إن أردتَ السعادة💖

(لنختم القرآن سماعا)

الورد (٢٠٦)

(الربع الثاني & الحزب الثاني والخمسين )

#القارئ: عبدالرحمن الجريذي
#ليدبروا على التليجرام
https://www.tg-me.com/GhRoooh/12117

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/0zKZ7SDssU8?feature=shared
#صباحكم_قرآنٌ_يُتلى

خمس تهليلات من مات عليها لم تمسه النار 🔥

#قصص_الأنبياء(٢)
#السيرة_النبوية
#الحلقة_الستون
#غزوة_بدر_الكبرى(٢)
#انتصار_المسلمين_في_بدر

اتكلمنا المرة إللي فاتت عن بداية معركة بدر بين المسلمين وبين المشركين،
وشفنا المبارزة إللي حصلت بين حمزة وعلي وعبيدة ضد عتبة وشيبة والوليد وانتصار المسلمين عليهم
وربنا أنزل فيهم :
"هَٰذَانِ خَصْمَانِ اخْتَصَمُوا فِي رَبِّهِمْ ۖ فَالَّذِينَ كَفَرُوا قُطِّعَتْ لَهُمْ ثِيَابٌ مِّن نَّارٍ يُصَبُّ مِن فَوْقِ رُءُوسِهِمُ الْحَمِيمُ"

وبدأت المعركة وكان المسلمون ثابتين وأخذوا بالأسباب في مواجهة جيش المشركين، مع إن جزء منهم كانوا كارهين أصلا إنهم يدخلوا في معركة مع المشركين،
وكان نفسهم يأخذوا القافلة وينتصروا على الأربعين رجل إللي كانوا حارسينها وخلاص،
لكن لأن ربنا له ترتيب تاني ويريد إنه يظهر الحق ويعلي الإسلام كان لازم تحصل غزوة بدر👌
"كَمَا أَخْرَجَكَ رَبُّكَ مِن بَيْتِكَ بِالْحَقِّ وَإِنَّ فَرِيقًا مِّنَ الْمُؤْمِنِينَ لَكَارِهُونَ"
كانت المعركة في السابع عشر من شهر رمضان من السنة الثانية للهجرة،
وكانت السنة دي أول سنة يُفرض فيها صيام رمضان، وصام رسول الله ﷺ والصحابة معه، لحد ما خرجوا للجهاد فأفطر رسول الله ﷺ وقال للمسلمين إنهم يفطروا عشان يتقوُّوا على الجهاد،
فأعطاهم الرخصة بالفطر فأفطروا، وده القول الراجح من أقوال العلماء.

القتال شغال بين المسلمين والمشركين ورسول الله ﷺ ومعاه أبو بكر الصديق في عريش ،حاجة زي خيمة كده خلف الجيش كان قاعد بيدعو الله إنه ينصر المسلمين،

سعد بن معاذ سيد الأنصار وقائدهم هو إللي اقترح على رسول الله ﷺ إنه يعمل له العريش ده ويبقى قاعد فيه،
ومش بس كده ده جهز له جمال سريعة وقال له:
يا رسول الله! خليك في العريش في أمان ولو ربنا قدر وانهزمنا فترجع إنت للمدينة،
فالناس لو كانوا يعرفوا إنك خارج تقاتل قريش مكنش حد فيهم تخلّف وكانوا طلعوا معاك،
وبكده نحافظ على أمر الدعوة وأمر الإسلام،
فوافق رسول الله ﷺ على اقتراح سعد👌
فوقت ما كان المسلمين بيجاهدوا كان رسول الله ﷺ قاعد بيدعي لهم،
وهو بيدعي جاءته البشرى بمجيء الملائكة عشان تقاتل مع المسلمين،
فقال رسول الله ﷺ لأبو بكر :
أبشر يا أبا بكر! فالملائكة جاءت لتقاتل مع المسلمين، وأنا شفت جبريل جاء في جيش من الملائكة وهو لابس لباس الحرب وراكب على فرسه وداخل أرض المعركة والتراب يتصاعد من حول فرسه!
"إِذْ تَسْتَغِيثُونَ رَبَّكُمْ فَاسْتَجَابَ لَكُمْ أَنِّي مُمِدُّكُم بِأَلْفٍ مِّنَ الْمَلَائِكَةِ مُرْدِفِينَ"
وأول ما جاءته البشارة بالنصر لبس درعه وخرج برة العريش عشان يبشر المسلمين ويحمسهم،
في الوقت ده كانت الملائكة دخلت أرض المعركة، كتيبة وراء كتيبة، عشان يقاتلوا مع المسلمين،
"وَمَا جَعَلَهُ اللَّهُ إِلَّا بُشْرَىٰ لَكُمْ وَلِتَطْمَئِنَّ قُلُوبُكُم بِهِ"

بدأت الملائكة تقاتل مع المسلمين ،وتفاجأ المسلمين بأحداث غريبة بتحصل😳
منها إن واحد من المسلمين كان بيجري وراء واحد من المشركين عشان يقتله لقاه وقع قبل ما سيفه يوصل له😮

ومنها برده إن واحد تاني من المسلمين كان وراء واحد من المشركين ومتابعه من بدري عشان يقتله ،فجأة سمع صوت كأن حد بيضرب بالسوط من فوقه وبيقول:
أقبل حيزوم! يعني تعال يا حيزوم، ونظر الصحابي للمشرك لقاه وقع في الأرض وأنفه اتقطعت ووجهه اتشق كضربة السوط ومكان الإصابة بقى لونه أخضر😮

والصحابة مكنوش يعرفوا إن الملائكة دخلت المعركة وبتقاتل معاهم فلما رجعوا لرسول الله ﷺ وقعدوا يحكوا له فقال لهم إن دي الملائكة جاءت تقاتل وإن ده كان مدد من السماء الثالثة،
ومش بس كده ده المشركين نفسهم شافوا الملائكة، شافوهم على هيئة رجال بيض راكبين على خيل بَلَق يعني لونها أبيض وأسود بيقتلوا الناس ويأسروهم،

مين كمان شاف الملائكة؟
الشيطان، إللي كان متجسد في صورة سراقة بن مالك عشان يدفع الناس إنهم يخرجوا لحرب المسلمين،
أول ما الشيطان شاف الملائكة خاف ورجع للوراء عشان يهرب، شافه واحد من المشركين قال له :
على فين يا سراقة إنت مش قلت إنك هتحمينا من قبيلة بني بكر؟
فقال لهم :
أنا شايف إللي إنتم مش شايفينه وهرب من أرض المعركة👌

☆وطبعا السؤال إللي بيفرض نفسه هنا، إزاي الشيطان تجسد في صورة سراقة وهو المفروض إنه متسلسل لأن الغزوة كانت في رمضان والشياطين في رمضان بتكون مقيدة🤔

أولا : إللي بيتسلسل في رمضان مردة الجن، يعني الجن الأقوياء وإللي لهم أثر،
أما الشياطين العاديين فعادي موجودين، وكمان صفيد الشياطين وحبسهم بيكون في حق المؤمنين الصائمين إللي حافظوا على شروط صيامهم ووآدابه، مش الكفار والشيطان كان مع الكفار،
ثانيا:
مفيش دليل بيقول إن تصفيد الشياطين يعني تقييدهم كان في أول تشريع الصوم، ممكن كان بعد كده، فكان عادي إن الشيطان كان يبقى مع المشركين في بدر👌
المشركين بدأوا ينهزموا ويفروا بصورة عشوائية غير منظمة وهم مرعوبين وتوجهوا ناحية مكة،

وانتصر المسلمون وبدأوا يجمعوا الغنائم ويأسروا إللي يشوفوه من المشركين،
وهنشوف دلوقتي مين إللي أُسر من المشركين، لكن قبل كده
☆عندنا سؤالين مهمين👌
◇السؤال الأول:
جبريل عليه السلام بطرف جناحه فقط دمّر قُرى قوم لوط كلهم، إزاي بقى هو ييجي في ألف ملك من الملائكة عشان يقاتلوا ألف واحد من المشركين وهو قادر إنه يهزم كل المشركين مرة واحدة🤔

جيش الملائكة كان جاي على هيئة مدد لجيش المسلمين، يعني كأنهم جيش تاني جاي يساعدهم على القتال،
فجاءوا على صورة البشر، على خيل ولابسين لبس الحرب،
يعني جاءت بقوة قريبة من قوة البشر،
عشان يكون رسول الله ﷺ والمسلمين إللي معاه هم إللي بيقاتلوا، ويكونوا سبب مباشر في الانتصار على المشركين، وميكونش النصر مجرد معجزة إلاهية خاالصة زي نصر نوح عليه السلام على قومه بالطوفان مثلا،
لأن أمة الإسلام بتعتمد على الجهاد في نشر الدين ومفيش سنة إهلاك عامة بمعجزة خالصة من عند الله زي الأمم السابقة👌

ده غير إن الملائكة كان لها دور في تثبيت المؤمنين ورفع روحهم المعنوية وخصوصا إن كان في ناس من الصحابة مكنوش عايزين يقاتلوا المشركين وكانوا عايزين القافلة زي ما قلنا من شوية،
"إذْ يُوحِي رَبُّكَ إِلَى الْمَلَائِكَةِ أَنِّي مَعَكُمْ فَثَبِّتُوا الَّذِينَ آمَنُوا ۚ سَأُلْقِي فِي قُلُوبِ الَّذِينَ كَفَرُوا الرُّعْبَ فَاضْرِبُوا فَوْقَ الْأَعْنَاقِ وَاضْرِبُوا مِنْهُمْ كُلَّ بَنَانٍ"

◇وده يأخذنا للسؤال الثاني :
طيب معنى كده إن الملائكة هي إللي انتصرت والمسلمين مكنش لهم لازمة وأخذوا النصر على الجاهز🤔

طبعا لأ، لأن لو كان ده حصل كان ربنا أنزل الملائكة من بداية المعركة وخلصنا، لكن الملائكة نزلت بعدييين، بعد ما حصلت المبارزة والتقى الجيشين،
وبعد ما كان حمزة بيقاتل المشركين ويقتلهم وكان ثابت في أرض المعركة،
وبعد ما عمير بن الحمام انطلق وسط المشركين يقاتلهم، وبعد ما عوف بن الحارث قام وخلع درعه وقعد يقاتل لحد ما استشهد، بعد ما كان سأل رسول الله ﷺ عن الحاجة إللي بتجعل ربنا يضحك من عبده فقال له رسول الله ﷺ:
إنه يجاهد العدو وهو مش لابس درع👌

فكانت الملائكة جند من جنود الله إللي أرسلهم عشان يساعدوا المسلمين، زي كده جندي النوم إللي ربنا أرسله على المسلمين قبل المعركة،
وزي جندي الرعب إللي ربنا بيقذفه في قلوب أعداء الإسلام، وغيرها وغيرها من جنود ربنا 😊

انتصر المسلمون في بدر وقُتل من المشركين سبعين رجل، وأسر المسلمون سبعين رجل،
من الناس إللي أُسرت أُمية بن خلف، فاكرينه🙊
إللي رسول الله ﷺ قال إن المسلمين هيقتلوه، لما لقى المسلمين انتصروا كان عايز يهرب بس معرفش،
فقال بدل ما أهرب والمسلمين يلحقوني ويقتلوني خليني أستنى هنا أنا وابني وأشوف واحد ياخدني أسير وبعدين أبقى أفدي نفسي،
عدى عليه عبد الرحمن بن عوف وكان يُسمى في الجاهلية عبد عمرو، فكان لما أمية بن خلف بينده عليه ويقول له يا عبد عمرو مكنش بيرد عليه ويقول له:
قل لي عبد الرحمن،
فكان أمية يقول له انا معرفش مين الرحمن ده، فقال له عبد الرحمن كل مرة هتنده علي بعد عمرو مش هرد عليك😤
فقال له أمية : طيب خلينا نتفق على اسم،
فاتفقوا على عبد الإله، فلما أمية بن خلف شاف عبد الرحمن بن عوف نادى عليه:
يا عبد عمرو!!
فعبد الرحمن مردش عليه
فقال له أمية : يا عبد الإله!
فرد عليه عبد الرحمن وقال له : عايز إيه؟
قال له أمية : إيه رأيك أعطيك حاجة أحسن من إللي في إيدك ده؟
وكان في يد عبد الرحمن بعض الدروع أخذها من أرض المعركة كغنائم،
فقال له عبد الرحمن بن عوف: أكيد طبعا!
فرمى عبد الرحمن الدروع إللي كانت في إيده، فأخذه هو وابنه أسيرين، وأخذهما لحد ما راح بهم لمكان آمن، لحد ما الأمور تهدأ ويروح بهما لرسول الله ﷺ،

لما بعدوا ووصلوا عند جبل بعيد عن أرض المعركة ارتاح أمية بن خلف، وهدأت نفسه،
متخيلين بقاله كم يوم أعصابه مشدودة خايف من الموت،
إللي قال عن رسول الله ﷺ إنه هيحصل، فمصدق بقى إنه أخذ نفسه وخلاص نجى من القتل،
لدرجة إنه قعد يتكلم مع عبد الرحمن بن عوف عادي خالص بيدردشوا وسأله أمية :
يا عبد الإله هو مين الرجل إللي كان على صدره ريشة نعامة ده🤔
فقال له عبد الرحمن :أه ده حمزة!
فقال له أمية: ده عمل فينا عمايل 😑

☆هم طبعا عارفين حمزة لكن لأنهم كانوا لابسين الخوذة إللي بتغطي الوجه دي فمكنوش عارفين الأشخاص بالضبط👌

وكملوا مشي مع بعض وفجأة يسمع أمية بن خلف حد بيصرخ صرخة شديدة رعبت أمية بن خلف من تاني
الصرخة كانت من أعماق انسان مضطهد شاف العذاب ألوان، ولعل أثار التعذيب لسه موجودة على جسمه،
كان الصارخ بلال بن رباح إللي كان بيعذبه أمية بن خلف، صرخ بلال أول ما شاف أمية وقال:
رأس الكفر أمية بن خلف! لا نجوت إن نجا، يعني يا أنا يا هو👌

وبدأ ينادي بأعلى صوته يا أنصار الله رأس الكفر أمية بن خلف، ووقف يكلم بعض الأنصار فأخذ عبد الرحمن بن عوف أمية عشان ينقذه منهم وقعد يقول لهم ده أسيري محدش له دعوة بيه، وهم مش مقتنعين،
ده لازم يُقتل مينفعش يكون أسير، فترك عبد الرحمن بن عوف ابن أمية وراه عشان يلهيهم به لحد ما يهرّب أبوه فقتلوه وطلعوا وراهم عشان يقتلوا أمية، وكان أمية رجل ثقيل، تخين يعني
فقال له عبد الرحمن : نام في الأرض، فنام أمية ونام عليه عبد الرحمن وقعد يقول لهم سيبوه، ده أسيري، فمسمعوش كلامه وقعده يطعنوا أمية من تحت عبد الرحمن بن عوف بسيوفهم لحد ما قتلوه👌
فكان يقول كل ما يفتكر الموقف ده:
رحم الله بلال ضيع علي دروعي وأسيري

ناس تانية من المشركين أُسرت وكان لهم قصة هنعرفها بعد بكرة إن شاء الله 😊



#السيرة_النبوية
#ايمان_شلبي

عمر ما كان جيل الثمانينات والتسعينات عبء

بل هم اللاعب الأهم حالياً

لأنهم انتقلوا من إلي

من دور المسؤول من
إلي دور المسؤول عن

ولذلك
الرهان عليهم وعلي وعيهم وحسن إصلاحهم لأنفسهم ومن أنفسهم

فكونك الآن أب
دورك
حسن تنشئة وتربية أبنائك
التعليم ثم التعليم ثم التعليم

إنما العلم بالتعلم والحلم بالتحلم

صدقني وبقول لك لنتكامل
علم ابنك من أول إزاي يفتح غطا الازازة ويشمر البنطلون لحد ما تعلمه معني لا إله إلا الله محمد رسول الله _صلي الله عليه وسلم_

ابدأ بالصغير تنته إلي الكبير

خطوة بخطوة هتجد البناء بيكبر ويرسخ

عليك عمل

عملك اليوم
اشتغل واعمل اللي عليك وفقط

هذا وصل الله وسلم وبارك علي سيدنا ومولانا محمد وعلي آله وصحبه وسلم تسليماً كثيراً 🌹

(1) هو حرام الواحد ياخد مصحف من المسجد الحرام والمسجد النبوي عشان أعرف واحد أخد مصاحف من هناك ومن ساعة ما رجع وهو في ابتلاءات على طول عيان هو وبيته ممكن يكون عشان كده ولا إيه؟ 😰

ج / إذا كان المصحف في مكان قد وضعت فيه المصاحف ليأخذها الناس معهم لبلدانهم فلا حرج.

أما إذا كانت من مصاحف الحرم التي هي موقوفة للناس في الحرم ليقرءوا فيها هناك، فلا يجوز له أخذها، وعليه أن يردها.

إن لم يستطع بنفسه فليرسلها مع أحد ويحمله أمانة إعادتها إلى الحرم، ويستغفر الله.
- - - -

(2) غير السائل أنا كنت في الجامع وكان في مصاحف كتير تقريبا محدش بيروح عندهم ولقيت مصحف صغير وأخذته كده حرام عليِ؟

ج / الوقف على شرط الواقف.

والمصاحف التي في المسجد في الأصل هي وقف على المسجد ليقرأ فيها الناس في المسجد.

أعِد المصحف للمسجد، واقرأ فيه هناك كلما أحببت.

والله أعلم.

الشيخ القاسم الأزهري

هل لسماع القرآن تأثير على الجسد فعلا؟

ج/ نعم بلا ريب.

له آثار إيمانية وأحوال على القلب والجسد؛ من خشوع القلب ودموع العين واقشعرار الجلد، والسكينة، والطمأنينة وغيرها وهذا مذكور في القرآن، وعدّ شيخ الإسلام ابن تيمية هذا السماع أصل الإيمان.

وقد صح عن أسماء بنت أبي بكر -رضي الله عنهما-؛ قالت:
("كان أصحاب النبي -صلى الله عليه وسلم- إذا قرئ عليهم القرآن كما نعتهم الله -عَزَّ وَجَل- تدمع أعينهم، وتقشعر جلودهم.
قيل لها: فإن أناسًا اليوم إذا قرئ عليهم القرآن خرّ أحدهم مغشيًّا عليه!
قالت: "أعوذ بالله من الشيطان الرجيم").

أحمد عبد الباقي

بنتي في فترة المراهقة، اكتشفت صدفة أنها تكلم شابا في الهاتف، أصابتني صدمة ولا أدري كيف أتصرف وما هو العقاب المناسب لها، دلني من فضلك؟

ج / لا تعاقبيها أصلا!

صاحبيها وصادقيها وحسني علاقتك معها جدا، كوني موضع سرها وكوني أقرب إليها من كل أحد، صارحيها بلطف بما عرفته وقولي لها: أنا أعلم أن هذه ليست أخلاقك وأنك بنت فاضلة مؤدبة وأنك ربما أحببت تقليد بعض البنات أو ربما كانت زلة منك وأنا واثقة بأنها لن تتكرر، وأكدي لها ثقتك التامة بها وأنك حريصة على أن تكون هي في موضع الثقة وأن عليها أن تحرص على ألا تخدش ثقتك بها.

بيني لها حبك العظيم لها وأنها الآن صارت أنثى يرغب الرجال في تكليمها والتعرف عليها، فعليها أن تصون نفسها وتحفظ عرضها ولا تجعل من نفسها لعبة بأيدي الشباب التافه، بل عليها أن تتعامل مع مجتمع الرجال بكل حزم وصرامة فإنهم يريدون اللعب والتسلي مع البنات ثم رميهن في أول محطة غالبا.

اربطيها بصحبة صالحة تعينها على طاعة الله تعالى، وذكريها دائما بالله وبالتوبة إليه وأن رحمته وسعت كل شيء وأن عليها أن تستفيد من هذه التجربة وتعلم أن هذا الطريق مضيعة للبنات وأنه لا خير فيه بحال.

أشركيها في بعض المناشط النافعة من دراسة علم شرعي أو حفظ قرآن أو حتى تعلم لغة أو أي شيء نافع تشغل به وقت فراغها، أسمعيها محاضرات ومواعظ لذوي الأسلوب السهل القريب من عقلها وطريقة تفكيرها.

اجتهدي في الدعاء لها كثيرا، لا تغيري علاقتك معها ولا تذكري لها هذا الأمر ولا تذكريه أمام أحد، أثني عليها باستمرار بينك وبينها وأمام الناس وأثني عليها بالخلق الرفيع والأدب العالي لتصل لها الرسائل الإيجابية بأنها لا بد أن تكون كذلك، راقبيها لكن من بعيد بحيث لا تشعر بك، شجعيها على كل تصرف حسن تفعله ولو كان بسيطا فالتشجيع يشجعها على المضي للأمام، الله يبارك لك فيها ويهديها ويصرف عنها الشر.

الشيخ محمود مداد

أنا حاسس إني هموت قريب وحزين جدا، أنا مقصر في عباداتي وخايف أقابل ربنا وأنا على الوضع ده.

ج / ستموت قريبا بالفعل، فكل آت قريب، ولو عمرت 100 عام فأنت ستموت قريبا.

أدرك نفسك ما دمت في زمن الإمكان، وأكثر من الاستغفار وطلب العفو من الله الكريم، وأحسن الظن بالله.

الشيخ القاسم الأزهري

يعني إيه دعاء الاستفتاح ؟

ج/ دعاء نقوله بعد تكبيرة الدخول في الصلاة وقبل الفاتحة.

في أكتر من صيغة له، منها :

سُبْحَانَكَ اللَّهُمَّ وَبِحَمْدِكَ، وَتَبَارَكَ اسْمُكَ وَتَعَالَى جَدُّكَ، وَلَا إِلَهَ غَيْرَكَ.

اللهُ أَكْبَرُ كَبِيرًا، وَالْحَمْدُ لِلَّهِ كَثِيرًا، وَسُبْحَانَ اللهِ بُكْرَةً وَأَصِيلًا.

اللَّهُمَّ بَاعِدْ بَيْنِي وَبَيْنَ خَطَايَايَ، كَمَا بَاعَدْتَ بَيْنَ المَشْرِقِ وَالمَغْرِبِ، اللَّهُمَّ نَقِّنِي مِنَ الخَطَايَا، كَمَا يُنَقَّى الثَّوْبُ الأَبْيَضُ مِنَ الدَّنَسِ، اللَّهُمَّ اغْسِلْ خَطَايَايَ بِالْمَاءِ، وَالثَّلْجِ، وَالبَرَدِ.

الشيخ محمد عبد الهادي

نصيحة 👌🏻

{ وَنُقَلِّبُ أَفئِدَتَهُم وَأَبصارَهُم كَما لَم يُؤمِنوا بِهِ أَوَّلَ مَرَّةٍ }

سلوا الله الثبات على الطاعات إلى الممات،
وتعوذوا به من تقلب القلوب ومن الحور بعد الكور،
وما أوحش ذل المعصية بعد عز الطاعة.


#صباح الثبات

🌱🌱

(لنختم القرآن سماعا)

الورد (٢٠٧)

(الربع الثالث & الحزب الثاني والخمسين )

#القارئ: عبدالرحمن الجريذي
#ليدبروا على التليجرام
https://www.tg-me.com/GhRoooh/12122

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/0FQT-D8Bt6k?feature=shared
#صباحكم_قرآنٌ_يُتلى

اللهم الهمنا ذكرك وشكرك وحسن عبادتك 🤍

#قصص_الأنبياء(٢)
#السيرة_النبوية
#الحلقة_الواحدة_والستون
#قتلى_وأسرى_بدر

اتكلمنا المرة إللي فاتت عن غزوة بدر وعن الأحداث إللي حصلت مع المسلمين وإزاي إنهم ثبتوا في قتالهم ضد المشركين فربنا أرسل لهم مدد من الملائكة عشان يقاتلوا معهم ويثبتوهم، وانهزم المشركون وهربوا من أرض المعركة واتجهوا نحو مكة،
قُتل من المشركين في غزوة بدر سبعين رجل، وأُسر سبعون،
من السبعين إللي قُتلوا غير عتبة وابنه الوليد وشيبة أخو عتبة قُتل حنظلة بن أبي سفيان وإللي قتله زيد بن حارثة إللي كان في الوقت ده اسمه زيد بن محمد،
وقُتل أبو البُخْتري بن هشام مع إن رسول الله ﷺ قال لو رأيتم أبو البختري بن هشام في المعركة محدش يقتله،
من باب حفظ الجميل له،
فاكريييين الناس إللي شاركت في نقض الصحيفة في شعب أبي طالب وكان أبو البختري واحد منهم😁
رسول الله ﷺ كان عايز يرد جميل أبو البختري بن هشام فقال للمسلمين محدش يقتله،
لكن أبو البختري كان بيقاتل واحد من المسلمين فقال له المسلم رسول الله ﷺ أمر إننا لا نقتلك فخليك على جنب وكان أبو البختري معاه واحد صاحبه فقال للمسلم :
طيب وصاحبي😕
فقال له الصحابي : صاحبك لأ، معندناش أمر بعدم قتله،
فقام أبو البختري يدافع عن صاحبه ويقاتل المسلم فاضطر الصحابي إنه يدافع عن نفسه فقاتل أبو البختري بن هشام فقتله👌
وبعدين اعتذر لرسول الله ﷺ وقال له إنه اضطر يدافع عن نفسه فسامحه رسول الله ﷺ،
من الناس إللي قُتلت كمان نوفل بن خويلد أخو أم المؤمنين خديجة بنت خويلد، وإللي قتله علي بن أبي طالب

وعمر بن الخطاب قتل خاله العاص بن هشام بن المغيرة أخو أبو جهل،
وعبد الرحمن بن أبي بكر الصديق مكنش لسه أسلم فكان بيقول لأبوه بعد إسلامه أنا شفتك في غزوة بدر وكنت ببعد عنك عشان مقتلكش،
فقال له أبو بكر الصديق رضي الله عنه أنا لو كنت شفتك كنت قتلتك👌

وشوفوا مصعب بن عمير هو كمان في قصته مع أخوه لما أُسر قال للي أسره وكان واحد من الأنصار:
امسكه كويس وخد بالك منه، أمه غنية وعندها فلوس كتير هتفديه بيها👌
فأخوه قال له: هي دي وصيتك بأخوك😳
فقال له مصعب وهو بيشاور على الأنصاري : هو إللي أخويا مش إنت🤚
《قصة مصعب مع أخيه فيها ضعف بسيط》
لكن بتؤدي نفس المعنى، إن الصحابة بقى انتماؤهم لدينهم، وإن صلة القرابة دي لا تعني لهم أي شيء وإن أهم حاجة هي الدين،

من الناس إللي قُتلت يوم بدر القائد العام للمشركين أبو جهل عمرو بن هشام، قلنا إن معاذ ومعوّذ ابنا عفراء هم إللي قتلوه وأخذا سيفيهما وذهبا لرسول الله ﷺ،
في الوقت ده كان أبو جهل سقط على الأرض ولسه فيه روح وفضل عايش لحد ما المسلمين انتصروا،
عبد الله بن مسعود الصحابي كان ماشي في أرض المعركة فشاف أبو جهل وهو واقع في الأرض الدم بينزل منه،
فوضع رجله على رقبة أبي جهل وكان أبو جهل آذى عبد الله بن مسعود بعد ما أسلم وضربه، فقال له عبد الله بن مسعود:
هل أخزاك الله يا عدو الله؟
يعني شوفت ربنا عمل فيك إيه
فقال له أبو جهل :
أخزاني إزاي يعني ولا عمل فيّ إيه، محصلش حاجة غير إنكم قتلتوني🙄
قول لي إنت بس الغلبة لمين😒
فقال له عبد الله بن مسعود :
الغلبة لله ولرسوله يا عدو الله😡
وراح عبد الله بن مسعود طالع على صدره فقال له أبو جهل:
لقد ارتقيت مُرْتقًا صعبا يا رُوَيْعِيّ الغنم😏
يعني إنت في مكان عالي أوي متستاهلش إنك تكون فيه،

☆إيه رُوَيْعي الغنم دي 🤔
عبد الله بن مسعود كان من أوائل الناس إللي أسلموا وكان سنه صغير لما أسلم، كان في يوم من الأيام بيرعى غنم لواحد من سادات مكة اسمه عقبة بن أبي مُعيط،
فعدى عليه رسول الله ﷺ وكان معاه أبو بكر الصديق رضي الله عنه وقال له رسول الله : معاك لبن؟
فقال له عبد الله بن مسعود:
أيوة معايا ولكني مؤتمن، يعني الغنم ده عندي أمانة 😕
فقال له رسول الله ﷺ:
طيب هل عندك شاة لسه صغيرة لم ينزل عليها الفحل
فجاء له بشاة صغيرة فمسح رسول الله ﷺ على ضرعها وقعد يحلبها ونزل منها اللبن فشرب رسول الله ﷺ وشرب أبو بكر الصديق وسقى عبد الله بن مسعود،
وبعدين قال رسول الله ﷺ للضرع : تقلص، يعني ارجع مكانك فرجع،
وبعد الموقف ده راح عبد الله بن مسعود لرسول الله ﷺ وقال له : علمني من الكلام إللي بتقوله ده، القرآن يعني
فمسح رسول الله ﷺ على رأسه وقال :
إنك غلام مُعلّم👌
وأسلم عبد الله بن مسعود من ساعتها وكان من أول من جاهر بإسلامه وبقراءة القرآن في مكة وكان يُؤذى ويُضرب مع المسلمين المستضعفين،
عبد الله بن مسعود كان قصير ورفيع جدا لدرجة إن الهواء كان بيحرك رجله لو طلع على نخله،
وكانت بشرته سوداء وكان من أجود الناس وأطيبهم ريحا،
وكان ملازم لرسول الله ﷺ وكان بيخدمه،
فأبو جهل بيقول له رُويعي الغنم تصغير كلمة راعي الغنم تحقيرا لعبد الله بن مسعود رضي الله عنه،
وخصوصا مع جسمه الصغير وضخامة جسم أبو جهل بالنسبة له،
يعني أبو جهل حتى وهو بيموت كان الكبر والغرور ماليه😑