الرادود ابو هاشم الربيعي

هوسات ولادة الزهراء ع

ليلة مولِد الزهراء إفرح بالولاده إفرح
وإتصَدَّق إذا تِگدر وإذا تنجرِح لاتجرح
وإمدح بِت نبي الرحمن رَبّك بيها من تمدح
ينطيك الجنّه إومابيها
🌿🌿🌿🌿🌿
مِد إيدَك الرب الكون ليلَة مولِد الزهره
تِنزل مائِدة مريم عليك وتنجلي الحَسره
سُفره إمن السِمه للگاع رَبّك فارِش السُفره
من بابه البابك مَمدوده
🌿🌿🌿🌿🌿
كِل صعبه التمر عالبال بس تدعيها ماتصعَب
وإذا رِدْت القُرِب لله بالزهراء تتقَرّب
نور ونازل إمن النور يامشكاة نور الرب
من نور الخالِق مخلوقه
🌿🌿🌿🌿🌿
قَبِل لاينخِلِق آدم خالِق ربَك الزهراء
لذالك من عِصَه أمره صاحه إوعلّمه الاسماء
بسمها لو دعه عَبده ينطي العَبِد كل ماشاء
كل دعوه ابفاطِم   مقبوله
🌿🌿🌿🌿🌿
يوم المحشر إبحُبها تِرجَح كَفّة الميزان
وأبداً مايمر شخصك مالِك خازن النيران
ويصيحك علي وينطيك صَك الجنّة الرضوان
يرويك الكوثر بچفوفه
🌿🌿🌿🌿🌿
ماترجع أبد للگاع إيدك من تِشيل إيدك
كل ماتدعي بالزهراء خير الخالق إيزيدك
يوم الحشر وانته إوحيد محّد صَدِّگ إيفيدك
بس حُب الزهره المعصومه
🌿🌿🌿🌿🌿🌿🌿🌿🌿🌿🌿🌿
الشاعر ناظم الحاشي

هوسات بصوت. مسلم المطيري

هوسات لولادة الطاهرة فاطمة الزهراء عليها السلام

الليله بمولد الزهـــراء. كل الدنيا فرحانه
نزل بالفرحة جبرائيل يخدم فاطمه ويانه
هَنّه المصطفى الهادي بيها وخفگ جنحانه

(( بورود الجنة ايهنّيله ))
.........

فرحـــاااان النبي الهادي وشايل بنته بچفوفه
يسطع من وجهّها النور واملاك السمه اطوفه
اول فتشت العينيـن ابوها فاطمة تشوفه

(( تتبسّم ظلّت بعيونه ))
.........

ورثت من خديجه النور امها المؤمنه الحره
لكن بالفضل والدين فاقت فاطمه الزهره
حضرن اسيا وساره. ومريم تمعن النظره

(( بالزهرة انجنّت مذهوله ))
..........

احنه الليله شيعتها ننصب محفل البهجه
مولد فاطمه الزهراء آية وعالبشر حجّه
حب ام الحسن واجب والحَب فاطمه ينجه

(( بالمولد جينه نهنّيها ))

#سيد_زيد_الفحام
___

بصوت. مسلم المطيري

ابوذيات بمناسبة مولد الزهراء عليها السلام
ابحفلنه الفرحه طشينه ولوراد
بسمچ يحله تسبيحي ولوراد
يفاطم نرتجي منچ ولوراد
تسجلي اسمانه ابهاي المسيه

هاي الزهره فاطم منقبلهه
وعلى النسوان شيخه (من قبلهه) منقبلهه
هدية الباري انطه(ومن قبلهه) منقبلهه
گله يانبي سمهه الزچيه

يغير الزهره روحي من ابيها
مَنو گلي بعلهه من ابيها
الزهره وصاف ورثت من ابيها
وصارت فاطمه الزهره الزكيه

الباري خلق فاطم مالگلها
غير النبي طاهه (مالك الهه) مالگلها
سلمان واباذر (ومالك الهه) مالگلها
خدام ويخدمون الزجيه

الشاعر فلاح الفكيكي

ولادة السيدة الزهراء عليها السلام

شَعَّــت هالليلـه الانــوار
بـولادة أم الأطــهـــــــار
فرحه ويامحلاها
مســرور الوالاهـا
بضعـــة هادينا المختـار

يالتنشد عـن سر هالليله اجواب تريد
بتقويـــم الأيام انعدهــــا ليلـــة عيـد
غنّـــى الصــداح وردد نغمـــة تغريــد
ياليـــل الأحـــزان اتركنـا وروح ابعيد

خـل ننسى اليـوم الأحزان
كلمــن ما يفــرح خســران
مولد بضعة طه
مسرور الوالاها
بضعـــة هادينـــا المختـار

ليله وميمونــه وفواحــه بعطــر الياس
تحييهــا بنغمات الحب مجموعه الناس
عاشت نشوة فرحتها ابأعذب احساس
نشـوه ولـو تسـأل عـن سرها ما ينقاس

هالفرحه تكبر واتزيد
هـاي الليلـه ليلة عيد
فايز من احياها
مسرور الوالاها
بضعة هادينا المختار

لو رايد لهمومك تنسى وتنسـى الآه
احضـر مــولــد أم العتـــره واتعناه
انشد عن سره وفضله تعرف معناه
كلمن يحضر فاز ومشكور ابمسعاه

محفل راعيه المختـار
تتسجل ضمن الانصار
والغايه اعرفناها
مسرور الوالاهــا
بضعة هادينا المختار

طِيب العنبر والجوري او ورد القداح
مجلس ميــلاد البضعه بيهــن فـواح
هايـم گلـب العاشگ مسرور ومرتاح
واتوشح بلوان البهجه بحلـه اوشاح

من هَلَّت كنز الاسرار
كرمهــا الباري الجبار
عالوادم علّاهـا
مسرور الوالاها
بضعة هادينا المختار

آيات الحب نبعثها من طيب الذات
عـن دافــع إيمــان انفســر هالآيات
بليلــة ميلاد الزهره تعلـه الأصوات
اشواگ انقـــدم للعتــره وتبريكـات

شما عشنه ايام وأعوام
نحيــي أفــراح الأكـرام
عتره وحبيناها
مسرور الوالاها
بضعـة هادينا المختــار


كلمات عمار الراشدي

@قصيده لمولد ام أبيها ع




يافاطمه يافاطمه يافاطمه
بنور ج تجلت الليالي. المظلمه🕊✍🦋💞🌿

أجمل تهاني المحب زفاها
يالبيج أملاك السمه تتباها
نهني خديجه بمولدج يم طه
ميت هله بنور الجليله العالمه
يافاطمه يافاطمه يافاطمه 🌸💞🕯

هل اسم يامحلا اومحله حروفه
أنوار وأملاك السماء اطوفه
حور اوانس بنواره مشغوفه
الله الله شنو. هالمكرمه. 🌸🕯💞

الباري بنوارج من. علينه
بنوارج لدرب العدل يهدينه
هالنور دنيه أواخر ه ينجينه
بحبج يازهراء. انول. الغانمه
يافاطمه يافاطمه يافاطمه
🕯🌸💞

سبحانه من صورها ياسبحانه
ام أبيها فاطمه اوريحانه
خلاها مستودع أسرار اكوانه
تسجد لجل انوارها املاك السمه
يافاطمه يافاطمه يافاطمه
🕯🌸💞

الليله فرحنه اوعلكينه الزينه
وانزف تهاني للنبي هادينه
بنواره فوك النجم علينه
بجاهج يزهره نريد حسن الخاتمه
يافاطمه يافاطمه يافاطمه
🌸🕯💞

افراح اواماني للزهره اوتهاني
خل نفرح يشيعه ميلاد الشفيعه ميلاد الشفيعه
،،،،،،،،،،،،،،،،،،،،،،،،،،،،،،،،،
يامن على كلبك صفت متراكمه اهمومك
اوالام وهموم اومحن متكلبه ابيومك
من عندي اسمع هالخبر ويفرح اعلومك
للفرح والبشره اوسعد تتباشر ارسومك
افرح يالموالي لاتحزن يغالي
والكلبك ربيعه ميلاد الشفيعه
،،،،،،،،،،،،،،،،،،،،،،،،،،،،،،،،،،،
ابعشرين ياشيعه ابجماد الاخر اتقرر
رب الجلاله ايبشر المختار بالكوثر
ابهاي الوليده المصطفى استبشر اوكبر
اوشانئه خاب ابدنيته اوصار العدو الابتر
اونسل الفاطميه نور عالبريه
اوللعالم طليعه ميلاد الشفيعه
،،،،،،،،،،،،،،،،،،،،،،،،،،،،،
انوار عصمة فاطمه جمعت نبوتنه
ويه الامامه واثمرت لينه ايمتنه
صبطين رحمه اوكونت انوار عصمتنه
اولوما اهل بيت النبي جاشنهو عيشتنه
من طينتهم احنه بارينه خلقنه
وانهار الشريعه ميلاد الشفيعه
،،،،،،،،،،،،،،،،،،،،،،،،،،،،،،،،،،،،
شمس الزجيه اعله البشر ياناس وهاجه
وكل الخلايق بالحشر للزهره محتاجه
وللدين مبدأ فاطمه وانواره واسراجه
والملك عالكون النبي وام الحسن تاجه
والزهره ابجلاله قانون العداله
وانهار الشريعه ميلاد الشفيعه
،،،،،،،،،،،،،،،،،،،،،،،،،،،،،،،،
تبقه الزجيه الكل محب نور اويشع كلبه
وتحفضه دنيه واخره اوماينحرف دربه
اوكل الذي عنده طلب لوحاجته صعبه
باسم الزجيه فاطمه يقسم على ربه
هاي ام الغوالب تقضيله المطالب
وافضال الوديعه ميلاد الشفيعه
،،،،،،،،،،،،،،،،،،،،،،،،،،،،،
مهما يعذبنه الزمن نبقه احنه بحماهه
اوندعي الاله ابهل الارض يحيينه محياهه
اوبالموت تحضر فاطمه اوبالحشر تلكاهه
اوتتشفع النه اوننتقل للجنه وياهه
اويسقينه الصميده ويعبرنه بيده
للجنه الوسيعه ميلاد الشفيعه..

بصوت. مسلم المطيري

ابيات ابو ذيه لميلاد السيده فاطمة الزهراء عليها السلام


اشم ابهالمسه ياناس ...... ريحن ريحاَ
جوري لو مسك لو هيل ....ريحن ريحان.
صحت يعيوني منّ الدمع .. ريحن
وافرحن حيل للزهره للزچيه......


وحگ اللي يشافي العلل .... ودًاي والداء
سوالف عندي بالميلاد .........ودًي
اسولفهن . واگل للطير ....... ودي
دليلي او روحي للزهره هديه......


عود الميّت ابطرواچ .......... ورّد
يزهره اشما بعدنه انروح .... وارّد وانرد
الچ . وانهوس ابهاليوم ..... ورًد وانردد
عليچ امباركه هاي المسيه .......

عليچ ابكل مسه اسلم ......وصلي
چثير الخير من عندچ ..وصل لي
اجيت ابمولد رايد ........وصل لي
بي مكتوبه الي الجنه الزهيه ....


يدهري اشما ردت دوّس .. علي دچ
اوهاك الگلب ميهمني ...... علي دچ
گلت للزهره يالزهره ...... عله ايدچ
اريد ابمولد ترضي عليه .......


ابو فاطمة الطائي