لسان حال مسلم ابن عقيل عليه السلام. مرتجزا في ساحة القتال
⚜️⚜️⚜️
مسلم انه وهالعده .يوصل عِلمها
مثل عمي حيدرا .. افني زلمها
اليوم اسوي الماجرىٰ
مثل عمي حيدرا
افني زلمها
⚜️⚜️⚜️
انه اجيت بكل عزم الهالبلد الكم سفير
لچن غدروني الئام صرت وحدي ابلا نصير
انتي ياطوعه انظري وشوفي هاليوم اشيصير
الكوفه تشهدلي واعيد بيها صولات الامير

اليوم هاي الخاينه .. بعزمي اذلها
بصارمي رب العرش.جاعل اجلها
حربي ياهو الينكره
مثل عمي حيدرا
افني زلمها
⚜️⚜️⚜️
نهض بعيونه الغضب والمراجل هزته
وهلهلت طوعه اله وعزمه للصد شدته
غدت ترتج الارض والمباني ابصيحته
بيها طب ويرتجز والمعالي حيته

اتبسمتله ام العلا .. لمن وردها
وارتجز رجزة علي.. يوم الگصدها
الجيش هذا اطشره
مثل عمي حيدرا
افني زلمها
⚜️⚜️⚜️
هاشمي ومن الحرب ابد ماعندي وجل
عندي لجل ابن الوصي الموت احلا امن العسل
ابعزم راسخ معتني وبيدي صمصام الاجل
تنسلب منه الحياة كل من اگبالي امتثل

ابطالكم گلولي وين ..انه انتظرها
مثل كر الماشيه ..الهامات اكرها
اصبغ بدمها الثرىٰ
مثل عمي حيدرا
افني زلمها
⚜️⚜️⚜️
آنه ابن عم الگمر والحسين ابوالأبه
وخادم الخمسه اظل سادتي اهل العبه
شيمتي شيمة علي من الامير امنتبه
يومي هذا من الزغر آنه له وامحسبه

لوشهاده لونصر..وحده امن الاثنين
غايتي هاي النفس..افديها لحسين
الديني اموت بمفخره
مثل عمي حيدرا
افني زلمها
⚜️⚜️⚜️
برض كوفه ام الغدر اليوم اسجل ملحمه
تنذكر عبر الزمن بيها انول الغانمه
توگف اگبالي تريد هالعده متوهمه
اي وحگ چبد الحسن لجري سيل امن الدمه

خلها تثبتلي اشوف ..وينها العياله
ابسيفي اطحن بالوغا..الخيل والخياله
وبيرق الحق انشره
مثل عمي حيدرا
افني زلمها
⚜️⚜️⚜️⚜️
(سيدناصر الموسوي)

لحن وأداء
الرادود الحسيني ابوجليل الدردوشي

أداء الملا ابو جليل الدردوشي

#قصيدة_لمسلم_ابن_عقيل_ع
لسان حال مسلم ع يخاطب الحسين

لا تصـــــدگ  بالرســـــــايل
                  جَهّزوا نـــوگ الهزل
و أزمة بيها الكوفة صارت
                  عالسياط و عالحبل
وياك عـــــــرفوا.   چم سبية
و حسبو احساب.   لـــــرقية   
ـــــــــــــــــــــــــــــــــــــــــ
يا حبيب الله و رسوله. 
                   و اجمل انسان انخلق
كل عهد جاك ابكتبهم
                   حبر هـــــذا اعله ورق
بالسلاســــل جهــزوها
                   و العصي كـــل الفِرَق
وينه وينه المــا يحبنه
                  بجيشهم خويه ألتحَق
                  
لذبحتك  من هسه حَدّوها البـــواتر 
و عقدوا النية لسبي شعندك حراير 
عالخدر تتــــراهن اسمعــها العساكر
و اليفوز اليسلب اكثــــــر منه باچر

مستعدلك.  چف شمرهم 
                    لـــــذبح يبني النبي
و لا محالة  مـــــــدللاتك 
                    عالمــــهازل تنسبي

خيــل جـــــــابوا.   اعوجية
و حسبو احساب    لــــرقية
ـــــــــــــــــــــــــــــــــــــــــ
مــــن حچيهم لا تــــــأمن
                ذولة ما عـدهم صــدگ
و باچر اتشــــوف الحقيقة 
                ظهور مَنْ؟ تصبح زرگ
اخيامك المســـتورة ويلي
                عن ستـــــرها تفتــرگ
و عله عيالك خيمة خيمة
                گبـــال عينك تحترگ

خلافكــــم آ ياضيم خيــتي العقيـــــلة 
و الشمر من كــــــل جهه يلاگنـها خيله
تحامي رملة مدري تشگف سوط ليلة
و يا طفل مـن الجــمر تلحـــگ تشيله           

الأميرة.   كـــــون يَمّها.
             توگــف افياي الخَدَم
مو وراها.  خيل تركض
            و هيه متحفية الجِدَم

شتلـــگه بــــــاچر. من اذية
و حسبوا احساب.  لرقــية
ـــــــــــــــــــــــــــــــــــــــــ                 
واحـد و سبعين فـــــرقة
                  كامـــــــلة عدة و عدد
تعاهدوا بالـدم يغـــــالي
                  مـــــــا يخلـــولك وَلَد
اسهام جابولك جـــديدة
                  بالحقد محــدودة حد
و حضروا نبلة خصوصي
                  لرضيـــــع ال بالمــهد

ماي ما ينطــوك اله يابــو الضماية
و ينذبح طفلك ترة ابسهم المناية
حاله حال اولادك التــوگع ضحاية
و دمه يصعد لسـمه يشكي الرزاية

فوگ صدرك.   روحه تطلع .   
                 من يگص نحره السهم
بكــــل براءة.    يبتسمــلك  
                 و لامه ينـــظر عالخيم

بين ادينـــــــك.    يطفه ضيه
و حسبوا حساب  لـــــــرقــية
ـــــــــــــــــــــــــــــــــــــــــ
امن الشــريعة خلي بالك
                    و اخذ مولاي الحذر
ينكسر  ظهـــــرك علــيها
                    و تنحــــني يم النهر
هناك تسمـعــها الشماتة
                    وياك تحـچي يالقهر
حسين ذيچ الراية اخذها 
                    بعد ما عنــدك گمر

شلون بيك و عالنــهر حيلك تشوفه
طايح و تارس جــــربته دم چفــوفه 
لا تعاتب تنجــــرح روحه العطــوفة
و سهم عينه هوه يشــرحلك ظروفه

اسم زينب. يَمَّه خويه
                      لا تذكــره ينجــرح 
و لا تگله.  هــــا ولونه
                     بهاي صَدِك ينبذح

يعيــــــنك الله.  بهالرزية
و احسبوا حساب. لرقية
ـــــــــــــــــــــــــــــــــــــــــ
يا غربتك تبقه وحـــــدك
                 صوتك المن ينســــمع
ألا من ناصـــــر تنـــــادي
                 و كلها ضدك تنجـــمع
هذا يبدي يحـــــز وريدك
                و ذاكه يگطعلك صبع
ضلوعك التحضنها زينب
                ما يظــــل منهن ضلع

منين مــــا چانت رقية تبــــوس خدك
سهم يدخــــل بعـــد ذاكه الأح چبــدك
كلشي ضدك و انته بس اجروح عندك
و انته عود المصطفه المختــــار جدك

دم چبدتك.   من تشمره. 
                     و يصعد لسابع سمة
گطرة گطرة.   خويه يوگع
                      بيد امــــــك فاطمة
و بيد حمـــــاي   الحمية
و حسبوا احساب  لـرقية                      
ـــــــــــــــــــــــــــــــــــــــــ
الحمدلله
#علي_حسين_الكناني

✍️#علي_حسين_الكناني

أداء الرادود ستار الصالحي

#شور
#نزله
#موشح

اليله مسلم فاگدينــــــــــه اليله
طايـــــح ومامش چفوف اشيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله الحسين نحنه وحيله نهدم
گابــــل العباس اخيه ويبچي دم
يگله مسلم طاح ياراعـــي العلم
واليطيـــــح اخوانـــــــه اتچيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مثل هــذا اليوم عـد الكوفه عيد
تكترت كلها وصبــح مسلم وحيد
بعيد درب حسين عن مسلم بعيد
والسيوف اعله الذبــــــح توميله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله گلب حسين تسري النار بيــه
الحرگه كاتلته وعلي ويصفگ بديه
يكابر بروحـــــه وهله تصبــر عليه
عله مسلم مــــــــــن مشه مخليله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليله حالــــت مسلم اطـــر الگلب
بعيد عنــــــه حسين ونسد الدرب
منين مايتلفت الوادم غــــــــــرب
الكوفه خانت والعطش هــد حيله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

،، مصطفئ الصالحي،،
شهادة مسلم بن عقيل

الشاعر مصطفى الصالحي بصوت حسين عدنان الكوبعي

#محرم1446



((طوفان مسلم))
هاشم الليلة طفح بركانها
مالت ومسلم عدل ميزانها
****
انا انزلناهُ في ليل القدر
نزل سجيل اعله ارباب القصر
مو سلاماََ بس عذاباََ مٌستمر
الماتلوحة اليمنه مات من الزجر
طوعة صاحت ياهلا بقرأنها
فوت بيهم واضرم بنيرانها
****
نزل طوفان ونطق مسلم رعيد
الجيش گالو حيدرة بيوم الوعيد
تسرفن اعليهم ابو ذراع الشديد
الخيل شردت من تطوگها بحديد
ماسلم من جفة حته...... اعنانها
الخيل شردت من گبل فرسانها

****
اي قسم بالعاديات من الضبح
موش بالخيل بيمنته اصبح قدح
راحة انطاهم فقط فرض الصبح
وصار جيش الكوفة لا جيش الجرح
نزل سجيل. وخسف ميدانها
الروس ضلت لازگة.... بحيطانها

****
اركاب من السيف صارت حاده
الخيل گبل الجيش عنهم شارده
نفس عدهم يبقه ابد مو وارده
يمنته تجيس المشت والراده
دخيل ربك من وصل طوفانها
الخيل والجيش التوت ذرعانها
****
يعاين اعليهم ابو اذراع التجف
يلا فضوها بعد سبعين الف
نينوى ارد اعجرها مااخلي كلف
الزلمة بيهم يوكف ومايرتجف
الكوفة وشلت مابقت شبانها
خوذ متروسة صفت وديانها



حسين فريق الجبوري

الاداء ملا جواد الغرباوي

ويــن مسلــم عـن حـميــده اليلـه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وين مسلـم راح عن وادي الطفـوف
وين ذاك الحيـد الـمـخـوف الالـوف
ريتـه حاظـر بـتـه وبـعينــه يشـوف

شلـون بــتـه مــن الـهـظــم تبجيلـه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ثـكـل ونــه وصـار سلـوتـهـا الـدمـع
والــيـتيـمــه ذابـت شلــون الشـمـع
خـبـر عـن والـدهـا ياهـو الـي سمـع

يــرجـع وبـلـكـت حـــزنـــه يشيلــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ثـكـــل هـمــهــه وزادت الام وحــزن
والـــزغـيــره لــلابـــو كــامت تـحـن
ويـــن مسلـم خـل تــراويــه الـمـتـن

ســوت سيـاط الـكــفــر تـشكـيـلــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
منيـن تبـدي بيـا جـرح مــن الجـروح
وكــل مصيبـه الــمــرت اطلع الــروح
شلــون وي الـشمــر مجتـوفـه تـروح

وبـالحبـل شــده الـنــذل كـل حيلــه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تمت بفضل الله واهل البيت (عليهم السلام)
للخـادم مـصـطـفـى حـسيـن الـصـالـحـي

فتحه عزاء الليلة الخامسه

اول لوعه لحسين .. مسلم يا ضوه العين
بالكوفان طايح
____

يا دمعة حميده او لوعة احسين
ياحسره او حزن وادموع و ونين
يمسلم وين جرح اليوجعك وين
خلينه نغسله ابدمعة العين

يا بسملة المصاب للطف اصبحت باب
گلبي اعليك نايح
____

وحيد وبالمعاره مالك انصار
والكوفان كلها اعليك تندار
شي بسهام شي بسيوف شي نار
او غدت بيك الجروح اكبار واكبار
يسحبونك بالدروب وادم سود الگلوب
وانت الجاي ناصح
____

عليك النوح والماتم لديمه
هظيمه تنولي اوحيدك هظيمه
جنات الاله انت او نعيمه
اشلون ابنار يرمونك جريمه

يا نسله امن الابرار تركت احسين محتار
دمعه اعليك سايح
____

يل امصابك مصاب ايشيب الراس
وحيد ابولية الارجاس وانجاس
تمنيته يعينك كون عباس
چا يوم القيامه ايصير بالناس
بس حسره او حسافه عدوك هل تشافه
من عگب المذابح
____

من فوگ السطح يرموك للگاع
وعليك المصطفى وسط الگبر لاع
يمرسول الامامه اجروحك اوساع
يغدروك انت وابن زياد ينطاع

طمع چاتل هل انفوس العقائد عدهم افلوس
اشتنفعهم نصايح

____

عليك ادموم موش ادموع تنسال
يغدروك او يجروتك بل احبال
جسد بالسوگ ويجرونه الانذال
لان ريحك يشابه ريحة الآل

بغضن بل رساله وبياسين وآله
عملوها المذابح
____

ابو فاطمة الطائي

الاداء ملا عدي الربيعي

مسلم طِـوَه الكوفه حيل الله بِـچفوفه
____

سلّ الغضب وي سيفه والغِيره جدحت نـار
وبيهم فـتح ميـــدانه حيّ اِبن أخو الكـرار
ماسِك زِمـام الكــوفه چن مَسكَت البتــار
گص بيده خيط الرحمه سبحه وصفوا طشَّار

تنبض وِفه احروفه حيل الله بجفوفه
___

هـيبـــة علي بعــيـونه وِبروحه صبر حسين
وزود الگـمـــر بِزنـوده يـطبگ اِثنين اِثنين
هذا الوگــع من خـوفه وذاكه الشرد لاوين
ظل كوفي يسأل كوفي هذا الشجاع امنين

بيـهم تـرك خوفه حيل الله بجفوفه
__

طوعه بشغف تربـيله واِتشَجِّعه اعله اعداه
حرمه وخذتها الغِيره رادت تطـب اِويـــاه
بس هيه عكس الوادم ماطِعـنَت بمگفــــاه
صارتله سيف او رايه عن يمنته ويســراه

بالشـده مَـتـعوفه حيل الله بجفوفه
__

صاحب رساله وزوده گــدها وثلث تنـعـام
طاع الحُسَين وشوره وشد للمهمَّـه اِحزام
عن حُـبَّـه مايثـنـــونه مسلم أسـد ضرغام
يشبه علي بصـــولاته ضرباته فوگ الهـام

ضرباته معـروفه حيل الله بجفوفه
__

وَحـده ومِئات اگبـاله ياعــازت العـبــاس
لو ينتخي بريشــاته چا طگها راس براس
وِيطب قَصرهم گوه وِيـفــرِّق الحـراس
عالحگ يگطْعِ اجفوفه والرايـه ماتنجاس

بالمعركه اتـشوفه حيل الله بجفوفه
___

خادم الحسين ع
مرتجى الحسَّاني