مَن يشتري الدارَ في الفِردوسِ يَعْمُرُها
بركعةٍ في ظلامِ الليلِ يُخفِيهَا؟

- صلاة الوتر

صباحكم طاعة 💕

(لنختم القرآن سماعا)

الورد (١٦٤)

(الربع الرابع & الحزب الواحد والأربعين)

#القارئ: هيثم الدخين + بندر بليلة
#ليدبروا على التليجرام
https://www.tg-me.com/GhRoooh/11962

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/Jo_JMrK9HNE?feature=shared

#صباحكم_قرآنٌ_يُتلى

*لمن لديه ابن يتعبهُ في التربية✋🏻*

#قصص_الأنبياء(٢)
#السيرة_النبوية
#الحلقة_السادسة_عشرة
#الحرب_الإعلامية_على_الدعوة

كنا واقفين المرة إللي فاتت عند عتبة بن ربيعة لما راح لرسول الله صلى الله عليه وسلم وعرض عليه شوية عروض في مقابل إنه يسيب الدعوة إلى الإسلام،
لكن رسول الله كل إللي عمله إنه قرأ عليه القرآن فعتبة بعد ما سمع القرآن من رسول الله رجع لسادات مكة إللي كانوا منتظرينه عشان يعرفوا نتيجة الحوار،
فلما شافوه وهو جاي وكان وجهه متغير وسألوه إيه إللي حصل قال لهم:
أنا سمعت كلام عمري ما سمعت مثله أبدا😳
والله ماهو كلام شعر ولا هو كلام سحر ولا كهانة😳
يامعشر قريش اسمعوا كلامي وخذوا نصيحتي 👌
سيبوا الرجل يدعو الناس ومتقفوش في طريقه، فوالله سيكون للكلام إللي سمعته منه حاجة عظيمة في المستقبل😮
فلو حصل والعرب قتلوه خلاص يبقى هم كفوكم شره وخلصنا منه،
ولو ظهر عليهم وانتصر فملكه ملككم ..لأنه من قريش وعزه عزكم، وهتكونوا أسعد الناس به

فقالوا له: والله محمد سحرك بكلامه يا أبا الوليد😏
فقال لهم : ده رأيي وأنتم أحرار اعملوا إللي تعملوه😑

شوفتوا على الرغم من إن عتبة عارف إن رسول الله على حق لكنه برده لم يؤمن🚫

دلوقتي المرحلة الثانية من المراحل السلمية لصد دعوة الإسلام وهي الإغراء بالعروض فشلت 😕

ندخل بقى المرحلة الثالثة وهي تشويه صورة الداعية 😈
حملة إعلامية لتشويه صورة رسول الله صلى الله عليه وسلم قصاد الناس

بس هما مش هيقولوا أي كلام كده..لازم يكونوا متفقين على الكلام مع بعض عشان الناس متقولش ده كلامهم متناقض ويبقى الكلام مختلف فيكذب بعضهم بعض😑
وكان الزعيم إللي بيخطط بالذكاء ده هو
《الوليد بن المغيرة》👌
☆الرجل الأول إللي أهل مكة قالوا عنه عظيم ولو نزل القرآن عليه كنا آمنا به،
فهو كان شيخ كبير من حكماء العرب، وكان لقبه ريحانة العرب، وكانوا بينشدوا قصاده الأشعار فكان إللي يختاره من الشعر الناس تقدمه ويبقى مفضل عندهم👌

فكان بيقول لأهل مكة اتفقوا على رأي واحد وكلام موحد نقوله للناس في كل مجالس أهل مكة
فقالوا له : قلنا إنت رأيك يا أبا عبد شمس نقول إيه🤔
☆أبا عبد شمس كنية الوليد بن المغيرة😉

فقال لهم : لا إنتم قولوا خلوني أسمع إللي عندكم الأول😈
فقالوا له : خلونا نقول كاهن😕
فقال لهم: لا لا ..هو مش كاهن أنا شفت الكهان وعارف كلامهم وسجعهم ...الناس مش هتقتنع ...غيره🙄
فقالوا: يبقى مجنون 🤪
فقال لهم: مش مجنون ..احنا شفنا المجانين وعارفينهم😒

فقالوا : يبقى شاعر 🤔
قال لهم: لأ..كلامه ليس شعر ..احنا عارفين كل أنواع الشعر...ده احنا أهل الشعر😏

قالوا : بااااس يبقى ساحر😈
فقال لهم: لأ..حتى مش ساحر...احنا شفنا السحرة وسحرهم عامل إزاي، فكلامه مختلف تماما عن طلاسم السحرة 😑

فقالوا له:
خلاص إنت إيه رأيك ..احنا قلنا كل إللي عندنا😶
فقال لهم: بصراحة ...إن لقوله لحلاوة ..وإن عليه لطلاوة وإن أعلاه لمثمر وإن أسفله لمغدق وإنه ليعلو ولا يُعلى عليه😮
=نعم😳
هو إنت في صفه ولا في صفنا😳
الوليد بن المغيرة سمع القرآن من رسول الله صلى الله عليه وسلم،
فمقدرش يمسك نفسه من إنه يقول إللي حس بيه،
فهو بيقول إن القرآن بيجذب النفوس بترتاح له الأرواح، محلى بألفاظ جميلة وأنغام مقبولة،
عامل زي الشجرة الكبيرة غصونها مليانة بالثمار، وجذورها مستحكمة في الأرض واسعة الانتشار في أعماق الأرض،

فهو عارف دلوقتي إن القرآن ده فعلا مش من قول البشر، فأي كلام هيتقال ضد رسول الله، الناس هتعرف إنه غير صحيح،
=طب والحل😑
قعد يفكر لحد ما قال لهم :
أحسن حاجة نقول إنه ساحر 👌
لكن السحر بتاعه مختلف ..مستواه أعلى ..سحره بيفرق به بين الرجل وأبيه، وبين الرجل وأخيه وبين الرجل وزوجته وهكذا👌

يعني هما قاعدين بيفكروا ويخططوا ويمكروا ويدبروا المكائد وناسيين حاجة مهمة أوي😏
"أَلَمْ يَعْلَم بِأَنَّ اللَّهَ يَرَىٰ"
ناسيين أو متناسين او مش مستوعبين إن ربنا يراهم وسامعهم وعالم بكل صغيرة وكبيرة👌

فأنزل الله عالم الغيب والشهادة الآيات على رسول الله صلى الله عليه وسلم تعرفه إيه إللي بيحصل بالضبط:
"ذَرْنِي وَمَنْ خَلَقْتُ وَحِيدًا* وَجَعَلْتُ لَهُ مَالًا مَمْدُودًا *وَبَنِينَ شُهُودًا* وَمَهَّدْتُ لَهُ تَمْهِيدًا *ثُمَّ يَطْمَعُ أَنْ أَزِيدَ *كَلَّا إِنَّهُ كَانَ لِآَيَاتِنَا عَنِيدًا *سَأُرْهِقُهُ صَعُودًا "

لدرجة إنه وصف لرسول الله صلى الله عليه وسلم نفسية الوليد كانت عاملة إزاي😳

*"إِنَّهُ فَكَّرَ وَقَدَّرَ * فَقُتِلَ كَيْفَ قَدَّرَ * ثُمَّ قُتِلَ كَيْفَ قَدَّرَ *ثُمَّ نَظَرَ *ثُمَّ عَبَسَ وَبَسَرَ* ثُمَّ أَدْبَرَ وَاسْتَكْبَرَ *فَقَالَ إِنْ هَذَا إِلَّا سِحْرٌ يُؤْثَرُ*إِنْ هَذَا إِلَّا قَوْلُ الْبَشَرِ"*

فربنا قال في الآخر إن مصيره هو وأي أحد بيحارب الدعوة زيه كده من غير ما يتوب هو النار👌
"سَأُصْلِيهِ سَقَرَ"
قريش لم يكتفوا بتشويه صورة رسول الله صلى الله عليه وسلم،
لكن بدأوا يشوهوا رسالة الإسلام نفسها 👌

بقوا يقولوا الكلام إللي محمد بيقوله ده هو إللي مألفه بمساعدة ناس تانية😒
"وَقَالَ الَّذِينَ كَفَرُوا إِنْ هَٰذَا إِلَّا إِفْكٌ افْتَرَاهُ وَأَعَانَهُ عَلَيْهِ قَوْمٌ آخَرُونَ"
وشوية يقولوا ده بيقول أساطير، يعني ناقل من كتب الأولين ،
مع إنهم عارفين كويس إن رسول الله صلى الله عليه وسلم أُمّي..مبيعرفش يقرأ ولا يكتب وهو قاعد في مكة طول عمره مكنش بيخرج منها إلا نادرا،
"وقَالُوا أَسَاطِيرُ الْأَوَّلِينَ اكْتَتَبَهَا فَهِيَ تُمْلَىٰ عَلَيْهِ بُكْرَةً وَأَصِيلًا "

☆ملحوظة مهمة👌
رسول الله صلى الله عليه وسلم كان أُمّي يعني مكنش بيعرف يقرأ ولا يكتب،
يعني مش إن أمي نسبة إلى أم القرى والكلام ده
والدليل قول الله:
"وَمَا كُنْتَ تَتْلُو مِنْ قَبْلِهِ مِنْ كِتَابٍ وَلا تَخُطُّهُ بِيَمِينِكَ إِذًا لارْتَابَ الْمُبْطِلُونَ"
وقوله:
"فَآمِنُوا بِاللَّهِ وَرَسُولِهِ النَّبِيِّ الْأُمِّيِّ "
وكلمة أُمّي في الآية هنا معناها من لا يقرأ ولا يكتب👌


وادعى المشركين إن إللي بيعلم رسول الله القرآن غلام نصراني،
"وَلَقَدْ نَعْلَمُ أَنَّهُمْ يَقُولُونَ إِنَّمَا يُعَلِّمُهُ بَشَرٌ ۗ لِّسَانُ الَّذِي يُلْحِدُونَ إِلَيْهِ أَعْجَمِيٌّ وَهَٰذَا لِسَانٌ عَرَبِيٌّ مُّبِينٌ "
وقعدوا يطعنوا في فكرة البعث ...يعني إيه إننا هنحيا تاني بعد الموت،
"وَقَالَ الَّذِينَ كَفَرُوا هَلْ نَدُلُّكُمْ عَلَىٰ رَجُلٍ يُنَبِّئُكُمْ إِذَا مُزِّقْتُمْ كُلَّ مُمَزَّقٍ إِنَّكُمْ لَفِي خَلْقٍ جَدِيدٍ"
الكلام واضح فيه السخرية الكاملة😑
والمحاولات دي مكنتش يوم ولا يومين ولا شهر ولا شهرين دي قعدت سنين،
والصوت العالي للباطل بيشتت عقول الناس وبيخليهم يصدقوا الكلام الغلط مع كثرة الزن عليهم😑
ده الإسلام ده جه عشان يفرق بين الناس ، ويخلي الناس عبارة عن فِرق ويعمل عدوات بينهم
إيه يعني لما كلنا نعيش مع بعض في سلام والدين لله والوطن للجميع ....وكل واحد على دينه الله يعينه🙃

وكمان مع ما سبق خلونا نُشغل الناس بشوية حاجات كده عشان قلوبهم تبقى غرقانة بالشهوات واللهو والتفاهة ،
لأن لما يكون القلب منشغل بالباطل صعب إنه
يستجيب لدعوة فيها إصلاح💁‍♀️
يعملوا إيييه😈
هاتوا يا جماعة النّضْر بن الحارث نخليه يقعد بين الناس ويحكي لهم حكايات وروايات ومسلسلات وأساطير ، وينوع بقى ما بين كوميديا على رومانسية على إباحية على شوية غموض، ومفيش مانع من شوية طرب وأغاني ورقص برده،
ماهو احنا لازم نرضي جميع الأذواق ..أمال إيه😀

☆مين أصلا النّضر بن الحارث ده🤨
ده كان رجل من كفار مكة لما رسول الله أعلن الدعوة إلى الله،
راح مسافر للحيرة في العراق وقعد يتعلم كتب الفرس ويحفظ القصص بتاعتهم
وكان بيسافر كمان للشام وبلاد فارس بحكم التجارة فكان بيتعلم أساطير الروم ،
وخالط أهل الكتاب واتعلم منهم،
واتعلم عزف العود واشترى واحد وجاء به لمكة ، وأهل مكة مكنوش يعرفوا العود،
يعني عمل لنفسه خليط كده محترم ورجع لمكة عشان ينشر الثقافة الجديدة 🙃

فكان يقعد في الأماكن إللي رسول الله صلى الله عليه وسلم بيدعو الناس فيها ويخبرهم عن قصص الأنبياء السابقين وعن عاد وثمود ،

ويجي النضر بن الحارث ويحكلهم عن القصص المشوقة من قصص فارس والروم ويقول لهم:
محمد أحسن مني في إيه هو بيحكي عن عاد وثمود وأنا بحكي عن فارس والروم😏

يعني لو عايزين هنقول زي ما بيقول، وكلامه كله من أساطير الأولين اتعلمها زي مانا اتعلمتها 💁‍♂️

فأنزل الله فيه:
"وَإِذَا تُتْلَى عَلَيْهِمْ آيَاتُنَا قَالُوا قَدْ سَمِعْنَا لَوْ نَشَاءُ لَقُلْنَا مِثْلَ هَذَا إِنْ هَذَا إِلا أَسَاطِيرُ الأَوَّلِينَ "

ولما كان يعرف إن في حد عايز يدخل الإسلام كان بيروح له ومعاه العود ويقعد يغني له ويقول له الغناء والموسيقى أفضل من الصلاة والصيام واتباع دين محمد،
فنزلت فيه آية:
"وَمِنَ النَّاسِ مَن يَشْتَرِي لَهْوَ الْحَدِيثِ لِيُضِلَّ عَن سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُوًا ۚ أُولَٰئِكَ لَهُمْ عَذَابٌ مُّهِينٌ"

وكان هو أول من أدخل العزف بالعود لمكة وهو إللي علمهم، واشترى المغنيات عشان يلهي الناس بها،
ومكنش أهل مكة يعرفوا الغناء والألحان لحد ما جاء النضر وكان أول من ضرب على العود بألحان الفرس😑

قريش لسه عندها حيل ثانية بجانب الحيل السابقة،
استخدموا الضغط النفسي على أتباع رسول الله صلى الله عليه وسلم،
قالوا كل واحد يشوف إللي أسلم من أهله ويقنعهم إنهم يسيبوا الدين ده ويبعدوا عن محمد،
اسمعوا كلامنا لأن الكلام ده لمصلحتكم ومصلحة عيالكم👌
وكان معظم إللي أسلموا شباب،
زي سعد بن أبي وقاص ومصعب بن عمير مثلا ، فأم سعد حاولت معاه تقنعه من هنا لهنا مفيش،
راحت مستعملة عنصر الترهيب قالت لابنها : أنا مش هاكل ولا أشرب إلا لما تسيب الإسلام، خليني أموت بقى والعرب تُعيرك بأنك قاتل أمك😤
وسعد بن أبي وقاص كان أبر الناس بأمه، وكان معروف بين الناس بالبر ده💙

وده ضغط نفسي رهيب على شاب صغير، فقال لها بكل بساطة :
والله يا أماه لو كانت لك مائة نفس فخرجت نفسا نفسا ما تركت ديني هذا، فكلي أو لا تأكلي

فعرفت من ثباته وكلامه إنه مش هيغير دينه،
فأكلت أمه وهو بقي على الإسلام👌


والمثال الثاني هو مصعب بن عمير، إللي كان من أكثر شاب مكة رقة وثراء كان مُنعم وأمه كانت بتحبه جدا، وكانت غنية،
وكانت بتشتري له أفخم الملابس والعطور وكان أكثر شباب مكة ترفا، وطبعا مكنش بيشتغل،
فلما أسلم أمه منعت عنه كل ده وكمان طردته من البيت،
وبقى فقير وبقي يلبس الملابس الخشنة ،وجلده كان بيتقشر زي جلد الثعبان😥
ولما كان يمشي مدة كانت رجله بتجيب دم
وهو عمره متعود على كده لكنه مستسلمش 🚫

كل الوسائل دي مقدرتش إنها تقضي على الدعوة للإسلام،
ولقوا إن الناس ثابتة وبتزيد😕
فلجأوا بقى للوسيلة إللي كل ظالم على مر العصور بيلجأ لها ،
وسيلة التعذيب والتهديد بالقتل والقتل فعلا😑

عمل إيه كفار قريش مع المسلمين؟
وكان إيه رد فعل المسلمين؟
وكان إيه رد فعل رسول الله صلى الله عليه وسلم نفسه على حملة التعذيب دي؟

ده إللي هنعرفه الجزء الجاي إن شاء الله 👌


#السيرة_النبوية
#ايمان_شلبي

-شبابنا وبناتنا طلبة الثانوية العامة أنتوا تعبتوا

و بذلتوا مجهود وأياً كان مجموعكم ألف مبروك ليكم كلكم🎉

👌 يقينًا ربنا مبيضيعش تعب حد ولا هيضيع مجهود

🗓 سنة كاملة ممكن تكون أول سنة تبذل فيها مجهود في حياتك

🎉افرحوا و اوعوا تزعلوا مهما كان مجموعكم

مافيش حاجة اسمها كليات قمة.. في حاجة اسمها عقليات قمة 👌

-99% من رؤساء العالم كانوا جايبين كام في الثانوية العامة❓👈 50%/ 60%

-أغنى مليارديرات في العالم كانوا جايبين كام في الثانوية العامة ؟!

✔️اوعى نظرة المجتمع اللي كتير منها فيه قصور في الحتة دي تأثر على نفسيتكم وتفضلوا عايشين طول عمركم متأثرين ومنكسرين بنتيجة الثانوية العامة ❌

✔️اوعى تربط رزقك بمجموعك ،أو جوازك، أو مستقبلك بمجموع الثانوية العامة

▪️ مدرس من أشهر مدرسين المنصورة بيدي دروس👈 المراجعة بتاعته بالآلاف

الطلبة بتدخل القاعة بالخناق علشان تلاقي مكان

💬 بيحكي للطلبة بتوعه إنه في ثانوية عامة كان مقهور إنه مجبش مجموع كلية طب ولا حتى المجموع بتاعه كان ينفع يدخل بيه كلية انتظام

💯 بالرغم من كدا ربنا فتح عليه قد إيه؟

👈دلوقتي لو اتعرض عليه كلية الطب هيرفضها

▪️عشرة في الثانوية العامة كانوا شلة تسعة منهم دخلوا طب و العاشر بتاعهم دخل تجارة دلوقتي التسعة شغالين في مستشفى صاحبهم العاشر

الموضوع موضوع رزق مش مجموع 👌

🚫 فاوعى نظرة المجتمع ليك تجبلك إحباط!

الناس اللي بتنتحر بعد مجموع الثانوية العامة
هتقول لربنا إيه ❓

انتحرت علشان نظرة المجتمع ..علشان كسرت قلب أمي.. علشان المجتمع حسسني إني ماليش
لازمة خلاص و إن أنا بقيت ولا حاجة

الموضوع غلط تماماً👎

💥لو شفت الدنيا بعد عشرين سنة مين اللي اتشهر ومين اللي اغتنى ومين اللي افتقر .. مين اللي وصل و مين اللي رجع ورا !

هتكتشف إن مجموع الثانوية العامة لا يتحكم في مسيرة الحياة ولا مستقبلك ولا مصيرك ✋

ولو أنتوا مش مصدقين اسألوا الدكاترة وصوا بإيه وعملوا إيه؟

لكل اللي جابوا مجموعها ألف مبروك 🎊

و اللي ماجابش إيه المشكلة قدامك فرصة كبيرة جدًا 👌

القضية مش أنك هتدخل إيه👈 القضية أنك تنجح في اللي بتعمله ✊

وفي الآخر كله رايح ..كله هيموت و كله رايح 🖤

-افتكر لحظة ظهور النتيجة يوم القيامة👈 حسرة

✍نص درجة بتنزل من كلية لكلية في الدنيا

💭 تخيل يوم القيامة الحسنة هتعمل إيه لأن هو دا مصيرك

افتكر مشاهد يوم القيامة هو دا النجاح الحقيقي ✔️

-الثانوية العامة مرحلة وجسر بتعدي عليه لمستقبلك فاكسب ربنا لأن مستقبلك في إيديه💚



#رسالة_لطلبة_الثانوية_العامة
#الشيخ_حازم_شومان
#فريق_بين_الناس_الدعوي

الدرس السابع🌺🌺
#الإخفاء_الحقيقى👆👆

#تجويد

تعالو مع بعض نشوف المدير ده وهو بيحكي عن موظف عنده
ونشوف عمل معاه إيه! 🧐

كان من ضمن الموظفين شاب نشيط جداً، وناجح في عمله، وكان يقوم بكل ما يطلب منه بذكاء وسرعة ودقة ، كما أنه يحقق نسبة إنجاز عالية، لكنه كان لعوباً إلى حد ما.

كان يغادر مقر عمله كثيراً بدون إذن، إجازاته وأذوناته أكثر من المُعتاد.

ذاتَ مرة تقدّم الشاب بإجازة ليسافر مع أصدقائهِ في رحلة، لكنني رفضتها 🚫
فما كان منه إلا أن تقدَّم بإجازةٍ مرضية، واتصل مدعياً المرض 🤒 معتذراً عن الحضور، ولأنني أعرف أنه ليس مريضاً 😎 ، ذهبت صباحاً إلى بيته وانتظرتُ هذا الشاب باكراً ثم قابلته وهو يحمل عدّة الرحلات

كاد الموظف يذوبُ خجلاً 😳، ووجههُ يتقلّب بين الخجل والحرج، بينتُ له أنه لم يكن قادراً على خِداعي، وأنني لستُ بتلك السذاجة التي يظنُّها💪 .

وبرهنت له أنه كاذب، وخصمتُ عنه أجرَ اليوم مضاعفاً، لكن ماذا حصل بعد ذلك؟
بعد أيامٍ،

⚡️تقدَّم الشابُّ باستقالته.

رأيكم اللي عمله المدير ده مع الموظف صح ولا غلط؟ وليه ؟ 🤔

يقول :

📌من جهتي، خسرتُ جهده ونسبة الإنجاز العالية التي كان يحققها، ولم يعُد بالإمكان أن أرفع لإدارتي العليا نسبَ الإنجاز السابقة، وصرتُ بحاجة للبحث عن شاب يمكنه أن يحقق ذات الإنجاز وهم قليل،

💥كان غباء منقطعَ النظير.

البعض مننا هيقول إزاي أسيب الموظف يضحك علي ؟ هو فاكرني غبية ولعبته تمر بسهولة ؟! 😡

💡لكن لو وقفنا وفكرنا شوية هنعرف إن :

🍃 عدم اختيار الوقت والأسلوب المناسب لعلاج الخطأ يؤدي لخسائر كبيرة.

🍃 بعض ما نخسره في حياتنا، يكون بسبب التضييق على الآخرين، وإغلاق منافذ الهروب، مما يجعل الطرف الآخر أمام خيارين:
🔸إما أن يهرب وتَخسري جهده،

🔸أو يتخذك عدواً، فيكيد لك، ويتراجع نشاطه كنوع من الدفاع عن النفس.

⚠️وفي الحالتين تكوني خاسرة.

📌فالأفضلُ دائماً أن تفتحَي لخصمكَ طريقاً يخرج منه كريماً فيحترمك، بدل أن تُحرجيه فيُعادِيك.

🍃 لا يُشترط أن تفوزي بكل المعاركِ فبعضُ الفوزِ هزيمة، ولا تُحرقي مراكبكَ أبداً، فقد تحتاجيها قريباً.

👈فالتجمل و التغافل هو ورقة التوت التي تسترنا وتحمينا، وهو خلق المؤمنين والناجحين.

#فن_التغافل
#هبة_حلمي

صباح الاستقامة🤍

(لنختم القرآن سماعا)

الورد (١٦٥)

(الربع الأول & الحزب الثاني والأربعين)

#القارئ: بندر بليلة
#ليدبروا على التليجرام
https://www.tg-me.com/GhRoooh/11966

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/M0xtNvr2VeQ?feature=shared

#صباحكم_قرآنٌ_يُتلى

فلتغلبن اوصافه اوصافي💕

#قصص_الأنبياء(٢)
#السيرة_النبوية
#الحلقة_السابعة_عشرة
#بداية_تعذيب_المسلمين

كنا واقفين عند قريش ومحاولاتها لصد الدعوة الإسلامية،
وقلنا الوسائل إللي استعملها كفار قريش زي تحييد أنصار الدعوة ،
والإغراء بالعروض المادية ،وتشويه صورة الداعية وتشويه صورة الدعوة نفسها وشغل الناس بالباطل عن طريق النضر بن الحارث،
وآخر حاجة كانت استعمال الضغط النفسي من الأهل على أقاربهم إللي أسلموا زي سعد بن أبي وقاص ومصعب بن عمير😉
لما لقى كفار مكة إن مفيش حاجة جايبة نتيجة قالوا بس احنا نعذب الناس إللي أسلمت دي لحد ما يرجعوا عن دينهم👌
فكل واحد من سادات مكة يشوف إللي أسلم من قبيلته وهو إللي يعذبه،
فبدأ كل واحد يشوف مين إللي أسلم من قبيلته ويعذبه،
حر أو عبد😑
=عثمان بن عفان كان عمه بيلفه في حصير من ورق النخيل يكتفه يعني وبعدين يشعله من تحته ويطلع دخان على وشه لحد ما كان هيموت من الخنقة،

=بلال بن رباح كان عبد من الحبشة يملكه واحد من السادة اسمه أمية بن خلف،
فكان يحط في رقبته حبل ويعطي الحبل للصبيان يلعبوا به،
يشدوه ويوقعوه،
وكانوا بيطلعوه وقت الظهر في صحراء مكة وينيموه على الرمل الساخن ويضعوا على صدره صخرة كبيرة جدا،
ووقت الظهر في مكة في الصيف في الصحراء درجة الحرارة ممكن تعدي الخمسين😞
وكانوا يقولوا له:
هنسيبك كده لحد ما تموت أو ترجع عن دين محمد وتعبد اللات والعزى😤
وهو يقول لهم : أحد أحد☝️
فكانوا بيتغاظوا منه ويزودا عليه العذاب وهو ميسكتش يغيظهم برده ويقول لهم أحد أحد☝️
يعني الله واحد👌
وكان يقول لهم وهو بيتعذب :
والله لو أعرف كلمة تغيظكم أكثر من الكلمة دي كنت قلتها👌
والكلام ده مكنش يوم ولا يومين ده كان فترات طويلة،
فضلوا يعذبوا فيه لحد اشتراه أبو بكر صاحب رسول الله صلى الله عليه وسلم من أمية بن خلف واعتقه لوجه الله.

=عمار وأبوه ياسر وأمه سمية ،
وكان ياسر شيخ كبير في السن وكان بيعذبه واحد من سادات بني مخزوم قبيلة الوليد بن المغيرة اسمه《عمرو بن هشام》 إللي كنيته أبو جهل👌
فكان أبو جهل هو المسؤول عن تعذيب الشيخ الكبير ياسر،
وزوجته المرأة العجوز سمية، وكانوا بيطلعوهم في الصحراء ويعذبوهم في الحر ،
وطبعا مفيش لا أكل ولا مية، وكان رسول الله صلى الله عليه وسلم بيعدي عليهم وهم بيعذبوا ويقول لهم:
"صبرا آل ياسر فإن موعدكم الجنة"
ياسر مات تحت التعذيب وأبو جهل قعد يعذب في سمية وقال لها : إنتي إزاي تسيبي آلهة آبائك وتتبعي محمد، وريني إلهك إللي بتعبديه ده😡
فقالت له: لا تدركه الأبصار وهو يدرك الأبصار وهو اللطيف الخبير👌
فراح ماسك حَرْبة وطعن سمية في موضع عفتها، (في فرجها من الأمام) فماتت 😞
وكانت أول شهيدة في الإسلام، ومتبقاش غير عمار...شاف أبوه قتل تحت التعذيب وشاف أمه طعنت وماتت،
وهو نفسه بيتعذب أشد العذاب، كانوا ساعات يلبسوه الدروع الحديدية في شدة الحر،
وساعات يحطوا على صدره صخر أحمر ثقيل ، وساعات يحطوه جوه بئر ويغطوه بالماء،
فكان من شدة التعذيب كان بيوصل لمرحلة إنه مش بيبقى عارف هو بيقول إيه😞
فقالوا مش هنسيبك غير لما تشتم محمد وتمدح الآلهة بتاعتنا😤
فمع شدة التعذيب قال لهم عمار إللي طلبوه منه فتركوه،
وراح عمار لرسول الله صلى الله عليه وسلم وهو حزين فسأله رسول الله: إيه إللي حصل معاك؟
فقال عمار والله يا رسول الله لم يتركوني إلا لما شتمتك ومَدَحت آلهتهم😔
فسأله رسول الله : وحال قلبك إيه؟
هل إنت راضي بالكلام إللي قلته ولا رافض؟
فقال له عمار: طبعا رافض يا رسول الله 😥
فقال له رسول الله:
لو عادوا فعد👌
ونزلت في عمار آية :
"مَن كَفَرَ بِاللَّهِ مِن بَعْدِ إِيمَانِهِ إِلَّا مَنْ أُكْرِهَ وَقَلْبُهُ مُطْمَئِنٌّ بِالْإِيمَانِ "

=كمان من الصحابة إللي اتعذبوا 《صهيب بن سنان الرومي》
وهو عربي الأصل ولكن وهو صغير أُخِذ أسير واتربى في بلاد الروم،
فبقى يتكلم بلغتهم لحد ما واحد من أهل مكة اشتراه ورجع به لمكة،
وكان صهيب ذكي جدا لدرجة إن سيده أعجب بذكائه وحرره وشاركه في تجارة لحد ما أصبح عنده أموال كثير اوى😮
وكان صاحب لرسول الله قبل البعثة،
فلما بُعث رسول الله أسلم صهيب مع عمار بن ياسر علطول،
وكان من السبعة الذين أظهروا الإسلام بين الناس وهم
( رسول الله صلى الله عليه وسلم ،
وأبو بكر وبلال وصهيب وعمار بن ياسر وسمية أمه وخَبّاب بن الأرت.)

=خبّاب بن الأَرَتْ كان من أشد الناس عذابا، كان الكفار بيولعوا الفحم أو الحجر بالنار،
لحد ما يبقى جمر وينيّموا خبّاب على الجمر ده لدرجة ان الشحم اللي بينزل من ظهره بيطفي الجمر فكان ظهره مليان حُفر😞
ومع ذلك ظل ثابت على دينه

ده غير الجواري إللي كان الكفار بيعذبوهم،
فكان أبو بكر الصديق بيشتري العبيد والجواري المسلمين إللي بيتعذبوا ويحررهم،
لدرجة إن أبوه مرة بيقول له:
إنت بتحرر الناس الضعيفة، فلو إنك حررت رجال أقوياء يقدروا يدافعوا عنك ويمنعوا عنك أذى الناس😕
فقال له أبو بكر:
أنا بعتقهم لوجه الله 🤚

فنزلت آيات القرآن تمدحه وتذم أعداءه،
"فَأَنذَرْتُكُمْ نَارًا تَلَظَّىٰ* لَا يَصْلَاهَا إِلَّا الْأَشْقَى"
الأشقى إللي هو أمية بن خلف وإللي زيه من إللي كانوا بيعذبوا المسلمين،
"وَسَيُجَنَّبُهَا الْأَتْقَى* الَّذِي يُؤْتِي مَالَهُ يَتَزَكَّىٰ*وَمَا لِأَحَدٍ عِندَهُ مِن نِّعْمَةٍ تُجْزَىٰ* إِلَّا ابْتِغَاءَ وَجْهِ رَبِّهِ الْأَعْلَىٰ"

والأتقى هو أبو بكر الصديق إللي سخر ماله لفداء وتحرير المستضعفين من المسلمين👌
وكان من أشد الناس تعذيبا للمسلمين المستضعفين رجل من أهل مكة اسمه : 《عمر بن الخطاب》
كان بيتطوع لتعذيب المسلمين ،
وكان بيعذب امرأة فكان لما يسيبها يقول لها والله ما تركت تعذيبك إلا لأني زهقت😐
فكانت تقول له : والله ده ربنا هو إللي صرفك عني👌

يبقى المستضعفين إللي أسلموا كان أهل مكة بيعذبوهم
أما الأشراف زي أبو بكر ورسول الله كانوا بيؤذوهم ويسخروا منهم فقط،
مكنوش يقدروا يعذبوهم لأن لهم قبيلتهم تحميهم،
في يوم من الأيام ورسول الله حاطط ردائه ونايم عليه عند الكعبة ،
جاء خبّاب بن الأرت بعد ما اشتد به وبباقي الصحابة العذاب بدأ يكلم رسول الله،
قال له: يا رسول الله ألا تدعو لنا؟ ألا تستنصر لنا😔

وهو دلوقتي متوقع ومستني إن رسول الله صلى الله عليه وسلم يرفع إيده ويدعو لهم بالنصر على الناس إللي عذبت أصحابه وقتلتهم،
لكن المفاجأة إن رسول الله صلى الله عليه وسلم غضب ووشه احمر من الغضب وقام قعد وقال لخبيب :
الناس إللي كانت قبلكم ..كانوا بيجيبوا الرجل ويحفروا له في الأرض حفرة ويحطوه فيها ،
ويجيبوا منشار ويضعوا المنشار على رأسه ويشقوه نصفين ومفكرش إنه يرجع عن دينه،
والله ليتم الله أمر الإسلام حتى يسير الراكب من صنعاء إلى حضرموت لا يخاف إلا الله والذئب على غنمه ولكنكم تستعجلون

طيب خلونا نشوف السبب إللي خلى رسول الله يرد على خباب كده👌
خباب لما جاء يشتكي لرسول الله كان بيتكلم بيأس،
وحس منه إنه فقد الأمل،
فهو خاف على خباب أحسن ييأس من نصر ربنا ورحمته فيكون من الكافرين👌
"إِنَّهُ لَا يَيْأَسُ مِن رَّوْحِ اللَّهِ إِلَّا الْقَوْمُ الْكَافِرُونَ"

يعني هو مغضبش منه عشان طلب الدعاء فقط، وإلا فالدعاء أصلا سلاح المؤمن والمسلمين مطلوب منهم الدعاء من باب الأخذ بالأسباب،
لكن المشكلة كانت في اليأس إللي كان في كلام خباب ووجهه لما شافه رسول الله،
فهو كان شديد معاه عشان ينبهه لحاجة أخطر من مجرد عذاب الجسد،
الجسد كده كده هيفنى ومش هيتبقى غير الإيمان بالله ، فلازم يحافظ على الإيمان ده،
ورسول الله رجع له الإيمان تاني من خلال كلامه :
أولا :
ذكّره بالمؤمنين إللي كانوا قبله واتعرضوا لعذاب أكبر ،لأن الناس في العادة بيهون عليها مصيبتها لما تشوف حد مُبتلى بمصائب أشد👌
ثانيا:
زرع جواه الأمل إن ربنا هيتم الإسلام مش بس في مكة ده حتى في ممتلكات أقوى دولة في العالم👌
يعني باختصار لو وصلت لدرجة شديدة من الإيذاء متستعجلش،
ربنا هيمكن لدينه أكيد👌


وده كان الحال بالنسبة لضعفاء المسلمين وإللي كان بيحصل معاهم من بعد الجهر بالدعوة ، واحنا دلوقتي في السنة السادسة للبعثة،
هننتقل لرسول الله صلى الله عليه وسلم ونشوف كان كفار قريش بيؤذوه إزاي،
وإيه أخبار المفاوضات إللي كانت بينه وبينهم خلال الثلاث سنوات بعد الجهر بالدعوة،

مكنش حد يقدر يؤذي رسول الله من عامة الناس لأن رسول له كان في جوار أبي طالب، فكان إللي بيؤذي رسول الله هم السادة،
قبل ما نشوف الأذى حصل بين رسول الله وسادات قريش مفاوضات منها إنهم قالوا له :
شوف يا محمد احنا هنقبل بالدين بتاعك لكن بشرط إنك تعبد إلهنا سنة ونعبد إلهك سنة 💁‍♂️
يعني نشارك بعض في الآلهة ، لو احنا آلهتنا فيها خير يبقى إنت شاركت في الخير ده،
ولو إلهك فيه خير يبقى احنا كمان شاركنا في الخير💁‍♂️

فربنا أنزل :
"قلْ يَا أَيُّهَا الْكَافِرُونَ* لا أَعْبُدُ مَا تَعْبُدُونَ*وَلا أَنتُمْ عَابِدُونَ مَا أَعْبُدُ* وَلا أَنَا عَابِدٌ مَّا عَبَدتُّمْ*وَلا أَنتُمْ عَابِدُونَ مَا أَعْبُدُ*لَكُمْ دِينُكُمْ وَلِيَ دِينِ"


من المفاوضات إللي حصلت برده إنهم طلبوا من رسول الله المعجزات،
قالوا الأنبياء إللي قبلك جاءوا بمعجزات إنت مجبتش حاجة

فقال لهم : ماهو أنا جئت لكم بكلام الله👌

قالوا : لأ..احنا عايزين معجزات تانية ، عايزين آااااا....
بكرة إن شاء الله نعرف هم عايزين إيه😅


#السيرة_النبوية
#ايمان_شلبي