⚠️محرمات منتشرة ... تبعدنا عن الجنة⚠️
📌2- تحليل ما حرم الله أو تحريم ما أحل الله

كام مرة سمعت حد يقول إن الاحتفال بشم النسيم ولا إن الاحتفال بأعياد غير المسلمين حرام وجاب الفتاوى بكده
وفضل يقول لأه مش حرام ، ويفضل يتناقش وببرر ؟ 😟

وممكن يصل الأمر للاتهام بالتشدد وعدم فهم الدين الصحيح وإنكم بتحرموا كل حاجة على كيفكم 😫
ومفيش فيها حاجة يعني لما أعمل تورتاية ليلة رأس السنة ونحتفل مع بعض
أنا مش مقتنع 🤓

👈كده بتحلل ما حرم الله

وأنا بتكلم هنا على أمور مفيش فيها خلاف
لكن اللي فيها خلاف ليك الحق تاخد بالرأي اللي تحبه مادام عليه دليل معتبر من الكتاب أو السنة

ومش معنى إننا اتولدنا ولقينا كل اللي حوالينا بيعملوا حاجة واتربينا عليها تبقى صح
تفكروا في قوله تعالى :(وكذلك ما أرسلنا من قبلك في قرية من نذير إلا قال مترفوها إنا وجدنا آباءنا على أمة وإنا على آثارهم مقتدون ( 23 ) قال أولو جئتكم بأهدى مما وجدتم عليه آباءكم قالوا إنا بما أرسلتم به كافرون ( 24 ))

👈فكانت نهايتهم إيه ؟
( فانتقمنا منهم فانظر كيف كان عاقبة المكذبين ( 25 ))

📢الفيصل عندك مش العادات ولا اللي اتربيت عليه
ولا عقلك كمان
لأن عقلي بيختلف عن عقلك وتفكيري بيختلف عن تفكيرك وبالتالي لو مشينا ورا عقولنا كل واحد هيكون ليه دين خاص بيه 😥

📢الفيصل هو شرع الله والدليل من الكتاب او السنة أو القياس أو غيره من مصادر التشريع اللي يعرفها علماء الدين

مش انت ولا أنا ولا جارتك ولا والدك ولا والدتك ولا المجتمع ومش دكتور ولا مهندس
👈لازم يكون عالم دين ثقة
وعندها تقول : ( سمعنا وأطعنا ) وتنفذ فورا وتمتثل لأمر الله وإنت راضي ⬅️وواثق أن كل ما أمر به الله هو خير لنا وكل ما نهانا عنه هو شر لنا

مش كده بس 🙂
كمان :
❌إنك تعتقد إن ممكن حد يملك الحق في إنه يحلل أو يحرم غير الله عز وجل

❌أو إنك تترضى إنك تتحكم بقوانين وضعية عن رضا منك واعتقاد إنه جائز شرعا

❌أو إنك تقول إن بعض الأحكام زي قطع يد السارق أو رجم الزاني وتطبيق حدود الله أمر رجعي ومينفعش في الزمن ده

👈كل ده شرك اكبر

يقول تعالى : {اتَّخَذُواْ أَحْبَارَهُمْ وَرُهْبَانَهُمْ أَرْبَابًا مِّن دُونِ اللّهِ}
ولما سمع عدي بن حاتم نبي الله صلى الله عليه وسلم يتلوها قال: فقلت: إنهم لم يكونوا يعبدونهم قال: (أجل ولكن يحلون لهم ما حرم الله فيستحلونه ويحرمون عليهم ما أحل الله فيحرمونه فتلك عبادتهم لهم)

❌ومش بس المشكلة في إباحة ما حرم الله
فيه مشكلة كبيرة كمان عند ناس كتيرة وهي تحريم ما أحل الله ، اعتقادا منهم إن ده هيقربهم من الله سبحانه وتعالى أكثر 😫

✍يقول الشيخ ابن عثيمين رحمه الله : "تحريم ما أحل الله لا ينقص درجة في الإثم عن تحليل ما حرم الله وكثير من ذوي الغيرة من الناس تجدهم يميلون إلى تحريم ما أحل الله أكثر من تحليل الحرام بعكس المتهاونين وكلاهما خطأ ومع ذلك فإن تحليل الحرام فيما الأصل فيه الحِل أهون من تحريم الحلال لأن تحليل الحرام إذا لم يتبين تحريمه فهو مبني على الأصل وهو الحِل ورحمة الله ـ سبحانه ـ سبقت غضبه فلا يمكن أن نحرم إلا ما تبين تحريمه ولأنه أضيق وأشد والأصل أن تبقى الأمور على الحِل والسعة حتى يتبين التحريم. أما في العبادات فيشدد لأن الأصل المنع والتحريم حتى يبينه الشرع "

📢شرع ربنا واضح والحلال بين والحرام بين
والإسلام لم يترك كبيرة ولا صغيرة في عقائدنا وعباداتنا ومعاملاتنا إلا وبين حكمها أو كان فيه أساس يقيس عليه العلماء ويستنبطوا حكم الشرع فيه
فلا نشدد على أنفسنا بتحريم الحلال ولا نفرط في ديننا بتحليل الحرام

نيجي للطامة الكبرى 😰
لما يكون ملكش في الكورة وقاعد جنب حد بيتفرج على كورة وعلقت تعليق يدل على معرفتك اللي على قدك في الكورة

تلاقيه اتنرفز 😡
وقال اسكت انت هتفتي في اللي ملكش فيه

نفس الشخص ده بعد خمس دقايق هيفتي في الدين براحته ويقول ده حلال وده حرام 😎
وكأن الدين مباح لكل واحد يتكلم برأيه
وبقينا 90 مليون مفتي

⁉️إنتم عارفين حكم الإفتاء بغير علم؟

حرم الله سبحانه القول عليه بغير علم في الفتيا والقضاء ، وجعله من أعظم المحرمات ، بل جعله في المرتبة العليا منها فقال تعالى : ( قُُلْ إِنَّمَا حَرَّمَ رَبِّيَ الْفَوَاحِشَ مَا ظَهَرَ مِنْهَا وَمَا بَطَنَ وَالإِثْمَ وَالْبَغْيَ بِغَيْرِ الْحَقِّ وَأَن تُشْرِكُوا بِاللهِ مَا لَمْ يُنَزِّلْ بِهِ سُلْطَانًا 👈وَأَن تَقُولُوا عَلَى اللهِ مَا لاَ تَعْلَمُونَ ) الأعراف/33.

غير كمان إضلال الناس
فالمفتي بغير علم ضلَّ عن الحق ، وأضل غيره ممن اتبعه في فتواه .

〰🌸🍃〰🌸🍃〰

تابعونا على قناة 🌷همسات الأوابين🌷

*حتى الجذع بكى وحنّ شوقاً إليه* ﷺ

*اللهم إنا نسألك مرافقة نبيك وخليلك ** محمد ﷺ ..

#همسة_الوتر

#لا_تحزن_والله_معك

‏كُل منا يحمل في قلبه هماً ما حزناً ما وربما أيضاً جرحاً ما...ولكن برغم ذلك الهم أو الحزن أو الجرح مازال هناك متسع لإحتضان هموم وأحزان وجروح غيرنا , و معانقة قلوبهم.
حينما تُصلي
وتستودع الله كل سرّ في قلبك
وتوكل إليه كل أيامك وحياتك
وتقول : يالله تولّني، ثم تنام..
هل تظل خائفاً من هذه الحياة ؟

🌹يقول الله تعالي  .....
{وَإِذَا سَأَلَكَ عِبَادِي عَنِّي   فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ

دثروا_إخوانكم_بصالح_دعواتكم

💌 أذكار النوم
🌹قراءة سورة الملك
🌹وتركم يرحمكم الله
🌹النوم على طهارة

سورة الكهف بصوت علي الحذيفي 🤍."


‏قراءة سورة الكهف يوم الجمعة سُنّة،
وفيها أجر، والمداومة على ذلك سُنّة؛ لأنها من الأمور المشروعة يوم الجمعة، فهي كالمداومة على التبكير يوم الجمعة، وعلى ما يسن يوم الجمعة .
ابن عثيمين رحمه الله .

في كل سبعة أيام تأوي إليها؛ لتأمن من غوائل الفتن..

سورة افتتحت بالوسيلة العظمى للنجاة من كل فتنة: «#القرآن»،

واختتمت بالحسنة العظمى التي لا يبقى معها أثر لأي فتنة: «#التوحيد»

هي «#كهفك» من الفتن فأو إليها ينشر لك ربك من رحمته.

*إضـــــــ💡ــــــــاءة*

من ثمرات الصلاة على النبي ﷺ: *أنها سببٌ لتثبيت القدم على الصراط والجواز عليه.*
ابن القيم

ساعة اجابة🤲🏻

هو ينفع أخرج زكاة مالي بشراء حاجات للفقير من فلوس الزكاة ؟

ج / الحمد لله وحده.

زكاة المال ليست ملكك.
زكاة المال ليس لك حرية في التصرف فيها.
أنت لا تملك هذا المال.

هذا المال عندما حال الحول عليه، خرج من أملاكك.
لم يعد حقك.

فيجب عليك توصيله لأصحابه فقط.
أنت مجرد موصل فقط لأملاك الناس الذين حكم الله تعالى وهو الحكيم، وكل المال مال الله، وهو يملكك ويملك الأرض ومن عليها.

حكم تعالى أن هذا المال خرج من ملكك، وصار ملكا لهم.

زكاة المال يا أخي يتملكها الفقير أو المستحق مالا.
يشتري به ما يشاء.
طعام أو ملبس أو دواء... إلخ ما يريد، هو حر في ماله.

ولا يجوز للموصل أو أي شخص آخر أن يفتئت عليه، أي يجبره أو يتصرف بدله غصبا، فيما يملك.

هل ترضى أن أعطيك مرتبك في آخر الشهر بطانية؟

لا يجوز.

الشيخ خالد بهاء الدين

هل عدم استجابة الدعوة ممكن يكون سببها ذنوبي ولو بسيطة؟

ج / جائز، وقد يكون ذلك حبًا من الله للعبد، فإن الله يعلم وأنتم لا تعلمون، ومن عجائب اللطف الإلهي أن الله يحجب عن الإنسان طِلبته لأن فيها هلاكه وضره وهو لا يدري، لذلك يقول سبحانه: "وَلَوْ بَسَطَ اللَّهُ الرِّزْقَ لِعِبَادِهِ لَبَغَوْا فِي الأَرْضِ وَلَكِنْ يُنَزِّلُ بِقَدَرٍ مَا يَشَاءُ إِنَّهُ بِعِبَادِهِ خَبِيرٌ بَصِيرٌ"، فهو جل وعلا بي وبك وبجميع عباده خبير بصير.
.
ولذلك جاء عن بعضهم أنه قال: "إني لأسأل الله المسألة، فإن أعطانيها حمدته مرة، وإن حجبها حمدته عشر مرات، لأن الأولى اختياري لنفسي، والثانية اختيار الله لي" .. واختيار المحبوب أحب إلى نفس الحبيب مما سواه ..
.
وقد يكون ذلك لسنة الله في الأرض، فلو أجاب الله سؤال كل سائل بأن أعطاه مُنيته لفسدت الأرض على قوانين الكون وناموسه، والأرض ليست الجنة، فكيف سيشعر المرء بلذة الجنة إن لم يذق حرمان الدنيا؟!
ولكن الله لا يرد يد عبده صفرًا، فإن لم يعطه طِلبته وهبه خيرًا منها ..

الشيخ كريم حلمي

صباحكم حسنات🤍🤍

(لنختم القرآن سماعا)

الورد ( ١٣٠ )

(الربع الرابع & الحزب الثالث والثلاثين)

#القارئ: محمد خليل القارئ
#ليدبروا على التليجرام
#صباحكم_قرآنٌ_يُتلى

*هذا الدعاء إذا استكثر منه الإنسان يرى والله أثره على نفسه في حياته🪴*

#قصص_الأنبياء
#الحلقة_الثالثة_والأربعون
#معجزة_موت_سليمان
#خبر_النبي_دانيال

اتكلمنا المرة إللي فاتت عن قصة سليمان مع ملكة سبأ، وشوفنا إن سليمان عليه السلام كان بينشر دين ربنا في الأرض،
واستمر الحال ده مع سليمان عليه السلام فترة من الزمن، وكان عنده جيش من الجن زي ما قلنا قبل كده،
فاكرين لما قلنا إن ثاني مسجد بُني في الأرض كان المسجد الأقصى وإللي بناه كان يعقوب عليه السلام🤔
خلال السنين دي كان المسجد اتخرّب، فداود عليه السلام كان بدأ يجدده، لكنه مات قبل ما يكمّل تجديده،
فأوصى سليمان عليه السلام إنه يكمل من بعده تجديده وترميمه،
فأمر سليمان عليه السلام الجن بإنهم يتولوا مهمة البناء والترميم دي،
وكان عليه السلام بيُشرف عليهم بنفسه، فربنا كان مسخّر الجن لخدمة سليمان عليه السلام ، سواء المؤمن منهم أو الكافر،
"وَمِنَ الْجِنِّ مَن يَعْمَلُ بَيْنَ يَدَيْهِ بِإِذْنِ رَبِّهِ ۖ وَمَن يَزِغْ مِنْهُمْ عَنْ أَمْرِنَا نُذِقْهُ مِنْ عَذَابِ السَّعِيرِ"
كان مجموعة منهم بيبنوا له القصور والتماثيل وأحواض كبيرة يُجمع فيها الماء،
ومجموعة تانية كانوا بيغوصوا في البحار يستخرجوا له منها الجواهر واللآلئ،
"يَعْمَلُونَ لَهُ مَا يَشَاءُ مِن مَّحَارِيبَ وَتَمَاثِيلَ وَجِفَانٍ كَالْجَوَابِ وَقُدُورٍ رَّاسِيَاتٍ"
وبيعملوا كمان أعمال مختلفة، و مكنش حد يقدر يخرج عن أمر سليمان عليه السلام،
"وَمِنَ الشَّيَاطِينِ مَن يَغُوصُونَ لَهُ وَيَعْمَلُونَ عَمَلًا دُونَ ذَٰلِكَ وَكُنَّا لَهُمْ حَافِظِينَ"
و أي واحد من الجن يعصي أمر سليمان عليه السلام، كان بيتم ربطه بالأغلال والسلاسل أو ربنا بيعذبه بالنار.
الشياطين كانوا بيقولوا للناس في زمن سليمان عليه السلام إنهم كانوا بيعلموا الغيب،
وكانت الناس مصدقاهم لأنهم كانوا بيشوفوا قوة الجن وقدرتهم الخارقة،
وكان سليمان بيقول لهم إن ده مش صح، فلا يعلم الغيب إلا الله، لكن الناس مكنوش مقتنعين،
فسليمان عليه السلام دعا ربنا إنه يُخفِي عن الجن موته عشان يثبت للناس إن الجن كدابين في زعمهم العلم بالغيب..
كان سليمان عليه السلام كل فترة بيختلي بنفسه عشان يتعبّد لله ومبيسمحش لحد إنه يقطع عليه خلوته الإيمانية دي،
وكان بياخد معاه إللي بيحتاجه من الأكل والشرب،
زي ما رسول الله ﷺ كان بيخرج يتعبد في غار حراء قبل البعثة
فسليمان عليه السلام عرف إنه هيموت قريب؛ لأن الأنبياء زي ماقلنا قبل كده بيتم تخييرهم قبل ما يموتوا بين الموت وبين المُكْث في الدنيا
ففي يوم كان سليمان عليه السلام بيتابع شغل الجن في ترميم المسجد الأقصى وبيشرف عليهم بنفسه عشان مايكسلوش عن الشغل👌

☆إيه ده، يعني المسجد الأقصى هو هيكل سليمان إللي اليهود بيقولوا عليه
لأ طبعا،
موضوع هيكل سليمان ده أصلا حاجة من اختراع اليهود مش موجودة 🙄
يعني المسجد حاجة والهيكل ده حاجة تانية،
والدليل على كده إن رسول الله ﷺ قال عن سليمان عليه السلام إنه بنى بيت المقدس، إللي هو المسجد الأقصى زي ما قلنا من شوية👌
ومعنى البناء هنا يعني هو إللي أعاد بناء المسجد الأقصى، يعني هو كان موجود ولكنه أعاد بناؤه،
ده غير إن في كتب اليهود في اختلاف بين علماء اليهود على مكان الهيكل وعلى شكل الهيكل نفسه عامل إزاي😶
يعني متخيلين ناس بتدور على حاجة مش عارفين هي إيه أصلا🤦‍♂️

◇طب ثواني كده، يعني إيه أصلا هيكل سليمان
الهيكل يعني المعبد، وفي اللغة العِبرية الهيكل معناه بيت الإله، واليهود بيقولوا إن الهيكل ده هو أهم مكان للعبادة، وإن سليمان بناه لهم ولديانتهم،
وبيقولوا إنه موجود تحت المسجد الأقصى، عشان كده بيحفروا تحته دلوقتي عشان عايزين يوقعوه😑

المهم،
سليمان عليه السلام كان واقف وساند دقنه على العصاية بتاعته بيراقب سير العمل وهمّ شايفينه باصص عليهم طول الوقت،
و هو في الوضع ده ربنا قبض روحه
الجن شايفينه مفتح 👀 وباصص عليهم...لكن هو في الحقيقة ميت😳
واستمر الوضع كده فترة زمنية.. أد إيه بالضبط؟ محدش يعرف، في علماء قالوا أسبوع .. علماء تانيين قالوا شهر.. علماء غيرهم قالوا سنة😶
العلم عند الله والموضوع مش هيفيدنا كثير، أهم حاجة نعرف إنه قعد فترة ميّت على الأقل أسبوع،
والجن مكنتش تعرف وعمالين يشتغلوا بدون راحة، ومحدش كان يقدر يقرب من سليمان عليه السلام.

فربنا أرسل دودة الأرض واسمها 《الأَرَضَة》 وقعدت تأكل عصا سليمان عليه السلام إللي هو كان ساند عليها بدقنه،
فقعدت تاكل فيها من تحت لحد ما العصا ضعفت وبقت هشة فوقعت، وسقط سليمان عليه السلام على الأرض..
"فَلَمَّا قَضَيْنَا عَلَيْهِ الْمَوْتَ مَا دَلَّهُمْ عَلَىٰ مَوْتِهِ إِلَّا دَابَّةُ الْأَرْضِ تَأْكُلُ مِنسَأَتَهُ" ملتقى الأحبة 🌷, [يونيو ⁨30⁩، ⁨2022⁩ في ⁨2:31 PM⁩]
وهنا عرفت الجن إن سليمان عليه السلام كان ميت بقاله فترة وهمّ ميعرفوش حتى هي أد إيه ولا من إمتى،
واعترفوا بحسرة إنهم فعلا لو كانوا يعرفوا الغيب مكنوش استمروا في التعب والذل والمشقة المستمرين كل ده

"فَلَمَّا خَرَّ تَبَيَّنَتِ الْجِنُّ أَن لَّوْ كَانُوا يَعْلَمُونَ الْغَيْبَ مَا لَبِثُوا فِي الْعَذَابِ الْمُهِينِ"
وطبعا الناس عرفت إن الجن كانوا بيكذبوا عليهم وإنهم مايعرفوش الغيب ولا حاجة😏

مدة حكم سليمان عليه السلام كانت أربعين سنة، ومدة حكم داود عليه السلام كانت أربعين سنة..فيكون مجموع المُلك النبوي المستقر الوحيد لبني إسرائيل هو ثمانون عام فقط👌

☆صحيح ...هو فين بني إسرائيل مسمعنالهمش صوت خلال السنين دي كلها😮
في عهد داود عليه السلام كان بنو إسرائيل بيحبوه وكان ملك عادل،
سليمان عليه السلام كان عادل وكمان كان ملك قوي ربنا سخّر له كل حاجة فمين مستغني عن عمره عشان يقف في وجه ملك زي سليمان عليه السلام

◇إيه بقى إللي حصل بعد موت سليمان عليه السلام 🤔

ابن عباس رضي الله عنه بيقول إن بعد موت سليمان عليه السلام، الجن بدأت تبحث تحت عرش سليمان عن الكتب التي كان بيكتبها كاتب سليمان،
ويُقال إن الكاتب ده كان اسمه "آصف"، وكان بيكتب فيها كل شيء عن سليمان عليه السلام، عن الملك وعن الشريعة والوقائع والأحداث.. كل شيء.. زي دواوين الحكم كده مثلا..
فلما الشياطين أخرجت الكتب دي، بدأوا يكتبوا ما بين السطور كلمات السحر والكفر ودعاء غير الله،
وخرجوا على الناس إللي همّ بني إسرائيل، وقالوا لهم إن دي كتب سليمان،
وإنه كان مسخّر الجن والطير والريح بالسحر ده،
والناس قرأت الكتب لقت فيها فعلا كلمات السحر والكفر بالله ودعاء غير الله ، فصدقوا للأسف،
"وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ ۖ"
وانتشر بين الناس إن سليمان عليه السلام كان بيتعامل بالسحر وكان كافر بالله😳
فربنا دافع عن سليمان عليه السلام وقال إنه لم يكفر ولم يكن ساحر وإن الشياطين هم إللي كفروا بيعلموا الناس السحر، وبيعلموهم السحر إللي أُنزل على المَلَكِين هاروت وماروت👌
"وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ وَمَا أُنزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ"

☆مين هاروت وماروت دول🤨
المَلَكِين دول ربنا أنزلهم وجعلهم في صورة رجلين صالحين في مدينة بابل في العراق،
مهمتهم إنهم يدافعوا عن سليمان عليه السلام من الكلام إللي بيتقال عنه إنه ساحر،
فكان الملكين بيعلموا الناس السحر ويوضحوا لهم إن في فرق بين السحر وبين النبوة،
وإن السحر ده ممكن أي حد يتعلمه، أما النبوة فهي اختيار من الله عز وجل ومش حاجة مُكتسبة،
يعني مفيش واحد يعبد ربنا لزمن معين أو يتعلم علم معين فربنا يرزقه النبوة ويبقى نبي، لأ...النبوة والرسالة اصطفاء خااالص من عند ربنا👌
لكن السحر ممكن تتعلموه من أي حد وألاعيبه بتبقى كده و بنوريها لكم من باب إنكم تتعلموا الشر مخافة أن تقعوا فيه، وعشان تعرفوا الفرق بين النبوة وبين السحر،
عشان لما يجيلكم نبي من أنبياء الله لا يتهمه أحد بإنه ساحر وتعرفوا تميزوا هل هو نبي والا ساحر،
لكن لازم تكونوا فاهمين إن السحر ده كُفر بالله، و احنا فتنة واختبار وابتلاء من الله ليكم باللي بنعلمهولكم ده،
فخدوا بالكم هتضيعوا نفسكم لو مسمعتوش تحذيرنا ليكم واستخدمتم السحر إللي احنا علمناهولكم ده👌
"وَمَا يُعَلِّمَانِ مِنْ أَحَدٍ حَتَّىٰ يَقُولَا إِنَّمَا نَحْنُ فِتْنَةٌ فَلَا تَكْفُرْ"
طيب بني إسرائيل عملوا إيه😬
للأسف مسمعوش الكلام وبقوا بيتلقوا العلم ده ويطبقوه، وبقوا يتعلموا من السحر الأمور إللي يفرقوا بيها بين الزوج وزوجته ويخلوهم في كرب وشقاق،
"فَيَتَعَلَّمُونَ مِنْهُمَا مَا يُفَرِّقُونَ بِهِ بَيْنَ الْمَرْءِ وَزَوْجِهِ"
لكن ربنا علمنا أمر مهم جدا، وهو إن مفيش ضرر بيتم عن طريق السحر ومس الجن إلا بإذن الله،
يعني مش هيحصل أي أذى غير لما ربنا يأذن بكده.. وعلمنا إننا نلتزم بالأذكار وبكثرة قراءة الرقية الشرعية وقراءة القرآن بالذات سورة البقرة،
"وَمَا هُم بِضَارِّينَ بِهِ مِنْ أَحَدٍ إِلَّا بِإِذْنِ اللَّهِ ۚ وَيَتَعَلَّمُونَ مَا يَضُرُّهُمْ وَلَا يَنفَعُهُمْ"

استمر الإعتقاد بإن سليمان عليه السلام ساحر حتى عهد رسول الله ﷺ، فلما تكلم رسول الله ﷺ عن قصة سليمان وإنه من أنبياء الله، اليهود قالوا:
ده كان ساحر وكافر بالله😏
فنزل القرآن يُبرئ سليمان عليه السلام ويحكي عن إللي شرحناه من شوية ونزلت الآية:
"وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ ۖ وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْرَ "
بعد ما الشياطين فتنت الناس بالافتراء الكاذب على سليمان عليه السلام انتشر الفساد والكفر في بني إسرائيل تااااااني😑
وانقسم الناس على أنفسهم، وبدأ الظلم بينهم والتعدي على بعض والبُعد عن كل الفضائل👌
احنا عارفين إن بني إسرائيل كانوا ١٢ سِبْط .. 12 قبيلة يعني لو تفتكروا..
فانقسم الـ١٢ سِبْط لقسمين: