الليله شاب امن الهواشم بدره غاب
يخوتي وحگ الشباب اعله الشباب
ــــــــــــــــــــ
احنه شيعة علي وخدام الحسين
للنبي وال  النبي  برگبتنـــه  دين
عيب تبخل بالدمع هالليله عيــن
واللي تفرح تبجي باجر بالحساب
ــــــــــــــــــــ
كومو ننسه الفرح ونغيّم حزن
ينحسب ميت دليله المايـــون
الليله نور امن ال هاشم يندفن
ومن سمع بمصيبته ناح التراب
ــــــــــــــــــــ
للعيون الليــــله تنظــــــر فاطمه
رايده ادموع ودمعها يصب دمه
جبدة اوليـــــدي تصيح امسممه
شاب ويلي اعليه مثل الشمعه ذاب
ــــــــــــــــــــ
خيمة الهادي وضوه اعيون الرضه
بالغدر مثل  اهله ابو الهــادي گضه
جبده مو حــافر مهر سم رضرضه
غيّر الوانه وذبل حـــــــــر الصواب
ــــــــــــــــــــ
تعمه عينه المابجه الجرح الجواد
واجب انحد يخوتي ونلبس سواد
مثل مانعلن بعاشور الحـــــــــــداد
وترتفع صرخاتنه بهذا المصاب
ــــــــــــــــــــ
الليله مو بس الارض حتى الجنان
عالجواد امكدره ويبجــــي الاذان
والعزه الصاحب العصر والزمــــان
مثل حال حسين محني وراسه شاب
ــــــــــــــــــــ
الليله كون النار تحرك كل جبد
من ذبل غصنه ذبـــل كل الورد
ياجواد ايصيـح خل حر وعبد
مو ادموع الليله ترخصلك رگاب
ــــــــــــــــــــ
الثار يابو الثار خلونــــــــه نصيح
صيحه كون الليله توصل للضريح
بالجواد انحلفه ابو گلب الجريـح
يرجع ويحيينه موّتنه الغياب
ــــــــــــــــــــ


علي محسن الزيادي

على حب الجواد
اجتمعنا ابلا معاد
ـــــــــــــــــــــــــــ
مجتمعـه: هاليلـه: شيعـــــة فاطمـــه
على حبها: وحب حيدر: حماي الحمه
للمجلس: عطشانه: ومساها الضمــــه
للـمجلس ..  هالوادم  : تحظر هايمـه

رزق رب الـعبـاد
اجتمعنا ابلا معاد
ـــــــــــــــــــــــــــ
توفيقه  : من الله: البالموكب خدم
واليخدم: هنياله: والناصب خيــــم
والگاصد  ،: للحظره: والشايل علــم
الما عايش: هالعالم: ايامـــــه عـــدم

وحق باب الــمراد
اجتمعنا ابلا معاد
ـــــــــــــــــــــــــــ
محلاته   : المعزب: والـنادى هلـــه 
متعلم  : هالخدمه: من طف كربله
السد بابه: وتحــــزم: يــخدم هالملـــــه
هالخدمه   : بحيل الله : تكون امسجله
وعلينــه هذا زاد
اجتمعنا ابلا معاد
ـــــــــــــــــــــــــــ
للكاظم.. نيتنه.. والأبن الرضـــه
لبوجعفر: حنينه: نطلب موعظه
يجمعنه: هاليله: ابن المرتضـــــه
يسمونه.: خليهم.: ذوله الرافضه

وجمعنه اليله عاد
اجتمعنا ابلا معاد
ـــــــــــــــــــــــــــ
يالماشي: من تمشي: خليـــك بـحذر
موجائز  : البصفك  : يمشي المنتظر
واتمعــن: من تمــــــشي: ركز بالنــظر
وادعيله  : بكل خطوه:بوقات السحر

نندبه امن المهاد
اجتمعنا ابلا معاد
ـــــــــــــــــــــــــــ
الشاعر حيدر بشار الدراجي






ليلة استشهاد الإمام
محمد الجواد عليه السلام
٢٩ /ذي القعده /١٤٤٥هج
الجمعه 7 \6 \2024

بصوت خادمكم الرادود ابو هاشم الربيعي

#قصائد_شهادة_الامام_محمد_الجواد_ع_١٤٤٥_هـ

من وحي جرح المصيبه هالمسيه
كربله جات ابعزاها الكاظميه
@@@
اتگلها يا گاع اللي بيها اضريح ضلعين
بالجواد الليله جيتچ واهمل العين
واسه بمصابه مصيبة جده لحسين
هالشباب الچنه لكبر بالرزيه
@@@
بالله يا بغداد من گلبي سلامي
على بوجعفر حبيب الله وامامي
ويلي بالغربه گضه للموت  ضامي
مرتوه من العذب فوگ الوطيه
@@@
سمته الماعدها ايمان وبصيره
ومات وحده عالسطح شيخ العشيره
وابثلاثه تلسعه شمس الظهيره
چنه عالرمضه ابن سيد البريه
@@@
الكاظميه ردت الطف ابعزاها
وصارت اتنوح ابنياحتها معاها
ياللي لحسين اندفن تالي ابثراها
ما ثرى مثلچ خلق ربي وثريه
@@@
بآخر انفاسه الجواد اعليچ وينوح
او ونّته چانت على العطشان مذبوح
عليچ ظلت دمعته لي طلعت الروح
ضل ينوح حسين لي حد المنيه
@@@
التقي چبده من السم او تفطر
مو سهم جاله وطلع ثلثه وتوذر
سالم ابفوگ السطح جسمه المطهر
مو مبضّع منحره عالسمهريه
@@@
صح ثلاثه باقي في اخر حياته
لاچن ابدار الستر ظلت بناته 
مو سبايه عالهزل شالن خواته
ولا بعده زينب انجرت سبيه
@@@
الشاعر علي احمد الحمود







ليلة استشهاد الإمام
محمد الجواد عليه السلام
٢٩ /ذي القعده /١٤٤٥هج
الجمعه 7 \6 \2024

بصوت خادمكم الرادود
ابو هاشم الربيعي

لسان حال الامام الجواد ع
لأمه الزهراء ع

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

خلص عمري يعالم آه..........يم آه

ويتمنى اليموت الاهل........يماه

والبشده يطيح يصيح...........يماه

صحت يمه ولاكو جواب إليه💔

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

جواب الزهراء ع بلسان الحال:

أنه يمك يبعد الروح........ (أُماه)

يوليدي تريد فياي ........أم ماء

ولو يهضم مصاب الجرى......أما

الأشد واعظم مصاب الغاضريه💔

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

اما الخطاب لبني هاشم:

يهل الطيب والنخوه......والأجواد

ياهو المنكم ألاكرم...........والاجود

ليش بعاد هالليله..............والجواد

غريب يصارع لوحده المنيه 💔

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

للحجة عج أقول:

يهدمن ...

المصايب  گامن بروحي........يهد من

وعليهن يابشر مثلي.........ياهو أدمن

صحت يمته الذي بسيفه......يهد من

أهاليه إنسبو بالغاضريه💔

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆


الشاعر جهاد البصيراوي




ليلة استشهاد الإمام
محمد الجواد عليه السلام
٢٩ /ذي القعده /١٤٤٥هج
الجمعه 7 \6 \2024

بصوت خادمكم الرادود ابو هاشم الربيعي

نعي لأستشهاد الامام الجواد
***
شباب وبالعجـــل خلصت سنينه
ينازع بالأجــــــل خافـــي ونينه
يلوج امن الالــم  يعــرك جبينه
وحده اعل السطح ويديــر عينه
***
وحده اعله السطح ماله كرايب
هواي ابعاد مــن عنده الحبايب
مهموم الجـــــواد وكلبه  ذايب
شباب العمـــر ماهواش شايب
****
يصارع بالمنيـــه وهلـــت العين
وين اهله النجابه الساعه جاوين
يشوفونه ابنهم صايبـــــــه البين
ويهدون الهواشــــــم ميه ميتين
***
كون اوي الفجــــــر والله يدخلون
ويلحكون اعله ابنـــهم كون يلفون
ويصعدون السطح داره ويشوفون
عن الكاع بالســـــــــرعه يشيلون
***
حسافه ابلا اهــــــل وابلا عشيره
احتارت روحه والله اشلون حيره
ألمن هالنظــــــــــــــر بالله يديره
بالسم ينجـــــــتل يعرف مصيره
***
محد ســــــــــــاعده وسفه ودناله
ظل يلوج بالجمــــــــــــره لحاله
اكو واحد بقه ايشـــــــــيهه مثاله
غريب وبالحبـــــــل جتفو عيتاله
***
اكو واحد غريــــــــب انـجتل كبله
وحيد بكربلــــــــــــه وماســند ظله
كوه لحك اعلـــــــــه الظهــر صله
وطاح اعله الارض جوتهه الرمله
**
طاح اعله الارض ويلـــوج الحسين
تجوى امن الشمس واجروح هالبين
دارت فوكه كـــــوم العدى صوبين
وهو صوب المخيم دايـــــــر اليعن
***
ينظر عالخيـــــــــــــم نوبه العقيله
كوه ينتهـــــــــــــض دمعــه يسيله
يطيح انـــــــوب لا ميعــــينه حيله
آه يكـــــــــول ياســـــــــكنه ويليله
***
آه يكَــــــــــــــــــــول يبنيتي رقيه
وين اتباتـــــــــــــي يحبيبه المسيه
يحنينه بصحـــــــــاري الغاضريه
مجتوفه بحــــــــبل بويــــه وسبيه
***
مجتوفه بحــــــــبل آيالحنيـــــــنه
تكســــــــرين الكلب ها يالحزينه
لوجوج العـــــــــده لزمي اسكينه
خافنـــــــــج تتيهــــــين الضعينه
***
بحق لوعـــــــــة رقيه هالدعينه
وبحق امصابك الليلـــــــه نحينه
نخينه يالجـــــــــــواد ودم بجينه
نظره انريد مــــــن عندك علينه


أبو علي الركابي

نعي
✍ابو علي الركابي

الاداء ملا ستار الصالحي

يم كبر الجواد بلهفه ودوني
اطوفه والزم الشباج خلوني
**
اباوع للضريح وعيني سجابه
ورتاح اشكثر من اكعد ابابه
صدري ينشرح من ادخل اعتابه
من راعي الكرم ما تشبع عيوني
**
لو شفت المناير كلبي ليش ايرف
ومثل الخايف اعله الحضره اكوم ارجف
من هذا العشك ما راح اتوب احلف
والعذال خليهم يلوموني
***
خادم للجواد وماضي بالخدمه
وما يرتاح كلبي والله بس يمه
صحت مولاي لا تحرمني هالنعمه
خادمكم وريدنكم توفقوني
*
من ابجي بضريحه وادعي يوميه
احسن ماي بارد ينزل اعليه
ابو الهادي نخيته وصافيه النيه
واعرفنه ابد ميخيب ضنوني
****




ماعوفه صحت للموت ماعوفه
شفت حته الحمام بلهفته ايطوفه
ومن ابعد مكان ايحيي بضيوفه
من ابحبه انجن لا تلوموني
****
من كل البقاع الوادم تزوره
وبغداد يسطع عالخلك نوره
خلوني اقرب الهم الصوره
عن هذا الدرب ما ميل يدروني
***
اكصد للجواد واخذ امرادي
فاتح بابه للمحتاج ابو الهادي
طوف بمرقده وبدمعتك نادي
وكله اوياك ابقه وما يبعدوني
*
تمت
تحسين الخفاجي

✍تحسين الخفاجي

الاداء ملا ستار الصالحي