مات الجــواد اليوم مسموم
مظلوم عاش ومات مظلوم
*
هاي المصيبه اتشيب الراس
يا ناس راح الغـــالي يا ناس
مات الجواد ابســم الارجاس

حانت وفاته وكلبه مهموم
مظلوم عاش ومات مظلوم
*
باب المراد الطـــــيب الذات
مات ابشبابه للاســــف مات
اي َالله هاي الدنيــا مأسات

بس والله حكم الظلم ميدوم
مظلوم عاش ومات مظلوم
*
هالليله ســـوده جنها عاشور
كل شيعي ينعه وكلبه مقهور
مات الجواد اليـــــوم مغدور

بالسم يشيعه جبده ملجوم
مظلوم عاش ومات مظلوم
*
ناعي الرزيـــه بالارض صاح
باب المراد اليشفي الاجراح
غدروا حياته من وكت راح

من اهل بيته وناسه محروم
مظلوم عاش ومات مظلوم
*
عاش ابهضيمه وظلم حكام
شاب وشباله امشيــب الهام
عاش ويصارع جـــور الايام

واخر حياته ايموت مهضوم
مظلوم عاش ومات مظلوم
*
سيرة حياته ســــــيرة اجــــروح
يبجي اعله جده حسين مذبوح
يوميه يســــــمع زينــــب اتنوح

واعليها يوم العـــاشر ايحوم
مظلوم عاش ومات مظلوم
*
باب الحوائـــــج باب الامراد
صار اويه جــــده اسد بغداد
من الله طيـــبه وجوده يزاد

جوده وعـــطائه باقي لليوم
مظلوم عاش ومات مظلوم
*
ابو يزن
الشاعر علاء الجعفري

لبسو سواد                 لجل الجواد
             بالحرب حشدنه
                                        *
واللــــــه اوكفــو من الحشــد ماقصـرو
ابنص الحرب نصبو عزه ومجلس قرو
ابصوت الحزن صار النعي وشگد بچـو
زغــــم الوضــــع مــن مجلسه مابطلــو

علنو حــداد                برض الجهاد
              الحررو وطنه
        ـــــــــــــــــ ❁ ❁ ❁ ــــــــــــــــــ
                              
صوت التفگ نبرت حزن چن بيه تحس
حتــى الفشگ وي الحشد اســـــود لبس
داعش سمع صوت العزه وراسه انتكس
مـــــــن الحشد كل ناصبي اتلقــن درس

حـــاير بقه                ابسوح الوغه
           ويعرف ابجهدنه
   ـــــــــــــــــ ❁ ❁ ❁ ــــــــــــــــــ

صبــح اومسه لمصيبته يجري الدمع
وبمجلسه كل الخــــــــدم بيه تنجمع
برض وسمه صوت الطم ضل ينسمع
بمصيبته ذاب الگلـــب مثل الشـــمع

بسم الحشد            مـوكب يرد
            والحزن فجعنه
ـــــــــــــــــ ❁ ❁ ❁ ــــــــــــــــــ

طه النبي ابليل الحـــــزن يمهم حظر
وحيــدر علي وي الحســــن والمنتظر
وحسين اجه يجري الدمع محني الظهر
وي الحشــــد ناحو ســــوه وشبعو قهر

والزهره اجت            وشگـــد بچت
                 زيدت ألمنه
  ـــــــــــــــــ ❁ ❁ ❁ ــــــــــــــــــ

سبعين الف بيـــــهم شهد طـف كربله
اوداعش اجه ابنفس الظلم والمسئله
بزود الحشــد لا ضـل شمر لا حرمله
بيـــــرق نصر بسم الحشد رف اوعله

ابغيره وههم            رفعــــــو علم
                ونعم زلمنه
   ـــــــــــــــــ ❁ ❁ ❁ ــــــــــــــــــ

زلـم الحشــد كلهــم دعــو عند العلي
ابجاه النبي خيمه يضـــل سيد علي
طــول العمر روس الحشد بيه تعتلي
هـــوه العمد والمعتمد هـــــوه الولي

بيه نفتخر                 بيه ننتصر
             ونستمد عزمنه
   ـــــــــــــــــ ❁ ❁ ❁ ــــــــــــــــــ 
            
الخادم
كامل السعيدي

الاداء كامل السعيدي

#استشهاد_الامام_محمد_الجواد_ع
قصيدة منبرية اساسية مجلس عزاء

الك حته الحداد لبس لون السواد
دمعات الموالين لفكَدك يالجواد
...............................................
الدقايق مرت الفكَدك أليمه
العيون اتصب على امصابك هَضيمه
رايح وين بالهيبه الرحيمه
صاحت شيعتك باشجم ضليمه
على امصابك تنوح يفيهُم لا تروح
وآهات المساكين لفكَدك يالجواد
..............................................
رحت مسموم وحسين برحيلك
عطشان ولا يمك خليلك
ثلث تيام ما واحد يشيلك
اعله سطح البيت ضايع كل جميلك
يجازوك ابسموم ويزيدون الهموم
لوعات المحبين لفكَدك يالجواد
.............................................

شباب ومنعو اعليك الهوه الهاب
جبيره اخدودك ايلامسهه التراب
عليمن حاربوك ابلايه اسباب
وام الفضل سدت عنك الباب
بالخمسه والعشرين رحت بأقل سنين
والاكثر عناوين لفكَدك يالجواد
.............................................
الحرب عالمدرسه ابلهجة لسانك
وكلما تحجي حاربهم حنانك
ميصير الامان ابلا امانك
ولا يحله الزمان ابلا زمانك
وال دينك الاصول وفروعه انت شتكَول
خل دم تجري العين لفكَدك يالجواد
............................................
بعد ما عرفت الناس المصيبه
اعله راسه اتراب واحدهم يجيبه
بالتشييع الي يحبك نحيبه
مثل زينب لمن جانت غريبه
يمحروم الحياة فلا وكت الممات
وبكل الميادين لفكَدك يالجواد

الشاعر ياسر العارضي

الاداء ياسر العارضي

بين الجواد وجده الحسين
يتشــــابهن بالدنيا قصتين
عالدار مرمي ابن الرضه
وحسين عالغـــبره گضه
༺༺༻
بالدمعـــــــــات والعبره الشجيه
انواسي المهدي والزهره الزچيه
مصـــاب ابن الرضا هاي المسيه
اعله سطح الدار عـــالج بالمنيه

الليله نجّرح جفــــن العيون
وميظل دمع بالعين مدفون
والعين تتنـــاثر شضه
وحسين عالغبره گضه
༺༺༻
ابو الهادي بقه عالسطح مطروح
ثلث تيام نايم فــــــــــاگد الروح
على حاله الحمام البالسمه ينوح
لچن مو مثل جده الشابع جروح

غسله الهادي وشده بأچفان
ماظل تره مذبــوح عطشان
غدرو امــــام الموعظه
وحسين عالغبره گضه
༺༺

يعين الله الزچـــــيه وام الابــــدور
على المسموم تبچي وعلى المنحور
الجواد انصاب چبده ومـات مغدور
وحسين انسحگ بخیول عــــاشور

فايض حــــزنها مثل يعقوب
ومن النوايب شمعه وتـذوب
بدمعة قهر متفـــايضه
وحسين عالغبره گضه
༺༺༻
صحيح ابن الرضا مچتول مسـموم
لچن قصته تهون  وهاي الاهمــــوم
گضه نحبه وهله يم جثته تحــــوم
لا مامات مثل الحسين مــظلــــوم

خل نبچي عالماصحله تغسيل
واعله الترايب منحـره ايسيل
تبچي عليه شمس الفضه
وحسين عالـــــغبره گضه
༺༺༻
ابو الهــــادي تشيّـع بين الاحباب
بني هاشم اجو وگفو على الباب
الجنازه عالمتن شالوها الاصحاب
ماظل مثل جده ابحر التراب

عاري وبلا تغســيل ويلاه
محد اجاله وغمض عيناه
ظلت اضلوعه امرضرضه
وحسين عالغبــــره گضه
༺༺༻
جواد اليمه ماعنده سبيه
مثل زينب الحره الهاشميه
ولا طفله بخرابة آل اميه
الف ويلي عله امصيبة رقيه

ولاعنده مثل حسين ايتام
راحو يساره وطــبو الشام
بين الشماته المغرضه
وحسين عالغبره گضه
༺༺༻༻
حيدر بشار الدراجي

الاداء ملا ابو رقيه

أبوذيات نعي لذكري استشهاد الأمام الجواد ع


الجواد السم سره بدمه بلا ماه
وبلا والد وِجد حتفه بلا ماه
عطشان انمرد جبده بلا ماه
وعن شيعة محمد غاب فيه
.......................................
الفرض جان اعله كل وكته يصليه
بحميم السم اجه العاذل يصليه
ثلث تيام ما واحد يصليه
اعله سطح الدار لاكَاهه المنيه
......................................
الجواد ابشيعته عامر وصاله
الحاكم قرر ابقتله وصّاله
اجه وبعدين من عنده وصل له
بيد ام الفضل سم المنيه


الشاعر
ياسر العارضي

وا جواداه     وا أماماه

الليله يم بايك نلوذ وحضرتك
نبچي بدموع الحزن بمصيبتك
گوم واتلگاها تنحب شيعتك
تعنه بمصابك الشيعه ونادتك
وا جواداه     وا أماماه
٢

اعليك ياتاسع گمر نبچي ونحن
والوسيعه ضاگت وصارت سجن
الكاظميه اموشحه بثوب الحزن
يبو الهادي وشيعتك كلها تون
وا جواداه     وا أماماه
٣

ألك ياباب المراد بهل جمع
بالمصاب انذوبلك مثل الشمع
يمك الحاجات نطلبها بدمع
نقسم اعليك ونحلفك بالضلع
وا جواداه     وا أماماه
٤

يالجواد الليله املاك السمه
بالمصاب اعليك نزلت هايمه
شيعتك مو دمع تبچيلك دمه
وبالفجيعه اتعزي أمك فاطمه
وا جواداه     وا أماماه
٥

عالسطح مرمي أبن عقد الوله
بچبد مسموم ودمعته هامله
الناس صاحت هالجسد محد أله
مثل جده حسين وحده بكربله
وا جواداه     وا أماماه
٦

مرمي فوگ السطح مسموم وغريب
نفس جده حسين والمنظر عجيب
واحد اعله السطح والثاني سليب
جسد مسموم وجسد بالدم خضيب
وا جواداه     وا أماماه





لاتنسون والدي وأبني عباس من الرحمه والغفران

خادمكم رياض الرسل الجابري

الشاعر رياض الرسل الجابري بصوت حسين عدنان لكوبعي

ﭽبـده إنمـرد مسموم (شيعتي في إستشهاد الأمام محمد الجواد عليه السلام)
يمكن قراءة هذه القصيده بنفس طور قصيدة ( هذا الغريب إمنين ) التي قرأها الحاج باسم الكربلائي ـــــــــــــــــــــــــــــــــــــــــــــــ
حامي الحـِمـَه مجروح === والهــــادي ﮔلبه إينوح
هذا الجواد اليــــوم === ﭽبـده إنمرد مسموم
ـــــ
بالجواد الهــَم يشيعــــه == من فعـــل أهل الرديــّه
سمــّوا الوالي إبربيعه == وإنهضـــم سيد البريــّه
نسمع الحســــره إبفجيعه == حســرة الزهره الزﭽيـــّه
والحزن عم الوسيعـــــــه == غاب إبن حامي الحميــّه
يرثي الجواد الكون === وأحبابــه ما ينسون
واليهـــــــــم المظلـوم === ﭽبده إنمرد مسموم
ــــ
نوره شع بالكاظميــّه == من ضريحـــه للأعالي
حضرة الوالي الزهيـــّه == موضع إهموم الموالـــي
إيده ﻠﻠﮔاصد سخيــــّه == هذا ينبوع المعالــــــي
يــّمـّه غيض الناصبيــّه == شاهــــــــد أنواره التلالي
زوره إو ترد مســرور === سعيــك يظل مشكور
ﻳﮔضي الحوايــج دوم === ﭽبده إنمرد مسموم
ــــــ
تاسع العتره الشريفــه == هذا أبو الهادي إمامي
حــُبـّه أبداً ما أعيفــه == للجواد أبعث سلامــــــــي
واسع وإيضوي مـُضيفــه == ما يرد مهموم ظامـــــــــي
ريت ينطيني وظيفــه == أكنس إبصحنه إبهيامي
وأمسح صحــن مولاي === وأﺳﮔــي العطاشه المـاي
حسراتي بيـّه إتحوم === ﭽبده إنمرد مسمــــــوم
ـــــ
حيـــّر العالم ولينــه == ناطـق إبكـُل المعارف
نبعه من حيدر علينه == بالعلــــم وأسراره عارف
ما عرف يوم الضغينـه == للعدو وأحقاده كاشــــــــف
سـَمـّته الزمره اللعينـه == واﻠﮔلـــــب مهموم نازف
ينعـــَه التقي القرآن === وإنفجعـت الأكـــــــــــوان
لجله النبي مهموم === ﭽبـــده إنمرد مسموم
ـــــــــــ
نزفت إجروحي المصابه == وإلشبابـــه إدموعي تجري
حزنت الدنيه الغيابه == وإمتلـــه إبآلام صدري
لو تحل تسمع جوابه == إلتهــــــــب نيران عمري
هذا إبن أحمد عتابه == إحيـــــوا ياأحبابي أمري
إحيوا الأمر والدين === نـادوا الوجيه إحسين
مثلك مـُضه المهضوم === ﭽبــــــــده إنمرد مسموم
ـــ
مع تحيات شاعر اهل البيت / جابر الخزرجي النجفي
٢٠ ذي القعده ١٤٤٣ هجريه

الاداء ملا عدي الربيعي