الاداء ملا جواد الغرباوي

☆ مقدمة الليلة السادسة من شهر محرم الحرام ☆
☆ أنصار سيد الشهداء ☆


حي الحسين أصحابـــــه .. آ يحسين وامصابه
وگفـوا درع لـ أطنابــــــه .. آ يحسين وامصابه
•┈┈┈┈•✿❁✿•┈┈┈┈•
صاح ابن ظاهــــر والانصـــار اِلتمَّت
واگلوبــــها ابحُب الِحسـين اتحزَمَت
قِسمَت قَسَـم واشلون لمَّــــن قِسمَت
گبل الهِواشـــــم للمِنـــــــايا اتقَـدمَت

والحگ نِزل طلاَّبــــــــه .. آ يحسين وامصابه
•┈┈┈┈•✿❁✿•┈┈┈┈•
صار الحچــي وكِلمن يبين اِسلوبـه
ويتفَّنن العاشِگ ابحُب مَحبوبــــــه
من يصرخ الحر يبو اسكينه التوبه
مِنْ الگُبَل عابس يشَّگگ ثوبـــــــــه

هذا العِشگ وأسبابـــــه .. آ يحسين وامصابه
•┈┈┈┈•✿❁✿•┈┈┈┈•
أهل المَواقف والأهــوال الصَعبـــه
صُحبة حسين الما مِثلهم صُحبـــه
واحدهم اعله الدِرع لابِس گلبـــــه
كِلمن يحِب لازِم يضحَّي الحُبَّــــــه

خاطر الدنيا اتهابـــــــــه .. آ يحسين وامصابه
•┈┈┈┈•✿❁✿•┈┈┈┈•
واگف حبيب اگبال خيمـــة زينَّب
شيخ الانصــــار وبالوَقــار امرتَّب
گال الها لَتگوليــــــــن عمَّچ شيَّب
باچر ألَعب اعلــــه الرِگب المذهَّب

العَسكر تِطير ارگابـــــه .. آ يحسين وامصابه
•┈┈┈┈•✿❁✿•┈┈┈┈•
واِترَخَّصت زينب حســـــين ابكِلمَـــــه
اوحاچَت حَبيب احچايه تِنگُط حِشمَه
گالَتلَــــه الحســــين ابرگبتَك ذِمَّـــــــه
اوياعمَّي ينكَض ابچِلِمتـــــه الزِلمَــــــه

والدمع چان اجوابــــــه .. آ يحسين وامصابه
•┈┈┈┈•✿❁✿•┈┈┈┈•

الشاعر علي الخيگاني 🖊️📜

الاداء ملا جواد الغرباوي

قصيدة الانصار

لوكملت من صـــــلاتك
هد بينه ولقِي بعصاتك
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°°

لبيك ياضــــــنوة علي وسيد شباب الساده
هد بينه وكت الموزمه وهاي الرگب سداده

نصبح الك ســـــور اوطن
ونحـــــــارب اوياك الفتن
لجلك ندوس اعله المحن ـ يحسين تدرينه

وكت العسر نصبح يسر
بينه يبو سكينه افتـخر
بسيوفنه انجيب النصر ـ ونبث عناوينه

نقسملك احنه بغلاتك
انصـــــير ماي البناتك
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°

الليل نتخـــذه جَمَل وتريــــــــد منه نعوفك
انضيع من دونك ترى وانته النجاة انشوفك

ماجينه حتى انرد ترى
ونعوفــك انته ابنينوى
انموت كل احنه ســـوه ـ هالشرف شارينه

نحمي خيام العايله
نفديك يابو المرجله
ضعن العقيله اندللـه ـ وندلل اسكينه

گــــدامك ايرف علمنه
بالطف نشوفك هممنه
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°

يحسين تامرنه امر والكلمه هاي اسمعها
گدام رجلك سيــدي روس الزلم نگطعها

خصمك وحقك بس عدد
محد يظاهيــــــــــنه ابد
كل جيشهم يصــبح بدد ـ ونزلزل اصفوفه

نسحگ على الموت ابعزم
نهــــزم وبـــــد ماننــــهزم
ونكس اركــاب الزلــــــــم ـ صولتنه معروفه

يحسين حگك علينه
انجيب نصرك بدينه
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°


عمرين لوعدنه الك يحسين رخصناهن
وراياتنه ابعلو النجم بالحومه عليناهن

هبّت صـــــــورامنه عصف
چن ريح صرصر من نصف
برواحــــهم نخطف خطف ـ كل العزم بينه

بالجيـــش حَلّت ضغبره
مدهوش بالصـار اوجره
خيــول ورجال امطشره ـ بالحومه خلينه

واحدنه روح البساله
وتحـــيْر اميه ابنزاله
لبيك اباعبدالله
لبيك اباعبدالله
°°°°°°°°°°°°°°°°°°°°°°°

اصدورنه ادروع الخيم ونرد سهام العسكر
ويـاك حـد آخــر نفس وفـايه يابو الاكــــبر

بصدورنه نلاگي السهم
نطلع علم يســـبگ علم
لجل الشرف نهتف نعم ـ صرختنه ثوريه

كل طاغي لجلك ينسحگ
نرســــم الك لوحة عشگ
مثل الهوه انته وتنشــهگ ـ يحسين بالريه

متحزمين الغــياره
ننتـضر منك اشاره
لبيك اباعبدالله
لبيك اباعبدالله
°°°°°°°°°°°°°°°°°°°°°°°°°°

✍الخادم
كامل السعيدي

الاداء ملا ستار الصالحي

#عابس_مجنون_الحسين



طب غاضب ويصيح ابصوت
لجل حســــين املاوي الموت
طوه الجيش ابسهوله
هلا ابشــــيخ البطوله
©©©©©©

نزل يرعــد وخذ يمطـــر زلازل بالمعـــاره
وگف وگفت علي ابخيــبر ولايعرف خساره
طوه جيوش العدو بسيفه بعزم وبكل جساره
ابد محــــد گرب يمه اوگف مثل المنــــاره

لجل حسين ايهز الكون
فنهم لخــيامه ايكربون
الفخر بالطف ينوله
هلا ابشيخ البطوله
©©©©©©

برز راجل وليچهبه گرب موعد مصـــيره
اســد ضل يرتجز بيهم مِلَه الحــومه بزئيره
ولا همه العــــــــدد همه يقاتل لجل اميره
شهم عابس ترس گلبه العشگ وبراسه غيره

بس حســـــين اباله ايدور
عاشـــگ والعاشگ معذور
لعب بخصومه جوله
هلا ابشــيخ البطوله
©©©©©©©

زعل شايل زعل من طب بطل ولكل تهابه
برز چـــنه ملك مــوت ونزل بيـــهم عذابه
سحگ روس الزلم كلها وتهوسله الصحابه
الكفر سئلو منو الطبنه وتعال اسمع جوابه

آنه الترجف حدره الگاع
ماخذ من حسين اطباع
يموتون اليجــــوله
هلا ابشيخ البطوله
©©©©©©©

شِمَر درعه ومزق ثوبه وبقه ايصول ابقتاله
العشگ جنه وحمل چنه اسد يشبه خصاله
فلا منـــــهم مثل عابس رجل يحمل بساله
شهد يومه وطوى الحومه منو اليگرب خياله

محــــــد يگـــدر يدناه
ما دام الســيف ابيمناه
وفه وغيره ورجوله
هلا ابشيـخ البطوله
©©©©©©

صعب وصفه وشهد طفه يدوس اعله الشوارب
ذبح منهم عدد هائل الف او مايقارب
لجل دينه ولبواسكينه وگف بالطف يحارب
الخصم سبعين الف لكن صبح گدامه هارب

مســـتلهم قوه امن حســـين
يطوي الجيش ابرمشت عين
هتف تكفيني صوله
هلا ابشيــخ البطوله
©©©©©©©

        الخادم
✍كامل السعيدي

الاداء ملا ستار الصالحي

راح  افزع  القاده
يمنه شيخ الساده .....
.هوس بچفيته
*******
هذا ابن  ظاهر   ترجل....  بيده شد  احزامه
الحومه لو يجبل عليهه..... ماجت ابصمصامه
عرس ابسيف المنايا ..... من حلات  ايامه
شبر عن  الجنه  واصل .... رسم  كل احلامه

بيده يمحي الحومه
كاشخ  من  اعلومه......
حيدري جنسيته
هوسه   بچفيته
*********
بيده مسلم شد لثامه... واعتله اعله الحومه
صار يوم الطف حياته... من حلاته ويومه
عوسجه سجل  ملاحم....بطل وفه اعلومه
چان معشوك ابو اليمه... واضح من ارسومه

شد  لثامه  ابيده
حتى يعلن عيده
دلهم بخاچيته
هوس بچفيته
********
يرتجز عابس توشح .......طك غرام اجنونه
شكك اهدومه عقيده .... روحه ثق مرهونه
اجنونه من المهره نازل....بيده  جر  ميمونه
اغتاض والعسكر تفاجئ..من غضبهه اعيونه

هوه عاش احلامه
لو شهر  صمصامه

والفخر تربيته
هوس بچفيته
********
من زهير اخذ الشجاعه.....لو يشد  اوزاره
والشمر شافه تخربط.....ختل بأول غاره
خلد ابسيفه ملاحم......من عظيم  اسراره
شاف بس حسين جنه...بيها طيب انهاره
من  يطب ابكيفه
بيده ياخذ حيفه

بالغريب اوصيته
هوس    بچفيته
*********
يعتلي صوته الغضنفر.....وهب شوف احساسه
طلك  الدنيا حلمهه....من  عشكهه  وناسه
چان  عرس  الطف  حياته.....هيبته ونوماسه
قدوته  اشبول   الهواشم .....والبطل عباسه
خبر   بالطف  نازل
بعرسه چان الكافل

والوفه بشخصيته
هوس..... بچفيته
*********
نافع بشيبه توسل........يم  خيام احسينه
يطلب الرخصه تنعه.....بس دموعه ابعينه
يم خيام الحره وصلوا....چن برير اونينه
صاح واعيونج يزينب.....اله نوفي اسنينه

كل شخص بدموعه
كتب عن  موضوعه

يا نبع  عافيته
هوس بچفيته
*********
تمت بعون الله تعالى
خادمكم يوسف الفتلاوي

الاداء ملا ستار الصالحي

لم أرى اصحاباً مثل أصحابي


لم أرى ... مثل السبعين الوياي
لم أرى ... واحد في اوّاحد ماي
لم أرى ... هيج أنصار بكل دنياي
ياحي الله الزلم
ــــــــــــــــــــــــــــــــــــــ
ساجدين عابدين عاكفين بالخيم
قانتين حامدين شاكرين للنعم
هايمين عاشگين حافظين الذمم

بالظلمه بقو يضوون .. يامحله اساميهم
صارولي درع واسلاح .. كون الله يجازيهم
عابس وي حبيب وجون .. فرحت كربله بيهم

ياعلي ... بالگومه وگعده اينادون
ياعلي ... عِميان وانته النه اعيون
ياعلي ... احفظ عابس واحفظ جون
منهم والله ونعم
ــــــــــــــــــــــــــــــــــــــ
ياجمال يادلال بالرجال ياعشگ
الغيوم والنجوم بالهجوم تحترگ
الرياح والصفاح والرماح تختنگ

خلوهه جثث و ارگاب .. تتطاير مثل دخان
لبسو عالدروع اگلوب .. شگو بالعشگ قمصان
واحدهم مناره اتگول .. والسيف البديه اذان

هل أتى ... عالعـالم مثل الأنصار
هل أتى ... حيدر وبچفه الفقار
هل أتى ... زلزال ويخطف ابصار
والعاند ينثلم
ــــــــــــــــــــــــــــــــــــــ
اتقياء انقياء شهداء كربله
اشگد كرام بالهيام بالقيام زلزله
چن بدور تضوي نور والنحور قافله

چنهم راحو ايحجّون .. والكعبه مخيمنه
گالو ابتشر يحسين .. فدوه الرحمتك دمنه
لو عفناك ابو السجاد .. الله مايقيمنه

نرتقي ... وانسافر اوياك أرواح
نرتقي ... والحب للجنه الـمفتاح
نرتقي ... واندوس ابخشم الذباح
الموته بدربك حلم
ــــــــــــــــــــــــــــــــــــــ
چن  حبيب القريب المجيب للوفه
شيبه صار بس وقار گلبه نار ماطفه
صح چبير  بس امير  زمهرير  عاصفه

ونافع هذا ابن هلال .. جنه هلال عيد الله
وهذا  اسلم التركي .. الـمحّد گدر يوصله
لوحجاج إبن مسروق .. الوياي الظهر صلّه

هكذا ... للصاحب توفي الصحبان
هكذا ... اصحابي الكلهم شجعان
هكذا ... عـاشو احياء وللآن
خالد ظل هالاسم
ــــــــــــــــــــــــــــــــــــــ
احچي اريد  عالشهيد عن سعيد الحنفي
درعي صار  دمه حار  صدره فار الوفـي
أمن الحياة  بالصلاة  والنجاة  مكتفي

صليت الظهر بيهم .. وهوه الساتر اگبالي
اسهام ايصدهن بصدره .. يعرفني صدگ غالي
ماخله السهـام اتمس .. لا جسمي ولا اخيالي

صامداً ... وايصد ابجسمه الرميات
صامداً ... قرآن وينزف آيات
صامداً ... والدم صار إبطوله ومات
أشهم من الشهم
ــــــــــــــــــــــــــــــــــــــ
عالتراب الصحاب واكتئاب  بالگلب
وين اروح  بس جروح  مالي روح  عالغرب
گمت أصيح  گمت اطيح  لاي ذبيح اقترب

مالي قد أراكم هيچ .. نومه وماتحاچوني
ياهل الغيره والوجدان  .. وحدي لا تخلوني
گومولي جزاكم خير .. نشفو دمعة اعيوني

يابلاء ... أكثر من فگد الصحبان
يابلاء ... انتظره ابموت الخوّان
يابلاء ... أعظم من سبي النسوان
وراسي إيودع الجسم

محمد الجماسي

#اللهم_عجل_لوليك_الفرج

نعي ليلة الانصار  عليهم السلام
**
صفيتهم زلمه اعله زلمه
والمن دليلي يشچي همه
من عندي راح الحلوه رسمه
وراح اللي بالشدات انخاه
راح وبگتلي خلافه بس آه
وحشه العمر والله بلياه
بيا ديره ادوره اوين الكاه
من عندي ماخذته المعاره
بس للدمع خلاهه داره
يا صاحبي فگدك خساره
عكبك دليلي شيطفي ناره
المنذور وينه لنصرت حسين
ويانه خلي يزيد الونين
انصار ابو اليمه مطاعين
واحد بسيف وثاني بسهام
وحسين ظل لوحده جدام
من حسين راحت خيرة ازلام
ظل صدر ابو السجاد خالي
وحسين گلهم من بگالي
سهم المثلث واعتنالي
والشمر رايد حز الوريد
والحجر خويه لجبهتي يريد
خويه الحوافر رايده ضلوع
راح النصير وعافني وحيد
وراسي يريد الكافر يزيد
محد بكالي عكب الانصار

وليوث هيجا لو تروم مقارنه
                    هم افضل الانصار عبر الازمنه
هم في المعارك لا مثيل لعزمهم
                      ارواحهم لأبي الوفاء موطنه
*--**
ونسألكم الدعاء والتوفيق
لخادم ال محمد ع
الشاعر حيدر كاظم الساري