متى ينتهي وقت صلاة العشاء بارك الله فيكم؟ هل صحيح أنه بعد منتصف الليل تصير صلاة العشاء قضاء؟ جزاكم الله عنا خير

ج / العشاء لها وقتان، وقت اختيار ووقت ضرورة، فوقت الاختيار إلى نصف الليل ووقت الضرورة إلى الفجر، ولا يجوز تأخير الصلاة إلى وقت الضرورة من غير عذر ثم هي أداء وليست قضاء إذا وقعت في وقت الضرورة.

الشيخ محمود مداد

هل المرأة قادرة على أن تغير رجل سيئ الأخلاق إلى رجل صالح؟

ج/ صعب جدا ونسب النجاح في ذلك قليلة جدا ونسب الفشل والمعاناة أكبر بكثير ومفيش ما يدعو لذلك. من الأفضل ليها تتجوز الإنسان التقي الحسن الخلق ابتداء ويساعدوا بعض في مساحات النقص البسيطة الطبيعية اللي يمكن احتمال عدم تغيرها.

بارك الله فيكم ويسر لكم الخير

الشيخ هيثم سمير عبد الحميد

يا شيخ هو صحيح ان الفراخ البلدى او البط بياكلوا النجاسة ف عشان كده حرام اكلهم ؟ انا كنت قرأت فتوى بتقول كده.

ج / ما يربى في البيوت من هذه الطيور وكذا ما يربى في المزارع مما يعرف ما تأكله فعامته طاهر، ولا داعي لهذه الوَساوس، فإن علم أن طعامها يغلب عليه النجاسة فإنها تحبس وتعلف طاهرا قبل أن تذبح.

الشيخ محمود مداد

#بوصلة_حياة_المرأة

ذم التسويف في القرآن
في يوم من الأيام وفي فترة من الفترات اللي المسىلمين كانوا بيعانوا فيها أشد المعاناة أخبرهم النبي إنهم هيخرجوا للجهاد
كان في صعوبات كتير أمامهم
كان الوقت ده وقت جدب وقحط (الصعوبة الأولى)
جيش الرومان عدده اربعين الف بيتجهز عشان يحارب المسلمين والرومان قوة عظمي بل أكبر قوة في الوقت ده (الصعوبة الثانية)

المسافة بعيدة جدا حوالي ألف كيلو والطريق وعر(الصعوبة التالتة)
مفيش فلوس مع النبي صلى الله عليه وسلم يجهز الجيش(الصعوبة الرابعة)
الجو في أشد وأقوى فترات العام حرارة (الصعوبة الخامسة)
الزرع هيبدأ يطرح والمسلمين في أشد الحاجة ليه وهما في القحط ده(إغراء رهيب)
المسلمين في منهم كتير هيخرجوا للغزوة على رجلهم مشي المسافة دي كلها عشان مفيش امكانيات(الصعوبة السادسة)
الطابور الخامس اللي هما المنافقين بدوا يحاولوا بث الروح السلبية في المسلمين اللي يجي بصدقة كبيرة يقولوا ده مرائي واللي يجي بصدقة قليلة يسخروا منه بالاضافة للكلام السلبي (صعوبة سابعة)
رغم كل ده
أخد النبي صلى الله عليه وسلم القرار الحاسم بالخروج للمعركة وعرف الصحابة صعوبة الأمر وخرجوا وكل ١٨واحد بيبدلوا على بعير واحد بس في غزوة تبوك.
الصعوبات بتتوالي والصحابة عطشانين مفيش ميه يضطروا يدبحوا جمل عشان ياخدوا الميه اللي مخزنها في جسمه من جوا.
الصعوبات بتزيد والاغراءات كمان فجأة يلاقوا وادي ميه يملوا ميه ويفرحوا جدا ولكن النبي يأمرهم ميشريوش من المية دي لأسباب ويستجيبوا رغم العطش الشديد والاجهاد الفظيع
صعوبات تلو صعوبات
واغراءات في وسط أشد الحالات صعوبة

ولكن هما حاطين هدف أدام عينهم
واخدين القرار
في تحدي للصعوبات
عنيهم على الغاية العظمي
أمواج بحر الصعوبات بتزيد وبترتفع بس في مقاومة إيجابية مع حسن توكل على الله عز وجل
النتيجة المسلمين رغم التعب وصلوا لهدفهم ونالوا رضوان الله عز وجل
التحديات موقفتهومش
موقعتهومش
مقتلتش جواهم الإرادة
الصعوبات هي التي تصنع الابطال والعظماء
بس كان في ٣ من الصحابة كلنا عارفين حكايتهم
إيمانهم صادق
بس عملوا حاجة صعبة أوي وي زي ما القرآن أخبرنا
هما خضعوا للتسويف
كانوا كل شوية يقولوا شوية وهنبدأ نتحرك ونلحق الجيش لحد الجيش ما بعد تماما وفاتهم فريضة الجهاد رغم صدق إيمانهم
ونزل عتاب شديد ليهم
فترة طويلة محرومين من أن أي حد مسلم يكلمهم أو إن الرسول يكلمهم
كل ده بسبب التسويف
تخيلوا يبقا صحابي عينه في عين الرسول ومحروم يتكلم معاه بأمر الهي
والسبب اللي وصلهم لكده ..التسويف
تخيلوا الأمر كبير ازاي

طيب انا عاوزه اقول ايه من ده كله؟
عاوزه أقولك التسويف بيضيع على الإنسان فرص عظيمة في الدنيا والآخرة
اقرئي غزوة تبوك وأحداثها واعرفي حكاية توبة الثلاثة الذين خلفوا
ركزي في الأحداث كويس
ارجعي اقرئي المحاضرة تاني وشوفي وصلتِ لأيه

رضا الجنيدي
#بوصلة_حياة_المرأة

✍ كلنا راحلون ويبقى الأثر.. فلنترك أثرا قبل الرحيل.

صفحة المدربة والمستشارة الأسرية رضا الجنيدي على التلجرام
@Redaalgeneedy
صفحتنا على الفيس بوك
https://m.facebook.com/Reda.Geneedy

كنز من كنوز الجنة 📍

*قيام الليل من أعظم الصَّلوات عند الله!*

لا تترك قيام الليل ولو ركعات يسيرة، هذه الرَّكعات اليسيرة تبثُّ الطُّمأنينة والسَّكينة والرِّضا في قلبك، هذه الرَّكعات تُقوِّي بها صلتك من الله عزَّ وجل؛ *فلا تُفرِّط فيها.*

#قيام_الليل_شرف_المؤمن
*الوتر لنُرمّم فيها أرواحَنــا وتطمئـــن نفوسَــــنا*