*`ڪُل ماتلاقي نفسك خلاص جبت آخرك افتكر :`*🥹🤍
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​
*﴿ وَأَنَّ سَعيَهُ سَوفَ يُرى ﴾*
*﴿ ثُمَّ يُجزاهُ الجَزاءَ الأَوفى ﴾*🥹🤍🌷.

*- يَرَى اللَّهَ سَعْيُك وَإِنْ قَلَّ..*

*سَعْيُك فِي طَلَبِ الْعِلْمِ سَوْف يُرَى.*
*سَعْيُك فِي طريق يُحِبُّهُ الله سَوْف يُرَى..*
*سَعْيُك فِي أَنَّك تكون افضل نسخة من نفسك سَوْف يُرَى..*
*سَعْيُك فِي أَنَّك تتقي الله في تعاملك مع خلقه وتخفض جناحك ليهم*
*وتعاملهم بالحسنى سَوْف يُرَى..*
*سَعْيُك فِي أَنَّك تتحمل الْمَسْؤُولِيَّة وتخفف أوجاع غَيْرَك سَوْف يُرَى..*🥹🤍🌷.

- *جَزَاءَك عِنْدَ قَاضيّ الْحَوَائِجِ ..*
*﴿ وَكَفى بِاللَّهِ وَكيلًا ﴾*🩷

ملتقى الأحبة 🌷:
#قصص_الأنبياء(٢)
#السيرة_النبوية
#الحلقة_الخامسة_والخمسون
#السرايا_والغزوات_بعد_الهجرة

اتكلمنا المرة إللي فاتت عن السرايا إللي أرسلها رسول الله ﷺ حول المدينة وقلنا أسباب السرايا دي كانت إيه،
وقلنا إن السرايا إللي خرجت كانت كلها من المهاجرين ومكنش فيهم أي واحد من الأنصار وشرحنا السبب 👌🏻

اتكلمنا عن سرية سِيف البحر بقيادة حمزة بن عبد المطلب وإللي كانت في رمضان من السنة الأولى للهجرة،
وعن سرية رابِغ بقيادة عُبيدة بن الحارث في شهر شوال من نفس السنة،
في السنة الأولى للهجرة مات رجل من أعداء الإسلام،
مات الوليد بن المغيرة، صاحب المقولة المشهورة عن القرآن :
إن له لحلاوة وإن عليه لطلاوة...مات على الكفر، فهو خالد مخلد في النار😞

في شهر ذي القعدة عَقد رسول الله ﷺ لواء لسعد بن أبي وقّاص وأرسل معه عشرين من الصحابة المهاجرين لمنطقة الخرّار عشان يرصدوا قافلة من قوافل قريش،
وأخذ عليهم العهد إنهم لا يتجاوزوا منطقة الخرّار، وكانوا بيمشوا بالليل ويختبئوا ويعملوا كمين بالنهار،
لحد ما وصلوا المكان المتفق عليه لقوا القافلة كانت خلاص عدت من امبارح،
عدّى شهر ذو الحجة وشهر محرم من غير أي سرايا لأنها أشهر حُرُم مفيهاش قتال،
وطبعا السرية إللي طلعت في ذي القعدة محصلش فيها قتال، لأن ذو القعدة برده من الأشهر الحرم


خلال الشهرين دول رسول الله ﷺ كان بيربي الصحابة إيمانيا، التربية الإيمانية موقفتش ومستمرة معانا على طول،
لما كنا في مكة كانت الآيات إللي بتنزل على رسول الله ﷺ تتميز بإنها آيات قصيرة وتحدي للمشركين وشرح التوحيد وترسيخ الإيمان في قلوب الصحابة وكان الخطاب فيها
ب : يا أيها الناس،
وتسمى الآيات والسور إللي نزلت في مكة طول الثلاثة عشرة سنة إللي فاتت بالسور المكية،
أما دلوقتي فاحنا دخلنا في مرحلة جديدة مرحلة هيركز فيها القرآن على توحيد الألوهية👌
وتوحيد الألوهية احنا شرحناه قبل كده في قصص الأنبياء ،
فهو بكل بساطة معناه إن الحكم والتشريع بتاع ربنا،
يعني الإنسان ميعملش أي حاجة غير لما يشوف حكم ربنا فيها إيه،
وهي دي العبودية الحقيقية لله

في الفترة المدنية هنلاقي إن عدد سور القرآن أقل من السور إللي نزلت في مكة،
احنا عارفين إن القرآن فيه مائة وأربعة عشرة سورة، في منهم بقى ستة وثمانون سورة مكية،
والثمانية والعشرون الباقية مدنية، فهنلاقي إن أحاديث رسول الله ﷺ في الفترة المدنية كثيرة أكثر منها في فترة مكة👌
يبقى كده القرآن هيركز للمؤمنين على التشريعات والأحكام،
ورسول الله ﷺ هيركز بأحاديثه على التربية الإيمانية،
وطبعا كله وحي من عند ربنا،
يعني القرآن والسنة بيكملوا بعض، وجهان لعملة واحدة، مينفعش ناخد القرآن من غير السنة ولا ناخد السنة من غير القرآن🤷‍♀️

من التربية الإيمانية إن رسول الله ﷺ كان بيصوم ثلاثة أيام من كل شهر وطبعا الصحابة كانوا بيقلدوه في كل حاجة👌
والصوم أصلا لوحده يعتبر مدرسة تربوية لوحده😅
فهو :
◇بيعود المسلم مراقبة الله،
يبقى هيموت من العطش ولوحده محدش شايفه والمية قصاده حلال وميقدرش يشرب لأنه عارف إن ربنا يراه ولو فطر مش هياخد الأجر👌
◇يقوّي عزيمة المسلم ويعوده على التحمل والصبر والتحكم في تصرفاته ورغباته،

وبجانب الصيام كانت الصلوات الخمس مع رسول الله ﷺ وقراءة القرآن والكلام مع رسول الله ﷺ وغيرها من العبادات،
كل ده من التربية الإيمانية، عدى الشهرين ذو الحِجة ومحرم،
ودخلنا في شهر صفر من السنة الثانية للهجرة،
رسول الله ﷺ كان بيربي الصحابة تربية إيمانية خلال الشهرين إللي فاتوا لكنه برده متابع لأخبار مكة وقوافلها، فخرج بنفسه ومعاه ستين صحابي من المهاجرين وكان منهم عمه حمزة بن عبد المطلب،
وهو حامل لواء أو راية المسلمين، وترك سعد بن عبادة يحكم المدينة لحد ما يرجع،
واتجه رسول الله ﷺ ناحية مكان اسمه الأَبْواء وهو بعيد عن المدينة حوالي مائتين وخمسين كيلو،
هدفه إنه يعترض قافلة من قوافل قريش، لكن ملحقش القافلة وكانت عدت،
لكنه تقابل مع قبيلة اسمها بني ضُمْرة، فعقد رسول الله ﷺ معاهم صُلْح،

رسول الله ﷺ بيستغل كل حدث لمصلحته😉
هو أه مقدرش يحصل على القافلة بس في مميزات تانية🤭
◇رسول الله ﷺ استكشف حول المدينة وعرف الطرق إللي بتؤدي لمكة،
◇عقد معاهدة صلح مع القبائل الموجودة حول المدينة،
◇رسالة عملية للمشركين في المدينة ولليهود وللأعراب إن المسلمين أقوياء وتخلصوا من ضعفهم القديم،
◇إنذار لقريش إن تجارتها في خطر، فيمكن تخاف وتعقد صُلح مع رسول الله ﷺ وتترك المسلمين في حالهم،

في الشهر إللي بعده شهر ربيع الأول خرج رسول الله ﷺ مع مجموعة من أصحابه حوالي مائتين،
وكان حامل لواء المسلمين هو سعد بن أبي وقاص، واستخلف سعد بن معاذ على حكم المدينة حتى يرجع،
☆واللواء معناه راية الجيش، عارفين زي علم كده 🤔
وكانت الراية مهمة جدا في المعارك ،
لأن المسلمين بيعرفوا تحركات القادة منها،

وطول ما الراية دي لسه واقفة معناه إن الجيش متماسك لو الراية سقطت معناه هزيمة الجيش وتنهار معنويات الجنود👌
وصل رسول الله ﷺ لمنطقة اسمها بُوَاط عشان يعترضوا قافلة لقريش كان قائدها أمية بن خلف ومعاه مائة رجل من قريش والقافلة مكونة من ألفين وخمسمائة بعير،
فلو غنمها المسلمون هتبقى ضربة جامدة لقريش ومكسب عظيم لهم،
لكن رسول الله ﷺ ملحقهاش لأن جواسيس قريش عرفوا بخروج المسلمين فمشيوا من طريق تاني وعرفوا يهربوا، ورجع رسول الله ﷺ للمدينة، وسميت الغزوة دي بغزوة بُواط،

في شهر جمادى الأولى خرج رسول الله ﷺ في غزوة ثالثة ومعاه مائة وخمسين من أصحابه، ورسول الله ﷺ مكنش بيُرغم أحد على الخروج معاه،
يعني هو كان يقول أنا طالع كذا مين يأتي معي فكان بيخرج معاه الصحابة على حسب رغبتهم، يعني مكنش أمر إلزامي بالخروج
فخرج عشان يعترض قافلة من قوافل قريش، وكان معاه حمزة بن عبد المطلب وكان هو حامل لواء رسول الله ﷺ، فلما وصل لمنطقة اسمها العُشَيرة لقبيلة بني مدلج كانت القافلة هربت،
فحصل بين رسول الله ﷺ وبين قبيلة بني مدلج معاهدة صلح، وجلس رسول الله ﷺ في المكان ده لحد آخر الشهر وبعدين رجع للمدينة،
بعدها بعشرة أيام هجم واحد اسمه كِرْز بن جابر الفهري على أطراف المدينة، المكان إللي فيه المواشي،
فلما وصل الخبر لرسول الله ﷺ قام بسرعة وأخذ فرسه وانطلق وراه عشان يجيبه
وفضل رسول الله ﷺ يطارده لحد ما وصلوا لمكان اسمه وادي سَفْوان قريب من بدر،
وعرف كِرز بن جابر إنه يهرب من رسول الله ﷺ، ورجع رسول الله ﷺ للمدينة، و أسلم كِرز بن جابر الفهري بعدين
وكانت دي غزوة سَفوان أو غزوة بدر الأولى،

☆في علماء قالوا إن غزوة سَفوان كانت قبل غزوة العُشَيرة،
فمش هتفرق كتير إللي يهمنا إن الغزوتين حصلوا😊

دخلنا في شهر رجب وهو من الأشهر الحُرم فمفيش فيه قتال،
في أواخر رجب أرسل رسول الله ﷺ ثمانية من الصحابة المهاجرين ويقال كانوا اثنا عشر في سرية وكان قائدهم عبد الله بن جحش بن عمة رسول الله ﷺ،
☆الفرق بين الغزوة والسرية، إن الغزوة مجموعة عسكرية قائدهم فيها رسول الله ﷺ،
لكن السرية المجوعة العسكرية إللي بتخرج رسول الله ﷺ مش بيكون معاهم فيها😉

كان في من ضمن السرية دي عُكّاشة بن مِحْصن وعتبة بن غزوان وسعد بن أبي وقاص خال النبي ﷺ،
والمقصود بخال النبي يعني هو من أبناء عم أمه، فيقال عليه خاله،
المهم رسول الله ﷺ أعطى لعبد الله بن جحش كتاب مقفول، رسالة يعني

وقال له بعد ما تمشي مسافة يومين افتح الكتاب واقرأه وبعدين نفذ إللي فيه،
فبعد ما عدى اليومين فتح الكتاب لقى فيه:
أول ما تشوف كتابي روح لحد ما توصل وادي نخلة بين مكة والطائف، وتراقب لنا قريش وتعرف أخبارهم وبعدين ترجع،

☆فاكرييين وادي نخلة
لما كان رسول الله ﷺ راجع من الطائف ووقف يصلي ركعتين إيه إللي حصل😁
الجن إللي سمعوا رسول الله ﷺ بيقرأ القرآن وأسلموا ورجعوا يدعوا قومهم😉

بعد ما قرأ عبد الله بن جحش الكتاب قال :سمعاً وطاعة،
وأخبر أصحابه بكلام رسول الله ﷺ وقال لهم إن رسول الله نهاه إنه يرغم أحد منهم إنه يروح معاه،
يعني إللي مش عايز يكمل المهمة عادي ممكن يرجع، فكلهم كملوا👌
وهم ماشيين ضاع منهم بعير، فراح سعد بن أبي وقاص وعتبة بن غزوان يدوروا عليه، وكمل الستة الطريق لوادي نخلة،
فلما وصلوا عدت عليهم عِير قريش وكان فيهم واحد اسمه عمرو بن الحَضْرَمي،
فلما الناس إللي في القافلة شافوا المسلمين خافوا منهم، وكان عكاشة بن محصن لسه حالق شعره، يعني مفيش ولا شعرة في رأسه، فقالوا بيطمنوا بعض :
متقلقوش منهم دول كانوا جايين للعمرة
فاجتمع الصحابة وقعدوا يتشاوروا مع بعض وقالوا :
لو سيبناهم الليلة دي هيدخلوا مكة ومش هتقدروا عليهم،
ولو قتلناهم يبقى احنا هنقتلهم في الشهر الحرام🤔
والكلام ده كان آخر يوم في رجب،
والقافلة دي تعتبر مهمة جدا لأنها هتكون أول ضربة قوية لقريش،
احنا شفنا السرايا والغزوات إللي فاتت مكنش فيها أي غنائم،
وكمان دي فرصة لأن القافلة دي مكنش فيها غير أربعة فقط،
ده غير إنها مكان القتال قريب منهم جدا وبعيد عن المدينة،
يعني احنا جينا ضربناكم في عُقر داركم😈
وده في مصلحة المسلمين أكيد👌
فضلوا مترددين شوية وخافوا يهجموا عليهم، وبعدين اتشجعوا وهجموا على القافلة فقتلوا عمرو بن الحضرمي، وأخذوا أسيرين معاهم هما عثمان بن عبد الله والحكم بن كَيّسان والرابع عرف يهرب ،
أخذ المسلمون الغنائم والأسيرين ورجعوا للمدينة، فلما وصلوا لرسول الله ﷺ قال لهم:
إنتم قاتلتم في الشهر الحرام؟!! أنا ما أمرتكم بالقتال في الشهر الحرام!!
ولم يأخذ رسول الله ﷺ الغنائم وخلى الأسيرين عنده لحد ما يشوف هيعمل إيه
فخاف الصحابة وظنوا إنهم خلاص هلكوا ومبقوش عارفين يعملوا إيه😥
وقريش طبعا ماصدقت🙄
محمد وأصحابه استحلوا الأشهر الحرم، وسفكوا الدماء وأخذوا الأموال😱

☆ده على أساس إن قريش ما شاء الله بريئة بقى ومكنتش بتعذب المسلمين وتقتلهم في البلد الحرام والشهر الحرام😑

القتال في الأشهر الحرم حاجة كبيرة جدا عند العرب،
يعني كان بيسموا الحرب إللي بتحصل في الأشهر الحرم حرب الفُجَار،
يعني الناس فجرت في الأشهر الحرم،
فدلوقتي مصدقوا بقى الغلطة دي حصلت منهم، ومسكوها لهم😶

والمسلمين إللي كانوا في مكة بقى يدافعوا ويقولوا ده كان في شعبان مكنش في رجب🙄
فربنا أنزل قرآن عشان ينهي الموضوع خالص قال تعالى:
"يَسْأَلُونَكَ عَنِ الشَّهْرِ الْحَرَامِ قِتَالٍ فِيهِ ۖ
قُلْ قِتَالٌ فِيهِ كَبِيرٌ ۖ وَصَدٌّ عَن سَبِيلِ اللَّهِ وَكُفْرٌ بِهِ وَالْمَسْجِدِ الْحَرَامِ وَإِخْرَاجُ أَهْلِهِ مِنْهُ أَكْبَرُ عِندَ اللَّهِ ۚ وَالْفِتْنَةُ أَكْبَرُ مِنَ الْقَتْلِ "

يعني ربنا بيُقر إن مفيش قتال في الأشهر الحرم، لكن الصد عن سبيل الله والكفر به واضطهاد الضعفاء ،
وإخراجهم من بيوتهم بغير حق أشد عند ربنا من القتال في الشهر الحرام،
يعني المسلمين واتحلت المشكلة وأخذ رسول الله ﷺ الغنائم،
وبعثت قريش أموال عشان تفتدي الأسيرين،فرفض رسول الله ﷺ إنه يطلق سراحهما إلا لما يرجع سعد بن أبي وقاص وعتبة بن غزوان،
راحوا يدوروا على البعير ومرجعوش لحد دلوقتي😳
فخاف رسول الله ﷺ إن قريش يأسروهم ويقتلوهم، فقال لما يرجعوا الأول👌
فلما رجعا أطلق رسول الله ﷺ سراح الأسيرين الكافرين،
فأسلم الحكم بن كيّسان وحسن إسلامه،
أما عثمان بن عبد الله فرجع مكة، وبعد ما رجع مات على الكفر، مع إن الإثنين كانوا في نفس الظروف واتعاملوا نفس المعاملة لكن سبحان من هدى هذا وأضل هذا👌
وكانت دي أول سرية تغنم غنيمة في الإسلام، وأول قتيل في الإسلام😊

سرية نخلة بتعلمنا الشورى وبتعلمنا السمع والطاعة المطلقة لرسول الله ﷺ،

قريش عدت الموضوع ظاهريا

لكن مش بعيد ترد رد قاسي على المسلمين،
هننتظر ونشوف الوضع هيوصل مع قريش لإيه،
لكن قبل ما تعمل قريش أي حاجة حصل في المدينة حدث قلب الدنيا كلها

إيه إللي حصل خلى المشركين واليهود يشمتوا في المسلمين؟
ده إللي هنعرفوا الجزء الجاي إن شاء الله😊



#السيرة_النبوية
#ايمان_شلبي

*الأربعون النسائية*🌿

نواصل إطلالتنا الفقهية على أحاديث الأربعون النسائية
ومعنا اليوم مجموعة أحاديث ونبدأ بعظم حق الزوج على زوجته
فقد أوجب الإسلام على الزوج حقوقًا تجاه زوجته وكذا العكس ، ومن الحقوق الواجبة ما هو مشترك بين الزوجين .

عن عبد الله بن أبي أوفى قال: قال رسول الله ﷺ : ( لو كنت آمرًا أحدًا أن يسجد لغير الله لأمرت المرأة أن تسجد لزوجها ، والذي نفس محمد بيده لا تؤدي المرأة حق ربها حتى تؤدي حق زوجها ، ولو سألها نفسها وهي على قتب لم تمنعه )رواه أحمد.

فهل المقصود من الحديث أن تسجد المرأة لزوجها؟

لا يدل هذا الحديث على أن المرأة تسجد لزوجها ؛ بل ذلك حرام عليها إن فعلته على وجه الاحترام ، وكفر إن فعلته بقصد التعظيم كتعظيم الله ، وإنما يفيد الحديث وجوب طاعة المرأة لزوجها واحترامها له ، والحديث على عمومه في كل زوج فعل ما عليه من الحقوق تجاه زوجته من نفقة وسكنى ومعاشرة بالمعروف ، أما إن كان الزوج قد فرط في ذلك أو في بعضه فإنه لا يستحق تلك الطاعة التي أمر بها النبي ﷺ ، بل لها أن تخرج من بيته لبيت أهلها أو المحكمة للمطالبة بحقها ، ولكن إذا تنازلت المرأة عن حق النفقة أو السكنى أو المبيت فليس لها أن تمتنع عن طاعته بحجة عدم قيامه بما عليه من واجبات ؛ إذ من حقها أن تطالبه بحقها ، فإذا أسقطت حقها أو سكتت عنه لم يكن لها أن تفرط في حقه عليها.

فما هي حقوق الزوج التي جعلها الإسلام من حقه؟

من حقوق الزوج:
1. الطاعة في غير معصية الله تعالى :
قال رسول الله ﷺ : ( إذا صلّت المرأةُ خمسها ، وصامت شهرها ، وحصنت فرجها ، وأطاعت زوجها ، قيل لها: ادخلي الجنة من أيّ أبواب الجنة شئت ).

2. التجمل وأخذ الزينة :
قيل لرسول الله ﷺ : ( أي النساء خيرٌ ؟ قال: "التي تسُرُّه إذا نظر ، وتطيعه إذا أمر ، ولا تخالفه في نفسها ومالها بما يكره ).

3. حفظ نفسها :
قال رسول الله ﷺ : ( إذا صلّت المرأةُ خمسها ، وصامت شهرها ، وحصنت فرجها ، وأطاعت زوجها ، قيل لها: ادخلي الجنة من أيّ أبواب الجنة شئت ).

4. حفظ ماله وولده :
قال ﷺ : ( والمرأة راعية في بيتها ومسؤولة عن رعيتها ) .

5. ألا تدخل أحدًا في بيته إلا بإذنه :
عن أبي هريرة س أن رسول الله ﷺ قال: ( لا يحل للمرأة أن تصوم وزوجها شاهد إلا بإذنه ، ولا تأذن في بيته إلا بإذنه ).
معناه أن لا تأذن الزوجة لأحد يكرهه الزوج في دخول البيت والجلوس في المنزل سواء كان رجلًا أجنبيا أو امرأة أو أحدًا من محارم الزوجة ، فإنه يتناول جميع ذلك.

6. الاستئذان في صيام النافلة إذا كان حاضرًا :
لقوله ﷺ : ( لا يحل للمرأة أن تصوم وزوجها شاهد إلا بإذنه ).

7. عدم الخروج من المنزل إلا بإذنه.
قال النووي عند التعليق على حديث : ( إذَا اسْتَأْذَنَكُمْ نِسَاؤُكُمْ بِاللَّيْلِ إلَى الْمَسْجِدِ فَأْذَنُوا لَهُنَّ ):
" أُستدل به على أنَّ المرأة لا تخرج من بيت زوجها إلاَّ بإذنه لتوجه الأمر إلى الأزواج بالإذن " .
فالمرأة التي تريد أن تكون من أهل الجنة تحرص أن يكون كلامها مع زوجها في غاية التهذيب وفي غاية اللطف وفي غاية التواضع والمحبة ، وأن يكون كلامًا مليئًا بالرحمة ، ولا مانع أيضًا أن يكون في
لحظات المزاح مليئًا بالمداعبة وخفة الدم وإثارة الكلمات التي يحبها الزوج ، وذكر العبارات التي يرتاح لها ، وأن تتخير كلامها معه كما تتخير أطايب الطعام ، حتى تكسب رضاه فيدعو لها بظهر الغيب ، ويدعو لها أيضًا وهي بين يديه.


#الأربعون_النسائية
#هبة_حلمي

🤎|٠

‏أسلمت قبيلة دوس *بالدعاء ،* واغتنى ابن عوف *بالدعاء ،* وشُفي سعد *بالدعاء ،* ونُصر النبي ﷺ في بدر *بالدعاء ،* وتفقَّه ابن عباس وأصبح رأسًا في العلم والتأويل *بدُعاء النبي ﷺ* 🤍

‏وأنت لاتزال تشتكي للناس ومطبق شفتيك *عن الدعاء؟*

يا الله يسر لنا كُل أُمنية تُرفرف في صدورنا وتُروىٰ بالدُّعاء

*الوتر مناجاة* 🌦️🌿

قُل لكل معصية تزينت لك {معاذ الله}

ﺍﻟﻌﺎﻟم ﻛﻠﻪ ﻻ ﻳﻤﻜﻨﻪ ﺃﻥ ﻳُﺠﺒﺮك ﻋﻠﻰ ﻓﻌﻞ ﻣﺎ ﻻ يُرضي الله تعالى؛ فلا تعتذر ﺑﺎﻟﻈﺮﻭﻑ ﻭﺍﻷﻭﺿﺎﻉ عندما تتهيأ لك المعصية وتتزين؛ فخشيتك عند خلوتك هي الاختبار الحقيقي.

عندما يسعى المسلم صادقًا يفر إلى رضا الله فإن الله تعالى يفتح له الأبواب المغلقة، الله تعالى يقول: {وَرَاوَدَتْهُ الَّتِي هُوَ فِي بَيْتِهَا عَن نَّفْسِهِ وَغَلَّقَتِ الْأَبْوَابَ وَقَالَتْ هَيْتَ لَكَ قَالَ مَعَاذَ اللَّه.} عَلمَ يوسف عليه السلام أنّ الأبواب مغلقة؛ ولكنه فرَّ من المعصية ولم يستسلم، فلما وصل الباب فتحه الله له، لن تمر حياتك بلا اختبار فبقدر عبادتك يكون الابتلاء وبمدى إخلاصك يكون التثبيت. *اللهم ارزقنا خشيتك في السر والعلن.*

*صلاة الفجر يرحمكم الله.*

اللهم يا مقلب القلوب ثبت قلوبنا على دينك 🤲🏻

(لنختم القرآن سماعا)

الورد (٢٠٢)

(الربع الثاني & الحزب الواحد الخمسين )

#القارئ: عبدالله بصفر
#ليدبروا على التليجرام
https://www.tg-me.com/GhRoooh/12098

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/M8W0LETx04c?feature=shared
#صباحكم_قرآنٌ_يُتلى

اللهم اجعلنا من الصابرين 🤍

#قصص_الأنبياء(٢)
#السيرة_النبوية
#الحلقة_السادسة_والخمسون
#تغيير_القبلة_وفرض_القتال

كنا واقفين المرة إللي فاتت عند الحادثة إللي حصلت وعملت قلق كبير وخلت اليهود والمشركين يشمتوا في المسلمين،
إيه إللي حصل 🤔

في شهر شعبان بعد سرية نخلة إللي حصلت آخر يوم رجب واتكلمنا عليها المرة إللي فاتت، نزلت الآيات بتغيير القبلة😯

احنا كنا عارفين إن رسول الله ﷺ طول فترة مكة كان بيصلي ناحية بيت المقدس أو المسجد الأقصى،
واستمر بعد الهجرة يصلي ناحيته لمدة سنة وسبعة أشهر في المدينة،
وكان رسول الله ﷺ طول فترة مكة بيجعل الكعبة بينه وبين بيت المقدس بحيث إنه يصلي في اتجاه الإثنين،
لكن لما هاجر للمدينة المكان مختلف فكان لازم يتجه ناحية بيت المقدس وكانت الكعبة في ظهر النبي ﷺ،
فكان رسول الله ﷺ يتمنى إن ربنا يُغير له القبلة ويجعلها ناحية الكعبة،
هو مكنش بيدعي لكن كانت مجرد رغبة، كان كل شوية ينظر للسماء منتظر جبريل ييجي يقول له إن خلاص غير القبلة،
وده إللي حصل فعلا👌
جاء جبريل عليه السلام بكلام الله:
"قَدْ نَرَىٰ تَقَلُّبَ وَجْهِكَ فِي السَّمَاءِ ۖ فَلَنُوَلِّيَنَّكَ قِبْلَةً تَرْضَاهَا ۚ فَوَلِّ وَجْهَكَ شَطْرَ الْمَسْجِدِ الْحَرَامِ ۚ"
وكان ده أول نَسْخ يحصل في الإسلام،
والنسخ معناه ببساطة إن ربنا يأمر بأمر وبعدين يغيريه لأمر تاني، فالأمر الجديد بينسخ أو بيمسح الأمر القديم،
زي موضوع تغيير القبلة كده😉
ومش معنى إن ربنا استجاب لرغبة رسول الله ﷺ إن مفيش حكمة من الموضوع، ربنا لا يفعل شيء إلا لحكمة سواء احنا عرفناها وفهمناها أو لأ👌
"ذَٰلِكُمْ حُكْمُ اللَّهِ ۖ يَحْكُمُ بَيْنَكُمْ ۚ وَاللَّهُ عَلِيمٌ حَكِيمٌ "

☆ممكن حد يقول طيب ليه ربنا غيّر القبلة ولسه الدولة الإسلامية في بداية نشأتها يعني كان يستنى شوية وخصوصا إن اليهود كانوا مستنيين أي حاجة تحصل عشان يطعنوا في الإسلام🤔

الفترة إللي حصل فيها تغيير القبلة كانت أنسب وقت، عشان كل واحد يبان على حقيقته،
عشان يبان الصادق في إيمانه وإللي هيقدر يبني دولة الإسلام ويقف قصاد الفتن والشبهات مع رسول الله ﷺ،
من الناس إللي لسه الإيمان مش مستقر في قلوبها وممكن تسيب الإسلام بسبب شبهة ولا اثنين يقولها أعداء الإسلام👌
" وَمَا جَعَلْنَا الْقِبْلَةَ الَّتِي كُنتَ عَلَيْهَا إِلَّا لِنَعْلَمَ مَن يَتَّبِعُ الرَّسُولَ مِمَّن يَنقَلِبُ عَلَىٰ عَقِبَيْهِ ۚ "

نزلت الآية وحصل بسببها فتنة كبيرة، تعالوا نشوف ردود أفعال الناس على تغيير القبلة
اليهود إللي في المدينة كانوا من الأول فرحانين إن رسول الله ﷺ بيصلي ناحية بيت المقدس لأنها قبلتهم،
فكانوا مفكرين إن رسول الله ﷺ هيتبعهم في دينهم بعد فترة،
فلما اتحولت القبلة جالهم زي إحباط كده و بدأوا يشككوا المسلمين في دينهم،
وقعدوا يقولوا محمد خالف قبلة الأنبياء قبله، ولو كان نبي كان استمر يصلي ناحية قبلة الأنبياء😏
"سَيَقُولُ السُّفَهَاءُ مِنَ النَّاسِ مَا وَلَّاهُمْ عَن قِبْلَتِهِمُ الَّتِي كَانُوا عَلَيْهَا ۚ "
وكلام اليهود أثّر على ضعاف الإيمان إللي عندهم شك والإسلام مش مستقر في قلوبهم وبدأوا يسألوا :
طب ومصير الناس إللي ماتت قبل تغيير القبلة إيه، وهل ربنا هيقبل صلاتهم ولا لأ،
وهل هياخدوا أجر على صلاتهم إللي فاتت دي ولا لأ،
طيب ماهو لو كانت القبلة الأولى حق يبق هو ترك الحق للباطل،
ولو كان القبلة الجديدة هي إللي حق يبقى هو كان على باطل😕
وكأن يعني الصلاة لبيت المقدس كانت اجتهاد من رسول الله ﷺ مش وحي من عند ربنا فمش هياخدوا أجر على صلاتهم 🙄
ومع ذلك ربنا رد عليهم عشان يطمئن المؤمنين
"وَمَا كَانَ اللَّهُ لِيُضِيعَ إِيمَانَكُمْ"
وشوفوا الفرق بينهم وبين المسلمين الصادقين الثابتين على الإيمان👌
المسلمين أول ما رسول الله ﷺ قال لهم القبلة اتغيرت وصلى بهم العصر محدش اتكلم كله صلى خلف رسول الله ﷺ وخلاص وانتهى الموضوع،
لا وشوفوا الأعجب
واحد من الصحابة صلى مع رسول الله ﷺ، وبعدين وصل لمسجد قباء لقى المسلمين بيصلوا وكانوا راكعين قال لهم:
أشهد إني صليت مع رسول الله ﷺ ناحية الكعبة🤚
راح الصحابة وهم راكعين مدوّرين نفسهم وهم في الصلاة واتجهوا ناحية القبلة الجديدة😮
وأنا عايزاكم تتخيلوا ناس راكعة بتصلي غيروا اتجاههم مائة وثمانين درجة، لأن القبلة زي ما قلنا إللي يقف وهو متجه ناحية المسجد الأقصى يبقى الكعبة في ظهره، فهم غيروا اتجاههم تماما،
وده طبعا خلاهم يتحركوا كثير في الصلاة، ومحدش فيهم فكر إنه يستنى يتأكد من الكلام ويعرف القصة بالكامل،
وربنا قال إن ده اختبار كبير مش هينجح فيه غير المؤمنين،
"وَإِن كَانَتْ لَكَبِيرَةً إِلَّا عَلَى الَّذِينَ هَدَى اللَّهُ "
ربنا بقى رد على كل الناس دي بإجابة بسيطة جدا💁‍♀️
"قُل لِّلَّهِ الْمَشْرِقُ وَالْمَغْرِبُ ۚ يَهْدِي مَن يَشَاءُ إِلَىٰ صِرَاطٍ مُّسْتَقِيمٍ"
فسواء المشرق ولا المغرب كله ملك لله، ثم العبرة مش إن الناس تتجه ناحية المشرق ولا المغرب ،

العبرة في تنفيذ أوامر ربنا، واتباع رسول الله ﷺ وهل فعلا لما ييجي الأمر للناس هيسمعوا الكلام بدون نقاش زي ما المؤمنين الصادقين عملوا،
ولا هيقعدوا يشككوا ويجادلوا ويشمتوا 👌
"لَّيْسَ الْبِرَّ أَن تُوَلُّوا وُجُوهَكُمْ قِبَلَ الْمَشْرِقِ وَالْمَغْرِبِ وَلَٰكِنَّ الْبِرَّ مَنْ آمَنَ بِالله"

لسه يادوب طالعين من اختبار تحويل القبلة إلا وفي اختبار تاني😯

ربنا فرض على المسلمين الصيام، فرض صيام شهر رمضان كامل، يعني كمان أسبوعين المسلمين هيصوموا لأول مرة في حياتهم شهر كامل،
مفيش تدريب قبلها مفيش تهيئة، فجأة كده ربنا قال لهم إن رمضان القادم هتصوموه،
وده صعب عليهم في بيئة صحراوية حارة زي المدينة،
" يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ"

ومش بس كده ده اتفرض عليهم الزكاة بالنصاب المعروف دلوقتي،
يعني قبل كده كان في زكاة ، لكن كان على حسب مقدرة كل
واحد، لكن دلوقتي بقى في حد معين مطلوب منهم،
والإنسان بطبيعته مش بيحب القيود وخصوصا القيود المادية، والزكاة مهما كان قيمتها بسيطة إلا إن الإنسان مطبوع على حب المال :
"وَتُحِبُّونَ الْمَالَ حُبًّا جَمًّا"

ومن الفرائض إللي ربنا فرضها على المسلمين في شهر شعبان كان القتال،

☆شوفوا اختبارات وفرائض ورا بعض ورا بعض، وده كله عشان ربنا يُهيء المسلمين للي هيحصل في المستقبل👌

احنا قلنا قبل كده إن ربنا أَذِن للمسلمين بالقتال عشان يدافعوا عن نفسهم ويردوا عن أنفسهم الظلم الواقع عليهم من قريش،
لكن دلوقتي الوضع اختلف، ربنا فرض القتال على المؤمنين👌
شوفوا الآيات:
"وَقَاتِلُوا فِي سَبِيلِ اللَّهِ الَّذِينَ يُقَاتِلُونَكُمْ وَلا تَعْتَدُوا إِنَّ اللَّهَ لا يُحِبُّ الْمُعْتَدِينَ"
"وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُم مِّنْ حَيْثُ أَخْرَجُوكُمْ ۚ وَالْفِتْنَةُ أَشَدُّ مِنَ الْقَتْلِ ۚ"
"وَقَاتِلُوهُمْ حَتَّىٰ لَا تَكُونَ فِتْنَةٌ وَيَكُونَ الدِّينُ لِلَّهِ"

الآيات دي لما نزلت كان لها الأثر الكبير على المشركين وعلى اليهود وعلى المسلمين أنفسهم
الناس بصفة عامة بتكره القتال لأن الحروب لا تأتي إلا بالدمار والخراب وقتل الناس😓
"كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ "
لكن في نفس الوقت الشيء إللي المسلمين كارهينه ده قد يكون خير لهم وهم مش شايفينه،
"وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ""

عموم المسلمين تقبلوا أمر ربنا عادي، لكن في بعض المسلمين مشفتش الخير إللي وارء الأمر ده،
وطلبوا من رسول الله ﷺ إنه يؤجل لهم القتال، يعني هم مقتنعين بأمر ربنا،
بس بسبب ضعف إيمانهم وخوفهم من اتحاد المشركين واليهود، والمؤمنين لسه قلة، فقالوا نؤجل موضوع القتال،
والكلام ده طالع من مين، طالع من صحابة،
لكن من حكمة ربنا إن يحصل موقف زي ده مع رسول الله ﷺ عشان احنا نعرف نتعامل معاه إزاي👌
والغريب إن الطائفة دي هي هي إللي لما كانوا في مكة مكنوش قادرين يصبروا على أذى المشركين وكانوا عايزين يحاربوهم في الوقت إللي ربنا كان مانع الرد على المشركين،
يعني عندهم الموضوع معكوس،
شوفوا ربنا بيقول إيه في وصف الموقف ده:
"أَلَمْ تَرَ إِلَى الَّذِينَ قِيلَ لَهُمْ كُفُّوا أَيْدِيَكُمْ وَأَقِيمُوا الصَّلَاةَ وَآتُوا الزَّكَاةَ "
في فترة مكة يعني،
"فَلَمَّا كُتِبَ عَلَيْهِمُ الْقِتَالُ إِذَا فَرِيقٌ مِّنْهُمْ يَخْشَوْنَ النَّاسَ كَخَشْيَةِ اللَّهِ أَوْ أَشَدَّ خَشْيَةً ۚ"
فلما ربنا فرض القتال في المدينة كان رد فعلهم مختلف،
مع إنهم المفروض أول ناس تكون مرَحبة بالقتال لأنهم هم إللي طلبوا في الأول،
"وَقَالُوا رَبَّنَا لِمَ كَتَبْتَ عَلَيْنَا الْقِتَالَ لَوْلَا أَخَّرْتَنَا إِلَىٰ أَجَلٍ قَرِيبٍ"

لكن بسبب ضعف الإيمان دخل الخوف في قلوبهم،
وربنا قال لهم ولأي أحد ممكن يكون في موقفهم الحل :
"قُلْ مَتَاعُ الدُّنْيَا قَلِيلٌ وَالْآخِرَةُ خَيْرٌ لِّمَنِ اتَّقَىٰ وَلَا تُظْلَمُونَ فَتِيلًا"
الدنيا مهما عيشتم فيها خايفين على عمركم فالمتاع بتاعها قليل،
أما الآخرة هتعيشوا فيها للأبد متاعها لا ينتهي،
ووضع ربنا لهم ولنا قاعدة مهمة جدا في الآية إللي بعدها على طول👌
"أَيْنَمَا تَكُونُوا يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ"
إنتم خايفين من اتحاد المشركين واليهود عشان ممكن يقتلوكم، طيب مانتم كده كده هتموتوا،
مهما اختبأتم ومهما تحصّنتم في الحصون لكم عُمْر محدد مجرد ما ينتهي هتموتوا،
سواء كنتم داخل المدينة وسط أهلكم أو بتقاتلوا المشركين واليهود، ومادام إنتم كده كده هتموتوا يبقى تموتوا وتكونوا في مكانة عالية👌
فلما ذكر لهم رسول الله ﷺ آيات القرآن رجعوا عن كلامهم ومحدش تخلف منهم عن رسول الله ﷺ بعد كده😊

كل الأحداث دي كانت بتدل إن في حاجة هتحصل قريب
دخل شهر رمضان وصامه المسلمون،

احنا قلنا من شوية إن ربنا فرض صيام رمضان، لكن الفرض هنا كان فرض اختياري،
يعني إللي عايز يصوم يصوم، وإللي مش عايز يصوم ميصمش لكن بشرط👌
وهو إنه بكل يوم هيفطره هيطعم قصاده مسكين،
"أَيَّامًا مَّعْدُودَاتٍ ۚ فَمَن كَانَ مِنكُم مَّرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ ۚ
وَعَلَى الَّذِينَ يُطِيقُونَهُ فِدْيَةٌ طَعَامُ مِسْكِينٍ ۖ فَمَن تَطَوَّعَ خَيْرًا فَهُوَ خَيْرٌ لَّهُ ۚ وَأَن تَصُومُوا خَيْرٌ لَّكُمْ"

شوفوا
في حاجة اسمها الأمر على الوجوب والأمر على الاستحباب، يعني في أوامر من ربنا فرض مفيهاش كلام، وفي أوامر من ربنا مستحبة،
فربنا فرض صيام رمضان وأمر به في الأول على وجه الاستحباب،
فلما الناس جربوه واتعودوا عليه وبدأوا يختاروا الصيام بإرادتهم، ربنا فرض عليهم الصيام الفرض الإلزامي،
طبعا باستثناء المريض أو المسافر
فهو كان بيعمل لهم تهيئة الأول،

كان الصيام من الفجر إلى المغرب لكن لو الصائم لم يفطر عند المغرب ونام، لا يجوز له إنه يأكل أي شيء،
وينتظر لتاني يوم المغرب عشان يأكل أو يشرب، وكان اقتراب الرجل من زوجته في الليل محرم طول شهر رمضان،
فكان واحد من الأنصار بيشتغل في النخيل بالنهار وكان صائم،
فلما حضر وقت الإفطار سأل زوجته عندك طعام؟
قالت له : لأ، ولكني هروح أجيب لك أكل😕
وكان شغال طول اليوم وتعبان فغلبته عينه ونام، فجاءته زوجته ومعاها الأكل فلما شافته نام قالت:
خيبةً لك!! يعني بالعامية يا خيبتك😅
زعلانة عليه يعني إنه نام وكان تعبان ومش هياكل غير تاني يوم المغرب،
فلما وصل لنصف النهار وهو صائم أُغْميَ عليه، فأخبروا رسول الله ﷺ، فنزلت آية التخفيف من ربنا،
"أُحِلَّ لَكُمْ لَيْلَةَ الصِّيَامِ الرَّفَثُ إِلَىٰ نِسَائِكُمْ"
"وَكُلُوا وَاشْرَبُوا حَتَّىٰ يَتَبَيَّنَ لَكُمُ الْخَيْطُ الْأَبْيَضُ مِنَ الْخَيْطِ الْأَسْوَدِ مِنَ الْفَجْرِ ۖ ثُمَّ أَتِمُّوا الصِّيَامَ إِلَى اللَّيْلِ ۚ "

في شهر رمضان عرف رسول الله ﷺ إن في قافلة لقريش جاية من الشام،
وكانت القافلة دي من أكثر قوافل قريش مالا، فيها ألف بَعير،وما لا يقل عن خمسين ألف دينار ذهبي،
يعني لو المسلمون عرفوا يأخذوها هتبقى غنيمة كبيرة جدا لهم، وضربة اقتصادية شديدة لقريش👌
وكان القائد على القافلة دي أبو سفيان بن حرب، سيد من سادات مكة، وكان إللي بيحرس القافلة حوالي ثلاثين إلى أربعين رجل،
فلأهمية القافلة دي قرر رسول الله ﷺ إنه يخرج للقافلة دي بنفسه وجمع معاه أكبر عدد ممكن من الصحابة،
ولأول مرة يخرج الأنصار مع رسول الله ﷺ في غزوة،
لما كان في المدينة عرض أمر الخروج للقافلة على المسلمين،
فوافق أبو بكر ووافق عمر،
وقال سعد بن عبادة زعيم الخزرج والله يارسول الله لو أمرتنا إننا نروح معاك لحد اليمن هنروح👌
فخرج مع رسول الله

ﷺ المرة دي حوالي ثلاثمائة وثلاثة عشر أو أربعة عشر أو سبعة عشر صحابي،
كان المهاجرين ثلاثة وثمانون، وكان الأنصار مائتين وواحد وثلاثين،
يعني ثُلثين الجيش تقريبا كان من الأنصار،
بدأ رسول الله ﷺ يجهز ويرتب الجيش عشان يطلع يعترض قافلة أبو سفيان،

هل هيقدر رسول الله ﷺ إنه يأخذ القافلة ويعوض المهاجرين عن خسارتهم؟
ده إللي هنعرفه الجزء الجاي إن شاء الله 😊

#السيرة_النبوية
#ايمان_شلبي

*تسجيل الحلقة ال 6️⃣1️⃣ من فقه النكاح والطلاق وفيها*
*📌حكم الطلاق وبيد من يكون*
*📌الفاظ الطلاق*
د/وفاء العبيدي