ــــــــــــــــــــــــــــــــــــــــــــــــــــــ
فَاطِمة وبدأ الخَليقة تنظّمت ب إشرفها
فِطرة السَبعة بلُطفها وعاشت بَ الطافها
السار سُكّان الكواكب واستقرّ مِن طافها
نُور مُحدق بالعَرش رَحمة الباري اوصافها
سِجد كلشي لنُورها.. وانفرض دستُورها
عَ الخليقة چبيرها وصغيرها
الرَّحمة بَيِد اُم الحَسن تقديرها
ــــــــــــــــــــــــــــــــــــــــــــــــــــــ
بيتها المَعمور والحِل والحَرم اعَتابها
النبي ما يَصبح نبي الّا ويمد چفه ببابها
فاطِمة وحِجاب ربّ العَالمين حِجابها
والوجُود يروح فِدوة لخِيط مِن جِلبابها
قَام كلشي بحِيلها.. النِجه بس دِخيلها
وضَاع كلمن ودّه روحه لغيرها
الرَّحمة بَيِد اُم الحَسن تقديرها
ــــــــــــــــــــــــــــــــــــــــــــــــــــــ
مِن الله حُبها اغلىٰ هَدية ومو لكَل واحد يشاء
ولمَحبّتها خِلق هـ الارض واطَباق السماء
يَغضب لخاطِرها الله ويرضىٰ عن الي تِرضاه
بَ اسم ابِنها الرِضا نِطلب الرِضا يا زَهراء
التِرضىٰ بي وتَريده.. الله يَلزم ايده
يصير تَدبير الله مِن تدبيرها
الرَّحمة بَيِد اُم الحَسن تقديرها
ــــــــــــــــــــــــــــــــــــــــــــــــــــــ
فَاطِمة قُطب الوجود وبيها كلشي يَنلزم
يعني لو دَارت وجها الكُون والبي يَنعدم!
السِما ويّ راي الزِچية بالحرب او بَ السِلم
وفقط حُبها الي يميّز الشَهم مِن المو شهم
والبَراءة تحدّد.. مِنو الطيّب مولد
وشِمل حتّىٰ الانبياء تَطهيرها
الرَّحمة بَيِد اُم الحَسن تقديرها
ــــــــــــــــــــــــــــــــــــــــــــــــــــــ

📜 القصيدة:الرَّحمة بَيد اُم الحَسن
🎤 أداء: مَحمّد بَاقِر الخاقاني
🖋 كلمات:السَيّد مرتضىٰ اليَاسِري

الاداء ملا محمد باقر الخاقاني

بسك يالفحل. موخدك ذبل. كف عن البچي اشويه
ارحم حالتك. خفف ونتـك. گمــــت اسمعها ليليه
يابويه راسك شاب ---- جرح الفرگه ماطاب
                    ***
سهرانه طـــول اليل عذبني ونينك
والدمعه ياكرار مرسومه اعله عينك
بفراك أمي هل يوم بس الله اليعينك
حتى اكثر امن النوك للزهره حنينك

يا حامي الحمه.  دارك مظلمه.  نور أم الحسن طافي
الغايب مايرد.  ذبلان الورد.  ملينه الحزن كافي
كلبك يحيدر ذاب ----- جرح الفركه ماطاب
                   ****
صوت الزهره ناداك خلف الباب اسمعه
يا حيدر البسمار من اضلوعي طلعه
طاح المحسن ومات مالحكت اودعه
سل فقارك اوكوم عني الشر ادفعه

اتناديك اوتون.  أنه أم الحزن.  ياراعي المدد مدني
ونته اتعذرت.  من عدهه وكلت.  عنج طه كيدني
عذب دليلي الباب ---- جرح الفركه ماطاب
                 *
صبرني بويه اوياك وصبر عالمصيبه
يجرحني صوتك حيل من اسمع نحيبه
گلبك ادري شب نار ما يبرد لهيبه
ودري المحب يحتار لو ودع حبيبه

جم غالي الرحل.  يوم اوداعه حل.  تلسع جمرة امصابه
ليل الوحشه مر. گضيه بالصبر.  وجرع لوعة اغيابه
نور ام الحسن غاب---- جرح الفركه ماطاب
*
ما جاوز العشرين يابويه عمرهه
ميتهه اوياهه ياريت وتحطني ابكترهه
محرومه صار ايام ما اشتم عطرهه
يابويه اخذني اوياك دليني ابگبرهه

خل نگعد سوه - دلالي انچوه - وزادت لوعة اجروحي
هسه اني ابحلم- ماادري ابعلم - فگد الزهره حز روحي
عذب گلبي الامصاب ---- جرح الفرگه ماطاب
****
هون عليه آلام فگد امي الزچيه
باچر وراي امصاب برض الغاظريه
باچر اشوف حسين جثه اعله الوطيه
ولچم گلبك اهواي من اطلع سبيه

باچر بالغرب- بنتك تنظرب - وصحاب الشيم نومه
آه امن الزمن- راواني المحن- من زغري انه ملچومه
دلالي بويه انصاب ---- جرح الفرگه ماطاب
***

     الخادم
كامل السعيدي

الاداء كامل السعيدي

*نعي للزهراء عليها السلام*
*من ديوان📚 دموع وعبرة في رثاء العترة ج١*
❥━──➸➽❥❂❥━──➸➽❥❂
قال الراوي: عندما نامت العيون وهدأت الأصوات خرج أمير المؤمنين وأصحابه يحملون نعش فاطمة، أقول: ولا أدري ما حال أولاد الزهراء وهم ينظرون الى نعشها.

❥━──➸➽❥❂❥━──➸➽❥❂
يالشايل نعشهه شويه تاني
مصاب الوالدة هدني وعماني
ولاني وحيل دولبني زماني
❥━──➸➽❥❂❥━──➸➽❥❂
دولبني زماني شلون بلوه
فراگ الوالده بالگلب چوه
فلت وانتهت عشرة الحلوه    ❥━──➸➽❥❂❥━──➸➽❥❂
بيهده يدفان الحنينه
راحت وابعدت ما اظن تجينه
لفرگاچ  يا زهرة بچينه
❥━──➸➽❥❂❥━──➸➽❥❂
تبچي العيال وتهمل العين
والحسن يبچي ويا الحسين
نتمناچ يا يمه تعودين
❥━──➸➽❥❂❥━──➸➽❥❂
تخاطب السيده زينب أمها الزهراء تگلها :
*نعي الفراق:🍃*
---------------------
مالي غيرچ ... لا تعوفيني يزهره
مالي غيرچ ... حايره والدمع يجره
مالي غيرچ ... فكي عينچ يمه نظره
مالي غيرج ... ابچي انه وبصدري عبره
مالي غيرچ ... كسر ظلعچ كون اجبره
مالي غيرچ ... عايشه ابگه بحسره
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*

لاستشهاد فاطمة الزهراء عليها السلام (ميمر)

باب الحوايج والخير.  ام الحسن وأسبابه
★★★★★
ماخاف وكتي ولا أهابن شَرَّه
لايذ بعون الباري بسم الزهره
چم مره وگفت بلشدد چم مره
هي الفرج بالصعبات.  والدهر لوسد بابه
★★★★★
باب الفرج كلما زماني سَدَّه
الگاها هيه العون وكت الشده
اي وحگ رب الواقعه والسجده
طب وشفه للمعلول. واليشكي من اصوابه
★★★★★
أندبها لودهري تحَزَّم بالشر
معروفه ام الخير ماتتعذر
يامجمع النورين طه وحيدر
بسم الزچيه ماهاب.  لودهري كَشَّر نابه
★★★★★
من المهد للموت حد ميعادي
حصني الزچيه الزهره بنت الهادي
فاطمي خل الراد بسمي اينادي
بالحشر لوجنه ونار.    كلمن ايرد لأحبابه
★★★★★
لمخدومة الاملاك ام الرحمه
مطلع النور الزاح شر الظلمه
حتماً اصحاب الكفر تجفي النعمه
وادم طبعهم موخير.  طول الوكت سَلَّابَه
★★★★★
النور دار اهل الشرف رافگها
بالنار ليش أهل الظلم تحرگها
باب بلطف چان النبي من ايدگها
مدفوعه چاليش الباب. تاليها بيد  أصحابه

الشاعر حسن لعيبي الحريشاوي

#شهادة_مولاتي_الزهراء_ع



ناذر مولاتي يافاطمه عيوني ودمعاتي البابچ دمه
ناذر دمعه ولجلچ أنعه يافاطمه
================≈====================
عدنا عاشورين مو واحد يشيعه
عاشر حسين السبط هذا شَريعه
وثاني عاشر بالألم لازم نذيعه
فاطمه بدم الظلع صارت نَجيعه

عشرة محرم صار ظلعچ وكسره
بگلب المحب كل يوم يالزهره جمره

لا ما أنساكم هذا عهد وحسين بلطمي ودمعي شهد
عالگ شمعه ولجلچ انعه يافاطمه
================≈====================
اسنيني فدوه الفاطمه وكسرة ظلعهه
ألعن اليوم الحشر كلمن فجعهه
هاذي محنة ام حسن هذا وضعهه
لعنة الله اعله الذي نزّل دمعهه

للموت أظل وياچ عهدي الأمامي
واتمنه الچ هاليوم يوصل سلامي

اموقع تضحيتي بدم النحر للخادم هذا المنهج فخر
الدينچ أسعه ولجلچ أنعه يافاطمه
================≈====================
ساعد الله حيدره بهاي المصيبه
بحرگة الدار وكسر ظلع النجيبه
دين ماعنده النذل لا مو غريبه
من فعاله بكربله زينب سليبه

الحارگ عليهه الباب حارگهه الخيام
نفسه الرمه اعله حسين بالعاشر السهام

لمصابچ عازم للأخره بكل مأتم نبضي وگلبي قره
أصبح فزعه ولجلچ أنعه يافاطمه
================≈====================
شايل بكل بقعه الچ يالزهره رايه
ومجلسي طول العمر مو عالروايه
أيه انتي وفاجر الحارگله أيه
البدايه الباب والمحسن نهايه

ذبّلهه ذاك الصار شيخ وخليفه
بالحقد والتزوير سوه السقيفه

ياونة حيدر طول العمر يا كسرچ فاطم ماينجبر
منهو ايجرعه ولجلچ أنعه يافاطمه
================≈====================
يبقى واليوم الحشر هذا ندائي
مهدوي الصرخه وحسيني كربلائي
فاطميه العبره والأسود ردائي
أكتب بدمي الأبوصالح ولائي

وستمد عزة روح من الهاشميه
لاساوم ولابيع هاي القضيه

بالثار الخادم عنده أمل بمشروع القائم يحله الأجل
اجدامي التسعه ولجلچ أنعه يافاطمه
================≈====================

#الشاعر_الميرزا_محمد_الساعدي

لما أقبل الحسنان وبكيا لفراق أمهما فاطمه يقول مولانا أمير المؤمنين ع والعيش الذي عاشه رسول الله سمعت الزهراء حنت وأنت وفتحت باعيها واحتضنت الحسنان ع كأني بها وهي تقول



   يـذبـحـنـي الـفـراگ           وابـقـه الـكـم اشـتـاگ
يـايـمـه امـوت من الـقـهر    هيچ آنـه كـاتبلي الـقـدر
يـذبـحـنـي الــفــراگ
==================================
مـن يوم ضيعت الأبو وانه الحزن دگ بابي
واتوجـهـت لله وگـلت يـاربي گـرب اكـتابي
ثـاري الـنذل راسم طلع يحرگ عليه اعتابي
من الـ(وإن) ياسامعي دم الظـلوع اخضابي

كِـسـر بـاب عـلـيـه        طـفـل طـاح بـديـه

  بـسـمـاري مـاطـاب               والـمـحسـن انـصـاب
صدري بدفع ايده انعصر     هيچ آنـه كـاتبلي الـقـدر
يـذبـحـنـي الــفــراگ
==================================
لـوداع يـا وادم صـعب شـلون اليوادع روحـه
مكسوره خاطر دمعته عالخد صفت مطروحه
ذبلانه مـن بعد الأهل ورده وصرت مجروحه
بـأي ذنــب قُـتـلـت نـفـسـي بـألـم مــذبــوحـه

الـبـعـد نـار مـصـيـبـه     بـلا أحـباب غـريـبـه

شـاب الـگـلـب شـاب       مـن عـصـرت الـبـاب
وجهي بطبع جفه حمر    هـيچ آنـه كـاتبلي الـقـدر
يـذبـحـنــي الــفــراگ
==================================
هذا الخفت منه حصل خلصت ايام العشره
يابالحسن راح الوسن وراحت ليالي الزهره
جمرة خيام استشعرت وبگلبي ثارت جمره
حسره اليغادر عالمه ايعيش ومحمد حسره

شـفـت آه مـنـايـه     وعلـى الـنـوگ سـبايـه

   يـاوسـفه الأحـبـاب         بـيـدين الأجـنـاب
ولا من إلي واحد نصر   هيچ آنـه كـاتبلي الـقـدر
يـذبـحـنـي الـفـراگ
==================================
گالولي باچر يم حسن هـم تنحرگلچ خيمه
وحسينچ ايدور الفله بيبست ريجهم ظيمه
مگطوعه راسه وبالرمح واتشاهدينه بهيمه
عـاري ويظل بـلا غسل ولا مـن تظلل غيمه

ونـه انوب كـتلني       اسمعت ناس تسبني

يـامـحـنـة حسـيـن            وعـبـدالله والـبـيـن
واچـفوف اشوفن عالنهر  هيچ آنـه كـاتبلي الـقـدر
يـذبـحـنــي الـفـراگ
==================================

#الشاعر_الميرزا_محمد_الساعدي

قصيدة: لا ترحلي
بصوت: عباس عجيد العامري
الشاعر: هادي شبيب الخيكاني/ علي رضا الجياشي
الذاكر:: ميرزا كرار الجناحي
//////////////////////////////////////////////////
لا تـرحـلـي …
ألـىٰ هـُنـا و الـمـوتُ ينْـهـي قُصـتـي
أكـلَ الــتـرابُ مـحــاسـنـاً لأحـبـتـي
دُنـيـــــا و لا دامَ الـخـلـيـلَ لـ خُـلـــهِ
ضحُكْتْ سنون الشامتينَ بـغـربّـتـي

مشـيت … ضـلـمـةْ مـگـابـر
حچيت … عن حـالي باچـر
بـچيت … مـــا بـيـه اكـابـر

يـا كـسَـرتــه الـچـبـيـره … الـيـفـارگ غـالـي
عـمــر راحـت ضحكـتـه … و تدوهن حـالــي
عفـت حيلـي اعله گبرچ … و اردن خـــالـــي

(ه..☆☆☆☆☆☆☆☆☆☆☆ه..)

آآآهًٌ لـمـــنْ …
سـكنَ الـقبورِ أذا الـقبـورِ تسائلت
من ذا الذي تحـتَ الثٌرىٰ فتكلمت
هٰـذا عـلــيًُ جـالسً يـحكـي لـمـنْ !
أهـل الـقـبـورِ على الـرثـاءِ تـألمت

الهجـــر … لا مـــا حـلالـي       
الصبـــر … تعـبـلي حــالـي            
العمــــر … بليــاهـا خـالـي

طبع الـ ايحب كسـرتـه … تـبــيْــن ابـــروحـــهّ
اشمـا يـحـاول يضمّهّـاّ … تـفـضحـهّ اجـروحـهّ
أسكت و عيـني تحچي … عــشـگ مـفضـوحـهّ

(ه..☆☆☆☆☆☆☆☆☆☆☆ه..)

يـا للأسـىٰ …
ذهبَ الشبابَ و ما لـهُ من عـوّدةًُ
لا تأسُـفـنَْ عـلى الـزمـانِ بـمحنـةًُ
فـكُـلـمـا دارَ الــــزمَــــانَ بـ أهـلـهِ
فـقـدِ الأحبـــــةِْ ذا أشـــدُ غـربّــةًُ

ودااااع … فاطمتـي صعـبّـه
ضـيـاع … عـيْـشني غـــربّــه
نــــزاع … ليـهـضـمّــه گـلّـبّـه

مـاكـو لـيـل اليـمـرنـي … و لـگيـت الــــراحــه
ضـهـر محني بمشيتـه … يـكــــض اصـفـاحــه
بين نـاس ابضحكـهـه … اشـكـثـــر مـرتـاحــه

(ه..☆☆☆☆☆☆☆☆☆☆☆ه..)

يا زهرتـي …
أمرَرَ يدي حولَ الضلوعِ مـاَ الخـبرْ
قـد هُشمت و الـقلبُ و اللهُ انكسرْ
ضاقـت بـيَ الـدُنيـا سئـمـتُ حـالها
بئـسـاً لـهـا مـرت و ليتَ الـمـرُ مــرْ

غـريب … احچي أو يـ روحـي
عجيب … مــاكـــو الـجروحـي
طبيب … و يّـهــــدي نـوحـــي

بـ الـوجـــــع خـلّـصـتـهـن … بـقـايـــه ايــامـــي
يـا دوه ايــصح وجـعهـن … وصـلّ لـ اعضامـي
بـ الگـبر مـو فقـط حيلـي … دفـنـت احـلامــــي

(ه..☆☆☆☆☆☆☆☆☆☆☆ه..)
#اللهم_عجل_لوليك_الفرج_والنصر_والعافية
لاترحلي مكتوبة