#قصص_الأنبياء
#الحلقة_الخمسون
#قصة_الأبرص_والأقرع_والأعمى

قصتنا النهاردة هي قصة الأعمى والأبْرص والأقْرع، حصلت القصة دي في بني إسرائيل في أي زمن بالتحديد أو إيه أسماء الثلاثة دول منعرفش🤷‍♂️
لكن رسول الله ﷺ حكالنا القصة دي للعبرة،
قال رسول الله ﷺ:
"إِنَّ ثَلَاثَةً في بَنِي إِسْرَائِيلَ أَبْرَصَ وَأَقْرَعَ وَأَعْمَى بَدَا لِلَّهِ أَنْ يَبْتَلِيَهُمْ.."
يعني كان في ثلاثة رجال من بني إسرائيل، واحد أعمى مش بيشوف، والتاني أبرص يعني عنده مرض البرص إللي هو بيكون أجزاء من الجسم لونها أبيض ومختلف عن باقي لون الجسم الطبيعي، ربنا يعافينا ويعافي كل مبتلى🤲
والتالت أقرع معندهوش شعر..
فربنا أراد إنه يبتليهم ويختبرهم...


الثلاثة دول لما كانوا في ابتلاء بالنّقَم يعني الشدائد كانوا خاضعين لله منكسرين،
فربنا أراد إنه يبتليهم بالنعم عشان يشوفوا نفسهم هيبقوا عاملين إزاي،
مع إن ربنا عالم باللي في قلوبهم لإن ربنا علام الغيوب وعليم بذات الصدور،
لكن زي ما قلنا كتير قبل كده، ربنا مش بيحاسبنا على سابق علمه فينا، لكن على أعمالنا الفعلية وإللي هي مش غيب بالنسبة له عزو جل أبدا، فبيبتلينا عشان نشوف الحاجات المستخبية جوة قلوبنا،
فينجو مننا إللي يُزكي نفسه ويعالج الأمور دي، ويَهلَك إللي يعمل نفسه مشفش حاجة ويكمل في الغفلة
فربنا عمل إيه معاهم 😊
قال رسول الله ﷺ: "فَبَعَثَ إِلَيْهِمْ مَلَكًا.."
يعني بعت لهم مَلك من الملائكة في صورة بشر عشان يسألهم أمنيتهم إيه؟
"فَأَتَى الْأَبْرَصَ فقال: أَيُّ شَيْءٍ أَحَبُّ إِلَيْكَ؟"
يعني المَلك راح للأبرص واتكلم معاه وبعدين سأله: نِفسَك في إيه، أو تتمنى إيه🤔
فالأبرص قال:
"لَوْنٌ حَسَنٌ وَجِلْدٌ حَسَنٌ، قد قَذِرَنِي الناس"
يعني أتمنى إن جلدي يكون حلو و لُوني يكون لون واحد مش لونين، وميكونش عندي إللي الناس بيبعدوا عني بسببه ده ويستغربوني 😔
"فَمَسَحَهُ فَذَهَبَ عنه، فَأُعْطِيَ لَوْنًا حَسَنًا وَجِلْدًا حَسَنًا"
يعني المَلَك مسح على جلد الرجل الأبرص فاختفى البَرص، والرجل أخد إللي هو عايزه من اللون والجلد الجميل..
وبعدين المَلك سأله: أَيُّ الْمَالِ أَحَبُّ إِلَيْكَ؟
يعني إيه أكتر أنواع الأموال إللي بتحبها🤔
فالراجل قال له: الْإِبِلُ، فالمَلك أعطاه نَاقَةً عُشَرَاءَ وقال له: يُبَارَكُ لك فيها.
يعني الملك إداله له ناقة حامل 🐪 ودعاله بالبركة👌 وبعدين سابه ومشي..
وراح المَلك للرجل الأقرع واتكلم معاه هو كمان وسأله تتمنى إيه؟
فالأقرع قال: نِفسي شعر راسي يرجع تاني؛ لإن الناس اشمأزوا منه ومن منظر راسي وشكلي😞

فالملَك مسح على رأس الأقرع فطلع فيها شَعر جميل،
ثم سأله برده عن أكثر الأموال إللي بيحبها فقال له: البقر ، فالملَك اداله بقرة حامل🐄 ودعا له بالبركة، وبعدين سابه ومشي..
وراح بعد كده للأعمى واتكلم معاه وسأله تتمنى إيه؟
فالأعمى قال له : نفسي ربنا يرجع لي بصري عشان أشوف الناس😔
فمسح الملك على عينه فبقى مُبصِر ، فسأله الملك هو كمان: بتحب إيه أكثر نوع من الأموال 🤔
فقال : الغنم ، فاداله شاة حامل 🐐 .. ودعا له بالبركة وبعدها سابه ومشي..

عدّت كم سنة والأبرص بقى عنده وادي من الإبل، والأقرع عنده وادي من البقر، والأعمي عنده وادي من الغنم.
تخيلوا معايا كده يعني إيه وادي
الوادي ده أرض منخفضة، حاجة كده زي الحوض الوااااسع، بيكون طوله آخر ما تجيب عينك من اليمين والشمال،
فكل واحد منهم بقى عنده أرض مليانة بالإبل أو البقر أو الغنم😮
وهنا جه وقت الإختبار👌
بعد كام سنة رجع لهم المَلَك تاني ..
الملك راح للرجل إللي كان أبرص في صورة رجل أبرص عشان يفكّره بنفسه زمان لو كان نِسي..
وقال له: "رَجُلٌ مِسْكِينٌ تَقَطَّعَتْ بِيَ الحِبَالُ في سَفَرِي فلا بَلَاغَ الْيَوْمَ إلا بِاللَّهِ ثُمَّ بِكَ،
أَسْأَلُكَ بِالَّذِي أَعْطَاكَ اللَّوْنَ الحَسَنَ وَالجِلْدَ الْحَسَنَ وَالمَالَ بَعِيرًا أَتَبَلَّغُ عليه في سَفَرِي😥
يعني بيقوله أنا عابر سبيل، مُسافر غريب ومش معايا أي مال أكمل بيه سفري، ولا أشتري أكل،
فمفيش حد يقدر يُعينني على سفري ده إلا الله ثم انت، فأسألك بالذي أعطاك الجلد الجميل واللون الجميل الذي أراه ، وأعطاك المال الكثير، إنك تديني ناقة واحدة أكمل بيها سفري،

☆واخدين بالكم المَلَك عمّال بيذكّر الرجل إزاي بإن ربنا غيّر له كل ده وعافاه وكمان رزقه الأموال، من غير ما يحسسه إنه عارف الماضي بتاعه👌
فالرجل إللي كان أبرص قال للملك المتخفي في هيئة مسافر فقير أبرص:
إِنَّ الحُقُوقَ كَثِيرَةٌ😒
يعني المسؤوليات إللي ورايا كبيرة... وأنا راجل عليّ ديون أد كده!
طيب الملك قال له إيه
قال له:كَأَنِّي أَعْرِفُكَ!! أَلَمْ تَكُنْ أَبْرَصَ يَقْذَرُكَ الناس فَقِيرًا فَأَعْطَاكَ الله!
يعني بيقوله أنا تقريبا عارفك🤔 مش انت إللي كنت أبرص وربنا أعطاك لون جميل وجلد جميل..؟ مش انت كنت فقير وربنا أغناك😏
فالرجل قال له :لقد وَرِثْتُ لِكَابِرٍ عن كَابِرٍ😤

يعني بيقوله انت بتقول إيه .. أنا ورثت المال عن أبائي وأجدادي.. إحنا عيلتنا كلهم أغنياء أصلا💁‍♂️

☆ده انت كذاب فعلا بقى... ومش بس كذاب.. ده انت جاحد لنعمة ربنا كمان🙄
وده للأسف بقى وضع غالب في الناس دلوقتي إللي ربنا بيكرمها ويفتح عليها بالنعم بعد الشدة والفقر، إلا من رحم الله..
وربنا بيقول عنهم :
"وَلَئِنْ أَذَقْنَاهُ رَحْمَةً مِّنَّا مِن بَعْدِ ضَرَّاءَ مَسَّتْهُ لَيَقُولَنَّ هَٰذَا لِي ". يعني أنا إللي عملت وأنا إللي تعبت وأنا إللي كسبت ده بشطارتي وأنا.. وأنا ..
طيب فين فضل ربنا في حياتك..؟ مفيش😑

فالمَلك قال له :"إن كُنْتَ كَاذِبًا فَصَيَّرَكَ الله إلى ما كُنْتَ"
يعني خلاص لو انت كنت كذاب فيارب ربنا يرجعك زي ماكنت 🤲
والملك سابه ومشي....
واتوجه للراجل التاني إللي كان أقرع،
دخل عليه الملك في صورة إنسان فقير وأقرع وقال له نفس الكلام إللي قاله للأبرص، قال:
أنا عابر سبيل .. مليش في الدنيا غير ربنا ثم إنت .. فاديني بقرة واحدة من كل دول، أكمل بيها سفري😥
نفس اللي عمله مع الأبرص بالضبط وقعد برده يعظم له من حجم النعمة في قلبه والعافية..
فالراجل قال له:
الحقوق كتيييرة... دانا عندي ديووون... مش هقدر أديك حاجة😒
فالملك قال له:
كإني أعرفك؟! مش إنت كنت أقرع وربنا رزقك بشعر جميل؟! وكنت فقير وربنا أغناك🙄؟!
فالرجل قال له بانفعال برده:
إزاااي تقول كده...!! ده أنا وارث المال من أبائي وأجدادي ..! أنا عمري ما كنت في يوم فقير 😏
فالملك قال له: لو كنت كاذب يارب ترجع زي ماكنت 👌

فاضل معانا في قصة التلاتة: الأعمى..
الملَك راح للراجل إللي كان أعمى، راحله برده في صورة بشر أعمى وقال له نفس الكلام :
أنا عابر سبيل.. ماعنديش حاجة .. ماليش غير ربنا ثم إنت.. فاديني غنمة واحدة من كل دول أكمّل بيها سفري😥

الأعمى قال له إيه بقااااا😁
قال: " قد كنت أَعْمَى فَرَدَّ الله بَصَرِي، وَفَقِيرًا فَقَدْ أَغْنَانِي فَخُذْ ما شِئْتَ فَوَاللَّهِ لا أَجْهَدُكَ الْيَوْمَ بِشَيْءٍ أَخَذْتَهُ لِلَّهِ"
يعني بيقوله :عارف.. أنا كنت أعمى زيك.. وربنا رد عليّ بصري وعافاني..
وهو إللي أغناني بكل إللي انت شايفه ده بعد ما كنت في يوم من الأيام معنديش أي حاجة زيك كده... فخد إللي انت عايزه من كل ده وسيب إللي انت مش عايزه بس..
فوالله أنا مش هراجعك في أي حاجة تاخذها👌
فالمَلَك قال له:
"أَمْسِكْ مَالَكَ فَإِنَّمَا ابْتُلِيتُمْ فَقَدْ رضي الله عَنْكَ وَسَخِطَ على صَاحِبَيْكَ"
يعني خلي لك مالك كله ليك.. ربنا يبارك لك فيه..
ده كان اختبار من ربك، وانت نجحت فيه، وربنا راضي عنك، وسخط وغضب على صاحبيك: الأقرع والأبرص👌

☆وهنا ييجي سؤال:
إيه إللي خلى الأقرع والأبرص يسقطوا في الإبتلاء والأعمى هو إللي ينجح🤔

باختصار من أعظم لذات الدنيا كلها هي 《النظر》 👌 يعني يكاد يكون النظر يكون هو البوابة لكل الملذات الدنيوية،
عشان كده ربنا بيقول في حديث قدسي :
"إِذَا ابْتَلَيْتُ عَبدِي بحبيبتَيْهِ –يعني عينيه- فَصبَرَ، عَوَّضْتُهُ مِنْهُمَا الْجنَّةَ"
فلما الإنسان يكون طول عمره عينه مقفولة عن الشهوات والمحرمات وفضول النظر .. قلبه هيكون عامل إزاي👌
خلينا نشوف فوائد غض البصر:
◇القلب هيكون كله تقوى وخشية من الله،
◇ القلب هيكون فيه يقين ومحبة لله، ده غير البصيرة والفِراسة إللي ربنا هيرزقه بها ،
وبكده الإنسان يقدر يفرق بين الحق والباطل ويفرق بين الشخص الصادق أو الكاذب ويعرف يطلّع الشخص المخادع😈
قال الله تعالى:
"وَلا تَمُدَّنَّ عَيْنَيْكَ إِلَى مَا مَتَّعْنَا بِهِ أَزْوَاجًا مِنْهُمْ زَهْرَةَ الْحَيَاةِ الدُّنْيَا لِنَفْتِنَهُمْ فِيهِ وَرِزْقُ رَبِّكَ خَيْرٌ وَأَبْقَى"
فلما كان قلب الأعمى متحقق فيه الكلام ده👆 ومتربي من زمان على عدم تعلق نظره بزخارف الدنيا، كان طبيعي جدا إنه ينجح في الإختبار 😊
فكان ابتلاؤه بالعمى، رحمة عظيمة له وأجمل رزق، من حيث لا يدري👌

◇كلمة أخيرة،
لو أخذتم بالكم احنا كل يوم بنتعرض للإبتلاء بتاع الأبرص والأقرع والأعمى واحنا مش واخدين بالنا 👌..

لكن السؤال بقى إيه هو رد فعلنا على الاختبار ؟
هل زي الأقرع والأبرص والعياذ بالله ؟
ولّا زي الأعمى😊



#Eman_Shalapy

هل نحن كذلك ؟ يااااارب 💔

⚠️محرمات منتشرة ... تبعدنا عن الجنة⚠️
📌8- طلب المرأة الطلاق من زوجها لغير سبب شرعي:

طلقني
طلقني
طلقني

لو راجل طلقني 👺

وطبعا الزوج توجعه كرامته
والنتيجة في لحظة غضب
انتي طالق 😡

وبعد كده تعيط 😭 وتقول يا مفتري تطلقني بعد العشرة دي كلها

على فكرة انتي اللي قولتيله طلقني 🙂
ومخلية طلب الطلاق كلمة زي اللبانة في فمك😠
على أتفه حاجة ولأي سبب جري تطلبي الطلاق

البيت هيتهد ! 😱
وماله

الولاد هتتشرد !😳
مش مشكلة

المشكلة هايفة !😥
بناقص أنا بشتغل وأعرف أصرف على نفسي ومش محتاجة ليه

وعلى فكرة قريبتك ولا جارتك ولا صحبتك اللي زنت على دماغك مش هتنفعك بحاجة وهتندمي وقت لا ينفع الندم 🤐

📢وعلشان كده الاسلام حرم طلب الطلاق من غير سبب حقيقي

🌴فعن ثوبان رضي الله عنه مرفوعا: " أيما امرأة سألت زوجها الطلاق من غير ما بأس فحرام عليها رائحة الجنة " رواه أحمد

🌴وعن عقبة بن عامر رضي الله عنه مرفوعا: " إن المختلعات والمنتزعات هن المنافقات " رواه الطبراني في الكبير وهو في صحيح الجامع .

👈أما لو قام سبب شرعي كترك الصلاة أو تعاطي المسكرات والمخدرات
أو أنه يجبرها على أمر محرم أو يظلمها بتعذيبها أو بمنعها من حقوقها الشرعية مثلا
ولم ينفع النصح ولم تجد محاولات الإصلاح
فلا يكون على المرأة حينئذ من بأس إن هي طلبت الطلاق لتنجو بدينها ونفسها.

للأسف كثير من البيوت اتهدمت وأبناء اتشردت علشان أمور تافهة 😞

ومفيش بيت من غير مشاكل
لكن المهم 💡 نتعامل مع المشاكل دي إزاي ونحاول نحلها

وتتعدد الأسباب والطلب واحد في كثير من البيوت

♨️الطلااااااااااااااااااااق

اصله جه من الشغل متعصب وبكلمه راح شخط فيا 😤

ازاي أطلب منه مبلغ علشان اجيب هدية لفلانة ومرضاش 😖

كان وعدني نروح مصيف وبعدين رجع في كلامه ولما اتخانقت معاه نزل يتفسح مع أصحابه وسابني اغلي😡

اصله ضربني 😭
طيب ضربك ليه ؟؟؟

علشان شتمت والدته 😅

لا غلطان فعلا كان المفروض يسقف لك 👏

عارفين المشكلة فين ؟🤔

💥المشكلة إننا بعدنا عن ربنا
💥المشكلة إننا بتعامل على إننا أعداء مش أزواج

كله باصص على حقوقه وناسي واجباته😫

أو بنركز على ردة الفعل وننسى الفعل نفسه ☹️

أو بيشوف رغباته وبس لكن رغبات وظروف الطرف اللي قدامه مش في باله 😔

أو حاسس إن الحياة الزوجية مجرد كلمتين حلوين وفسح وسهر وعند اي مواجهة للحقيقة نهرب جري 🏃

ربنا يصلح حالنا جميعا

〰🌸🍃〰🌸🍃〰

قناة 🌷همسات الأوابين

.

[ كيف يصبح نومك عبادة ..]

وفي الترمذي عن أبي أمامة
رضي الله عنه أنه قال:
  سمعت رسول الله :
صلى الله عليه وسلم يقول:
(من أوى إلى فراشه طاهرا، وذكر الله حتى يدركه النعاس: لم ينقلب ساعة من ليل يسأل الله تعالى فيها خيرا من خيري الدنيا والآخرة إلا أعطاه  ايّاه)
حديث حسن.

قال العلامة الشيخ #عبد_الرزاق_البدر
-حفظه الله تعالى -:

• هذا أصبح نومه عبادة، يعني ينام طاهرا وذاكرا لله -سبحانه وتعالى- ومفوضا أمره إلى الله، ويسأل الله -عز وجل- أن يرحمه ان أماته، وأن يحفظه ان أحياه، فيصبح نومه عبادة، ومعونة له بإذن الله -سبحانه وتعالى- على الخير

• فإذا تقلّب في أيِّ ساعة من الليل يسأل الله فيها من خيري الدنيا والآخرة إلاّ أعطاه، أيْ:
إذا كانت هذه حاله فهو مستجاب الدعوة، ينام طاهرا، وينام ذاكرا لله -سبحانه وتعالى- هذا مستجاب الدعوة .

شرح #الوابل_الصيب (-21-).

•••━════✿═════━•••  

  #رابط_المقطع_الصوتي:

📍  لقراءة أذكار النوم عبر الرابط :
http://ow.ly/laOZ50uEWkS
.

لا بد ما ندرك أننا نتعامل مع الله في العبادات، ونقدر أن الله أمرنا بها، ونتقنها قدر المستطاع.


#أحمد_العربي

(لنختم القرآن سماعا)

الورد (١٤٠)

(الربع الرابع & الحزب الخامس والثلاثين)

#القارئ: بيشةوا قادر الكردي
#ليدبروا على التليجرام
https://www.tg-me.com/GhRoooh/11845

إن لم ترغب بتحميل الملف الصوتي:
فتابعه مباشرة(مكتوبا) على اليوتيوب👇🏻

https://youtu.be/qO5F0M2SkL0?si=-kYCM0EU6GfWkC1w

#صباحكم_قرآنٌ_يُتلى

#قصص_الأنبياء
#الحلقة_الواحدة_والخمسون
#قصة_آل_عمران
#مريم_زكريا_الجزء_الأول

كنا واقفين قبل ما نبدأ قصص القرآن عند بني إسرائيل لما كانوا عايشين في بيت المقدس تحت الحكم الفارسي وبعدين تحت الحكم الإغريقي وبعدين تحت الحكم الروماني،
وقلنا إن في حاكم روماني اسمه هِيرُودِس هو إللي كان بيحكم فلسطين،
والحاكم ده دخل اليهودية ولكنه كان ظالم وفاسد والكل كان بيكرهه حتى اليهود وقلنا إنه جدّد المسجد الأقصى ووسعه،
ده كان حال الوضع في فلسطين بصفة عامة، ندخل بقى للوضع في بني إسرائيل بصفة خاصة،
بني إسرائيل إللي كانوا عايشين في فلسطين في الوقت ده كانوا من نسل يهوذا ..إللي كان فيه نسل ملوك بني إسرائيل،
واحنا عارفين إن المُلك والنبوة اتجمعوا سوا تاني مع بعض لداوود وسليمان عليهما السلام💁‍♂️
فبني إسرائيل الموجودين تحت الحكم الروماني في فلسطين هم من ذرية داود وسليمان عليهما السلام👌
كان في بني إسرائيل أهل بيت صالحين من العُبّاد، وكانوا من نسل سليمان عليه السلام،
أهل البيت ده كان معروف بين بني إسرائيل بالتقوى والصلاح وكثرة العبادة وكان اسمهم :《آل عمران》
"إِنَّ اللَّهَ اصْطَفَى آدَمَ وَنُوحًا وَآلَ إِبْرَاهِيمَ وَآلَ عِمْرَانَ عَلَى الْعَالَمِينَ"
الأب اسمه عمران وكان كبير الأحْبار من اليهود يعني كبير العلماء، وكان الأحبار في بني إسرائيل بيرجعوا له في كل شيء، وزوجته كان اسمها حَنّة،
وكان لها أخت اسمها أَشْيَاع وزوجها اسمه زكريا،
المهم في يوم من الأيام حَنة زوجة عمران شافت عصفورة بتأَكّل عيالها الصغيرين في العِش، فتحركت عاطفة الأمومة وبقى نفسها في طفل وكانت ساعتها كبيرة في السن،


فده إللي حصل مع حَنّة زوجة عمران، اشتاقت للأطفال فدعت ربنا إنه يرزقها بطفل،
ونذرت إن إللي في بطنها ده هيكون لله، يعني عابد لله عشان ينصر الدين،
وكان موضوع نذر الأولاد للعبادة ده في بيت المقدس مشهور عندهم،
وتمّنت إن الطفل ده يكون ذكر عشان الذكر مختلف عن الأنثى في العبادة؛ لأن الأنثى بيجيلها وقت وتنقطع عن العبادة بسبب الحيض بعكس الذكر، ده غير قوة تحمل الذكر لأعباء الدعوة إلى الله،
"إِذْ قَالَتِ امْرَأَةُ عِمْرَانَ رَبِّ إِنِّي نَذَرْتُ لَكَ مَا فِي بَطْنِي مُحَرَّرًا فَتَقَبَّلْ مِنِّي إِنَّكَ أَنتَ السَّمِيعُ الْعَلِيمُ"

وفعلا حملت زوجة عمران لكن لما ولدت كان المولود أنثى
فقالت يارب دي طلعت بنت
والولد مش زي البنت في العبادة😔
"فَلَمَّا وَضَعَتْهَا قَالَتْ رَبِّ إِنِّي وَضَعْتُهَا أُنثَى وَاللَّهُ أَعْلَمُ بِمَا وَضَعَتْ وَلَيْسَ الذَّكَرُ كَالأُنثَى "

☆طبعا ربنا يعلم إنها بنت وحَنة عارفة إن ربنا يعلم إنها بنت بس بتقول كده من باب مناجاة ربنا،
يعني بتكلم ربنا و بتعبّر عن استغرابها وإن أمنيتها متحققتش مع إن نيتها كانت حلوة وربنا أعطاها عكس ماهي عايزة😕

شوفوا بقى بالرغم من إن المولود طلع بنت مش ولد ..حنة زوجة عمران مقلتش خلاص يارب أهه إنت إللي قدّرت كده ..هعمل إيه يعني،
فخلاص هرجع في النّذر بتاعي لأن مش ده إللي كنت مخططة له، وخلاص وهخلي البنت معايا وهستنى لما ترزقني بولد بقى 🤷‍♂️
لأ، دي صممّت إنها تكمّل في القرار إللي أخذته وتستغل النعمة المُتاحة إللي ربنا أعطاها لها عشان تحقق نيتها الحلوة برده👌
المهم....حَنّة زوجة عمران سمت البنت مريم، ومريم معناها العابدة،
يعني كأنها بتقول لربنا:
يارب ولد ولّا بنت خلاص إللي انت رزقتني بيه هستغله ومش هضيعه
ودعت ربنا إنه يعصمها من الشيطان هي وذريتها🤲
"وَإِنِّي سَمَّيْتُهَا مَرْيَمَ وَإِنِّي أُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ"
ودي صفات الإنسان الصادق في عبادته لربنا المُستسلم لقدر الله إللي مش بيتبع هواه..نشتغل بالموجود إللي ربنا أعطاه لنا 👌

خلّونا نشوف بقى كان إيه نتيجة استسلام حنّة زوجة عمران
لقضاء الله واستغلالها للمُتاح إللي ربنا وهبهولها 👌

◇أولا:
ربنا تقبل منها النذر بتاعها ، وكمان أنبت مريم نباتا حسنا ومُبارك فيه.. فكانت بتكبر في اليوم الواحد إللي كان بيكبره باقي الأطفال في سنة.. وجعل شكلها جميل ومنظرها مُبهج وقرة عين للي يشوفها،
"فَتَقَبَّلَهَا رَبُّهَا بِقَبُولٍ حَسَنٍ وَأَنبَتَهَا نَبَاتًا حَسَنًا"

◇ثانيا:
كِبار العلماء تنافسوا على كفالتها، يعني بقوا يتجادلوا ويتنازعوا مين إللي ياخد باله منها ويراعيها،
لأن بعد سنتين الرضاع حَنة أم مريم أخدتها للأحبار في بيت المقدس عشان تقعد هناك وتنقطع للعبادة وكان في الوقت ده أبوها عمران مات، فتنافس الأحبار على كفالة مريم،
وكان من ضمن العلماء دول نبي من الأنبياء اسمه زكريا،
وكان زكريا عليه السلام نبي بني إسرائيل في الزمن ده،
يعني مش بس العلماء إللي كانوا عايزين يكفلوا مريم، ده كمان نبي عايز يكفل مريم بنت عمران،
لكن الأحبار كانوا رافضين،
فقال لهم زكريا عليه السلام إن هو إللي هيكفلها لأنه زوج خالتها
فباقي الأحبار أعترضوا وقالوا لأ ..احنا نكفلها ..

فعشان يطلعوا من الخلاف قالوا خلونا نعمل قرعة ..نرمي أقلامنا في الماء،
وإللي قلمه يمشي عكس التيار هو إللي يكفل مريم،
فلما رموا أقلامهم كان قلم زكريا عليه السلام هو إللي مشي عكس التيار فهو إللي تكفّل برعاية مريم،
يعني هو إللي هيكون مسؤول عن تربيتها وتعليمها الدين والمسؤول عن رعياتها،
"وَمَا كُنتَ لَدَيْهِمْ إِذْ يُلْقُون أَقْلامَهُمْ أَيُّهُمْ يَكْفُلُ مَرْيَمَ وَمَا كُنتَ لَدَيْهِمْ إِذْ يَخْتَصِمُونَ"

كان زكريا عليه السلام بيعلم مريم الدين فكانت مريم بتتعبد في بيت المقدس في حتة في المسجد اسمها المحراب، والمحراب في لغة العرب يعني الجزء المبني المرتفع في المسجد، عارفين زي الصندرة بتاعة زمااان كده🤔
فالجزء إللي فوق ده المنعزل عن الناس كانوا بيناموا ويتعبدوا فيه وبيسموه المحراب👌
فكان المحراب ده موجود في البيوت القديمة أوي وبعدين لما الناس نسيت إن ده محراب ومعمول للصلاة سموه صندرة وبقوا يخزنوا فيها الحاجات القديمة 😅

المهم يعني مريم كانت بتتعبد في المكان ده وكانت معروفة بين الناس بعبادتها وتضرعها وقنوتها وخشوعها لله على الرغم من سنها الصغير👌
وكانت لها كرامات، والكرامة زي المعجزة بتاعة الأنبياء والرسل،
يعني حاجة خارقة للعادة ربنا بيجعلها على إيد بعض عباده الصالحين فالناس تعرف إنهم أهل خير وصلاح وتأييد من ربنا عز وجل، فهي للأنبياء والمرسلين اسمها معجزة أو آية، ولغير الأنبياء من أولياء الله الصالحين اسمها كرامة،
من الكرامات إللي ربنا وهبهالها، إن كان عندها فاكهة الصيف في وقت الشتاء وفاكهة الشتاء في وقت الصيف!

وكان زكريا عليه السلام كل ما يدخل عليها في المحرب عشان يطمن عليها يلاقي عندها الفاكهة دي فيستغرب،
ويسألها يامريم الفاكهة دي بتيجي منين 😮
"كُلَّمَا دَخَلَ عَلَيْهَا زَكَرِيَّا الْمِحْرَابَ وَجَدَ عِندَهَا رِزْقًا قَالَ يَا مَرْيَمُ أَنَّى لَكِ هَذَا"
فكانت مريم عليها السلام بتقول له :
من عند ربنا، هو في حد بيرزق عباده غيره 👌
"قَالَتْ هُوَ مِنْ عِندِ اللَّهِ إِنَّ اللَّهَ يَرْزُقُ مَن يَشَاء بِغَيْرِ حِسَابٍ"

☆خدوا بالكم إن ربنا بيهيأ مريم نفسيا بالكرامات دي عشان
تطمن على نفسها ؛ لأن في أمر عظيم هيحصل في حياتها بعدين ويعتبر هزة جامدة لأي واحدة قانتة وتقية زيها،
فلما مِن وهي صغيرة تتعود إنها تشوف الكرامات دي وتتعلم إن ربنا على كل شيء قدير وإن دي علامات لقبول طاعاتها وصلاحها وعاجل بُشرى ليها من ربنا بالخير والرضا؛
هتقدر تتقبل وتواجه الأحداث إللي هتحصل بعدين👌


◇طب إيه بقى إللي هيحصل مع مريم رضي الله عنها
مش لما نعرف الأول إللي حصل مع زكريا عليه السلام 😁 لإن إللي حصل مع زكريا عليه السلام كان من ضمن التهيئة إللي ربنا عز وجل بيهأ مريم ليها نفسيا👌

كان زكريا عليه السلام نبي بني إسرائيل في الزمن ده زي ما قلنا، وهو من ذرية سليمان عليه السلام،
وقلنا إنه كان متزوج من خالة مريم أشياع.. وكان زكريا بيشتغل نجار، وكان كبير في السن كان عمره حوالي تسعة وتسعين سنة،
وكانت زوجته عمرها ثمانية وتسعين سنة، ومكنش عنده أولاد..
فلما دخل على مريم وشاف عندها الفاكهة والرزق الواسع العجيب ده، وسألها وقالت ده من عند ربنا اللي بيرزق من يشاء بغير حساب؛
كإن مريم بجوابها ده نبّهت زكريا عليه السلام لمعنى عظيم ، وهو إن إللي بيرزق مريم في محرابها بالرزق العجيب وإللي بدون أي أسباب دنيوية، قادر إنه يرزقني الولد وأنا كبير في السن كده..
وقع المعنى في قلبه عليه السلام وكإنه أول مرة يلمس المعنى ده بإيده بشكل قريب ومباشر،
يعني كإنه حدث نفسه وقال لها:
يعني ربنا رزق الطفلة الصغيرة دي بأعاجيب الرزق بفضل منه وبدون ماهي تدعي أو تطلب،
أومال أنا بقى لو دعيت ربنا هيحصل إيه😮
فعلى طول دعا زكريا عليه السلام ربنا باللي بيتمناه وكان فقد فيه الأمل بسبب انقطاع أسبابه الدنيوية عنه👌

يا ترى زكريا دعا بإيه، وهل لما دعى، ربنا استجاب دعاؤه ولّا لأ؟
ده إللي هنعرفه الجزء الجاي إن شاء الله😊


#Eman_Shalapy

«‏مَن أرّاد الإِسرَاع فِي السَير إلى ﷲ فعّليه بكَثرة الذِكر»

د. أحمد عَبد المنعم

فريق👈🏻أنتِ ملكة👑

⚠️محرمات منتشرة ... تبعدنا عن الجنة⚠️
📌9- مصافحة الرجل الأجنبي:

من الأمور اللي طغت فيها العادات الاجتماعية على شرع ربنا
ولو حد اتكلم وقال حرام يبقى رجعي ومعقد ونيته مش كويسة وعايز يقطع الرحم 😳
👈السلام على غير المحارم

وأصبح مصافحة ابن العم وابن العمة وابن الخال وابن الخالة وزوج الأخت وزوج العمة وزوج الخالة أسهل في مجتمعنا من شرب المية 😫

يمكن مش عارفين خطورة اللي بيعملوه😥

تعالو نشوف الرسول صلى الله عليه وسلم قال ايه !

🌴قال المصطفى صلى الله عليه وسلم " لأن يطعن في رأس أحدكم بمخيط من حديد خير له من أن يمس امرأة لا تحل له " رواه الطبراني وهو في صحيح الجامع .

🌴والسلام من زنا اليد كما قال صلى الله عليه وسلم " العينان تزنيان واليدان تزنيان والرجلان تزنيان والفرج يزني " رواه الإمام أحمد وهو في صحيح الجامع ،

هتقولوا نيتنا كويسة وقلبنا طاهر 😇

طيب هل هناك أطهر قلبا من محمد صلى الله عليه وسلم 🙂 ومع ذلك قال 👈" إني لا أصافح النساء" رواه الإمام أحمد

✍وقال أيضا " إني لا أمس أيدي النساء" رواه الطبراني

🌴وعن عائشة رضي الله عنها قالت: ولا والله ما مست يد رسول الله صلى الله عليه وسلم يد امرأة قط غير أنه يبايعهن بالكلام .

هتقولي احراج وبعدين هكسفه 😊

📢الحلال والحرام مفيش فيه إحراج ولا كسوف

❌لا يجوز للمسلم أن يجامل حد على حساب دينه

❌فلا تصافح المرأة أجنبيا عنها بدعوى عدم الإحراج

🌴عن عائشة ـ رضي الله عنها ـ قالت سمعت رسول الله صلى الله عليه وسلم يقول: من التمس رضاء الله بسخط الناس كفاه الله مؤنة الناس، ومن التمس رضاء الناس بسخط الله وكله الله إلى الناس.

داخلة في مكان فيه رجال ونساء وخايفة من الاحراج
تقولي السلام عليكم ورحمة الله وبركاته ومتسلميش على حد 👍

تقولي في العيلة انا يا جماعة قرأت أحاديث بتقول كذا
ومش هسلم على حد مش من محارمي🙂

تتجنبي أي موقف ممكن يوقعك في الاحراج
ولو حصل مرة ولا اتنين بعد كده الكل هيعرف 😊

⬅️ ونفس الحال بالنسبة للرجال

هتقولي هسلم وانا لابسة جوانتي ✋
ده فيه خلاف بين العلماء

⚡️فروي عن الإمام أحمد رحمه الله هو المنع عن مصافحة المرأة ولو بحائل، ففي الآداب الشرعية لابن مفلح قال محمد بن عبد الله بن مهران إن أبا عبد الله لا. وشدد فيه جداً. قلت: فيصافحها بثوبه، قال: لا.

⚡️وذهبت الشافعية إلى جواز مصافحة الأجنبية مع الحائل وأمن الفتنة فجاء فقالوا : ويجوز للرجل دلك فخذ الرجل بشرط حائل وأمن فتنة، وأُخِذَ منه حِلُّ مصافحة الأجنبية مع ذينك (الحائل وأمن الفتنة) وأفهم تخصيص الحل معهما بالمصافحة حرمة مس غير وجهها وكفيها من وراء حائل ولو مع أمن الفتنة وعدم الشهوة.

⚠️متستهونوش بالحرام

محدش هينفعك يوم القيامة غير عملك واتباعك لأوامر الله.

〰🌸🍃〰🌸🍃〰

قناة 🌷همسات الأوابين🌷

رسالة إلى #المدرس_القاسي الذي يمنع #الغش في الامتحانات..
هل من الممكن أن أعرف سبب منعك للغش؟
هل تعلم ماذا تفعل بالطلبة الذين تمنعهم من الغش؟
هل تعلم معنى عدم استجابتك لاستجدائهم المتمثل بعبارات وكلمات مثل (اعتبرني ابنك يا أستاذ) او(يا أستاذة نحن مثل ولادك)؟
هل لديك علم ماذا تفعل بأهاليهم المنتظرين بقلق في المنزل،وهم يدعون الله أن تكون اللجنة متساهلة والمراقبين سمحين ويسمحون لهم باستخدام الجوال او جوجل وغيره للغش؟
سأخبرك بنتائج عملك هذا
1.أنت تقف عائقا وسدا منيعا أمام عشرات بل مئات المرضى الذين سيتعرضون للموت أو الأذى بسبب #طبيب_فاشل لايستخدم عقله وضميره.
2.أنت تحمي مجتمعاً من انهيار المباني والسدود والمرافق بسبب #مهندس_غير_كفء اعتمد على حجم ضئيل من المعلومات.
3.أنت تمنع وجود #محامي" غير شريف ينصر الظالم ويدعم القوي على الضعيف.
4.أنت بمثابة عقبة أمام #موظف_مُرتشٍ ينخر عظم الأمة فساداً.
5.أنت ستمنع ظهور #معلم_غير_قدوة وستحيي القدوات لتحيا الأمة من جديد.
6.أنت ستمنع وجود #مسؤول_فاسد يحبط العزائم ويدفن القدرات ويضيع الهِمم وأرواح الشباب.
7.أنت حجر أمام #الإنسان_الوصولي والمتسلق وستكون السبيل في فتح الطريق للمجتهد.
8.أنت مشكلة كبيرة في حياة مشروع #لص_محترف، وعون في حياة نبتة صالحة من أبناء وطنك.
أمّا عن عملك في أهاليهم فأنت ستحميهم من التعرض في المستقبل لمصائب خطيرة بسبب جرائم أبنائهم التي لن تعد ولن تحصى..
وأخيراً أنت ترسخ مقولة :
#أن من جدّ وجد
وستبقى قدوةً طيبةً وستقابل #الله وضميرك مرتاح ..
فهنيئاً لك ببناء الأجيال ولا حول ولا قوة الا بالله العلي العظيم.

#مما_راق_لي

*🔖إنه الجبار ﷻ*

•مامن أسى إلا وهو رافعه،
•وما من مرض إلا وهو شافيه،
•وما من بلاء إلا وهو كاشفه ..
*تتزاحم الآلام في قلب العبد حتى ما يظن أن لها كاشفة، فإذا بالجبار يجبر ذلك القلب.*،
وبعد أشهر ينسى العبد كل آلامه وأوجاعه *لأن الله لم يذهبها فحسب، بل جبر المكان الذي حطمته، فعاد كأن لم يتهشم بالأمس!*

#الوتر-حياة القلوب

#رسائل_من_القرآن #أدهم_شرقاوي 🤲🏻