي حاجة بتطلع موسيقى،
وده من أكبر الأدلة إللي بيستند إليها العلماء في تحريم الموسيقى👌
لأن ربنا مش هيمسخ البشر عشان بيعملوا حاجة حلال أكيد يعني، ولّا عشان حاجة من الصغائر حتى
وانتم أكيد شافين كمية انتشار الموسيقى والأغاني عامل إزاي ولا كإنه بقى ورد يومي زي أوراد الأذكار كده في الفيسبوك واليوتيوب والشوارع والأخبار والألعاب الاكترونية وحتى اللعب إللي مش إلكترونية حتى لو مجرد عربية بالريموت لازم تلاقي حاشرين معاها موسيقى،
وفي المواصلات والمطاعم والنوادي والبيوت وحفلات الزفاف والولادة وغيره.. في كل مكان حرفيا😓
والمشكلة الأكبر إن بعض الملتزمين لجؤوا لما يُسَمَّى بالبديل الإسلامي،
أناشيد إسلامية لكن بإيقاع وموسيقى! الموسيقى حرام والإيقاع حرام، سواء كان مع نشيد إسلامي أو أغنية فسق وفجور..
بس مين بيبحث عن الحلال والحرام زي ما بيبحث كده عن الأكل والشرب؟
دة معرفة الحلال والحرام أهم والله من الأكل والشرب، لإن بيهم بتكون حياتنا الأبدية..

¤طيب والحل😑
في الأمر بالمعروف والنهي عن المنكر👌
تخيل كده لما تعدي على محل مشغل أغاني وحطيت إيدك على ودنك والناس شايفاك
انت كده أمرت بالمعروف ونهيت عن المنكر بأقل وسيلة من غير ما تتكلم،
وكمان قلدت النبي ﷺ في الحركة دي لما سد ودانه عن المعازف لما عدت جنب منه
وشوف كم إنسان ممكن يلفت نظره تصرفك ده فيسألك فتحكيله فعل النبي ﷺ فيتأثر ويقلدك؟
ميهمكش استهزاء إللي هيستهزأ.. إنت بترضي ربنا عز وجل مش بترضي الناس..
تخيل لو ركبت مواصلة ولقيت السواق مشغل أغاني فقلت له: لو سمحت... أنا ممكن أموت في أي لحظة دلوقتي، فأنا مش عايز أموت وأنا آخر حاجة كنت بسمعها هي الأغاني😔، فياريت تقفلها .
إنت هنا ذكّرت نفسك وذكّرت السواق بالموت ووعظته موعظة بليغة،
ولعله يتوب بسبب كلمتك لإن مفيش حد يتمنى يموت وهو بيسمع أغاني👌
بعكس لو جيت قولت له: يا أستاذ الأغاني حرام اطفيها هيقولك مش عاجبك انزل.. ومش بعيد يشتمك 🙁
فنجتهد في نصح الناس بالحكمة والموعظة الحسنة والمدخل المناسب لكل شخص وكل موقف، وسددوا وقاربوا وأبشروا👌

◇طيب نصحنا الناس بالحُسنى وبرده الناس مصممين وإللي في دماغهم في دماغهم نعمل إيه😶
شوفتوا لما الناس إللي كانوا بينصحوا بني إسرائيل عملو إيه لما بني إسرائيل مستجابوش
بنوا السور واعتزلوا العصاة عشان خافوا على نفسهم من عذاب ربنا👌
فزي ما قلنا المرة إللي فاتت في قصة يأجوج ومأجوج:
حط سد بينك وبين الفتن، أهه النهاردة بنقول حط حائط وسور بينك وبين الناس اللي مصممة إنها تجهر بمعصية الله👌
انت نصحت وكررت كتير، وهمّ رافضين، يبقى وجودك معاهم ممكن يبقى فتنة ليك بالفعل مع الوقت،
وممكن الناس تفهم كمان بوجودك ده إنه تأييد للعصاة المجاهرين المعاندين، في أفعالهم..

◇طيب لو مش عارفين نعمل كده😶
يبقى أنكر المنكر بقلبي👌
لأن إنكار المنكر بالقلب محدش له حجة إنه ميعملوش وهو واجب على كل مسلم وإنكار المنكر بالقلب بإننا نزول عنه


¤طيب هو الأمر بالمعروف والنهي عن المنكر حاجة مهمة يعني😕

ترك الأمر بالمعروف والنهي عن المنكر سبب في نزول البلاء وكمان عدم إستجابة الدعاء

قال رسول الله ﷺ :
" وَالَّذِي نَفْسِي بِيَدِهِ لَتَأْمُرُنَّ بِالْمَعْرُوفِ، وَلَتَنْهَوُنَّ عَنِ الْمُنْكَرِ، أَوْ لَيُوشِكَنَّ اللَّهُ أَنْ يَبْعَثَ عَلَيْكُمْ عِقَابًا مِنْهُ، ثُمَّ تَدْعُونَهُ فَلَا
يُسْتَجَابُ لَكُمْ"

وفي حديث تاني يقول:

يَا أَيُّهَا النَّاسُ إِنَّ اللَّهَ عَزَّ وَجَلَّ يَقُولُ:
"مُرُوا بِالْمَعْرَوفِ وْانْهَوْا عَنِ الْمُنْكَرِ مِنْ قَبْلَ أَنْ تَدْعُونِي فَلَا أُجِيبُكُمْ،
وَتَسْأَلُونِي فَلَا أُعْطِيكُم وَتَسْتَنْصِرُونِي فَلَا أَنْصُرُكُمْ"

طيب ماهو ممكن الأمر بالمعروف والنهي عن المنكر يعرضنا للأذى ..نعمل إيه😶

ده إللي هنعرفه الجزء الجاي إن شاء الله مع أصحاب الكهف😊


#Eman_Shalapy

،لما فتاة تحافظ على نفسها ولم تكلم شباب ولم تخرج معهم يوما والآن بلغت ٣٠ سنة ولم تتزوج، والذين كانوا يخرجون مع الشباب ويكلمونهم كلهم تزوجوا، أشعر بأني خسرت شبابي ولم أعيش لحظتي وبالنهاية لم أنل شيئا.

ج/ الحمد لله وحده.

وأنا أعرف أن عشرات البنات تحافظ على أنفسهن، وتتزوجن وتسعدن.

وعشرات لا تحافظ، ولا تتزوجن، وتبقين في مصائب الشهوة إلى أن تلقى الله آثمة!

يا أختي الكريمة.

الإجابة السهلة هنا أن أقول لك: اصبري، وأطيعي الله، وغدا يأتي الفرج، ولا تتعجلي، وأكثري الدعاء... الخ.

لكنني أحب أن أقول لك:

أطيعي الله لأنه لا نجاة إلا بذلك.

وربّ عاص يستدرجه الله بالنعمة، ويوم القيامة عذاب شديد.

ورب طائع تضيق عليه الدنيا، وأجره عند الله عظيم.

أطيعي الله، فإن أكرمك في الدنيا، فاحمديه واشكريه وجوبا.

وإن ابتلاك؛ فاصبري، ولا تضيعي أجر الآخرة من أجر متاع زائل من لعاعة الدنيا.. ولعل الله أراد أن يجمع لك بين أجرين أو أكثر.

استعيني بالله واصبري، واحتسبي.

وأسأل الله العظيم أن يمنّ عليك برزق واسع في الدنيا، من أنواع النعيم الزائل، في غير ضراء ولا بأساء في الدّين، اللهم آمين.

الشيخ خالد بهاء الدين

هل القلق والأرق والكوابيس من الممكن أن يثاب عليها الإنسان؟

ج/ المسلم يُثاب على كل أذى كما في الصحيح

«مَا يُصِيبُ المُسْلِمَ مِنْ نَصَبٍ، وَلاَ وَصَبٍ، وَلاَ هَمٍّ، وَلاَ حَزَنٍ، وَلاَ أذًى، وَلاَ غَمٍّ، حَتَّى الشَّوكَةُ يُشَاكُهَا إلاَّ كَفَّرَ اللهُ بِهَا مِنْ خَطَاياهُ))

الشيخ حمد بن صالح المري

أعرف نتيجة الاستخارة ازاى وأنا لسه مترددة مع إنى استخرت أكثر من مرة؟

ج/ الاستخارة ليس لها نتيجة، الاستخارة دعاء بالتوفيق، فيعمل الإنسان بعدها بما يظهر له أو ما يتيسر له..

وإن كان أخلص في دعائه وقبله الله -سبحانه وتعالى- منه فإن ما يحصل له هو الخير، سواء أكان ما يحبه أو ما لا يحبه.

الشيخ عمرو بسيوني

فضل الصدقة

‏قال الإمام إبن القيم رحمه الله :

فإن للصدقة تأثيرا عجيبا في دفع أنواع البلاء ولو
كانت من فاجر أو من ظالم بل من كافر فإن الله
تعالى يدفع بها عنه أنواعا من البلاء .

📚 الوابل الصيب

فريق👈🏻أنتِ ملكة👑

⚠️محرمات منتشرة ... تبعدنا عن الجنة⚠️
📌6- الجلوس مع المنافقين أو الفساق استئناساً بهم أو إيناساً لهم

إيه كل الضحك والقهقة دي بتتفرجوا على إيه
خدوني معاكم 😅

ايه اللي قاعدين تتفرجوا عليه ده 😱

واحد عمال يستهزأ بالدين ويتريق على الشيوخ وانتم بتضحكوا 😳

اللي يتريق على الحجاب 😧

واللي بيشتم في الشيوخ ويطعن في البخاري ومسلم وابن تيمية وغيرهم من أئمة المسلمين ويستهزأ بيهم😢

واللي بيضحكُ ويغمز من يَحْكُمُونَ بشرع الله أو يطالبون بتحكيم شرعه ، ويسميهم بالأصوليين – المتطرفين ، الجامدين – أصحاب القرون الظلامية الضبابية .. إلخ . 😖

اكيد ناس بتقول
ايه يا عم الشيخ احنا بنفك ونضحك شوية وعارفين ان الكلام اللي بيقوله غلط 🙃

مسمعتوش
🍃قوله تعالى : {وإذا رأيتَ الذينَ يَخُوضُونَ في آياتِنا فأعرِض عنهم حتى يخُوضوا في حديثٍ غيره وإما يُنسِيَنّك الشيطان فلا تَقعُد بعد الذِكرى مع القومِ الظالمين}

🍃وقوله تعالى : ( وقد نزل عليكم في الكتاب أن إذا سمعتم آيات الله يكفر بها ويستهزأ بها فلا تقعدوا معهم حتى يخوضوا في حديث غيره إنكم إذا مثلهم إن الله جامع المنافقين والكافرين في جهنم جميعا )

✍قال الضحاك عن ابن عباس رضي الله عنهما : دخل في هذه الآية كل محدث في الدين وكل مبتدع إلى يوم القيامة ،

📌( إنكم إذا مثلهم ) أي : إن قعدتم عندهم وهم يخوضون ويستهزئون ورضيتم به فأنتم كفار مثلهم ، وإن خاضوا في حديث غيره فلا بأس بالقعود معهم مع الكراهة .

تعالوا نقرأ جزء من خواطر الشيخ الشعراوي رحمه الله حول الآية دي:

🌱قال رحمه الله:

{وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللَّهِ يُكْفَرُ بِهَا وَيُسْتَهْزَأُ بِهَا فَلاَ تَقْعُدُواْ مَعَهُمْ حَتَّى يَخُوضُواْ فِي حَدِيثٍ غَيْرِهِ}

🌱يأمر الحق المؤمنين أنهم إذا سمعوا بعضًا من الكافرين يهزأ بآيات الله أو يكفر بها فلا يقعدوا معهم إلا أن يتحولوا إلى حديث آخر، وذلك حتى لا يكونوا مثل الكافرين لأنه سبحانه سيجمع المنافقين والكافرين في جهنم، وبذلك يحمي الله وحدهُ أهل الإيمان، ويصونهم من أي تهجم عليهم، فالذين يغارون على الإيمان هم الذين آمنوا، فمادمت قد آمنت وارتضيت لنفسك الإسلام فإياك أن تهادن من يتهجم على الدين؛ لأنك إن هادنته كان أعز في نفسك من الإيمان، ومادمت أيها المؤمن قد ارتضيت الإيمان طريقًا لك وعقيدة فلتحم هذا الإيمان من أن يَتَهَجَّم عليه أحد، فإن اجترأ أحد على الإيمان بشيء من النقد أو السخرية أو الرمي بالباطل.. فالغيرة الإيمانية للمسلم تحتم عليه أن يرفض هذا المجلس.

🌱وكان المؤمنون في البداية قلة مستضعفة لا تستطيع الوقوف في وجه الكافرين أو المنافقين، فساعةً يترك المؤمنون الكافرين أو المنافقين لحظة اللغو في آيات الله، فالكافرون والمنافقون يعلمون بذلك السلوك أن عِرض الإيمان أعز على المسلمين من مجالسة هؤلاء.

👈أما إذا جالسهم مسلم وهم يخوضون في الإيمان.. فهذا يعني أنهم أعز من الإيمان، والكافرون قد يجعلونها حديثًا مستمرًا لسبر غور الإيمان في قلوب المسلمين. أما حين يرى الكافر مؤمنًا يهب وينفر من أي حديث فيه سخرية من الإسلام، هنا يعرف الكافر أن إيمان المسلم عزيز عليه.

للأسف معدش عندنا غيرة على الدين😢

بدل ما ننكر بقلوبنا وفعلنا ونقاطع أمثال الناس دول
بنقعد نستناهم ونتفرج عليهم ونكبرهم ونلمعهم على حساب الدين 😡

⚠️دول لا يجوز الجلوس معهم ولا الفرجة عليهم وإن اشتدت قرابتهم أو لطف معشرهم وعذبت ألسنتهم , إلا لمن أراد دعوتهم أو رد باطلهم أو الإنكار عليهم, أما الرضا أو السكوت فلا

🍃قال الله تعالى: {فإن تَرضَوا عنهُم فإن الله لا يرضى عنِ القوم الفاسقين}

〰🌸🍃〰🌸🍃〰

👈🌷همسات الاوابين🌷 على تليجرام

💎💎
ربنا اجعلنا لك ذكارين ،
لك شكارين ،
إليك أواهين منيبين ،
تقبل يا رب توبتنا ،
واغسل حوبتنا ،
وأجب دعواتنا ،
وثبت حجتنا ،
واسلل سخائم صدورنا ،
وعافنا واعف عنا..

صبحكم الله بعفوه وجبره🤍

اللهم اجعل همنا الاخرة🤲🏻

(لنختم القرآن سماعا)

الورد (١٣٧)

(الربع الأول & الحزب الخامس والثلاثين)

#القارئ: عبدالله سربل
#ليدبروا على التليجرام
#صباحكم_قرآنٌ_يُتلى