(عالمعبر)


عالمـعـبـر وعالمـعـبـر وعالمـعـبـر
متدوس جدمـه المايحبك حيدر

🌹 🌹 🌹

مدوس جدمـه المايدين ابـديـنـك
مفتاح جنة الباري شاله ايـمـيـنـك
عالحوض بـاچـر تنضرنه بـعـيـنـك

الـعـاداك حـيـدر والله لازم يخـسر

🌹 🌹 🌹

احچيهه هـايه ياعلي ومـا بـالـي
بـس انـت وحـدك سـاكـن بدلالي
هالليله بسمك هـالـفـرح يحلالـي

يسقيني بـاچـر چفك مـن الكوثر

🌹 🌹 🌹

خـــل اليلوم اعليه خـــلـــه ابــرايه
هـذا اعتقادي ومـا تغيره احـچـايـه
يــاهـــو الرسول بچفه خـلـه الرايه

وياهو ابيمينه الهد حصنهه الخيبر

🌹 🌹 🌹

امي ارضعتني مــن الولاده ابدرهه
وعلمني ابـــوي اولايـتـه وفـسرهه
گـــلالـــي جنــه ابلا علي تخسرهه

اولاية علي تبقى الاصـل والجوهر

🌹 🌹 🌹

مـــن عـــالـــم الـــذر وذبــت بهيامه
ومنيتي اصـــيــرن خـــادم الخدامه
كل مسلم ابدونه العفه اعله اسلامه

هالكلمه هــايــه الله وصّـــه وقـــدر

🌹 🌹 🌹

آخـــر كـــلامـــي واسـتـمـع هالكلمه
كالعمري فدوه ايروح لحروف اسمه
ايسموني خادم وفـــخـــر بهالخدمه

حــقــــه الخدملك ياعلي لـــو يفخر

🌹 🌹 🌹

✍ بقلم خادم الحسين ع
الشاعر رعد الچريخي

الاداء جواد الغرباوي

بيعة الغدير العيد الأكبر
خادمكم عبدالهادي العريفاوي

ابوذيات لأمير المؤمنين

علي الكلفات غيرك لافتى الها
الولايه وياك ارفع لافته الها
شجاها الناس ضدك لافت إلها
وينصبون الخليفه بلا وصيه

موااااال لأمير المؤمين ع السلام

والله فقارك زحم وكت النزال
والعجيبه البي شيملك محتوى

من يكص اركاب تلعب بالهواء
كصه وحده تكول نفس المستوى

ازدحام يصير في قطع الرؤوس
ونته كل ثنين تطبكهم سوه

ونته عندك عيد في سوح القتال
يعني ذو الفقار ديلاب الهوى

صلواااااااات

القصيده

افرح بوجدانك بكلبك وبلسانك
علي علي مولانه علي علي مولانه

ثمنطعش ذي الحجه تقرير المصير
والدليل الواضح بيوم الغدير
يامحمد بلغ بحيدر أمير
غيره ثان اعله الخلايق مايصير

تعلن بأيمانك بكلبك وبلسانك
علي علي مولانه
----------------------------
اليحبك ياعلي كلبه اهتدى
واليبغضك يعني عالحق اعتده
شما يصلي بعمره بس شلفائده
ونته كل جمله يحيدر مبتده

بالعدل ميزانك بكلبلك وبلسانك
علي علي مولانه
-----------------------------
كوموا هنوا اعله الولايه حيدره
واجب الحجاج توكفله سره
والله تستاهل يقالع خيبره
والبقيه اعله الخلافه مزوره

اقره في قرانك بكلبك وبلسانك
علي علي مولانه
-------------------------------
اليحبك ياعلي بيك افتخر
ونته لجلك حايط الكعبه انفطر
واليضدك واجب يروح لسقر
وباجر بيوم الحشر اين المفر

تحكم بسلطانك بكلبك وبلسانك
علي علي مولانه
------------------------------
انته ياسورة نبأ والقارعه
والكواكب والنجوم الساطعه
ياقيامة ربنا يوم الواقعه
يعني انته الخافظه والرافعه

ترحم بأحسانك بكلبك وبلسانك
علي علي مولانه
------------------------------
شعندي غيرك ياعلي بيوم الورود
مايهمني شماتسولف هالقرود
من اكولن ياعلي املك وجود
بعالم الذر وانه اطيت العهود

وتعرف اللي خانك بكلبك وبلسانك
علي علي مولانه
----------------------------------

#نسالكم_الدعاء 🌾

🌷يا علي🌷

أفـرح أفـرح   هـذا تـنـصـيـب الـولـي
أفـرح أفـرح    يلـمـحـب بـايـع عـلـي

           عـلـي لـلـعَـالــم أمــيـر
           أهـتـف بـعيد الـغـديـر

*----------------------*-------------------*

يامـحـمــد بـلّـغ اتـنـادي الـسـمـه
وبـالـولايـه الـديــن كـلــه تـمـمـه
اليرفض الحيدر مصيره الحاطمه
واليعوف النور لـعـيـونـه الـعـمـه

       بـاچـر أبـأمـره يـحـير

*------------------------*--------------------*

الأمـاره اتـلـوگ بــس الـحـيـدره
الـنـافـس الـكـرار يـرجـع لـيـوره
وآلـد الـسبـطـيـن هـذا الـقسـوره
أوآلد الـعـبـاس سبـع الـگـنـطـره

        جـدد أويـاه الـمـسـيـر

*------------------------*---------------------*

أجـمـل الأفـراح هـايـه فـرحـتـه
بـالـغـديـر ألـلـيلـه نـرفـع رايّـتـه
عـهــد ثـابـت للأمـيـر وبـيّـعـتـه
مالـك أگـلـوب الـغَـياره الـحبـتـه

        يـبـقـى أول والأخـيـر

*-----------------------*---------------------*

سَـجَـل التاريخ وبأسـمـه ابـتـده
هــازم احـزاب وكـتـائـب وَحَـدّه
مايـهـم الجيش والـكـثـرت عِـده
الـزوده لليوم الـمـراجـل شـاهـدّه

       أحـچـي يلعندك ضَميـر

*---------------------*--------------------*

خادم أمير المؤمنين ع
✍الشاعر رعد الجريخي

الاداء جواد الغرباوي

( مولد للإمام علي عليه السلام )

انت علي.. سبب تكويني
انت علي.. كملت ديني
موجود قبل آدم.. يا سيد العالم
انت علي
............
يا سيد أركان الأرض والعالم العلوي
من نور وجهك سيدي شمس وگمر تضوي
بگلب اليحبك يا علي ما أدري شمسوي
بسمك مثل دوي النحل صبح وعصر يدوي

انت علي.. سيد الرحمه
انت علي..  أكرم الأمه
عابر كرم حاتم .. يا سيد العالم 
انت علي

.............
عنك يبن عم النبي شنجاوب اليسأل
بكل المناقب والرتب ترتيبك الأول
لو اكو مرسل چا صرت بعد النبي مرسل
طرق السمه وطرق الأرض لو غمضت تندل

انت علي.. صاحب المحشر
انت علي.. بيدك الكوثر
محد الك قاسَم .. يا سيد العالم
انت علي

..............
يامن هدوئك ينسمع بالضجه والهوسه
وترابك اغلى من الذهب هنياله اليبوسه
ياهوه  مثلك سيدي كتبو بقاموسه
منزلته من المصطفى هارون من موسى

انت علي.. بيعتك واجب
انت علي.. جم نبي كاتب
سلم لمن سالم .. يا سيد العالم
انت علي

...............
ياهوه مثلك عالفلك وأهل الفلك سيطر
وبكيفه بصبع يمنته يرد الشمس يگدر
خيبر ثگيله والخلگ عن هزها تتعذر
چا ليش بيدك يا علي ريشه أصبحت خيبر

انت علي.. بكل علم تدري
انت علي.. إسمك الدري
ويّه النبي تلازم.. يا سيد العالم
انت علي

.............
تفصال الك هذا الگلب ياسيدي تفصل
عن غير حبك يا علي بيبانه تتقفل
ومن يمر طاريك عليه يندهلك تفضل
لو ما وجودك يا علي دين الله ما يكمل

انت علي.. بالوصف كامل
انت علي.. رافض الباطل
ويه الذل متتوالم.. يا سيد العالم 
انت علي


مصطفى الشافعي

الاداء جواد الغرباوي

الاداء ملا ستار الصالحي

أبوذيات بحق امير المؤمنين (ع)


نِـصه غيرك يحيدر .. بــس عله انته
وخفي حـبـك بگلبي.. بــس عـلـنـتـه
اذا گالوا تـحـب مــن.. بس علي اتته

اذا اشـيـلـك فــراغ ايــصــيــر بــيــه

                    *---------------*---------------*

الضــمــايـــر گــبـلـه نصبوا.. فــاتحلهه
وعــلــي كـل الــمــعــاضـل.. فــاتحلهه
مــنـــو غــيــره الــمــعــارك.. فاتح الهه

بحكم سيفه قــضــه اعــلــه الجاهليـه

                    *---------------*---------------*

علي ابيات الشعر وعـقـول.. صفين
ذكـرتــه والـمـكـارم هــيــچ.. صفين
مــنــو مثله بطل مــن قــاد.. صفين

اعــلــه خصمه المــوت وزّع واهليه

                       *---------------*---------------*

✍ خادم امير المؤمنين ع 
     الشاعر رعد الچريخي

الاداء جواد الغرباوي

الغدير عيدنا
الغديريه
ه ه ه ه ه ه
الغديريه تلمنه  ويرف عالي علمنه
علي ومن غيره ضرغام
اتنصب ولي الاسلام
يرف عالي علمنه
ه ه ه

الغدير اجمل واشرف كل الاعياد
وكتب اول وضيفه
بيه المصطفه من امته راد
الحيدر ماتعيفه
الملائك هنته وجابتله الاوراد
علي اول خليفه
بهلفرحه  الجبيره
الغدير انشم عبيره
وانزالت الاوهام
اتنصب ولي الاسلام
يرف عالي علمنه
ه ه ه
النبي رادالامر يصبح لبوحسين
بامر الله وجلاله
ورادالنه نصير احنه موالين
الحيدر ولوصاله
من ننصر الحيدر ننصر الدين
ومايصلح بداله
حيدر ماكو مثله
للاسلام كله
هوه الكل عدل كام
اتنصب ولي الاسلام
يرف عالي علمنه
ه ه ه
الغديريه فرح كل المحبين
الشيعه الحيدريه
البيهه تلتزم يم ابو الحسنين
متعوف الوصيه
الامه شافت انرفعت الجفين
للهادي اوصيه
واحنه ارفعنه للايد
عن دربك فلا نحيد
بهاي الليله خدام
اتنصب ولي الاسلام
يرف عالي علمنه
ه ه ه
نضل وياك احنه وياك للدوم
وسجلنه بسجلك
كمر انت بسمانه واحنه النجوم
بعمرنه مانبدلك
كل بنيان عكبك يضل مهدوم
محتاجين عدلك
اجيناك ابعمرنه
ونهديلك نضرنه
عيدك عيدنه التام
اتنصب ولي الاسلام
يرف عالي علمنه

الشاعر ابو احمد الهنداوي






ليلة عيد الغدير
١٨ /ذي الحجه /١٤٤٥هج
الثلاثاء 25\6 \2024

الرادود ابو هاشم الربيعي