#قصص_الأنبياء(٢)
#السيرة_النبوية
#الحلقة_التاسعة_عشرة
#حكمة_الله_في_ابتلاء_المؤمنين

وقفنا المرة إللي فاتت عند سؤالين مهمين الأول كان:
¤ليه ربنا يبتلي المؤمنين وعلى رأسهم رسوله وأحب الخلق إليه كده ويسلط عليهم الكفار ؟
ربنا له حكمة في كل حاجة بيعملها فهو من أسمائه الحكيم،
فاحنا مهما حاولنا نستنج الحكمة مش هنقدر نفهم ولا نحيط بالحكمة الكاملة، لكن نحاول نفهم بعض الحكم دي👇

في البداية لازم نفهم قاعدة مهمة جدا👌

رسول الله صلى الله عليه وسلم هو القدوة إللي يجب علينا كمسلمين على مر العصور إننا نتبعها،
طيب هنتبعه إزاي في موقف حصل لنا في حياتنا ولم يحصل لرسول الله🤨
عشان كده كان لازم رسول الله يمر بمختلف المواقف عشان نعمل نفس إللي هو عمله،
فهنلاقي حياة رسول الله جمعت كل الابتلاءات إللي ممكن تحصل لأي إنسان،
عشان كده السيرة مش مجرد حكاية نسلي بها وقتنا ،
السيرة منهج حياة لازم نعرفه ونفهمه ونطلع منه الحكمة والعبرة عشان نقدر نطبقه في حياتنا👌
" لَقَدْ كَانَ لَكُمْ فِي رَسُول اللَّه أُسْوَة حَسَنَة لِمَنْ كَانَ يَرْجُو اللَّهَ وَالْيَوْمَ الْآخِر"



◇يبقى أول سبب من حكمة ربنا في تعرض رسول الله للأذى والابتلاءات المختلفة هو إنه قدوة والناس يجب عليها إنها تقلده وتتبع اثره👌

◇السبب الثاني هو:
رفع درجاته في الجنة فيبتلى المرء على قدر دينه، وأكثر ناس دينهم كامل وإيمانهم قوى هم الأنبياء والرسل ،وأفضلهم أولي العزم وأفضل أولي العزم محمد صلى الله عليه وسلم

◇السبب الثالث هو :
إن الناس تطمئن إن الابتلاءات حصلت لأكرم الخلق على الله وأحبهم إليه،
يعني لما يحصل لواحد فينا ابتلاء هيطمن إن الابتلاء ده خير له وإنه مش بسبب إن ربنا غضبان عليه وإن الابتلاء علامة حب،
لأن ربنا ابتلى قبله سيد الخلق أجمعين ، فتهدأ وتطمئن نفس المؤمن❤️

ده كان بالنسبة لرسول الله أما بالنسبة للمسلمين فالوضع هيختلف،
📌ربنا ابتلاهم بأذى الكفار لأسباب ثانية، أولا:
تنقية الصف المسلم،
وخصوصا إن في ناس عبيد لهواها تقول أيوة احنا عبيد لله وبنطيع أوامره ولما ييجي الأمر بعكس هواها تلاقيها رجعت وسابت الدين،
مفيش أسهل من أي واحد يقول أنا صدقت وآمنت بالله وبرسوله🤚
طيب إزاي الإنسان ده يبان صدقه من كذبه؟
إذا حصل البلاء والأذى من الكفار👌
هو إيه إللي يخلي واحد زي بلال ولا خباب يصبر على التعذيب والظلم والقهر ده كله😑
مش صدق الإيمان بالله،
لو هو واحد منافق يظهر الإيمان ومن جواه مخبي الكفر إيه إللي يخليه يستحمل العذاب😑

وربنا قالها للمسلمين الأوائل:
"أَحَسِبَ النَّاسُ أَنْ يُتْرَكُوا أَنْ يَقُولُوا آَمَنَّا وَهُمْ لَا يُفْتَنُونَ*
وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الكاذِبين"
هتُفتن وتبتلى عشان تشوف نفسك إذا كنت صادق ولا كاذب👌


📌وده يودينا للسبب الثاني وهو التربية😊
ربنا يريد لأمة الإسلام إنها تقود العالمين، وعشان تقودهم لازم يكونوا على طراز مختلف من البشر، مفيش حاجة توقفهم ولا يخافوا من أي شيء،
وخصوصا إن التمكين درجة الأنبياء ولا يكون التمكين إلا بعد المحنة💁‍♀️
فاللي يصبر ربنا هيمكّن له 👌
زي الذهب كده لما الناس بتستخرجه من الأرض مش بيعرضوه للنار ويمر بمراحل تنقية عشان يطلع الذهب اللامع إللي شكله حلو ده😉
فالمسلم الصادق بيخرج من الابتلاء أقوى وأعظم💪🏻

📌السبب الثالث هو تطهير النفس من الذنوب ورفع درجتها في الجنة،
تخيلوا لما الشوكة تُكَفّر عن المؤمن خطاياه فما بالكم بالضرب والحبس والتعذيب والقتل؟
الابتلاء بيطهر الانسان من الذنوب وطول ما في ذنوب لن ينتصر المسلمون ،
وربنا هيسلط عليهم من يكفر الذنوب دي،
فسنة كونية إن الإنسان لن يُمَكّن وربنا ينصره على أعدائه حتى يُبتلى👌
ده غير طبعا إن الابتلاء ده درس عملي من دروس التوحيد والإيمان والتوكل على الله😀
لأن الإنسان بيعرف بطريقة عملية إنه ضعيف ملوش أي قوة إلا بالله، وملوش ناصر غيره سبحانه،
فيتوكل على الله التوكل التام فيستحق لقب المؤمن إللي ربنا يُمكن له في الأرض😊

¤أظن الكلام لحد هنا مقنع 😅
لكن السؤال المُحيّر بقى 🤔
ليه المسلمين ورسول الله صبروا وتحملوا الألم ومردوش على الكفار وحملوا السلاح مثلا ودافعوا عن أنفسهم ولا حتى قاموا عملوا ثورة على الظلم ده 🤨

ربنا قال لرسوله مع بداية الجهر بالدعوة إنه يعلن الدعوة ويعرض عن المشركين،
لا يرد عليهم بقتال ولا يصطدم معاهم حتى لو حصل أذى حتى لو حصل إهانة وذل حتى لو حصل قتل 👌
"فَاصْدَعْ بِمَا تُؤْمَرُ وَأَعْرِضْ عَنِ الْمُشْرِكِينَ"
ليه طيب كده😳
♡أولا :
ربنا يريد إنه يعلّم المسلمين العرب الأوائل نوع جديد من الصبر،
هم بطبيعتهم كانوا يقدروا يصبروا على الجوع والحر والفقر والحروب وطول السفر و...و...
لكن الحاجة الوحيدة إللي مكنوش يقدروا عليها هي الصبر على تحمل الظلم👌

طبيعته ثائرة مترضاش الظلم، معندوش أي مانع إنه يثور ضد ظالمه ويقتل💁‍♀️
لكن دلوقتي الإسلام له أبعاد ثانية غير إن الواحد يبص لمصلحته الشخصية،
احنا محتاجين ناس تقيم دولة فتخيلوا القلة دي لو كل واحد ثار عشان يدفع الظلم عن نفسه وقُتل😶
مش هيبقى في ناس تقيم دولة الإسلام ولا تنشره،
الموت في سبيل الله حاجة جميلة لكن لو كلنا متنا مين إللي هينشر الإسلام🤷‍♀️
وفي كارثة تانية تخيلوا لو كل واحد ثار على إللي كان بيعذبه وممكن يقتله،
كانت هيؤدي لسمعة سيئة جدا للإسلام، ليه؟
لأن إللي كان بيعذب المسلمين هم أهلهم، كل واحد كان بيأخذ إللي أسلم من قبيلته ويعذبه😕

والكفار بيقولوا أصلا من غير حاجة إن الإسلام بيفرق بين الرجل وابنه والرجل وزوجته والرجل وعشيرته😶
فربنا بيعلمهم وبيعلمنا برده تقديم مصلحة الأمة على مصلحتي الشخصية،


♡ثانيا : ودي مهمة وخدوا بالكم منها👌

تربية المسلمين على الطاعة المطلقة والتامة لله ولرسوله،
لأن الاختبار الحقيقي للطاعة هو أن يطيع المسلم بدون جدل واعتراض حتى في المشاعر😊
المشاعر إللي بتثور وتغلي بسبب الإحساس بالظلم والقهر ،
وإللي الإنسان مش بيبقى قادر يتحكم فيها،
ربنا ربى الصحابة إنهم حتى يتحكموا في مشاعرهم وتبقى مقيدة بطاعة الله ورسوله👌
فاكرين لما خباب بن الأرت راح لرسول الله وهو مشاعره كلها ألم واحساس بالظلم والقهر وطلب من رسول الله إنه يدعو الله بتعجيل النصر ،
وهو كان شايف إن هي دي المصلحة دلوقتي ورسول الله غضب وقال له إنكم قوم تستعجلون ،
خباب سمع أطاع ومعترضش واتحكم بمشاعره وقيدها بطاعة الله ورسوله،
وهنشوف إن شاء الله في صلح الحديبية لما عمر بن الخطاب غلبته مشاعره واعترض على أمر رسول الله بسبب الظلم والقهر إللي كان شايفه بيحصل قصاده،
ومع ذلك رسول الله قال له أنا عارف أنا بعمل إيه ولا أعصي الله،
وأبو بكر الصديق قال له إلزم غرس رسول الله، يعني منين ما يحط رجله حط رجلك،
فرضي عمر وهِدي وبعدين قال إنه قعد يعمل أعمال خير كثيرة عشان يكفر اعتراضه على رسول الله بسبب مشاعره إللي هي تعتبر طبيعية👌
وافتكروا دايما
١_"لا يؤمن أحدكم حتى يكون هواهُ تَبَعا لما جئتُ به"

٢_"وَأَنَّ هَذَا صِرَاطِي مُسْتَقِيمًا فَاتَّبِعُوهُ وَلا تَتَّبِعُوا السُّبُلَ فَتَفَرَّقَ بِكُمْ عَنْ سَبِيلِهِ ذَلِكُمْ وَصَّاكُمْ بِهِ لَعَلَّكُمْ تَتَّقُونَ "

♡ثالثا:
في سنن كونية.. زي إللي بيقع في مياه عميقة وهو ميعرفش يعوم هيغرق،
ومن السنن الكونية إن الباطل له قوة فمينفعش للمسلمين إنهم يقولوا ربنا معانا واحنا على الحق ويدخلوا حرب خاسرة تقضي عليهم 🙃
أيوة جند الله هم الغالبون، لكن الإسلام دين واقعي عملي،
مش مبني على مشاعر البشر المتقلبة💁‍♀️
يشوف قوة العدو واحنا قوتنا أد إيه ونحط الخطط المناسبة عشان نقدر نحقق النصر👌
يعني باختصار نأخذ بالأسباب مع التوكل على الله،
فلو دلوقتي المسلمين قاموا وكلهم ثاروا وهم قلة مستضعفة معندهمش أي امكانيات نهائي ..ممكن يقتلوا واحد ولا اثنين ولا حتى مائة من كفار مكة،
لكن في المقابل هيتم إبادتهم جميعا. 😶

ده غير إن القتال مكنش ضروري أوي لأن الغاية مكنتش حكم مكة، الغاية كانت نشر الإسلام في مكة،
بعكس لو اتفرضت فرض بالقوة على ناس أصلا العزة والشرف والعلو في دمهم،هيرفضوا طبعا.


♡رابعا:
من حكمة ربنا في إعراض المسلمين عن المشركين وميكونش في صِدام،
إن ربنا يعلم إن في ناس من كبار المشركين ومن أشدهم على المسلمين هيؤمنوا،
وهيتأثروا بثبات المسلمين برغم كل الشدائد والصعوبات 👌
ده غير إن تعرض المسلمين للظلم هيكون سبب في تحرك بعض المشركين لنصرتهم زي ما هنشوف بعدين في قصة الحصار في شعب أبي طالب،
وكمان سبب في إسلام واحد من أبطال المسلمين حمية للظلم إللي وقع على رسول الله صلى الله عليه وسلم

احنا دلوقتي لسه في السنة السادسة من الهجرة،
والمشركين عمالين يعذبوا في المسلمين ويعتدوا على رسول الله صلى الله عليه وسلم،
وأعداد المسلمين بتزيد وكانوا يخفون إسلامهم ،لكن كده هيبدأوا يظهروا والمشركين يعرفوهم😕
ففي نفس الوقت إللي احنا مش عايزينهم يظهروا فيه عشان ميتعذبوش.

احنا عايزين حل عملي ينفع مع المستضعفين دول وغيرهم من الناس إللي هتيجي في المستقبل🤔
هو ربنا كان ممكن ينقذ رسوله والمؤمنين بكلمة 《كن》
لكن دي مش سنة التغيير ، رسول الله بيعلمنا الأخذ بالأسباب إللي نقدر عليها،
عشان محدش بعدين ييجي يقول أصل ده رسول الله ومعاه المعجزات🙄
هنا مفيش معجزات ...كلها أسباب بشرية نقدر نعملها😉

فالحل كان إنهم يشوفوا مكان تاني برة مكة يهاجروا له عشان يعبدوا الله فيها بدون تعذيب أو تهديد بالقتل👌
يعني هيسيبوا أهلهم ووطنهم والأماكن إللي عاشوا فيها عمرهم وأموالهم وتجارتهم و....و...
وده مش قرار سهل ابدا

☆ودي حاجة جديدة الإسلام بيعلمها للصحابة وبيعلمها لنا،
إن أرض الله واسعة، وإن أعظم قطعة في الأرض هي إللي نقدر نعبد ربنا فيها👌

يعني احنا مش بنفضّل أرض على أرض بالأنهار والأشجار والعشيرة ،
لكن هل نقدر نعبد فيها الله بدون أذى ولا لأ،
فهم هيسيبوا أشرف بقعة على الأرض وهي مكة ويروحوا مكان تاني بس عشان يعرفوا يعبدوا ربنا

رسول الله صلى الله عليه وسلم أمر بعض أصحابه بالهجرة للحبشة،
والحبشة بعيدة جدا عن مكة واللغة مختلفة تماما عن لغة العرب🤨
ليه رسول الله اختار الحبشة بالذات؟
هو لخص الموضوع كله في كلمتين:
إن فيها ملك لا يُظلم عنده أحد 👌
مين هو الملك ده واشمعنى رسول الله ذكر صفة العدل وإنه غير ظالم؟
ومين الشخصيتين إللي هيسلموا ويقلبوا الموازين لصالح المسلمين في مكة 😊
ده إللي هنعرفه الجزء الجاي إن شاء الله😁


#السيرة_النبوية
#ايمان_شلبي

حسبنا الله ونعم الوكيل 💔

عزِيزتي دِينك لَم يمنَعك من المكياج؛ وَلا من أحمر الشفاه؛ وَلا من العطر؛ ولا من لبس الملابس القصيرة والفاتنة...!

وإنما أرشدك للصّواب؛ وفرق لك بين متى تكوني أميرة؛ وحذّرك من أن تكوني غزالة في الغابة يسهل على الجميع افتراسها...!

- إليك وخيتي: 🌸

"تزيني لزوجك إذا كنت متزوجة.."
"و تزيني لنفسك ببيتك إذا كنت عازبة و لا تتزيني لرجال الشارع.. "

تبلغ المرأة بتجمُّلها لزوجها أعلى درجات الطاعة لله🫀🌸

#سبل_الشيطان
2)
الآن بعد القصة المشهورة المعروفة (قصة آدم وموقف الامتناع عن السجود) ما كان من الشيطان إلا أن أقسم أن يقعد لبني آدم على الصراط المستقيم من أجل أن يصدهم ويمنعهم عن الطريق، ثم توعد بالإتيان أنه سيأتيهم من بين أيديهم ومن خلفهم فنرى ما المقصود بكلمة الإتيان.

أول سبيل من سبل الشيطان- الأول في دراستنا- الإتيان وبهذا أتى التعبير في القرآن.

 والإتيان – في اللغة -: بمعنى المجيء بسهولة.

وإذا كان الشيطان يستطيع أن يأتي بسهولة – بسهولة لأن الله ابتلانا به -ماذا يريد؟ 

يأتي الخبر في سورة الأعراف ﴿ثُمَّ لَآتِيَنَّهُم مِّن بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَن شَمَائِلِهِمْ ﴾يعني

👈هذا الإتيان سيكون في أربعة مداخل:

📌المدخل الأول: بين أيديهم، ويفهم من التفسير (بين أيديهم) يعني من جهة الآخرة.

فيُزين للناس التكذيب: بالبعث وبالجنة وبالنار.

وهذا من الإلحاد إلى الغفلة عن البعث والجنة  والنار.

يعني إذا أتى للناس من بين أيديهم المقصود في تفكيرهم في المستقبل، فماذا يفعل في تفكيرهم في المستقبل؟! يشوش عليهم جواب سؤال إلى أين أنا أذهب.

 فمن التكذيب -قمة ما يصل إليه- عندما يأتي للناس من بين أيديهم أن يكذبوا بالآخرة إلى أن ينجح مع الناس في أن يجعل الآخرة ليست على البال ولا يعمل لها الإنسان. ويجري الإنسان وينافس وهو لا يذكر لأي شيء ينافس وهذا يستلزم منا وقفة مع أهل الإيمان.

 أما المنكرين والمكذبين فلن نهتم به. في هذه الدورة نهتم بأهل الإيمان -الله يجعلنا من أهل الإيمان- أنه ماذا يفعل لنا؟

 يعني يصل إلى أن يأتي للناس من بين أيديهم وعمله في إغفالهم، لدرجة أنهم يعملون للآخرة وينسون لماذا يعملون للآخرة؟!

يعني العبادات والنوافل هذه لطاعة الله، ولكي نلقى الله وهو عنا راض، فيعمل الإنسان العمل ناسيًا أن ورائه ميزان وأن وراءه عرض وأنه سيفحص أعماله وأن أعماله ستوزن وأنه ستظهر نيته ومقصده وأنه سيقال له فعلت كذا لِما فعلت، ينسى - حتى وهو يعمل للآخرة -الآخرة.

لنعتبر بحضورنا للدروس، ( المعلم والطلاب ) ما الذي تفكر فيه وأنت تسعى للعلم؟ لأن العلم بعد ذوقه له شهوة خاصة لا يعلمها إلا من تعلم، وهذه الشهوة من رحمة الله لتسهل علينا الأمر وربما مرّ معنا كثيرًا أن من لذات أهل الجنة أنه يقبل بعضهم على بعض يتساءلون وقد مرّ معنا أن ابن حجر - رحمه الله- يقول: ( عندما ألقى البخاري في الجنة سأله لماذا قال كذا وكذا) وهذا من عجائب التفكير أن الآخرة أمام عينيه.

يتبع

أ / أناهيد السميري

يا شيخ أنا بسمع جملة "خذ بالأسباب" كتير يعني أنا 3 ثانوي ولما حد ينصحني في مجال المذاكرة يقول لي أعمل الي عليك وخد بالأسباب. وأنا مش عارف يعني إيه الأخذ بالأسباب. ممكن توضح لي الجملة دي وخاصة في مجال المذاكرة والتعليم.

ج / يعني تنظر ما هي الطرق الصحيحة المؤدية للهدف الذي تنشده وتسعى له = فتسلكها.

وأعظم الأسباب وأهمها: الدعاء والاستعانة بالله والتوكل على الله، وحسن الصلة به، سبحانه وبحمده.

ثم في مثل حالتك تسعى لبذل وقت أطول في المذاكرة، لكن طول الوقت وحده لا يكفي حتى يكون معه استعمال لطرق التحصيل والتركيز الصحيحة، وتبتعد عن المشتتات.

وكثير من هذا يحصل بطول الممارسة والخبرة الذاتية، وتجعل أكثر تفكيرك في مواد العلم التي تذاكرها، وتنظم وقتك، ولا تفرط في نومك ولا في أكلك ولا في ذهنك.

هذه هي "خذ بالأسباب" في المذاكرة.

الشيخ القاسم الأزهري

محتاج أعرف ضروري جدا إيه علاج الحسد القوي من القرآن والسنة لأني بقالي سنتين ونصف بتعالج وللأسف مخفتش _الحمد لله_ .

ج/ شفاك الله شفاء لا يغادر سقمًا.

القراءة النافعة المؤثِّرة -بإذن الله تعالى- هي التي تواطأ عليها القلب واللسان بصدق وفهم للمقروء، مع تعلق القلب بالله سبحانه الشافي والتوكل عليه.

مما ترقي به نفسك:
فاتحة الكتاب - آية الكرسي (ولها شأن عظيم) - خواتيم البقرة - الإخلاص - المعوذتين - التعوذات النبوية - كثرة الاستغفار والحوقلة.

أحمد عبد الباقي

هل يحاسب الله العبد على كلامه وقت غضبه؟

ج/ الحمد لله وحده.

نعم ما دام واعيا لما يقول، حتى إن كان غاضبا.

ولذلك نهى رسول الله صلى الله عليه وآله وسلم عن ذلك حين قال: (لا تغضب).

وقد تكلم العلماء في معنى حديث رسول الله صلى الله عليه وسلم ذلك، فقالوا: كيف يُنهى الإنسان عن الغضب، والغضب لا شعوري، أي لا يستدعيه الإنسان ولا يتعمّده، ولا يتحكّم في شعوره به؟

وكيف ينهى عن الغضب وقد جاء في صفته صلى الله عليه وسلم أنه كان يغضب حتى يتغير لون وجهه، وجاء أنه كان يغضب صلى الله عليه وسلم إذا انتُهكَت حرمات الله؟

فالجواب أن النهي هنا ليس عن حصول الغضب، ولكن عن أن يُتبِع الإنسانُ غضبَه بفعل أو قول منهيٍّ عنه.

فهذا هو الغضب المنهي عنه، وهو الذي يعقبه فعل أو قول غير مرضيٍّ، أما الغضب نفسه فليس من ملك الإنسان.

فمن غضب فلم يقل إلا حقا، ولم يتصرَّف إلا بالعدل، فهذا لا حرج عليه.

ومن غضب فوقع في حرام، فهذا آثم، ومنه تعرف أن الإنسان محاسب على تصرفاته وقت الغضب.

أما الغضب الذي يُغلق على الإنسان عقله، فلا يدري ما يقول، بحيث إذا قيل له: لقد قلتَ كذا فأنكر، وكان صادقا غير كاذب، فهذا لا شيء عليه، وهو في حكم غير القاصد.

والله أعلم.

الشيخ خالد بهاء الدين

رأيت مقطعا منذ فترة لرجل أسلم قبل موته بأيام، بعد أن عمر عمرا طويلا في الكفر والضلال، فتعجبت من بعض التعليقات من بعض المسلمين، التي تتمنى لو كانت مثله، وأن الإنسان يقضي حياته في الباطل ثم يختم حياته بالإسلام فيدخل الجنة!

ولكن أحب أن أنبه لشيء:
هذا الرجل يرجى له الجنة إن شاء الله بإسلامه، والإسلام يجب ما قبله، ولكن يقال في هذا الموطن ما قاله رسول الله صلى الله عليه وسلم لخالد بن الوليد وقت إسلامه، قال: «استدرك يا أخي ما فاتك، فقد فاتك خير كثير» كل لحظة تعيشها وأنت مسلم هي محض نعمة وفضل، لو سجدت من هنا إلى قيام الساعة ما أديت حق شكرها، ولحظة الموت لا يوفق على الثبات فيها والنطق بالخير إلا من وفقه الله، ولا أملك إلا أن أقول كما روي عن نبي الله داود: «إلهي، لو أن لكل شعرة مني لسانين يسبحانك الليل والنهار ما قضينا نعمة من نعمك عَليَّ».

عمرو الحداد

❌ التغافل ليس غباء ولا ضعف ولا سذاجة
👈 بل هو عين الفطنة والعقل والحكمة، إني أتغاضى وأعفو وأصفح وأحاول أن أُبقي على الود والحب.

قال الإمام الشافعي: ( الكيس العاقل هو الفطن المتغافل).

💥فرق شاسع بين أن يقصد الإنسان الغفلة ويتعمدها وبين أن يكون جبانا، ساذجا وغبيا

📌 فالأول محمود والثاني مذموم.

فإننا إنما نقصد الغفلة ونتعمدها لحكمة نلمسها ولأهداف ربانية نقصدها وهذا خلق عظيم.

💥فمن الحكمة إني اختار معاركي
أختار متى أتكلم ومتى أتغافل
متى يكون الأمر بسيط اتغاضى عنه ومتى يحتاج إلى وقفة❌

📌 ممكن نتغافل لأسباب كثيرة :

🍃 كرم أخلاق لأني لا أحب أن أُحْرِج من أمامي

🍃 حفاظا على الود والحب والعلاقات الإنسانية

🍃 اتقاء شر من أمامي

🍃 لمصلحة معينة لأني عارفة لو تصادمت مع الشخص ده ممكن مصلحتي متمشيش

🍃 لتربية أبنائي بشكل صحيح

🍃 ممكن اتغافل علشان أعيش مرتاحة

👈 أيا كان السبب فأنت الكسبانة

سمعتوا عن قاعدة ١٠/٩٠ ل سيتيفن كوفي ❓


📌تعتمد هذه القاعدة على أن:-
🔹 ال ١٠% من الحياة تتشكل من خلال ما يحدث لنا ..

🔹 الـ ٩٠ % الباقية يتم تحديدها
من خلال ردود أفعالنا ...

يعني إيه ؟ 🙂

يعني أننا في الواقع ليس لدينا القدرة على السيطرة على ال ١٠% مما يحدث لنا , فنحن على سبيل المثال :

🔸 لا نستطيع منع السيارة من أن تتعطل

🔸 أو الطائرة من الوصول متأخرة عن موعدها ( مما قد يؤدي
إلى إفساد برنامجنا بالكامل)

🔸 أو سائق ما قطع علينا حركة المرور أو السير .

❌فنحن في الواقع ليس لدينا القدرة على التحكم بـ ١٠%..

✅ لكن الوضع مختلف مع الـ٩٠ % ..

فنحن من يقرر كيف يمكن أن تكون الـ ٩٠ %
سوف تسألون : كيف يكون ذلك ؟

الإجابة : 👈عن طريق ردود أفعالنا ...

فنحن لا نستطيع التحكم في إشارة المرور الحمراء، و لكن نستطيع السيطرة على ردة فعلنا،
لا تدع الآخرين يجعلونك تتصرف بحماقة، أنت تستطيع أن تقرر ما هي ردة فعلك المناسبة ..

#فن_التغافل
#هبة-حلمي

صباح التفاؤل والرضا 🤍🤍

(لنختم القرآن سماعا)

الورد (١٦٨)

(الربع الرابع & الحزب الثاني والأربعين)

#القارئ: أحمد الطرابلسي
#ليدبروا على التليجرام
https://www.tg-me.com/GhRoooh/11975

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/hvUaEp3E6-k?feature=shared

#صباحكم_قرآنٌ_يُتلى

وليأتي الي الناس ما يحب ان يؤتى اليه👌

خروج الفتاة بلباس فاضح لأجل التنافس على قطعةٍ معدنية في لعبةٍ بقوانين غربية ليس قوةً ولا نجاحاً ولا هو مما يستدعي الفخر أو التصفيق أو الإعجاب..

اعتياد رؤية العورات في سياق أن “التركيز على الرياضة” وأننا “مشاهدون نقيّم الحركات” ونصفق لمن يلعب أفضل وغير ذلك.. هو من اعتياد المنكر وموت القلب في هذا الجانب..

تكريس الفتاة (أو الشاب) حياتهم للرياضة والسبق فيها أو إتقان مهارةٍ حركيّة معيّنة مع نوعٍ خاص من الرشاقة.. لا يصحّ ولا يستقيم مع رؤية المسلم للوجود وللحياة وللهدف منها..

تشجيع المسلمين من أهل كلِّ بلدٍ لمنافسيهم على “ألعابٍ” من أجل “ميداليّاتٍ” يحصدها البلد هو من تكريس العصبية القبليّة في العصر الحديث ومن إمعان سيطرة الحدود والقوميات على فكرنا ومشاعرنا..

وتزامن هذا مع مصاب أهلنا في غزّة وانشغالنا بأتفه التفاهات عن الدعاء لهم ونصرتهم والحديث عنهم والتوعية بحالهم ودفع من يتقاعس لمساعدتهم.. هو من حقيقة الخذلان والضعف الذي أوصلنا لهذا الموضع أصلاً..

:
سيبوا أبا عمارة أنا اللي غلطان ...أنا فعلا شتمت ابن أخوه وأذيته جامد جدا
فسابه حمزة ورجع لبيته...وبعدين

حصلت الصدمة 😳
أنا مش على دين محمد 😱
أنا إزاي قلت كده😳
وقعد طول الليل يفكر مش عارف يعمل إيه😨
هل يروح ويقول لهم إنه كذب و
إنه مش على دين محمد وده عيب جدا عندهم،
ولا يروح ويرجع في كلامه ويقول إنه ساب الدين ولا يعمل ايه
فقعد يدعي
دعا الله بصدق : يارب لو دين محمد ده حق فاجعل تصديقه في قلبي، يعني خليني مؤمن،
ولو مش حق طلعني من الورطة دي😔
فوقع تصديق الإسلام في قلب حمزة واطمان له وراح تاني يوم لرسول الله صلى الله عليه وسلم يعلن إسلامه😊

☆طبعا مش هقول لكم على فرحة رسول الله كانت اد ايه 😅

وطبعا قريش قللت من أذاها لرسول الله بسبب إسلام حمزة 👌

بعد إسلام حمزة بثلاثة أيام فقط حصلت حادثة قلبت كل موازين القوى في مكة وهيكون لها الأثر على مدى التاريخ كله😍

ياترى إيه إللي حصل 😁
هنعرف الجزء الجاي إن شاء الله😊



#السيرة_النبوية
#ايمان_شلبي