#قصص_الأنبياء
#الحلقة_الحادية_عشر
#إبراهيم_عليه_السلام_الجزء_الأول
#إبراهيم_والأصنام

إبراهيم عليه السلام ولد في بابل في العراق، وهو من نسل سام بن نوح عليه السلام،
وكانت الأرض كلها على الكفر ...الناس نسيت ربنا والعلم اندثر ومع وسوسة الشيطان كل الناس كانوا كفار،
وكان الناس في قرية إبراهيم عليه السلام برده مشركين، إللي فيهم بيعبد الأصنام 👥وإللي فيهم بيعبد النجوم والكواكب🌕 وإللي فيهم بيعبد الملوك🤴
وفوق كل ده أبو إبراهيم عليه السلام نفسه كان بيصنع الأصنام ويبيعها للناس،
يعني إبراهيم كان متربي في بيئة كلها كفر ومفيش أي شعاع من نور،
وكان أبوه واسمه آزر بيديله الأصنام عشان يروح يبيعها في السوق للناس،
فكان إبراهيم عليه السلام يقعد ينادي في السوق :
اشتروا من لا يسمع ولا يرى....اشتروا من لا يضر ولا ينفع...
وكان سنه صغير ...ومع ذلك كان بيفكر بعقله👌
وكان ذكي وعنده حكمة، فاتربى على كُره الأصنام وكان بيتعجب من قومه إزاي الناس دي بتعبد ما لا يسمع لا يرى، ولا ينفع ولا يضر؟!!
إزاي يكون حاجات إحنا إللي بنصنعها تكون هي إللي نعبدها؟!!
مقلش أنا كل أهلي بيعملوا كده...والناس كلهم كده، يعني هو أنا إللي هبقى صح والناس دي كلها غلط😑
بقى معقولة الناس الكبار دول هم إللي غلط وأنا إللي لسه سني صغير مش عارف حاجة هكون صح
إبراهيم عليه السلام مستسلمش للواقع بتاعه وقلد الناس تقليد أعمى👌
ربنا وهبه الهداية من صغره عن طريق إنه خلاه يفكر بعقله ويكون من الراشدين ،
"وَلَقَدْ آتَيْنَا إِبْرَاهِيمَ رُشْدَهُ مِنْ قَبْلُ وَكُنَّا بِهِ عَالِمِينَ"

فكان بيتفكّر في خلق السماوات والأرض وفي خلق البشر لحد ما اهتدى بتفكيره إن الكون ده له خالق،
فكان عايز يعلّم قومه ويهديهم لعبادة الله الخالق وإنهم يسيبوا عبادة الأصنام ،
ودي فطرة الإنسان إنه مجرد ما يعرف ربنا ويعرف دينه بيكون عايز ينشر الدين ده ويبدأ يبلغ الناس إللي حواليه،
فلما إبراهيم عليه السلام كِبِر وجاءه الوحي،
بدأ بدعوة أبيه لأن طبيعي إن أول شخص الإنسان يحب لهم الخير هم أبويه،
لكن الموضوع صعب في الأمور العادية...فما بالكم لما إبراهيم عليه السلام يقول لأبوه مثلا:
والله ياابي الدين إللي إنت بتتبعه ده والأصنام إللي انت بتعبدها دي إنت وقومك وأجدادك من قبلك كل ده غلط والصح كذا وكذا

فإبراهيم عليه السلام في موقف صعب جدا،
ومع ذلك مقلش مليش دعوة وكل واحد هيتحاسب عن نفسه، وأنا مالي وأنا مش عاوزهم يكرهوني👌
بالعكس... المحب الحقيقي بيبذل كل إللي يقدر عليه عشان خاطر إللي بيحبه حتى لو كان ده هيكون فيه ضرر عليه أو هيسبب غضبه منه
وده بالضبط إللي حصل مع إبراهيم عليه السلام،
راح لأبوه وكلمه بكل لطف وحب واختار الكلمات بعناية واختار الأسلوب المناسب الحكيم عشان يقدر يقنع أباه،
قال له:
=يا أبتِ =عشان يحسسه إنه قريب منه ويستعطفه،
إنت ليه بتعبد ما لا يسمع ولا يرى ومش بيفيدك بأي شيء،
هو الإنسان بيعبد إله ليه؟
"إِذْ قَالَ لِأَبِيهِ يَاأَبَتِ لِمَ تَعْبُدُ مَا لَا يَسْمَعُ وَلَا يُبْصِرُ وَلَا يُغْنِي عَنْكَ شَيْئًا"
مش عشان يستجيب دعاؤه ويدفع عنه أي ضرر ويهديه ويحميه ويرزقه ويدبر له أموره،
طيب الأصنام مبتعملش أي حاجة من دي...فإنت ليه بتعبدها
◇وطبعا مش معنى إن الإله مفروض يمنع عنا الضر إن المقصود إننا نبقى مُنعمين في الحياة الدنيا بدون أي ابتلاءات، لأ المقصود :
"قُلْ مَن يُنَجِّيكُم مِّن ظُلُمَاتِ الْبَرِّ وَالْبَحْرِ تَدْعُونَهُ تَضَرُّعًا وَخُفْيَةً "
"أَمَّن يَهْدِيكُمْ فِي ظُلُمَاتِ الْبَرِّ وَالْبَحْرِ وَمَن يُرْسِلُ الرِّيَاحَ بُشْرًا بَيْنَ يَدَيْ رَحْمَتِهِ"
يعني اللي يملك الضر والنفع هو الإله ده، يعافيكم أحيانا ويبتليكم أحيانا لحكمة هو يعلمها، لكن الأصنام بتعمل إيه من كل ده
ولا شيء إطلاقا.. ده غير عجزها عن إنها تدفع الضر عن نفسها أساسا

☆إبراهيم عليه السلام بيكلم أبوه آزر بكل عقل👌
يا أبتِ على الرغم من إنك أبويا والمفروض إنك أعلم مني،
بس أنا جالي علم مش عندك ...فاسمع كلامي هوصلك للحق،
"يَاأَبَتِ إِنِّي قَدْ جَاءنِي مِنَ الْعِلْمِ مَا لَمْ يَأْتِكَ فَاتَّبِعْنِي أَهْدِكَ صِرَاطًا سَوِيًّا"
يا أبتِ بلاش تسمع كلام الشيطان...ده الشيطان عاصي للرحمن،
"يَاأَبَتِ لَا تَعْبُدِ الشَّيْطَانَ إِنَّ الشَّيْطَانَ كَانَ لِلرَّحْمَنِ عَصِيًّا"
يا أبتِ أنا خايف عليك من عذاب الرحمن😔
"يَاأَبَتِ إِنِّي أَخَافُ أَنْ يَمَسَّكَ عَذَابٌ مِنَ الرَّحْمَنِ فَتَكُونَ لِلشَّيْطَانِ وَلِيًّا"
كان إبراهيم عليه السلام بيكلم أبوه بكل حب و تواضع وإحترام عقل وحكمة وأدب،

ومع ذلك كان رد أبوه شديد وقاسي عليه،
قاله : انت مش عاجبك الآلهة إللي بعبدها يا إبراهيم،
لو مبطلتش الكلام إللي بتقوله ده أنا هرميك بالحجارة ، وأنا مش عايز أشوفك تاني أبدا😡
"قَالَ أَرَاغِبٌ أَنْتَ عَنْ آلِهَتِي يَاإِبْرَاهِيمُ لَئِنْ لَمْ تَنْتَهِ لَأَرْجُمَنَّكَ وَاهْجُرْنِي مَلِيًّا"

وبالرغم من قساوة أبوه معاه رد عليه إبراهيم عليه السلام بكل حب ولين وشفقة ،
قال له: سلام عليك... أنا هستغفر لك ربنا...ده ربنا بيحبني أوي وكريم معايا جدا،
"قَالَ سَلَامٌ عَلَيْكَ سَأَسْتَغْفِرُ لَكَ رَبِّي إِنَّهُ كَانَ بِي حَفِيًّا"
وفعلا استمر إبراهيم يستغفر لأبوه فترة كده،
لكن لما تبين له بوحي من الله إن أباه هيفضل كافر وإنه عدو لله تبرأ منه،
لأن لا يجوز للمؤمن أن يدعو بالرحمة ولا يستغفر لكافر بالله حتى لو كان أبوه أو أخوه أو ابنه 👌
"وَمَا كَانَ اسْتِغْفَارُ إِبْرَاهِيمَ لِأَبِيهِ إِلَّا عَنْ مَوْعِدَةٍ وَعَدَهَا إِيَّاهُ فَلَمَّا تَبَيَّنَ لَهُ أَنَّهُ عَدُوٌّ لِلَّهِ تَبَرَّأَ مِنْهُ"

☆في هنا ملحوظة مهمة يا جماعة،
القرآن قال إن أبو إبراهيم عليه السلام اسمه آزر وقال إنه كان كافر بيعبد الأصنام،
ربنا قال:
"وَإِذْ قَالَ إِبْرَاهِيمُ لِأَبِيهِ 《آزَرَ》 أَتَتَّخِذُ أَصْنَامًا آلِهَةً ۖ إِنِّي أَرَاكَ وَقَوْمَكَ فِي ضَلَالٍ مُّبِينٍ"
واحنا شوفنا كمية الآيات إللي إبراهيم عليه السلام كان بيكلم فيها أبوه وبيقول له فيها يا أبتِ،
فكل الآيات في القرآن ظاهرها إن آزر هو أبو إبراهيم مش عمه، حتى رسول الله ﷺ قال:
يَلْقَى إِبْرَاهِيمُ《 أَبَاهُ آزَرَ》 يَوْمَ الْقِيَامَةِ ، وَعَلَى وَجْهِ آزَرَ قَتَرَةٌ وَغَبَرَةٌ ،
فَيَقُولُ لَهُ إِبْرَاهِيمُ : أَلَمْ أَقُلْ لَكَ لاَ تَعْصِنِي ؟
فَيَقُولُ أَبُوهُ: فَالْيَوْمَ لاَ أَعْصِيكَ.
فَيَقُولُ إِبْرَاهِيمُ : يَا رَبِّ ، إِنَّكَ وَعَدْتَنِي أَنْ لاَ تُخْزِيَنِي يَوْمَ يُبْعَثُونَ ، فَأَي خِزْىٍ أَخْزَى مِنْ أَبِي الأَبْعَدِ ؟!
فَيَقُولُ اللَّهُ تَعَالَى : إِنِّي حَرَّمْتُ الْجَنَّةَ عَلَى الْكَافِرِينَ...."
والحديث ده في البخاري،
فمن كل الأدلة دي يظهر لنا إن آزر هو أبو إبراهيم عليه السلام وليس عمه

المهم،
خرج إبراهيم من البيت وهو حزين إن أبوه مستجبش لعبادة الله وترك عبادة الأصنام،
لكنه مفكرش أبدا إنه يترك الدعوة، قال لما أكلم الناس يمكن حد فيهم يهتدي،
استخدم الأول برده أسلوب العقل والتفكير المنطقي عشان يقنعهم،
لما جاء الليل شاف نجم، فقال: ده ربي وأنا هعبده👌
"فَلَمَّا جَنَّ عَلَيْهِ اللَّيْلُ رَأَى كَوْكَبًا قَالَ هَذَا رَبِّي فَلَمَّا أَفَلَ قَالَ لَا أُحِبُّ الْآفِلِينَ"
فلما اختفى الكوكب قال الإله لازم يكون حاضر وميغبش،
فشاف القمر طالع فقال :
أيوااا هو ده إلهي 👌
"فَلَمَّا رَأَى الْقَمَرَ بَازِغًا قَالَ هَذَا رَبِّي فَلَمَّا أَفَلَ قَالَ لَئِنْ لَمْ يَهْدِنِي رَبِّي لَأَكُونَنَّ مِنَ الْقَوْمِ الضَّالِّينَ"

فلما إختفى القمر قال:
وبعدين بقى، أنا كده لو إللي خلقني مهدانيش لإلهي الحق إللي مفروض أعبده أنا هضل وهفضل في حيرة ومش هبقى عارف أعبد إيه 😞
فلما شاف الشمس بقى طالعة قال هو ده ربي ...ده أكبر
ومنور الدنيا وأعظم،
"فَلَمَّا رَأَى الشَّمْسَ بَازِغَةً قَالَ هَذَا رَبِّي هَذَا أَكْبَرُ"
فلما غابت الشمس هي كمان قال:
أنا بريء من الآلهة دي كلها، أنا هؤمن باللي خلق الشمس والقمر والنجوم فقط ومش هعبد معاه أي حاجة تانية
"فَلَمَّا أَفَلَتْ قَالَ يَاقَوْمِ إِنِّي بَرِيءٌ مِمَّا تُشْرِكُونَ"
"إِنِّي وَجَّهْتُ وَجْهِيَ لِلَّذِي فَطَرَ السَّمَوَاتِ وَالْأَرْضَ حَنِيفًا وَمَا أَنَا مِنَ الْمُشْرِكِينَ"

◇طبعا الغياب إللي بيقدح في الألوهية مش مقصود بيه إننا طالما مش شايفينه وغايب عن عينينا يبقى ده مش إله
لأ،
المقصود إنه بيغيب عن مكان معين عشان يظهر في مكان تاني وهكذا، وده كده عمره طبعا ما ينفع يبقى إله،
لأن الإله الحق يعلم كل شيء ولا يغيب أبدا👌

☆كل ده إبراهيم عليه السلام كان بيكلم نفسه قصاد قومه عشان يخليهم يفكروا ويقنعهم بطريقة غير مباشرة،
مش إن إبراهيم عليه السلام كان بيعبد القمر والشمس والعياذ بالله وبعدين اهتدى

بعد كده بدأ يكلم قومه ويسألهم : إيه التماثيل إللي إنتم قاعدين عليها طول النهار دي، هم بيسمعوكم لما بتدعوا وتطلبوا منهم حاجة؟
هل بينفعوكم بشيء ؟
"إذ قَالَ لِأَبِيهِ وَقَوْمِهِ مَا هَذِهِ التَّمَاثِيلُ الَّتِي أَنْتُمْ لَهَا عَاكِفُون "

الطبيعي والمنطقي إنهم يجاوبوا ويقولوا يا أه يا لأ،
لكن دول قالوا :
إحنا لقينا آباءنا بيعبدوها فعبدناهم

"قَالُوا وَجَدْنَا آبَاءنَا لَهَا عَابِدِينَ "
زي إللي بيقول إحنا لقينا الناس بتعمل فعملنا زيهم،
لقينا الناس بتلبس مقطع فلبسنا،
لقينا الناس بتشتم وبتقول ألفاظ بذيئة فبقينا نقول زيهم،
لقينا الناس بترمي الزبالة في الشارع فبقينا بنرمي إحنا كمان...
والحجة ما الناس كلها بتعمل كده👌

فقال لهم إبراهيم عليه السلام إنتم وآباؤكم غلط، آباؤكم ضلوا وإنتم كمان ضليتم لما مشيتوا وراهم وقلدتوهم
"قَالَ لَقَدْ كُنْتُمْ أَنْتُمْ وَآبَاؤُكُمْ فِي ضَلَالٍ مُبِينٍ "
اعبدوا الله ..هو إللي خلقكم ورزقكم وإللي إنتم بتعبدوهم دول لا يملكون أي شيء ينفع ولا يضر،

فقالوا له : إنت بتتكلم جد فعلا ولا بتألف وبتهزر
"قَالُوا أَجِئْتَنَا بِالْحَقِّ أَمْ أَنْتَ مِنَ اللَّاعِبِينَ "
فقال لهم :
أنا بتكلم جد جدا طبعا!! ربكم إللي خلق السموات والأرض وخلق النجوم والكواكب إللي إنتم بتعبدوها👌
"قَالَ بَل رَبُّكُمْ رَبُّ السَّمَوَاتِ وَالْأَرْضِ الَّذِي فَطَرَهُنَّ وَأَنَا عَلَى ذَلِكُمْ مِنَ الشَّاهِدِينَ"

وأحلف لكم بالله أنا هوريكم هعمل إيه بالأصنام بتاعتكم دي وهتشوفوا إزاي إنها لا حول لها ولا قوة ولا قادرة حتى تمنع الضرر عن نفسها😤
"وَتَاللَّهِ لَأَكِيدَنَّ أَصْنَامَكُمْ بَعْدَ أَنْ تُوَلُّوا مُدْبِرِينَ"

وفعلا في يوم من الأيام كان عندهم زي عيد بيخرجوا فيه للصحراء، فانتهز إبراهيم عليه السلام الفرصة وقالهم أنا مريض ومش هقدر أروح معاكم،
"فَنَظَرَ نَظْرَةً فِي النُّجُومِ * فَقَالَ إِنِّي سَقِيمٌ فَتَوَلَّوْا عَنْهُ مُدْبِرِينَ"

وفعلا راح المعبد إللي فيه الآلهة المزعومة بتاعتهم ولقى قصادهم أصناف الأكل كلها وهي زي ماهي،
قال للأصنام باستهزاء: إنتم مش هتاكلوا
إيه مش بتنطقوا ليه
"فَرَاغَ إِلَى آلِهَتِهِمْ فَقَالَ أَلَا تَأْكُلُونَ * مَا لَكُمْ لَا تَنْطِقُونَ"

فراح نازل عليهم تكسير بالفأس لحد ما كسرهم كلهم ما عدا واحد بس وكان أكبر واحد فيهم حجما،
"فَرَاغَ عَلَيْهِمْ ضَرْبًا بِالْيَمِينِ"
علق الفأس على رقبته وسابه ومشي، رجع الناس شافوا التماثيل متكسرة 😳
"فَجَعَلَهُمْ جُذَاذًا إِلَّا كَبِيرًا لَهُمْ لَعَلَّهُمْ إِلَيْهِ يَرْجِعُونَ "

قالوا مين الظالم إللي عمل كده في آلهتنا
فناس منهم قالوا إحنا سمعنا واحد بيهدد الآلهة بتاعتنا اسمه إبراهيم🤔
"قَالُوا مَن فَعَلَ هَذَا بِآلِهَتِنَا إِنَّهُ لَمِنَ الظَّالِمِينَ * قَالُوا سَمِعْنَا فَتًى يَذْكُرُهُمْ يُقَالُ لَهُ إِبْرَاهِيمُ "

فقالوا هاتوه 😡 قصاد الناس كلهم عشان نشوف حكايته إيه وعمل كده ليه
"قَالُوا فَأْتُوا بِهِ عَلَى أَعْيُنِ النَّاسِ لَعَلَّهُمْ يَشْهَدُونَ"
وهو ده بالضبط إللي كان عايزه إبراهيم عليه السلام

ياترى إيه الحوار إللي هيحصل بين إبراهيم عليه السلام وقومه؟
وهل هيؤمنوا في الآخر ولا هيستكبروا زي الأقوام إللي سبقوهم؟
ده إللي هنعرفه في الجزء الجاي إن شاء الله.


#Eman_Shalapy

💌لقد كبروا يالله وبدأت تتغير ملامحهم وأفكارهم ..
❤️جمّلهم بالستر والعفة وارفعهم بالهمة والعزة
❤️احفظهم لي من زمن كل ما فيه فتن
🔖علمني الحكمة في تربيتهم.. والأسلوب.. في توجيههم
🚫لا تجعلني تعبًا لهم.. ولا تجعلهم تعبًا لنا.
🌷واجعلهم فخري ..وراحة لصدوري.. وقرة لعيني وارزقني تمام برهم في حياتي وبعد مماتي
📑ولا ترفع عني.. وعنهم ..معيتك.. ما أبقيتهم وأبقيتني إنك بنا حليم خبير
🌷 يا قدير يا مقتدر يا قادر لاتكسر لي فيهم قلب.. ولا رجاءً ..ولاخاطرً يارب العالمين 🤲🏻

#كيف_تحتسبين__الأجر_في_حياتك_اليومية
25)

⁉ماذا تحتسبين في الستر على المسلمين ؟

*العجيب❗*

📌أن بعض النساء قد تهتك ستر أقرب الناس إليها!..

🚫 فهذه تقول: زوجة ابني تفعل وتفعل...وأخرى تفضح أسرار أقاربها...وثالثة تقول: زوجي كذا وكذا... 
أما الرابعة فتشهر بزوجة أخيها في كل مجلس...وتلك لم يبق أحد لا يعرف أفعال أم زوجها وأخواته... 
فضلا عن التشهير بالجيران، وزميلات العمل مرورا بالمديرة إلى المستخدمات...

⛔️ وهناك المعلمة التي 
تهتك ستر الطالبة...كما نال الخادمات في المنازل الحظ الأوفر من التشهير وهتك الستور! 
قد تفعل بعض النساء ذلك كله وتعتبره بكل بساطة من باب الفضفضة ومتعة الحديث!!... وما علمت أن  كل هؤلاء مسلمات حرام عرضهن.

*يا شذي الخزامى...📝*

قد تطلعين على أسرار بعض البيوت إما مباشرة لإحتكاكك القوي بهم، أو لحاجتهم إلى استشارتك في  خصوصياتهم، وربما تطلعين على تلك الأسرار بطريقة غير مباشرة كأن تصلك أخبار أكيدة عن "أسباب طلاق فلانة".. وقد تكونين على علم بأمور حساسة تتعلق "بالخصومة التي بين آل فلان وآل فلانة" 
فاحذري! أن يكون هتك تلك الستور حديثك في المكالمات الهاتفية والمجالس الخاصة حيث حلوى بعض النساء أعراض المسلمين مع الشاي والقهوة!!..

✍ أ. هناء الصنيع


🌹المهاجرات🌹

🌙 *همسة مسائية* 🌄

*‏الباقيات الصالحات* :

هي الأعمال الصالحة التي يكون لها ثواب في الآخرة، فهي كالشّجرة المُثمرة التي تبقى ثمرتُها بعد انتهاء هذه الدنيا

‏ *قال النبي ﷺ( استكثِروا من* *الباقياتِ الصّالحات قيل: وما هنّ* *يا رسول الله ؟*
‏ *قال : التّكبير والتّهليل والتسبيح* *والحمد لله ولا حول* *ولا قوة إلا بالله* ).

*لؤلؤة أم قنبله*⚡⚡

وصلنا المره اللي فاتت لسؤال مهم
ليه التعري محرم في الجنه ومش من نعيمها؟

التعري خروج بالأساس عن الفطرة الإنسانية
والسبب القوي لانتشار الشهوات وانهيار الأخلاق 😥

تعالو نشوف ثلاثة أحاديث صحيحة عن الرسول صلى الله عليه وسلم ونقارن بين البعض منا وبين الصحابيات اللي حسوا بطعم الإسلام وحلاوته وترجموا ده لكل حاجة في حياتهم فارتقت نفوسهم وأصبحت تعاليم الإسلام فطرة عندهم

📚الحديث الأول :
الحديث الذي في الصحيحين من حديث ابن عباس رضي الله عنهما أنه قال لعطاء: ألا أريك امرأة من أهل الجنة؟ قال: بلى، قال: هذه المرأة السوداء أتت النبي صلى الله عليه وسلم فقالت: إني أصرع وإني أتكشف فادع الله لي، قال: إن شئت صبرت ولك الجنة، وإن شئت دعوت الله أن يعافيك، قالت: أصبر، قالت: فإني أتكشف فادع الله أن لا أتكشف، فدعا لها.

سمعنا الحديث ده كتير وقرأناه أكتر
الحديث باختصار معناه إن امرأة كان يصيبها الصرع في عهد الرسول صلى الله عليه وسلم وكانت لما بيجي ليها حالة الصرع ممكن ملابسها تتحرك فيبان جزء منها و تتكشف .
فراحت للرسول صلى الله عليه وسلم تطلب منه إنه يدعيلها ربنا يشفيها من الصرع علشان متتكشفش أمام الناس

سبحان الله
مش هاممها المرض
كل اللي يهمها إنها متتكشفش أمام الناس.😔

يا ترى لو نزلت بلاد المسلمين دلوقتي وشافت المسلمات ماشيين في الشارع وهم كاشفين رجلهم وإيديهم وشعرهم بإرادتهم مش غصب عنهم
كاشفين جسمهم وهم فخورين باللي بيعملوه وحريصين عليه وفرحانين بيه
يا ترى كانت هتقول ايه ؟ 😢

📚الحديث الثاني :

قالت عائشة رضي الله عنها: "رحم الله نساء الأنصار، لما نزلت "يا أيها النبي قل لأزواجك وبناتك ونساء المؤمنين" الآية، شققن مروطهن فاعتجرن بها، فصلين خلف رسول الله صلى الله عليه وسلم كأنما على رؤوسهن الغربان".
وفي رواية لها عند البخاري: "شققن مروطهن فاختمرن بها".

💡أخدتم بالكم من الجزء ده ؟ 👈"شققن مروطهن "

ياه دول لما سمعوا الآية بتأمرهم بالحجاب مستنوش لغاية ما يخرجوا من بيتهم علشان يروحوا السوق ويشتروا حاجة يتحجبوا بيه 😳

لأه ❌ ازاي يتأخروا عن تطبيق أمر الله حتى ولو مش عندهم الحاجة اللي هيطبقوا بيها أمر الله!

طيب هيعملوا ايه ؟ 🤔
يجيبوا الملابس اللي عندهم في البيت ويقطعوها ويعملوها حجاب

❌مش ممكن بعد ما أمرهم الله بالحجاب يخرجوا من بيوتهم من غيره أبدا

ياترى لو خرجوا في بلادنا دلوقتي هيقولوا ايه على بنات المسلمين
اللي سمعوا وقروا وعرفوا إن الحجاب فرض ومع ذلك خارجين من بيوتهم مش محجبات وعادي خالص وكأنه لا يعنيهم وكأن الأمر موجه لناس غيرهم😢

⚠️مع إن الأمر صريح
وكأنهم لم يسمعوا بأمر الله تعالى في سورة الأحزاب : " يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين وكان الله غفورا رحيما "

📚الحديث الثالث :

عن ابن عمر رضي الله عنه عن النبي صلى الله عليه وسلّم قال: «من جر ثوبه خيلاء لم ينظر الله إليه يوم القيامة». فقالت أم سلمة فكيف يصنع النساء بذيولهن؟ قال: «يرخين شبراً». قالت إذن تنكشف أقدامهن!. قال: «فيرخينه ذراعاً ولا يزدن عليه».
أخرجه النسائي والترمذي و أحمد و أبو داود، و صححه الألباني في سلسلة الأحاديث الصحيحة

يا سبحان الله
همّ دول النساء المسلمات بجد مش في البطاقة وخلاص
نساء الحياء فطرة عندهم

الرسول صلى الله عليه وسلم بيقول ان اللي يطول ملابسه بحيث تجرجر في الأرض تكبرا لن ينظر الله اليه يوم القيامة
تقوم أمنا أم سلمة ترد وتقول ايه
تقول ازاي النساء هتمشي وأقدامهم باينه ؟ 😳 مينفعش أقدامنا تبان ( مش رجلينا وايدينا وشعرنا )
مشكلتها قدمها تبان 😓

معلقتش عن المعنى المطلوب من الحديث وهو التكبر
لأه مسكت في موضوع تاني خالص
مسكت في أنها لو طبقت المعنى المراد يبقى هتقصر ثوبها علشان ميجرجرش في الأرض وتدخل في الوعيد اللي ظهر في الحديث
لكن لو قصرته قدمها هتبان
يااااااااه
مش لاقية كلمة توصف الموقف
ناس حريصة بفطرتها إنها تستر نفسها
وفي المقابل بنلاقي ناس بتحرص على إنها تكشف نفسها 😢

يا ترى لو أم سلمة رضي الله عنها مشيت في شوارع المسلمين هتقول ايه ؟😔

كل القصص دي منبعها فطرة الحياء وحب الستر وامتثال أمر الله سبحانه و تعالى

واللي يساعدنا أكثر وأكثر على امتثال أمر الله تعالى في لبس الحجاب إننا نعرف حكمه

فما حكم الحجاب في الإسلام والدليل عليه؟

انتظرونا غدا بإذن الله 👌🏻

#لؤلؤة_أم_قنبلة
# هبه حلمي

🌒

*الحمدلله أن لنا رباََ إن أُغْلِقَتْ الأبوابُ لا يُغلق بابه ..*
الحمد لله القريب من عبده المُجيب لدعائه ..
*اللهم ارفع الغمة عن الأمة.*
اللهم اجعلنا في حرزك وأمانك وضمانك
*اللهم إنا نستغفرك من الذنوب التي تستوجب النقم ....*
اللهم أنت التواب الرحيم تب علينا توبة تطهر بها قلوبنا وتغسل بها ذنوبنا وتصلح بها عيوبنا .. يارب
#الوتر_جنة_القلوب

ليطمئن قلبك 🤍

﴿ فَأُولَٰئِكَ كَانَ سَعْيُهُم مَّشْكُورًا ﴾

أيرهقك السعي للآخرة ؟!!

ولك رب يشكر خطاك الواهنة
وجهادك المستمر للثبات
بل ويضاعف أجرك
لصدق إيمانك !
♥♥
#صباحنا_سعي

(لنختم القرآن سماعا)

الورد ( ٩٥ )

(الربع الثالث & الحزب الرابع العشرين)

#القارئ: هيثم الدخين
#ليدبروا على التليجرام
#صباحكم_قرآنٌ_يُتلى

انتبه 👆🏻
مستقيم ثم ينتكس لماذا ؟