قصيده على طور سلطان المنابر الحاج باسم إنه خايف
المستهل👇👇

يالعليله/مثل هذا اليوم من دهور وسنين
يالعليله/سافر لمكه ابوج الغالي الحسين

┄┉❈❥ًً❀💠(❀❥❈┉

عادة الي يسافر لبيت الله فرحان
ولو رجع جايب هدايه اشكال والوان
بس ابوي حسين لمن عاف الاوطان
خله دمع عيوني فوگ خدودي غدران

يالعليله/بغربه عافوج الاحبه والسلاطين
يالعليله/سافر لمكه ابوج الغالي الحسين

┄┉❈❥ًً❀💠(❀❥❈┉

ادري اليفارگ حبيبه وادري اليحب
مايبطل نوح دوم ودمعته اتصب
وانه فارگت الحسين وعمتي زينب
شلون أصبر الروح واهده گلي يارب

يالعليله/أدعي من الله يردلج گولي آمين
يالعليله/سافر لمكه ابوج الغالي الحسين

┄┉❈❥ًً❀💠(❀❥❈┉

گمت اتوسل بعمتي ودمعتي تسيل
فدوه اخذوني وياكم اسرج الخيل
لو يظل عبدالله ويسد وحشه الليل
لاتتركوني وحيده وجسمي عليل

يالعليله/بقيتي وحدج بالنزل وي ام البنين
يالعليله/سافر لمكه ابوج الغالي الحسين

┄┉❈❥ًً❀💠(❀❥❈┉

وحدي عافوني اخوتي وعمي عباس
جنت بوجوده عزيزه ورافعه الراس
حبهم بگلبي يظل ما اله مقياس
فراگهم يصعب عليه والله ياناس

يالعليله/شعر راسج شاب من گد ماتنطرين
يالعليله/سافر لمكه ابوج الغالي الحسين

┄┉❈❥ًً❀💠(❀❥❈┉

سافر حسين وترك ارض المدينه
لجل دين المصطفى الهادي نبينه
كون يرجعلي اطش عمري وسنينه
وافرش دياري ورد واعلگ الزينه

يالعليله/ندعي بجاهج تشافين الموالين
يالعليله/سافر لمكه ابوج الغالي الحسين

┄┉❈❥ًً❀💠(❀❥❈┉

عمه زينب ليش عفتوها العليله
فراك ابوها والاهل ماالهه حيله
ترى عمه من الحزن مانمت ليله
خاف ماشوفج بعد آه يالعقيله
يالعليله /ادعي من الباري نوصل سالمين
يالعليله/سافرلمكه ابوج الغالي الحسين

┄┉❈❥ًً❀💠(❀❥❈┉

✍ الخادمه ام زيد الشمري
البيت الاخير لخادمه الزهراء ام زهراء

يالعليلة

😭😭😭😭😭😭

الشاعرة الخادمة أم زيد الشمري
صوت خادمكم أبو منتظر الإمارة

.

عــلــيــلــه وهــــذا حــــالــي   خــذت حــيــلــي الـلــيــالــي

               غـــرگـــانـــه بــــدمــــوع الــحــزن 
               والــبـــيـــت ٱحِــسّـــنَــــه ســجــن

                         *---------------*---------------*

            الـتــروح اهـلـه بـعـد يـا بـيـت يـحـلالـه
            عـشـتـهـه وراح ٱشــرح نـار هـالـحــالــه
            يـجـي الـلـيـل وصـورهـم تسـكـن ابـالـه
            وٱذا بــاب ٱيـْـتــحَــرّك إجَـوْا حـسـبـالــه

يــعــيــش ٱبــحـالـه صـعـبـه   الـيــگَــضّــي الـلــيــل غـربـه

                أتــــمــــنـــــى ٱمــــوتــــن وٱنــدفــن

                         *---------------*---------------*

            يـحـس ابـكـلـشـي ظلمه الينترك وحـده
            ٱو يِحس البيت سـاعات الـغـرب لِـحـده
            يـعـيـد الـمـاضـي كـلـه ويـذكـر الـگـعـده
            يـظـل يـحـسـب ثـوانـي ودمعته ابـخده

أتــــانــي ٱعــلــه الــمــنــيــه   تــجــيــنــي ٱبــكــل مـسـيـه

                ابــنــوحـــي مــجــروح الــجــــفــــن

                         *---------------*---------------*

            تـظـل بــس الـصــور عــالـبـال مـلـتـمـه
            يـجـرحــه الـبـيـت وٱيـزيّـد عـلـي هـمـه
            يـذكـره الــراح والــمــفــگــود مـن يـمـه
            الــوحـيـد ايـعـيـش يـبـقـه ابعازة الكلمه

الــيــظـل ومــثــلــي وضـعـه   يــصــيــر الــنـــوح طــبــعــه

                يــــومــــيــــه لٱحـــبـــابــــي أحــــن

                         *---------------*---------------*

            تـجـرحـه الـفـارگ اهـلـه كـلـمـه اشلونـه
            يـعـاشـر دمـعـتـه الـتـهـمـل على اجفونه
            كـلـشـي ايـصـيـر ظلمه شتنضر عـيـونـه
            شحال المـثـلـي مـنـهـم گـاطـع ظـنـونـه

أشَــد حــــال ٱوّ وحــــيــــده   الــعـــمـــر إلــــمــــن أريــــده

                يــجــرحـــنـــي يـالـــيـــل الــيــجــن

                         *---------------*---------------*

            مثل شـمـعـه الـيـفـارگ تـحـتـرگ روحـه
            تـمـوت احـلام عـمـره وتـنـزف اجـروحه
            يـون شـبـه الـحـمـام الـونـه مـسـمـوحـه
            الـيـتـانـي احباب تبقه عـيـونه مشبوحه

صــعــب ضــيــم الـحـمـلـتـه   أحــنــن وٱبــچــي ســكــتــه

                بــيــن الــــحــــيــــاطـــــيـــــن وأون

                         *---------------*---------------*

            عـلـيـلـه وهـذا حـالـي بـالـعـمـر شـلـهـه
            الـنـاس الـتـسـأل ٱعـلــه ٱهـلـي شگللهه
            الـتـعـيـش ابـغـربـه حقهه النوح يكتلهه
            الـتـتـنـطـر خــبــر واحــــد يـجـيـبـلـهـه

الــوحـيـده ٱتــمــل عـمـرهـه   مــنــو الــيــجــبــر كـسـرهـه

                حــســــراتــي مــــا تــخــلــص ٱظــن

                         *---------------*---------------*

✍️خادم العليله ع
الشاعر رعد الچريخي

قصيده للعليله عليها السلام

وزن تجليبه

😭😭😭😭

شالــوا كل هلي والدور سدوها

هذا اخر وداع ومايمروها

🏴🏴🏴🏴

توجعني وجع يافرگت الوالي

من جلجل الليل وبيتهم خالي

افتر بالمباني والدمع هالي

بس كتب العلم تذكار خلوها

*ام ستـ✍️ــار الكعبي*

🏴🏴🏴🏴

افتر بالمباني وعيني بس اتسيل

مااعرف نهاري ولاانام الليل

بس دمعي يكت مدرار مثل السيل

شلون امدللتكم يهلي تنسوها

*ام منــ✍️ـذر الحجار*

🏴🏴🏴🏴

نسيتوا امدللتكم ياهلي وسفه

سفرتكم طويله وعالگلب كلفه

وتدروني عليله جروحي ماتشفه

يهلي العافية اوياكم اخذتوها

*ام زهــ✍️ــراء الزيداويه البصراويه*

🏴🏴🏴🏴

اخذتوا العافيه والفرح عني غاب

كتلني فراكگكم ردولي يالغياب

عيوني شابحه بغيابكم عالباب

متى تردون يحبابي وتفرحوها

*ام مرتــ✍️ـضى الخفاجيه*

🏴🏴🏴🏴

تدروني عليله وحالتي حاله

مايهنه العمر الا انتم اگباله

زادت علتي وحملي محد شاله

شلون الغاليه بالنزل عفتوها

*ام محـ✍️ـمد الساري*

🏴🏴🏴🏴

شالوا وابعدوا وگليبي ظل بالهم

ليل انهار اون وابقه احن الهم

هل راحوا بعد ومنين اجيبنهم

بيت اهل النبوه انواره طفوها

*ام بهــ✍️ــاء الكربلائية*

🏴🏴🏴🏴

*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء/دعواتكم للناشره @الجميع علويه اوكفيلها العباس

ابوذيات الى السيده فاطمه العليله عليها السلام
*-----*-----*-----*-----*

اگلوب أهلـي صبــر هاگـــد يحملون
أسبـــاع بحـــرب لـو رادوا يحملون
اگبالــي ضعــونهــم گامــو يحملون
خــذوا روحــي وتوسدت المنيــه

*-----*-----*-----*-----*

بعدكــم روحــي بـس ونــي لهوألها
ودمــوعي كالجمــر عالخد لهلــها
مشــو والعيــن مشبــوحـه لهلــها
عليله وبلكــي يلتفتـــون أليـــــه

*-----*-----*-----*-----*

ونّــي بكــل كتـــر بالـــدار يــدواي
عليهــم والگــلــب تنــــور يــدواي
سلوتي انتم يلب احشـاي يــدواي
مشيتو أوسدت روحي المنيه

*-----*-----*-----*-----*

الشاعر
موسى البديري

مو عليلة...بويه كل الحيل بيـــه
مو عليلة...بويه حتى اسأل رقيه
وياك أخذني ألمن عفتني
بويه يحسين
....................................................
يالنويت اعله السفر وياك اخذها ابنيتــــــــك
بيه حيل أمشي اعله طولي مو عليلة وداعتك
أمس جنت آنه ورقيه نلعب ابفي حجرتــــــك
لو رحت عني وعفتني والله اموت بفركتــــك
تدري بيها...الطفلة من تفكد ابوها
تدري بيها...تركض اتحشم أخوها
من ودعتني المن عفتني
بويه يحسين
.................................................
بويه عني لو رحت ياهو الينشف دمعتــــي
وانته عايفني وحيده وعازة والله عازتــــــي
وياك بويه خل اسافر حالي من حال اخوتي
عالاقل عبدالله اشيله من يفز بغربتــــــــــي
يا ضحكتي...فدوه بس عاين عليه
يا ضحكتي...لا تكلي هاي هيــــه
بويه انتضرني المن عفتني
بويه يحسين
..........................................
أمراً وطاعة يبويه يالنويت اعله السفــــر
رحت ابقى وانتضر طارش يرد منك خبر
أيحرسك الباري ويبعدك من مردات الخطر
يالحنين وداعتك دمعي كسر كلب الحجر
اكضي ليلي...بويه ترجع بالسلامة
اكضي ليلي...امفرفحه مثل الحمامة
هجرك ذبحني المن عفتني
بويه يحسين
.........................................
انتضر ياساعة يوصل خبر منك ماوصل
مثل يعكوب انتضرتك لحد ما وجهي ذبل
خايفه ومرعوبه بويه واحس كل جسمي نحل
مدري صح آنه عليلة مدري وافاك الأجل
بيه حركة...وجن احس روحي يتيمه
بيه حركة...وشوغة الفاكد هضيمـــه
انطر بعدني المن عفتني
بويه يحسين
....................................................
لحضه لحضه ولن اعاين جايتني ام سلمى
وياها قارورة وعجيبه اطرافها اتكاطر دمه
العوض بالله بنيتي كالت والدج يا فاطمـــــة
بعد ما يرجع عليج وروحه صعدت للسمـــه
واسمعتها...وطحت من طولي عليهـا
واسمعتها...وما مصدكه اسمع حجيها
يالواعدتني المن عفتني
بويه يحسين
................................................
خادم خدمة الحسين
الشاعر
محمد الموالي