نزال..

ضلو ابلايه ولي = ام الحسين وعلي
يتامه يالنبي
-------****------
هاي ليله تمـــــــرنه على استشهادك
بيهه جبريل اجه اينوح يعزي اولادك
ربك اشتـــــاگ الك حيل يطه ورادك
وانته لبيت أله وحــان وقت ميعادك

اليوم وي رب السماء = سيدي حان ألقاء
يتامه يالنبي
-------****-------
ابموتت الدين ابوحسين ينوح وحاير
يالنبي اليـوم بالــــوداع يتيمك صاير
رمشه بي شيــــب كثر ما يهل الناظر
صعبه وشلون للگبــور حبيبه ايسافر

ضل يقبله ابشفته = ماتساعد حالته
يتامه يالنبي
-------****------
ستـــأذن المــوت قبل لا يطب الدارك
يطرق البــــاب الك جاي مثل خطارك
يبو القاســـم عظيمه وعجيبه اسرارك
بجنحه جبريل يمولاي يقمض انضارك

بحضن حيدر من متت = جروح بيه اشگد عفت
يتامه يالنبي
-------****------
فاطمه اتنوح والجـروح بدت تاذيهه
العين بركان والدمــوع جمـر تبچيهه
ذابت الروح على امهه ورحل هاديهه
ثانـــي امصـــــاب يمرهه ويأثر بيهه

آه ياليـــل الحزن = بيه مفجوعه وتون
يتامه يالنبي
--------****--------
اظلــم الكـــون يمولاي ونــورك غايب
ليل الفـراگ فجعنه شكثر هـــم جايب
الحسن وحسين بالمصاب گلبهم ذايب
يتمتـــهم والدمــــــوع يطـــه اتعـاتب

ليش عايفنه بألم = حيلنه اليله انهدم
يتامه يالنبي
-------****-------
الخادم
كامل السعيدي

الاداء كامل السعيدي

مات النبي المؤتمن
وأبتدت كل المحــن
من يوم كالوا هجر
سنوّا أساس الفتن
 
* * *
قبل المنيــــه نبينـــــه     ثبّت أساس الشريعـه
وثبت ولايــــة علينــــه     وأصحابه كلها تطيعـه
وأوصى أبضعته الوحيده   فاطمه الزهره الشفيعه
لاچن ضغاين دفينــــــه     تخفيها أهل الخديعه
من جيش أسامه أجو
وألأمر طـــه عصــــو
بساعة البيها أحتظر
سنوّا أساس الفتن

* * *
 
صاح النبي بالصحابه     يصحابي گربت منيتي
قرآن الله وعترتــــــي     يصحابي همه وصيتي
يبشــر الوآلــه عترتي     يبشر الجنــــــه هديتي
العاداهم آنـه خصيمـه     لن هذا رايد أذيتــي
 
والعالنبي حاقـده
بعده ظلمهـــم بده
بس مات خير البشر
سنوّا أساس الفتن
 
* * *
 
أجتمعوا أسلاف النواصب     وأتناسوا أهل الشرافه
فعلوها أهل السقيفـــــه     أتنصبوا وبكل صلافه
طعنوا الامــــــه بفعلهم     لبسوا رداء الخلافــه
فرقــــوا أمــــــة محمد     وظلموا العتره وسافه
 
يدرون حيدر ولــــي
وأمنصب أمن العلي
ومن دروا حيدر صبر
سنوّا أساس الفتن
 
* * *
 
خالفوا أحمد نبيهــم     خالفوا ألله وكتابه
عالعتره صبوا حقدهم    وللنبي جانوا صحابه
أتعنوا البيت الوديعه     وبالحطب حركوها بابه
فاطمه بنته الحبيبه     العذبها رايد عذابــــــه
 
وشكد حمل حيــدره
أمن الزمره الجائره
أعليه الحقد من ظهر
سنوّا أساس الفتن
 
* * *
 
من غاب بدر النبـــــوه     الزهره غيابـــه فجعها
أتوالت عليها المصايب     مانشف مجـرى دمعها
الطاغيـــه ليها تعنـــــه     وبالباب لمــــن سمعها
أبكل قســـاوه عصرها     ظالـــم وهشــــم ظلعها
 
أتجاسر الطاغي وقسه
من سطر خير النســـه
ومن يوم خدها أنسطر
سنوّا أساس الفتن
 
* * *
                            سلام المشعل

الاداء ملا عدي الربيعي

قصيدة لشهادة رسول الله
(ص وآله).....هتاف السماء
.............مجزوء الرمل........
.
وامحمداه. وامحمداه ...وامحمداه . وامحمداه
.
.
ذابَ عـرشُ اللهِ حُـزناً ..وأرتدى ثوبَ السـواد
وعَلـت في اللوحِ رآيه...أعلنت يـومَ الحداد
أيُ خطـبٍ مــا تُراهُ....زلزل السبـعَ الشِـداد
قد أتى صوتُ المنادي...ناعياً خيرَ العـــباد
.
وامحمداه .. وامحمداه..وامحمداه .. وامحمداه
.
.
أمـةُ الأحقـادِ عـــادت...في رُبىَ الدارِ تصول
عجلهم أمسى خلـيفه...يــزدري تلك العـقول
سيــدي و السـامريُ...عَـذبَ قَلــبَ البتـــول
ذلكَ الصُعـلُوكُ نادى...أحرِقوا بيـت الرسول
.
وامحمداه..وامحمداه ...وامحمداه .. وامحمداه
.
.
سَيدي مَن قَــالَ تَهجُر....أعلنَ يـــومَ البــلاء
ساق أهـلُ الجــاهليه....نَحو بيــتِ الأنبــياء
خلف بابِ الدارِ ويلي....هشـّموا قلبَ السماء
سحقوا ضـِـلعَ النـبوه....عَبّــدوا دربَ الـدماء
.
وامحمداه ...وامحمداه ...وامحمداه.. وامحمداه
.
.
بنتُ عِجلَ القـومِ نــالت...كُـلَ ميـــراثِ الإمين
والبتــولُ ويـحُ قلــبي....إرثُـها صِفــرا اليدين
عُد الى الزهـراءِ وانظر...خــدُها والمُقلتــــين
وأستمع جُــرحَ الدمــاءِ....ناعــياً أم الحُـسين
.
وامحمداه .وامحمداه ...وامحمداه .. وامحمداه
.
.
إن تسل عن روحِ قلبك...إرثُها نَــزفُ الــدمــوع
سطـرةً في الخدِ تروي.....سيدي كَسـرا الضلوع
فاطــمٌ أمسـت غريــبه.....بيـن هــاتيك الجموع
في ظـلامِ الليلِ تنـدُب.....سيـدي حتى الطلـوع
.
وامحمداه . وامحمداه ...وامحمداه .. وامحمداه
.
.
ثَغرُ مَن قَبلـتَ ثَــغره....أرتـوى سُــمَ الحتوف
نَحرُ مَن قَبلـتَ نَحره....قطـــعوهُ بالســيـوف
سيدي لو كُنتَ حاضـر...إذ ترى يـومَ الطفوف
بيتُك أضـحى ذبيـحاً....والعدى فــيهِ تطوف
.
وامحمداه . وامحمداه ...وامحمداه .. وامحمداه
.
.
لاتنسوني ووالدي من فضل دعائكم المبارك
.

حسن الموالي الفاطمي

{ وامحمداه }  

أداء : احمد عزيز
كلمات : حسن الموالي الفاطمي

ابوذية  على الرسول (ص) وماجرى على الزهراء عليها السلام بعده


اشهدي يانجوم اسماي يجرام
بيه العاذل ابلا دين يجرام
دفعني وجرني هم يدري يجر أُم
الحسن وحسين والمحسن سويه

أداء : احمد عزيز
كلمات : ياسر العارضي

موشح نجفي لأستشهاد الرسول محمد ص واله

يا نبي الرحمه فلا رحمه بقت
من مشيت وعينك ابقبرك غفت
..........................
بدت أنواع المصايب والهضم
وامتك بعدك يمرسل تنظلم
جرح فكَدك بعده واصل للعظم
وهمه هاي اعيونهم كلهه افرحت
..........................
كَبل ما موتك دنه تطلب قلم
خافو اشتكتب وكل منهم عِلَم
منعو القرطاس والدين انثلم
وامتك بعدك يحيد اتشتت
..........................
تجرع السِم والهوه شويه بقه
تصيح باجر بالقيامه الملتقى
خصمي كلمن حجته الدين ارتقه
وصار عنده الحكم وعيونه عمت
..........................
بعدك امدد خذو دور الحِمه
ونار احقاد ابكَلبهم مضرمه
السان واحدهم اشد من صارمه
وحين كَالو يهجر اركَاب اكَطعت
............................
تاركٌ فيكم كتابي وعترتي
وهاي فاطم هيه روحي وبضعتي
بيهه اوصيكم يناسي وصحبتي
وعينهه من عصرت الباب انطفت
..........................
يا أبو القاسم عكس دربك مشو
واتفاقيات ضلمه شكلو
عالخلافه ابسيف شر اتسلطو
واغصبو حق الخلافه واختفت
..........................
أدخلو مجمل سُنَن بيهه الفِتن
والاسلام ابدونك انت ابلا وطن
يانبي واحكامك الحره انتهن
وعالحكم ربع السقيفه سيطرت
..........................
انتشرت اجفوف الضلام ابكل شبر
امتدت احروف الظلال اعله الحبر
انت ابو لأُمه ابد ماعدهه بِر
ويه ما عنهه اختفيت اتفرقَت
..........................
ضل غريب الدين بديار الاهل
وعافو المن سيفه دين الله اكتمل
رجعو لجور التعصب والجهل
والخلافه كلمن وحصته صفت
..........................
حته بالتشيع ماحظرو ابد
بالسقيفه انشغلو وعَد العُدَد
بعده جسمك سيدي لامابرد
ابموتك الحار وطواغيت انكرت

الشاعر ياسر العارضي

{ يا نبي الرحمه فلا رحمه بقت }  

أداء : احمد عزيز
كلمات : ياسر العارضي

استشهاد رسول الله.ص آله.
🍂🍂🍂🍂🍂🍂🍂🍂🍂🍂🍂
هاذه جبرائيل ناده بصوته
نقيم مأتم للرسول بموته
والعرش رد الجواب
نعزي فاطم بلمصاب
نقيم مأتم للرسول بموته
/////////////////////
1
الليلة دار المصطفى يحل الحزن
الليلة مكسورة گلب فاطم تون
الجنه هاي الليله لجدامه تحن
من جنان الله نزل تابوته
من جنان الله نزل تابوته
////////////////////////////
2
الليلة طه يموت ويودع الحياة
وصى بلقرأن وصى بلصلاة
صوته ظل ينادي في وقت الممات
اليترك العتره الشفاعه تفوته
اليترك العتره الشفاعه تفوته
///////////////////////////////
3
صده صوت الحق ينادي من سنين
العتره والقرأن حبل الله المتين
حته لو قامت قيامه آمنين
والولايه درته وياقوته
والولايه درته وياقوته
////////////////////////////////
4
الله ناده عله القلم نص الولي
من جلالة الله اكتب ما يلي
من بعد طه الخلفية بس علي
وبعده يحكم بلأمر ذريته
وبعده يحكم بلأمر ذريته
/////////////////////////////////
5
عن اهل بيت النبوه هل امر
أشتركو بسم النبي زمرة كفر
والله بلقرأن لاعنهم دهر
هاي زمره بلكفر منعوته
هاي زمره بلكفر منعوته
////////////////////////////////
خادم الزهراء.ع. الشاعر علي الأديب

الاداء جواد الغرباوي

بس غمضاهه عيونه انقلبوا على الاعقاب
اول جريمه بنته. دفعو عليهه الباب
والدهر ضام.  غدر الايام
اول جريمه بنته دفعو عليهه الباب
@@@@@@@@@
طه الرسول المصطفى آخر حياته بحسره
يباوع على حيدر علي ويرد يصد عالزهره
مات وصحبته اتجاسرو بابه الزنيم يوجره
انصبت سقيفة بموتته وضلع الزجيه تكسره
ضلع الزجيه الزهره.  متكسر أمن الكوم
حيدر علي بخلافك  ضل حاير ومهموم
فعل الإجرام   غدر الايام
اول جريمه بنته ودفعوا عليهه الباب
@@@@@@@
الجانو يطه صحبتك أكثرهم يكرهونك
نصبو سقيفه بموتتك وحطو ملح بعيونك
الدافعت عنهم عمر رادو تره يجازونك
بموتت بضعتك فاطمه بهذا الفعل يمحونك

رغما على انفهم   تبقه وتضل متموت
صوت السمه بيا حيدر عالي ارتفع هالصوت
محيي الاسلام  غدر الايام
@@@@@@@@@
الخلص حياته بدعوته. ينادي يرب الأكوان
يا ربي ارحم شيعتي وخلصهم أمن النيران
لاكن عكس شو ما دعه. جازته الوادم بحزان
عنده حياته فاطمه واذتهه حيل الصحبان

نكرو وصيت طه  وحرفوله كل ما كال
تالي اطلعوا عصابه لا والله موش ارجال
عاشو اوهام.  غدر الايام
@@@@@@@@@
كلت الولي حيدر تره. والي يصير الاول
لاجن ذئابه بموتتك واقع كلام تبدل
كلشي الحجاه المصطفى عدهم ابد ما يعقل
وادم كلام الله أنفه عدهم وأبد ما تقبل


الكالو عليه ضل يهجر. ما تنفع الاصحاب
ما رعو حرمه طه داسو على الاعتاب
والضلم دام. غدر الايام
@@@@@@@@@
تعنو لعد بابك حقد وجابو جزل يردونه
دين النبي وبموتته. اهل الحقد ينهونه
بابك يبو الرحمه بذنب نيتهم يحركونه
وضلع الزجيه فاطمه بالحايط بعصرونه

ضلع الزجيه بعدك.  والنوبه داحي الباب
سم الحسن والنوبه  حسين اعله ذاري اتراب
بحرك الخيام  غدر الايام
@@@@@@@@@@
يالمصطفى وجرح الزمن. يغدر بيوم العاشر
خله الحسين بكربله وحده ولا ضل ناصر
يشاهد صحبته مجتله ودلاله بالهم حاير
يذبحونه طه أمن الكفه. وبصدره يلعب حافر

بالاول يذبحونه. والنوب خيل الكوم
تطحن طحن بالجثه وعاري بلايه هدوم
بكسر العضام. غدر الايام

الاداء ملا امير الفتلاوي