صباح التفاؤل 🤍

(لنختم القرآن سماعا)

الورد (١٨٢)

(الربع الثاني & الحزب السادس والأربعين)

#القارئ: محمد خليل القارئ
#ليدبروا على التليجرام
https://www.tg-me.com/GhRoooh/12023

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻
https://youtu.be/kWm-NNXT0Uw?feature=shared
#صباحكم_قرآنٌ_يُتلى

هل تحمل هذا الهم في قلبك ؟؟

#قصص_الأنبياء(٢)
#السيرة_النبوية
#الحلقة_الرابعة_والثلاثون
#رحلة_الإسراء_والمعراج
#المعراج_الجزء_الثالث
#الجنة_ولقاء_الله

اتكلمنا المرة إللي فاتت عن رسول الله ﷺ لما أخذه جبريل عليه السلام وصعد به فوق السماء السابعة عند سدرة المنتهى،
وقلنا إن رسول الله ﷺ رأى جبريل على صورته الحقيقية عند سدرة المنتهى ودي كانت المرة الثانية التى رأى فيها رسول الله ﷺ جبريل على صورته الملائكية،
"وَلَقَدْ رَآهُ نَزْلَةً أُخْرَىٰ ۩ عِندَ سِدْرَةِ الْمُنتَهَىٰ "

المرة الأولى لما جاءه بالوحي بعد فترة الوحي واحنا اتكلمنا عنها قبل كده😉
وقلنا كمان إن سدرة المنتهى فوق السماء السابعة وعندها جنة المأوى،
جبريل عليه السلام أخذ رسول الله ﷺ عشان يقابل ربنا، في الطريق ربنا أهدى رسول الله ﷺ هدية لم يهدها لأي بشر أبدا،
وهنشوف هدايا كثيرة ربنا أعطاها لرسول الله ﷺ في الرحلة دي،
أول هدية إنه جعله يدخل الجنة، وهو مازال على قيد الحياة فرسول الله ﷺ هوالبشري الوحيد إللي دخل الجنة وهو من أهل الدنيا😮
جبريل عليه السلام أخذ رسول الله ﷺ في جولة داخل الجنة، وعايزاكم تتصوروا لما رسول الله ﷺ يقف على باب الجنة قبل ما يدخلها
الجنة إللي حكى عنها للصحابة ، الجنة إللي هيدخلها الذين سعدوا
"وَأَمَّا الَّذِينَ سُعِدُوا فَفِي الْجَنَّةِ خَالِدِينَ فِيهَا مَا دَامَتِ السَّمَاوَاتُ وَالأَرْضُ"
تخيلوا موقف رسول الله وهو بيستعيد آيات القرآن عن الجنة :
"تِلْكَ الْجَنَّةُ الَّتِي نُورِثُ مِنْ عِبَادِنَا مَن كَانَ تَقِيًّا"

الجنة إللي هيسكنها المؤمنون للأبد، مفيش بعدها موت،
الجنة إللي فيها ما لا عين رأت ولاأذن سمعت ولا خطر على قلب بشر،
الجنة دي رسول الله ﷺ هيشوفها دلوقتي، ياترى شكلها إيه😳
خلونا نشوف رسول الله صل الله عليه وسلم وهو بيوصف لنا الشكل للعام للجنة، بيقول إنه أدخل الجنة،
أول ما رسول الله دخل شاف حبائل لؤلؤ معلقة،
عارفين لما بِنُزيّن البيت بشرائط ملونة مدلدلة من السقف في المناسبات كده 🤔
أهه حبائل اللؤلؤ نفس الفكرة تقريبا
وشاف قباب من اللؤلؤ ، يعني قبة جنب قبة من اللؤلؤ،
بص في الأرض لقى الأرض بيضاء ترابها المسك والزعفران وده يدينا انطباع أد إيه ريحة الجنة رائعة😮

البيوت شافها مبنية طوبة من الذهب وطوبة من الفضة والمونة إللي بينهم يعني الأسمنت إللي بين الطوب من المسك، والحصى والرمل الواقع في الأرض من اللؤلؤ والياقوت، ده كان المشهد العام للجنة، ربنا يرزقنا الجنة وإياكم 🤲

رسول الله هيبدأ يشرح لنا تفاصيل أدق عن بعض أجزاء الجنة إللي جبريل عليه السلام هيأخذه فيها😊

مشي رسول الله ﷺ مع جبريل عليه السلام فشاف نهر،
لكن النهر ده مش بيتحرك في مجرى مائي زي الأنهار العادية، ده بيتحرك على أرض الجنة😳
يعني رسول الله شايف أرض النهر القاع يعني لدرجة إن رسول الله صل الله عليه وسلم مسك الطين إللي في أرض النهر لقاه مسك😮
والحصى إللي في قعر النهر ده من اللؤلؤ والياقوت،
والنهر كان لونه أبيض من الثلج وطعمه أحلى من العسل،
على حافتين النهر يعني على جوانبه في قصور جميلة على شكل قباب،
كل قبة عبارة عن لؤلؤة ضخمة مجوفة، المنظر رائع جدا😢
رسول الله ﷺ سأل جبريل عليه السلام قال له:
إيه ده يا جبريل؟!!
قال له جبريل عليه السلام هذا نهر الكوثر!

النهر إللي ربنا أعطاه لرسول الله ﷺ

والعرب بتستعمل كلمة الكوثر لما يكونوا عايزين يعبروا عن الشيء الكثير، فنهر الكوثر ده ماءه كثيرة وأكوابه كثيرة بعدد نجوم السماء 😮
ونهر الكوثر رآه رسول الله ﷺ في السماء الدنيا مع نهر النيل والفرات فهو منبعه من الجنة وبيجري عبر السماوات ،
لكنه لا ينزل إلى الأرض زي النيل والفرات إللي اتكلمنا عنهم المرة إللي فاتت
ونهر الكوثر هو إللي هيُمِد حوض رسول الله ﷺ بالماء إللي هيشرب منه المؤمنون يوم القيامة، وإللي هيشرب منه مش هيعطش تاني أبدا👌

☆إيه قصة الحوض ده 😳

يوم القيامة الشمس هتقرب جدا من الرؤوس والناس هتكون عطشانة جدا ومفيش مية غير إللي موجودة في أحواض الأنبياء ومنهم حوض النبي محمد ﷺ ،
والحوض ده حجمه كبير جدا مسيرة شهر، مليان مية من نهر الكوثر إللي لونه أبيض من الثلج وطعمه أحلى من العسل،
عدد الأكواب بتاعته بعدد نجوم السماء زي ما قلنا من شوية😉
هيبقى موجود على الأرض المُبدلة
" يوْمَ تُبَدَّلُ الْأَرْضُ غَيْرَ الْأَرْضِ"
الناس بقى هتروح لرسول الله ﷺ عشان يشربوا من الحوض بتاعه، فهيشرب منه المؤمنون المتبعين لرسول الله ﷺ فقط🚫
وفي ناس هييجوا يشربوا فهتمنعهم الملائكة فرسول الله ﷺ هيقول: أُمّتي أُمّتي!!!
يعني الناس دي من أمتي😥

فيُقال لرسول الله ﷺ إنت متعرفش هم عملوا إيه بعدك ، دول لم يتبعوا سنتك وغيروا فيها👌
فساعتها رسول الله ﷺ هيقول سُحْقا يعني بُعداً لمن بدّل بعدي وغيّر، يعني ابعدوا أي أحد غيّر في سنتي ولم يتبعنِ 👌

¤يبقى نستنتج إن إللي عايز يشرب من حوض رسول الله ﷺ يَلزم سنته وميبدلش ولا يغير فيها ،وميقعدش يخترع في عبادات واحتفالات رسول الله مقلش عليها🙃
محدش يا جماعة يعمل أي عبادة غير لما يكون عنده حديث صحيح إن رسول الله ﷺ عمل العبادة دي👌
عارفين ليه 😕
لأن عشان ربنا يتقبل مننا أعمالنا لازم نكون محققين شرطين الإخلاص يعني إننا نعمل العمل الصالح ده عشان نرضي به ربنا بس👌
والشرط الثاني هو إننا نتبع طريقة رسول الله ﷺ في عمل العمل ده...

رسول الله ﷺ كان من سنته إنه يصوم اثنين وخميس من كل أسبوع يبقى نعمل زيه😊
مش من سنته إنه يصوم أول رجب، يبقى منخترعش بقى ونصوم أول رجب 🤓
رسول الله كان بيحتفل بعيد الفطر وعيد الأضحى فقط ،مكنش بيحتفل لا بعيد أم ولا عيد ميلاد ولا أي عيد تاني 🚫

☆سامعاكي يا حبيبتي ياللي بتقولي ماهو رسول الله قال إنه بيصوم يوم الإثنين عشان هو يوم اتولد فيه يبقى رسول الله احتفل أهه😒
أولا :
السبب الرئيسي لصيام رسول الله يوم الاثنين والخميس إن الأعمال بتتعرض على ربنا في اليومين دول فهو بيصومهم عشان فضلهم😊
ثانيا :
هو بيصومه شكرا لله إنه اتولد فيه، يعني صيامه ده سبب من الأسباب، ده غير إن صيام رسول الله ﷺ كان كل أسبوع مش أسبوع أه وأسبوع لأ،
ومش شهر أه وشهر لأ، ولا كل سنة مرة زي الاحتفال بعيد الميلاد ولا عيد الأم ولا عيد زواج ولا أي عيد ثاني وإللي بيكون يوم مخصص من كل سنة🙁

طبعا إللي مش مقتنع بالكلام ومش عايز ينفذ هو حر😅
بس ميجيش يزعل لما الملائكة تمنعه من الشرب من حوض رسول الله ﷺ
وساعتها مش هيبقى في رجوع تاني للدنيا عشان يصلح غلطه 😞

استمر رسول الله يمشي في الجنة مع جبريل لحد ما شاف قصر من ذهب ، فرسول الله ﷺ ظن إن القصر ده بتاعه فسأل جبريل عليه السلام : هو القصر ده بتاع مين؟!
فقال جبريل: لفتى من قريش ، قال رسول الله أنا من قريش، لمين القصر ده؟!
قال : لعمر بن الخطاب👌
ربنا جهز لعمر قصر في الجنة وهو لسه في الدنيا😊

ورسول الله ﷺ ماشي مع جبريل عليه السلام شم رائحة جميلة 😮
احنا قلنا إن الجنة ريحتها رائعة فتخيلوا الرائحة إللي رسول الله ﷺ شمها وغطت على ريحة الجنة عاملة إزاي😳
فسأل رسول الله ﷺ سأل جبريل إيه الريحة دي؟!
فقال له جبريل عليه السلام: هذه رائحة ماشطة بنت فرعون وأبنائها!
♡ رسول الله ﷺ سأل جبريل وإيه حكاية ماشطة بنت فرعون وأبنائها دي؟!!

فحكى له جبريل عليه السلام حكاية الماشطة
فاكرييين الحكاية
☆ إللي ميعرفش الحكاية يرجع لقصص الأنبياء في الجزء التاسع والعشرون وهو هيعرف إيه هي قصة ماشطة بنت فرعون وأبنائها😉

لما كان رسول الله ﷺ في الجنة جاؤه جبريل عليه السلام بثلاثة كؤوس واحد فيه لبن وواحد فيه خمر وواحد فيه عسل،
والمرة دي الوضع مختلف😉
المرة الأولى لما كان في بيت المقدس كان عشان رسول الله عطشان وكان عايز يشرب فجاءه رسول الله بكأس لبن وكأس خمر،
المرة دي جبريل عليه السلام جاءه بالكؤوس على سبيل الضيافة يعني 😅
فاختار رسول الله ﷺ اللبن ، فقال جبريل عليه السلام: هُديت إلى الفطرة👌
خرج رسول الله ﷺ من الجنة عشان يروح يقابل ربنا عز وجل،
في الطريق شاف تاني سدرة المنتهى إللي اتكلمنا عنها المرة إللى فاتت وقلنا إن غطتها فراشات من ذهب فتحول شكلها لمنظر لا يستطيع أي مخلوق وصفه من شدة جماله😉

المرة دي شافها رسول الله ﷺ وهي بيغطيها ألوان، لكن مش الألوان بتاعتنا المعروفة، رسول الله ﷺ قال إنه ميعرفش إيه الألوان دي 😳
وطبعا من شدة جمالها ملهاش وصف 😯
والحاجات إللي بتغطي سدرة المنتهى متغيرة ، يعني ربنا بيقول :
"إِذْ يَغْشَى السِّدْرَةَ مَا يَغْشَىٰ"
يعني كل شوية حاجة جديدة بتغطيها ، عارفين زي إيه كمثال تقريبي للمعنى🤔
عارفين الأضواء إللي بتتعلق عالشجر أو على البنايات أو الأضواء إللي بتتعلق كزينة في رمضان وكل شوية الأضواء تتغير بشكل معين شكله حلو 😁
أهو سدرة المنتهى بتتغير كل شوية بما يريد الله، وطبعا مفيش مقارنة بقى في الجمال ، ربنا يرزقنا جميعا الجنة يارب 🤲

رسول الله ﷺ رايح دلوقتي لمقابلة رب العالمين
فأخذه جبريل عليه السلام لفوق سدرة المنتهى لمكان لم يصله بشر أبدا😳
وبعدين توقف جبريل عليه السلام وقال لرسول الله ﷺ إنه يتقدم لوحده 👌

🚫 في هنا رواية بتقول إن رسول الله ﷺ قال لجبريل أَهُنا يترك الخليل خليله، فقال جبريل لكل منا مقام معلوم ولو تقدمت خطوة لاحترقت،
فرسول الله تقدم وقال التحيات لله والصلوات والطيبات فربنا قال له السلام عليك أيها النبي إلى آخر الرواية...

الرواية دي مكذوبة لا تصح عن رسول الله إطلاقا ولو حد بعت لكم رسالة بالكلام ده قولوا إنه مكذوب لا يصح عن رسول الله ﷺ 🙅‍♀️❌
الصحيح بقى إن جبريل توقف في مكان معين من الرحلة لأنه مش مسموح له إنه يتخطى المكان ده، وسمح لرسول الله ﷺ إنه يتقدم للقاء الله في مكان لم يصل إليه أحد حتى من الملائكة😮
فين المكان ده...

الله أعلم، هل احنا في محيط السماء السابعة ولا محيط سدرة المنهى ؟ الله أعلم 🤷‍♀️

وصل رسول الله ﷺ لمكان لم يصل إليه ملك ولا بشر قبله، وفي وسط كل الأحداث دي والآيات العظيمة لم يزغ بصر رسول الله ﷺ ، بمعنى مش احنا لما بنشوف حاجة جديدة جميلة أو بنروح مكان جديد لأول مرة بنقعد نبص يمين وشمال نستكشف المكان 🤔
رسول الله ﷺ معملش كده، كان مركز في لقائه مع الله ، وإللي بيقول كده ربنا عز وجل :
" مَا زَاغَ الْبَصَرُ وَمَا طَغَىٰ ۩ لَقَدْ رَأَىٰ مِنْ آيَاتِ رَبِّهِ الْكُبْرَىٰ "

☆شوفوا... احنا بنوصف موقف، لكن رسول الله ﷺ إللي كان في الموقف نفسه مشاعره كانت إيه، قلبه كان بيدق إزاي كان بيفكر في إيه محدش يقدر يتخيل الموقف ده أبدا
لو دخلنا على ملك ولا رئيس من رؤساء الدنيا ولا بس بيبقى عندنا مقابلة مع حد مهم بيبقى شعورنا إيه😶
بلاش دي😁
البنات لما بتكون عندها رؤية شرعية والعريس جاي بتبقى عاملة إزاي😅
رسول الله ﷺ واقف هيكلم رب العالمين في مكان لم يصل له بشر ولا ملك، مفيش أي كلمات تقدر توصف الموقف ده👌

كلم رب العالمين رسول الله ﷺ، وربنا بيتكلم يا جماعة عادي ، واحنا ونثبت له صفة الكلام زي ماهو قال عن نفسه، لكن منعرفش هو بيتكلم إزاي ولا صوته إيه🤷‍♀️
هنعرف في الجنة إن شاء الله 😊

كل الترحيب ده وتقريب رسول الله ﷺ لمكان لم يصل إليه بشر ولا ملك عشان كلمة رسول الله ﷺ قالها، وهو في شدة همه وألمه وبكاؤه والدم بينزف منه:
"إن لم يكن بك غضب علي فلا أبالي"
يعني يارب لو إنت راضي عني و مش غضبان علي فأنا معنديش مشكلة أهم حاجة إنك تكون راضي عني 🤲

واحنا عندنا في قوانين البشر بنقول إن الأفعال أصدق من الأقوال،
ولله المثل الأعلى في السماوات والأرض ربنا أراد إنه يُرِي رسول الله ﷺ بطريقة عملية أد إيه هو راضي عنه
فقربه إليه في المكان ده😊

ربنا كلم رسول الله ﷺ وأعطاه هديتين وأمره بأمر،
الهدية الأولى إللي ربنا أهداها لرسول الله ﷺ كانت خواتيم سورة البقرة إللي هي:
"آمَنَ الرَّسُولُ بِمَا أُنزِلَ إِلَيْهِ مِن رَّبِّهِ وَالْمُؤْمِنُونَ ۚ كُلٌّ آمَنَ بِاللَّهِ وَمَلَائِكَتِهِ وَكُتُبِهِ وَرُسُلِهِ لَا نُفَرِّقُ بَيْنَ أَحَدٍ مِّن رُّسُلِهِ ۚ وَقَالُوا سَمِعْنَا وَأَطَعْنَا ۖ غُفْرَانَكَ رَبَّنَا وَإِلَيْكَ الْمَصِيرُ ۩
لَا يُكَلِّفُ اللَّهُ نَفْسًا إِلَّا وُسْعَهَا ۚ لَهَا مَا كَسَبَتْ وَعَلَيْهَا مَا اكْتَسَبَتْ ۗ رَبَّنَا لَا تُؤَاخِذْنَا إِن نَّسِينَا أَوْ أَخْطَأْنَا ۚ
رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا ۚ رَبَّنَا وَلَا تُحَمِّلْنَا مَا لَا طَاقَةَ لَنَا بِهِ ۖ وَاعْفُ عَنَّا وَاغْفِرْ لَنَا وَارْحَمْنَا ۚ أَنتَ مَوْلَانَا فَانصُرْنَا عَلَى الْقَوْمِ الْكَافِرِينَ ۩

☆قبل ما نقول فضل الآيتين دول خلينا نوضح نقطة مهمة وهي إن ربنا أه أعطى رسول الله خواتيم سورة البقرة لكن هي لسه مش هتنزل على المؤمنين دلوقتي هتنزل في وقت تاني

نشوف إيه فضل الآيات دى مع رسول الله ﷺ
من يقرأ خواتيم سورة البقرة في كل ليلة قبل ما ينام كَفَتَاه، يعني:
♡تُجزئه عن قيام الليل
♡تجزئه عن قراءة القرآن بشكل عام
♡تكفيان الإنسان من كل سوء
♡تكفيان من الثواب، يعني تحقق لنا من الثواب إللي يعادل سيئات اليوم👌
كل ده تفسير العلماء لحديث رسول الله ﷺ :
"منْ قَرَأَ بالآيتَيْنِ مِنْ آخِرِ سُورةِ البقَرةِ فِي لَيْلَةٍ كَفَتَاهُ"

وشوفوا الحديث ده:
" إِنَّ اللَّهَ كَتَبَ كِتَابًا قَبْلَ أَنْ يَخْلُقَ السَّمَوَاتِ وَالْأَرْضَ بِأَلْفَيْ عَامٍ ،
فَأَنْزَلَ مِنْهُ آيَتَيْنِ فَخَتَمَ بِهِمَا سُورَةَ ‏ ‏الْبَقَرَةِ ‏ ‏وَلَا يُقْرَآنِ فِي دَارٍ ثَلَاثَ لَيَالٍ فَيَقْرَبَهَا الشَّيْطَانُ"

الأجر ده كله بآيتين فقط 😊

يعني النهاردة عرفنا إزاي نبني بيت في الجنة وعرفنا إزاي نزرع نخل وشجر ويكون عندنا كنوز في الجنة وعرفنا خواتيم سورة البقرة،
منقدرش نعمل الحاجات البسيطة دي كل يوم ونداوم عليها ؟
نقدر إن شاء الله😉
فضل ربنا واسع والأعمال سهلة بس احنا نبدأ👌

☆قبل ما نشوف الهدية الثانية... في سؤال مهم لازم نجاوب عليه، هو رسول الله ﷺ شاف ربنا😕

باختصار القول الراجح من أقوال العلماء بالاعتماد على الدليل الشرعي،
هو إن لا رسول الله ﷺ ولا حتى الملائكة شافوا ربنا، ومحدش هيشوف ربنا قبل يوم القيامة ،
و الدليل لما سُئل رسول الله ﷺ : هل رأيت ربك؟ قال : نور أنّى أراه"
أما الملائكة فمفيش أي دليل على إنه في حد فيهم رأى الله عز وجل، بالعكس الأدلة بتقول إنهم لم يروه في الحديث:
" إِنَّ اللهَ عَزَّ وَجَلَّ لَا يَنَامُ، وَلَا يَنْبَغِي لَهُ أَنْ يَنَامَ،
يَخْفِضُ الْقِسْطَ وَيَرْفَعُهُ، يُرْفَعُ إِلَيْهِ عَمَلُ اللَّيْلِ قَبْلَ عَمَلِ النَّهَارِ، وَعَمَلُ النَّهَارِ قَبْلَ عَمَلِ اللَّيْلِ،

حِجَابُهُ النُّورُ - وَفِي رِوَايَةِ أَبِي بَكْرٍ: النَّارُ - لَوْ كَشَفَهُ لَأَحْرَقَتْ سُبُحَاتُ وَجْهِهِ مَا انْتَهَى إِلَيْهِ بَصَرُهُ مِنْ خَلْقِهِ"

فالمؤمنين هيشوفوا ربنا في الجنة ،

الهدية الثانية إللي أعطاها ربنا لرسول الله ﷺ كانت........
هنعرف إن شاء الله المرة الجاية 😁



#السيرة_النبوية
#ايمان_شلبي

وننتقل لسؤال مهم

📌هل من الممكن أن أتعلم فن التغافل؟

لا يوجد خلق صعب نتعلمه ، كل حاجة ممكن تيجي بالتدريب،

لما تشوفي أو تسمعي حاجة بتضايقك حاولي تتحكمي في غضبك وردة فعلك:

🔸خذي نفس عميق

🔸استعيذي بالله من الشيطان

🔸فكري في العواقب

🔸أحسني الظن ودوري على محمل حسن
قال تعالى (( يا أيها الذين آمنوا اجتنبوا كثيرا من الظن إن بعض الظن إثم ))
 
وقال ابن سيرين: إذا بلغك عن أخيك شيء فالتمس له عذرًا، فإن لم تجد له عذرًا فقل: لعل له عذرًا.

🔸حاولي متكونيش كمالية وترضي بالتدرج مع ولادك في تغييرهم،جربي هتسعدي جدا وعصبيتك هتقل وبيتك هيبقى أهدى.

🔸فكري في تصرفات زوجك بمنظوره وعقله هو كرجل مش بمنظورك وعقلك أنت كامرأة ، جربي تفهمي طبيعة الرجل بشكل عام، وطبيعة زوجك بشكل خاص ، هتلاقي كثير من الأمور اللي بتتوقفي عندها بسيطة وغير مقصود منها مضايقتك أو إهانتك.

🔸استعيني بالله وأكثري من الدعاء

🔸اجعلي الآخرة هي همك وهدفك وشغلك الشاغل، وساعتها هتنشغلي عن كل هذه الأمور وتعرفي أن الدنيا بكل ما فيها ومنغصاتها لا تساوي شيء.
بنسمع أيضا كلمة التجاهل فهل هناك فرق بين التغافل والتجاهل؟

#فن_التغافل
#هبة-حلمي

💥عرض خاص ولفترة محدودة🤩

يوجد خصم ٢٠% لجميع حلقات الأكاديمية😃
سارع بالحجز قبل إنتهاء العرض العدد محدود🌻
🎯يوجد حلقات فردية 👤(حفظ وتصحيح تلاوة ومراجعة وتجويد)🌿
🎯ويوجد حلقات جماعية
🎯نستقبل الأطفال من سن ٥ سنوات🪷
💌لمعرفة التفاصيل برجاء التواصل على الرقم التالي واتس:
https://wa.me/+201022023964

اللهم انا نسألك من فضلك ورحمتك فإنه لا يملكها الا انت🤲🏻

(لنختم القرآن سماعا)

الورد (١٨٣)

(الربع الثالث & الحزب السادس والأربعين)

#القارئ: تركي عبيد المري
#ليدبروا على التليجرام
https://www.tg-me.com/GhRoooh/12030

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻
https://youtu.be/1Is3CeXNGkM?feature=shared
#صباحكم_قرآنٌ_يُتلى