صبحكم الله برزق طيب من حيث لا تحتسبوا🤍

(لنختم القرآن سماعا)

الورد (١٨٠)

(الربع الرابع & الحزب الخامس والأربعين)

#القارئ: منصور السالمي
#ليدبروا على التليجرام
https://www.tg-me.com/GhRoooh/120145

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻
https://youtu.be/c7k13dx9jNc?feature=shared
#صباحكم_قرآنٌ_يُتلى

#قصص_الأنبياء(٢)
#السيرة_النبوية
#الحلقة_الثانية_والثلاثون
#رحلة_الإسراء_والمعراج
#المعراج_الجزء_الأول

وقفنا المرة إللي فاتت عند جبريل عليه السلام لما أعطى رسول الله ﷺ كأسين واحد فيه لبن والثاني فيه خمر،
فشرب رسول الله ﷺ من الكأس إللي كان فيه لبن فقال له جبريل عليه السلام: هُديت وهُديت أمتك،
والمتوقع إن رسول الله ﷺ يرجع بقى لمكة لكن كان في رحلة ثانية مستنياهﷺ 😮
رحلة مختلفة عن أي رحلة ، رحلة المعراج..يعني الصعود للسماء،
هنبدأ بإزاي رسول الله ﷺ طلع للسماء رسول الله بيحكي وبيقول إنه طلع على حاجة زي السلم كده،
ولكن السلم ده مختلف، فهو مكون من ثلاث درجات، يعني يطلع الدرجة الأولى وبعدين الثانية وبعدين الثالثة وبعد الثالثة يوصل للسماء،
فكل سماء هيوصل لها هتكون بالطريقة دي، درجة اثنين ثلاثة وبعدين السماء وهكذا،
فصعد رسول الله ص مع جبريل على السلم الثلاث دراجات وبقى على باب من أبواب السماء الدنيا،
والسماء الدنيا إللي هي السماء الحقيقية مش الجزء الظاهر إللي احنا شايفينه ده
حتى رسول الله ﷺ بيقول إنه لو أراد إنه يلمس السماء للمسها،
يعني يقدر يحط إيده عليها ويحسس عليها ويحس بها زي ما بنحط إيدنا كده على الحائط مثلا 😉
وطبعا مش هنسأل هو رسول الله ﷺ كان بيتنفس إزاي وهو في الفضاء الخارجي ومفيش أكسجين
احنا بنتكلم عن رسول الله ﷺ وبنتكلم عن ربنا يعني احنا برة السنن الكونية أصلا وبرة كل القوانين💁‍♀️
فلما وصل جبريل عليه السلام لباب من أبواب السماء الدنيا وخبط على الباب فخازن الباب ...الحارس يعني سأل : مين؟، فقال : جبريل!
فسأله خازن هل معك أحد فقال له جبريل عليه السلام :معي محمد!
فسأله الخازن :هو أُرسل إليه؟ يعني ربنا أمر إنه ييجي ، فجبريل عليه السلام قال : نعم !
،فقال الخازن فلنِعم المجيء جاء وفرح به أهل السماء ،
يعني كأن الخازن بيقول بلغتنا كده ده الدنيا نورت😍

☆هنشوف أد إيه في تشابه بين نظام الحياة في السماء والأرض،
فزي ما فيه عندنا في الأرض شركات مثلا وعليها حراس بيحرسوها وبيشوفوا إللي داخل وإللي طالع،
برده في السماء هنلاقي كل سماء عليها حراس من الملائكة وظيفتهم حراسة أبواب السماء

لما دخل رسول الله ﷺ السماء الدنيا شاف رجل قاعد في السماء حوله سواد عظيم ،لما ينظر ناحية يمينه يضحك ولما ينظر ناحية شماله يبكي،
فرسول الله ﷺ سأل جبريل من هذا؟!
فقال له جبريل عليه السلام : هذا أبوك آدم سلم عليه!
فسلم رسول الله ﷺ على أدم، فقال آدم عليه السلام لرسول الله أهلا بابني ، أهلا بالابن الصالح والنبي الصالح فلنعم الابن أنت ،ودعا لرسول الله ﷺ بخير،
وبعدين مشي رسول الله مع جبريل عشان يكمل الرحلة


◇نقف كده مع بعض ثواني نجاوب على كم سؤال
¤أولا:
إزاي رسول الله ﷺ يسأل جبريل عن آدم عليه السلام من هذا وهو كان لسه مصلي معاه في المسجد الأقصى من شوية🤔

مبدئيا هو في خلاف بين العلماء، هل رسول الله صلّى بالأنبياء قبل المعراج ولا صلى بهم بعد المعراج ، في علماء قالوا إنه صلى قبل المعراج وعلماء قالوا إنه صلى بهم بعد المعراج وكل فريق له أدلته💁‍♀️
فأنا شرحت لكم المرة إللي فاتت إن رسول الله ﷺ صلى بالأنبياء قبل المعراج، وعلى الأساس ده تكون الإجابة كالتالي :
رسول الله ﷺ لما دخل المسجد دخل صلى على طول من غير ما يركز في وجوه الانبياء، ده غير الرهبة إللي حصلت له لما شاف الاجتماع الرهيب للأنبياء ده فأكيد مش هياخد باله من كل المائة وأربعة وعشرين ألف نبي 😶
تخيلوا لما ندخل مكان زحمة بنبقى شايفين وجوه ناس كثيرة لكن مش مركزين في الأشخاص نفسهم شكلهم وملامحهم إيه🤷‍♀️
فدلوقتي رسول الله شايف دلوقتي آدم عليه السلام وجها لوجه ، فطبيعي إنه يسأل عن الشخص إللي قصاده دلوقتي ده هو مين بالتحديد، وخصوصا لما شاف السواد إللي حواليه وشاف بكاؤه وضحكه.
لكن لو القول الثاني بإن رسول الله ﷺ صلى بالأنبياء بعد المعراج يبقى مفيش إشكالية لأنه أول مرة كان يقابلهم كانت في السماء

¤السؤال الثاني إيه هو السواد إللي كان حول آدم عليه السلام ده🤔
السواد ده هو نسمات أو أرواح أبنائه إللي لسه لم يولدوا من أهل الجنة ومن أهل النار ،
فلما كان ينظر على نسمات أهل الجنة ناحية اليمين كان يضحك فرحا بهم،
ولما كان ينظرعلى نسمات أهل النار ناحية الشمال كان يبكي حزنا عليهم لأنهم فشلوا في الإختبار😞
وموقف البكاء ده يعتبر موقف عارض ، يعني مش إن آدم عليه السلام قاعد بس ينظر ناحية اليمين ويضحك وناحية الشمال ويبكي إلى قيام الساعة،
لأن احنا قلنا إن الأنبياء لهم حياة خاصة بعد الموت وإن أرواحهم موجودة في الجنة أصلا فهو خرج من الجنة عشان يقابل رسول الله ﷺ زي باقي الأنبياء إللي رسول الله ﷺ هيقابلهم في باقي السماوات،
ووجود آدم عليه السلام في السماء الدنيا بالّذت مش في أي سماء ثانية لأن هو بيعرض عليه نسمات أهل النار ، ونسمات أهل النار مش بيعدوا السماء الدنيا ، ربنا بيقول:

"إِنَّ الَّذِينَ كَذَّبُوا بِآيَاتِنَا وَاسْتَكْبَرُوا عَنْهَا لا تُفَتَّحُ لَهُمْ أَبْوَابُ السَّمَاءِ"
فتزَامن مجيء رسول الله ﷺ مع عرض نسمات بني آدم عليه عشان يشوف الموقف ويحكيه لنا👌

انطلق رسول الله مع جبريل عليه السلام فشاف في السماء الدنيا ثلاثة أنهارعظيمة ، أول نهرين شافهم كانا النيل والفرات،
وهيشوفهم برده في السماء السابعة ولما يدخل الجنة في رحلته دي
فالنيل والفرات أصلهما من الجنة، فهما بيخترقا السماء وبعدين ربنا بيُرسل ماء النيل لجبال أثيوبيا ووسط أفريقيا، ويرسل ماء الفرات لجبال تركيا فينزل على هيئة مطر هناك، ويتكون النهرين ويمشوا في المسار بتاعهم إللي ربنا خلقه لهما👌
طبعا الكلام ده من تفسير أحاديث رسول الله، فسبحان الخالق المدبر

النهر الثالث إللي شافه رسول الله ص وهو ماشي كان نهر الكوثر، وهو هدية من رب العالمين ،فاكرين إنا أعطيناك الكوثر

☆ملاحظين إن ربنا بيخلي رسول الله ﷺ يشوف الغيب إللي كان بيحكي للصحابة عنه🙊
نهر الكوثر... أدم عليه السلام.. شكل السماء ولسه إللي جاي😮
خلّص رسول الله ﷺ السماء الدنيا أو السماء الأولى وبعدين طلع للسماء الثانية بنفس الطريقة إللي قلناها في الأول،
سلمة والثانية والثالثة وبقى على باب من أبواب السماء الثانية،
ووقف جبريل عليه السلام على الباب وخبط عليه،
ورد عليه خازن الباب وقال : مين؟!
فقال : جبريل! فقال له : مين معاك؟! قال جبريل عليه السلام: محمد!
فقال الخازن: وهو ربنا أذن له إنه ييجي؟!
فقال جبريل: نعم!.. فقال الخازن: فلنعم المجيء جاء، واستبشر به أهل السماء الثانية

☆تاني🤨
الطبيعي إن خلاص إحنا عدينا السماء الأولى ومستحيل حد يوصل للسماء الثانية إلا لما يعدي على السماء الأولى، ومفيش حد هيعدي من السماء الأولى إلا لما خزنتها أو حراسها يأذنوا،
فليه يكون في حراس على كل سماء كده 🤔
ثم دي السماء يعني عند ربنا هو مين إللي هيتجرأ إنه يوصل للسماء أصلا

كل ده يفهمنا معنى كلام ربنا :
"فَقَضَاهُنَّ سَبْعَ سَمَاوَاتٍ فِي يَوْمَيْنِ وَأَوْحَىٰ فِي كُلِّ سَمَاءٍ أَمْرَهَا"
فكل سماء منفصلة عن الثانية، كل سماء لها حراسها وأهلها وحياة تانية مختلفة ، ونظام محكم👌


دخل رسول السماء الثانية فلقى بيستقبله يحي و عيسى ابني الخالة عليهما السلام
لا بجد متخيلين موقف رسول الله ﷺ لما يقابل يحيى إللي ربنا أخبره قصته في القرآن
متخيلين رسول الله بيستعيد الآيات وجبريل عليه السلام بيعرفه عليهم وبيقول له:
هذا يحيى وهذا عيسى سلم عليهم !
يحيى إللي جاء لزكريا على كِبر... يحيى إللي ربنا قال له : خذ الكتاب بقوة ...إللي ربنا قال عنه :
وحنانا من لدنا وزكاة وكان تقيا
ولا عيسى عليه السلام ...بيقابله بروحه وجسده ..عيسى المعجزة إللي اتولد من غيرأب ...عيسى إللي رُفع وإللي هينزل في آخر الزمان😮

دخل عليهم ورحبوا به قالوا لرسول الله ﷺ:
مرحبا بالأخ الصالح والنبي الصالح💕
شوفوا رسول الله ﷺ بيوصف لنا شكل عيسى عشان لما ينزل نعرفه، وبيعيشنا معاه وسط الأحداث 😍
بيقول عنه إنه طوله معتدل لا هو قصير ولا طويل، وشه أبيض مِحْمر شعره ناعم جدا لدرجة إن إللي يشوف شعره يفكر إن عليه مية، عارفين الشعر السايح ده إللي بنقول عليه شعر دهني... هو ده😅
لما بيوطي رأسه تحس إن في مية بتنزل من رأسه،

ترك رسول الله السماء الثانية وطلع للسماء الثالثة ،
وبرده جبريل خبط على باب من أبواب السماء ورد عليه الخازن نفس الحوار متكرر في السبع سماوات ونفس الإستقبال من كل أهل سماء👌
وكان الله بيقول لرسول الله ﷺ بطريقة عملية لو أهل الطائف طردوك فأهل السماء بيرحبوا بك ، وطبعا مفيش مقارنة بينهم أصلا👌
تعتقدوا رسول الله لسه في قلبه حزن أو ألم، هو فاكر أصلا هو حصل معاه إيه في الطائف
شفتم ربنا لما بيجبر كسر إنسان ولسه 😊
دخل رسول الله ﷺ للسماء الثالثة كان في استقباله مييين😍
يوسف عليه السلام 😯
رسول الله يرى أكثر البشر جمالا على الإطلاق
هو ده يوسف إللي النسوة قطعن أيديهن بسبب جماله،
هو ده يوسف إللي اتباع بدراهم معدودة ،
هو ده يوسف الكريم بن الكريم بن الكريم بن الكريم إللي قعد ظلم في السجن سنوات،
متخيلين مشاعر رسول الله لما يقابل أصحاب القصص إللي كان بيسمع عنهم
يارب لا تحرمنا صحبتهم جميعا في الجنه🤲🏻

سلّم رسول الله على يوسف عليه السلام فقال له يوسف مرحبا بالأخ الصالح والنبي الصالح ودعا له بخير،
وانطلق رسول الله ﷺ مع جبريل للسماء الرابعة وخبط جبريل واستقبل أهل السماء الرابعة رسول الله ﷺ وكان في استقباله من الأنبياء.....🤔

هنعرف إن شاء الله الجزء الجاي مين إللي استقبل رسول الله ﷺ في السماء الرابعة 😁


#السيرة_النبوية
#ايمان_شلبي

الحلقة ال2️⃣1️⃣ من فقه النكاح والطلاق وليمة العرس واحكامها وشروطها د(وفاء العبيدي)

وهنا نطرح سؤال
هل هناك تعارض بين التغافل والأمر بالمعروف والنهي عن المنكر❓
📌لا يوجد تعارض إطلاقا

👈بل علينا أن ننتبه ونفرق بين التغافل المحمود والتغافل المذموم

فليس كل سلوك خاطئ يُفضَّل تجاهله أو التغافل عنه ، فمواقف التعدّي على الغير أو انتهاك حقوق الله تستلزم التدخل المباشر "الحكيم"،

🌴فعن أبي سعيد الخدري -رضي الله عنه- قال: سمعت رسول الله -صلى الله عليه وسلم- يقول: "من رأى منكم منكرا فليغيره بيده، فإن لم يستطع فبلسانه، فإن لم يستطع فبقلبه، وذلك أضعف الإيمان" رواه مسلم.

🌴وذمَّ الله سبحانه بني إسرائيل ولعنهم وعاقبهم بتركهم التناهي عن المعاصي وبها كان هلاكهم، فقال سبحانه: {لُعِنَ الَّذِينَ كَفَرُواْ مِن بَنِي إِسْرَائِيلَ عَلَى لِسَانِ دَاوُودَ وَعِيسَى ابْنِ مَرْيَمَ ذَلِكَ بِمَا عَصَوا وَّكَانُواْ يَعْتَدُونَ* كَانُواْ لاَ يَتَنَاهَوْنَ عَن مُّنكَرٍ فَعَلُوهُ لَبِئْسَ مَا كَانُواْ يَفْعَلُونَ} (78-79) سورة المائدة.
بعد ما تكلمنا عن التغافل ممكن نجمع سريعا مع بعض بعض فوائده وثماره

🍃فوائد التغافل

نقدر من حديثنا نجمع فوائد وثمرات هذا الأدب في نقاط سريعة :

🌹 أنه يكسب صاحبه طمأنينة النفس وراحة البال، سواء أتعرض لهذا الأدب مع الصديق أو مع العدو فقد كان لنا في رسول الله صلى الله عليه وسلم أسوة حسنة، فقد كان المشركون يسبونه ويشتمونه، فكان يقول لأصحابه: “أما يعجبون كيف يصرف الله عني شتم قريش ولعنهم يشتمون مذمما وأنا محمد ” مع علمه أنهم يقصدونه

قال القائل:
وقد أمر على السفيه يسبني
فمضيت ثمة وقلت لا يعنيني

🌹 أنه يسد باب النكد والشقاء على صاحبه فعن علي رضي الله عنه قال: ( من لم يتغافل تنغصت عيشته).

🌹 دوام المودة والعشرة سواء بين الأقارب أو الأصدقاء أو الأزواج أو الأبناء… فكم من علاقات فسدت بسبب خطإ بسيط، وكم من بيت هدم بسبب تتبع الأخطاء والعثرات…

🌹 أن يطفئ ما يمكن أن ينتج عنه الضر والشر لأن إحصاء كل صغيرة وكبيرة أمر لا يطيقه لا الكبير ولا الصغير، لا القريب ولا البعيد وهو في الكثير من المواقف يشعل شرارة الغضب والشحناء في القلوب.

🌹 يكسب صاحبه الاحترام والتقدير، فالذي يتعامل بأدب التغافل وغض الطرف عن الزلات، يعيش محبا ومحتكما لمن حوله محبوبا بينهم يعيش مطمئن القلب، هنيء البال، سليم الصدر من الأحقاد.

#فن_التغافل
#هبة-حلمي

‏في المداومة على الاستغفار تأثير عجيب في :
"دفع الكروب ومحو الذنوب،
ونيل المطلوب،
وإخراج الغل من القلوب،
وتفريج الهموم،
وإزالة الغموم وشفاء الأسقام،
وحلول البركة وصلاح النفس والأهل والذرية،
وإنزال الغيث،
وكثرة المال والولد،
وكسب الحسنات،
ورفعة الدرجات،
ورضا الله عز وجل" .

الوتر جنة القلوب🤍

صباح الطمأنينة♡

(لنختم القرآن سماعا)

الورد (١٨١)

(الربع الأول & الحزب السادس والأربعين)

#القارئ: منصور السالمي + محمد خليل
#ليدبروا على التليجرام
https://www.tg-me.com/GhRoooh/12022

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻
https://youtu.be/9_ZGuSLTnpw?feature=shared
#صباحكم_قرآنٌ_يُتلى

رسالة للآباء والأمهات📍

الوسواس القهري 👆🏻

#قصص_الأنبياء(٢)
#السيرة_النبوية
#الحلقة_الثالثة_والثلاثون
#رحلة_الإسراء_والمعراج
#المعراج_الجزء_الثاني

كان واقفين المرة إللي فاتت مع رسول الله ﷺ لما دخل السماء الرابعة ورحب به أهلها، ووجد في استقباله فيها من الأنبياء إدريس عليه السلام،
فقال جبريل لرسول الله ﷺ هذا إدريس سلم عليه، فسلم عليه رسول الله ﷺ فقال له إدريس: مرحبا بالأخ الصالح والنبي الصالح!
واحنا اتكلمنا في قصة إدريس عليه السلام إن ربنا رفعه مكانا عليا😉

☆ممكن حد يسأل إزاي ربنا رفعه مكان عليا وفي أنبياء مكانتهم أعلى منه 🤔
والمعنى المقصود إن ربنا قبض روحه في السماء الرابعة،وهو البشر الوحيد إللي قبضت روحه في السماء زي ما العلماء قالوا
بعد ما سلّم على رسول الله ﷺ ودعا له بخير، كمّل رسول الله ﷺ رحلته للسماء الخامسة،
طلع رسول الله ﷺ السلمة الأولى والثانية والثالثة وبعدها كان على باب من أبواب السماء الخامسة مع جبريل،
يخبط على الباب والخازن بيسأل مين، وجبريل عليه السلام يرد ويقول جبريل ، والخازن يسأله معاك مين، يقول له جبريل : محمد فيسأل الخازن هو أُرسل إليه فجبريل يقول له : نعم!
فيقول الخازن فلنعم المجيء جاء ويفرح به أهل السماء ﷺ 😍
احنا ممكن نفكر إن عشان رسول الله ﷺ بينتقل من سماء لسماء بثلاث سلمات فقط يبقى المسافة بين السماوات وبعضها مسافة بسيطة
لأ ده الفرق بين كل سماء والثانية مسيرة خمسمائة عام😯
والمسافة من الأرض لحد ربنا فوق السماء السابعة بتستغرق خمسين ألف سنة 😳
ومع ذلك رسول الله ﷺ كان بيقطع المسافات دي في لحظات 👌
فتخيلوا السرعة إللي كان بيتحرك بها رسول الله ﷺ ، بعد ما دخل رسول الله ﷺ السماء لقى في استقباله هارون عليه السلام 😊
هارون أخو موسى ...هارون الهِبة إللي ربنا وهبها لموسى عليه السلام... هارون وزير موسى عليه... هارون إللي عانى من بنى إسرائيل مع موسى عليه السلام

فقال جبريل لرسول الله ﷺ هذا هارون سلّم عليه ،فسلم رسول الله ﷺ عليه، فقال له هارون عليه السلام مرحبا بالأخ الصالح والنبي الصالح ! ودعا له هارون عليه السلام بخير،
وانطلق رسول الله ﷺ لحد ما وصل للسماء السادسة وخبطوا عليها وحصل نفس الاستئذان ونفس الترحيب برسول الله، ولقى مين نازل له من السماء السابعة مخصوص عشان يستقبله في السماء السادسة
موسى عليه السلام 😍
موسى بني إسرائيل ...موسى الخضر...فاكرين😁
جبريل عليه السلام بيقول لرسول الله ﷺ: هذا موسى سلّم عليه!
تخيلوا رسول الله لما سلّم كان إحساسه إيه😮
إحساسه وهو بيتذكر موسى لما كان رضيع وأمه خافت عليه من جنود فرعون، وألقته في البحر،
موسى إللي اتربى في قصر فرعون... موسى إللي ربنا قال له ولتُصنع على عينى ، إللي ربنا قال له وألقيت عليك محبة مني،
موسى ...هو ده موسى
رسول الله بيوصف لنا موسى عليه السلام بيقول إنه كان رجل طويل قليل اللحم يعني رفيع،
ممشوق الجسم بشرته سمراء شعره لا هو ناعم أوي ولا هو مجعد،

سلّم عليه رسول الله ﷺ فقال له موسى مرحبا بالنبي الصالح والأخ الصالح !ودعا له بخير،
فلما تركه رسول الله ومشي مع جبريل بكى موسى عليه السلام 😳
فسأله الله عز وجل: بتبكي ليه؟ وهو أعلم سبحانه،
فقال موسى عليه السلام :
عشان في غلام جاء بعدي وهيدخل الجنة من أمته أكثر من إللي هيدخلها من أمتي 😞

☆ليه موسى عليه السلام قال كده 😶

موسى عليه السلام مقلش الكلام ده حسد لرسول الله ﷺ حاشاه👌
ده من أولي العزم من الرسل ومعصوم

بكاؤه كان بكاء حزن على بني إسرائيل وتكذيبهم له مع إنه قعد معاهم سنين طويلة أكثر من إللي رسول الله قعدها مع أمته ،
حتى لما موسى عليه السلام قال غلام، هو كان يقصد صِغر سن رسول الله ﷺ بالنسبة له وللأنبياء من قبله،
لأننا لو قسنا عمر رسول الله ﷺ بالنسبة لعمر موسى وإبراهيم ونوح هنلاقيه إنه أصغر منهم بكثير 🤷‍♀️

و مع ذلك ربنا أعطاه ما لم يعط أحد قبله على صغر سنه ده وقصر مدة بعثته ﷺ،


وصل رسول الله ﷺ للسماء السابعة مع جبريل عليه السلام ودخلوها ورحب أهلها برسول الله ﷺ لقى فيها إبراهيم عليه السلام 😮

إبراهيم خليل الله ...إبراهيم إللي أُلقِي في النار...إبراهيم صاحب الدين الحنيف...إبراهيم إللي بنى الكعبة إللى قريش ملتها بالأصنام 😑
إبراهيم جد رسول الله ﷺ أبو الأنبياء😍
لقاه رسول الله قاعد ساند ظهره للبيت المعمور ،
والبيت المعمور هو كعبة أهل السماء،
مكانه فوق الكعبة بالضبط لدرجة إنه لو وقع هيقع على الكعبة،
فإبراهيم عليه السماء كان قاعد ساند ظهره للبيت المعمور، موقف رهيب طبعا 😯

ابراهيم إللي بنى بيت الله في الأرض قاعد عند بيته في السماء💁‍♀️
لا ..وجملة ساند ظهره دي تحسسنا بقمة الإسترخاء 😍
الواحد يتخيل نفسه كده يسند ظهره للكعبة، احساس لا يمكن وصفه
إبراهيم عليه السلام بقى في السماء السابعة قاعد وساند ظهره كده للبيت المعمور إللي بيطوف به كل يوم سبعين ألف ملك لا يعودون إلى يوم القيامة،

☆يارب لا تحرمنا🤲

قال جبريل عليه السلام لرسول الله ﷺ هذا أبوك إبراهيم سلّم عليه!
فسلّم رسول الله ﷺ على إبراهيم عليه السلام ،وقال له إبراهيم :
مرحبا بالابن الصالح والنبي الصالح! ودعا له بخير، وقال لرسول الله ﷺ رسالة يوصلها لكل واحد فينا.. قال :
سلّم على أمتك وقل لهم :
الجنة أرض واسعة فاضية ...تربتها خصبة وماؤها عذب، فاللي عايز يزرعها ويغرس فيها نخل وحدائق يقول :
"سبحان الله والحمد لله ولا إله إلا الله والله أكبر"

◇يعني بالبلدي كده😁
إبراهيم عليه السلام بيسلم عليكم يا جماعة وبيقول لكم :
الجنة أرض زراعية خصبة وواسعة عشان تزرعوها مش محتاجين غير إنكم تقولوا الباقايات الصالحات إللي هي سبحان الله والحمد لله ولا إله إلا الله والله أكبر 👌
يبقى لازم ننفذ وصية إبراهيم عليه السلام، ودايما نقول الباقيات الصالحات 😊

رسول الله ﷺ بيوصف للصحابة شكل إبراهيم عليه السلام وبيقول لهم:
أشبه واحد بإبراهيم عليه السلام هو صاحبكم..يعني رسول الله ! فرسول الله أشد الناس شبه بإبراهيم عليه السلام،

☆طيب هو رسول الله شكله إيه 😮
هنعرف وصف شكله إن شاء الله لما ييجي وقته 😁

بعد ما رسول الله ﷺ ترك إبراهيم عليه السلام ذهب مع جبريل وطلع لما بعد السماء السابعة ووصل لسدرة المنتهى، يعني المكان إللي محدش يقدر يعديه خلاص،
ده أقصى مكان ممكن الملائكة يوصلوا له..... سدرة المنتهى، وفي المكان ده إللي هو فوق السماء السابعة وتحت العرش موجود فيه جنة المأوى،
الجنة إللي هيدخلها المؤمنون،ربنا يجعلنا جميعا منهم 😊

سدرة المنتهى دي عبارة عن شجرة السدر إللي هو النبق، يقول العلماء إن أصلها في السماء السادسة... الجذر والساق يعني في السماء السادسة ،
وثمارها وأوراقها إللي هو رأس الشجرة موجود فوق السماء السابعة،
واحنا قلنا من شوية إن الفرق بين كل سماء والثانية خمسمائة عام، فتخيلوا حجم الشجرة عامل إزاي 😮

بيوصفها رسول الله بيقول إن نبقها يعني ثمرة النبق بتاعها عاملة زي القُلة ، وورق الشجر بتاعها عامل زي أذان الفيلة، يعني ورقة شجرها تشبه أذن الفيل 🐘
رسول الله ﷺ بيربط لنا بين الأشكال عشان نتصور معاه المنظر إللي شافه

وهو بينظر لها فجأة يغطيها فَراش من الذهب فراش مخلوق من الذهب🦋
فشكلها يتغير لأجمل ما يكون 😮
،وشجرة السدر تعتبر شجر عادية بالنسبة لأشجار ثانية ،
يعني في شجر أجمل منها، وثماره أحلى من ثمر النبق،
لكن ربنا اختار شجرة السدر بالذات عشان يثبت قدرته للخلق،
رسول الله انبهر بجمالها لدرجة إنه مبقاش قادر يوصف شدة جمالها مع إنه هو أفصح الخلق😶


وعند سدرة المنتهى تحصل آية من آيات الله عز وجل رسول الله ﷺ يرى جبريل عليه السلام في صورته الملائكية له ستمائة جناح
هو كان الفترة دي كلها وخلال العشر سنين إللي فاتوا كان يأتي كان يتمثل لرسول الله ﷺ في صورة بشر،
حتى لما طلع معاه للسماء كان ماشي مع رسول الله ﷺ بصورته البشرية،
لحد ما وصل سدرة المنتهى... ظهرت صورته الحقيقية ،وكان بيسقط من أجنحته عليه السلام الدر والياقوت 😮
"وَلَقَدْ رَآهُ نَزْلَةً أُخْرَىٰ ۩ عِندَ سِدْرَةِ الْمُنتَهَىٰ"

لما وصل رسول الله ﷺ لسدرة المنتهى سمع صوت أقلام الملائكة وهم بيكتبوا الأمور التي قضاها الله وبيسجلوها،
أيوة عندهم أقلام وأوراق وبيكتبوا وصوت أقلامهم مسموع عادي جدا 😁
مش لازم الأوراق والأقلام زي إللي عندنا بالضبط 🤷‍♀️
الأسماء متشابهة عادي بس ممكن يكون الشكل مختلف لكنه بيؤدي نفس الغرض وده إللي يهمنا 😉

في الوقت ده كان جاء موسى عليه السلام، وشاف إن رسول الله ﷺ تخطاه في المكانة،
فقال لربنا :
يارب أنا متوقعتش إن يُرفع علي أحد !
هو قال كده لأنه كان وصل لمنزلة سماع أصوات أقلام الملائكة القريبة من سدرة المنتهى ، وهو له مكانة خاصة ، فهو كان عارف لحد اللحظة دي إن مفيش أحد في العالم الأخروي أعلى مكانة منه😕
لأنه كليم الله، يعنى ربنا كلم موسى عليه السلام وهو في الدنيا أكثر من مرة، حتى بداية الوحي مكنتش عن طريق جبريل زي باقي الأنبياء لأ.. ده ربنا سبحانه وتعالى هو إللي كلّمه وكلّفه بالرسالة،
فمكانة موسى عليه السلام عالية جدا، فهو تعجب إن في أحد وصلت مكانته لأعلى من كده 👌
فيكون إللي وصل لمنطقة سماع أصوات أقلام الملائكة وهم بيكتبوا اثنان: موسى عليه السلام ومحمد ﷺ ، ومش بس كده
ده رسول الله ﷺ هيتخطى المرحلة دي، وهيقابل رب العالمين 😯
إيه إللي ربنا هيقوله لرسوله ﷺ؟
وهل رسول الله شاف ربنا ولا لأ؟

ده إللي هنعرفه الجزء الجاي إن شاء الله في رحلتنا مع رسول الله ﷺ 😊


#السيرة_النبوية
#ايمان_شلبي