#قصص_الأنبياء
#الحلقة_الواحدة_والأربعون
#قصة_سليمان_الجزء_الثالث
#قصة_الهدهد

اتكلمنا المرة إللي فاتت عن سليمان عليه السلام لما كان بيتفقّد الجيش بتاعه وملقاش طائر الهدهد موجود فتوعّد الهدهد إنه هيعذبه عذاب شديد لما يرجع👌
"وتَفَقَّدَ الطَّيْرَ فَقَالَ مَا لِيَ لا أَرَى الْهُدْهُدَ أَمْ كَانَ مِنَ الْغَائِبِينَ"
{ لَأُعَذِّبَنَّهُۥ عَذَابࣰا شَدِیدًا أَوۡ لَأَا۟ذۡبَحَنَّهُۥۤ أَوۡ لَیَأۡتِیَنِّی بِسُلۡطَـٰنࣲ مُّبِینࣲ }

يعني سليمان عليه السلام مقالش إنه هيعذبه لغرض التعذيب ، لأ.. بمجرد إن يبقى في عذر مقبول، يبقى خلاص مفيش عقوبة👌
بعد فترة بسيطة إلّا وسواد نازل من السماء وداخل على سليمان وسط الجنود من الجن والإنس والطيور والكل مُترقب يا ترى هيحصل إيه للهدهد
فتكلم الهدهد وقال لسليمان عليه السلام:
أنا عرفت معلومات انت متعرفهاش وجايبلكم أخبار غريبة ومافيشهاش أي شك أو إشاعات،
مع إني هدهد صغير ضعيف، وإنت نبي وملك وعندك كل الجنود دي فأنا عندي معلومات خَفِيَت عنك👌
"فَمَكَثَ غَيْرَ بَعِيدٍ فَقَالَ أَحَطتُ بِمَا لَمْ تُحِطْ بِهِ وَجِئْتُكَ مِن سَبَإٍ بِنَبَإٍ يَقِينٍ"
أنا كنت في مملكة سبأ، وهناك لقيت الحاكم إللي بيحكم المملكة امرأة مش رجل، وهي غنية جدا وعندها من أسباب القوة والمُلك، وكرسي العرش بتاعها عظيم جدا،
"إِنِّي وَجَدتُّ امْرَأَةً تَمْلِكُهُمْ وَأُوتِيَتْ مِن كُلِّ شَيْءٍ وَلَهَا عَرْشٌ عَظِيمٌ"

☆ طيب ياهدهد انت مالك يعني تحكمهم امرأة ولّا رجل؟
الهدهد استنكر وجود امرأة في الحكم لأن ده مش مكان النساء،
ربنا خلق المرأة بطبيعة وتكوين مختلف عن الرجل عشان هي لها دور في الحياة مختلف عن دور الرجل،
المرأة رقيقة وعاطفية وحنونة ومشاعرها دي بتغلب عليها أكتر من عقلها،
عشان هو ده إللي هتحتاجه لما تيجي تقوم بدورها وهو تربية أبنائها ومراعاتهم ومراعاة تقلّباتهم في كل مراحل حياتهم وحُسن احتواءهم في المراحل دي كلها،
ودي حاجة معروفة من قديم الزمان ومسمعناش من أول آدم عليه السلام إن فيه امرأة حكمت بلد فيه رجال قبل ملكة سبأ،
وكذلك النبوة مبتكونش غير في الرجال، لإن كل دي مهام بتحتاج قوة في البدن وقوة تحمل للصعاب وتغليب للعقل على العواطف واجتماع بباقي الرجال وقيادة الجيوش وطلب الرزق في الحر والبر،
إلى آخر الأمور إللي ربنا خلق الرجل بطبيعته دي عشان يكون مُهيأ ليها أكتر من المرأة،
وحتى في شريعة الإسلام، المرأة لا يجوز إنها تتولى الرئاسة أو القضاء👌
فطبيعي إن الهدهد يستغرب من الموضوع🤷‍♂️

كمان في حديث رسول الله ﷺ:
" لَنْ يُفْلِحَ قَوْمٌ وَلَّوْا أَمْرَهُمْ امْرَأَةً"
الإسلام لم ينتقص من قدرات المرأة ولكنه وجهها في المكان المناسب لها،
المرأة مش مكانها إنها تختلط بالرجال...
مش مكانها إنها تسافر من هنا لهنا عشان تعمل المعاهدات والاتفاقات...
مش مكانها إنها تقود الجيوش للجهاد... مش مكانها تمسك القضاء وتحكم على ده بالقتل وعلى ده بقطع اليد، بجانب حمل وولادة وتربية!
غير كده جسمها بيضعف مع تتابع الحمل والولادة، وتركيزها بيقل ومشاعرها بتغلب عليها ونتيجة لكل ده بتحتاج لشاهد تاني معاها في الخصومات وخلافه،
"وَاسْتَشْهِدُوا شَهِيدَيْنِ مِن رِّجَالِكُمْ ۖ فَإِن لَّمْ يَكُونَا رَجُلَيْنِ فَرَجُلٌ 《وَامْرَأَتَانِ》 مِمَّن تَرْضَوْنَ مِنَ الشُّهَدَاءِ أَن تَضِلَّ إِحْدَاهُمَا فَتُذَكِّرَ إِحْدَاهُمَا الْأُخْرَىٰ ۚ"
فإزاي هتحكم بين الناس🤷‍♂️

فالهدهد شاف عند مملكة سبأ فساد في إدارة الحكم.. وشاف فساد تاني أخطر منه
قال الهدهد وهو متضايق وقلبه متقطع:
أنا لقيتهم بيسجدوا للشمس من دون الله
"وَجَدتُّهَا وَقَوْمَهَا يَسْجُدُونَ لِلشَّمْسِ مِن دُونِ اللَّهِ وَزَيَّنَ لَهُمُ الشَّيْطَانُ أَعْمَالَهُمْ فَصَدَّهُمْ عَنِ السَّبِيلِ فَهُمْ لا يَهْتَدُونَ"

☆طيب يا هدهد إنت إيه مشكلتك يعني يسجدوا للشمس ولّا القمر
حد أنزل عليك كتاب وقال لك دافع عن الدين؟
هل ربنا أرسلك كرسول وقال لك ادعوا لله ؟
طب حد وصّاك وقال لك اعمل الخير وليك حسنات؟
لأ...طيب إيه مشكلتك يعني ،ما يعبدوا إللي يعبدوه وخلاص😕
بس الهدد كان بيفكر:
إزاي ناس ربنا خلقهم ويعبدوا غيره😳
إزاي يبكوا ويتضرعوا لغير الله😶

☆أيوة ماشي يا هدهد انت علاقتك إيه بالموضوع برده؟
ربنا عمل لك إيه مخليك تتضايق كده عشانه..دي حاجة لا تخصك أصلا😕

قال الهدهد :
"ألاَّ يَسْجُدُوا لِلَّهِ الَّذِي يُخْرِجُ الْخَبْءَ فِي السَّمَاوَاتِ وَالأَرْضِ وَيَعْلَمُ مَا تُخْفُونَ وَمَا تُعْلِنُونَ"
يعني كأن لسان حال الهدهد بيقول:
ده ربنا يا بشر

ربنا إللي خلق السحاب وأنزل منه الأمطار المستخبية فيها وشق الأرض وأخرج منها النباتات المستخبية جوة الحبوب تحت الأرض بعيد عنا..
كل ده أخرجه لنا من المخابيء عشان ناكل ونشرب ونشبع ونعيش في أمانه ورزقه الواسع،
بقى معقول ييجي بعد كده حد يعبد حد تاني غيره ؟!
إزاي ما أدافعش عن حق الله في الألوهية😳

أنا مأقدرش أشوف إلهي وَلِيّ نعمتي ومدبر أمري وأمر كل الخلائق يُكفَر بِيه ويُنتَقص من حقه وقدره وجلاله وأسكت
☆الهدهد كان عنده حمِية للتوحيد وغَيرَة على جناب الله وحقه في العبودية لإنه خالق كل شيء،
فِطرته ومروءته الحية دي خلّوه يرفض الوضع السيء ده ويبلغ سليمان عليه السلام لأنه نبي ومسؤول عن تعبيد الأرض لله عز وجل،
"الله لا إله إلا هو رب العرش العظيمَ"


مملكة سبأ كانت آية في الجمال، فيها الأشجار والأنهار والثمار، فالهدهد كان في مكان يخليه ينسى كل شيء، يعني بالنسبة لطائر هيحتاج إيه أكثر من كده🤷‍♂️
"لَقَدْ كَانَ لِسَبَإٍ فِي مَسْكَنِهِمْ آيَةٌ ۖ جَنَّتَانِ عَن يَمِينٍ وَشِمَالٍ"

فالهدهد برغم المُغريات دي كلها أول ما شاف ربنا بيُعصَى ويُكفَر بيه، نسي كل شيء ورجع لسليمان عليه السلام وقال له أنا ما لفتش نظري هناك إلا فساد عظيم بالمواصفات الفلانية، ولازم نتصرف عشان نغير ده👌

شوفوا الهدهد إللي ماعندهوش صحيفة يتكتب فيها الحسنات والسيئات ربنا كافؤه بإيه بسبب موقفه ده:
◇أولا :
ربنا مدحه في القرآن، بإنه طائر إيجابي وعنده همة وغيرة على التوحيد.
◇ثانيا:
ربنا ضربه مثل لرسول الله ﷺ في الدعوة ولكل مَن يقرأ القرآن إلى قيام الساعة.. إزاي؟
يعني شوفوا الهدهد عشان حبتين ربنا بيرزقه بيهم كل يوم، حس أد إيه إن ربنا عظيم ويستحق العبودية الخالصة،
فراح دعا إلى عبودية الله وجاب أمة كاملة عشان يُسلِموا لله،
فانتم ياللي عندكم كل شيء هتعملوا إيه؟!

◇ثالثا:
نهى رسول الله ﷺ عن قتل الهدهد،
يعني هو كان هدهد واحد بس إللي عمل كده، لكن ربنا حَمى الفصيلة كلها بسبب إيجابيته وهمته العالية في الغَيرة على دين الله👌

سليمان عليه السلام لما سمع كلام الهدهد رد قال إيه؟
قال:
هنشوف انت صادق فعلا ولاّ بتكذب وبتقول القصة دي عشان تهرب من العقاب👌
"قالَ سَنَنظُرُ أَصَدَقْتَ أَمْ كُنتَ مِنَ الْكَاذِبِينَ"

☆وهنا فيه فايدتين لنا نستفيدهم ✌️
♡أول فائدة :
إن لما حد يقول لك معلومة إنت متعرفهاش، مهما كنت شايف نفسك متعلم ودارس وعارف، والشخص إللي بيقولك المعلومة في وجهة نظرك مالوش أي وزن علمي،
ماتقولش أنا عمري ما سمعت الكلام ده والكلام ده غلط، وتبدأ تجادل من غير حتى ما تكلف نفسك تدوّر هل كلامه صح ولّا لأ🤷‍♂️
ويُذكر إن واحد من التابعين العلماء سمع عن مسألة شرعية معينة، فقال باستنكار: أنا أول مرة أسمع الكلام ده
فصاحبه قال له: إنت جمعت العلم كله
فالتابعي قال : لأ😕
فصاحبه قال له: فهل جمعت نصفه؟ قال : لأ..
فقال له: خلاص! اعتبر المعلومة دي في النصف اللي انت متعرفوش💁‍♂️

♡الفائدة الثانية:
إننا لما تجيلنا معلومة عن أي حد نتثبت منها الأول ونتبين صحتها من عدمها.


قال سليمان عليه السلام للهدهد خد رسالتي ووصلها لهم وهنشوف رد فعلهم إيه👌
لأن الهدهد هو إللي جاب الخبر فطبيعي إن هو إللي يوصل رسالة سليمان عليه السلام لملكة سبأ،
اذْهَب بِّكِتَابِي هَذَا فَأَلْقِهْ إِلَيْهِمْ ثُمَّ تَوَلَّ عَنْهُمْ فَانظُرْ مَاذَا يَرْجِعُونَ"
فأخد الهدهد رسالة سليمان وسافر من فلسطين لمملكة سبأ في اليمن وألقى رسالة سليمان لملكة سبأ وطار بعيد وقعد يراقب،
الملكة فتحت وقرأت.. وأمرت باجتماع الوزراء والأعيان عشان تقول لهم عن رسالة سليمان عليه السلام،
اجتمع الملأ، وقالت لهم:
يا جماعة أنا وقع قدامي رسالة، ولما فتحتها لاقيتها من سليمان الملك المعروف، كاتب فيها: بسم الله الرحمن الرحيم ...أدعوكم للإسلام لله رب العالمين، فأسلموا لله وتعالوا منقادين مستسلمين له عز وجل تاركين عبادة الشمس وكل ما أنتم عليه من شرك ومعاصي.
"قالَتْ يَا أَيُّهَا الْمَلَأُ إِنِّي أُلْقِيَ إِلَيَّ كِتَابٌ كَرِيمٌ إِنَّهُ مِن سُلَيْمَانَ وَإِنَّهُ بِسْمِ اللَّهِ الرَّحْمَنِ الرَّحِيمِ ألاَّ تَعْلُوا عَلَيَّ وَأْتُونِي مُسْلِمِينَ"

فقالت لهم إيه رأيكم في الموضوع🤔
أنا مش هاخد أي قرار غير لما تقولوا رأيكم،
"قَالَتْ يَا أَيُّهَا الْمَلَأُ أَفْتُونِي فِي أَمْرِي مَا كُنتُ قَاطِعَةً أَمْرًا حَتَّىٰ تَشْهَدُونِ"
فقالوا لها:
احنا أقوياء وعندنا قوة تحمل وهنقدر نقاتل لو عايزة تعلني الحرب.. ولو عايزة السلام معاه وعدم الدخول في حرب فبراحتك برده...
شوفي إللي انتِ عايزاه وإحنا تحت أمرك💁‍♂️

"قَالُوا نَحْنُ أُوْلُوا قُوَّةٍ وَأُوْلُوا بَأْسٍ شَدِيدٍ وَالأَمْرُ إِلَيْكِ فَانظُرِي مَاذَا تَأْمُرِينَ"
فقالت لهم:
بصراحة كده الملوك لما بيدخلوا بلد بيخربوها بالحرب وبيذلّوا حكامها وأشرافها وسادتها،
فخلينا نبعتله هدية كده ونشوف هل هو من طُلّاب الدنيا وبيرضيه عطاياها فخلاص تبقى اتحلت ونعمل معاه معاهدة سلام دائم مقابل المال والعطايا،
ولّا هو مش هتلزمه هديتنا في شيء ومصمم عل طلبه إنه مش عايز مننا غير الإسلام زي ما بيقول فعلا👌

"قَالَتْ إِنَّ الْمُلُوكَ إِذَا دَخَلُوا قَرْيَةً أَفْسَدُوهَا وَجَعَلُوا أَعِزَّةَ أَهْلِهَا أَذِلَّةً ۖ وَكَذَٰلِكَ يَفْعَلُونَ ۩ وَإِنِّي مُرْسِلَةٌ إِلَيْهِم بِهَدِيَّةٍ فَنَاظِرَةٌ بِمَ يَرْجِعُ الْمُرْسَلُونَ"

طار الهدهد وسبق الرّسل ورجع لسليمان وحكى له إللي شافه هناك وسمعه وهحيصل،
فلما جاء الناس من طرف الملكة ومعاهم الرسول إللي هيوصل الهدية لسليمان عليه السلام ودخلوا عليه، اتصدموا من المنظر!!
جنود من الجن والإنس والطير... مَلأ مالوش مثيل ومُلك مفيش في عظمته على وجه الأرض😮
فقدموا الهدايا لسليمان عليه السلام وهمّ مفي قدامهم إلا إنهم ينفّذوا أوامر الملكة بكده،
فغضب سليمان جدا لإنهم أساسا تخيلوا إنه من طُلّاب الدنيا، وإن أموالهم ممكن تُغريه وتفتنه عن نشر دين الله، وإنهم استهانوا بكلامه فقال لهم:
أنا مش عايز أموالكم .. ربنا أعطاني أحسن وأعظم من إللي أعطاكم بكثير ..إنتوا إللي تفرحوا لما حد يعطيكم أموال وهدايا، لكن أنا لأ
"فَلَمَّا جَاءَ سُلَيْمَانَ قَالَ أَتُمِدُّونَنِ بِمَالٍ فَمَا آتَانِيَ اللَّهُ خَيْرٌ مِّمَّا آتَاكُم بَلْ أَنتُم بِهَدِيَّتِكُمْ تَفْرَحُونَ "

وقال للرسول بلهجة تهديد قوية:
ارجع لقومك تاني بالهدايا دي، احنا هنجيلهم بجنود مش هيقدروا عليها وهنخرجهم من سبأ أذلة متهانين لو همّ مجوش مُنقادين مستسلمين لدين رب العالمين 👌
"ارْجِعْ إِلَيْهِمْ فَلَنَأْتِيَنَّهُمْ بِجُنُودٍ لّا قِبَلَ لَهُم بِهَا وَلَنُخْرِجَنَّهُم مِّنْهَا أَذِلَّةً وَهُمْ صَاغِرُونَ"

يا ترى بقى ملكة سبأ هتقاتل سليمان عليه السلام ، ولّا هتستسلم له؟

ده إللي هنعرفه الجزء الجاي إن شاء الله😁

#Eman_Shalapy

نبدأ بأول دروس التجويد 🌺
#الميم_والنون_المشددتين👆👆

#تجويد

-

"الماء الذي تُسرف فيه هو حلم كل غَزاويّ وسوريّ وسودانيّ مُهَجّر، بقايا الطعام التي تَرميها هو أمل كل مُحاصَر، البيت الذي تتذمر من العيش فيه هو غاية كل نازِح سَكَن الخِيام، الدواء الذي تتركـه حتى تنتهي صلاحيتـه ثم ترميه يَسعى إليه الغَزاوي ليبقى على قيد الحياة!، الحرارة التي تشتكو وَصبَها ليل نهار لن تكون أشد عليك من حر غزة وإدلب وهم تحت أشعة الشمس الحارقـة فلا ماء يُخفف لَهيَبها ولا بيتٌ يحول بينهم وبين حريقها، الأجهزة التي تتركها مُوقدة دون الحاجة إلى استعمالها تستهلك منك ما يمكن أن تنقذ به أرواحهم

لا تنس وأنت تَرفل بين حُلل النعم أن تدعوا لهم، أن تُغيثهم بمالك وعطاءك ودُعاءك، لا تألفَنَّ النِعم تأتيك وهي سهلة فتنسى شكر الله عليها، ثم تنسى حظ إخوانك!
رُبَّ دعوة منك يتقبلها الله فتكون غوثاً لهم، وسُقيا لظمأهم، وإشباعاً لجوعهم، ونصراً لهم، وفَكاً لِحصارهم، وشِفاءً لسقيمهم، وتحريراً لأسيرهم، وتَسديداً لرميهم."

🍂

⚠️محرمات منتشرة ... تبعدنا عن الجنة⚠️
📌1- عبادة القبور

طبعا الكل أول ما قرأ العنوان قال الحمد لله الكلام مش موجه ليا ،هو فيه مسلم أصلا هيعبد قبر ؟ 😅

استنى بس شوية
هتتفاجأ إن كتير بيعمل حاجات - خصوصا في الأرياف - وهي من الشرك الأكبر اللي يخرج صاحبه من الإسلام ☹️

متستغربش فعلا فيه ناس كتيرة بتعبد القبور
وبتعتقد إن اولياء الله الصالحين الموتى يقضون الحاجات ويفرجون الكربات وبيستغيثوا وبيستعينوا بيهم 😢

رحت الحسين مرة وشوفت الناس بتعمل ايه هناك وازاي بيطوفوا بالقبر وبيتمسحوا فيه ويقبلوه ؟ 😳
ولا رحت السيدة زينب وشفتهم عمالين يدعوا إنها تشفيهم أو تُرزقهم بذرية ؟ 😫
سمعت حد وهو بيقول وهو قايم أو قاعد بيقول يارفاعي ولا يابدوي ولا ياحسين ؟ 😥
مشوفتش الموالد اللي بتتعمل في كل مكان ليهم ؟ ولا شوفت الناس اللي بتنذر إنها تدبح ليهم لو حصل اللي عايزينه ؟ 😰
أو حتى لو ربنا أكرمك بزيارة المدينة المنورة مشفتش الناس بتدعي إن الرسول صلى الله عليه وسلم يشفيهم أو يحقق اللي عايزينه 🤐

📢كل ده من الشرك الأكبر الذي يخرج صاحبه من الإسلام
يقول الله عز وجل:{وَمَنْ أَضَلُّ مِمَّن يَدْعُو مِن دُونِ اللَّهِ مَن لَّا يَسْتَجِيبُ لَهُ إِلَى يَومِ الْقِيَامَةِ وَهُمْ عَن دُعَائِهِمْ غَافِلُونَ}
ويقول صلى الله عليه وسلم : (من مات وهو يدعو من دون الله ندا دخل النار) رواه البخاري

👈لا تلجأ غير لربك ولا تسأل غيره فلن يدفع عنك الضر إلا الله ولن ينفعك إلا الله

أغلبنا مش بيعمل كده وعدينا منها بسلام👍

⚠️لكن خلي بالك من حاجتين

هل ينفع نزور قبور الصالحين وهل ينفع نسافر مخصوص علشان نزورهم ⁉️

⚡️زيارة الأولياء والصالحين وغيرهم ممكن تكون شرعية وممكن تكون بدعية أو شركية

✅فلو وقعت زيارة قبورهم منضبطة بضوابط الشرع محققة لمقاصده فلا بأس بها، بل تكون حينئذ مشروعة،

❌وأما إن وقعت على خلاف ضوابط الشرع وآدابه مخالفة لمقاصده فوقتها تبقى منهي عنها

⭕️فالزيارة الشرعية: زي الإحسان إلى الميت بالدعاء له.
🚫وأما الزيارة البدعية فهي من أسباب الشرك بالله تعالى ودعاء خلقه

✍قال شيخ الإسلام ابن تيمية: فالزيارة البدعية مثل قصد قبر بعض الأنبياء والصالحين للصلاة عنده، أو الدعاء عنده أو به، أو طلب الحوائج منه أو من الله تعالى عند قبره، أو الاستغاثة به، أو الإقسام على الله تعالى به ونحو ذلك هو من البدع التي لم يفعلها أحد من الصحابة ولا التابعين لهم بإحسان، ولا سن ذلك رسول الله ولا أحد من خلفائه الراشدين بل قد نهى عن ذلك أئمة المسلمين الكبار.

♨️وزيارة القبور من دون سفر مشروعة في حق الرجل خاصة.

❌أما مع السفر أو لقصد التبرك القبور أو بمن دُفن بها، أو الصلاة لله عندها، فإنها تحرم

📢فإذا سافرت مخصوص لزيارة قبر الحسين وزينب فلا يجوز

نسأل سؤال تاني 😊
هل ينفع اصلي في مسجد الحسين أو السيدة زينب وغيرهم من المساجد اللي فيها قبور⁉️

✍قال شيخ الإسلام ابن تيمية: "اتفق الأئمة أنه لا يبنى مسجد على قبر؛ لأن النبي صلى الله عليه وسلم قال: "إن مَن كان قبلكم كانوا يتخذون القبور مساجد فإني أنهاكم عن ذلك"، وأنه لا يجوز دفن ميت في مسجد، فإن كان المسجد قبل الدفن غُيِّر إما بتسوية القبر وإما بنبشه وإن كان جديداً، وإن كان المسجد بني بعد القبر، فإما أن يزال المسجد، أو تزال صورة القبر، فالمسجد الذي على القبر لا يصلى فيه فرض ولا نفل فإنه منهي عنه".

💥وجاءت النصوص عن النبي صلى الله عليه وسلم بالنهي عن اتخاذ القبور مساجد ولعن فاعلها ومنها: حديث جندب رضي الله عنه قال: "سمعت رسول الله صلى الله عليه وسلم قبل أن يموت بخمس يقول: إن مَن كان قبلكم كانوا يتخذون قبور أنبيائهم وصالحيهم مساجد، ألا فلا تتخذوا القبور مساجد فإني أنهاكم عن ذلك".

❌ولذلك لا يجوز زيارة الأضرحة والمقامات، ولا الصلاة عندها؛ للأدلة السابقة، ولأنها أماكن يعصى الله فيها غالباً، بل ويكفر فيها بالله تعالى، بدعاء الولي والذبح والنذر له والاستغاثة به ... إلى غير ذلك

شوفتوا إن فيه كتير من المسلمين بيقعوا في الشرك ازاي أوبيعملوا حاجات محرمة وفاكرينها قربة إلى الله وهمه مش عارفين 😞

〰🌸🍃〰🌸🍃〰

تابعونا على قناة 🌷همسات الأوابين🌷

نشهد ان لا اله الا الله وحده لاشريك له 🤍🤍

بكرة إن شاء الله الخميس..
وأنا عارف إن الجو حر، والنهار طويل..
وعارف بردو حديث النبي ﷺ: "مَن صامَ يَوْمًا في سَبيلِ اللَّهِ، بَعَّدَ اللَّهُ وجْهَهُ عَنِ النَّارِ سَبْعِينَ خَرِيفًا".

يالا بينا نستعن بالله ونصوم بكرة 💪

هل جربت شعور أن تُدمن الصلاة على النّبي؛ لتجد أن حاجاتك تُقضى، من قبل أن تسأل الله إياها!

يكفيك رحمات الله التي تتنزل عليك،
بصلاته - جلّ وعلا-  عليك عشرًا كلما صليت على النبي ﷺ صلاةً واحدة.

تُكفى همك ويغُفر لك ذنبك.

فريق👈🏻أنتِ ملكة👑

#تنبيــه هــام جدًا جدًا:

*ولا يبدين زينتهن🔺*

#همسة_تفاؤل

*‏“ تكسرنا الحياة فيجبُرنا الله*
*وَنعود أقوى .”*

*﴿ومِنَ الليلِ فَتَهَجَّدْ به نافِلَةً لَك﴾*
صلاة الليل مدرسة المخلصين ، ومضمار السابقين !
*فتقرّب إلى الله ولو بركعة*
*الوتر 🍃& صيام الخميس زاد ومغنم فهنيئًا لمن اغتنم*