ماريد زفه ولا عرس     اليوم ارد بيدي الشمس
طبيتها      طبيتها
***
رايح بهمه وعزم            انه صكار الزلم 
  الحومه صاحت والنعم    هذا جسام الشهم
عليه مايصعب صعب    اخسف الحومه من اطب 
ماخذ اول بالحرب           راح ادخلهم رعب
وين   من عندي المفر  
وين     لسكيهم صقر 
وين  محظوظ الطفر        راح ادخلهم رعب
عالموت جدامي ركض    وما ريد واحد يعترض
لا ويتها    لا ويتها
***
انه وي سيفي حلف   شاطر وكلش ترف
الكلفه تنذب عالكلف    وبالكلايف ينعرف
صحت ماريدن عرس   راخص العمي النفس
وحك من رد الشمس    اليوم القنهم درس
راح    اكضيها الزلم
راح   اطش بيها ولم
راح     ويله الينهزم      اليوم القنهم درس
طبيت والجيش انكلب    جدي انه قتال العرب
فظيتها      فظيتها
*
بصولتي كلشي اختلف     ذاك شافاني ورجف
وهذا اشوفنه زحف     وذاك يركض عالنجف
هذا ذب سيفه وشرد     وذاك باوعلي وكعد
كلي يالقاسم عهد            ما اعيدنها بعد
ذاك   كلي امروتك
ذاك   كلي بشيمتك 
ذاك  رايد رحمتك   ما اعيدنها بعد
خليت كل عشره بكتر    ويا ويله من عندي اليفر
خليتها    خليتها
**
الحومه ماخذها الخجل      فارس عليها ارتجل
لاح بعيوني الزعل           يعني ماتو بالعجل
يستر الله من انتفض    بيها اطب طول بعرض
الموت افرضنه فرض     وبيهم اترسها الارض
صوت   ما ريد استمع
صوت  من اوصل ينكطع
صوت       رايح يرتفع       وبيهم اترسها الارض
دكيت صدري وزامطت    وماكو زلم بالطف شفت
لا كيتها   لا كيتها
*
بصولتي صارو شتات     وضيعت درب النجات
شي شفت تركض حفات     وهذا سوه روحه مات
صحت صيحت حيدره           سره اريدنكم تره
واليخربط بالسره           اله اكطع منحره
صاح   رد الكم علي
صاح   يله اخضعو الي
صاح      يمه هلهلي       اله اكطع منحره
سويت عمله بكربله    والكاع صاحت ياهله
سويتها    سويتها
****
صحت جدامي اصطفاف    هذا حته اهدومه عاف
وذاك ملك الموت شاف     شورطاه كلي اليخاف
هذا شايل سيفه جاي     وذاك جايب بيده ماي
وهذا ظل يركض وراي    والله بس هالمره هاي
شوف    بالطف شجره
شوف    صارت مجزره 
شوف     كلها محيره     والله بس هالمره هاي
ناديت ممنوع النفس      ومن عدهم الطف انترس
ناديتها      ناديتها
**
تمت
ميثم العمري

الاداء ملا ستار الصالحي

امك للعزه هلـــــــــــــت بواجيهه
***
 
جاسم يابعد كَلبي وبعد عــــــــــــيني
اشــــــوفن وجهك امكدر دحاجـــيني
همـــك يالولد يمـــــــــــه يآذيـــــــني
وين اتريد جـــــــــــــــا امك تخليهه
***  
 
اسم الله اعليك يبني اتحضرك الزهره
اشوفنك ييمــــــــــه اتخنكَـــك العبره
شنهي الي محزنـــــك والكَلب جمره
ناوي الموت متعنــــــــي المواضيهه
***  
 
ليش اخــــدودك الحلــــوه يبعد اهلي
تجوت بالدمــــــــع هايالولــــــد كَلي
بس انته بكَيت واصبحـــــــــت ظلي
موش انته الكلت امـــــــي واباريهه
***
ييمه ايكَلهه مااصــــــبر بعد لاوين
انهدم حيلي ييمه من سمعت حسين
ينادي مابكَالي ناصـــــر ولا معين
وتكتل عمتــــــــــي ونهه وبواجيهه
***
 ييمه ما بعــــــــد اكَــدر ثقل همــي
تفطر باب كلبي مـــن شفت عمــي
راح امشي واخلي حنتــــي بدمــي
وعليه اسهام عدوانــــــي ومراميهه
***
لوسال الدمه ذكرينــــــــــي يايـــمه
عريس وتراب المعركــــــه طــــمه
وعن باقي الشباب ابنج كَبر ضـــمه
وعبراتج تظل هيــــــــــه ونعاويهه
***
يبني يالولد لطمي بنعي وعبــــــرات
اشلون انساك وكَليبي انترس لجمات
ما يكفي الحزن والجمره والدمعــات
صعبه ابلا ولــــــــــــي امك تخليهه
***



أبو علي الركابي

الشاعر ابو علي الركابي بصوت حسين عدنان الكوبعي

((دوس الخيل))


أهيم من الصبح لليل
واعيش بجلمةْ الياويل
هيه الخيل موش هواي
بس هواي دوس الخيل

ياحسين ...

"""""""""""""""""""""""""""""""""""''''''''''

يهدن ذكريات الطف على البال
ويچويني الجمر يحسين ناديت
تنزل دمعتي مشيت مــــره بليل
تتلفــــــــت بخدي تگول حنيت
بتجاعيد الجفن تتعـــثر النــوگ
یالمسهرني مثل المـــاملك بيت
واسولفلك سوالف مال عــشاگ
عسى وليتَ هــــذني والتمنيت

العگل ما ادري رايح وين
خليت امكانه حسين
مايدرون من يحچـــــون
عمري ماعشگت اثنين

ياحسين ...

"""""""""""""""""""""""""""""""""""''''''''''

ماگلك اريد من البچي ارتاح
ولاهيدن أضل كل وكــتي بچاي
مو قصةْ عطش من ما ترويت
هوه الشوفتك يعطــشلك الماي
يالمگطر نده بحساس الجروح
قليلك هيج احسبه هواي وهواي
من گتلك اريدن گتلي شتريد
گتــــــلك انتـــــــه اريدنك يمولاي

اريدك وانت بيه تصير
اعیش وياك لو بالبير
شما يتعده بيه الــشیب
خــويدم چن ارد زغير

ياحسين ...

"""""""""""""""""""""""""""""""""""''''''''''

عزيزي وصاحبي وتسولف وياي
وتنطيني قـــــــبل لا مدلك الأيد
تعرفني بدمعتي الــتارسه العين
المهم انت تعرفني وكلشي مـاريد
اسولف بيك حتى اعله المجانين
اصفنهم وروحي اعله البجي اتزید
المايدري بعذابي بضهري خيگول
عمـــي وكفل زينب لحضه ماهيد

اهيد بیا صريخ عــيال
لو بالنوگ لو بحبال
لو بالدرب طفله اطيح
آنه انســان مو تمثال

ياحسين ...

"""""""""""""""""""""""""""""""""""''''''''''

عشگتك چه عرفتك منتهى الشوگ
ويــــامعنى الجرح بالحسره مخنوگ
أنـــــــــه صاحب وفه يحسين وياك
اليدوس اعله الجمر يفهمني محروگ
مو هينه اعله زينب طـــــولها نشاف
ویتصفح بضلها المار بالـسوگ
قليله الــــــــثوب اذا شگـــيته ياناس
أهو ثوب السمه اعله الخدر مشگوگ

انه اتلوه مثل مســـموم
الزينب والدمع مفهوم
غريبه من السبي للشام
مــن ذاك الزمن لليوم

ياحسين ...

"""""""""""""""""""""""""""""""""""''''''''''

اطير من الحزن والجنح مكسور
من اسمع غريبه تسولف الناس
واگَعدّ صفنتي المكسوره بالــنوح
واتمتم بالصلا قل هو عباس
واشيل چفوف اديه ياعلي ارجوك
یالمرکب الراس اگطعلي الراس
زينب تنســـــــبي ياحـــيدر شلون
وانته اگبالها تطشر احساس

زينب تنسبي وايــنام
وحيدر هو رب الشام
تسكت ياعلي والگوم
تسـبي الحرم والايتام

ياحسين ...


عبد زينب
محمد الابراهيمي

ملا علاء العگيلي

((دثرني غيره))


محتام اجيت الشوفتك
دثـــرني غــــيره برايتك
عطشان اجيـتك يالگمر
شربني كـــوثر جـــربتك

عباس .. ممنـونك
عباس .. مديـونك
عباس .. مجنونك

هوه اليحب مايطلب الدمعه
عاشگ ودمعي قصةّ الشمعه
اصرخ وأگــولن يالگمر وأنعه

مولاي ابو فاضل ...

"""""""""""""""""""""""""""""""""""''''''''''

ازرعني بدروبك ألم
سويني سالوفت نغم
ممنونك وآنه اعترف
مخليني خادم للخدم

وفاي .. بالغـيره
وفاي .. تصويره
وفاي .. تعبــيره

عباس اجيتك والحچي بروحي
شما زاد عشگي تـــكثر جروحي
وأگبال حِسنك ما أكــض نوحي

مولاي ابو فاضل ...

"""""""""""""""""""""""""""""""""""''''''''''

شممني عطــــرك يالاخو
واترسني من عطفك دفو
كـــــــل خوه يمك تنحني
بس انتـــه تســــتاهل اخو

نسمات ... بنفـاسك
نسمات .. بحساسك
نسمات .. نبـــراسك

من نور وجهك تستحي الفضه
والمـــــاي بسمك صـار يتوضه
وصلى عليك وســـلم بفـــرضه

مولاي ابو فاضل ...

"""""""""""""""""""""""""""""""""""''''''''''

بسمك الطــــايح ينتـچي
والحدك ويگضي الحچي
والدمعه لا مـــو معجــزه
المعجزه نحــب البچــــي

لحسين .. وعياله
لحسين .. وخياله
لحسين .. انعــاله

منــــك نريد الحسره والشوغه
يحچايةّ (الله) بذهب مصيوغه
وضلوع صدري سود مصـبوغه

مولاي ابو فاضل ...

"""""""""""""""""""""""""""""""""""''''''''''

عباس يم بابـك ضوه
نورك يصاحب نينوى
وبدورت عيونك خيم
وبيمنتك صار الهـــوه

كفال .. لرقيه
كفال .. علويه
كفال .. بالنيه

عباس احبك واســجد ابابك
احسبني خادم ألك لحــبابك
جنيت روحي وعاشگ ترابك

مولاي ابو فاضل ...


عبد زينب
#محمد #الابراهيمي

ملا علي اكبر خضير

تنــگـــطع جفـــيني     تنعميلج عيني
فدوه كل سنيني     يا زهــــراء

.......

يالــزجـــــيه الــروح بيــدج سلمـــتها
وارفضت نهج السقيفه وما ردتها
انـــتي ياســـــــين وتـــبــــارك رتلـــتها
رحمـة الــــباري بمحبتچ حصلـــتها

اغله من كل غالي       بالحشـر تبرالي
كــــوثـر تــــرويــــني       يا زهــــــراء

..........

اني شفت بهالـدرب اصــل العقيده
يالـــزچــية الــــــمــــا يريــدج مـــا اريـده
اي وحگ ضلعج ينبراس الصميده
كلـبي مـا يتخله عن حب الشهيده

عايشه بأحساسي       هي رفعت راسي
خــــــــــادم تقبليني         يازهراء

.........

الله مــا سـوه الفـَلك لـــو مـــا نبيه
وانخلق طه لجل حامي الحميه
يلـي ما عــندك خبر لـوله الـزچيه
لا محــمد صـــــار ولله ولا وصــيه

من خلقها بنوره        جسدت هالصوره
منها كل تكويني         يا زهراء

..........

ما امـل مـن خدمة السبع المثاني
اني زهرائي بشعوري وكل كياني
اشــكر الـباري بخدمـتج شـرفــاني
حگي مـن اتـباها سلطان بزمــاني

خدمتج اهواها       گلبي ما ينساها
بالكـــبر تنجيني       يا زهــراء

........

واليناشــدي ويگــلي يا هـــــو انته
خادم الزهره بفـخر راسي رفعته
هالــعمر مـــا ريــده لــزهـــره نذرته
بس حضورچ بالگبر مولاتي رته

من تهيل اترابي       لو مشوا احبابي
منـگــر مــتانيـني       يازهراء

مهند المياحي.

لشاعر مهند المياحي

بصوت ستار الصالحي

✍محمد الجماسي
الاداء ملا ستار الصالحي

متى الفرج:
ياحنانك ياغلاتك وانته مذبوح شحلاتك
اختنك لو بالمجالس مااشم ريحة عباتك
ــــــــــــــــــــــــــــــــــــــ
يابحر من المحنّه كلهه تفنه وانته دايم
اسمك ارتاح امن الفضه ارزقني لحضه بهالـمآتم
اعطش واشرب هيامك وبغرامك ابقه هايم
اسألك يابو رقيه حن عليّه اجعلني خادم

يالوحيد ابلا مناصر ابصدرك اتدلي الحوافر
هذا كله وگلبك ايحن عالحرگ خيمة خـواتك
ــــــــــــــــــــــــــــــــــــــ
بالظلام احرگني شمعه ارزقني دمعه اعله السبيّه
دوم اظل عاشگ عزائك كربلائك ثوره بيّه
عود اعوفك تدري يمته لـمّـن انته اتعوف اديّه
ياهو مثلك من اغثه وهـوّه جثّه ايحن عليّه
انصه واتعليلي شاني بيه مهتم ياهـو آني
ولذلك من اذكرك يجري بعيوني فُراتك
ــــــــــــــــــــــــــــــــــــــ
اغفه واحلامي تسافر للمناير وابقه يمّك
طيفك أيغازل جفوني وبعيونـي طابع اسمك
الهوه الاشتمه فاهي ويعله جاهي من اشمّك
اعليك اغار امن الحوافر والله حاير ويـن اضمّك

اسبوع اذا ما بيه جيّه تبقه تتلفت عليه
ومن اجيلك تبتسملي والهله امچلبه ابلهاتك
ــــــــــــــــــــــــــــــــــــــ
ابداعت الزهره الحنينه ابهالسفينه خلني صاعد
وين اروحن لوعفتني وطلعتني أعله التقاعد
انته ابوي وكل عمامي وبهيامي احلى واحد
ومن عزائك لمن اطلع لهلي ارجع گلبي بارد

جايب اوياي الكرامه وراسم ابوجهي ابتسامه
صار الف عام وبعدهه وماتخلّص بركاتك
ــــــــــــــــــــــــــــــــــــــ
إتحرك احساسي واجيلك واعتنيـلك للزياره
شكراً ابگد المسافه والترافه البالـمناره
لو اصيـر ابهالمواكب زلـمه شايب مو خساره
ناذر اسنيني ابثوابك واعله بابك سولي جاره

ماچنت آنه ابزمانك بس ترس گــــلبي حنانك
غايب وبعيوني حـاضر تشبه المهدي بصفاتك
ــــــــــــــــــــــــــــــــــــــ
ويه خدّامك جبتني ولبّستني احلى خامه
وگامت الـوادم تحبني وتحترمني ويامه يامه
اگعد ابصدر المجالس بيدي لامس هالكرامه
هذا بالدنيه افتخاري وانتصـاري بالقيامه

من توقعلي الصحيفه ناجح بهـاي الوضيفه
البس التاج الحسيني وادخل ابجنة رضاتك

محمد الجماسي



#اللهم_عجل_لوليك_الفرج