السلام عليكم ورحمة الله


نبارك لكم عيد الغدير الاغر




هذا صوت امن الضمير يا علي بيوم الغدير
ارسمنه ويّاك المصيـر يا علي بيوم الغدير
------------
يا علي هـذا الغديــر وهل حَشِـد يمَّك تجمّع
وذاك جبرائيل يهتف بذروة العالم الأرفـــع
( يا رسولَ الله بلّغ) وكل فرد هل يوم يسمع
والنبي رافع يمينك وصوته للاسماع يقرع
صاح انصُر ناصريه ربّ واخذل خاذليه
وصرت للهادي وزير يا علي بيوم الغـدير
-------------
يا علي الباري بحِكِمته اختار الك امر الولايه
وفرض عل هادي يبلّغ يا علي وتشهد الآيه
وتمم اعلى البشر دينه ونعمته وحبّك الغايه
وصاح اليوم اكملت ديني اونعمْتي اعـلى البرايه
سـيّدي وذيچ الحشـود صفت عل ناكر شهود
النكر تنصـيب الامير يا علي بيوم الغدير
--------------
يا علي وهاي الحشود اجتمعت لشخصك تبايع
وبخٍ بَخٍّ أحلى كلمة اتشرّفت بيهه المسامع
الشيعتك ردِدت بيهه انفرضت اعلى اهل المطامع
رددوهه وبايعوك وبل غصب قِبلوا الواقـع
غصب عنهم بايعـوك وبل ضمائر حاربوك
رادوا الشخْصـك نظير يا علي بيوم الغدير
---------------
يا علي وكل فرد منهم راد يملك ميّزاتك
لچن يا هو الچان يگدر يرتقي لجوهرة ذاتـك
وانت إبداع الإله الجعل اسمك من صفاتك
علي عالي والمعالي أرض وسْماهه سِماتك
يا علي بهل إعتقاد بايعك حتى الجماد
وحتى نسمات الأثير يا علي بيوم الغدير
----------------
يا علي وهل يوم اجينه انبايع بأصدق مشاعر
وبخٍ بخٍّ كلنه صحنه هذي چلمات الضمائر
يا علي ثابت عهدنه عهد من وجـدان ثائر
وما نبايع أبد غيرك وانت تعلم بالسرائر
يا علي املكت الگلوب وصارت بحبك تـذوب
وابتده بدمنه يسـير يا علي بيوم الغــدير
----------------

عقيل الكاظمي / بغداد

هالليله ــ هالليله ــ ليلــة فرحــه واعياد
   هالليله ــ هالليله ــ انبايع راعي الامجاد
         للمؤمن هدايه ــ تجديد الولايه
    هالليله ــ هالليله ــ  انبايع راعي الامجاد
......................................




حيدر نصّبه بارينـه هاليــوم ــ والي الجعفريه
واحنه انبايعك يا قالع الباب ــ بيعـــه للمنيـــه
يا أول وزيـر البــاري سمــاك ــ للهــادي نَبِيَّـــه
يا حيدر علي يحلالك التـاج ــ من رب البريـه

  تنصيبه ــ تنصيبه ــ ابأمـــر البــاري هاليوم
  نحييهـا ــ نحييها ــ فرحه وكل سنه اتدوم
        وابأصدق نوايه ــ تجديد الولايه
   هالليله ــ هالليله ــ  انبايع راعي الامجاد
،،،،،،،،،،،،،،،،،،،،،،،،،،،،،،،،،،،،،،،،،،،،




ابتبليغ الولايــه نزلــت اتشيـر ــ من بارينــه آيـه
بلغ يارسول البــاري هالنــاس ــ تبليــــغ الولايـه
الكل مؤمن علي الكـرار مولاه ــ وعنوان الهدايه
يحب احبابه او يبغض العاداه ــ خلاق البرايـــه
   هالفرحه ــ هالفرحه ــ هبت منهــا نفحات
   تعيينـــه ــ تعيينـــه ــ من باري السماوات

          وابفرحتنه غايه ــ تجديد الولايه
     هالليله ــ هالليله ــ  انبايع راعي الامجاد

،،،،،،،،،،،،،،،،،،،،،،،،،،،،،،،،،،،،،،،،،




نشكر ربنا من صرنه مواليــن ــ للعتــره الاماجـد
ونفديها الولايه بناظر العيــن ــ وللمبــدأ نجـاهـد
نرمي بالحجر عين اليلومون ــ مــا يثنينــا واحد
احنه شيعة الكرار للمـــوت ــ  وهذا الفرح شاهد
    ماشفنه ــ ما شفنه ــ قائد مثله ما صـار
    وابدمنه ــ وابدمنه ــ نفدي حامي الجار
       مو سمعه ودعايه ــ تجديد الولايه
     هالليله ــ هالليله ــ  انبايع راعي الامجاد

،،،،،،،،،،،،،،،،،،،،،،،،،،،،،،،،،،،،،،،،،،،





بايعنه علي من عالـــم الـــذر ــ و ادوار الـــولاده
وامشينه ابدرب حيدر الكرار ــ وغمرتنه السعاده
للامـه علي مصـــدر الانـــوار ــ ونبراس العبــاده
ميزان العداله وربك انطـــاه ــ دستـــور القيـاده

   قائدنــه ــ قائدنـه ــ واحنه الحيدر اجنود
   منعوفه ــ منعوفه ــ حبــه الابعــد احدود
          حبنه ابلا نهايه ــ تجديد الولايه
     هالليله ــ هالليله ــ  انبايع راعي الامجاد

،،،،،،،،،،،،،،،،،،،،،،،،،،،،،،،،،،،،،،،،،،،،




مثلك يا اسد غالب فـلا صــار ــ ولا بايعنه غيرك
واتقرر علي يالشيعي هاليــوم ــ يتسمـــه اميـرك
قسيم النار والجنه ابو حسين ــ بالمحشر نصيرك
وانوار الولايه ابگبرك اتطـوف ــ وابگبـرك تجيرك
    سمعوني ــ سمعوني ــ صفگه يا مواليــن
    خلـونـــه ــ خلـونـــه ــ انبايع ناصر الدين
         عن علم ودرايه ــ تجديد الولايه
    هالليله ــ هالليله ــ  انبايع راعي الامجاد

،،،،،،،،،،،،،،،،،،،،،،،،،،،،،،،،،،،،،،،،،،،،،،





هنيالك يمن هالليله فرحان ــ ومسرور المشاعر
بتجديد الولايه انته ربحان ــ وابحيــدر تفاخـر
غايتنه نظل للمذهب انصار ــ ونحييها الشعائـر
والحيدر نظل خدامه للدوم ــ وخــدام المنابــر
  وانزوره ــ وانزوره ــ ونحيي ابگبره الافراح
  فرحانـه ــ فرحانـه ــ عنده اتطـوف الارواح
          غفران الخطايه ــ تجديد الولايه
     هالليله ــ هالليله ــ  انبايع راعي الامجاد

،،،،،،،،،،،،،،،،،،،،،،،،،،،،،،،،،،،،،،،،،





عمــار الراشــدي

الرادود ابو هاشم الربيعي

غديرية
,,,,,,,,,,,,,,
ياعلي ياعلي – وياك عالبيعة
,,,,,,,,,,,,,,,,,,,,,,1
انبايعك يابوالحسن – ماتهمنه اهل الفتن
علي انت اجمل وطن – عاصمة حبنه الصحن

ياعلي ياعلي – كلنه الك شيعة
ياعلي ياعلي – وياك عالبيعة
,,,,,,,,,,,,,,,,,,,,,,2
بالغديرية الفرح – كل حفل عدنه نجح
والحق اليوم اتضح – واليعادينه انجرح

ياعلي ياعلي – نهجك انطيعة
ياعلي ياعلي – وياك عالبيعة
,,,,,,,,,,,,,,,,,,,,,,3
عوفوا كالو بس علي – كلنه مانترك علي
شيعه نتنفس علي – مانعيش ابلا علي

ياعلي ياعلي – عدلك نذيعة
ياعلي ياعلي – وياك عالبيعة
,,,,,,,,,,,,,,,,,,,,,,4
الشمس حظرت بيعتك – والكمر من شيعتك
والنجوم اتعنتك – السمه تقبل يمنتك

ياعلي ياعلي – الدين توقيعة

,,,,,,,,,,,,,,,,,,,,,,,,5
بايعك حتى الورد – الكعبة يم بابك ترد
والحمد تقره الحمد – بيك كلهه تعتقد

ياعلي ياعلي – الخير تشريعة
ياعلي ياعلي – وياك عالبيعة
,,,,,,,,,,,,,,,,,,,,,,



حيدر موسى الرميثي

هوسات للغدير

ما تنفع صلاته ولايفيده الصوم
كلمن ما يبايع حيدر بكل يوم
علي اللاهوت الاعظم حجة القيوم
مو شيعي الينكر هالبيعه
🌹🌹🌹🌹🌹🌹🌹🌹🌹🌹🌹🌹
الدين بلا علي مودين يتسمّه
والدين الحقيقي حب ابو اليمّه
الولايه والغدير وشوكَهم نعمه
شيطان اليبغض والينه
🌹🌹🌹🌹🌹🌹🌹🌹🌹🌹🌹🌹

الدين ابحب علي مو تحط يمّه افلان
اهو بس العلي مخلوق هل وجدان
محال الكَلب يجمع ملك وي شيطان
والحيدر ربك خالقنه
🌹🌹🌹🌹🌹🌹🌹🌹🌹🌹🌹🌹
اذا رايد الجنه وبعد منهه اكثر
تبرّه امن السقيفه وشايع الحيدر
صقر اصل السقيفه  وحيدر الكوثر
ميزان من الله اموصفّينه
🌹🌹🌹🌹🌹🌹🌹🌹🌹🌹🌹🌹
يا تاج الامامه وتاج واعظم تاج
ما محتاج غيرك بس الك محتاج
بسمك سيدي خطيت الي منهاج
ولولادي انه الدرسته
🌹🌹🌹🌹🌹🌹🌹🌹🌹🌹🌹🌹
يا اول خليفه امنصبك الرحمن
علي انت امام الكل انس والجان
والله العاف دربك ياعلي خسران
باچر بالنار ايخلونه
🌹🌹🌹🌹🌹🌹🌹🌹🌹🌹🌹🌹
من صاح النبي وبعالم الارواح
منو يبايع علي وبصوته لمّن صاح
صحنه ياعلي لبيك والمفتاح
بالمحشر باجر ينطونه

🌹🌹🌹🌹🌹🌹🌹🌹🌹🌹🌹🌹


الشاعر محمد حسن ضيغم

الرادود ابو هاشم الربيعي

عيد الولايه …عيد الولايه
هالليله خل نفرح سوه
عيد الولايه
🌹🌹🌹🌹🌹🌹🌹
ملتمه هاي الوادم وهالليله فرحه
والمهدي بعياد الغدير يطيب جرحه
طير السعد يفتر علينه الليله جنحه
يفتر علئ راس المحب جنحه يمسحه
من البدايه …من البدايه
هالليله كلش تختلف
عيد الولايه
🌹🌹🌹🌹🌹🌹🌹
رفعوها ضد الناصبي راية علينه
والما يبايع حيدره ماكمل دينه
كل احنه للبيعه لعلي مدينه ادينه
احشرنا يارب وي علي بنفس السفينه
فرحتنه هايه …فرحتنه هايه
هالعيد رحمه للبشر
عيد الولايه
🌹🌹🌹🌹🌹🌹🌹
ياعلي يل اسمك دوه من فدوه ل اسمك
بگلوبنه ياابالحسن محفور رسمك
من نشم شباجك نحس جنه نشمك
اخره ودنيا ياعلي خلينه يمك
هاي البرايه …هاي البرايه
جامعها حبك ياعلي
عيد الولايه
🌹🌹🌹🌹🌹🌹🌹
بايعت حيدر صيح يالتسمع كلامي
گله انته ابوي وسيدي وانته امامي
واليوم من هذا الحفل ابعث سلامي
اني عشگ گلبي علي وحبي وغرامي
بيك الكفايه …بيك الكفايه
والهادي بيده نصبك
عيد الولايه
🌹🌹🌹🌹🌹🌹🌹
كل الحوائج تنگضي هاي المسيه
شيل ايدك وندعي سوه رب البريه
ياربي حاجتنه الفرج لبن الزجيه
يايوم ربي نشاهد الطلعه البهيه
والوجهه ايه …والوجهه ايه
ياربي يمته انشاهده
عيد الولايه
🌹🌹🌹🌹🌹🌹🌹
📝احمد علي البغدادي

(عالمعبر)


عالمـعـبـر وعالمـعـبـر وعالمـعـبـر
متدوس جدمـه المايحبك حيدر

🌹 🌹 🌹

مدوس جدمـه المايدين ابـديـنـك
مفتاح جنة الباري شاله ايـمـيـنـك
عالحوض بـاچـر تنضرنه بـعـيـنـك

الـعـاداك حـيـدر والله لازم يخـسر

🌹 🌹 🌹

احچيهه هـايه ياعلي ومـا بـالـي
بـس انـت وحـدك سـاكـن بدلالي
هالليله بسمك هـالـفـرح يحلالـي

يسقيني بـاچـر چفك مـن الكوثر

🌹 🌹 🌹

خـــل اليلوم اعليه خـــلـــه ابــرايه
هـذا اعتقادي ومـا تغيره احـچـايـه
يــاهـــو الرسول بچفه خـلـه الرايه

وياهو ابيمينه الهد حصنهه الخيبر

🌹 🌹 🌹

امي ارضعتني مــن الولاده ابدرهه
وعلمني ابـــوي اولايـتـه وفـسرهه
گـــلالـــي جنــه ابلا علي تخسرهه

اولاية علي تبقى الاصـل والجوهر

🌹 🌹 🌹

مـــن عـــالـــم الـــذر وذبــت بهيامه
ومنيتي اصـــيــرن خـــادم الخدامه
كل مسلم ابدونه العفه اعله اسلامه

هالكلمه هــايــه الله وصّـــه وقـــدر

🌹 🌹 🌹

آخـــر كـــلامـــي واسـتـمـع هالكلمه
كالعمري فدوه ايروح لحروف اسمه
ايسموني خادم وفـــخـــر بهالخدمه

حــقــــه الخدملك ياعلي لـــو يفخر

🌹 🌹 🌹

✍ بقلم خادم الحسين ع
الشاعر رعد الچريخي

الاداء جواد الغرباوي