رداديه في حق الامام علي عليه السَلٱمٌ
☄☄☄☄
ماريده. ماريده. ماريده
الينكر امام المرتضى ماريده
☄☄☄☄
اموالي علي من المهد ماعوفه
وكل من على زعلان هاي الطوفه
وگفات حيدر للنبي معروفه
روحه ويروح المصطفى مديوفه

شال ايده. شال ايده. شال ايده
صاح النبي حيدر ولي اوشال ايده

☄☄☄☄
رافضي آنه ابمنهجي واسلوبي
وادروب اهل البيت هيه ادروبي
ماني منافق والحقد موثوبي
عندي الخليفه بس علي محبوبي

ماعيده. ماعيده. ماعيده
واضح كلامي والحچي ماعيده
☄☄☄☄
عالن سبيلي او وضًّحت تبياني
حيدر وليي او ماابدله ابثاني
حبًّه يثقًّل بالحشر ميزاني
وخل المخالف ينقذه *الالباني*

شيفيده. شيفيده. شيفيده
ابوحنيفه بالحشر شيفيده
☄☄☄☄
خسران كل من طاع ابن تيميًّه
الحلل اوحرًّم بالاسلام ابغيًّه
الشيعه هيًّه الفايزه قطعيه
منبع علمها صافي ميًّه الميًّه

تأييده. تأييده. تأييده
هالعلم حاز امن العرش تأييده
☄☄☄☄
ياللي اتقلًّد ابن ماجه اومسلم
تبقى ابنهج ام الجمل متسمم
اتعض اصبعك تالي تظل متندم
والشيعي يَم حور الخُلُد متبسم

تمهيده. تمهيده. تمهيده
مأواه بالجنه يتم تمهيده
☄☄☄☄
فاز الًّذي ابنهج الصميده سالك
معلوم وضعه بالحشر مو فالك
و الواله غيره هذا حتماً هالك
خلي ابن حنبل يفيده اومالك

توريده. توريده. توريده
لازم يتم بسفل سقر توريده
☄☄☄☄☄☄

الشاعر سيدناصرالموسوي:

#نسالكم_الدعاء 🌾

ل عيد الغدير ..

غدير الحب علي اتنصب اميري
يانسمة فــرح عالفــقره طيــري

تحـلالـه الـولايـه چفه انرفع رايه
غدير الحب علي اتنصب أميري


علي تـحلاله يتـنصب خليفه
الواصل للنمل خيره ورغيفه
ماراد الولايـه الخـاطر الـمال
يحكم دنيا ويعيش بصريفه

مــــــادور رزق مــن هـالـمـكــانه
بالشمـعه الضوه يحـسبـه أمانــه

دستور الهدايه چفه انرفع رايه
غدير الحب علي اتنصب اميري


تفصاله وتجي اگدار الأمامه
براسه الفقره ماهم لـلـعـمامه
يحكم دنيته ويطب للحروب
ويرجـع لـلفـقـير باأبــتسامه

سيفه بيمنته ولو لاگـــه فـقـره
ايظم السيف حته ايشيل زهره

الما خله حمايه چفه انرفع رايه
غدير الحب علي اتنصب اميري


للحـب وللأمـل صاير رســاله
وماينـسه الـــعدل حته ابقتاله
بحيث بسيفه من يشطر الكفار
نصفـــين ويطــبقها ابــعدالــه

مادنگ أبد بــس ابــصلاتــه
للفقره وألـه عايش حــياتــه

وعمره من البدايه چفه انرفع رايه
غدير الحب علي اتنصب اميري


من طينت علي خلقو فرحنه
ظلمه وهالأسم صاير صبحنه
مايكفي الكلام اشهور واسنين
لو ذره ب علي وحده مدحنه

أكبر من كـــلام ومن قصـــيده
أنرفعت روسنه وي رفعت ايده

هيبه عدنا هايه چفه انرفع رايه
غدير الحب علي اتنصب اميري



حيدر العماري

#قصائد_الغديرية

#مہؤسہسہةّ_مہنہبہريہوٌنہ_آلحسـينيهہ

🌼عيد الله الأكبر 🌼
▁▁▁▁▁▁▁▁▁▁▁▁▁▁▁▁▁▁▁▁▁▁▁▁

غدیریه .غدیریه.بیعتنه غدیریه
من أللّه إلأمر علي
کل عام إلیمر علي
ما دام إلعمر علي
غدیریه .غدیریه بیعتنه غدیریه
&&&&&&&&&&&&&&&&&&&
بیعة فخر لاخر عمر للغالي بایعنه
حیدر أمیر إبهل مسه ورفتله رایتنه
شیعه وعلی إلگطع إلنفس صحناها هیبتنه
هوا إلوصي بعد إلنبي ورافعها عزتنه

غدیریه. غدیریه فرحتنه غدیریه
حماي إلحمه علي
راعي إلموزمه علي
طه إلعلمه علي
غدیریه.غدیریه.بیعتنه غدیریه
&&&&&&&&&&&&&&&&&&&
ثابت یظل یوم إلغدير ویبقا لتالي
حیدر صبح بیه إلأمیر وعل بشر والي
حکم إلٰه إلنصبه و دایم یظل عالي
بیعة دمه ولا ما نرد إلحیدار إنوالي

غدیریه .غدیریه.صرختنه‌ غدیریه
فاتح خیبرا علي
شاطر مرحبا علي
اللّه إلنصبه علي
غدیریه.غدیریه.بیعتنه غدیریه
&&&&&&&&&&&&&&&&&&&
ننثر ورد نعلگ شمع وبفرحته إنعاید
حامي إلحمه رغم إلعده هوا إلصبح قائد
من إلفرح گلب إلمحب هلیله موهاید
توصل فرحته للنجف من کل بلد راید

غدیریه.غدیریه.أشواگه غدیریه
ما عنک بَعد علي
هلیله إنسعد علي
یهتف عل عهد علي
غدیریه.غدیریه.بیعتنه غدیریه
&&&&&&&&&&&&&&&&&&&
حیدر علي هوا إلولي وإلدنیه مبتشرا
نهدي تهاني للنبي ونبارک إلعترا
نبدي فرحنه وإلحزن هذا إلمسه إنکترا
لجل إلولي هذا إلعمر چن ورده وانثرا

غدیریه.غدیریه.هلیله غدیریه
من رد إلشمس علي
ما همه إلفلس علي
یا ریح إلنفس علي
غدیریه.غدیریه.بیعته غدیریه
&&&&&&&&&&&&&&&&&&&
رغم إلعده وإلما رضا إلحیدر علي إنبایع
والي رفض هذا إلامر تاریخه خي راجع
یا هو إلقلع باب إلحصن بس حیدرا إلقالع
ویا هوإلصبح باب إلعلم وچفه إلنبي رافع

غدیریه.غدیریه.هل فرحا غدیریه
یا باب إلعلم علي
یا غیره وعزم علي
صگار إلزلم علي
غدیریه.غدیریه.بیعتنه غدیریه

&&&&&&&&&&&&&&&&&&&
تمت بعون اللّه

لخادم محمّد وآل محمّد ص
عباس ابوحمزه الزرگانی ..إلفلاحیه

قصيدة: اليوم حيدر عيدة
بصوت: سيد فاقد الموسوي
الشاعر: محمد البطحاوي

اليوم حيدر عيده.        علي.      علي.  

النبي رافع ايده.         علي.      علي

🌺🌿🌺🌿🌺🌿🌺🌿🌺🌿

نصباك الباري.         علي.       علي

ماي ربي جاري.     علي.        علي

شاغل انت افكاري. علي.       علي

الولايه ابنحجي بيها.    حيدر الريس عليها


اليوم حيدر عيده.        علي.      علي.  

النبي رافع ايده.         علي.      علي

🌺🌿🌺🌿🌺🌿🌺🌿🌺🌿

اليتامه تريده.       علي.         علي

عاشت ابجف ايده.  علي.      علي

الغيركم ماريده.      علي علي

الماهو وي حيدر اذمه.  وبالاصل ماهوه زلمه

اليوم حيدر عيده.        علي.      علي.  

النبي رافع ايده.         علي.      علي

🌺🌿🌺🌿🌺🌿🌺🌿🌺🌿

قوه الله بسيفه.      علي.      علي

الموشجاع انعيفه.  علي.       علي

الكون كله بكيفه.  علي.      علي

الحرب لمن يطبها. يكضها حيدر من كلبها


اليوم حيدر عيده.        علي.      علي.  

النبي رافع ايده.         علي.      علي

🌺🌿🌺🌿🌺🌿🌺🌿🌺🌿

ماكو واحد غيره.     علي.       علي

والي هاي الديره.    علي.       علي

عايشين بخيره.     علي.       علي

الحجو الماحجو كلهم.  علي حيدر ماهو يمهم

اليوم حيدر عيده.        علي.      علي.  

النبي رافع ايده.         علي.      علي


🌺🌿🌺🌿🌺🌿🌺🌿🌺🌿

المايوالي الوالي.     علي.      علي

بيته صبح خالي.      علي.     علي

علي كلش غالي.      علي.     علي

فدوه الك عمري وحياتي.   علي ياصومي وصلاتي

اليوم حيدر عيده.        علي.      علي.  

النبي رافع ايده.         علي.      علي

🌺🌿🌺🌿🌺🌿🌺🌿🌺🌿
#اللهم_عجل_لوليك_الفرج_والنصر_والعافية

من كنت مولاه فهذا علي مولاه
اللهم والِ ٠٠ والِ من والاه
༺༺༻
اكمل الدين النبي بيـــوم الغدير
جمّع الناس ورفــــــع ايد الامير 
گال حيدر والي من بعدي يصير
وهالأمر مأمــــور بي من القدير

خليفة الحق علياً هذا معناه
اللهم والِ ٠٠والِ من والاه
༺
النعمه تمت واكتمل دين الجليل
يوم صار الوالي حماي الدخيــل
ولي الكل مؤمن وما غيره بديـل
الما يوالي حيدره ناكر جميـــــل

وحجة الله على الناس ارتضيناه
اللهم والِ ٠٠ والِ من والاه
༺
عن جَداره صار أمير المؤمنين
بايعوه وباركــــــوله المسلمين
اصبحت مولانه عن حجه ويقين
وحنه لمر الله ورسوله طائعين

حيدر عمود الدين بالعين رأيناه
اللهم والِ ٠٠ والِ من والاه
༺༺༻
انگلبت الامه على فحل الفحول
مثل مـــاقلبت على طه الرسول
يوم ناشدهم علي ليش الخذول
گالو اعذرنا نسينه مـــــــا تگول

قول رسول الله قد قالو نسيناه
اللهم والِ ٠٠ والِ من والاه
༺
عالولايه الناس باچـــــــر تنسأل
والمـــــــلائك تفتح هناك السجل
الواله حيدر بالحساب شگد سهل
لاچن العــاداه يظل دمعه ايهمل

حب عليِ المرتضى قررهُ الله
اللهم والِ ٠٠ والِ من والاه
༺
حيدر بشار الدراجي

‏مقطع صوتي

📜 القصيدة: بايعنه حيدر
🎤 أداء: مسلم الوائلي
🖋 كلمات: علي الأكبر الغرابي
~~~
بايعنه حيدر .. بايعنه حيدر
من كل گلب ولسان بايعنه حيدر 

الله وأكبر .. الله وأكبر
أذن صدى الوجدان الله وأكبر
~~~~~~
لو هو لو ما اريد يهتف ضميري
يوم الغدير يصير حيدر أميري
بجنح الفرح والشوگ يا روحي طيري
كل شيعي كون اليوم يصبح غديري

بعيد الله الأكبر .. حيدر
الما بايع حيدر .. حيدر
من حوض الكوثر .. حيدر
يحلم باجر يتهنه

فاز وتصدر .. فاز وتصدر
كل عاشگ و ولهان فاز وتصدر
~~~~~~
شال ايده طه وصاح كلمن يريده
حيدر خليفه يصير خل يرفع ايده
واحنه اعله ذاك الصوت صحنه بعقيده
كل عاشگ المفروض حيدر نشيده

الما راده الأول .. حيدر
من دينه شحصل .. حيدر
يقبل ما يقبل .. حيدر
ما يوصل باب الجنة

عالأمه نفخر .. عالأمه نفخر
جي عدنه هيجي انسان عالأمه نفخر
~~~~~~
خلو عليها اشكال شرعي النواصب
هالبيعه للكرار مو إلا واجب
واحنه اعله نفس الراي واحدنه كاتب
ما تعله هاي العين فوگ الحواجب

الما سامع هايه .. حيدر
خل يقره هوايه .. حيدر
مضمون الآيه .. حيدر
حيدر أول مو غيره

هالآيه مصدر .. هالآيه مصدر
مذكوره بالقرآن هالآيه مصدر
~~~~~
للأمه مصدر نور شمس الولايه
وللبيعه هذا اليوم مرفوعه رايه
حبينه والحب جان رمز الهدايه
حبنه العلي الكرار مابي نهايه

مكتوب بعينه .. حيدر
بس حيدر دينه .. حيدر
كل عاشگ بينه .. حيدر
بس حيدر تاج براسه

يوميه يكبر .. يوميه يكبر
حبنه العلي شما جان يوميه يكبر
°°°°°°°°°°°°°°°°°°°°°°°°°°°°°

الاداء ملا مسلم الوائلي

#غديرية

#انت_الإمام

علي ياعلي علي ياعلي
.......

بيوم الغدير انّادي. علي ياعلي
والينه بعد الهادي. علي ياعلي
صرختنه من كل وادي علي ياعلي
انت الأمير
في كل ضمير

علي ياعلي      علي ياعلي
......

ما نسوه شي من دونك علي ياعلي
كل شيعتك يفدونك. علي ياعلي
فدوه العمر لعيونك. علي ياعلي
حبك امان
دربك ضمان

علي ياعلي علي ياعلي
......
لا ما نبايع غيرك. علي ياعلي
والينه عشنه بخيرك علي ياعلي
مثل النبي تقديرك. علي ياعلي
نلگه البديل
لا مستحيل

علي ياعلي علي ياعلي
......

الله اصطفاك لدينه علي ياعلي
حجه وامير علينه. علي ياعلي
انبايعلك اتعنّينه. علي ياعلي
نفس الرسول
زوج البتول

علي ياعلي علي ياعلي
......

غصباً على المارادك. علي ياعلي
انت الولي واولادك. علي ياعلي
ما تنوصف امجادك. علي ياعلي
عون الفقير
والمستَجير

علي ياعلي علي ياعلي
......

اول تظل مو رابع. علي ياعلي
لا مشرك ولا تابع. علي ياعلي
بس لله راكع خاضع. علي ياعلي
خصم الكلام
انت الإمام

علي ياعلي علي ياعلي

سيد زيد الفحام
____&