جماهيرُ حفلٍ غنائي في بلدٍ مجاور لغزة الجمعة الماضية..ومع ذلك نجد مَن يقول: "إيش طالع بإيدنا نعمل لغزة؟"!!
بيَدِ هؤلاء أن ينتهوا عن السفاهة حياءً من الله ثم من إخوانهم الذين يُسحقون سحقاً..
وبيدنا أن نأمر بالمعروف وننهى عن المنكر حتى لا يعُمَّنا الله بعقاب..
تصور حسرة إخوانك وهم يرون هذا المشهد ! تصورهم وهم يقولون "اللهم اخذل مَن خذلنا"..
وتصور في المقابل لو أن هؤلاء الذين في الصورة او بعضهم تظاهروا في الميادين أو قاموا من الليل يدعون لإخوانهم، ورآهم إخوانهم في غزة على هذا الحال فجبر شيئا من كسر نفوسهم..

#علمتني_امي_عائشة(٧)


🌷تميزت أمنا عائشة - رضي الله عنها- بالحكمة والفطنة، وكان لديها بصيرة بحال حبيبها وحال نفسه الزكية، وذات مرة أدركت أن حبيبها -صلى الله عليه وسلم- في خير حال، وأنه الآن في وضع يسمح لها بأن تطلب منه ما تُريد فاستثمرت الفرصة لتفوز ببعض ما تحب.

🌷 عن عائشة رضي الله عنها قالت:

"لما رأيتُ مِنَ النبيِّ صلَّى اللهُ عليهِ وسلمَ طِيبَ النَّفْسِ قلتُ يا رسولَ اللهِ ادعُ اللهَ لي قال اللهمَّ اغفرْ لعائشةَ ما تقدَّم من ذنبِها وما تأخَّرَ وما أسرَّتْ وما أعلنَتْ فضحكتْ عائشةُ حتى سقط رأسُها في حِجرِ رسولِ اللهِ صلَّى اللهُ عليهِ وسلَّمَ من الضَّحِكِ فقال أَيَسُرُّكِ دُعائي فقالتْ ومالي لا يَسُرُّني دُعاؤُكَ فقال واللهِ إنها لَدَعْوتي لأُمَّتي في كلِّ صلاةٍ"
إسناده حسن



🌷يعلمنا هذا الموقف لأمنا عائشة أن المسلمة الحكيمة تعرف متى تطلب ما تريد؛ فالنفس البشرية تعطي أفضل ما تعطي وهي في أفضل حالاتها النفسية، فالزوجة الحكيمة لا تطلب طلباتها عند عودة  زوجها من الخارج وهو محمل بالأعباء، ولا وقت احتياجه للنوم، ولا وقت ضيقه؛  وهي لا تفعل ذلك مع الزوج فقط فهذا التصرف أسلوب حياة لها في التعامل مع من حولها من زوج ووالدين وإخوة بل وحتى مع الأبناء والصغار حين تسعى لغرس الفضائل فيهم أوحين تكلفهم ببعض المهام الثقيلة والمسؤوليات الجديدة.


🌷تعلمنا أمنا عائشة كذلك في هذا المشهد أن خير وأفضل الطلبات التي نطلبها ممن حولنا هي تلك الطلبات التي تختص بأمر الدين والآخرة.

فما هي الطلبات التي تركزين على طلبها من زوجك وهو في أفضل حالاته؟🤔


🔺 هل تركزين على الطلبات المادية فقط أم أن همتك وأهدافك أعلى وأسمى من ذلك فتطلبين مثلا 👇

💐جلسة طيبة تجمعكما لتتدبرا معا كتاب الله

💐أو تطلبين منه أن تتعاونا معا على مراجعة كتاب الله عز وجل.

💐أو تطلبين منه أن يسمح لك بالالتحاق بدار تحفيظ لمدارسة كتاب الله عز وجل أو السعي في العمل الخيري وفق الضوابط الشرعية أو غير ذلك مما يعينك على أمر دينك ويجعلك أكثر قربا من الله عز وجل.

🔷ضعي عينيك على الأهداف العظيمة ذات الأثر الممتد حينما تجدين من زوجك طيب النفس وتذكري أن أمنا عائشة علمتنا في هذا الموقف أن نرتقي بطلباتنا  لما هو أعلى وأسمى من الطلبات المادية وأن همتنا يجب أن تكون عالية في أمر الدين والآخرة.

رضا الجنيدي

✍️كلنا راحلون ويبقى الأثر. فلنترك أثرا قبل الرحيل

صباحكم طاعة 🌿

(لنختم القرآن سماعا)

الورد (٢٢٧)

(الربع الثالث & الحزب السابع والخمسين )

#القارئ: خالد المهنا
#ليدبروا على التليجرام
https://www.tg-me.com/GhRoooh/12189

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/aRs9UJM75xA?feature=shared
#صباحكم_قرآنٌ_يُتلى

من انفع الرقى👌

#قصص_الأنبياء(٢)
#السيرة_النبوية
#الحلقة_الواحدة_والثمانون
#الإخلاص_وقصة_أصحاب_الغار(٢)
#قصة_صاحبة_الوشاح_الأحمر

اتكلمنا المرة إللي فاتت عن الثلاثة رجال إللي دخلوا غار ونزلت صخرة سدت عليهم باب الغار،
وشوفنا إن كل واحد فيهم دعا ربنا بأكثر عمل صالح كانوا محققين فيه الإخلاص عشان ربنا ينجيهم من الموت المُحقّق،
الأول كان عمله هو بِرّه بأبويه، والثاني كان إنه استعفف عن الزنا،
الثالث بقى هو إللي هنتكلم عنه النهاردة إن شاء الله 😊
خلونا نشوف الثالث دعى بإيه
قال:
يارب إنت عارف إن كان عندي أُجراء، يعني ناس فواعْلية، بيشتغلوا باليومية،
استأجرتهم على مكيال من أَرُز أو ذرة، فلما أعطيتهم أجورهم واحد منهم قال :
أنا اشتغلت شغل رجلين مش واحد، فعايز أجر رجلين مش أجر واحد 😤
فقلت له: احنا متفقناش على كده وأنا مظلمتكش في حاجة😕
فمرضيش وترك نصيبه وانصرف،
فثمّرته له《يعني شغّل له نصيبه، زي ما واحد بيعطي فلوس لواحد يشغلها له》
حتى اشتريت بها بقر وغنم وإبل وبقى عندي وادي مليان ، فجاءني الرجل بعد زمان وكانت حصلت له مشكلة ومحتاج فلوس فتذكر إن كان له مال عندي فجاءني وقال لي:
يا عبد الله رجّع لي حقي ولا تجْحَدني، فقلت له :
شايف إللي قصادك ده كله من البقر والغنم والإبل، ده كله مالك وحقك👌

فقال لي: يا عبد الله اتق الله ولا تستهزئ بي😓
فقلت: أنا مش بستهزئ بيك، كل ده فعلا بتاعك
وفعلا الرجل أخذ كل حاجة ،
فاللهم إن كنت تعلم أني فعلت هذا ابتغاء مرضاتك ففرّج عنا ما نحن فيه 🤲
فتحركت الصخرة وخرجوا هم الثلاثة من الغار😊


عارفين، احنا ممكن لما نحط نفسنا مكان الرجل نحس بضيق لأن هو عمل مجهود كبير جدا عشان يُنمي الفلوس دي وفي الآخر مأخدش أي جزاء على مجهوده في الدنيا ، لكن في الاخره أجره كبير عند ربنا

تخيلوا إن ده إللي بيحصل لما بنغتاب حد😶بس للأسف الوضع مختلف في الآخره
يعني الواحد يقعد يتعب ويجتهد في العبادة،
وفي الآخر بكل سهولة واحد تاني يأخذ كوووول ده بسبب إني اتكلمت عليه بسوء، أو ذكرت عيوبه أو...أو...😑

رسول الله ﷺ بيقول:
"أَتَدْرُونَ مَا الْمُفْلِسُ ؟ قَالُوا : الْمُفْلِسُ فِينَا مَنْ لا دِرْهَمَ لَهُ وَلا مَتَاعَ 😕
فَقَالَ : إِنَّ الْمُفْلِسَ مِنْ أُمَّتِي يَأْتِي يَوْمَ الْقِيَامَةِ بِصَلَاةٍ وَصِيَامٍ وَزَكَاةٍ ، وَيَأْتِي قَدْ شَتَمَ هَذَا ، وَقَذَفَ هَذَا ، وَأَكَلَ مَالَ هَذَا ، وَسَفَكَ دَمَ هَذَا ، وَضَرَبَ هَذَا ،
فَيُعْطَى هَذَا مِنْ حَسَنَاتِهِ ، وَهَذَا مِنْ حَسَنَاتِهِ ، فَإِنْ فَنِيَتْ حَسَنَاتُهُ قَبْلَ أَنْ يُقْضَى مَا عَلَيْهِ أُخِذَ مِنْ خَطَايَاهُمْ فَطُرِحَتْ عَلَيْهِ ثُمَّ طُرِحَ فِي النَّارِ👌

☆طيب ببقى متضايق وهطق وعايز أفضفض، أعمل إيه😑

مضايق من حد اشتكيه لربنا واحكيله عن كل حاجة مضايقاك منه ربنا هيريح قلبك،
لأن قلبك بإيده وكل إللي بيحصل لك ربنا مقدره عليك فهو إللي بإيده يغير لك كل حاجة ويراضيك
فاكرين يعقوب عليه السلام كان بيقول إيه:
"إنما أشكو بثي وحزني...."
ودايما افتكر كده إن إللي بتتكلم عليه ده هياخد حسناتك إللي قعدت تجاهد نفسك عشان تحقق فيها الإخلاص وتزينها لربنا عشان يتقبلها منك👌
وكفارة الغيبة إنك تذكر نفس الشخص إللي اغتبته بخير في نفس المجلس إللي اغتبته فيه وتدعي له بظهر الغيب،
رسول الله ﷺ يقول:
"مَنْ كَانتْ عِنْدَه مَظْلمَةٌ لأَخِيهِ مِنْ عِرْضِهِ أَوْ مِنْ شَيْءٍ فَلْيتَحَلَّلْه ِمِنْه الْيَوْمَ قَبْلَ أَلَّا يكُونَ دِينَارٌ وَلَا دِرْهَمٌ،
إنْ كَانَ لَهُ عَمَلٌ صَالِحٌ أُخِذَ مِنْهُ بِقَدْرِ مَظْلَمتِهِ، وإنْ لَمْ يَكُنْ لَهُ حسَنَاتٌ أُخِذَ مِنْ سيِّئَاتِ صاحِبِهِ، فَحُمِلَ عَلَيْهِ"

ومش لازم أبدا إن أروح أقول له يا فلان أنا اغتبتك سامحني،هنا هتحصل مشكلة أكبر❌

وياريت لو نعفو عن اللي اغتابنا او ظلمنا في الدنيا لأن الأجر هيكون اكبر بكتير من اني اخد من حسناته
(فمن عفا وأصلح فأجره على الله) 🌹


قبل ما نعرف قصة صاحبة الوشاح الأحمر في كم سؤال محتاجين نعرف إجابتهم😊

◇هم الثلاثة رجال دول عرفوا إزاي إنهم مخلصين، يعني هو الإنسان ممكن يعرف إذا كان مخلص فعلا ولا لأ، وممكن يحقق الإخلاص في عمله والإخلاص ده مش حاجة مستحيلة😮

خلونا الأول نفهم قاعدة مهمة وهي إن ربنا بيقول :
"وَمَا جَعَلَ عَلَيْكُمْ فِي الدِّينِ مِنْ حَرَجٍ"
يعني كل أمور الدين ربنا جعلها سهلة علينا ومش صعب تحقيقها،
واحنا عارفين إن الإخلاص شرط لقبول العمل، يعني لو مفيش إخلاص مفيش قبول والعمل هيحبط،
طيب حاجة بالخطورة دي إزاي تكون صعبة أو مستحيل نحققها🤷‍♀️
يبقى تحقيق الإخلاص مش حاجة مستحيلة ونقدر فعلا نحققها لو دربنا نفسنا عليها،
بكل بساطة قبل ما نعمل أي عمل صالح هنقف مع نفسنا ونفكر:
هو أنا بعمل العمل الصالح ليه؟
بصلي ليه...بصوم ليه...بتصدق ليه...بقرأ واحفظ قرآن ليه....ليه...ليه...
هنجاوب على نفسنا أنا بعمل العمل الصالح عشان:

ربنا أمرني بكده، عشان عايز أتقرب لربنا، عشان عايز رحمة ربنا، عشان عايز أنجو من النار وأدخل الجنة👌
جاوبنا على نفسنا، على طول بقى نعمل العمل الصالح وإن شاء الله نكون مخلصين ساعتها👍🏻

◇طيب، الناس بقى إللي في نص العمل الصالح يدخل لها الشيطان ويقول لهم أيوة اعمل عشان فلان يقول عليك كذا وكذا،
اعمل عشان الناس تحترمك وتحبك اعمل عشان وعشان من الأسباب الدنيوية، ويقعد يشككه في نيته ويقول له انت اصلا مُرائي😒
ساعتها بقى نعمل إيييه😳
هنعمل زي ما رسول الله ﷺ قال لنا، هندفع الوسواس ده ونستعيذ بالله من الشيطان الرجيم وندعي ونقول:
" اللهم إني أعوذ بك أن أُشرك بك شيئًا وأنا أعلم وأستغفرك لما لا أعلم"
احفظوا الدعاء ده وقولوه لأن رسول الله ﷺ قال عنه إنه بيبعد الإنسان عن الرياء، والرياء هو الشرك الأصغر😢

بعد ما عرفنا إن تحقيق الإخلاص في العمل مش حاجة مستحيلة ونقدر نعملها،
نسأل نفسنا بقى، لو أنا كنت الرابع مع الثلاثة دول ومطلوب مني إني أتوسل إلى الله بعمل صالح كنت هقول إيييه😕
هل أنا عندي العمل الصالح إللي ينجيني فعلا من الهلاك،
ولا معنديش وكنت هبقى سبب في هلاك نفسي وهلاكهم معايا😞
لو عندي فذلك فضل الله نحمد ربنا عليه👌
طيب لو معنديش😥
بكل بساطة يبقى أعمل الأعمال الصالحة إللي تنجيني من الهلاك سواء في الدنيا أو في الآخرة💁‍♀️
مادام احنا لسه على قيد الحياة وبنتنفس يبقى لسه في فرصة للتغيير وفرصة للأعمال الصالحة

قصة أصحاب الغار بتعلمنا إن الأعمال الصالحة في وقت الرخاء بتفيد الإنسان في وقت الشدة،
مش رسول الله ﷺ بيقول:
" تعرّف إلى الله في الرّخاء يعرفك في الشدة"
يعني إللي يطيع ربنا ويتقيه ويقف عند حدوده وينفذ أوامره ويبعد عن إللي نهى عنه في وقت ما هو عايش في النعم،
لما تحصل له مشكلة أو ابتلاء ربنا هينجيه من الفتن والابتلاءات والشدائد دي👌

لكن ناخد بالنا من حاجه مهمه
إللي بيعمل الأعمال الصالحة عشان الدنيا بس ، أو عشان يرجع يتوسل إلى الله عشان عايز مصلحة دنيوية فده أجره بينقص في الآخرة على قدر هم الدنيا في قلبه،
فكل ما كان غرضه من العمل الصالح هو الدنيا في 《الأساس》مع الأجر في الآخرة قَل أجره في الآخرة،
لكن إللي مش بيفكر في الآخرة أصلا وكل همه من العمل الصالح إنه يحقق مصالح الدنيا فده ملوش أجر أصلا في الآخرة ويحبط عمله👌
"مَّن كَانَ يُرِيدُ الْعَاجِلَةَ عَجَّلْنَا لَهُ فِيهَا مَا نَشَاءُ لِمَن نُّرِيدُ ثُمَّ جَعَلْنَا لَهُ جَهَنَّمَ يَصْلَاهَا مَذْمُومًا مَّدْحُورًا"

◇إيه ده 😳
يعني أنا لما بستغفر وأكثر من الصلاة على رسول الله ﷺ بنية إن ربنا يفرج كربي ولاّ يزيل همي يبقى كده أجري هينقص في الآخرة🙊

طبعا لأ💁‍♀️
لأن ده أصلا من الدعاء المشروع إللي ربنا أمرنا به ووعدنا بأجره،
"مَنْ عَمِلَ صَالِحًا مِّن ذَكَرٍ أَوْ أُنثَىٰ وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً ۖ وَلَنَجْزِيَنَّهُمْ أَجْرَهُم بِأَحْسَنِ مَا كَانُوا يَعْمَلُونَ "

فالمشكلة بس لما الإنسان يكون بيستغفر ويصلي ويتقرب إلى الله بالطاعات عشان يزيل همه ويفرج كربه،
وأول ما يحقق إللي هو عايزه خلاص يسيب الطاعات والاستغفار وكل الصالحات،
أو مثلا ملقاش نتيجة للاستغفار والأعمال الصالحة فيقوم سايب كل ده،
فهنا بقى ده إللي ينطبق عليه الكلام الأول👌

♡قصة أصحاب الغار بتعلمنا إن المسلم لازم يلجأ بالدعاء إلى الله وحده وخصوصا وقت الشدائد،
وربنا وعد بإجابة الدعاء لأي حد يدعوه، ووعد بإجابة دعوة المضطر حتى ولو كان كافر،
"أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ ۗ أَإِلَٰهٌ مَّعَ اللَّهِ ۚ قَلِيلًا مَّا تَذَكَّرُونَ"

وده ياخدنا على طول لقصة صاحبة الوشاح الأحمر😁

كان في حي من أحياء العرب القديمة أسرة من الأغنياء، وكان عندهم جارية سوداء بتخدمهم، انتم عارفين العبيد والإماء كانوا منتشرين في عهد رسول الله ﷺ،
فالأسرة الغنية دي أعتقت الجارية، لكن الجارية مكنش عندها بيت ولا تعرف حد ولا لها أي مكان تروحه، فاستمرت الجارية دي تخدم الأسرة الغنية في مقابل إنها تعيش معاهم ويأكلوها معاهم يعني،
المهم، في يوم من الأيام خرجت بنت صغيرة من بنات الأسرة دي عشان تروح الحمام،
والحمام في زمانهم معناه مكان معمول للناس عشان يستحموا فيه، مش معناه الحمام بتاعنا دلوقتي
فالبنت دي كان عليها وِشاح لونه أحمر، والوشاح هو قماشة طويلة بتتلف حول الرقبة زي كده 👈🎗
البنت دخلت الحمام وتركت الوشاح خارج الحمام،
كان في حِدَأَة بتطير، يعني حِداية، وهي طائر يشبه الصقر
كده تقريبا🦅 🤔
الحِدَأة شافت الوشاح الأحمر فكرته حتة لحمة، راحت نازلة عليه خطفته وطارت،
البنت خرجت من الحمام ملقتش الوشاح بتاعها، راحت تعيط لأهلها، دوروا عليه مش لاقيينه😕
فاتهموا الجارية السوداء بإنها سرقته، وقعدوا يفتشوها لدرجة إنهم قلعوها هدومها وفتشوا في جسمها، وهي تقول لهم إنها بريئه وهم مش مصدقينها،

الجارية حست بالظلم والمهانة والضعف، ملهاش حد يدافع عنها ولا يثبت براءتها، وهي ضعيفة مش عارفة تدافع عن نفسها،
فالجارية السوداء ملقتش غير إنها تدعو الإله إللي في السماء، وهي كانت أصلا بتعبد الأصنام،
لكن زي ما ربنا قال عن المشركين، إنهم لما يكونوا في كرب وبلاء بيدعو الله مخلصين له الدعاء ويتركوا آلهتهم👌
" فَإِذَا رَكِبُوا فِي الْفُلْكِ دَعَوُا اللَّهَ مُخْلِصِينَ لَهُ الدِّينَ فَلَمَّا نَجَّاهُمْ إِلَى الْبَرِّ إِذَا هُمْ يُشْرِكُونَ "

الجارية قعدت تدعو الله من كل قلبها إنه يظهر براءتها ويخلصها من المشكلة إللي هي فيها دي،
فاستجاب الله لها في نفس اللحظة إللي دعت فيها👌
الحدأة رجعت بالوشاح ورمته عليهم وهم واقفين،
تخيلوا منظر الناس وهم ماسكين في خناق الجارية وفجأة يلاقوا الوشاح بيترمى عليهم من السماء😊
وبكده ظهرت براءة الجارية السوداء، فأخذوا الوشاح وراحت الجارية مزعقة فيهم:
اتهمتوني ظلم إن أنا إللي سرقته وأهه قصادكم أهه😡
فقررت الجارية إنها تهاجر من البلد دي بعد ما الموقف ده أثر فيها جدا، لكن تروح فين ملهاش حد😓
فعرفت إن في واحد بيقول إنه رسول من عند الله، فهاجرت إلى المدينة، وذهبت لرسول الله ﷺ وأعلنت إسلامها وعملت لها خيمة في المسجد وسكنت فيها،
وكانت دائما بتنشد بيتين من الشعر بتقول فيهم:

ويَوْمُ الْوِشَاحِ مِنْ أعَاجِيبِ رَبِّنَا
إلَا إِنَّهُ مِنْ بَلْدَةِ الْكُفْرِ أَنْجَانِي

فسألتها السيدة عائشة مرة إيه يوم الوشاح ده، وليه بتقولي الأبيات دي على طول🤔
، فحكت لها الجارية قصتها مع الوشاح ومع استجابة ربنا لدعائها وهي كانت لسه مشركة
تخيلوا إن ده استجابة ربنا لدعاء المضطر الكافر، فما بالكم بدعاء المضطر إللي بيقول لا إله إلا الله👌
ادعوا ربنا : "إِنَّ رَبِّي قَرِيبٌ مُّجِيبٌ "

إن شاء الله الجزء الجاي هنتكلم فيه عن رسول الله ﷺ وبعض مواقفه مع زوجاته وبعض مواقفه مع أصحابه

ملحوظة انا بحكي السيره بالأسلوب ده
اولا علشان نزرع حب الرسول صلى الله عليه وسلم في القلوب كمان علشان القارئ يعرف دينه، أنا مش بحكي قصة وخلاص، إللي عايز قصة فقط هيلاقي محاضرات كثيرة وكتب كثيرة بتحكي قصة حياة رسول الله ﷺ،
لكن أنا هدفي هو تعليم الناس أساسيات الدين من خلال شرح قصص الأنبياء والسيرة النبوية،
وانتم شايفين الناس معندهاش حتى المعلومات الأساسية عن دينها، وحتى مكسلين يتعلموا😞
فأنا عايزاكم تطولوا بالكم معايا🙈
إن شاء الله على ما نخلص السيرة هتطلعوا منها بكمية معلومات كثيرة جدا مكنتوش هتعرفوها لو أنا حكيت فقط مجرد أحداث وراء بعضها وخلاص،
بحاول أخليكم تحسوا كأنكم كنتم عايشين مع الصحابة،
كأنكم جزء منهم، عايشين لنفس هدفهم، بنتربى معاهم وإللي بيربينا رسول الله ﷺ،
طبعا أنا بحاول على أد ما أقدر أعمل كده، والفتح والتوفيق من عند ربنا،
فجزاكم الله خيرا على صبركم واستمراركم معايا، وربنا يجمع بيننا يوم القيامة مع رسول الله ﷺ يسقينا من حوضه ونستظل بظل عرش ربنا عز وجل😊


#السيرة_النبوية
#ايمان_شلبي

#علمتني_أمي_عائشة(٩)


🌷لقد ضحكت أمنا عاثشة ضحكا شديدا حتى أن رأسها سقط في حجر النبي -صلى الله عليه وسلم- من شدة فرحتها عندما دعا لها بهذا الدعاء الجامع.

🔷تُرى ما هو رد فعلك عندما يستجيب زوجك لطلب من طلباتك وخاصة تلك الطلبات التي تستدعي الفرحة الكبيرة؟

هل تظهرين الفرح والسرور، وتظهرين رضاكِ عما قدمه لك أم أنك تتعاملين مع الأمر وكأنه شيء عادي؟


النساء في مثل هذه المواقف أنواع فمنهم من تقتدي بأمها عائشة وتظهر فرحها وتشكر من يحقق لها طلباتها وتشعره بسعادتها بما قدم لها وهذه هي المسلمة الواعية التي تكسب قلوب الآخرين بسبب حسن تعاملاتها وحكمتها ولطف تصرفاتها.


🌷ومنهم من تتعامل وكأن شيئا لم يحدث وتجعل الموقف يمر مرور الكرام ولا تلقي بالا لحديث النبي صلى الله عليه وسلم حسن قال:

"لا يَشْكُرُ اللهَ مَن لا يَشْكُرُ الناسَ." صحيح أبي داود


🌷أما النوعية الثالثة فهي تلك المرأة الجاحدة التي تتلقى عطاءات الآخرين بجحود وتعامل سيء فتقلل من شأن ما فعلوه وتحقره بل وربما تؤنب من أمامها لأنه لم يقدم لها ما قدمه من زمن مضى أو لأنه قدم أقل مما ينبغي أو غير ذلك وهذه الزوجة مهما كانت جميلة لن يشفع لها جمالها يل إنها تحفر بيديها قبرا لحب زوجها لها؛ لأنها تفتقد للأنوثة الحقيقية وتفتقد لحسن الخلق وحكمة التعامل مع المحيطين بها.😰

تُرى من أي الأنواع أنت؟


#علمتني_امي_عائشة(١٠)


🌷تُعلمنا أمنا عائشة في هذا الموقف فن الحوار الجميل والكلام اللطيف وإشعار الزوج بجميل صنعه وبجميل مشاعرها نحوه وأثر أفعاله عليها، وتقديرها الشديد له وذلك حين قالت:

"ومالي لا يسرني دعاؤك"

🍃ترى كيف تتعاملين أنت مع زوجك وكيف هو حوارك معه وكيف حال إشعارك له بالتقدير؟


🍃هل تشعرينه بأهميته في حياتك باعتدال وتوازن وحكمة ودون إفراط أو تفريط؟

🍃هل تطيبين خاطره بلطيف الكلمات وعذب العبارات التي تشعره بالتقدير؟

🌷المسلمة الواعية تعرف كيف تحبب زوجها فيها من خلال كلماتها الحنون وعباراتها العذبة، وألفاظها الرقيقة كما فعلت أمنا عائشة فتعلمي من أمك وكوني مثلها لتسعدي بحب زوجك لك.❤️



رضا الجنيدي

✍️كلنا راحلون ويبقى الأثر. فلنترك أثرا قبل الرحيل

*تَحلّل ممن ظلمت، لتنام خفيف الظهر من مظالم الناس.*
نم شاكرًا نِعَم الله عليك لعلّه يزيدها إذا أصبحت.
*نم بعد وترك؛* فإن الله وتر يحب الوتر وأهله.
*نم وانوِ القيام للفجر،* فإنْ متّ متّ على خير نيّة، وما أجمل لقاء الله على نية صالحة!
*نم واجعل خواطر ما قبل النوم في التفكر بملكوت الله.*

د. بندر الشراري

صباح التفاؤل 🤍

(لنختم القرآن سماعا)

الورد (٢٢٨)

(الربع الرابع & الحزب السابع والخمسين )

#القارئ: خالد المهنا
#ليدبروا على التليجرام
https://www.tg-me.com/GhRoooh/12190

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/t3VYbR1ciO8?feature=shared
#صباحكم_قرآنٌ_يُتلى

ذكر يسير 🌱

#قصص_الأنبياء(٢)
#السيرة_النبوية
#الحلقة_الثانية_والثمانون
#قصة_المقداد_ولبن_رسول_الله
#رسول_الله_مع_سودة_وعائشة

هنتكلم النهاردة عن بعض مواقف رسول الله ﷺ مع أصحابه وبعض زوجاته،
واحد من الصحابة اسمه المقداد بن الأسود، أو خلينا نقول اسمه إللي هو مشهور به المقداد بن عمرو،
فاكرينه😊
إللي قال لرسول الله ﷺ في غزوة بدر لما كان بيستشير الصحابة يقاتلوا ولا يرجعوا للمدينة فقال المقداد بن عمرو:
يا رسول الله! اعمل إللي إنت شايفه صح، فوالله مش هنقول لك كما قال بنو إسرائيل لموسى اذهب أنت وربك فقاتلا فإنا هاهنا قاعدون،
ولكن هنقول لك : اذهب أنت وربك فقاتلا إنا معكما مقاتلون وكان رسول الله ﷺ فرح بكلامه جدا👌
حصل موقف بين رسول الله ﷺ والمقداد بن عمرو هيحكيه لنا المقداد، بيقول:
أنا واثنين من أصحابي كنا جعانين جدا لدرجة إن تركيزنا راح، لا شايفين ولا سامعين حاجة،
فعرضنا أنفسنا على أصحاب النبي ﷺ عشان يضيفونا ويأكلونا فمحدش منهم قَبِلَنا😓


فالثلاثة راحوا لرسول الله ﷺ، فأخذهم رسول الله ﷺ وذهب لأهله ،فلقى عندهم ثلاثة أَعْنُز، ماعز يعني،
فقال لهم احلبوا الماعز الثلاثة واقسموا اللبن بيننا احنا الأربعة،
فكانوا بيحلبوا اللبن ويشربوا ويتركوا نصيب رسول الله ﷺ متغطي في جنب لحد ما ييجي ويشربه،
استمر الوضع كده كام يوم، وكان رسول الله ﷺ بيذهب للأنصار ولما يخلّص مشواره يرجع بالليل ويقعد يصلي في المسجد وبعدها ييجي يشرب اللبن بتاعه،
في يوم من الأيام بعد ما شربوا نام الاثنان ولم ينم المقداد كان لسه جعان ومفيش غير نصيب رسول الله ﷺ بس هو إللي فاضل، فيقول:
وأنا نايم على الأرض كده جاءني الشيطان يوسوس لي وقال لي:
محمد بيروح للأنصار، فأكيد يعني مش هيسيبوه من غير أكل وهيضيفوه، فأكيد مش هيبقى محتاج لشوية اللبن دول،
قوم اشربه😈
فلما أغراه الشيطان وأقنعه إن رسول الله ﷺ مش محتاج شوية لبن قام المقداد بن عمرو وشرب نصيب رسول الله ﷺ من اللبن،
وأول ما دخل اللبن جوفه وعرف إن خلاص مفيش مجال إنه يرجع اللبن ده تاني، الشيطان مسابوش وقعد يندّمه😶
قال له: إنت عملت إيه😱
شربت اللبن بتاع محمد😳
دلوقتي ييجي عشان يشرب اللبن بتاعه وميلاقيهوش، فيدعو عليك وتضيع عليك دنياك وآخرتك😤
فطار النوم من عين المقداد وقعد قلقان وغطى نفسه بشَمْلة،
غطاء زي لحاف صغير كده، كان لما يغطي رأسه رجل تبان،
لو غطى رجله رأسه تبان،
وهو على الحالة دي جاء رسول الله ﷺ
وكان من عادته لما ييجي إنه يسلم سلام ميصحيش النائم وإللي صاحي يسمع سلامه،
فسلم رسول الله ﷺ كعادته وصلى في المسجد، وراح يكشف عن الطبق إللي فيه اللبن بتاعه عشان يشربه، فلما كشفه ملقاش فيه حاجة، فرفع إيده يدعي،
وكل ده والمقداد باصص على رسول الله ﷺ من تحت الشملة بتاعته ورسول الله ﷺ ميعرفش حاجة
فلما شافه المقداد بيرفع إيده للسماء عشان يدعي قال في نفسه:
بس كده أنا خلاص هلكت...😶
فقعد يسمع رسول الله ﷺ هيدعي بإيه،
فسمعه يقول : اللهم أطعم من أطعمني واسقِ من سقاني🤲
فقام المقداد وأخذ سكينة وذهب إلى الأَعْنز عشان يذبح منهم واحدة ويُطعم رسول الله ﷺ ويبقى الدعاء إللي رسول الله ﷺ دعاه من نصيبه،
فلقى المقداد الضرع بتاع الأعنز كلهم مليان لبن، فأتى بطبق كبير عميق لا يتصور آل محمد ﷺ إنهم يحلبوا فيه ولا حتى يملوه زي ماهو بيحكي،
فحلب الأعنز وملأ الطبق باللبن لدرجة إن رغوة اللبن عِليت عن الطبق😮
فأخذ اللبن وراح لرسول الله ﷺ، فرآه رسول الله ﷺ وأكيد استغرب إن المقداد لسه صاحي
فقال له المقداد وهو بيعطيه اللبن:
اشرب يارسول الله
فرسول الله ﷺ سأله: هل شربتم؟
فقال له المقداد: اشرب
طبعا مجاوبهوش😅
هو مش عايز رسول الله ﷺ يعرف حاجة لحد ما يخلص عشان يأخذ بركة دعاء رسول الله ﷺ

يقول المقداد: لما شرب رسول الله ﷺ اللبن وعرفت إنه خلاص ارتوى وبكده يبقى الدعوة إللي رسول الله ﷺ دعاها بقت من نصيبي قعدت أضحك لدرجة إني وقعت على الأرض من كثرة الضحك

فرسول الله ﷺ قال له:
إحدى سَوْءاتك يا مقداد👌
يعني إنت عملت عَملة يا مقداد
فحكى له المقداد كل إللي حصل معاه، فقال له رسول الله ﷺ:
دي رحمة من الله، مش كنت تقول عشان نصحي الاتنين النايمين دول عشان يشربوا معانا!
😄اللهم صل وسلم وبارك على نبينا محمد

نيجي بقى نشوف مواقف لرسول الله ﷺ مع زوجاته😊
زوجته سَودة بنت زمعة،
قلنا قبل كده إن زوجها مات وسابها بين أهله المشركين، فتزوجها رسول الله ﷺ شفقة بها لأنها كانت مسنة،
السيدة سودة مكنتش ذات جمال وكانت امرأة جسيمة يعني سمينة جسمها مليان، وكانت مرحة وروحها حلوة دمها خفيف يعني رضي الله عنها فكانت بتغتنم أي فرصة عشان تضحك رسول الله ﷺ
في مرة كان رسول الله ﷺ بيصلي نافلة من النوافل،
فدخلت سودة وراه تصلي خلفه فأطال رسول الله ﷺ في الصلاة،
فبعد ما خلص صلاة قالت له سودة وهي بتضحك:
أنا صليت خلفك يا رسول الله فلما ركعت وراك أمسكت أنفي مخافة أن يقطُر الدم،

يعني وهي راكعة راحت مسكت مناخيرها عشان الدم مينزلش منه،

يعني إنت طولت أوي يارسول الله لدرجة إن الدم كان هينزل من مناخيري فأنا لحقت نفسي وسديت مناخيري،
فضحك رسول الله ﷺ من كلامها
وكان زوجات رسول الله ﷺ بيحبوها وبيحبوا روحها المرحة دي و كانوا بيحبوا يهزروا معاها،
في مرة عائشة وحفصة رضي الله عنهما أوهموها إن الدجال خرج، فخافت وجريت استخبت في بيت كانوا بيولعوا فيه نار عشان يخبزوا فيه،
فضحكت عائشة وحفصة من تصرفها، وجاء رسول الله ﷺ ولقاهم هم الاتنين بيضحكوا، فسألهم مالكم؟
فحكوا له إللي حصل مع سودة، فذهب إليها، فأول ما شافته ندهت عليه وسألته:
الدجال خرج يا رسول الله😰
فقال لها: لأ!
فاطمأنت وخرجت من البيت وقعدت تنفض نفسها من خيوط العنكبوت😅
وكانت عائشة رضي الله عنها بتحبها وبتقول إنها لم تتمنَّ إنها تكون زي حد في أسلوبه وطريقته وقوة نفسه إلا سودة رضي الله عنها،
وحصل موقف بين عائشة رضي الله عنها وبين سودة ضَحك منه رسول الله ﷺ،
في يوم من الأيام، السيدة عائشة عملت أكلة اسمها الخَزِيرة، بتتعمل من الدقيق واللحم والمرقة، وكانت السيدة سودة بنت زمعة عندها في حجرتها جاءت تزورها،
فجاءت عائشة رضي الله عنها بالخزيرة وقالت لسودة كُلي،
فرفضت السيدة سودة وقالت مش عايزة، ملهاش نفس، وكان رسول الله ﷺ قاعد بينهم هم الاثنين واضع قدمه في حِجر عائشة، وقدمه الثانية في حِجر سَودة،
فعائشة قالت لها:
كُلي وإلاّ لطّخت وجهك بالخزيرة👌
فرفضت سودة الأكل، فعائشة رضي الله عنها مدت ايدها بالخزيرة ولطّخت وجه سودة رضي الله عنها😅
فضحك رسول الله ﷺ وشال رجله من حِجر سَودة وقال لها:
قومي لطّخي وجهها زي ماهي لطّخت وجهك،
فأخذت سَوْدة من القصعة إللي فيها الخزيرة، ولطّخت وجه عائشة رضي الله عنها،
ورسول الله ﷺ بيضحك علىيهم الاثنين😁

رسول الله ﷺ كان جعل لكل واحدة من زوجاته ليلة يذهب إليها ويبيت عندها، فالسيدة سودة وهبت ليلتها للسيدة عائشة رضي الله عنها،
لأنها ظنت إن رسول الله ﷺ كان هيطلقها، ورسول الله ﷺ لم يطلقها، وما كان رسول الله ﷺ يطلقها وهي كبيرة في السن وملهاش حد،

فهي إللي ظنت كده فقالت لرسول الله ﷺ إنها هتعطي ليلتها لعائشة عشان تفضل في عصمته في الدنيا وتكون زوجة له في الآخرة، وهي كانت عارفة أد إيه رسول الله ﷺ بيحب عائشة رضي الله عنها، فأرادت إنها ترضي رسول الله ﷺ وتفرحه بالهبة دي،
والكلام ده موجود في الحديث الصحيح،
ونزل فيها قول الله:
"وَإِنِ امْرَأَةٌ خَافَتْ مِن بَعْلِهَا نُشُوزًا أَوْ إِعْرَاضًا فَلَا جُنَاحَ عَلَيْهِمَا أَن يُصْلِحَا بَيْنَهُمَا صُلْحًا "


من المواقف المضحكة إللي حصلت مع رسول الله ﷺ وعائشة رضي الله عنها،
، إن رسول الله ﷺ في مرة دخل عليها وهي بتلعب بعرائس لها،
فسألها رسول الله ﷺ: إيه ده؟
فقالت له : دول بناتي
فسألها، إيه إللي في وسطهم ده؟
قالت له : فرس🐎😊
فسألها : وإيه إللي عليه ده ؟
فقالت له: جناحان، فسألها باستغراب:
فرس له جناجان؟!!!
فقالت له:
هو إنت مسمعتش إن سليمان بن داوود كان عنده فرس لها أجنحة
فضحك رسول الله ﷺ من كلامها

يعني متخيلين إن عائشة الصغيرة رضي الله عنها إللي اتولدت في الإسلام، هي إللي بتقول لرسول الله ﷺ إللي نزل عليه قصص الأنبياء كلهم إن سليمان عليه السلام كان عنده فرس لها أجنحة😅

وكان رسول الله ﷺ بيبعت لها بنات الأنصار عشان يلعبوا معاها، من باب المؤانسة،
وخصوصا إن عائشة رضي الله عنها كانت صغيرة في السن، هي أه كانت زوجة لكن محتاجة لأصحاب يؤنسوها وبتلعب بالعرايس عادي، زي ما تلاقي البنات في جامعة وبيحبوا الدباديب وبيلعبوا بيها💁‍♀️
فرسول الله ﷺ كان بيراعي مشاعر زوجاته وبيراعي حوائجهن النفسية، وهو القائل عن نفسه:
"خيركم خيركم لأهله وأنا خيركم لأهلي"


إن شاء الله المرة الجاية هنتكلم عن أحداث السنة الرابعة من الهجرة😁




#السيرة_النبوية
#ايمان_شلبي