#قصص_الأنبياء
#الحلقة_الثامنة_والثلاثون
#قصة_داود_الجزء_الاول


وقفنا المرة إللي فاتت عند داود لما قتل جالوت وكان طالوت وعد داود إنه يزوجه ابنته ويكون وريثه في الملك،
ونفّذ طالوت وعده وزوجه ابنته، وأحب بنو إسرائيل داود،
مين بقى داود
فاكرين لما اتكلمنا عن خلق آدم عليه السلام وإن ربنا مسح على ظهره وأراه ذريته، وكان كل واحد من أبناؤه كان في وجهه نور، ماعدا واحد بس كان النور ده شديد أوي،
فجذب انتباه آدم عليه السلام، فسأل ربنا عنه فقال له الله إن هذا داود فأعطاه آدم من عمره أربعين سنة عشان يكمل عمره مائة عام؟
أهه هو ده داود 😁
كان داود من نسل يعقوب عليه السلام...تولى حكم بني إسرائيل وأعطاه الله النبوة 👌
فكان أول نبي يجمع النبوة والملك بعد يوشع بن نون عليه السلام،
فاكرين لما قلنا إن المُلك كان في سِبط والنبوة في سِبط، دلوقتي اجتمعت تاني في داود عليه السلام
"وشَدَدْنَا مُلْكَهُ وَآتَيْنَاهُ الْحِكْمَةَ وَفَصْلَ الْخِطَابِ"

وربنا قال له إنه يحكم بين الناس بالعدل والحق ولا يتبع الهوى، يعني متحكمش لحد عشان هو قريبك أو صديقك ويكون الحق مش معاه،
ولا تحكم ضد عدوك بالظلم ويكون الحق معاه، وإلا هتكون من الضالين عن طريق الله وطريق الحق، وإللي بيضل عن الطريق هيكون من المعذبين عذاب شديد يوم القيامة لإنهم ما عملوش حساب وقفة يوم الجزاء👌
"يَا دَاوُودُ إِنَّا جَعَلْنَاكَ خَلِيفَةً فِي الْأَرْضِ فَاحْكُمْ بَيْنَ النَّاسِ بِالْحَقِّ وَلَا تَتَّبِعِ الْهَوَى فَيُضِلَّكَ عَنْ سَبِيلِ اللَّهِ إِنَّ الَّذِينَ يَضِلُّونَ عَنْ سَبِيلِ اللَّهِ لَهُمْ عَذَابٌ شَدِيدٌ بِمَا نَسُوا يَوْمَ الْحِسَابِ "

☆ربنا بيقول الكلام ده لداود النبي... فما بالنا بينا احنا😞

عاش داود عليه السلام مع بني إسرائيل في القدس، وكان بيحكم بينهم بالعدل، ومع إنه كان ملك لكنه كان بيشتغل ، كان بيصنع دروع،
عارفين دروع الحرب إللي كان بيلبسها الجنود زمان عشان تحميهم في الحروب 🤔
أهه أول واحد اخترع الدروع دي كان داود عليه السلام بتعليم الله له.. وكان الموضوع سهل على داود عليه السلام، لإن ربنا أعطاه له آية أو معجزة، وهي معجزة لِين الحديد بين يديه،
يعني لما كان يمسك الحديد كان يقدر يشكِّله ويتحكم فيه من غير ما يضطر الأول يسخنه جاااامد جدا عشان يبقى طري ويتمكن من تشكيله،
يعني الحديد في إيده كان بيتشكل بسهولة زي العجينة الطرية
"وَأَلَنَّا لَه الْحَدِيدَ"
فكانت الدروع إللي بيعملها دقيقة جدا، خفيفة فمش بتعُوق الجنود في الجهاد، وفي نفس الوقت معمولة بإتقان يحميهم من ضربات العدو.
"وَعَلَّمْنَاهُ صَنْعَةَ لَبُوسٍ لَّكُمْ لِتُحْصِنَكُم مِّن بَأْسِكُمْ "
"
داود عليه السلام برغم مُلكُه وشُغله في الحِدادة كان عابد لله، وكان بيصوم يوم ويفطر يوم، وده أفضل الصيام كما قال رسول الله ﷺ:
"إن أفضل الصيام صيام داود: كان يصوم يوماً ويفطر يوماً"
وربنا أنزل على داود عليه السلام الزَّبُور .. وكلمة الزبور نفسها معناها الكتاب، وكان الزبور عبارة عن حِكَم ومواعظ مكنش فيه حلال وحرام،
عارفين كمثال: زي آيات الترغيب والترهيب في القرآن كده
فكان داود يقرأها ويدندن بيها ويتغنّى في قراءتها ويحسّن بيها صوته وكان صوته جميل جدا مفيش لصوته مثال
.. يعني لو قلنا إن يوسف عليه السلام أخد جمال الشكل، فداود عليه السلام أخذ جمال الصوت

☆وبالمناسبة داود عليه السلام مكنش بيستعمل المزمار زي ما الناس فاهمة، يعني رسول الله ﷺ لما قال لأبي موسى الأشعري لما سمع تلاوته للقرآن:
" لقد أُوتيتَ مزمارًا من مزامير آل داود"
مكنش يقصد إن معاه مزمار موسيقي في بيته، لكن يقصد إن صوته حلو شبيه بصوت المزمار، فالموضوع مجرد تشبيه فقط👌
كمان حديث عائشة رضي الله عنها لما دخل عليها أبوها أبو بكر الصديق رضي الله عنه،
وكان فيه جاريتين صغيرتين بيغنوا في يوم الفطر أو يوم الأضحى وبيضربوا بالدف فقط، ورسول الله ﷺ موجود معاهم بس مديهم ضهره، فقال أبو بكر الصديق باستغراب واستنكار:
《مزمار الشيطان في بيت رسول الله؟!》
فرد رسول الله ﷺ وقال له إنه يسيبهم عادي لإن ده يوم عيد فعادي إنهم يغنوا، فكان المقصود هنا هو الغناء مع الضرب بالدف فقط،
فالجاريتين الصغيرتين مكنش معاهم مزمار ولا حاجة؛
لإن من المعروف في شريعة الإسلام إن أصوات الموسيقى محرمة،
سواء كانت الموسيقى دي من آلات موسيقية معروفة أو أصوات بتخرج من الفم والحنجرة تشبه بالضبط صوت الموسيقى،
زي الأكابيلا أو البِيت بوكس كده إللي منتشرين دلوقتي؛ لأن الأصل في التحريم على النتيجة مش على السبب
يعني لو حاجة طلعت نفس صوت الموسيقى بالضبط دخلت في نفس حكم الموسيقى👌
كان من جمال صوت داود عليه السلام ، إن الطيور والوحوش والجن والإنس بيتجمعوا حواليه يسمعوا تلاوته للزبور، ومبيتحركوش خااالص من شدة الاستماع بتركيز وإنصات وتأثر😮
شوفوا كده لما بنسمع حد صوته حلو في القرآن مثلا ولاّ الأناشيد، بنكون عاملين إزاي😳

أهه ده ما يجيش ذَرَّة في جمال صوت داود عليه السلام👌
حتى إن الجبال والطيور كانت بتسبّح معاه لما تسمع صوته بالتسبيح،
"إنَّا سَخَّرْنَا الْجِبَالَ مَعَهُ يُسَبِّحْنَ بِالْعَشِيِّ وَالإِشْرَاقِ.. والطير محشورةً كل له أوَّاب.."
وكان عليه السلام مقسّم أيامه:
يوم يتعبد فيه لله، ويوم يسمع فيه خصومة الناس ويحكم بينهم، ويوم لأشغاله ونسائه..
ودي أول حاجة نتعلمها من قصة داوود عليه السلام، تقسيم أوقاتنا كويس👌

في يوم من الأيام إللي كان داود عليه السلام مخصصه للعبادة، في اتنين من الأشخاص تسلّقوا سور المكان إللي كان بيتعبد فيه، ودخلوا عليه فجأة،
فاتخض وخاف زي أي بشر، وده من الخوف الفطري الطبيعي إللي مفيش حرج فيه، ولا ينتقص من عبودية الخوف من الله شيء،
دي حاجة ودي حاجة..

فداود خاف من إللي دخلوا عليه فجأة دول، فهو وإن كان نبي فهو بشر👌
"وَهَلْ أَتَاكَ نَبَأُ الْخَصْمِ إِذْ تَسَوَّرُوا الْمِحْرَابَ إِذْ دَخَلُوا عَلَى دَاوُودَ فَفَزِعَ مِنْهُمْ"
فطمنوه، وقالوا له ما تخافش مننا، إحنا مش جايين في شر أو ضرر ليك، ده إحنا الإثنين اختصمنا في شيء وجايين عشان عاوزينك تحكم بينا فيه بالعدل وتشوف الحق مع مين
"قَالُوا لَا تَخَفْ خَصْمَانِ بَغَى بَعْضُنَا عَلَى بَعْضٍ فَاحْكُمْ بَيْنَنَا بِالْحَقِّ وَلَا تُشْطِطْ وَاهْدِنَا إِلَى سَوَاءِ الصِّرَاطِ"

وبدأ أول واحد فيهم يحكي المشكلة قال:
ده أخويا عنده تسعة وتسعين شاة، يعني عنده خير كثير من الأنعام يخليه قنوع وميبصش لغيره في رزقه.. وأنا عندي نعجة واحدة بس،
فأخويا رغم غِناه ده كله قال لي أعطني النعجة بتاعتك دي، وغلبني في الكلام ومعرفتش أرد عليه😶
"إِنَّ هَذَا أَخِي لَهُ تِسْعٌ وَتِسْعُونَ نَعْجَةً وَلِيَ نَعْجَةٌ وَاحِدَةٌ فَقَالَ أَكْفِلْنِيهَا وَعَزَّنِي فِي الْخِطَابِ"
فقال داود عليه السلام :
"لَقَدْ ظَلَمَكَ بِسُؤَالِ نَعْجَتِكَ إِلَى نِعَاجِهِ وَإِنَّ كَثِيرًا مِنَ الْخُلَطَاءِ لَيَبْغِي بَعْضُهُمْ عَلَى بَعْضٍ إِلَّا الَّذِينَ آمَنُوا وَعَمِلُوا الصَّالِحَاتِ وَقَلِيلٌ مَا هُمْ"
يعني داود عليه السلام حكم للي اتكلم ده، من غير ما يسمع لأخوه، إللي هو الطرف التاني من الخصومة او المشكلة،
وكان حكمه إن الأخ التاني ده هو إللي ظالم لما طلب منك الشاة الواحدة إللي معاك في حين إن هو عنده تسع وتسعين نعجة غيرها،
وقال له للأسف كتير من الشركاء والأخلّاء بيبغِي بعضهم على بعض، إلا طبعا إللي عنده من الإيمان بالله والعمل الصالح ما يمنعه من الظلم.. وما أقلهم👌
وبعدين انتبه داود عليه السلام لكلامه وتيّقن إن ده كان اختبار من ربنا عز وجل في الحكم بين الناس بضوابط القضاء العادل،
ولكنه عليه السلام اتسرّع واتعجل في الحكم لما أشفق على الطرف إللي بيحكي، فاستغفر ربنا وسجد لله وتاب عن ده،
"وَظَنَّ دَاوُودُ أَنَّمَا فَتَنَّاهُ فَاسْتَغْفَرَ رَبَّهُ وَخَرَّ رَاكِعًا وَأَنَابَ"

واحنا قلنا قبل كده إن الانبياء معصومين من الكفر والشرك والكبائر و الصغائر التي تدل على الخسة والدناءة،
لكنهم غير معصومين من الخطأ العادي زي ما حصل مع يونس عليه السلام.. وزي ما حصل مع داود عليه السلام هنا

☆طيب وهو فين الخطأ إللي وقع فيه داود عليه السلام
◇أولا:
إنه استمع لخصم واحد فقط ومسمعش من الطرف التاني في الخصومة مع إنه واقف قصاده كمان، فكان مفروض زي ما سمع من الأول كان لازم يسمع من التاني قبل ما يحكم أي حكم.. مش يمكن التاني هو إللي معاه الحق
◇ثانيا:
إنه حكم للشخص الأول بظاهر الأمور من غير ما يعرف هل كلامه حقيقي فعلا وصدق ولّا مزود كلام من عنده؟
مش يمكن القصة محصلتش بالشكل ده؟ مش يمكن ناقصة حتة مهمة جدا تخليه ظالم مش مظلوم؟

ولما داود عليه السلام إللي هو نبي، وقع في الخطأ ده وهو الحكم من غير ما يسمع من الطرفين تاب واستغفر، فما بالكم بينا إحنا 😶
فلما تاب داوود عليه السلام واستغفر، تاب الله عليه وأثنى عليه
"فَغَفَرْنَا لَهُ ذَلِكَ وَإِنَّ لَهُ عِنْدَنَا لَزُلْفَى وَحُسْنَ مَآبٍ"

¤في هنا ملحوظة مهمة جداااااا
وهي إن في قصة مشهورة عن داود عليه السلام لا تصح أبداااا وهي من الإسرائيليات المردودة إللي مش مقبولة،
والقصة دي بتقول:
إن داود عليه السلام كان مُتزوج من تسعة وتسعين امرأة ، وشاف امرأة تانية غيرهم فعجبته،
وكانت المرأة دي متزوجة حد تاني، فأمر زوجها إنه يروح يقاتل في الحرب وإنه يكون في الصفوف الأولى في المعركة، عشان يموت فيتزوجها داود عليه السلام بعد منه ويكمل بيها عدد زوجاته 100،
فربنا أرسل له في المحراب ملكين في صورة الخصمين دول ، عشان يعرَّفه خطأه بالقصة بتاعتهم دي إللي شبه قصته مع المرأة، وقالوا كلام كله قَدْح في داود عليه السلام،
فالقصة بتاعة الزواج دي كلها 👆لا تصح إطلاااقا يا جماعة🙅‍♂️❌
وغير مقبولة حتى في حق رجل صالح من الصالحين العاديين، فما بالنا بنبي من الأنبياء المُصطَفين الأخيار👌

داود عليه السلام كان عنده أبناء كتير، وكان عنده ابن مميَّز .. كان اسمه سليمان،
كان سليمان بيساعد داود عليه السلام في أمور الحُكم وحل المشاكل والخصومات إللي بين بني إسرائيل.
من الأحداث إللي حصلت إن امرأتين اختصمتا إلى داود عليه السلام،
يعني جم قاصدينه في حل مشكلة بينهم، وكان معاهم طفل رضيع كانت المرأة الكبيرة ماسكاه في إيدها،
فالكبيرة دي قالت إن الطفل الرضيع ده ابنها، والصغيرة قالت لأ ده ابني أنا ، والذئب أكَل ابن أختي الكبيرة دي،
فداود عليه السلام حَكَم للكبيرة، إما على أساس الشَبه إللي بينها وبين الطفل، أو على أساس إنه كان معاها هي في إيدها شايلاه؛ لإن مكنش فيه قدامه دليل أقوى من ده يقدر يحسم بيه القضية🤷‍♂️
فلما خرجت المرأتين من عند داود عليه السلام، كان سليمان عليه السلام موجود،
فعرضت الصغيرة القصة مرة ثانية عليه،
فقال هاتوا السكين أقطعه بينكم وكل واحدة تاخد نص ليها، فصرخت الصغيرة وقالت لأ هو ابنها خلاص متئذيهوش😥
فحكم سليمان عليه السلام بالطفل الرضيع للصغيرة؛
لأنه عارف شفقة الأم وعارف إن أمه ممكن تتحمل فراقه بعيد عنها لكن ما تتحملش إنه يتعرض لألم أو قتل قدام عنيها ويكون بسببها كمان،

فسليمان احتال حيلة مشروعة ، وهي إنه أوهمها إنه هيقطع الطفل عشان تُظهر المشاعر الحقيقية العفوية بعيد عن التمثيل👌

☆ومن الحِيل المُشابهة إللي استعملها القضاة برده ، إن رجلين اختصموا عند قاضي، فالمظلوم قال للقاضي:
أنا أقرضت الراجل ده فلوس وهو مش راضي يرجعهالي، وبيقول ما أخدتش منك حاجة😥
فالقاضي قال له: هل معاك شاهد؟.. فالمظلوم قال لأ،
فالقاضي سأل: طب هل في أي علامة معينة؟
فالمظلوم قال: أقرضته الأموال عند شجرة كذا...
فالقاضي قال له:
طيب روح عند الشجرة واستنى هناك.. وخلّى الراجل التاني يستنى معاه في مجلس القضاء..
فبدأ القاضي يقضي بين الناس ، والراجل التاني قاعد جنبه، وبعد شوية قليلة سأله القاضي فجأة:
تفتكر صاحبك يكون وصل للشجرة🤔 .. فالراجل قال له:
لأ.. مايلحقش لأنها بعيدة
فالقاضي قال له: باااس تعال بقى ..عرفت منين مكان الشجرة وانت بتنكر أصلا الموضوع كله وإنك تعرف الشجرة
فمبقاش قصاده غير إنه يعترف
و دي من الحِيل المشروعة إللي ممكن نستعملها لو هتؤدي لاسترجاع الحق الحق من المنكرين


من المواقف إللي حصلت برده مع سليمان .....

كفاية كده النهاردة نكمل الجزء الجاي إن شاء الله😅


#Eman_Shalapy

صَاحبتي مِن أيام "الثانوية" كَانت بطيئة شوية في ريتم حياتها ، يعني دايمآ متأخرة سواء في مواعيدها أو دراستها أو حتى استجابتها لمامتها لما كانت تناديلها مع انها تبارك اللَّه ذكيه جدآ..بس هي بتحب تكَبّر..
لما كُنت أزورها ودة تقريبآ بشكل مُستمر بحُكم انها قُريبة مِن قلبي وبحبها كانت مامتها دايمآ دمها مَحروق منها فَـ كانت دايمآ بتدعي عليها دعوة كُنا انا وهي بنضحك عليها أوي :)
كانت بتدعي عليها وتقُول " روحي يابنتي ربنا يديكي عَيّل ما يفهَم كلاَمِك ولَو كَان بيسمع"..
كُنا بنقعد نتريق عالدُعاء طبعا مع احترامنا لمامتها بس كُنا بنتداري فـ رُكن ونضحك بصوت واطي لاننا مُستنكرين الدعاء..

عَدت الأيام، تقريبآ 10سنين ، ووالدة صاحبتي تَوفاها اللَّه
وبالصُدفه قَابلت صاحبتي في المترو🚊 بعد 3سنين مااعرفش عنها غير أكونت الفيس وبس.. اللهم بَارك إحلَوّت وبقت قمر بزيادة عن الأول وشايله حبيب قلب خالتو إبنها اللي واخد نَفس شكلها...
فـَ خَدت الوَلَد أشيله و ألاعبه .. الولد مابيستَجيبش لأي فِعل أو أمر.... لأ مفيش تَواصُل خالص..
بسُرعه قلتلها انا عايزاكي معايا دلوقتي.. وانا فـِ قرارة نَفسي وبطبيعه شُغلى شاكه فـ كذا حاجه بس طبعآ ماعرفتهاش..

خَدتها وروحت معاها وطَلبت منها اني اعمِل للولد إختبار خاص للحاله اللي مُشتبهه فيها.. وبالفعل عَملته..
الإختبار كان إسمه "كارز" ودة خاص بالتوحد ..
الولد بالفِعل عَندة تَوحد.. واللي منكُم مايعرفوش فـ هو بإختصار / (عدم القدرة على التواصل اللفظي أو غير اللفظي) ...
يعني الولد مش فاهمني..ولافاهم مامته..ولا عارف يتكلم مَع إنه بيسمع..

يــــاااااااه ....
في نفس اللحظه اللي بقول لصاحبتي "أم الطفل" النتيجه استرجعنا احنا الاتنين 10سنين لورا...وبدأت عينينا تدّمع كأننا بنتكلم ونرُد على بَعض..
مَعقول؟؟  مش دة نَفس الدُعاء اللي مامتها كانِت بتدعيه عليها؟؟ " روحي يابنتي ربنا يديكي عَيّل مايفهم كلامِك ولو كان بيسمع" !!

يـــا اللَّه!!!
كأن الدُعاء مُفَصل لحالة الولد..

ماكُنتش عارفه أعمل إيه؟ أواسيها في مُصيبتها إزاي وهي موجوعه على إبنها "مرة" وعلى دُعاء أمها "مَرّات"

ساعتها جه في بالي كام أم بتستسهل لحظه دعاء على إبنها أو بنتها بالذات وقت الغضب.. وتقول أحسن مااضربه!
لأ إضربيه لو مفيش خَيار تاني علشان تأدبيه مِن وجهه نَظرك (مع إن دا غلط طبعا)، لَكِن ماتدعيش عليه وتدمري حياته في لحظه غَضب...
النَبيّ صَل اللَّه عليه وسَلَم قال/
(( لا تَدْعُوا على أنْفُسِكُمْ، وَلا تَدْعُوا على أوْلادِكُمْ، وَلا تَدْعُوا على خَدَمِكمْ، ولا تَدْعُوا على أمْوَالِكُمْ، لا تُوافِقُوا مِنَ اللَّهِ ساعَةً نِيْلَ فيها عَطاءٌ فَيُسْتَجابَ مِنْكُمْ )).


- رنا السمان.

*عندما يوفقك الله للعبادة 🌱*

💌
‏قيام الليل مفتاح لكل الحلــــــــول
فكم من مغلـــــــوب يسر الله أمره
وسهل عسره وأزال ضره بركعتين
في جوف الليل...
#قيامكم
#استغفاركم
#وردكم
#وتركم_أحبتي🌺

جرعة قُرآنية صباحيّة تُطيب أوجاعكَ، وتُريح قلبكَ، وترفع أجركَ.💙

القارئ : ماهر المعيقلي.💙
سورة : الكهف.💙


✨هُنا نُورٌ يُضيءُ لكَ ما بينَ الجُمعتينِ✨

‏"اللهمّ وهذه ساعةُ استجابةٍ فاجعلها
برداً وسلاماً على أهل غزة
اللهم اربطْ على قلوبهم، وآمنْ روعاتهم
الطُفْ بهم، وخففْ عنهم
اشفِ جرحاهم، وأطعم جوعاهم وانصرهم
ثبتْ أقدامهم، وسددْ رميهم
وحّدْ صفوفهم، واكتبْ لهم نصراً مؤزراً
اقذفِ الرعبَ في قلوب أعدائهم
وارزقهم الإخلاص والتقوى، وتقبل شهداءهم"

#ساعة_إجابة
#افتح_لي_قلبك

لا تُدقِّق في أفعالهم🍃

🌸🍃

#همسة_لقلبك

‏تأتي المعجزات في الوقت الصحيح،
أحيانًا عندما نفقد أملنا من كل شيء، ونقف عاجزين مستسلمين للأمر ،
ينقذنا نور الله في أشد لحظاتنا ظلمة ...

"سجدات السَّحر تجبر كل كسر في نفسك،
وتُعيد شعور الأمان والسلام إلى قلبك بطريقة مدهشة."

الوتر 🌱

1⃣
#٢٠٠_سؤال_وجواب_في_العقيدة

فريق👈🏻أنتِ ملكة👑

🌙 *همسة مسائية* 🌄

‏ *من سوء الأدب مع الله* :
أن يفرج الله كرب إنسان
ويزيل همه ويكشف غمه؛ ثم يقول:
طلع الأمر سهل وأعطيته أكبر من حجمه.

*قال عبدالله المزني رحمه الله* :
*ينزل بالعبد الأمر فيدعوا الله* *فيصرفه عنه فيأتيه الشيطان* *فيضعف شكره، فيقول إن الأمر* *كان أيسر مما تذهب إليه* .

الشكر لإبن ابي الدنيا