*إضـــــــ💡ــــــــاءة*

•قال شيخ الإسلام ابن تيمية رحمه الله:
" *تأملت أنفع الدعاء* فإذا هو سؤال العون على مرضاته *ثم رأيته في الفاتحة، في ﴿إِيَّاكَ نَعْبُدُ وَإِيَّاكَ نَسْتَعِينُ﴾* ".

- مدارج السالكين

صباحكم طاعة 🤍

#قصص_الأنبياء(٢)
#السيرة_النبوية
#الحلقة_مائتين_وتسعة_عشر
#أحداث_السنة_العاشرة_من_الهجرة
#موت_إبراهيم_وكسوف_الشمس

هنكمل إن شاء الله النهاردة أحداث السنة العاشرة من الهجرة😁
من الأحداث إللي حصلت هي إسلام الصحابي جَرِير بن عبد الله البَجَلِيُّ،
الأول كده، في خلاف كبير بين العلماء على زمن إسلامه😅
في إللي قال إنه أسلم سنة تسع للهجرة، وفي إللي قال إنه أسلم في رمضان سنة عشر للهجرة، وفي إللي قال إنه أسلم قبل كده بكتييير
فاحنا إللي يهمنا إنه أسلم ويهمنا إللي رسول الله ﷺ أمره به، تمام كده😁
بيحكي جرير وبيقول إنه لما جاء المدينة عشان يُسلم ومعاه خمسين رجل من قومه؛ دخل المسجد وكان رسول الله ﷺ بيخطب في الناس، فأول ما دخل المسجد كل الناس بصوا عليه فجأة،
فعرف إن رسول الله ﷺ قال لهم حاجة عليه، فسأل الرجل إللي قاعد جنبه:
هل ذكر رسول الله ﷺمن أمري شيئاً؟
يعني هل رسول الله ﷺ قال لكم عني حاجة، فقال له الرجل: نعم، ذَكَرَكَ بِأَحْسَنِ الذِّكْرِ قال:
"إِنَّهُ سَيَدْخُلُ عَلَيْكُمْ مِنْ هَذَا الفَجِّ مِنْ خَيْرِ ذِي يَمَنٍ، أَلاَ وَإِنَّ عَلَى وَجْهِهِ مِسْحَةَ مَلَكٍ"
يعني هيدخل عليكم من الناحية دي رجل من خير أهل اليمن وعليه جمال ظاهر،
وكان من جمال جرير بن عبد الله البَجَلِيُّ إن عمر رضي الله عنه كان بيقول عنه إنه يوسف هذه الأمة😅
فلما سمع جرير الكلام حمد الله على النعمة إللي وهبها له،
وقال جرير:
"ما حَجَبَنِي النبيُّ ﷺ مُنْذُ أسْلَمْتُ، ولَا رَآنِي إلَّا تَبَسَّمَ في وجْهِي"
يعني بيقول إن مفيش مرة رسول الله ﷺ رفض إنه يقابل فيها جرير بن عبد الله لما كان يروح له البيت،
كل مرة يستأذن عليه جرير كان رسول الله ﷺ يأذن له، ومفيش مرة رسول الله ﷺ يشوف فيها جرير إلا تبسم في وجه جرير،
وبالمناسبة يا جماعة جرير هو راوي الحديث بتاع حكم نَظر الفَجأة😁
يعني هو في مرة سأل رسول الله ﷺ عن نظرة الفجأة، يعني يبقى ماشي وفجأة يشوف حاجة مُحرمة، أو يشوف امرأة بدون قصد،
فسأل رسول الله ﷺ يعمل إيه في موقف زي ده، فقال له رسول الله ﷺ:
اصرف بصرك، يعني لو وقعت عينك على شيء محرم متكملش نظر، على طول اصرف بصرك وبكده مش هيبقى عليك ذنب👌

قال له رسول الله ﷺ في مرة:
ألَا تُرِيحُنِي مِن ذِي الخَلَصَةِ؟
و ذِي الخَلَصَةِ ده بيت في اليمن كان بيُشرَك فيه بالله وكان له اسم تاني هو الكعبة اليمانية،
وإللي كان بيعبدوه قبيلة خَثْعَمَ وبَجِيلَةَ قبيلة جرير، وكان فيه نُصُبٌ، يعني كان فيه حجارة يذبحون عليها لغير الله،
فرسول الله ﷺ كان مهموم إن لسه في مكان يُشرك فيه بالله، فكان عايز يرتاح من الهم ده،
ومكنش في شيء أتعب لقلب رسول الله ﷺ من إن يبقى في شيء يُعبد من دون الله تعالى👌
فطلب من جرير بالذات إنه يخلصه من الصنم ده لأنه كان في بلاد قومه وهو كان من أشرافهم وقبيلته كانت بتعبده مع قبيلة خَثعم،
فاستجاب جرير لطلب رسول الله ﷺ على طول وقال: بَلَى.
لكن جرير كان عنده مشكلة وهي إنه مش بيثبت على فرس،
يعني لأنه كان خفيف فكان بيرتفع عن السّرج إللي بيكون على الحصان كل ما ارتفع الحصان ويهبط بهبوط الحصان،
وطبعا ده فيه خطر عليه لأنه ممكن يقع،
فجرير بيقول إنه اشتكى الله لرسول الله ﷺ إنه لا يثبت على فرس، فضرب رسول الله ﷺ بيَدِهِ في صَدْرِ جرير، وقالَ: اللَّهُمَّ ثَبِّتْهُ واجْعَلْهُ هَادِيًا مَهْدِيًّا.
يعني رسول الله ﷺ خبط على صدر جرير كده خبطة خفيفة ودعا له بالهداية والثبات على الفرس،
فقال جرير إن من بعد دعاء رسول الله ﷺ له موقعش من على فرس تاني أبدا👌

توجه جرير مع مائة وخمسين رجل من قبيلة أحْمَسَ إلى ذِي الخَلَصَةِ عشان يهدموه، فلما وصل جرير لذِي الخَلَصَةِ هدم المبنى وحرق الخشب بتاعه،
فأرسل جرير رجل لرسول الله ﷺ في المدينة يبشره بزوال ذِي الخَلَصَةِ، فلما وصل الرجل وبشّر رسول الله ﷺ؛ دعا رسول الله ﷺ بالبركة لخيل ورجال قبيلة أحْمَسَ خمس مرات.

من الأحداث إللي حصلت في السنة العاشرة للهجرة وتحديدا في شهر ربيع الأول: موت إبراهيم بن رسول الله ﷺ😢
وكان ساعتها عمره ثمانيةَ عَشَرَ شهرا،
يعني يا جماعة لحد آخر سنة في حياة رسول الله ﷺ والابتلاء الشديد مُلازم له👌
رسول الله ﷺ مات أبناؤه كلهم في حياته ما عدا فاطمة رضي الله عنها،
وكان آخر أبنائه موتا هو إبراهيم، وكان ساعتها رسول الله ﷺ قريب من الثلاثة وستين عام،
فكان الموضوع شديد جدا على رسول الله ﷺ ولكن مع ذلك استقبل رسول الله ﷺ الابتلاء ده باليقين والصبر والرضا بقضاء الله عز وجل،
يقول أنس بن مالك رضي الله عنه إنه دخل مع رسول الله ﷺ على إبراهيم لما كان بيموت، يعني في النزع الأخير فلما شافه رسول الله ﷺ بكى،
وكان معاهم عبد الرحمن بن عوف رضي الله عنه، فقال لرسول الله ﷺ:
" وأَنْتَ يا رَسولَ اللَّهِ؟"
يعني بيقول له إن الناس لا يصبِرون عند المصائب، وأنت يا رسولَ الله بتعمل زيهم وتبكي مع إنك دايما تكلمنا عن الصبرِ وتشجعنا عليه وتنهانا عن الجزعِ؟

فقال له رسول الله ﷺ:
"يا ابْنَ عَوْفٍ إنَّهَا رَحْمَةٌ"
يعني دي رقَّةٌ في القلبِ، بتحصل في النَّفس عند فِراقِ الأحبَّة، فتؤدي إلى حُزنِ القلبِ، وبكاءِ العين، وهي غريزةٌ في البشر لا يُلامُ عليها، وهي مش مِن الجزعِ،
فالبكاءُ على المصيبةِ غريزةٌ إنسانيَّةٌ لا يأثَمُ عليها الإنسان مادام مفيش سَخَطٌ أو نُواح أو عدمُ رضًا بقضاءِ الله وقدَرِه👌
واستمرت الدموع تنزل من عين رسول الله ﷺ، وقال:
إنَّ العَيْنَ تَدْمَعُ، والقَلْبَ يَحْزَنُ، ولَا نَقُولُ إلَّا ما يَرْضَى رَبُّنَا، وإنَّا بفِرَاقِكَ يا إبْرَاهِيمُ لَمَحْزُونُونَ.
يعني بسبب الغريزة إللي ربنا فطر الناس عليها فالعين بتدمع والقلب بيحزن،
لكن في نفس الوقت لا نقولُ إلَّا ما يُرضي ربَّنا مِن الحمدِ والاسترجاعِ، وسؤالِ الخلَفِ الصَّالح،
وإنَّا بفِراقِك يا إبراهيمُ لَمحزونونَ يعني:
الحزن ده مش بإيدينا لكنه شيء ربنا جعله فينا وأوقَعه في قلوبنا، فلا نُلامُ عليه إلَّا إذا قُلْنا أو فعَلْنا ما لا يُرضي ربَّنا.

☆وطبعا رسول الله ﷺ هنا في الموقف ده بيعلمنا إنَّ المؤمنَ عند المصيبةِ لا يقولُ ولا يفعَلُ إلَّا ما يُرضي اللهَ عزَّ وجلَّ👌

إبراهيم بن رسول الله ﷺ مات قبل تمام فترة الرضاع عشان كده هو له مرضعة تكمل رضاعه في الجنة زي ما قال رسول الله ﷺ:
"إنَّ له مُرْضِعًا في الجَنَّةِ"

☆طيب إيه الحكمة من موت أولاد رسول الله ﷺ الذكور من صغرهم كده🤔

لو تفتكروا في قصص الأنبياء هتلاقوا إن إبراهيم عليه السلام اتولد له ولدين هما إسماعيل وإسحاق،
وهم الاتنين ورثوا النبوة عن إبراهيم عليه السلام، وكمان يعقوب ورث النبوة عن إسحاق وورثها يوسف عن يعقوب،
وتوالت وراثة النبوة في بني إسرائيل، فورث سليمان داود وورث يحيى أبيه زكريا،
وكان عيسى عليه السلام آخر أنبياء بني إسرائيل وبكده انتهت النبوة في فرع إسحاق عليه السلام،
وانتقلت لفرع إسماعيل بدعوة إبراهيم عليه السلام لما قال:
"رَبَّنَا وَابْعَثْ فِيهِمْ رَسُولًا مِّنْهُمْ يَتْلُو عَلَيْهِمْ آيَاتِكَ وَيُعَلِّمُهُمُ الْكِتَابَ وَالْحِكْمَةَ وَيُزَكِّيهِمْ "
فرسول الله ﷺ هو دعوة إبراهيم عليه السلام زي ما قال في الحديث:
"أَنَا دَعْوَة أَبِي إبْرَاهِيم"
فبقت العادة في الغالب أن يَرث أبناء الأنبياء النبوّة من آبائهم،
فلو كان لرسول الله ﷺ ولد من بعده كان هيبقى فتنة للناس لأنهم هيفكروا إن النبوة هيرثها أحد أبناء رسول الله ﷺ،
ورسول الله ﷺ هو خاتم الأنبياء والمرسلين ومفيش أي نبي بعده،
وفعلا ظهرت الحكمة من ده بعد موت رسول الله ﷺ،
لما انتقل الصحابة لنظام الخلافة بدل ما يكون في توريث النبوة زي الأمم السابقة زي ما قلنا👌

في نفس اليوم بقى إللي مات فيه إبراهيم بن رسول الله ﷺ حصل كسوف للشمس، فالناس ربطت بين موت إبراهيم وبين كسوف الشمس، فصلى رسول الله ﷺ صلاة الكسوف وبعد الصلاة وضّح لهم وقال:
" إِنَّ الشَّمْسَ وَالْقَمَرَ مِنْ آيَاتِ اللهِ،
وَإِنَّهُمَا لَا يَنْخَسِفَانِ لِمَوْتِ أَحَدٍ، وَلَا لِحَيَاتِهِ، فَإِذَا رَأَيْتُمُوهُمَا فَكَبِّرُوا، وَادْعُوا اللهَ وَصَلُّوا وَتَصَدَّقُوا"

كان أهل الجاهلية يعتقدون بتأثير الشمس والقمر والنجوم، في الحوادث الأرضية، وأنها تنكسف إذا وُلد عظيم، أو مات عظيم، فهو هنا بيقول لهم إن الشمس والقمر من خَلق الله،
مش بيتأثروا غير بأوامر ربنا،
فلما يحصل لهم كسوف أو خسوف فده بيكون بأمر من الله مش عشان خاطر حد،
وعلّمهم إنهم لو شافوا كسوف أو خسوف يصلوا ويتصدقوا ويدعوا ربنا ويستغفروا،
وصلاة الكسوف مختلفة عن الصلاة العادية إللي بنصليها👌

☆إزاي مختلفة🤔
شوفوا،
الإمام يكبر تكبيرة الإحرام، وبعدين يقول دعاء الاستفتاح وبعدين يقول الاستعاذة، وبعدها يقرأ الفاتحة،
وبعد الفاتحة يقرأ قراءة طويلة من القرآن،
ممكن يقرأ سورة البقرة، أو البقرة وآل عمران، المهم القراءة تكون طويلة،
وبعدها يركع ركوع طويل برده، وبعد ما يرفع من الركوع يقول سمع الله لمن حمده ، ربنا ولك الحمد،
هنا بقى مش هينزل يسجد، لأ ده هيقول الفاتحة تاني ويقرأ قراءة طويلة تاني لكن تكون أقل من القراءة الأولى،
يعني مثلا لو قرأ في المرة الأولى بالبقرة، يقرأ في المرة الثانية بآل عمران،
لو قرأ في الأولى بثلاثة أجزاء يقرأ في القراءة الثانية بجزئين وهكذا،
وبعد ما يخلص القراءة هيركع برده ركوع طويل لكن الركوع ده هيكون أقل في الطول من الركوع الأول،
وبعد ما يرفع من الركوع الثاني ده هيقول سمع الله لمن حمده، ربنا ولك الحمد، وبعدين يسجد سجود طويل ويقوم يقعد بين السجدتين وبعدين يسجد تاني سجود طويل،
وبعدها يقوم للركعة الثانية وهيعمل فيها نفس إللي عمله في الركعة الأولى لكن أقل في التطويل لحد ما يوصل للتشهد فيتشهد ويسلم👌
وطبعا الكلام ينطبق على صلاة الخسوف😁

☆طيب لو حد صلى صلاة الكسوف أو الخسوف زي صلاة التطوع العادية، ده ينفع ولّا لأ🤔

لو صلى الإنسان صلاة الكسوف أوالخسوف ركعتين كصلاة التطوع صلاته صحيحة وتُجزِئ، لكن السنة زي ما شرحنا كده والدليل على الكيفية دي في صلاة الكسوف هو حديث السيدة عائشة في البخاري ومسلم هتلاقوه في الروابط في التعليقات👇

☆سؤال كمان:
امتى وقت صلاة الكسوف🤔
صلاة الكسوف وقتها من بداية الكسوف لحد نهايته، ولو الناس خلصت صلاة قبل ما الكسوف يخلص فيكملوا الوقت ده بالتكبير والاستغفار والصدقة،
ومفيش دعاء معين رسول الله ﷺ أمر إننا ندعيه في الوقت ده، لكن استغفار ودعاء عادي، وهي صلاة جهرية،
ولو كان الكسوف جاء في وقت فيه نهي عن الصلاة زي بعد العصر مثلا يجوز نصليها عادي لأنها صلاة ذات سبب.

◇إيه بقى الحكمة أصلا من صلاة الكسوف🤔
الحكمة هي تحقيق عبودية الخوف من الله تعالى،
لأن رسول الله ﷺ قال:
"إن الشمس والقمر آيتان من آيات الله يخوّف الله بهما عباده"
معنى الكلام إن الظاهرة دي المفروض تقذف الخوف في قلب المسلم فيفزع إلى الله بالصلاة والدعاء والتضرّع واللجوء إليه،
وفي هنا إشارة وتنبيه للناس على قدرة الله وإنه قادر ينزل عليهم العذاب ويَسلُب منهم النّعم ويغير أحوالهم في لحظة زي ما غير الشمس والقمر لحالة همّ مش متعودين عليها،
وكمان فيها تذكير بيوم القيامة وإللي هيحصل فيه من أمور غير طبيعية،
ربنا بيقول:
《إِذَا الشَّمْسُ كُوِّرَتْ》
ويقول:
《فَإِذَا بَرِقَ الْبَصَرُ * وَخَسَفَ الْقَمَرُ * وَجُمِعَ الشَّمْسُ وَالْقَمَرُ》

☆ملحوظة:
صلاة الخسوف سنة مؤكدة عن رسول الله ﷺ مش فرض يعني، ولو فات وقتها لا تُقضى👌


#Eman_Shalapy

🔴🎤

الضيق والفتور بعد رمضان!💔

✅ الأسباب
✅ الحلول


🎙️ #سامي_هوساوي

🎬 يوتيوب:
https://youtu.be/2WX8jbD6eGc?si=XT3MajWNBcol-bqz
.
.

قال ﷺ : «لا تحقرنَّ من المعروف شيئًا، ولو أن تلقى أخاك بوجه طَلْق»

‏مهــارتان سهلتـــان لا يتقنــــها
إلا الناجـــحون في حياتهــــــم:
الصمــ🤫ـت والإبتســ☺️ــامة
الإبتسامة: لحـــــــل المشكـلات
والصمت: لتجـــــاوز المشـكلات

🍂 البشاشة🍂

قال رسول :
"إنَّ الله يحبُّ الطَّلْق الوجه ، ولا يحبُّ العبوس"

البشاشة هي سمة شخصية تعبر عن الود والاحترام والتعاطف مع الآخرين. وهي تعني أن يكون الشخص ودودًا ومحبوبًا، وأن يتعامل مع الآخرين بلباقة وذكاء. البشاشة هي سمة مهمة في العلاقات الاجتماعية، لأنها تساعد على بناء الثقة والاحترام بين الأشخاص.

🎬من الحاجات اللي محتاجين ندعي ربنا بيها إنه يرزقنا الصلابة النفسية واللامبالاة قدام الصغائر !

يعني إيه ؟

يعني مش أي موقف صغير يضايقك أو ياخد من تفكيرك ونفسيتك ويعكنن عليك يومك ؛
ويبقى عندك الحكمة اللي تميّز بيها المواقف من بعضها ، وتعرف إيه يستاهل تنشغل بيه وإيه حله الوحيد تجاهله !

لأن ‏جزء من العافية في اللامبالاة ،، وبعض الفطنة في التعامي ،، وشيء من الراحة في التخفّف ...

وليس بالضرورة أن ينال كلّ شيء من قلبك !!


"واحدة من علامات صبرك الجميل أن يراكَ الناس فيظنون أنك لا تَمُرّ بأي مشاكل في حياتك.. أن يستوي حالك في النعمة والنقمة.. تِلك ميزة جميلة جدًا.. فلا تحاول أن تثبت لمن حولك أنك تَمُرّ بالكثير من المشاكل لكنك ترضى وتتحمل.. لا تحاول إثبات آلامك لأي شخص لتستجدي شفقته.. يكفيك عِلم الله بك ورحمته إياك.. أنت تَسير على خُطى رسول الله ﷺ.. كان أكثر الناس همًا وأكثرهم تبسمًا."


#خلق_البشاشة

♡البشاشة خلق نبوي♡

بَشَاشَته ﷺ عند مقابلته للناس حتى ليظنن أحدهم أنه أحب الخلق لرسول الله ﷺ، فعن جرير رضي الله عنه قال : ((ما حجبني النَّبي صلى الله عليه وسلم منذ أسلمت ، ولا رآني إلا تبسَّم في وجهي)). رواه البخاري ومسلم.

سؤال ⁉️

لماذا أبتسم؟ماذا سأجني؟

▪️طلاقة الوجه ترضي المولى.
▪️ طلاقة الوجه صدقة للمرء يوم يحتاج للحسنة الواحدة.
▪️طلاقة الوجه اتباع لهدي النبي محمد ﷺ الذي لم يكن يرى إلا متبسما.
▪️طلاقة الوجه تشرح صدر صاحبها... وتلهمه الرضى والشكر.
▪️طلاقة الوجه تشد ظهر صاحبها لتحمل الصعاب... وتعوده على السعادة. 
▪️طلاقة الوجه تحارب العجب والكبر والغرور في النفس.
▪️ تكلُّفُ البِشْر والطَّلاقة ، وتجنُّب العبوس والتَّقطيب من الوسائل المعينة على اكتساب الصبر والأخلاق الحميدة.
▪️ التبسم يحرك عضلات الوجه ويحافظ على رونقه وجماله وسحره وشبابه.
▪️طلاقة الوجه جبر لخواطر الناس... ومن يجبر يجبره الله.
▪️طلاقة الوجه تبشر بالفأل والخير وتهون الشدائد.
▪️طلاقة الوجه تنشر الطاقة الإيجابية في المجتمع وتقلل الكآبة والبؤس..
▪️طلاقة الوجه تجذب الآخرين وتسترعي انتباههم لصاحبها ولقوله وفعله... ولمصاحبته. 
▪️البشَاشَة وطلاقة الوجه تثمر المحبَّة بين المسلمين ، والتآلف بينهم.
▪️البشاشة دلالة على مرونة الشخص وسعة نظرته للأمور.
▪️البشاشة دالة على سَّخاء المرء وكرمه وسعة صدره وكثرة عطائه.
▪️البِشْر يطفئ نار المعاندة،  ويحرق هيجان المباغضة... وخير المبتسمين المُبادر.
▪️في البشاشة تحصين من الباغي، وتجاهل للحاقد والحاسد.
▪️البشاشة خير سلاح لمقاومة من يتمنون حزنك.



◉◉ مهام خلق البشاشة ◉◉

اسعد وأَسعِد

🔹مع النفس:
• اكتب قائمة بالأشياء التي تسعدك، وارجع لها إن أحسست بشيء يكدر خاطرك .

• صاحب الإيجابيين والبشوشين، وابتعد برفق عن السلبيين المتجهمين.

• هون عليك وخذ الأمور بحجمها لا شيء، يستاهل أن تكدر خاطرك.


🔹مع الآخرين:
• ابتسم عند التحدث مع الآخرين أو عند رؤية شخص ما.

• تعامل مع الآخرين بلباقة وذكاء، حتى في المواقف الصعبة.

• استمع إلى الآخرين بإنصات واهتمام.

• حاول فهم مشاعر الآخرين وتعاطف معهم.

• تعامل مع الجميع بالاحترام، بغض النظر عن خلفياتهم أو آرائهم.

• توقف عن اجترار ما يكدرك، ولا تحملها غيرك، كل شخص لديه أوجاعه وهمومه فلا نحملهم أكدارنا.

#خلق_البشاشة

صباح حسن الظن بالله 🤍

*إضـــــــ💡ــــــــاءة*

تقدم إلى الأمام ولو بساقٍ مكسورة، ولا تيأس من رحمة الله، إن الله على كل شيء قدير
*•فقط قل ياارب وستفرج بإذن الله*

تقريب الفتن 💔

#قصص_الأنبياء(٢)
#السيرة_النبوية
#الحلقة_مائتين_وعشرين
#أحداث_السنة_العاشرة_من_الهجرة
#سارق_يعلم_أبا_هريرة

من الأحداث إللي حصلت في السنة العاشرة من الهجرة نزول آية:
"يَا أَيُّهَا الَّذِينَ آمَنُوا لِيَسْتَأْذِنكُمُ الَّذِينَ مَلَكَتْ أَيْمَانُكُمْ وَالَّذِينَ لَمْ يَبْلُغُوا الْحُلُمَ مِنكُمْ ثَلَاثَ مَرَّاتٍ
مِن قَبْلِ صَلَاةِ الْفَجْرِ وَحِينَ تَضَعُونَ ثِيَابَكُم مِّنَ الظَّهِيرَةِ وَمِن بَعْدِ صَلَاةِ الْعِشَاء
ثَلَاثُ عَوْرَاتٍ لَّكُمْ لَيْسَ عَلَيْكُمْ وَلَا عَلَيْهِمْ جُنَاحٌ بَعْدَهُنَّ طَوَّافُونَ عَلَيْكُم بَعْضُكُمْ عَلَى بَعْضٍ كَذَلِكَ يُبَيِّنُ اللَّهُ لَكُمُ الْآيَاتِ وَاللَّهُ عَلِيمٌ حَكِيمٌ"
والآية بصفة عامة معناها:
ربنا بيأمر المؤمنين إللي صدّقوا بالله ورسوله ﷺ وأيقنوا بشريعته كنظام ومنهج لحياتهم إنهم يعلموا العبيد والإِماء والخدم والأطفال المُمَيّزِين إللي لسه لم يبلغوا مبلغ الرجال إنهم يستأذنوا قبل الدخول على الرجل وزوجته في ثلاث أوقات هم:
◇قبل صلاة الفجر:
لأنه وقت الاستيقاظ من النوم، وتغيير ملابس النوم وارتداء ثياب اليقظة، وفي هنا احتمال لانكشاف العورة.
◇وقت الظهيرة
لأنه وقت خلع ثياب العمل، والاستعداد للنوم.
◇من بعد صلاة العشاء:
لأنه وقت خلع ثياب اليقظة، ولبس ثياب النوم.
فالأوقات دي أوقات نوم وراحة وطبيعي إن الإنسان فيها ممكن يتكشف وهو نايم ويظهر منه شيء ميحبش أنه يظهر،
فخلوا عبيدَكم وخدمكم وصِبيانكم ميدخلوش عليكم غير لما يستأذنوا،
أما في غير الأوقات دي؛ عادي ومفيش حرج إنهم يدخلوا من غير استئذان؛ لأنهم بيقوموا على خدمتكم واللهُ لا يكلِّفكم ما فيه حرجٌ أو ضِيق عليكم؛
لأن تشريعه من أجل صالحكم، وهو جلَّ وعلا العليمُ الحكيم.

وظاهر الأمر إللي في الآية إنه واجب، لكن جمهور العلماء قالوا إن الأمر هنا غرضه الاستحباب والتعليم والإرشاد إلى محاسن الآداب وليس للوجوب👌

☆طيب إيه سبب نزول الآية أصلا🤔
العلماء ذكروا كذا سبب لنزول الآية، قالوا منها:
◇إن في صحابية اسمها أسماء بنت مَرثد دخل عليها غلام كبير فاشتكت الموضوع ده لرسول الله ﷺ،
يعني هو دخل عليها من غير استئذان فلما اشتكت لرسول الله ﷺ نزلت الآية دي.
◇وقالوا:
إن رسول الله ﷺ أرسل غلام من الأنصار لعمر بن الخطاب رضي الله عنه في وقت الظهيرة عشان يدعوه لرسول الله ﷺ،
فلما الغلام راح لعمر لقاه نايم وكان قافل عليه الباب، فالغلام دق على الباب ونادى على عمر وراح داخل عليه وهو نايم،
فاستيقظ عمر من نومه وقعد فانكشف منه شيء،
فقال عمر:
"وددت أن الله تعالى نهى أبناءنا ونساءنا وخدمنا عن الدخول علينا في هذه الساعات إلا بالإذن"
يعني عايز إن ربنا ينزل قرآن يمنع فيه الدخول في الأوقات دي إلا بإذن،
وبعد كده توجه عمر لرسول الله ﷺ، فلقى إن ربنا أنزل الآية دي، فسجد لله شكرا،
والعلماء بيقولوا إن الآية دي من مُوافقات عمر رضي الله عنه للقرآن، زي آية الحجاب كده.
فممكن بسبب وقوع أكثر من حادثة في نفس الوقت بقى للآية أكثر من سبب نزول💁‍♂️

من الأحداث المهمة جدا إللي حصلت في السنة العاشرة من الهجرة خروج رسول الله ﷺ لأداء الحج، ولأن رسول الله ﷺ لم يحج غير حجة واحدة فقط وبعدها مات فالحجة دي اتسمت حجة الوداع،
لكن قبل ما نعرف تفاصيل أحداث الحج، هنتكلم عن بعض قصص الصحابة مع رسول الله ﷺ؛
لأن بعد ما نتكلم عن حجة الوداع هيبقى باقي بعض الأحداث وبعدها رسول الله ﷺ هيموت😞
فقبل ما ندخل في النهاية خلونا نستمتع شوية بصحبة رسول الله ﷺ من خلال بعض الأحداث إللي حصلت مع الصحابة😢

♡أول موقف معانا هو موقف أبو هريرة مع السارق😅
بيحكي أبو هريرة ويقول:
وَكَّلَنِي رَسُولُ اللَّهِ ﷺ بِحِفْظِ زَكَاةِ رَمَضَانَ، فَأَتَانِي آتٍ فَجَعَلَ يَحْثُو مِنَ الطَّعَامِ فَأَخَذْتُهُ، وَقُلْتُ:
وَاللَّهِ لَأَرْفَعَنَّكَ إِلَى رَسُولِ اللَّهِ ﷺ👌
يعني بيقول إن رسول الله ﷺ أعطى له مهمة حراسة زكاة الفطر، واحنا عارفين إن زكاة الفطر بتكون حبوب من قوت أهل البلد،
فكانت الزكاة متجمعة في مكان وأبو هريرة هو المسؤول عن حراستها،
فجاء رجل وقعد ياخد من الزكاة بإيده ويعبي منها، فلما شافه أبو هريرة مسكه وقال له أنا هوديك لرسول الله ﷺ وهو يتصرف معاك،
فالرجل قال له:
إنِّي محتاجٌ وعليَّ عيالٌ ولي حاجةٌ شديدةٌ😥
فزي ما تقولوا كده أبو هريرة أشفق عليه وسابه يمشي😅
تاني يوم الصبح اتقابل أبو هريرة مع رسول الله ﷺ عادي في الصلاة، فرسول الله ﷺ سأل أبا هريرة:
يا أبَا هُرَيْرَةَ، ما فَعَلَ أسِيرُكَ البَارِحَةَ؟
يعني عملت إيه مع الرجل إللي انت مسكته امبارح؟
فقال له أبو هريرة:
شَكا حاجةً شديدةً وعيالًا ، فرَحِمْتُهُ وخلَّيتُ سبيلَهُ.
يعني اشتكى إنه محتاج وعنده عيال فأشفقت عليه وسيبته يمشي،
هنا رسول الله ﷺ قال له:
" أما إنَّهُ قد كذبَكَ ، وسيعودُ"👌
يعني هو كذب عليك وهيجيلك تاني، فعرف أبو هريرة إن الرجل ده هييجي بسبب كلام رسول الله ﷺ،

وأكيد رسول الله ﷺ عرف إللي حصل عن طريق الوحي💁‍♂
فأبو هريرة قعد له بقى يستناه😅
ففعلا جاء الرجل زي ما رسول الله ﷺ قال وقعد ياخد من الزكاة، فمسكه أبو هريرة وقال له:
لأرفعنَّكَ إلى رسولِ اللَّهِ ﷺ👌
فالرجل قال له:
دَعني فإنِّي مُحتاجٌ وعليَّ عيالٌ لا أعودُ😥
يعني سيبني، خلاص مش هعمل كده تاني، أنا عندي عيال ومحتاج، فأشفق عليه أبو هريرة وسابه،
تاني يوم الصبح قابل رسول الله ﷺ فسأله رسول الله ﷺ:
يا أبا هُرَيْرةَ، ما فعلَ أسيرُكَ البارحةَ؟
فقال أبو هريرة:
يا رسولَ اللَّهِ، شَكا حاجةً وعيالًا، فرَحِمْتُهُ فخلَّيتُ سبيلَهُ.
فقال له رسول الله ﷺ:
أما إنَّهُ قد كذبَكَ وسيعودُ👌
فقعد أبو هريرة يراقب المكان تاني ويستناه، فلقاه فعلا جاي وعمّال يعبي من الزكاة،
فمسكه أبو هريرة للمرة الثالثة وقال له:
لأرفعنَّكَ إلى رسولِ اللَّهِ ﷺ وهذا آخِرُ ثلاثِ مرَّاتٍ أنَّكَ تزعمُ أنَّكَ لا تعودُ ثمَّ تعودُ😤
يعني خلاص أنا هوديك لرسول الله ﷺ وهو يتصرف معاك
وانسى إني أصدقك تاني، تقولي خلاص مش هعمل كده تاني وترجع تعمل برده،
فالرجل قال لأبي هريرة:
دعني أعلِّمْكَ كلماتٍ ينفعُكَ اللَّهُ بِها😅
فقال له أبو هريرة:
ما هنَّ ؟
فقال له الرجل:
"إذا أويتَ إلى فراشِكَ فاقرأ آيةَ الكرسيِّ اللَّهُ لَا إِلَهَ إلَّا هُوَ الْحَيُّ القَيُّومُ حتَّى تختمَ الآيةَ، فإنَّك لَن يزالَ عليكَ منَ اللَّهِ حافظٌ ، ولا يقربُكَ شيطانٌ حتَّى تُصْبِحَ"
يعني لما تيجي تنام خلاص اقرأ آية الكرسي، لو عملت كده ربنا هيحفظك ومفيش أي شيطان هيقدر يقرب منك لحد ما تصحى👌
فتركه أبو هريرة بعد ما الرجل قال له الكلام ده، وكان الصحابة رضي الله عنهم هم أحرص الناس على الخير، فشاف أبو هريرة إن دي صفقة رابحة،
فعلمه الكلمات مقابل إنه يطلق سراحه،
تاني يوم الصبح قابل أبو هريرة رسول الله ﷺ، فسأله رسول الله ﷺ تاني:
ما فعلَ أسيرُكَ البارحةَ ؟
فحكى له أبو هريرة إللي حصل، قال:
"يا رسولَ اللَّهِ، زعمَ أنَّهُ يعلِّمُني كلماتٍ ينفعُني اللَّهُ بِها فخلَّيتُ سبيلَهُ"
فسأله رسول الله ﷺ عن الكلمات دي فقال له أبو هريرة:
" قالَ لي:
إذا أويتَ إلى فراشِكَ فاقرأ آيةَ الكرسيِّ من أوَّلِها حتَّى تختمَ الآية اللَّهُ لَا إِلَهَ إلَّا هُوَ الْحَيُّ القَيُّومُ وقالَ لي:
لن يزالَ عليكَ منَ اللَّهِ حافظٌ ولا يقربُكَ شَّيطانٌ حتَّى تُصْبِحَ ، فقالَ النَّبيُّ ﷺ:
أما إنَّهُ صدَقكَ وهو كذوبٌ، تعلَمُ من تخاطبُ ثلاثَ ليالٍ، يا أبا هُرَيْرةَ ؟
يعني هو كاذب في العموم لكن المعلومة إللي قالها لك دي فعلا صحيحة ويقرها الإسلام،
وبعدين رسول الله ﷺ سأله بقى إذا كان يعرف حقيقة الشخص إللي كلمه ده أو لأ،
فقال أبو هريرة: لا ، فقالَ له رسول الله ﷺ: ذاكَ شَيطانٌ👌
يعني الرجل إللي انت شوفته ده ومسكته وقعدت كلمته كان شيطان متمثل في هيئة رجل.

☆ملحوظة عشان أفكركم، قلنا قبل كده في الجزء الستين إن إللي بيتسلسل في رمضان هم مَردة الجن فقط، يعني الجن الأقوياء إللي لهم تأثير قوي على الإنسان،
يعني مش كل الشياطين بتكون متسليلة بدليل القصة إللي قلناها دلوقتي دي، وإنها حصلت في رمضان، وحديث أبو هريرة ده موجود في البخاري👌

◇سؤال بقى:
الشيطان عرف إزاي المعلومة دي وأبو هريرة معرفهاش🤔

أبو هريرة رضي الله عنه إسلامه كان متأخر، أسلم في السنة السابعة من الهجرة، وسورة البقرة إللي فيها آية الكرسي كانت أول سورة نزلت بعد الهجرة للمدينة،
وآية الكرسي لها فضل كبير أخبره رسول الله ﷺ للصحابة،
زي إن إللي بيقرأ آية الكرسي بعد كل صلاة لا يمنعه من دخول الجنة إلا الموت،
وأبو هريرة مكنش لسه متعلم كل العلم فالمعلومة دي مكنش لسه عرفها،
وطبيعي طبعا إن الجن مسلمهم وكافرهم يعرفوا المعلومات دي؛ لأنهم بيشوفوا الصحابة وبيشوفوا رسول الله ﷺ وبيسمعوا كلامهم وبيشوفوا أفعالهم من غير ما الصحابة ولا رسول الله ﷺ يشوفوهم، إلا طبعا في حالات معينة مش موضوعنا دلوقتي،
المهم إن الشيطان ده كان عارف المعلومة فعشان ينجو من أبي هريرة قاله المعلومة دي ورسول الله ﷺ أكد له المعلومة👌

☆وهنا رسول الله ﷺ بيعلمنا درس مهم😊
وهو إن ممكن توصل لنا المعلومة الصحيحة عن طريق إنسان فاجر أو فاسق أو حتى كافر،
فمش معنى إن الشخص إللي نقل لنا المعلومة الصحيحة سيء مثلا يبقى نرد الحق إللي جاء على لسانه،
احنا ممكن نتأكد من المعلومة ماشي، لكن مش نقول أنا مش هاخد المعلومة من فلان وأنا عارف إنه على حق لمجرد إن ده فلان الفلاني،
رسول الله ﷺ وضح لأبي هريرة إن على الرغم من إن ده شيطان كافر لكن المعلومة إللي قالها صحيحة ونصحه بيها،
وده مثال على إن:
الفاجر قد يَعلم الحق فلا يتّبعه ولا ينتفع به، فيتلقّاه المؤمن منه فيجد فيه الخير الكثير💁‍♂️

يبقى من القصة دي نعرف إن الجن ممكن يتمثلوا في صورة بشر، زي ما اتكلمنا في الجزء مائة وتسعة وستين عن خالد بن الوليد رضي الله عنه لما راح قتل العُزى وكانت عبارة شيطانة متمثلة في صورة امرأة،

فالبشر يقدروا يشوفوا الجن وهم متمثلين في صورة بشر أو حيوانات زي الأفعى والكلب والأسود وغيرها، أو ممكن يتمثلوا في أشكال غريبة برده،
لكن البشر ميقدروش يشوفوا الجن على صورتهم الحقيقية إللي ربنا خلقهم عليها، ما عدا طبعا رسول الله ﷺ وإخوانه من الأنبياء يقدروا يشوفوهم،
والدليل على كده قول ربنا:
"إِنَّهُ يَرَاكُمْ هُوَ وَقَبِيلُهُ مِنْ حَيْثُ لا تَرَوْنَهُمْ"
فربنا أعطى الجن القدرة على إنهم يغيروا شكلهم، قال شيخ الإسلام ابن تيمية في مجموع الفتاوى:
"والجن يتصورون في صور الإنس والبهائم ، فيتصورون في صور الحيات والعقارب وغيرها ،
وفي صور الإبل والبقر والغنم والخيل والبغال والحمير ، وفي صور الطير ، وفي صور بني آدم"

وزي مانتم شوفتوا شياطين الجن تعرف الحقّ وتجحده ولا تتبعه زي شياطين الإنس بالضبط😬

إن شاء الله المرة الجاية هنكمل بعض مواقف رسول الله ﷺ مع الصحابة😊

#Eman_Shalapy

📮|🛋️..


*‏مِن الإنجــــــــازات اليومية العظيمة* أن تُعان علىٰ قول:
*"لاَ إِلَهَ إِلَّا اللَّهُ، وَحْدَهُ لاَ شَرِيكَ لَهُ، لَهُ المُلْكُ وَلَهُ الحَمْدُ، وَهُوَ عَلَى كُلِّ شَيْءٍ قَدِيرٌ". مائة مرة.*

- فإنها ماحية السيئات، والثواب المضاعف ، والحِرز العظيم، و لا يأتي أحدٌ بأفضل مما جئت به، إلا أحد عمل أكثرَ من ذلك!.

٠..🌦️

🌙 *همسة مسائية* 🌄

*عَنْ عِمْرَانَ بْنِ حُصَيْنٍ، قَالَ: قَالَ رَسُولُ اللَّهِ ﷺ لأَبِي: «يَا حُصَيْنُ لَوْ أَسْلَمْتَ عَلَّمْتُكَ كَلِمَتَيْنِ تَنْفَعَانِكَ* » *فَلَمَّا أَسْلَمَ* ،
قَالَ: « *قُلِ* : اللَّهُمَّ أَلْهِمْنِي رُشْدِي، وَأَعِذْنِي مِنْ شَرِّ نَفْسِي» رواه الترمذي، وهذا لفظ البغوي في السنة.

ألزم هذا الدعاء فقد جمع فيه النبي ﷺ كمال الإرادة والعمل والفكر والنظر.
فمن ألهم الرشد ووقي شر النفس فاز.
فما أوتي أحد إلا من جهة ضعف رشده أو غلبة شهوة نفسه.

'        سيروا إلى الله عرجًا ومكاسير!
واغتنموا لحظات أيّامكم بالقرب من مولاكم *فما تدرون متى تحين اللحظة التي تُسجّل فيها وفاتكم*

وما تعلمون متى يأتي *يوم الحساب والجزاء*
فاعملوا اعملوا ليومٍ
إمّا تكونون فيه من أهل النّجاة
وإمّا تكونون فيه من أهل الهلاك

*إنّا مقصّرون فلنقبل على الله بعثراتنا*
وانكساراتنا ،وسقطاتنا، وسهونا، وغفلتنا
ليقوّم خطانا ويعدّل مسيرنا
ويدلّنا على كلّ خير ويفتح لنا أبوابه🤍.

*الوتــر زهر ليلكم* 🕊️🤍|

‌‎#نصيحة
لا تفرّطوا في قراءة آية الكُرسي بعد كل صلاةٍ مفروضة، فإنّ قراءتها سببٌ من أسباب دخول الجنة.
قال ﷺ: *(من قرأ آية الكُرسي في دُبُر كُلّ صلاة، لم يمنعه من دخول الجنّة إلا الموت)* أخرجه النسائي في عمل اليوم والليلة، وإسناده قوي.