الشيخ محمد الغليظ

ٖ
←اوعى تدخل قبرك وانت مش في سيرتك الذاتية كان من أكثر من يُصلّون على النبي ﷺ

- الشيْخ: مُحمّد خَيْري

🌧️🌱

*‏آخر ساعة من يوم الجمعة..*
ميقاتٌ أسبوعي لاغتسال الروح والقلب، من أكدار العيش ونَصَبِه وأوصابِه، والإلحاح على من بيده خزائن الخير والرحمة سبحانه .

*لا تنسوا أحبابكم من صالح الدعوات ...*

*اللهم أجعلنِي فَرداً بـ أمَّة ؛*
قَانِتاً تائبَاً حَنيفاً مُسلِماً ، شَاكِراً لٲنعُمك ، مٌؤّمنَاً مُهَاجِراً ناصِراً لَك وَلدِينك،
*اللَّهُم* واغرِس فِي داخلي جَذوة حُبٍ لكَ لاتَنطَفئ ،جَذوة دَائبة لا تَحولُ ولاتَزوُل ، واربِط على قَلبِي حَتَّى لاأركنَ لأهواءِ الفانِيةِ ومَن فِيهَا ،
مكنِي واجعَل لي مِن لَدنكَ
سُلطَاناً نَصيِرا.،
ياربّ العالمين ...

#ساعة_إجابة

#إطلالة_على_اسم_الله_الفتاح(٢)


🔶 هل حاولت أنْ تصل إلى هدف مِن أهدافك، وطرقت كل الأبواب ولكنَّك وجدتها مغلقة في وجهك؟

🔶سعيتَ بكل ما أوتيتَ مِن قوة للالتحاق بوظيفة ترجوها، ثم سرعان ما صُدمتَ ببعض العوائق التي تمنعك مِن الالتحاق بها؟

🔶 تود أنْ تُفتح لك أبواب الطاعة ولكنك مازلت تشعر أنَّها ثقيلة عليك؟

🔶 تسير في طريق التوبة ثم تنتكس ولا تدري كيف الثبات على طريق الهداية؟

🔶حاولت أنْ تحفظَ كتاب الله وسرتَ في طريق الحفظ ثم توقفت لأنَّك ما استطعت؟

🔶تود أنْ تُفتحَ لك أبواب العلم وحسن الفهم ولكنَّك مازلت تحبو في الطريق نحو هذه الأبواب ولا تعرف كيف الوصول؟

🔶 أبواب قلب أقرب الناس إليك مُغلقة في وجهك وتود لو تفُتح لك؟

🔶تحزن كلما رأيت أبناءك منغمسين في المعاصي، وترجو لو تذوقوا حلاوة الإيمان مثلما حدث معك؟

🔶مرضت واشتدَّ عليك المرضُ وأغلق الأطباءُ في وجهك أبوابَ الشفاء؟

إذا كنت تعاني مِن بعض هذه المحن أو غيرها، أو ترجو أنْ تتحققَ لك بعض الأمنيات التي طال غيابها فها هي هديتى إليكإطلالة على اسم الله الفتاح
لتعرف كيف تُفتح مغاليق الصعاب؛ فهيا لنبحر معا في أنهارِ خيراتِ هذا الاسم.


أسأل الله الفتاح أنْ يفتحَ لي ولكم أبوابِ السعادةِ والخيرِ في الدنيا والآخرة.



بقلم/ رضا الجنيدي

✍️ كلنا راحلون ويبقى الأثر.. فلنترك أثرا قبل الرحيل.
https://www.tg-me.com/Redaalgeneedy


قناة منهج حياة

🌴بالقرآن والسنة نعيش أفضل حياة.

https://www.tg-me.com/ManhagHayah

إياك 👌🏻

*رسالة اليوم إليك 💌*

القرآن هو الزاد حين تعطش الروح
وهو الدليل حين نفقد الوجهة.

‏أقبِل على القرآن بخدوشك، بندوبك، بعيوبك، ‏وخطاياك، وكافّة ذنوبك .. لا يلزم أن تكون كاملًا!.

‏ ثُمَّ أبشِر باستقامة قلبك 🤍.
💌💌

#رسالة_اليوم

اسم الله الفتاح

🍂✨ ورد اسم الله الفتاح مرة واحدة في
قوله تعالى: ﴿ قل يجمع بيننا ربنا ثم يفتح بيننا
بالحق وهو الفتاح العليم ﴾ [سبأ: ٢٦]
وورد مرة واحدة بصيغة الجمع، في قول
الله عزَّ وجلَّ: ﴿ ربنا افتح بيننا وبين قومنا
بالحق وأنت خير الفاتحين ﴾ [الأعراف: ٨٩]
.
🍂✨ الله .. الفتاح
إن لهج اللسان باسم الله الفتّاح امتلأ القلب رجاء
فى واسع رحمة الله و أملاً في عظيم عطائه و أحسّ بأبواب الخير تتفتح أمامه .
.
🍂✨ تأمل في إسم الله الفتّاح لتتعرف على
معانيه و بعض أسراره بقدر ما يفتح الله به علينا :
.
.
🍂✨ 1- الفتاح : هو الذي بإرادته و قدرته ينفتح
كل مغلق و بعنايته و هدايته ينكشف كل مشكل
و برحمته و فضله يندفع البلاء و يذهب الشر و يزول العسر و تذهب الغمة و يتبدد الحزن و يتجدد الأمل و يرتفع الحرج و ينصرف السوء .
يقول الله عزوجل في سورة فاطر: ﴿ ما يفتح الله للناس من رحمة فلا ممسك لها وما يمسك فلا مرسل له من بعده وهو العزيز الحكيم ﴾ ..
.
.
🍂✨ 2- الفتاح : هو الذي يحكم بين العباد فيما
هم فيه يختلفون، كما في قوله تعالى: ﴿ ربنا افتح بيننا وبين قومنا  بالحق وأنت خير الفاتحين﴾ [ الأعراف:89] ..

فالفتاح: صفة جمالٍ وجلال، لإنه سبحانه وتعالى يفتح أبواب رحمته ورزقه للطائعين.
كما أنه قد يفتح أبواب البلاء والهلاك على الكافرين، ويفتح قلوب المؤمنين، وعيون بصائرهم؛ ليبصروا الحق،
فإذا ضاقت عليك الطُرُق وضاقت عليك الأرض بما رَحُبَت، فالجأ إلى ربِّك الفتاح، يفتح لك كل عسير، وييسر لك أمرك.
.
.
يتبع ...

#العيش_مع_أسماء_الله_الحسنى

#قصص_الأنبياء(٢)
#السيرة_النبوية
#الحلقة_مائة_وثمانية
#أحداث_السنة_السادسة_من_الهجرة
#الطريق_إلى_الحُدَيْبِيَة

وقفنا المرة إللي فاتت عند الرؤيا إللي شافها رسول الله ﷺ،
وقلنا إن بسبب الرؤيا دي هتحصل أحداث كبيرة جدا هيكون لها الأثر مش بس على شبه الجزيرة العربية لكن كمان على العالم كله👌
إيه بقى الرؤيا دي🤔
رأى رسول الله ﷺ إنه أخذ أصحابه وذهبوا لمكة وطافوا بالبيت الحرام،
ورؤيا الأنبياء وحي، يعني كده ربنا أمر رسول الله ﷺ إنه يأخذ الصحابة ويروحوا يعملوا عمرة،
لكن إزاي رسول الله ﷺ والصحابة معاه هيروحوا يعملوا عمرة وفي حرب قائمة بينهم وبين قريش،
وقريش من سنة واحدة بس كانوا جايبين عشرة آلاف مقاتل وجايين يحاربوا المسلمين، ده كده هيبقوا بيسلموا لهم نفسهم وخصوصا إن مفيش بينهم أي معاهدات😳
رسول الله ﷺ أخبر الصحابة بالرؤيا وقال لهم يتجهزوا للعمرة، الصحابة بدأوا يتجهزوا للعمرة من غير ما يسألوا ولا يعترضوا ولا أي حاجة خالص😮
مع إن السفر لمكة في الوقت ده فيه خطر عليهم، ومع ذلك رضيوا وقبلوا وبدأوا يتجهزوا للخروج مع رسول الله ﷺ،
قريش كان عندها قانون مُتعارف عليه بين العرب وهو إن إللي يذهب إلى مكة لأداء العمرة فهو آمن مهما كان الخلاف إللي بينه وبين قريش👌
والقانون ده كان في مصلحة رسول الله ﷺ والصحابة، كده قريش مش هتقدر تعمل لهم حاجة🤷‍♂️
فرسول الله ﷺ استغل القانون ده لمصلحته وبكده قريش مش هتقدر تتعرض للمسلمين بأذى،
لكن هل قريش بقى هتلتزم بالقانون ده ولا هييجوا لحد المسلمين وميطبقوش القانون
ده إللي هنعرفه ان شاء الله ،
تجهز ألف وأربعمائة صحابي للخروج للعمرة مع رسول الله ﷺ، وطبعا المنافقين كلهم مخرجوش مع رسول الله ﷺ لأنهم كانوا شايفين إن المشوار ده مُهلك،
إزاي يروحوا للأعداء في عُقر دارهم ومش معاهم غير سلاح المسافر فقط وهو السيف مش سلاح المحارب، يعني دي عملية انتحارية من وجهة نظرهم،
فكل إللي خرج مع رسول الله ﷺ للعمرة كانوا من المؤمنين الصادقين ما عدا منافق واحد وهو الجَدّ بن قَيْس،

خرج رسول الله ﷺ ومعه من زوجاته في السفر ده السيدة أم سلمة رضي الله عنها،
خرجوا من المدينة مع الصحابة في اتجاه مكة وكان خروجهم في شهر ذي القعدة من السنة السادسة للهجرة، وأخذ معاه مجموعة كبيرة من الإبل وقلّدها يعني وضع في رقبتها جلدة عشان يتعرف إن الإبل دي من الهَدْي إللي هيُذبح في مكة،
ووصل إلى ذي الحُلَيفة أو ما يسمى الآن بأبار علي، وهو المكان إللي بيُحرِم منه القادم من المدينة إلى مكة،
يبقى رسول الله ﷺ لبس ملابس الإحرام وبدأ بالتلبية والصحابة معاه،
وبقى واضح جدا إن رسول الله ﷺ رايح للعمرة، وهو يعلم ﷺ إن في عيون لقريش على الطريق والعيون دي هتنقلهم الخبر ،
ورسول الله ﷺ مش عايز قتال مع قريش هو شاف في الرؤيا إنه بيعتمر فقط، مكنش في أي قتال👌
رسول الله ﷺ كان عايز يعرف رد فعل قريش على خروجه للعمرة فأرسل واحد من الصحابة اسمه بِشر بن سفيان الخزاعي يستطلع الخبر،
فلقى إن قريش جمعت جيش وجمعت الأحابيش عشان يمنعوا رسول الله ﷺ من الدخول لمكة،
والأحابيش دول مجموعة من القبائل تحالفت مع قريش عند جبل اسمه حبشي وعاملين مع بعض اتفاقية دفاع مشترك للدفاع عن مكة،
رجع بِشر لرسول الله ﷺ وأخبره الخبر،
فقال رسول الله ﷺ:
يا ويح قريش! قد أكلتهم الحرب،
يعني الناس دي مشتاقة للحرب بشكل غير مفهوم
وصل رسول الله ﷺ في طريقه لمنطقة اسمها كُرَاع الغَميم،
وهي على بعد حوالي ستين كيلو من مكة،
وهناك كان مستنيه خالد بن الوليد ومعاه فرقة مقاتلة مكونة من مائتين فارس واقفين بكامل سلاحهم عشان يَصُدوا رسول الله ﷺ عن العمرة،
مع إن على حسب القانون بتاعهم رسول الله ﷺ له الحق الكامل إنه يدخل مكة مُعزز مكرم وكمان في حماية أهل مكة وأهل مكة مُلزمين إنهم يراعوا حقوق المسلمين ويخدموهم زي ما بيخدموا أي حد تاني بييجي للعمرة🤷‍♂️
لكن زي مانتم عارفين القوانين إللي فيها مصلحة بتيجي عند المسلمين وتقف🙂

المهم قريش ضربت بقوانينها عرض الحائط وبدأت تتعامل بنوع من الغدر ومخالفة القوانين والعهود التي بينها وبين العرب، وكل ده عشان تمنع رسول الله ﷺ من أداء العمرة،
دلوقتي رسول الله ﷺ في موقف صعب، مستنيه جيش مُجهز ومستعد للحرب وهو مش معاه غير ألف وأربعمائة مش معاهم غير سلاح المسافر إللي هو السيف فقط زي ماقلنا من شوية،
فجمع رسول الله ﷺ الصحابة وبدأ يستشيرهم يعملوا إيه في الموقف ده👌
رسول الله ﷺ كان دائما يستشير أصحابه في كل المواقف إلا لو في وحي فيبقى مفيش استشارة، في تنفيذ أوامر فقط زي خروجهم للعمرة كده،
فرسول الله ﷺ لم يستشِر الصحابة في الخروج للعمرة ولكنه أمرهم بالخروج،
هنا مفيش وحي يقول لرسول الله ﷺ يعمل إيه بالضبط،
هل يُقاتل الجيش إللي اتجمع ده ولاّ يرجع للمدينة ولاّ يدخل مكة غصب،
ولاّ يروح يهجم على قبائل الأحابيش إللي دلوقتي مفيهاش مقاتلين يدافعوا عنهم وبكده هتقوى شوكة المسلمين أكثر؟
كل دي أفكار مطروحة أمام الصحابة،

أبو بكر الصديق رضي الله عنه قال لرسول الله ﷺ :
احنا جئنا للعمرة ولم نأتِ لقتال أحد، ولكن إللي هيقف قصادنا ويمنعنا من العمرة هنقاتله👌
يعني رأي أبي بكر إنهم يتقدموا ويكملوا الطريق لحد ما يوصلوا لبيت الله ولو جيش مكة اعترضهم بالقوة، المسلمين هيقاتلوهم لكن المسلمين نفسهم مش هيسعوا للقتال،
فالصحابة عجبهم رأي أبي بكر رضي الله عنه وكملوا الطريق،
لكن قريش مصرة إنها تمنع رسول الله ﷺ من الدخول لمكة، لما اقترب رسول الله ﷺ من فرقة خالد المقاتلة كان جاء وقت صلاة الظهر،
وقف الصحابة يصلون خلف رسول الله ﷺ صلاة الظهر قصرا يعني ركعتين فقط لأنهم كانوا مسافرين،
ركعوا وسجدوا وخالد بن الوليد شايفهم من بعيد وبيراقبهم
ودي كانت أول مرة خالد بن الوليد يشوف المسلمين وهم بيصلوا بالشكل ده، فلاحظ إن المسلمين وهم ساجدين مش بيشوفوا إللي قصادهم، فلقى إن دي فرصة مناسبة جدا للهجوم على المسلمين👌
وسأل المشركين إللي معاه هل في صلاة تانية للمسلمين زي الصلاة دي؟
فقال له بعض المشركين إللي يعرفوا أحوال المسلمين:
عندهم صلاة ثانية اسمها صلاة العصر وهي أحب إليهم من أنفسهم وأبنائهم👌
فقرر خالد بن الوليد في نفسه من غير ما يقول لأي أحد إنه هيهجم على المسلمين وهم ساجدين في صلاة العصر،

لما جاء وقت صلاة العصر اصطف المسلمون للصلاة، وهنا هتبقى فرصة خالد بن الوليد للهجوم على المسلمين، لكنه شاف إن الصلاة اتغيرت😳
لقى إن نص الصحابة واقفين للحراسة والنص الثاني بيصلي مع رسول الله ﷺ،
والصلاة دي اسمها صلاة الخوف نزل بها الوحي بين صلاة الظهر وصلاة العصر،
وربنا شرعها عشان حماية الجيش المسلم أثناء الحروب،
وصلاة الخوف دي من الأدلة إللي بيستدل بيها العلماء على وجوب صلاة الجماعة على الرجال،
لأن لو صلاة الجماعة مش فرض على الرجال كان ربنا أسقطها وقت الحرب على الأقل🤷‍♂️
بعد ما رسول الله ﷺ صلى الركعتين مسلمش، فضل قاعد والصحابة إللي كانوا بيصلوا معاه سلموا وقاموا أخذوا الأسلحة بتاعتهم وبدأوا يقوموا بدور الحراسة،
والنص إللي كان واقف بيحرس جاء ليصلي خلف رسول الله ﷺ،
وصلى بهم رسول الله ﷺ ركعتين تانيين وسلم وسلموا معاه،
خالد بن الوليد لما شاف الموقف إللي حصل ده قال:
إن القوم مَمْنوعون👌
يعني الناس دي عندهم حماية إلاهية، ده خارج حدود البشر،
هو مقلش لأي حد إطلاقا على الخطة بتاعته والصلاة دي أول مرة يصلوها بالطريقة دي، فاشمعنى المرة دي يعني إللي صلوا الصلاة دي
فكان واضح جدا لخالد بن الوليد إن في إله بيدبر للمسلمين أمورهم ويعلم ما نفسه،

☆ولعل الموقف ده كان هو السبب في إسلام خالد بن الوليد بعد كم شهر فقط👌

دلوقتي رسول الله ﷺ ممكن يقاتل فرقة خالد وينتصر عليهم بسهولة لأنهم ألف وأربعمائة وفرقة خالد مائتين فقط،
لكن رسول الله ﷺ مش جاي لقتال أصلا،
فاختار إنه يشوف طريق تاني يمشي منه عشان يتجنب المواجهة مع خالد، وده يديهم دليل أكبر إنه مش جاي لقتال، فبعد ما خلصوا الصلاة قال رسول الله ﷺ :
من فيكم يقدر يخرج بنا من المكان ده ويوصلنا لمكة من طريق تاني؟
فمشى بهم رجل من قبيلة أسلم
في طريق وَعِر صعب لحد ما وصلوا منطقة اسمها الحُدَيْبِية، لما خالد شاف رسول الله ﷺ والصحابة اتحركوا وغيروا طريقهم،
رجع بالفرقة إللي معاه وانضم لجيش مكة إللي كان قريب من منطقة الحديبية،
والحديبية منطقة غرب مكة قريبة من البيت الحرام، اتسمت بالحديبية نسبة لشجرة حدباء كانت موجودة هناك،
المهم رسول الله ﷺ لما وصل لمنطقة الحديبية الناقة بتاعته بَرَكت لوحدها، يعني قعدت في الأرض،
فالصحابة حاولوا يقوموها مش راضية تقوم فقالوا : خَلَأَتِ القَصْوَاء 😳
يعني القصواء وهي ناقة رسول الله ﷺ عصت رسول الله ﷺ وقعدت بدون إذنه،
فرسول الله ﷺ قال: ما خلأت القصواء وما ينبغي لها، ولكن حبسها حابس الفيل👌

يعني ناقة رسول الله ﷺ لم تعصِ أمره ولكنها أطاعت أمر من حبس الفيل عن هدم الكعبة، وهو الله

وهنا كان رد فعل رسول الله ﷺ إنه قال:
لا تدعوني قريش اليوم إلى خطة يعظمون فيها حرمات الله إلا أعطيتهم إياها👌
يعني رسول الله ﷺ موافق إن يكون في صلح بينه وبين قريش،
فقال للصحابة انزلوا وخيّموا في المنطقة دي،
فقال له الصحابة المنطقة دي مفيهاش مية، فشاف رسول الله ﷺ بئر قديم فيه القليل من الماء فرمى فيه سهم فانفجر الماء بإذن الله وامتلأ البئر بمعجزة من الله عز وجل،
رسول الله ﷺ قعد مستني يشوف إيه إللي هيحصل،
قريش عرفت إن رسول الله ﷺ وصل لمنطقة الحديبية، وممكن يحصل القتال في أي لحظة،
على فكرة هم ميعرفوش إللي حصل مع القصواء وإن رسول الله ﷺ مش هيتحرك من مكانه خلاص،
فهم متخيلين إن رسول الله ﷺ ممكن يدخل عليهم دلوقتي في أي لحظة
لكن على الرغم من كل ده قريش مش عايزة تقاتل رسول الله ﷺ
لأن إللي حصل خلال السنة السادسة من الهجرة من بعد الأحزاب وانتصارات المسلمين المتتالية كان له تأثير سلبي واضح على نفسية قريش وكانوا حاسين إنهم أضعف من المسلمين،

فهم خايفين وفي نفس الوقت مش عايزين هيبتهم تروح وسط العرب وإن محمد ﷺ دخل مكة غصب عنهم،
فأرسلوا واحد من قبيلة خُزاعة اسمه بُدَيْل بن وَرْقَاء الخزاعي عشان يتفاوض مع رسول الله ﷺ ويشوف هو جاي ليه فعلا ويحاول يمنعه من الدخول لمكة،
وكانت قبيلة خزاعة حليفة لرسول الله ﷺ وكانت قريبة من قبيلة بني هاشم إللي منها رسول الله ﷺ،
فقريش أرسلت واحد من القبيلة دي عشان يلطف الجو، ولم ترسل واحد من زعمائها عشان ميحصلش تهديد ووعيد وصدام والحرب تقوم بينهم

بديل بن ورقاء وكان مشرك قال لرسول الله ﷺ:
أنا جايلك وسايب ورايا عمرو بن لؤي وكعب بن لؤي ومعاهم فرقتين من المقاتلين الأشداء وخرجوا ومعاهم نسائهم وأطفالهم،
وهم مش هيسبوك تدخل البيت الحرام وهيقاتلوك👌

رسول الله ﷺ رد عليه بكل هدوء وبدأ يعرض عليه اقتراحات وقال:
"إنا لم نأتِ لقتال أحد، ولكن جئنا معتمرين، وإن قريشاً قد نَهِكَتْهم الحرب وأضرّت بهم، فإن شاءوا:
◇مادَتُّهم مدة ويخلوا بيني وبين الناس
◇ وإن شاءوا أن يدخلوا فيما دخل فيه الناس فعلوا
◇ وإن أَبَوْا إلا القتال فوالذي نفسي بيده لأقاتلنهم على أمري هذا حتى تنفرد سالفتي أو ليُنْفِذن الله أمره.

يعني احنا مجناش للقتال، احنا جئنا معتمرين، كل إللي احنا عايزين نعمله متوافق مع القانون بتاعكم،
كل العرب من حقهم يعتمروا ويأتوا لبيت الله الحرام،
اشمعنا احنا عايزين تمنعونا؟!!
ثم انت بتهددني بقريش وتقولي فرق عسكرية والكلام ده، أنا مش خايف أنا عارف كويس إن قريش بقت ضعيفة بسبب الحروب إللي دخلوا فيها ومش هيقدروا على حرب المسلمين وخصوصا بعد عودتهم من الأحزاب في خزي واضح 👌
ولو هم عايزين ممكن يبقى في بيننا هدنة لمدة معينة ميكونش فيها قتال، ويسيبوني أدعوا الناس وهم كمان يدعوا الناس من غير ما يبقى في خوف من الدخول في حروب،
أو الاختيار الثاني وهو إنهم يدخلوا في الإسلام ويبقى لهم ما لنا وعليهم ما علينا،
أما لو أصروا على الحرب فانا هفضل أقاتل حتى الموت، احنا لا بنخاف من القتال ولا الموت بالعكس ده احنا بنطلبه وبنحبه لأنه في سبيل الله،
بْديل بن ورْقاء قال لرسول الله ﷺ إنه هيبلغ قريش رسالته،
رجع بديل وقعد مع سادات مكة وقال لهم رسالة رسول الله ﷺ وبلغهم اقتراحاته الثلاثة،

ياترى كان رد فعل قريش إيه، ده إللي هنعرفه الجزء الجاي إن شاء الله 👌🏼


#السيرة_النبوية
#ايمان_شلبي

🔖لا تفوتك


*إذا فاتتك المائة فلا تفتك المرة الواحدة*
فإنها
بعتق رقبة
وعشر حسنات
وعشر درجات
ومحو عشر خطيئات
*وحرز من الشيطان.*
في الصحيحين
عَنْ أَبِي هُرَيْرَةَ رَضِيَ اللَّهُ عَنْهُ ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ ، قَالَ : " مَنْ قَالَ :
*لَا إِلَهَ إِلَّا اللَّهُ وَحْدَهُ لَا شَرِيكَ ، لَهُ لَهُ الْمُلْكُ ، وَلَهُ الْحَمْدُ ، وَهُوَ عَلَى كُلِّ شَيْءٍ قَدِيرٌ*
فِي يَوْمٍ مِائَةَ مَرَّةٍ ،
كَانَتْ لَهُ عَدْلَ عَشْرِ رِقَابٍ ،
وَكُتِبَ لَهُ مِائَةُ حَسَنَةٍ ،
وَمُحِيَتْ عَنْهُ مِائَةُ سَيِّئَةٍ
، وَكَانَتْ لَهُ حِرْزًا مِنَ الشَّيْطَانِ يَوْمَهُ ذَلِكَ حَتَّى يُمْسِيَ ، وَلَمْ يَأْتِ أَحَدٌ بِأَفْضَلَ مِمَّا جَاءَ إِلَّا رَجُلٌ عَمِلَ أَكْثَرَ مِنْهُ.

*وفي سنن أبي داود هو صحيح عَنْ أَبِي عَيَّاشٍ ، أَنّ رَسُولَ اللَّهِ صَلَّى اللَّهُ عَلَيْهِ وَسَلَّمَ ، قَالَ : مَنْ قَالَ إِذَا أَصْبَحَ : لَا إِلَهَ إِلَّا اللَّهُ وَحْدَهُ لَا شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ ، كَانَ لَهُ عِدْلَ رَقَبَةٍ مِنْ وَلَدِ إِسْمَاعِيل،*
وَكُتِبَ لَهُ عَشْرُ حَسَنَاتٍ
، وَحُطَّ عَنْهُ عَشْرُ سَيِّئَاتٍ
، وَرُفِعَ لَهُ عَشْرُ دَرَجَاتٍ ،
*وَكَانَ فِي حِرْزٍ مِنَ الشَّيْطَانِ حَتَّى يُمْسِيَ ،*
*وَإِنْ قَالَهَا إِذَا أَمْسَى ، كَانَ لَهُ مِثْلُ ذَلِكَ حَتَّى يُصْبِحَ.*