الجواب على قولين :الأول :
إن الدجال ممنوع من دخول مكة والمدينة لما يخرج في آخر الزمان وتظهر فتنته،
أما قبلها أو في الزمن الماضي فمفيش أي نص شرعي بيدل على منع الدجال من دخول مكة والمدينة، فممكن رسول الله ﷺ لما شاف الدجال يطوف بالبيت الحرام كان قبل ظهور فتنته،
وده كمان بيجاوب على الناس إللي سألت إزاي رسول الله ﷺ شك في ابن صياد إنه الدجال وابن صياد كان عايش في المدينة،
لأن الدجال ممنوع من دخول مكة والمدينة أو المساجد إللي قلنا عليها في وقت فتنته فقط👌

القول الثاني:
إن الرؤيا إللي رآها رسول الله ﷺ كانت رؤيا منام لها تعبير وتفسير، ومش معنى إن رؤيا رسول الله ﷺ وحي وحق إنها لازم تكون على ظاهرها، ممكن تيجي على سبيل ضرب الأمثال،
يعني مثلا رسول الله ﷺ مرة شاف رؤيا إن الناس بتتعرض عليه وهم لابسين قُمُص يعني بلهجتنا جلاليب،
في إللي كان لابس جلابية قصيرة جدا لحد صدره وإللى كان لابس أطول شوية وإللي كان لابس جلابية متوسطة الطول، وشاف عمر بن الخطاب لابس جلابية بيجرها وراه،
فلما حكى للصحابة سألوه إنت أوّلتها أو فسرت الرؤيا دي بإيه يا رسول الله،
قال لهم : الدين!
يعني ناس دينها أو تقواها أو إيمانها بسيط، وناس دينها متوسط لكن عمر دينه كبير جدا لدرجة إنه مغطيه وبيجره وراءه،
مع إن رسول الله ﷺ نهى عن جر الثوب وإن ما أسفل الكعبين فهو في النار، لكن في الرؤيا الوضع مختلف والرؤيا لها تأويل👌
فبعض العلماء عبّروا رؤيا رسول الله ﷺ للدجال وهو يطوف حول الكعبة بإن الطواف معناه الدوران، فطواف أو دوران عيسى عليه السلام حول الكعبة معناه إن له مهمة هيكملها وهي إنه هيطوف في الأرض لنشر الدين وإقامة أموره وإصلاح ما فسد منه،
أما طواف الدجال فمعناه إن هو كمان له مهمة ناوي يكملها وهي الإفساد وفي الأرض وفتنة الناس.

فاللي عايز يهرب من الدجال إما يهرب للجبال أو يسكن مكة والمدينة أو يلجأ للأربعة مساجد إللي قلنا عليهم،
☆طيب ماهو في ناس أكيد مش هتقدر تروح الأماكن دي، تعمل إيه بقى ساعتها🤔
إجابة السؤال ده هتاخدنا للعامل الثالث أو الطريقة الثالثة للوقاية من فتنة الدجال:
◇ثالثا: حفظ أول عشر آيات من سورة الكهف
قال رسول الله ﷺ:
" مَنْ حَفِظَ عَشْرَ آيَاتٍ مِنْ أَوَّلِ سُورَةِ الْكَهْفِ عُصِمَ مِنَ الدَّجَّالِ"
يعني إللي يحفظ أول عشر آيات من سورة الكهف وجاءه الدجال فقرأ عليه العشر آيات دول؛ الدجال مش هيقدر يضره ولا يفتنه ولا يعمل له أي حاجة👌
لكن مش هو إللي يروح يدوّر على الدجال😅
لأ، هو يبعد عنه ويتجنب فتنته، ولو الدجال لحقه وقدر يوصل له يقرأ عليه العشر آيات الأولى من سورة الكهف،
قال رسول الله ﷺ:
"فَمَنْ أَدْرَكَهُ مِنْكُمْ، فَلْيَقْرَأْ عَلَيْهِ فَوَاتِحَ سُورَةِ الْكَهْفِ"

☆طبعا أكيد هييجي في بالنا سؤال: اشمعنى يعني أوائل سورة الكهف ماحنا ممكن نقرأ أي آيات من أي سورة😅

شوفوا،
العلماء قالوا إن سورة الكهف بصفة عامة ذُكر فيها كل الفتن إللي ممكن يتعرض لها أي إنسان في الدنيا،
وهي فتنة المال في قصة صاحب الجنتين وفتنة المُلك أو السلطان في قصة ذو القرنين وفتنة العلم في قصة موسى والخَضر، وأهم الفتن فتنة الدين وده إللي بدأت به السورة وكان أبطالها أصحاب الكهف،
وفتنة الدجال هي في الأصل فتنة في الدين داخل فيها فتنة المال والسلطان والعلم،
وإللي تعرّض لفتنة الدين هم فتية أصحاب الكهف إللي هربوا من الملك الطاغية الجبار ودخلوا الكهف عشان يحفظوا دينهم،
فلما الإنسان يحفظ الآيات دي ويعرف معناها هيقدر ينجو من الطاغية الدجال ويأمن على دينه زي ما نَجّى أصحاب الكهف من طاغيتهم وأمِنُوا على دينهم،
فآيات سورة الكهف زي الدّرع كده إللي بيحمي الإنسان،
طبعا والله أعلم، لأن دي أقوال العلماء واجتهاداتهم😅

☆ملحوظة قصة أصحاب الكهف قلناها في قصص الأنبياء، وإللي مقرأهاش أو حابب يقرأها مرة ثانية هيلاقي الرابط بتاعها في التعليقات😊👇

يبقى كده الدجال هيمشي في الأرض ويفتن الناس، هيتّبعه من يتّبعه ويُثبّت الله من يُثبته لحد ما يوصل للمدينة، هيحاول يدخلها فتمنعه الملائكة من دخولها بالسيوف، في كل نَقَب أو في كل طريق ملائكة يحرسونها،
فهيعسكر خارج المدينة في مكان اسمه الضَّرِيب الأحمر عند منقطة السّبْخة وهي الأرض الرملية المالحة التي لا تُنبت زرعاً،
فساعتها المدينة هترجف ثلاث رجْفَات، يعني أرض المدينة هتهتز ثلاث مرات، بعد الاهتزاز ده هيخرج منها كل كافر ومنافق ويتوجه ليتبع الدجال،
يعني الدجال مش هيقدر يفتن الناس في المدينة ويختبرهم وفيهم ساعتها الكافر والمنافق والملحد وتارك الصلاة والمُسْتهزئ بالدين،
فربنا هيجعل الأرض تهتز عشان الناس دي تخرج وتلحق بالدجال ويتبقى الصالحين في المدينة،
قال رسول الله ﷺ:
" وسلم: «ليس من بلد إلا سيطؤه الدجال، إلا مكة والمدينة، وليس نقَب من أنقابِها إلا عليه الملائكة حافين تحرسها، فينزل بالسّبخة، فترجف المدينة بأهلها ثلاث رجْفات، يخرج إليه منها كل كافر ومنافق"

في وسط الأحداث دي كلها واتّباع أكثر الناس للدجال هيخرج شاب مؤمن من خير الناس في الزمن ده ويواجه الدجال عشان يبين حقيقته للناس،
الناس دلوقتي مخدوعين فيه وساعتها العلم قليل جدا والجهل منتشر بين الناس، وفي حديث بيقول إن الدجال هيخرج في وقت الناس نسيته أصلا ومبقاش في حد يُذَكّر الناس بفتنته ولا يُذكر اسمه على المنابر:
قال رسول الله ﷺ:
" لا يخرج الدجال حتى يَذْهل الناسُ عن ذكره"
《الحديث الأخير ده👆 فيه علماء قالوا عنه صحيح وعلماء قالوا ضعيف》
لكن الأكيد إن الدجال هيخرج في وقت الجهل منتشر فيه والعلم قليل جدا👌
فالشاب المؤمن ده هيخرج من المدينة ويقول للناس إن الرجل إللي بيدعي إنه إله هو المسيح الدجال إللي رسول الله ﷺ حذر منه، فجنود الدجال وأعوانه هيوقفوه ويمنعوه من إنه يروح للدجال ويسألوه:
انت مش مؤمن بربنا؟!
قال رسول الله ﷺ:
"يخْرُجُ الدَّجَّالُ فَيتَوَجَّه قِبَلَه رَجُلٌ منَ المُؤمِنين فَيَتَلَقَّاهُ المَسالح: مسالحُ الدَّجَّالِ، فَيقُولُونَ لَهُ: إلى أيْنَ تَعمِدُ؟
فيَقُول: أعْمِدُ إلى هذا الَّذي خَرَجَ، فيقولُون له: أو ما تُؤْمِن بِرَبِّنَا؟
فهيرد عليهم الشاب ويقول:
ربنا لا يخفى علينا احنا عارفينه كويس👌
"فَيقُولُ: "مَا بِرَبنَا خَفَاء"
فالجنود هيقولوا : اقْتُلُوه😡
وبعدين هيترددوا في قتله ويقول بعضهم لبعض:
أليس قد نهَاكم ربكم أن تقتلوا أحداً دونه😥
يعني مش الدجال قال لكم محدش يقتل حد غير لما تقولوا له الأول وترجعوا له،
فهياخدوا الشاب المؤمن ويروحوا للدجال، وأول ما الشاب المؤمن يشوفه هيقول للناس :
يا أيها الناس! هذا المسيح الدجال الذي ذكر رسول الله ﷺ !!
فالدجال هيأمر جنوده إنه يأخذوه ويضربوه،
" فيَأمر به الدجال فَيُشبَّحُ -أي: يُمد ليُضرب هذا الشاب- فيقولوا: خذوه وشُجّوه، فيُوسع ظهره وبطنه ضرباً"
فبعد التعذيب ده الدجال هييجي يسأله:
انت مش هتؤمن بي😈
فالشاب هيقول له:
انت المسيح الكذاب😡
فالدجال هيقول لأتباعه لو أنا قتلت لكم الشاب ده وأحييته مرة تانية هتشكوا فيّ😈
فالناس هيقولوا : لأ😤
فيأمر الدجال أتباعه إنه يشقوا الشاب نصين بالمنشار من رأسه لحد رجله😶
ويأمرهم إنه يباعدوا بين النصين ويمشي بين النصين المقطوعين وبعدين يقول للشاب المقطوع ده: قُم!
فيقوم الشاب واقف ويتجه ناحية الدجال وهو يضحك وكأنه لم يُقتل 😮
وطبعا الناس شايفين القدرات الخارقة للدجال ومذهولين😲

☆إحياء الشاب مرة ثانية بأمر الله عشان يختبر الناس، لكن
الدجال لا يملك أي شيء نهائي👌

فالدجال هنا هيسأل الشاب المؤمن مرة ثانية:
هل تؤمن بي😈
فالشاب يرد عليه بكل إيمان وثقة بالله:
ما ازْددت فيك إلا بصيرة👌
يعني أنا اتأكدت أكثر إنك انت الدجال الكذاب،
بعدها على طول الشاب هيقول للناس :
الدجال لن يُسلط على أحد بعدي👌
يعني الدجال مش هيقدر يؤذي أحد بعدي انا آخر واحد الدجال هيُسلط عليه،
فالدجال هيقوم واخده عشان يذبحه فرقبة الشاب هتتحول لنُحاس بقدرة الله عز وجل، والسيف ميقدرش حتى يخدش رقبة الشاب،
فيقوم الدجال ماسك الشاب من إيده ورجله وراميه في النار إللي معاه، ولكن في الحقيقة النار دي جنة زي ما رسول الله ﷺ أخبر،
رسول الله ﷺ قال إن الدجال معاه نهر من نار ونهر من ماء، أو معاه جنة ومعاه نار، لكن الحقيقة غير إللي ظاهرة للناس،
نار الدجال جنة، وجنته نار،
والنهر إللي من نار ده في الحقيقة هو ماء بارد،
عشان كده رسول الله ﷺ قال إللي يقابل الدجال ميدخلش جنته، لكن يتجه ناحية النار بتاعته ويوطي راسه ويغمض عينه ويشرب من نهر النار فهو ماء بارد👌
قال رسول الله ﷺ:
" معه نهرانِ يجريان أحدُهما رأْيَ العينِ ماءٌ أبيضُ،
والآخرُ رأيَ العينِ نارٌ تَأَجَّجُ ، فإمَّا أدْرَكَهُنَّ واحدٌ منكم ، فلْيَأْتِ النهرَ الذي يراه نارًا ، ثُمَّ لْيَغْمِسْ، ثُمَّ لْيُطَأْطِئْ رأسَهُ فيَشْرَبُ ، فإِنَّه ماءٌ بارِدٌ"
فالشاب المؤمن ده الدجال رماه في النار بتاعته على إنها نار ولكن في الحقيقة هي جنة والدجال نفسه ميعرفش المعلومة دي، رسول الله ﷺ هو بس إللي يعرف 🤭
قال رسول الله ﷺ:
"لَأَنَا أعلمُ بما مع الدجالِ منَ الدجالِ"

☆نستفيد من موقف الشاب المؤمن ده أد إيه العلم الشرعي مهم جدا👌
هو إيه الفرق بين الشاب ده وبين الناس إللي اتبعوا الدجال، مش العلم؟!
دلوقتي في زماننا كل شوية تطلع فتنة وراء التانية والناس تحتار يا ترى الحق مع مين، يا ترى الحق فين،
لكن لو الناس عندها علم مش هتبقى في حيرة كده،
ولولا إن الشاب ده كان عنده علم بالدجال وصفته وفتنته كان زمانه اتبعه زي باقي الناس،
ونستفيد كمان من موقف الشاب القيام في وجه الظلمة والإنكار عليهم 《للمُستطيع القادر》،
مش إن واحد جبان يبقى متشجع في البداية للإنكار وبعدين أول ما يقف قصاد الجبار أو الطاغية خاف واتزلزل واعترف بالباطل وبقى كمان من أعوانه😑
فاللي يقدر يقوم في وجه الظالم زي الشاب المؤمن ده كان مفيش مشكلة غير كده يبقى يبعد عن الفتن👌

وبسبب موقف الشاب ده رسول الله ﷺ قال عنه:
"هذا أعظم الناس شهادةً عند رب العالمين"
لأنه شهد إنه الدجال أمام الناس على الرغم من كل إللي تعرض له من أذى وابتلاء فقُتل شهيدا👌
الدجال هيحاول يدخل المدينة أكثر من مرة لكن الملائكة تدفعه، وهيتجه خلف جبل أُحد، وفي رواية إنه هيطلع على جبل أحد ويقول للناس إللي معاه شايفين القصر الأبيض، يقصد مسجد رسول الله ﷺ،
هنا هتدفعه الملائكة وتخليه يتجه ناحية الشام،
قال رسول الله ﷺ:
" يأتي المسيحُ من قِبَل المشرق، وهِمّتُه المدينة، حتى إذا جاء دُبُر أُحد تلقّته الملائكة، فضربت وجهه قِبَل الشام"

اشمعنى الشام وإيه إللي هيحصل للدجال هناك، ده إللي هنعرفه الجزء الجاي إن شاء الله

#Eman_Shalapy

*تسجيل حلقة فقه النكاح والطلاق وفيها*
*عده الطلاق والوفاه👇*
د/وفاء العبيدي

١١ استعاذة و ٣ مطالب🌻

بالله عليكم يا بنات بطلوا تجروا ورا البوستات اللي بتقول:
النساء خُلِقنَ للراحة والدلع والاستجمام وصفاء البال والتأمل في ملكوت الله اللي أصحابها يمكن بيظنوا إنهم كدة بيقاوموا التيار النسوي اللي بيحاول يقحم النساء في سوق العمل وحاجة تحسسنا يعني إن الست لما هتقعد في البيت فهي بتتفرغ لاحتساء القهوة في النافذة..

متقاوموش الضرر بضرر آخر
عشان أنا حاسة إننا بنشدكم من وحل النسوية، وندخل بيكم في وحل الكسل والاعتمادية

احنا لما بنقول للبنات يفهموا معنى وجودهم في البيت، فالمعنى ده بيعكس مسؤوليات وواجبات عليها، سواء كانت زوجة أو أم أو ابنة، عندها دواير مختلفة بتتحرك فيها كإنسانة

قعدة البيت مش معناها أنتخة
النبي عليه الصلاة والسلام كان بيستعيذ من الكسل

قعدة البيت مش معناها إنتاج فتاة لا تعرف من الحياة إلا الطلب والاستحقاق
أنا عايزة.. جيبولي.. مش انتوا مسؤولين عن النفقة عليا..

وتتمحور حياتها حوالين الاستهلاك فقط..

قعدة البيت مش معناها قلة تقدير وعدم إدراك لصعوبة المعيشة..

ومش محتاجة أقول إن كل ده مش أنوثة بطبيعة الحال..

ومع نظرة بسيطة على نساء المجتمع النبوي، والقدوات النسائية البارزة على مدار تاريخ الإسلام، هتلاقي إن مفيش حد فيهم حياته كانت سهلة أبدًا..

لأنه مفيش حياة سهلة أساسًا.. والبنات مهم تفهم ده
لما أنا النهاردة عشان أبعد البنت عن لوثة الرأسمالية وساقية سوق العمل، أصدَّر ليها صورة مثالية عن شكل الحياة "الأنثوية" يبقى أنا بضرها..

لأني نسيت قبل ما أعلمها إنها أنثى
أفتكر إنها أصلاً إنسان .. مخلوق في كبد
جزء أساسي من رحلتها الألم والابتلاء
والقوة النفسية مش في عداء مع الأنوثة
زي ما تعلم الاعتماد على النفس مش معاكس لحفظ مقام القوامة

ولأنها لما هتيجي تبص لحياتها الواقعية هتلاقي إنها فعلاً لم تُخلَق للراحة والاسترخاء عشان هي بنت..
وإن التعب والبهدلة دي حاجات بتاعة الراجل..

الأولى تتعلم وتفهم إن كلنا هنتعب..
وإن التعب ده مهم عشان تكويننا..
وجود المرأة في البيت بالمسؤوليات اللي فيه تعب، ووجود الراجل بره البيت بالمسؤوليات اللي عليه تعب كمان بس بشكل مختلف

مفيش جنس مخلوق للراحة، وجنس مخلوق للتعب..

كلنا مخلوقين للسعي.. بس بطرق مختلفة.

آلاء وجيه

#إطلالة_على_اسم_الله_الفتاح

ميلاد في ظلمات السجن(1)

🔹🔸للسجن ظلمات لا يعلم صعوبة أثرها سوى مَن ذاق مِن ويلاتها، وللسجن آثار نفسية تأتي على الأخضر واليابس في قلوب كثير مِن المسجونين، ولكن لا يستطيع مخلوق أنْ يغلق بابا قد فتحه الفتَّاح في قلب عبد مؤمن لحرية وانطلاق المشاعر الإيجابية داخل الروح حتى وإن أُغلقت في وجهه أبواب حرية الجسد.

🔸🔹لا يستطيع مخلوق أن يزرع الانكسار والمرار في قلب تعلق بخالقه، ووثق في حكمته.

🔷 لقد كان قلب الإمام بن تيمية معلقا بحب الله واليقين فيه رغم ما تعرض له مِن ظلمات السجن، فكان يردد بكل ثبات ويقين:
"ما يفعل أعدائي بي؟! أنا جنتي وبستاني في صدري، إنَّ سجنى خلوة ونفيى سياحة وقتلى شهادة."

🔹في غيابات السجن لم يترك كتاب الله -عز وجل- ولم يتخل عن مصادقة آياته، فقد كان بينه وبين كتاب الله علاقة حب لا يفتت أوصالها سجان، ولا طول زمان، ولا أسوار وحصار ذلك البنيان؛ فمات وهو يردد قول الله عز وجل:
" إِنَّ الْمُتَّقِينَ فِي جَنَّاتٍ وَنَهَرٍ" (القمر-54)

🔹وهكذا يكون فتح الله -عز وجل- لمن عاش على الطاعة، ولأنَّ حياته غُلفت بالحرص على تقوى الله فقد فتح الفتاح له باب الميلاد لحياة جديدة بدأت بالبشرى بالجنة وأنهارها.

🔶 وها هو شيخ طاعن في السن في أيامنا هذه قد مات كذلك ميتة هنية فقد قُبض أثناء قراءة كتاب الله -عز وجل- وإحدى يديه تتشبث بالمصحف بينما اليد الأخرى يرتفع فيها أصبع السبابة بعلامة التوحيد.

🔸أي ختام أروع من هذا الختام؟!

🔸وأي فضل ذاك الذي أنعم الله -عز وجل به- على هذا الرجل في نهاية حياته؟!

🔸تُرى ما السر الذي كان بينه وبين ربه والذي أوصله إلى هذا الميلاد الرائع.

🔸هل هناك سر لعمل صالح مخبأ، أم هو العيش مع آيات الله ليل نهار فحين عاش على شي مات عليه؟

🔷وفي إحدى التجمعات الإسلامية تكرر نفس الأمر مع الشيخ الأندونيسي جعفر عبد الرحمن حين كان يتلو آيات الله بصوت شجي، فقد بدأ الشيخ في قراءة سورة الملك ثم إذا به يحتضر ويلفظ أنفاسه الأخيرة وهو يقرأ قول الله عز وجل:
"الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا ۚ وَهُوَ الْعَزِيزُ الْغَفُورُ"

🔹تُرى أي عمل حسن كان يقوم به لتنتهي حياتة عند قول الله عز وجل "لِيَبْلُوَكُمْ أَيُّكُمْ أَحْسَنُ عَمَلًا"؟

بقلم/ رضا الجنيدي

✍️ كلنا راحلون ويبقى الأثر.. فلنترك أثرا قبل الرحيل.

اللهم امين🤍

🎧لنختم القرآن سماعاً (١٦)

🔘الربع الرابع & الحزب الرابع

📽 سورة البقرة من ( ٢٤٣- ٢٥٢)

👤القارئ: سعود الشريم

#صباحكم_قرآنٌ_يُتلى
#ليدبروا
https://www.tg-me.com/GhRoooh/13744

#قصص_الأنبياء(٢)
#السيرة_النبوية
#الحلقة_مائة_وستة_وعشرون
#علامات_الساعة_الكبرى_الجزء_السابع
#المسيح_الدجال_الجزء_السادس
#هلاك_الدجال_ونزول_عيسى

اتكلمنا المرة إللي فاتت عن توجه المسيح الدجال للمدينة ومنع الملائكة له من الدخول للمدينة وصرفته وخلته يروح للشام مع اتباعه،
والملائكة خلته يتوجه للشام نحو بيت المقدس لأن فيها هلاكه زي ما رسول الله ﷺ قال:
"حتى إذا جاء دُبر أُحد تلقته الملائكة فضُرب وجهه قبل الشام هناك يهلك...هناك يهلك"
في الوقت إللي الدجال كان متوجه فيه للشام كان المهدي بيجهز جيش من المؤمنين لقتال الدجال،
بعد ما الجيش تجهز وساوُوا الصفوف جاء وقت صلاة الصبح فتقدم المهدي ليصلي بالمسلمين،
في الوقت ده بقى ينزل عيسى عليه السلام😊
احنا اتكلمنا في الجزء الأخير من قصص الأنبياء عن قصة رفع عيسى عليه السلام للسماء والسبب كان إيه،
وقلنا إنه هيفضل في السماء لحد ما ييجي وقت نزوله في آخر الزمان، ونزول عيسى عليه السلام علامة من علامات الساعة الكبرى،
قال تعالى:
"وَإِنَّهُ لَعِلْمٌ لِّلسَّاعَةِ "
فدلوقتي جاء وقت نزوله، هينزل من السماء عند المنارة البيضاء شرقي دمشق وهي لحد دلوقتي مكانها معروف في دمشق،
وهيكون فيها معسكر المسلمين إللي بيجهزوا لقتال الدجال وإمامهم المهدي،
هينزل عيسى عليه السلام وهو واضع كفيه على أجنحة مَلكين ولابس ثوبين مصبوغين، إذا طأطأ رأسه يعني إذا وطّى رأسه يقطر ماءً يعني ينزل منه قطرة بعد قطرة، وإذا رفعه تحدّر منه جُمَان كاللؤلؤ،
يعني المقصود إن العَرق إللي بينزل منه زي حبات اللؤلؤ في الصفاء والحسن،فلا يحل لكافر يجد ريح نفسه إلا مات، ونفسه ينتهي حيث ينتهي طرفه،
يعني في دائرة نصف قطرها مد بصر عيسى عليه السلام، كل الكفار في الدائرة دي يموتوا،
وبعدين يروح للمسلمين هيلاقي الإمام بتاعهم وهو المهدي تقدم للصلاة فيرى عيسى عليه السلام فيقوم راجع للوراء ويقدم عيسى للصلاة لأن عيسى عليه السلام أفضل من المهدي والفاضل هو إللي بيتقدم للإمامة فيقول لعيسى عليه السلام:
" تَعَالَ صَلِّ لَنَا"
فيضع عيسى عليه السلام يده على ظهر المهدي بين كتفيه ويقول له:
" لاَ. إِنَّ بَعْضَكُمْ عَلَى بَعْضٍ أُمَرَاءُ، تَكْرِمَةَ اللَّهِ هَذِهِ الأُمَّةَ"

☆وفي هنا ملحوظة:
عيسى عليه السلام رفض إنه يكون هو الإمام عشان متحصلش شبهة بين الناس،
لأن رسول الله ﷺ قال:" لا نبي بعدي"
فلو صلى عيسى عليه السلام بالناس إمام هتحصل لخبطة، والناس هتسأل هو تقدم عشان يكون نائب ولاّ جاي بشريعة جديدة🤔
فصلى مأموم عشان يقفل باب الشبهة ده خالص، لأن عيسى عليه السلام هيطبق شريعة الإسلام بين الناس👌

بعد الصلاة، عيسى عليه السلام هياخد الجيش ويتوجهوا لبيت المقدس عشان يقابلوا الدجال هناك عشان يقاتلوه هو واليهود إللي معاه،
فيوصل عيسى لبيت المقدس ويقول عيسى عليه السلام: افتحوا الباب!
فيفتحوا الباب ومن وراء الباب الدجال ومعه سبعون ألف يهودي كلهم معاهم سيوف مُحلاّة يعني مُزَينة ولابسين الطيلسان،
فيدعوا عيسى عليه السلام اليهود للإسلام ولا يقبل منهم إلا الإسلام أو القتل خلاص مبقاش في جزية،
فيُسلم منهم من يُسلم ويبقى الباقي على اليهودية فيقاتلهم عيسى عليه السلام ومعه جيش المسلمين،
وأول ما الدجال يشوف عيسى عليه السلام يبدأ الدجال في الذوبان،
يذوب الدجال زي ما الملح يذوب في الماء،
ويطلع يجري عايز يهرب من عيسى عليه السلام فيلحقه عيسى عند باب لُدْ ومعاه الحربة بتاعته فيقتل بها الدجال، ولو تركه عيسى لذاب ومات ولكن عيسى عليه السلام كان عايز يُوري الناس دم الدجال على حربته ويثبت لهم إن ده الدجال مش إله،
وبكده قتل مسيح الهداية مسيح الضلالة الدجال،
وجيش المسلمين بيقاتل اليهود، فيهزم الله اليهود وتحصل فيهم مقتلة عظيمة ،ويروحوا يختبئوا من جيش المسلمين،
فلا يبقى شيء مما خلق الله عز وجل يختبئ وراءه يهودي إلا أنطق الله ذلك الشيء ويقول:
" يا مسلم يا عبد الله ، هذا يهودي خلفي، فتعال فاقتله"
سواء كان الشيء ده حجر أوشجر أو دابة، أو حائط أو غيره،
ما عدا شجر الغَرقد لا ينطق لأنه من شجرهم ،واليهود بيزرعوه في فلسطين دلوقتي 👌
وبكده تنتهي فتنة الدجال، ويبدأ حكم عيسى عليه السلام قال رسول الله ﷺ:
"وَالَّذِي نَفْسِي بِيَدِهِ ، لَيُوشِكَنَّ أَنْ يَنْزِلَ فِيكُمْ ابْنُ مَرْيَمَ حَكَمًا عَدْلًا ، فَيَكْسِرَ الصَّلِيبَ ، وَيَقْتُلَ الخِنْزِيرَ ، وَيَضَعَ الجِزْيَةَ "
بعد مقتل الدجال، عيسى عليه السلام هيمسح على وجوه المؤمنين إللي معاه عشان يشيل من قلوبهم رعب المسيح،
ويخبرهم بدرجتهم في الجنة،
وهم على الحال ده يُوحي الله لعيسى عليه السلام إنه أخرج عباد له مفيش لأي حد على وجه الأرض بهم طاقة،
يعني محدش يقدر عليهم نهائي فيأمره الله إنه يأخذ المؤمنين إللي معاه ويتوجهوا لجبل الطور يحتموا فيه من البشر دول،
قبل ما نعرف مين هم دول عندنا شوية أسئلة محتاجين إجابة😅

☆السؤال الأول:
إيه الحكمة من نزول عيسى عليه السلام 🤔

نزول عيسى عليه السلام هيكون سبب من أسباب ظهور الإسلام إللي هو دين الأنبياء ظهورا كاملا على الأرض،
لأن الناس اختلفت في عيسى عليه السلام أحزاب وطوائف وكل حزب متمسك برأيه،
اليهود قالوا إنهم قتلوه، والنصارى قالوا إنه إله أو ابن إله،
فلما ينزل عليه السلام هيوري الناس المختلفة فيه دول على حقيقة أمره ويفصل بينهم ويثبت لهم إنه مجرد بشر رسول ولم يُقتل زي ما اليهود قالوا، وإن هو إللي هيقتلهم وهيقتل زعيمهم الدجال،
وكمان يُلزم النصارى بالإسلام ولا يقبل منهم ولا من غيرهم الجزية لأن في نزوله إقامة الحجة عليهم وإثبات بطلان كل الأديان ما عدا دين الإسلام 👌
وربنا قال:
"وَإِن مِّنْ أَهْلِ الْكِتَابِ إِلَّا لَيُؤْمِنَنَّ بِهِ قَبْلَ مَوْتِهِ "
يعني كل أهل الكتاب هيؤمنوا بعيسى عليه السلام في آخر الزمان قبله موته،
وكمان عيسى عليه السلام بشر مخلوق من تراب، وكل البشر لازم يموتوا ويُدفنوا في الأرض:
"مِنْهَا خَلَقْنَاكُمْ وَفِيهَا نُعِيدُكُمْ وَمِنْهَا نُخْرِجُكُمْ تَارَةً أُخْرَىٰ"

☆السؤال الثاني:
إزاي عيسى عليه السلام لا يقبل من الناس إلا الإسلام والمفروض إن باب التوبة اتقفل لأن خلاص الدجال خرج ورسول الله ﷺ قال:
"ثَلَاثٌ إِذَا خَرَجْنَ لَا يَنْفَعُ نَفْسًا إِيمَانُهَا لَمْ تَكُنْ آمَنَتْ مِنْ قَبْلُ ، أَوْ كَسَبَتْ فِي إِيمَانِهَا خَيْرًا :
طُلُوعُ الشَّمْسِ مِنْ مَغْرِبِهَا ، وَالدَّجَّالُ ، وَدَابَّةُ الْأَرْضِ"
والدجال قبل عيسى عليه السلام وعيسى هو إللي هيقتله، فإزاي بقى🤨

العلماء لهم أقوال في المسألة دي، من الأقوال دي إن المذكور في الحديث هو الدخان مش الدجال، وحصل تصحيف، يعني حصل خطأ من الرواة في كتابة الكلمة، يعني بعض الرواة توهموا إن الكلمة اسمها الدجال بدل من الدخان، لأن التشابه كبير بين الكلمتين، وخصوصا إن ورد في حديث تاني ذُكر فيه كلمة الدخان،
ويبقى الحديث :
"ثَلَاثٌ إِذَا خَرَجْنَ لَمْ يَنْفَعْ نَفْسًا إِيمَانُهَا لَمْ تَكُنْ آمَنَتْ مِنْ قَبْلُ ، أَوْ كَسَبَتْ فِي إِيمَانِهَا خَيْرًا : طُلُوعُ الشَّمْسِ مِنْ مَغْرِبِهَا ، وَالدُّخَانُ ، وَدَابَّةُ الْأَرْضِ "
ويبقى كده طلعنا من الإشكال خالص،
لكن أقوى أقوال العلماء إن باب التوبة لا يُغلق إلا بتمام وقوع الثلاث آيات،
يعني الدجال يخرج وبعدين دابة الأرض ويأتي وراها على طول طلوع الشمس من مغربها،
فأول ما تخرج الشمس من مغربها كل الناس هيؤمنوا، وساعتها لا تنفع نفس إيمانها لم تكن آمنت من قبل،
قال رسول الله ﷺ:
" لَا تَقُومُ السَّاعَةُ حَتَّى تَطْلُعَ الشَّمْسُ مِنْ مَغْرِبِهَا ، فَإِذَا طَلَعَتْ وَرَآهَا النَّاسُ ، آمَنُوا أَجْمَعُونَ ،
فَذَلِكَ حِينَ لَا يَنْفَعُ نَفْسَا إِيمَانِهَا لَمْ تَكُنْ آمَنَتْ مِنْ قَبْلُ أَوْ كَسَبَتْ فِي إِيمَانِهَا خَيْرًا"
وقال :
"مَنْ تَابَ قَبْلَ أَنْ تَطْلُعَ الشَّمْسُ مِنْ مَغْرِبِهَا تَابَ اللَّهُ عَلَيْهِ "

☆السؤال الثالث:
قلنا إن عيسى عليه السلام هيحكم بشريعة الإسلام، وشريعة الإسلام فيها الجزية، فإزاي بقى يغير في شريعة الإسلام ويضع الجزية، يعني لا يقبل الجزية من الكفار ولا يقبل إلا الإسلام🤔

مشروعية أخذ الجزية من أهل الكتاب إللي شرعها الإسلام هي شريعة مؤقتة غير دائمة تنتهي بنزول عيسى عليه السلام،
لأن أهل الكتاب عندهم شبهة التمسك بشرعهم القديم: التوراة والإنجيل،
فنزوله عليه السلام هيقطع عندهم شبهة التمسك بدين أنبياء أهل الكتاب، لأنهم شايفينه بعينه واقف قصادهم ،فعيسى عليه السلام لما يأتي ويكذبهم هتبطل دعواهم ،
يعني أهه نبي من أنبياء أهل الكتاب بيقول لكم إن الإسلام هو الدين الحق وإللي بين إيديكم ده باطل👌
فملهمش أي حجة دلوقتي في التمسك بالتوراة ولا بالإنجيل🤷‍♂️
فعيسى عليه السلام مش هيغير من شريعة الإسلام حاجة،
لأ ده حكم موجود أصلا في شريعة الإسلام، وهو إن الجزية لا تُقبل بعد نزول عيسى عليه السلام ،
فإما الإسلام وإما القتل لأن ساعتها مفيش لأي حد حجة بعد ما شاف الآيات دي كلها وكمان عيسى عليه السلام بنفسه موجود👌

☆السؤال الرابع:
نَفَس عيسى عليه السلام بيقتل الكفار، طيب ليه مقتلش المسيح الدجال على طول ومقتلش اليهود وخلاص من غير ما يكون في قتال ومقتلش كل الكفار إللي في الأرض🤔

المقصود هنا في وقت نزوله، يعني دي حاجة مؤقتة مش دائمة، فلما ينزل هيكون في كُفار في المنطقة إللي نازل فيها، زي ما كان في المدينة كده كفار ومنافقين خرجوا لما المدينة رجفت بهم ثلاث رجفات ،
فلما ينزل عيسى عليه السلام وقت ما هو نازل نَفَسه يقتل أي حد من الكفار موجود حوله، لأن مفيش دليل على إن الخاصية دي موجودة بعدين،
وإلا فإزاي هيدعوا الناس للإسلام ويقاتل اليهود وغيرهم مع المسلمين عشان ينشر الإسلام في الأرض🤷‍♂️

☆السؤال الخامس:
ليه عيسى عليه السلام يقتل الخنزير🤔

لأن الخنزير نجس ، وفي علماء قالوا بوجوب قتل الخنزير وفي علماء قالوا باستحباب قتل الخنزير، لأنه أسوأ من الفواسق الخمسة إللي رسول الله ﷺ أمر بقتلها،
فعيسى عليه السلام لما ينزل هيحكم بشريعة الإسلام وهيقتل الخنزير يعني هيأمر بإعدامه ،
وطبعا أكله وبيعه مُحرّم😅
فاستدل العلماء على وجوب قتل الخنزير من فعل عيسى عليه السلام،
وفيه دليل على إن الخنزير محرم في شريعة عيسى عليه السلام وفيه توبيخ عظيم للنصارى إللي بيدعوا إنهم على طريقة عيسى عليه السلام ثم يستحلون أكل الخنزير ويبالغون في محبته،

☆يعني معنى كده إننا نقتل الخنزير في عصرنا😳
أيوة يُقتل، وإللي يتمكن من قتله يقتله،
لااااااكن👌
◇أولا:
لو الخنزير مِلك لأهل الذمة ولم يُظهروه وسط المسلمين، يعني مخليينه في بلد أو مكان بعيد عن المسلمين خلاص لا يُباح قتله، لكن لو أظهروه يُقتل،
◇ثانيا:
لو ترتب على قتل الخنزير مفسدة أكبر من قتله زي مثلا تحصل فتنة أو ضرر عظيم على المسلمين ، يبقى لا يُباح قتله، لأن درء المفاسد مُقدّم على جلب المصالح👌

مين بقى العباد إللي خرجوا دول وليس لأحد بهم طاقة🤔
العباد دول هم يأجوج ومأجوج👌
إيه قصتهم وهيعملوا إيه ونهايتهم إيه،
ده إللي هنعرفه الجزء الجاي إن شاء الله 😁


#Eman_Shalapy

🌙 *همسة مسائية* 🌅

*‌‌‌‌ قال الله تعالى* :
*﴿ رَبَّنَا لَا تُزِغۡ قُلُوبَنَا* بَعۡدَ *إِذۡ* *هَدَیۡتَنَا* ﴾

‏ألـح على الله بأن يحفظ النور الذي في قلبك
مِن أن تتخطفه صوارف الفتن،
كما تُلـح عليه عند طلـب حاجة من حوائج الدنيا..

عبد العزيز الشثري
—••—