#قصص_الأنبياء(٢)
#السيرة_النبوية
#الحلقة_مائة_وخمسة
#أحداث_السنة_السادسة_من_الهجرة
#تفسير_آيات_حادثة_الإفك
#القدر_الكوني_والقدر_الشرعي

اتكلمنا المرة إللي فاتت عن نزول الأيات إللي برّأت السيدة عائشة
وشرحنا أول آية:
"إِنَّ الَّذِينَ جَاءُوا بِالْإِفْكِ عُصْبَةٌ مِّنكُمْ ۚ لَا تَحْسَبُوهُ شَرًّا لَّكُم ۖ بَلْ هُوَ خَيْرٌ لَّكُمْ ۚ لِكُلِّ امْرِئٍ مِّنْهُم مَّا اكْتَسَبَ مِنَ الْإِثْمِ ۚ وَالَّذِي تَوَلَّىٰ كِبْرَهُ مِنْهُمْ لَهُ عَذَابٌ عَظِيمٌ "
ووقفنا عند سؤال مهم وهو:
إزاي فتنة زي دي يكون خير لرسول الله ﷺ والصحابة وللسيدة عائشة،
فاحنا عشان نفهم إزاي الفتنة دي أو أي ابتلاء تاني بيبقى خير، زي مثلا وقوع الظلم والسجن والقتل في الأرض وغيرها من الابتلاءات،
محتاجين نفهم يعني إيه قَدَر شرعي و قَدَر كوني
القدر الشرعي:
أمور شرعية ربنا بيحبها ويرضاها أمر بها عباده وممكن ينفذوها وممكن لأ، زي لما ربنا أمر أبو جهل بالإيمان به وأبو جهل رفض، وزي لما ربنا يأمرنا بالصلاة وناس تصلي وناس متصليش وهكذا،
فالقدر الشرعي يختص بكل ما يحبه الله ويرضاه فقط👌

أما القدر الكوني فبيدخل فيه ما يحبه الله ويرضاه وما لا يحبه الله ويرضاه،
يعني في أمور بتحصل بقدر الله لا يحبها ولا يرضاها لكن يسمح إنها تحصل لحكمة يعلمها وللخير إللي هيحصل بسبب الحدث ده،
زي خلق إبليس مثلا، هو مش إبليس ده سبب مصائب ووقوع الناس في معاصي كثيرة وكبائر وشرك بالله😕
لكن برده بسبب الأمور السيئة دي بتحصل أمور خير كثيرة زي التوبة والاستغفار والمجاهدة وغيرها من الطاعات،

وكمان زي حادثة الإفك، ربنا لا يحب ولا يرضى إن رسول الله ﷺ وهو أحب الخلق إلى الله إنه يُتهم في عرضه، ومع ذلك ربنا قدر عليه الابتلاء العظيم ده لحكمة وفوائد لا يعلمها إلا الله👌
تعالوا كده نشوف بعض الخير إللي ربنا قال عليه باختصار:

◇رفع شأن السيدة عائشة رضي الله عنها في الدنيا بإنزال فيها آيات تتلى إلى يوم القيامة،
وفي الآخرة رفع درجتها في الجنة وكمان رفع شأن رسول الله ﷺ وأبو بكر وأم رومان أم السيدة عائشة، وصفوان بن المعطل رضي الله عنهم أجمعين لأن الابتلاء للأنبياء والصالحين رفع للدرجات.

◇ تدريب المؤمنين بطريقة عملية على إن محدش يقول كلمة ولا يتهم حد بالباطل بدون دليل قاطع وخاصة في الأعراض،
وإن كلمة واحدة كافية إنها تهدم أمة الإسلام وتفرق بينهم،
واحنا شوفنا إللي حصل بين الأوس والخزرج،

◇تعليم المسلمين التفاؤل
ربنا بيعلم المسلمين إن في عز الأزمة إللي انتم فيها شوفوا الخير إللي هييجي من وراء الأزمة دي،
لأن أعظم ما يهون المصائب في قلوب الناس تعظيم الله عز وجل، وضعف التفاؤل أثر من آثار سوء الظن بالله،


◇فضح المنافقين وأنهم العدو الرئيسي للمؤمنين وتوضيح خطرهم عشان المسلمين ميسمعوش لكلامهم تاني.
"هُمُ الْعَدُوُّ فَاحْذَرْهُمْ ۚ قَاتَلَهُمُ اللَّهُ ۖ أَنَّىٰ يُؤْفَكُونَ"

لما نتدبر كلام ربنا : "لِكُلِّ امْرِئٍ مِّنْهُم مَّا اكْتَسَبَ مِنَ الْإِثْمِ"
هنلاقي إن ربنا بيعلمنا العدل، يعني مع إن المجموعة دي اتكلمت في عرض السيدة عائشة بس كل واحد له نصيب من الإثم، مش كلهم زي بعض، كل واحد هيتحاسب على أد الكلام إللي قاله،
ربنا بيعلمنا إننا نعامل كل واحد على حسب خطأه، حتى عبد الله بن أبي بن سلول ربنا قال إن له عذاب عظيم بسبب إنه أكثر واحد نشر الإفك والكذب وهو السبب فيه أصلا،
ودائما قادة الشر عذابهم بيكون أكبر من الناس إللي بتتبعهم،
زي فرعون كده،
"يَقْدُمُ قَوْمَهُ يَوْمَ الْقِيَامَةِ فَأَوْرَدَهُمُ النَّارَ"

بعد ما ربنا قال إن الكلام إللي المنافقين نقلوه ده كان كذب، علم المؤمنين
إزاي يتصرفوا في المواقف إللي زي دي وقال :
"لَوْلا إِذْ سَمِعْتُمُوهُ ظَنَّ الْمُؤْمِنُونَ وَالْمُؤْمِنَاتُ بِأَنْفُسِهِمْ خَيْرًا"

ودي الآية إللي بتؤيد فعل أبو أيوب الأنصاري وزوجته رضي الله عنهما،
وهو ده الفعل الصحيح مادام مفيش دليل، وإلا يجيبوا أربعة شهداء يشهدوا على كلامهم، ولو مجابوش الشهداء يبقى هم الكاذبين،
"لَّوْلَا جَاءُوا عَلَيْهِ بِأَرْبَعَةِ شُهَدَاءَ ۚ فَإِذْ لَمْ يَأْتُوا بِالشُّهَدَاءِ فَأُولَٰئِكَ عِندَ اللَّهِ هُمُ الْكَاذِبُونَ "

☆السؤال بقى، لو مجابوش أربعة شهداء يبقى إيه حكمهم🤔
من يتهم امرأة في عرضها وإنها فعلت الفاحشة أو يتهم رجل بدون ما يأتي بأربعة شهداء يشهدوا إنهم شافوا المرأة أو الرجل بيعملوا الفاحشة، يُجلد ثمانين جلدة👌

ولازم الشهداء يكونوا أربعة رجال مسلمين أحرار عدول،
يعني لو ثلاثة تحققت فيهم الشروط ووصفوا فعلا إللي حصل وإنه زنا لكن مفيش شاهد رابع أو حتى الشاهد الرابع مشفش كويس أو شهادته خالفت شهادة الثلاثة،
الثلاثة دول يتجلدوا ثمانين جلدة👌

☆موضوع كشف الزنا مُعقد ويكاد يكون مستحيل
وده من حفظ ربنا لأعراض الناس، عشان مش أي حد يقول أي حاجة ويعتدي على أعراض المسلمين👌

فالصحابة إللي صرحوا بوقوع السيدة عائشة في الفاحشة جُلدوا ثمانين جلدة، زي حسان بن ثابت ومسطح بن أَثاثة وحِمْنة بنت جحش،
فالحد ده تطهير لهم مع توبتهم، حسان بن ثابت ومسطح رضي الله عنهما كانا من أهل بدر، وقلنا إن أهل بدر لهم مكانة خاصة، لكن ده لا يمنع من إقامة الحدود عليهم،
هما تابوا ورسول الله ﷺ أقام عليهم الحد وبكده خلاص انتهى الموضوع والتائب من الذنب كمن لا ذنب له،
وحسان رضي الله عنه اعتذر عن الكلام إللي قاله وقال قصيدته المشهورة في مدح السيدة عائشة :

حصـانٌ رزانٌ مـا تُزنُّ بريبةٍ
وتصبح غرثى من لحوم الغوافلِ

وربنا قال لهم في الآية إللي بعدها :
"وَلَوْلَا فَضْلُ اللَّهِ عَلَيْكُمْ وَرَحْمَتُهُ فِي الدُّنْيَا وَالْآخِرَةِ لَمَسَّكُمْ فِي مَا أَفَضْتُمْ فِيهِ عَذَابٌ عَظِيمٌ"
يعني من رحمة ربنا وفضله إنه تقبل توبتهم وعفا عنهم وده لأنهم مؤمنين صادقي الإيمان وإلا فكان هيصيبهم في الدنيا والآخرة عذاب عظيم،

أما المنافقين لأن معندهمش أعمال صالحة ولم يتوبوا من كلامهم عن السيدة عائشة فجزاؤهم مستنيهم في الآخرة،

وعاتب الله المؤمنين إنهم قعدوا ينقلوا الكلام بينهم وبيتكلموا وهم ميعرفوش أي حاجة ومفكرين الموضوع بسيط وهو عظيم جدا عند ربنا،
والمفروض إنهم كانوا يُكذبوا الكلام وينفوه وميتكلموش فيه
ويُنزهوا الله عز وجل إنه يرضى لرسوله ﷺ إنه يتزوج من امرأة هتقع فيها فاحشة،
"إِذْ تَلَقَّوْنَهُ بِأَلْسِنَتِكُمْ وَتَقُولُونَ بِأَفْوَاهِكُم مَّا لَيْسَ لَكُم بِهِ عِلْمٌ وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ*
وَلَوْلَا إِذْ سَمِعْتُمُوهُ قُلْتُم مَّا يَكُونُ لَنَا أَن نَّتَكَلَّمَ بِهَٰذَا سُبْحَانَكَ هَٰذَا بُهْتَانٌ عَظِيمٌ "
ونهاهم إنهم يقعوا في حاجة زي كده مرة ثانية في المستقبل إذا كانوا بيؤمنوا بالله وشرعه وفي قلوبهم تعظيم لله ولرسوله،
"يَعِظُكُمُ اللَّهُ أَن تَعُودُوا لِمِثْلِهِ أَبَدًا إِن كُنتُم مُّؤْمِنِينَ "


وتوعد الله الناس إللي بيحبوا انتشار الفواحش بين المؤمنين عن طريق نشرها وإظهارها بالعذاب في الدنيا عن طريق الحد وفي الآخرة بعذاب الآخرة، عشان كده لازم المؤمن يرد العلم إلى الله وهنا هيفلح👌
"إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ ۚ وَاللَّهُ يَعْلَمُ وَأَنتُمْ لَا تَعْلَمُونَ"

☆ملحوظة :
عبد الله بن أبي بن سلول لم يُقم عليه الحد فلم يُجلد مع الناس إللي اتجلدوا، وده بسبب:
◇ إنه لم يُصرح بإن السيدة عائشة وقعت في الزنا.

◇أو لأن مفيش شهود يشهدوا عليه إنه صرح بإن السيدة عائشة وقعت في الفاحشة،

☆ممكن حد يسأل ويقول طيب ماهو ربنا قال عنه إنه تولى كبره وإنه له عذاب عظيم، وده كلام واضح جدا إن هو السبب أصلا في الموضوع كله🤔
من حكمة ربنا إنه جعل الأحكام تكون بشهادة الشهود والأدلة،

ودي قاعدة عامة تشريعية مش خاصة بزمن رسول الله ﷺ، يعني لو رسول الله ﷺ أقام الحد على عبد الله بن أبي بن سلول بعلم الله وبدون ظواهر وادلة، الناس إللي هتيجي بعد رسول الله ﷺ هيقلدوه إزاي والوحي خلاص انقطع
فكان لازم قاعدة عامة للناس من بعده ﷺ وهي إننا ناخد بالظاهر ونعتمد على الشهود زي ما ربنا قال👌

وخدوا بالكم من حاجه مهمه

إللي سكت من الصحابة ومتكلمش عصم نفسه، ولما نزلت الآيات مخسرش حاجة بالعكس ده نجى نفسه من الحد،
وإللي اتكلم أخطأ وأُقيم عليه الحد،
طيب ليه احنا منعملش زي الصحابة إللي سكتوا وننجي نفسنا من إننا نيجي يوم القيامة نلاقي حسناتنا أخذها غيرنا،
يا جماعة آيات حادثة الإفك مش خاصة بحادثة الإفك فقط ولا هي خاصة بزمن رسول الله ﷺ،
الأحداث دي بتتكرر
كم مرة وصل لنا أخبار أو كلام مش كويس عن ناس نعرفهم، مش لازم يكون الكلام حاجة كبيرة زي فعل الفاحشة، لأ أي كلام بيقدح فيهم،
ساعتها رد فعلنا بيكون إيه، هل بناخد الكلام ونقعد ننقله وننشره ،ولاّ بنحسن الظن ونعمل زي أبو أيوب الأنصاري رضي الله عنه،
أو على الأقل نسكت ومنجبش سيرة الناس وبكده يبقى خرجنا خالص من أي شبهة وحافظنا على حسناتنا🤷‍♂️

بعد ما ظهرت براءة السيدة عائشة، غضب أبو بكر الصديق رضي الله عنه من مِسطح وأقسم إنه مش هينفق عليه من ماله،
مسطح كان ابن بنت خالة أبو بكر، وكان فقير مكنش عنده مال غير إللي فأبو بكر كان بيساعده بالمال،
يعني كان المفروض إن مسطح يكون هو أول واحد يدافع عن السيدة عائشة باعتبار إن أبوها بيساعده حتى لو مجاملة،
أو على الأقل يسكت،
ولكن حصل العكس وهو إنه تكلم فيها رضي الله عنها، وكان رد فعل أبي بكر الصديق إنه منع عنه النفقة،
فنزل القرآن يقول لأبي بكر ولكل من كان في موقف أبي بكر إنه يعفو ويصفح عن مسطح ويرجع النفقة عليه مرة ثانية، فزي مانتم تحبوا عفو الله وغفرانه لذنوبكم انتم كمان اغفروا وسامحوا للي أقل منكم، وإللي هيعمل كده هيكون جزاؤه الغفران،

"وَلَا يَأْتَلِ أُولُو الْفَضْلِ مِنكُمْ وَالسَّعَةِ أَن يُؤْتُوا أُولِي الْقُرْبَىٰ وَالْمَسَاكِينَ وَالْمُهَاجِرِينَ فِي سَبِيلِ اللَّهِ ۖ
وَلْيَعْفُوا وَلْيَصْفَحُوا ۗ أَلَا تُحِبُّونَ أَن يَغْفِرَ اللَّهُ لَكُمْ ۗ وَاللَّهُ غَفُورٌ رَّحِيمٌ"
وخصوصا إن مسطح كان خلاص أُقيم عليه الحد وتاب، فربنا أراد إنه يصفي النفوس من الفتنة إللي حصلت دي ،
فلما سمع أبو بكر الآية قال:
بلى واللّه إنا نحب أن تغفر لنا يا ربنا، وبعدين رجع النفقة تاني على مسطح رضي الله عنهم أجمعين.

على الرغم من إن الأحداث كانت صعبة والأزمة في المدينة كانت شديدة بسبب حادثة الإفك إلا إن حركة الجهاد لم تتوقف، هنشوف إن شاء الله الجزء الجاي السرايا إللي أخرجها رسول الله ﷺ في نفس وقت حادثة الإفك😊


#السيرة_النبوية
#ايمان_شلبي

🎧 أذكار المساء
بصوت الشيخ /
مشاري بن راشد العفاسي

غفر الله لنا وله ...🌷

#علمتني_أمي_عائشة(٤٩)


🌸في العلم كانت نهرا فياضا، وفي العطاء كانت قامة عظيمة، وفي حسن الخلق كانت منارة مضيئة.

🌸ومن جميل حسن خلقها وعظيم تقواها أنها لما دُفن رسول الله صلى الله عليه وسلم في حجرتها ثم دفن أبوها في نفس المكان كانت تتعامل بشكل طبيعي فهي بين زوجها وأبيها، ولكنها لما دفن عمر بن الخطاب في نفس الحجرة بدأت تتعامل بشكل مختلف تماما وتهتم بالتستر الشديد حياءا من عمر!

- عن عائشة رضي الله عنها قالت: "كنت أدخل بيتي، الذي دُفِنَ فيه رسول الله صلّ الله عليه وسلم وأبي، فأضع ثوبي، فأقول إنَّما هو زوجي وأبي، فلمَّا دُفِنَ عمر معهم، فو الله ما دخلت إلَّا وأنا مَشْدُودَةٌ عليَّ ثيابي؛ حَيَاءًا مِن عمر"
حديث صحيح

🌸ما أعظم خلقك يا أمي تستحين من رجل ميت فتشدين ثيابك حياءا منه! فأين نحن من هذا الحياء مع الأحياء؟!


🌸رضي الله عنك وأرضاك يا أمي.

💞والله إني لأحبك يا حبيبة رسول الله صلى الله عليه وسلم.

💞أحبك يا من أنزل الله فيك قرآنا يُتلى إلى يوم الدين يرفع من شأنك ويشهد بعفتك وطهارتك.

💞أحبك يا من علمتنا مواقفك كيف نكون زوجات حكيمات، وكيف نكون إناث رقيقات، وكيف نسعى في دروب العلم متعلمات ثم مُعلمات وللخير ناشرات

💞أحبك يا أمي وأسأل الله أن يجمعني بك وبأمنا خديجة وبأمهات المؤمنين بإذن الله في جنات الخلد.


رضا الجنيدي

✍️كلنا راحلون ويبقى الأثر. فلنترك أثرا قبل الرحيل

🔖


•‏ قال الشيخ ⁧ عبدالرزاق البدر⁩ حفظه الله :
[ *الاستغفار فيه زوال الهموم وكشف الغموم وتيسير الأمور ؛ بل إنَّ خيراته وبركاته على المُستَغفرين في الدُّنيا والآخرة لا تُعدُّ ولا تُحصى*] !!

*‏ شرح شمائل النبي ﷺ ..

*أوتروا يا أهل الإيمان🌱*

( لا إله إلا هو فاتّخذه وكيلًا )
.
إذا كان الله يعلم ما تعيشه الآن، وما تتوق إليه نفسك ولا يغيب عنه تدبير شأنك طرفةَ عين، وبيده ملكوت السماوات والأرض وكل شيءٍ عنده بمقدار؛ فسلّم أمركَ كله له، واعقد قلبكَ على صدقِ كفايته وولايته لدقائق حاجاتك وهمومك ..
.
ولتكن “حسبي الله لا إله إلا هو عليه توكلت وهو ربّ العرش العظيم” زينةَ ذكركَ في يومك، واستشعر حلاوة الإيمان بمقتضاها؛ أنّ الله حسيبك أي يكفيك كل ما أهمّك من أمر دينك ودنياك وآخرتك، فهو الواحد الذي تصمدُ إليه الخلائق كلها، وهو ربّ العرش العظيم: أكبر المخلوقات وأوسعها وأجملها الذي هو سقف الفردوس الأعلى من الجنّة، تأمّل بعد هذا ضآلة حاجتك وأنها ذرة لا تكاد تُذكر أمام كل تلك العظمة والملك الواسع ..
أتظنّ بعد هذا أنّ المخرجَ مُحال وأن العوض بعيد؟! ..

#العيش_مع_أسماء_الله_الحسنى

صباح الثقة بالله 🌹

*{ثُمَّ بَعَثْنَاكُم مِّن بَعْدِ مَوْتِكُمْ لَعَلَّكُمْ تَشْكُرُونَ}
*
كم مرة أحياك الله، وبعثك من بعد الموت؟

كم مرة استيقظت بعد النوم؟
{وَهُوَ الَّذِي يَتَوَفَّاكُم بِاللَّيْلِ وَيَعْلَمُ مَا جَرَحْتُم بِالنَّهَارِ ثُمَّ يَبْعَثُكُمْ فِيهِ} [الأنعام : 60]

كم مرة كنت في ظلمات الضلال والغواية، فأحياك بأنوار الإصلاح والهداية؟

فهل شكرت ذلك ؟
أما ضللت عن الكثير فهداك؟
فأين تحديثك بنعمة مولاك؟

*الحمدلله الذي هدانا لهذا وما كنا لنهتدي لولا ان هدانا الله*

فعلاً عصر التفاهة 💔

#قصص_الأنبياء(٢)
#السيرة_النبوية
#الحلقة_مائة_وستة
#أحداث_السنة_السادسة_من_الهجرة
#برصيصا_العابد

قلنا المرة إللي فاتت إن رسول الله ﷺ موقّفش حركة الجهاد على الرغم من إن الأحداث كانت شديدة وصعبة عليه ﷺ وعلى الصحابة،
وده علّم الصحابة إنهم يفصلوا بين حياتهم الشخصية وحزنهم وابتلاءاتهم وبين الواجبات المفروضة عليهم،
يعني مهما كان الإنسان في ابتلاءات أو مهموم أو حزين ده مش مبرر إنه يعطل حياته وخصوصا خدمته للدين،
وده إللي المفروض احنا كمان نتعلمه👌
رسول الله ﷺ كان عارف إن الحزن أو الألم مينفعش يوقفوه عن العمل الواجب عليه،
رسول الله ﷺ رئيس دولة كل الناس بيعادوها، واحنا مصدقنا إن الدولة الصغيرة الناشئة دي بدأت تقف على رجلها وتثبت وجودها بين العرب، فكان لازم يستمر في تثبيت دعائم الدولة الإسلامية وخصوصا بعد المكاسب إللي حققتها الدولة الإسلامية من بعد غزوة الأحزاب👌
ده غير كده لما رسول الله ﷺ يستمر على نفس منهجه في الجهاد برغم الفتن والمصائب ده فيه رسالة واضحة جدا للمنافقين وللعرب إن مفيش حاجة هتأثر فينا حتى المشاكل الداخلية هنقدر نحلها من غير ما حياتنا تقف،
ففي نفس الشهر شهر شعبان إللي حصلت فيه حادثة الإفك أخرج رسول الله ﷺ سريتين،
السرية الأولى كانت بقيادة عبد الرحمن بن عوف رضي الله عنه وجهز معاه سبعمائة مقاتل من الصحابة،
وكانت مهمة السرية دي إنها تتجه لديار بني كلب في مكان اسمه دَوْمة الجَندل يعني الحصن الذي بناه دوما، وكانت بعيدة جدا عن المدينة على حدود الشام وهي أبعد مكان وصلت إليه الجيوش الإسلامية،
واتسمت السرية دي باسم سرية دومة الجندل، وكان الهدف من السرية دي هو الدعوة إلى الإسلام،
أمر رسول الله ﷺ عبد الرحمن بن عبد عوف إنه يخرج في الليل مع جيشه ووصاه بإنه يقاتل الكفار في سبيل الله،
ولا يغدر ولا يقتل أطفال👌
فانطلق الجيش في وقت السّحر وكانوا معسكرين في مكان اسمه الجُرْف، وصلى عبد الرحمن بن عوف الفجر مع رسول الله ﷺ فاستغرب رسول الله ﷺ من وجود عبد الرحمن بن عوف معاهم مع إنه كان المفروض يكون مع الجيش وسأله ﷺ انت بتعمل إيه هنا؟!
فقال له عبد الرحمن : أحببت يا رسول الله أن يكون آخر عهدي بك وأنا لابس لبس السفر
وخرج بعدها عبد الرحمن ولَحق بأصحابه ومشيوا في الصحراء لحد ما وصلوا ديار بني كلب وعسكر هناك وقعد يدعوهم إلى الإسلام لمدة ثلاثة أيام،
في البداية رفضوا الإسلام وكانوا ناويين على قتاله، لكن في اليوم الثالث سيدهم الأصبغ بن عمرو الكلبي أسلم وكان نصرانيا،
فأسلم من قومه ناس كثير بسبب إسلامه ومحصلش قتال وأرسل عبد الرحمن بن عوف لرسول الله ﷺ رسالة يحكي له إللي حصل وقال له إنه عايز يتزوج من القبيلة دي،
فرسول الله ﷺرد عليه برسالة قال له فيها إنه يتزوج تُمَاضِر بنت الأصبغ سيد القبيلة، فتزوجها عبد الرحمن ورجع بها إلى المدينة،
السرية الثانية إللي أخرجها رسول الله ﷺ في شهر شعبان في نفس وقت حادثة الإفك كانت سرية علي بن أبي طالب إلى ديار بني سعد في منطقة فَدَك،
والسبب في إخراج السرية دي إن رسول الله ﷺ عرف إن يهود خيبر برئاسة اليسير بن رَزَام بيجمعوا العرب عشان يهجموا على المدينة مرة ثانية، يعني عايزين يعيدوا الأحزاب مرة ثانية😶
فبنِي سعد بيجهزوا نفسهم عشان يتعاونوا مع اليهود للهجوم على المدينة، فأرسل لهم رسول الله ﷺ علي بن أبي طالب ومعاه مائة من الصحابة عشان يقاتلوهم ويفرقوا تجمعهم،
تخيلوا بقى لو رسول الله ﷺ كان منشغل بالأحداث الداخلية من غير ما يتابع الأخبار في الجزيرة العربية ويعرف أخبار التجمعات إللي بتهدد أمن المجتمع المسلم في المدينة النتيجة كانت هتبقى كارثية إزاي

بعد حادثة الإفك نزلت سورة مهمة وفيها أحكام شرعية كثيرة للمسلمين بصفة عامة وللنساء بصفة خاصة وهي سورة النور👌
وسورة النور ربنا بدأها بقوله :
"سُورَةٌ أَنزَلْنَاهَا وَفَرَضْنَاهَا وَأَنزَلْنَا فِيهَا آيَاتٍ بَيِّنَاتٍ لَّعَلَّكُمْ تَذَكَّرُونَ "
يعني هو ربنا مأنزلش القرآن كله؟
لأ، ربنا أنزل القرآن كله ولكنه هنا خص السورة دي بالإنزال لمزيد من الإعتناء بها، يعني بيلفت نظرنا لأهمية الأحكام إللي في السورة دي👌
وقال فرضناها يعني الأحكام إللي فيها فرض عليكم العمل بها وعلى إللي هييجوا من بعدكم وكلكم ملزمين بتنفيذ الأحكام دي،
فسورة النور زي السور كده، إللي هيلتزم بأحكامها كأنه وضع سور مرتفع يحمي به نفسه وأهل بيته من كل شيء شيء ممكن يضره به لأن فيها مبادئ عظيمة منها:

◇تعليم الناس الثقة بالله وإن المبادئ والأحكام إللي ربنا بيفرضها ربنا عليهم هي لمصلحتهم في الدنيا والآخرة وهو أعلم بهم لأنه هو من خلقهم.
◇ تجريم عقوبتي الزنى والقذف، فاللي هيعرف العقوبة مش هيقرب من الفعل.
◇تعليم الناس إن الأصل هو حسن الظن بالمسلم مادام مفيش دليل واضح يفيد عكس كده من خلال حادثة الإفك.
◇ تأديب أهل البيت الواحد بأدب الاستئذان على الأسرة نفسها.

◇ وسائل الوقاية من الجريمة، وتجنيب النفوس أسباب الإغراء والغواية؛ وده عن طريق توضيح آداب البيوت والاستئذان على أهلها،
والأمر بغض البصر والنهي عن إبداء الزينة لغير المحارم، والتشجيع على تزويج على الشباب ولو كانوا فقراء، فإن الله سبحانه سيغنيهم من فضله، وفيها النهي عن البغاء ووسائله.

◇ التحذير من اتباع خطوات الشيطان، وتوضيح أن اتباع خطوات الشيطان تؤدي إلى كوارث لأن الشيطان مش هيسيب الإنسان وهيفضل يجره واحدة واحدة لحد ما يوصله للكفر زي إللي حصل مع بِرْصِيصَا العابد.

☆مين برصيصا ده؟
برصيصا كان رجل عابد من بني إسرائيل،
وقصته من الإسرائيليات التي لا نكذبها ولا نصدقها زي ما قلنا قبل كده

حكى علماء التفسير قصة برصيصا وهم بيفسرو قول ربنا في القرآن:
"كَمَثَلِ الشَّيْطَانِ إِذْ قَالَ لِلْإِنسَانِ اكْفُرْ فَلَمَّا كَفَرَ قَالَ إِنِّي بَرِيءٌ مِّنكَ إِنِّي أَخَافُ اللَّهَ رَبَّ الْعَالَمِينَ "
برصيصا كان أعبد أهل زمانه، عبد ربنا حوالي سبعين سنة وكان معتكف في صومعته للعبادة ومكنش بيسيبها، ولم يذنب أي ذنب ظاهري ولم يستطع الشيطان أن يغويه ويفتنه.
والكل بيتكلم عن برصيصا العابد وعن تقواه وكان مضرب المثل في العبادة،

المهم كان في القرية إللي هو فيها ثلاثة إخوة وعندهم أخت واحدة، وكانوا عايزين يخرجوا للجهاد في سبيل الله،
لكن مش عارفين هيسيبوا أختهم مع مين يكون أمين عليها ويرعاها🤔
فملقوش غير برصيصا العابد، لكن برصيصا قاعد في صومعته هيسبوها إزاي عنده، فقالوا هنبني جنب الصومعة بتاعته غرفة تجلس فيها أختهم ،
راحوا كلموه وقالوا له عايزين نسيب أختنا عندك فرفض، فقعدوا يتحايلوا عليه وقالوا له احنا هنخرج للجهاد يعني عايزين نعبد الله وهي في غرفة جنب الصومعة بتاعتك، وانت بس مطلوب منك إنك تاخد الأكل وتحطه على باب غرفتها وحتى مش هيبقى بينكم كلام🤷‍♂️
بس الناس هتبقى فاهمة إن في رجل بيرعى المرأة دي، فوافق برصيصا لأن الموضوع بسيط ومش هيعطله عن العبادة وكمان ده باب خير وطاعة لله،
سافر الثلاثة إخوة وتركوا أختهم في الغرفة وكان برصيصا بيضع لها الطعام أمام باب الغرفة ويخبط عالباب ويرجع لصومعته من غير ما يكلمها كلمة واحدة ومن غير ماهي كمان تكلمه،
واستمر الوضع كده فترة واتعود على فعل الخير الجديد ده، ومفيش أي حاجة مخالفة خالص أهه وكله تمام💁‍♂️
في يوم من الأيام جاءه الشيطان ووسوس له وقال :
انت عارف البنت دي عايشة ولاّ ميتة 😑
ولاّ ممكن تكون مريضة ومحتاجة حاجة وهي متقدرش تكلم حد، واخواتها سايبينها أمانة عندك، هتقول لهم إيه لو جرى لها حاجة وانت كده هتضيع الأمانة، وهتقول إيه لربنا لو ضيعت الأمانة دي،
على الأقل سلم عليها وهي لما ترد السلام هتعرف إنها كويسة وكل ده من وراء الباب🤷‍♂️
وبرصيصا مكنش راضي يعمل كده، لكن مع الأيام ومع إلحاح الشيطان أخذ برصيصا الخطوة الأولى وبقى يسلم على المرأة ،
يعني يحط الأكل قصاد الباب ويخبط على الباب ويسلم على المرأة فقط وميكلمهاش أي كلمة تانية وهي ترد السلام وبعدين يرجع للصومعة بتاعته، واستمر الحال ده فترة من الزمن،
"يَا أَيّهَا الَّذِينَ آمَنُوا لَا تَتَّبِعُوا خُطُوَات الشَّيْطَان "
برصيصا اتعود إنه يسلم على المرأة خلاص وبقى الموضوع طبيعي بالنسبة له، بعد فترة جاءه الشيطان يوسوس له تاني وقال له:
المرأة لوحدها في البيت ويمكن محتاجة لشيء ومكسوفة تكلمك واخوانها اتأخروا عليها، فاسألها بس وشوفها لو محتاجة حاجة،
وانت رجل صالح مش هتعمل حاجة يعني ده انت بتساعدها بس، ولو انت مسألتهاش مين إللي هيسألها😕
فأخذ برصيصا الخطوة إللي بعد كده، وبقى يضع الطعام ويخبط على الباب ويسلم على المرأة ويسألها : محتاجة حاجة؟
فلو كانت محتاجة لشيء قالت له ولو مكنتش محتاجة قالت : لأ، وبعدين يرجع للصومعة يتعبد فيها لله،
"يَا أَيّهَا الَّذِينَ آمَنُوا لَا تَتَّبِعُوا خُطُوَات الشَّيْطَان "

☆كل الكلام لحد دلوقتي مفهوش أي مشكلة خالص أهه🤷‍♂️

برصيصا اتعود على سماع صوت البنت، والطبيعي إن إللي بيتعود على سماع الصوت بيشتاق إنه يشوف الشخص ده سواء رجل أو امرأة، فالكلام يدعو للنظر👌
برصيصا بدأ يتكلم مع البنت باستفاضة، مبقاش مجرد إنه بيسألها عن حالها وخلاص ده الكلام بقى يجيب كلام بحجة إن مفيش حد معاها يؤنسها،

واستمر الوضع ده فترة من الزمن،
ماهو كل خطوة عشان تتثبت وتبقى عادي عند برصيصا محتاجة زمن والشيطان فاضي، همه كله إنه ينفذ خطته🙂
جاء الشيطان يوسوس لبرصيصا تاني وقال له:
انت واقف تكلم البنت من وراء الباب والناس رايحة جاية وشايفينك، شكلك إيه قصاد الناس دلوقتي وهيقولوا عليك إيه، ادخل على البنت كلمها واطلع على طول،
وانت رجل صالح ومستحيل تعمل حاجة تغضب ربنا👌
ضعف برصيصا وبقى يدخل على البنت يكلمها فقط ويخرج،
واستمر الوضع كده والشيطان يزينها له ويزينه لها وما اختلى رجل بامرأة إلا كان الشيطان ثالثهما،

مرة في مرة بدأ ينظر إليها، وبعدين بدأ يلمسها حتى وقع معها في الفاحشة😓
رجع لصومعته خائف إزاي وقع في الكبيرة دي وهو العابد الزاهد، مبقاش يكلمها وبقى يضع لها الطعام أمام الباب ويمشي، فنادت عليه مرة وقالت له، إنها حامل،
فخاف برصيصا من الفضيحة وهيعمل إيه، فاستغل الشيطان ضعفه ووسوس له وقال له اقتلها، ولو اخوتها سألوك عنها قل لهم إنها مرضت وجاء أجلها وماتت وانت دفنتها،
ومحدش هيشك فيك 😈
فأخذها برصيصا وقتلها ودفنها، بعد فترة جاء إخوة البنت وبحثوا عنها ملقوهاش، سألوا برصيصا قال لهم مرضت وماتت،

طبعاً صدقوه ومشكوش في كلامه وشكروه ورجعوا للبيت،
الشيطان بقى جاء للثلاثة إخوة في الحلم وقال لهم القصة الحقيقية وإن برصيصا زنا بأختهم وحملت وبعدين قتلها ودفنها عند صخرة معينة،
تاني يوم لما صحيوا تكلم الأخ الأصغر وقال:
أنا شوفت رؤيا أفزعتني😣
فسألوه إخوته : ماذا رأيت😥
فحكى لهم الرؤيا، فقال الأوسط :أنا كمان شوفت نفس الرؤيا😳
وقال الأكبر : وأنا كمان شوفت نفس الرؤيا بتاعتكم😲
فقالوا يبقى أكيد الموضوع صحيح ، خلونا نتأكد، راحوا عند الصخرة إللي شافوها في الحلم ونبشوا القبر لقوا جثة أختهم وهي مذبوحة😶
راحوا لبرصيصا ونزلوه من صومعته وجروه والناس عرفت بالموضوع واتفضح أمره والناس بقت تشتمه وتضربه بقى انت العابد الزاهد وتعمل كده،
تخيلوا العابد الزاهد وهو مصلوب مستني حكم الإعدام وشايف نظرات الإحتقار من الناس وسامع الشتيمة، يتمنى إنه كان استمر في العبادة ومتّبعش خطوات الشيطان،
في وسط الإحباط واليأس إللي كان فيه جاءه الشيطان في صورة بشر وقال له :
أنا إللي عملت معاك كل ده، وأنا دلوقتي أقدر أنجيك من إللي انت فيه👌
فقال له برصيصا : فعلا تقدر تخلصني😥
فقال له الشيطان : سأنجيك بشرط إنك تسجد لي سجدة واحدة وكل إللي انت فيه ده ينتهي وترجع لحياتك 👌
رفض برصيصا في الأول إنه يسجد له، لكن مع إغواء الشيطان ووعوده له والموقف الصعب إللي كان فيه سجد للشيطان سجدة فقتلوه الناس ومات على الشرك😞
"كَمَثَلِ الشَّيْطَانِ إِذْ قَالَ لِلْإِنسَانِ اكْفُرْ فَلَمَّا كَفَرَ قَالَ إِنِّي بَرِيءٌ مِّنكَ إِنِّي أَخَافُ اللَّهَ رَبَّ الْعَالَمِينَ *
فَكَانَ عَاقِبَتَهُمَا أَنَّهُمَا فِي النَّارِ خَالِدَيْنِ فِيهَا ۚ وَذَٰلِكَ جَزَاءُ الظَّالِمِينَ"

☆لو كان برصيصا صادق الإيمان بالله وعنده علم بالله مكنش وقع في الشرك في آخر لحظة ومكنش طلب من الشيطان إنه ينجيه،

بعكس جُريج العابد فاكرينه،
جريج تعرض للفتنة ولأنه كان عالم عابد استطاع إنه يتجنب الفتنة وميقعش فيها،

وكان عنده ثقة في الله إنه هينجيه لما صلى ودعا الله وبعدين سأل الطفل الرضيع وقال من أبوك فأنطق الله الطفل الرضيع لجريج👌
العبادة لوحدها مش كفاية للنجاة من الفتن لازم العلم، لازم المسلم يعرف مين هو ربنا إللي بيعبده وإيه هي أسماءه وصفاته، من غير العلم الإنسان هيضل ويقع في الفتن،

نسأل الله أن يثبتنا ويغفر لنا وألا يزيغ قلوبنا بعد إذ هدانا وأن يبعدنا عن اتباع خطوات الشيطان 🤲


إن شاء الله المرة الجاية هنكمل الكلام عن السرايا وبعض آيات سورة النور😊



#السيرة_النبوية
#ايمان_شلبي

الدرس الثامن عشر🌺🌺

#أمثلة_المد_اللازم_الحرفى👆👆

#تجويد