#قصص_الأنبياء(٢)
#السيرة_النبوية
#الحلقة_الثالثة
#قبل_مولد_رسول_الله(٣)
#أصحاب_الفيل

كنا واقفين عند عمرو بن لُحي لما سافر بلاد الشام وعجبه عبادة الأصنام فأتى بصنم وأدخله الجزيرة العربية وأمر الناس إنهم يعبدوا الصنم ده فالناس عبدوه فعلا،
وكان العرب على التوحيد يعني بيعبدوا الله فكان هو مَن بدّل دين العرب 👌
وأدخل آلهة تانية غير هُبل وأمر كل قبيلة في مكة إن يكون لها صنم عند الكعبة تعبده،
وانتشرت الأصنام في مكة ومن أشهر الأصنام بعد هُبل اللات والعُزّى،
وغيّر تلبية الحج..التلبية المعروفة :
لبيك اللهم لبيك ..لبيك لا شريك لك لبيك..إن الحمد والنعمة لك والملك ..لا شريك لك.
فراح مزوّد عليها:
"إلا شريكا هو لك تملكه وما ملك"
يعني معندكش شريك إلا شريك أنت تملكه،

وبدأ يُشرّع الشرائع لأهل مكة ويخترع حاجات غريبة ،
يعني سَن لهم سنة الأنعام التي لا تُمس، عارفين الآية إللي بتقول :
"مَا جَعَلَ اللَّهُ مِن بَحِيرَةٍ وَلَا سَائِبَةٍ وَلَا وَصِيلَةٍ وَلَا حَامٍ ۙ وَلَٰكِنَّ الَّذِينَ كَفَرُوا يَفْتَرُونَ عَلَى اللَّهِ الْكَذِبَ ۖ وَأَكْثَرُهُمْ لَا يَعْقِلُونَ "

ناخدهم واحدة واحدة 😉
◇البَحِيرة يعني الناقة إللي ولدت خمس مرات يشقوا أذنها ومحدش لا يركبها ولا يذبحها يسيبوها كده..بقت مقدسة🙂
السائبة يعني واحد بينذر نذر ..يقول يارب لو أنت شفيتني أو يارب لو فلان الغائب رجع أو...أو...فأنا هسيب الناقة بتاعتي دي ومش هركبها تاني،

◇الوصيلة يعني لو الشاة إللي هي المعزة ولدت ذكر ذبحوه للآلهة بتاعتهم ولو ولدت أنثى هم يأخذوها يذبحوها لنفسهم،
ولو ولدت ذكر وأنثى قالوا :وصلت أخاها فميذبحوش الذكر للآلهة،
◇الحام يعني ذكر الناقة لو اتولد بسببه عشرة ذكور يحمي ظهره يعني محدش يركبه ولا يُحمل عليه أي شيء ولو مات الرجال والنساء يأكلوه.

والناس عادي تسمع كلامه وتنفذ ..مفيش أي مخ يفكروا به😑
قال رسول الله صلى الله عليه وسلم عن عمرو بن لُحي:
"رأيت عمرو بن لُحي يجر قُصُبَه في النار"
قُصُبه يعني أمعاؤه.
ودي كانت قصة دخول الأصنام إلى مكة وإللي هنلاقيها بعدين في عهد رسول الله صلى الله عليه وسلم😉

نرجع لأبرهة الحبشي إللي كان بنى كنيسة وكان عايز العرب يحجوا لها وجاء رجل من العرب من《 أهل النسيء》وتبرّز في الكنيسة فحلف إنه هيهدم البيت إللي العرب بيحجوا له👌
☆أهل النسيء دول كانوا بيعظموا الكعبة جدا وهم لهم قصة
عارفين الآية إللي بتقول :
"إِنَّمَا النَّسِيءُ زِيَادَةٌ فِي الْكُفْرِ ۖ "
كلمة النسيء معناها التأخير...احنا عارفين إن الأشهر الحُرم أربعة: رجب و ذو القعدة و ذو الحجة ومحرم،
"إِنَّ عِدَّةَ الشُّهُورِ عِندَ اللَّهِ اثْنَا عَشَرَ شَهْرًا فِي كِتَابِ اللَّهِ يَوْمَ خَلَقَ السَّمَاوَاتِ وَالْأَرْضَ مِنْهَا أَرْبَعَةٌ حُرُمٌ"

والأشهر الحرم معناها إن مينفعش يكون فيها حرب والعرب أصلا عيشتهم على الحرب بينهم،
ففي ثلاثة شهور ورا بعض حُرم 《ذو القعدة و ذو الحجة ومحرم》
وده كده عامل لهم أزمة، يعملوا إيه😕
فاختاروا مجموعة من الناس وسموهم أهل النّسِيء وقالوا الناس دي من حقهم يؤخروا الاشهر الحرم،
يعني يؤخروا محرم لصفر ،يبدلوا شهر صفر مع شهر محرم،
فيكون ذو القعدة حرام وذو الحجة حرام وبعدين ميجيش شهر محرم يجي شهر صفر ويطلعوا من الورطة 👉😉

فكانوا بيعملوا كده سنة وسنة..آخر لخبطة يعني😶
وده تفسير آية :
"يُضَلُّ بِهِ الَّذِينَ كَفَرُوا يُحِلُّونَهُ عَامًا وَيُحَرِّمُونَهُ عَامًا لِّيُوَاطِئُوا عِدَّةَ مَا حَرَّمَ اللَّهُ فَيُحِلُّوا مَا حَرَّمَ اللَّهُ ۚ "
لكن الترتيب في الأشهر رجع زي ما كان تاني والأشهر فعلا مظبوطة دلوقتي👌

♡شوفتوا إزاي إحنا لسه مدخلناش في شرح السيرة لكن عرفنا تفسير كم آية في القرآن😉

جهز أبرهة جيشه لهدم الكعبة ،ودي تاني محاولة لهدم الكعبة😉
الأولى كانت على يد تُبّع إللي اتكلمنا عنه في الجزء الأول 😊
وكان من ضمن الجيش بتاعه فيل ضخم اسمه محمود،
وبدأ يتحرك من اليمن متجه ناحية الكعبة، وسمعت العرب بأن أبرهة عايز يهدم الكعبة،
وكان في رجل من أشراف العرب اسمه ذو نفر جمع بعض المقاتلين وجهزوا نفسهم عشان يحاولوا يوقفوا جيش أبرهة من إنه يهدم الكعبة،
وحاولوا يوقفوا جيش أبرهة لكنهم انهزموا وتم أسر ذو نفر،
وأخذه أبرهة معاه في الجيش أسير،

خرجت لجيش أبرهة قبيلة تانية تقاتله عشان ميهدمش الكعبة بقيادة واحد اسمه نُفيل بن حبيب،
واتهزمت القبيلة وأُسر نُفيل، وصل جيش أبرهة للطائف فخاف أهل الطائف من جيش أبرهة وإنه يهدم عليهم الطائف،
فقالوا له ملناش دعوة مش هنعترض طريقك ولا هنعمل حاجة وعشان نثبت إننا مسالمين ممكن نبعث معاك واحد يدلك على مكان الكعبة،
فتطوع واحد اسمه أبا رغال وقال له أنا هدلك على مكان الكعبة،
وطبعا دي خيانة 😑
وراح مع أبرهة عشان يَدُله على طريق الكعبة ،وهو في الطريق بين مكة والطائف مات واندفن فكانت العرب بترجم قبره بالحجارة بسبب خيانته 👌

المهم وصل أبرهة وجيشه لأطراف مكة وفي الطريق كان في إبل ..جِمال يعني في الطريق فأخذها جيش أبرهة،
وكانت الجمال دي حوالي مئتين جمل يملكها سيد مكة في الوقت ده أو خلونا نقول رئيس مكة،
وكان اسمه عبد المطلب، وكان رجل كبير في السن فجاء له الخدم بتوعه وقالوا له جيش أبرهة جاء وأخذ البعير بتاعتك،
فخرج له عبد المطلب وطلب إنه يقابله،

لكن أبرهة رفض فتوسط عبد المطلب عند الأسير ذو نفر إنه يكلم أبرهة فقال له :
أنا أسير مقدرش أعمل لك حاجة😕
لكن أنا اتصاحبت على سائس الفيل، يعني الرجل المسؤول عن قيادة الفيل،
وسائس الفيل ده كان له مكانة عند أبرهة،
فكلم ذو نفر سائس الفيل عشان يتوسط لعبد المطلب عند أبرهة عشان يرضى يقابله،
فوافق أبرهة إنه يقابله وكان عبد المطلب عليه هيبة ووقار وكان جميلا جدا فلما شافه أبرهة قام له توقيرا له،

وكان قاعد على حاجة زي العرش كده فنزل من على العرش ده وجلس جنب عبد المطلب على بساط في الأرض وبعدين قال للترجمان اسأل عبد المطلب عايز إيه؟
فعبد المطلب قال له:
جيشك أخذ مئتين بعير بتوعي فأنا عايزك ترجعهم لي😒
فأبرهة قال له:
أنت عجبتني لما شفتك وتوقعت إنك هتطلب مني إني أسيب البيت إللي هو دينك ودين آباءك،
لكن لما تكلمت أنا زهدت فيك😑...يعني استقليتك أوي😐
بتكلمني وتطلب مني أسيب البعير وحتى متطلبش مني أسيب البيت المعظم عندكم😶
فقال له عبد المطلب :
أنا رب الإبل ..والبيت له رب سيمنعه ويحميه😤

خرج عبد المطلب من عند أبرهة وأمر أهل مكة إنهم يخرجوا برة مكة ويطلعوا على الجبال عشان جيش أبرهة ميؤذيش أهل مكة ويسيبوا البيت الحرام لأبرهة عشان يهدمه،


الجنود جابوا الفيل عشان يهدم الكعبة في اللحظة دي الأسير نُفيل بن حبيب إللي كان معاهم عرف يفك نفسه من الأسر ،
وجري ناحية الفيل واتعلق في أذنه وقعد يقول له :
ابْرُك محمود ..ابْرُك محمود فإنه بيت الله العظيم
يعني اقعد يا محمود ومتسمعش كلامهم...إللي عايزينك تهدمه ده بيت الله الحرام،
راح الفيل قاعد في الأرض ومرضاش يقوم😮
قعدوا يضربوا فيه عشان يقوم مش راضي،
وجّهوه نحو اليمن قام يجري وجهوه ناحية الشام اتحرك وجهوه ناحية الكعبة قعد ومتحركش😮
هرب حبيب بن نُفيل وطلع على رؤوس الجبال مع أهل مكة،
"أَلَمْ تَرَ كَيْفَ فَعَلَ رَبُّكَ بِأَصْحَابِ الْفِيلِ"

جنود أبرهة وهم عمالين يحاولوا يحركوا الفيل لقوا سواد جاي من بعيد بيقرب عليهم🤨
السواد بيقرب وبدأ يظهر إيه هو السواد ده ..لقوها طيور جاية عليهم ورا بعض من كل مكان،
"أَلَمْ يَجْعَلْ كَيْدَهُمْ فِي تَضْلِيلٍ"
بيوصفها العلماء إنها طيور عاملة زي العصافير،
"وَأَرْسَلَ عَلَيْهِمْ طَيْرًا أَبَابِيلَ"
كل طير معاه ثلاثة حجارة واحدة في منقاره وحجارة واحدة في كل قدم،
حجم الحجرة الواحدة في حجم حبة العدس أو الحمص،
ويُقال إن الحجارة دي كانت من نار ويُقال إنها كانت من طين يابس متحجر شديد القوة،
"تَرْمِيهِمْ بِحِجَارَةٍ مِنْ سِجِّيلٍ"
بدأت الطيور ترمي الحجارة دي على جنود جيش أبرهة وأي حد يتصاب بالحجارة دي كأن مرض بينتشر في جسمه ويبدأ لحم جسمه يسقط😮
بدأ جيش أبرهة يهرب حتى أبرهة نفسه هرب بس هيهرب من منين 😏
الحجارة أصابته وقُتل أبرهة وكل من كان في جيش أبرهة👌
"فَجَعَلَهُمْ كَعَصْفٍ مَأْكُولٍ"
والعصف المأكول يعني الزرع إللي الحيوانات أكلته وداسته،

☆في ناس ممكن تسأل طيب ماهو ربنا أنقذ قريش أهه وأهلك جيش أبرهة..ليه ربنا لا يرسل الطير الأبابيل على الكفار إللي بيعذبوا المسلمين وبيقتلوهم زي بورما مثلا😞

بكل بساطة لأننا لسنا في زمان أبرهة 💁‍♀️
أولا:
ربنا لم يهلك جيش أبرهة عشان خاطر أهل قريش،
ربنا أهلك جيش أبرهة لأنه كان عايز يهدم الكعبة،
وإلا فأبرهة وجيشه نصارى..أهل كتاب.. يعني أقرب إلى الله من المشركين إللي بيعبدوا الأصنام👌

ثانيا :
سنة إهلاك الظالمين أو الكافرين بخارقة.. بمعجزة يعني بدون تدخل من المؤمنين، زي الطوفان أو زي إللي حصل مع أبرهة انتهت خلاص ،
آخر معجزة لنصر الدين بدون تدخل من المؤمنين كانت حادثة الطير الفيل
بعد ما الإسلام جاء الوضع تغير...ممكن تحصل المعجزة لكن بعد ما المسلمين أو المؤمنين يعملوا إللي عليهم،
زي ما حصل في غزوة بدر ..حصلت معجزة نزول الملائكة وقاتلوا مع المؤمنين،
بعد ما المؤمنين أخذوا بالأسباب وعملوا كووول إللي يقدروا عليه زي ماهنشوف في وقتها بالتفصيل إن شاء الله😉
فربنا ساعدهم بمعجزة نزول الملائكة👌
لكن لو المسلمين مقصرين في الأخذ بالأسباب ومش عاملين إللي عليهم مش هتنزل أي معجزة🤷‍♀️
يعني القاعدة في الإسلام دلوقتي :
"يَا أَيُّهَا الَّذِينَ آمَنُوا إِن تَنصُرُوا اللَّهَ يَنصُرْكُمْ"

خدوا بالكم من القاعدة دي كويس لأنها هتكون معانا طووول السيرة النبوية 👌
《إن تنصروا الله ينصركم》
بعد هزيمة جيش أبرهة بالمعجزة إللي حصلت وإللي شافها أهل مكة كلهم،
في نفس عام الفيل ده يُقال بعد خمسين يوم وُلد لعبد المطلب حفيد..

الحفيد ده هيكون سبب في تغير الأرض في المستقبل،
مين هو الحفيد واسمه إيه ومين أبوه ومين أمه؟

ده إللي هنعرفه الجزء الجاي إن شاء الله😊



#السيرة_النبوية
#ايمان_شلبى

(1)

الرجل الذي يسافر ويترك زوجته بالسنة والسنتين دون ضرورة = مفسد في الأرض.

الرجل الذي يجلد امرأته ماديا (بالضرب) أو معنويا (بالكلام اللي يسم البدن) = مفسد في الأرض.

الرجل الذي لا يحتوي امرأته ويستمع لمشاكلها ولو كانت تافهة = مفسد في الأرض.

الرجل الذي لا يُسمع امرأته ما يسد حاجتها العاطفية من معسول الكلام = مفسد في الأرض.

الرجل الذي لا يعذر امرأته ويتفهم ما فيها من قصور وعوج = مفسد في الأرض.

الرجل الذي يتسع صدره وخلقه لبنات حواء كلهن ويضيق صدره عن زوجته = مفسد في الأرض.

كل هؤلاء مفسدون في الأرض، أفسدوا بيوتا وأُسَرا وهم لايشعرون
(2)

المرأة التي تتعامل مع زوجها معاملة البنك لسد احتياجها المادي فحسب = مفسدة في الأرض.

المرأة التي ترغب عن زوجها ولا تعفه دون عذر وتلجئه إلى الحرام = مفسدة في الأرض.

المرأة التي تحسن التجمل في الحديث والمظهر لكل أحد إلا زوجها = مفسدة في الأرض.

المرأة التي لا تعذر زوجها وتقدر ظروفه وكده وتعبه = مفسدة في الأرض.

المرأة التي تحسن التبسم للجميع ولا تحسن إلا العبوس والنكد مع زوجها = مفسدة في الأرض.

المرأة التي تجعل من البيت نارا تلظى بدلا من أن يكون سكنا وراحة = مفسدة في الأرض.

المرأة التي تعصي زوجها فيما يحق له من طاعة = مفسدة في الأرض.

كل هؤلاء مفسدات في الأرض، أفسدن بيوتا وأُسَرا وهنّ لا يشعرن.

اللهم أصلح بيوتنا.. آمين.

عبد الرحمن إبراهيم

⚠️محرمات منتشرة ... تبعدنا عن الجنة⚠️
📌18- أكل الحرام

في ناس كل همهم الفلوس 💰 وفقط
جه من حلال ولا من حرام مش مهم
جه من طريق فيه شبهة مش مهم
المهم الفلووووس 💵

🌴عن أبي هريرة رضي الله عنه أن رسول الله صلى الله عليه وسلم قال: (يأتي على الناس زمان لا يبالي المرء ما أخذ منه، أمن الحلال أم من الحرام؟).

وده حال اللي مش بيخاف من ربنا سبحانه وتعالى
مش هيهمه الفلوس جت منين ولا هتتصرف فين مش مهم داس على مين ولا أخذ حق مين 😢

👈المهم رصيده يزيد
ولو كان سحتا وحراما من سرقة أو رشوة أو غصب أو تزوير أو بيع محرم أو مراباة أو أكل مال يتيم أو أجرة على عمل محرم ككهانة وفاحشة وغناء أو اعتداء على بيت مال المسلمين والممتلكات العامة أو أخذ مال الغير بالإحراج أو سؤال بغير حاجة أو غيره

⬅️ بل أبسط من كده
حتى اللي بيزوغ من الشغل قبل ما تخلص ساعات العمل مرتبه مش حلال

⬅️ حتى اللي بيقبل هدية من الموظفين معاه ده مال حرام

جاب المال وبعدين يأكل منه ويلبس ويركب ويبني بيت أو يستأجره ويؤثثه ويدخل الحرام بطنه
ويقعد في الدنيا كام سنة ولا حتى كام يوم بعد ما أخذ الحرام ويموت
وبعدين ⁉️

📢هيقابل ربنا يعذب بالمال الحرام ويتمتع بيه ورثته

🌴قال النبي صلى الله عليه وسلم: " كل لحم نبت من سحت فالنار أولى به... " رواه الطبراني .

💥وسيسأل يوم القيامة عن ماله من أين اكتسبه وفيم أنفقه
🌴يقول صلى الله عليه وسلم : " لا تزول قدم ابن آدم يوم القيامة من عند ربه حتى يسأل عن خمس : عن عمره فيم أفناه ، وعن شبابه فيم أبلاه ، وماله من أين اكتسبه وفيم أنفقه ، وماذا عمل فيما علم " .

وهنالك الهلاك والخسار لأن المعاملات يوم القيامة مش بالمال وإنما بالحسنات والسيئات 😰

⚠️فكل من أكل من حرام ينتبه ويرد المال إلى أصحابه

📌شوفوا كده الفرق بيننا وبينهم

🌴روى البخاري عن عائشة رضي الله عنها قالت: كان لأبي بكر الصديق رضي الله عنه غلام فجاء له يومًا بشيء فأكل منه، فقال له الغلام: أتدري ما هذا؟! فقال أبو بكر: وما هو؟ فقال: تكهَّنتُ لإنسان في الجاهلية وما أُحسنُ الكِهانة إلا أني خدعته، فَلقينِي فأعطاني بذلك هذا الذي أكلتَ منه، فأدخل أبو بكر يده فقاء كل شيء في بطنه وفي رواية أنه قال: لو لم تخرج إلا مع نفسي لأخرجتها اللهم إني أبرأ إليك مما حملت العروق وخالط الأمعاء

🌴ورُوي أن عمر بن الخطاب رضي الله عنه شرب لبنًا فأعجبه، فقال للذي سقاه: من أين لك هذا؟ فقال: مررت بإبل الصدقة وهم على ماء فأخذت من ألبانها، فأدخل عمر يده فاستقاء.

🌴وأوصت إحدى الصالحات زوجها وقالت له: يا هذا، اتق الله في رزقنا، فإنا نصبر على الجوع ولا نصبر على النار.

👈نصبر على الجوع ولا نصبر على النار
نقارن بينها وبين اللي كل علاقتها بزوجها
هات
هات
هات
منين⁉️

💥مش مهم المهم يجيب ويحقق رغابتها وتكون زي فلانة
وتعيش زي علانة

♨️عارفين عاقبة أكل المال الحرام ايه ؟

🔸ظلمة القلب وكسل الجوارح عن الطاعة.
يقول يحيى بن معاذ: الطاعة خزانة من خزائن الله إلا أن مفتاحها الدعاء، وأسنانه لقم الحلال.

🔸غضب الجبار ودخول النار .
عن أبي أمامة الحارثي رضي الله عنه أن رسول الله صلى الله عليه وسلم: ((من اقتطع حق امرئ مسلمٍ بيمينه فقد أوجب الله له النار وحرّم عليه الجنة))، فقال له رجل: وإن كان شيئًا يسيرًا يا رسول الله؟ قال: ((وإن كان قضيبًا من أراك)) رواه مسلم في صحيحه.
و قضيبا من اراك يعني عود سواك

🔸عدم قبول الدعاء
روي عن ابن عباس رضي الله عنهما قال: تليت هذه الآية عند رسول الله : { يَا أَيُّهَا النَّاسُ كُلُوا مِمَّا فِي الأَرْضِ حَلالاً طَيِّبًا } .فقام سعد بن أبي وقاص ( فقال: يا رسول الله ادع الله أن يجعلني مستجاب الدعوة فقال له النبي : «يا سعد أطب مطعمك تكن مستجاب الدعوة، والذي نفس محمد بيده إن العبد ليقذف اللقمة الحرام في جوفه ما يتقبل منه عمل أربعين يومًا وأيما عبد نبت لحمه من سحت فالنار أولى به»

🔸عدم قبول العمل الصالح.
عن ابن عباس والذي نفس محمد بيده، إن الرجل ليَقْذفُ اللقمة الحرام في جَوْفه ما يُتَقبَّل منه أربعين يومًا، وأيّما عبد نبت لحمه من السُّحْت والربا فالنار أولى به

اللهم نسألك رزقا حلالا وبارك لنا فيه.

〰🌸🍃〰🌸🍃〰

قناة 🌷همسات الأوابين🌷

لا أعلم عصرًا اختلط فيه # الحلال بالحرام كهذا العصر‼️
⛔️ # مأذون يتلو آيات من كتاب الله على عروس شبه عارية في زفاف مختلط اختلاطًا فاحشًا . 😥
⛔️ # شيوخ يجلسون أمام مذيعات متبرجات ليحدثوا الناس عن غض البصر ووجوب الحجاب . 💔
⛔️ # لاعبو كمال أجسام يسجدون لله شكرًا وعوراتهم مكشوفة ، ولاعبات تنس وركض يسجدن وعوراتهن مكشوفة .
⛔️ # ممثلون وممثلات يقرؤون القرآن قبل مشاهد القبلات والتعري ، ويتحدثون عن كرم الله ورحمته أن وفقهم للمعاصي . 🖤
⛔️ # آباء وأمهات يبكون ويسجدون شكراً لفوز أبنائهم في مُسابقات للغناء . نسال الله ان يرزقنا الحلال الطيب والعفه
ونساله الثبات على الامر كله .
# إنا لله وإنا إليه راجعون !. 💔
عودي إلى الله ياأمة المصطفي

# كان إسمه حرام ..
ثم أصبح إسمه عيب ..
ثم أصبح إسمه غلط ..
ثم أصبح إسمه حريه شخصية ..
ثم أصبح إسمه ثقافه ..
ثم أصبح إسمه يمثل نفسه .......
هكذا تتم المسميات لتبرير الحرام و التفاهة حتى اصبح كل شيء مباح وعادي ..
ماكانت الحسناء تكشف سترها .... لو كان أرباب البيوت رجال
# اللهم ردنا اليك ردا جميلا ...

انت الجماعة ولو كنت وحدك💔

🪸


•‏ قال تعالى :
*‏﴿ وجعلنا بعضكم لبعضٍ فتنة ﴾* ..
‏•كل واحد مخْتَبَرٌ *بصاحبه*..
•فالصحيح فتنةٌ للمريض ..
‏•والغني فتنةٌ للفقير ..
*والغني ممتحن بالفقير !!*
عليه أن يواسيه *ولا يسخر منه ..*
‏والفقير ممتحن بالغني !!
*عليه ألا يحسده ولا يأخذ منه إلا ما أعطاه ..*

•الإمام القرطبي رحمه الله ..

*الوتــر مستراح القلوب المتعبة⁠♡*

(لنختم القرآن سماعا)

الورد (١٥٢)

(الربع الرابع & الحزب الثامن والثلاثين)

#القارئ: ماجد الدعوس
#ليدبروا على التليجرام
https://www.tg-me.com/GhRoooh/11913

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/8YVBYGNQ-IA?feature=shared

#صباحكم_قرآنٌ_يُتلى

*دعاء المسلم لأخيه بظهر الغيب 🌿*

•
من نعيم الجنة: مشاهدة إجابة الدعوات ورؤية تحققها: ﴿إِنَّا كُنَّا مِن قَبلُ نَدعُوهُ إِنَّهُ هُوَ ٱلبَرُّ ٱلرَّحِیمُ﴾.

روي عن أنس: أنَّ النبيَّ ﷺ قال: «إذا دخل أهل الجنةِ الجنةَ اشتاقوا إلى الإخوان، فيجيء سريرُ هذا حتى يُحاذي سرير هذا، فيتحدّثان، فيتكئ ذا، ويتكئ ذا، فيتحدّثان بما كان في الدنيا، فيقول أحدهما لصاحبه: يا فلان، تدري أيَّ يوم غفر الله لنا؟ يوم كُنّا في موضع كذا وكذا، فدَعَوْنا الله، فغفر لنا»
•

*إضـــــــ💡ــــــــاءة*

﴿فَلَولا أَنَّهُ كَانَ مِنَ المُسَبِّحِينَ لَلَبِثَ فِي بَطْنِهِ إِلَى يَوْمِ يُبْعَثُونَ‏﴾‏

*تسابيح الرخاء من أوثق عرى النجاة في الشدة فلا تستهن بلحظات التسبيح فلا تدري كيف أثرها عليك؟!*

*رسالة اليوم إليك 💌*
                                 
﴿وَتَوَكَّل عَلَى الحَيِّ الَّذي لا يَموتُ﴾


آية عظيمة تجعلك تفكر ألف مرة قبل أن تقف على أبواب أناس نهايتهم الفناء والإنكسار والتراب!


💌💌

#قصص_الأنبياء(٢)
#السيرة_النبوية
#الحلقة_الرابعة
#إعادة_حفر_زمزم
#ولادة_رسول_الله

وقفنا المرة إللي فاتت عند عبد المطلب لما اتولد له حفيد بعد حادثة الفيل بحوالي خمسين يوم،
قبل ما نتكلم عن تفاصيل ولادة حفيد عبد المطلب،
خلونا نشوف مين هو عبد المطلب ده👌
قلنا إن عبد المطلب ده كان سيد مكة يعني رئيس مكة بلا منازع،
والرئيس معروف إنه بيستقبل رؤساء زيه وبيقعد معاه كُبراء الناس وبيستقبل وُفود من هنا وهناك،

لكن إزاي أصلا عبد المطلب إللي هو من قريش كان رئيس مكة وقبيلة خزاعة هي إللي كانت بتحكم🤨

إحنا عارفين إن إللي كان بيحكم مكة من زمن إسماعيل هو إسماعيل وأبناؤه إللي هم من قبيلة جُرهم،
وخزاعة اغتصبوا منهم الحكم،
فكان في واحد اسمه فِهر وبيلقبوه باسم قريش من ذرية إسماعيل عليه السلام كان موجود في مكة وعايش فيها بعد ما خُزاعة سيطرت على مكة،
فكان في واحد من ذرية فِهر ده أو خلينا نقول قريش اسمه قُصَي بن كلاب وكان عايز يرجع حكم مكة لسلالة إسماعيل عليه السلام،
وكان قصي بن كلاب كريم وغني وكان معروف بنسبه بين أهل مكة،
فخطب بنت رئيس خزاعة فوافق أبوها وتزوجها قصي بن كلاب فشرفه ومكانته زادت بين الناس،

لما مات رئيس مكة من خزاعة أعلن قصي بن كلاب إن هو رئيس مكة،
وطلب من الناس أنصاره وأقاربه إنهم يقفوا معاه،فبقى في فريقين فريق قصي بن كلاب وفريق خزاعة ،
حصل بينهم حرب ولما كانوا خلاص هيفنوا بعض😮

تدخل الحكماء وقالوا خلّونا نحتكم لرجل من المعمرين،
يعني عمره طويل بقاله عايش في الدنيا سنين طويلة ،
وقعدوا يحلفوا وياخدوا العهود من بعض إن إللي هيحكم به الرجل المُعَمر ده هو إللي هيمشي على الكل ومحدش يعترض👌
راح قصي بن كلاب وقادة خزاعة للمُعمر، وقصي بن كلاب قعد يقول له ده ملك آبائي ،
إسماعيل جدي وهو أول من سكن مكة وزمزم اتحفرت له وخزاعة دول مغتصبين،
ومحدش من خزاعة قادر يفتح بؤه ..هيقولوا إيه🤷‍♀️
فالرجل المعمر ده حكم بكل شيء لقصي بن كلاب👌
وبقى هو حاكم مكة وكان كريم جدا مع الناس،
وبنى لهم حاجة زي قاعة اجتماعات كده وسماها :
《دار الندوة》
أي قرار مهم بيجتمعوا وبيقرروا في الدار دي سواء قرار حرب أو مشاورة أو حتى زواج ، زي ما هنشوف بعدين إيه القرار إللي قريش أخذته بعدين في الدار دي👌

بعد ما كبر قصي بن كلاب في السن شاف إن أبناؤه كلهم عندهم شرف ومكانة بين الناس إلا ابن واحد بس اسمه عبد الدار،
فكتب له قصي بن كلاب كل حاجة لها علاقة بالشرف،
يعني هو إللي هيكون مسؤول عن سقاية الحجيج، ومسؤول عن دار الندوة وكل حاجة خاصة بالشرف،

فلما مات قصي بن كلاب أبناؤه اتخانقوا ،عايزين يأخذوا إللي عند عبد الدار وكان هيحصل بينهم قتال،
هو خلاص اتحقق له المطلوب وبقى له شرف ومكانة بين الناس 💁‍♀️


المهم اتفقوا إنهم يوزعوا الحاجات دي بينهم،
يعني عبد الدار وأبناؤه يكونوا مسؤولين عن سِدانة الكعبة يعني يبكونوا مسؤولين عن الكعبة يقفلوها ويفتحوها ويغسلوها ويغيروا كسوتها ويستقبلوا زوراها وهكذا 😉

وعبد مناف وأبناؤه مسؤولين عن سقاية الحجاج،
وكانوا بيسقوا الحجاج من خارج مكة لأن زمزم كانت اندفنت خلاص زي ما قلنا قبل كده👌

عبد مناف ده كان من أبناؤه واحد اسمه هاشم وواحد اسمه المُطلب،
هاشم تزوج من واحدة من خارج مكة وكان له ولد اسمه شيبة وكان عايش مع أمه خارج مكة،
فلما مات أبوه هاشم جاء عمه المُطلب وطلب إنه يأخذه عشان يعيش مع أعمامه في مكة،
فلما وصلوا مكة الناس ظنت إن المُطلب اشترى عَبد فقالوا 《عبد المطلب》
فقال لهم لأ ..ده ابن أخويا ..فاشتهر شيبة بين الناس بعبد المطلب إللي بنتكلم عنه دلوقتي وإللي هو مسؤول عن سقاية الحجاج😊
فهو اسمه عبد المطلب بن هاشم بن عبد مناف بن قُصي بن كلاب بن فِهر إللي هو قريش وبينتهي نسبه إلى إسماعيل عليه السلام 😉

في يوم من الأيام كان عبد المطلب نائم فسمع حد بيقول له في الحلم احفر طيبة،
فعبد المطلب قال : وما طيبة😮 ..محدش رد😕
ثاني يوم وهو نايم سمع حد بينادي عليه وبيقول له : احفر برّة ، فقال عبد المطلب : وإيه برّة دي 🤨
فراح الصوت 😕
ثالث يوم جاله نفس المنادي وقال له : احفر المضنونة فقال : وهي إيه المضنونة 😥...فراح الصوت برده🤔
اليوم الرابع وهو نايم سمع برده حد بينادي عليه وبيقول :
احفر زمزم👌
فقال وما زمزم 😮
فالمنادي رد عليه المرة دي وقال:
"لا تنزف أبدا ولاتَزم ..تسقي الحجيج الأعظم وهي بين الفرث والدم عند نقرة الغراب الأعصم عند قرية النمل"

لا تنزف يعني مش بتخلص أبدا مهما الناس شربوا منها،
ولا تَزم يعني مفيهاش عيب 👌

فلما صِحي عبد المطلب من النوم أخذ ابنه الوحيد وكان اسمه الحارث وراحوا عند الكعبة يدوّروا على المكان إللي بين الفرث والدم ،
وصل عبد المطلب

عند الكعبة ومعاه الفأس والناس من قريش بيبصوا عليه مستغربين بيعمل إيه ده بالفأس🤨
وبدأ عبد المطلب يدور على العلامات إللي سمعها في الرؤيا،

فشاف ناس بيذبحوا بقرة عند حجر اسمه إساف كان كفار قريش بيعبدوه وبيذبحوا عنده الذبائح للآلهة بتاعتهم،
فنزل الدم من البقرة فقامت تجري لحد ما وقعت عند الجر الثاني وهو صنم اسمه نائلة،
فالناس كملوا ذبح البقرة وشقوا بطنها وطلعوا الفرث إللي هو الأمعاء والحاجات إللي بتكون في البطن،

☆بالمناسبة إساف ونائلة دول كانوا أصلا بشر وكانوا من أهل اليمن وكانوا بيحبوا بعض،
فتقدم إساف لخطبة نائلة فأبوها رفض، فاتفقوا هم الإثنين إنهم يتقابلوا في موسم الحج،
فلما اتقابلوا وفي غفلة من الناس زنى إساف بنائلة عند الكعبة فمسخهم الله حجرين ، فالناس أخذت الحجر ووضعوا واحد على الصفا والثاني على المروة عشان الناس تعتبر،
فلما جاء عمرو بن لُحي نزل الحجرين وأمر الناس يعبدوهم 😑
ومع الوقت الناس نسيت قصتهم وبقوا آلهة تُعبد ومبقاش حد عارف قصتهم إلا القليل👌

المهم عبد المطلب شاف الفرث والدم.. بس واقف محتار ..صعب يحفر المكان ده كله😕
فوهو واقف لقى غراب أعصم جاء ونقر بمنقاره في مكان معين بين الفرث والدم، وكان موجود في المكان ده قرية النمل،
والغراب الأعصم هو الغراب إللي رجله ومنقاره لونهم أحمر وفي ريشة واحدة بيضاء على ريش جناحه الأسود،
فعرف عبد المطلب إن هو ده المكان المقصود فمسك الفأس وبدأ يحفر زمزم،
فأهل مكة قاموا عليه...إنت بتحفر عند المكان إللي بنذبح عنده الذبائح للآلهة😳
فقال لابنه الحارث ابعدهم عني لحد ما أخلص،
فقعد يحفر والناس بتحاول توقفه لحد ما لقى بداية المية بتطلع فقال : الله أكبر ، فالناس قالوا أكيد لقى إللي بيدور عليه،
فلما شافوا المية عرفوا إنها زمزم وقالوا إحنا هنشاركك فيها دي مية جدنا إسماعيل،
فقال لهم : تشاركوني إزاي وأنا إللي مكتشفها أصلا😕
فقالوا خلاص نحتكم للكاهنة ،
فخرجوا للكاهنة وكانت في بلد تانية وهم ماشيين في الصحراء المية خلصت منهم وكانوا خلاص هيموتوا،
فناقة عبد المطلب ضربت برجلها الأرض فخرج زي نبع ماء كده،
فنادى على أصحابه عشان يشربوا معاه فقالوا:
والله إللي سقاك المية دي في الصحراء هو إللي أعطاك زمزم ،
خلاص زمزم لك ، ورجعوا تاني لمكة وبقى عبد المطلب هو إللي بيسقي الحجيج من زمزم👌

بعد حادثة زمزم عبد المطلب مكنش عنده أبناء غير الحارث ولما كان بيحفر زمزم مكنش في حد بيدافع عنه غير الحارث،
فنذر عبد المطلب نذر ..قال:
لو ربنا رزقني عشرة من الولد هذبح واحد فيهم قربة لله،
ففعلا ربنا رزقه بعشرة من الولد منهم:
العباس، حمزة، عبد مناف وكان يلقب بأبو طالب، وعبد العُزى وكان لقبه أبو لهب، وأخيرا عبد الله وكان أصغرهم.

لما اكتمل العشرة أبناء راح عند الكعبة وكتب اسماؤهم على عصيان كده عشان يختار واحد منهم، وكان بيقول لو طلع سهم أي حد غير عبد الله فأنا معنديش مشكلة، لأنه كان أحب أبناؤه له،
فلما اختاروا من العصيان طلع اسم عبد الله🙊
فعبد المطلب معندوش حل تاني لازم يوفي بنذره، فأخذ عبد الله ولسه هيذبحه الناس وقفته ،
فقال لهم لازم أوفي بنذري😤
فقالوا له : خلينا نسأل الكهنة فراحوا للكهنة وسألوهم نعمل إيه؟
فالكهنة قالوا:
اكتبوا اسم عبد الله على عصا وده يكون سهم عبد الله وخلوا قصاده سهم عشرة من الإبل،
وكل ما يطلع سهم عبد الله زيدوا في الإبل لحد ما يطلع سهم الإبل،
فبقوا كل ما يطلع سهم عبد الله يزيدوا الإبل لحد ما وصل عدد الإبل لمائة ناقة وذبحوها فداء لعبد الله بن عبد المطلب،

تزوج عبد الله من امرأة اسمها آمنة بنت وهب وكان وهب من بني عبد مناف من ذرية إسماعيل عليه السلام،
وأم آمنة كانت من يثرب فكانت آمنة بتعيش عند إخواتها في يثرب،
فعبد الله تزوج آمنة في يثرب وبعدين رجعوا كلهم لمكة، وحملت آمنة بطفل وبعد كم شهر من الحمل...مات زوجها عبد الله🙊
يعني الطفل حفيد عبد المطلب إللي هيتولد ..هيتولد يتيم 😢
كانت آمنة بنت وهب بتقول: إنها محستش بحمل خالص، حملها كان خفيف ومكنش فيه أي تعب،
وشافت آمنة رؤيا قبل ما تولد ، شافت إنها هتولد ولد وهيخرج معاه نور يملأ الارض لحد ما يضيء قصور الشام👌
《الكلام ده في حديث صحيح》

وجاء وقت الولادة... في يوم الإثنين اثنا عشر من ربيع الأول على أرجح الأقوال من عام الفيل ولدت آمنة ولد،
ومع خروجه.. الأوضة إللي كانت فيها اتملت نور وإللي حضروا الولادة كلهم شافوا النور ده وبقوا يحكوا للناس عن النور إللي شافوه،
عبد المطلب سمّى الطفل 《محمد》والإسم ده مكنش حد بيسميه قبل كده أبدا لحد وقت قريب جدا قبل ولادة محمد حفيد عبد المطلب ،
كان أهل الكتاب بيقولوا إن في نبي هيخرج قريب والزمن ده زمان نبي وهو اسمه محمد ،
فسمع الكلام كذا واحد فكل واحد منهم سمى أول مولود له محمد لعله يكون هو المقصود،
وكان من إللي سمعوا الكلام ده عبد المطلب،
فلما اتولد له حفيده سماه محمد على أمل إنه يكون هو النبي المذكور،
وكمان عبد المطلب لما أهل قريش سألوه إنت سميته إيه قال لهم محمد فاستغربوا الإسم وقالوا له:
ليه سميته اسم مختلف مكنش موجود في أسماء أحد من أبائك أو اجدادك🤔
فقال لهم:

أنا أرجو إن أهل الأرض كلهم يحمدوه👌
ففي اليوم السابع من ولادة 《محمد》 ذبح عبد المطلب الذبائح له،
وختنه على عادة العرب في ختان أبنائهم، فهو لم يُولد مختون على أرجح الأقوال،

ومن الأحداث إللي حصلت يوم مولده إن حسان بن ثابت الشاعر المعروف كان في المدينة في الوقت ده وكان عمره سبع سنين فسمع واحد من أحبار اليهود بينادي:
ياااا معشر يهووود ...فاليهود إللي كانوا في المدينة قالوا فيه إيه مالك🤨
فقال لهم: ظهر نجم أحمد إللي مش بيظهر إلا لو خرج😲

ونجم أحمد ده ..نجم مختلف عن باقي النجوم له صفات معينة كان اليهود والنصارى يعرفوها مش بيخرج إلا لما يتولد آخر نبي إللي اسمه أحمد👌

◇أما موضوع انطفاء نار المجوس يوم مولده وسقوط أربعة عشرة شرفة من قصر كسرى وسقوط الكنائس حول بحيرة ساوة بعد ما غارت جوة الأرض ومبقاش لها أثر ..فكل ده من الأحاديث الضعيفة أو الموضوعة 👌

وكانت حادثة الفيل من المعجزات إللي كانت بتمهد لولادة محمد صلى الله عليه وسلم،
فربنا حفظ مكة لأن فيها الكعبة وكمان عشان هيخرج منها نبي😉
فاكرين لما قلنا في قصة تُبع لما كان عايز يهدم الكعبة ،
أحبار اليهود إللي معاه قالوا له ربنا هيهلكك لأن ده بيت الله الوحيد على الأرض والبلد دي هيخرج منها نبي👌

أهه لما واحد حاول يهدم البيت ويخرب مكة ربنا أهلكه👌
وزي ما قلنا المرة إللي فاتت ربنا لما أهلك جيش أبرهة مكنش عشان قريش،
ولكن عشان يحفظ الكعبة ويحفظ البلد إللي هيخرج منها النبي👌
وخصوصا إن أهل مكة سابوا أبرهة يهدم البيت وخرجوا من مكة وهم أصلا المسؤولين عن الكعبة وحمايتها
زي ما شرحنا النهاردة،
ومأخذوش بالأسباب المطلوبة عشان يحموها، بعكس القبائل العربية الثانية،
إللي حاولوا محاولة ولو بسيطة إنهم يدافعوا عن الكعبة👌
زي بالضبط زي ما تحصل مشكلة في أي بلد إسلامي،
تلاقي الناس إللي في البلد مش في دماغهم ومش فارق معاهم،
وناس تانية عندها حمية ويحاولوا يعملوا أي حاجة يساعدوا بيها،
فطبعا النتيجة مش هتكون النتيجة المطلوبة، لأن مفيش الأخذ الحقيقي بالأسباب 👌
مجرد مجهودات متفرقة من هنا وهنا🤷‍♀️

إزاي نشأ الطفل محمد وهل حصل معاه معجزات خلال نشأته ولا كانت حياته عادية؟

ده إللي هنعرفه الجزء الجاي إن شاء الله😊

#السيرة_النبوية
#ايمان_شلبي

الدرس الخامس🌺🌺
#الإدغام👆👆

#تجويد