ولادة الرسول الاعظم ص

تنادي كل محبينه .. يرب صلِ اعله هادينه
"""""""
بـ( حرّاء ) الفخر بادي .. اجاه الهاتف اينادي
بسم الله اقره يالهادي .. ربنه رادك اختارك
ذِكِر قرانه واياته .. نِزَل عالمصطفى وذاته
الوحي جايب تحياته .. النبي بالمصحف اتبارك
ارتفع بالعالي تقديره .. محمد هو من غيره
كتاب الله وتبايينه .. يرب صلِ اعله هادينه
""""""""
السور بالمصطفى اتلالت .. نداءات السمه اتعالت
على طه النبي توالت .. حبيب الله ابو القاسم
دعاه الباري ذي القدره .. عَرّج عالقدس بامره
لسماه السابعة اسره .. بقدرته الخالق العالم
سِره بالهادي من طيبه .. اله الكون يدري به
امين وحارس لدينه .. يرب صلِ اعله هادينه
"""""""
الرسل والانبيا كلهه .. المعاجز لا متوصلهه
الاله بطه جاعلهه .. بنبينه وباهل بيته
يوصل للسمه السبعه .. يرد جبريل ويودعه
سمو المصطفى ورفعه .. وعلى مناهجه ذريته
بنور الباري واسراره .. اثنعش من بعده انواره
اثنعش تضوي ليالينه .. يرب صلِ اعله هادينه
""""""""
رسالة ربنه خلاهه .. بنبينه المصطفى طه
يتمهه ببنته معناهه .. تتم بفاطمة وحيدر
باهل بيت النبي الامجد .. يظل دين الله يتخلد
علينه المصطفى يشهد .. نوافي ولا منتغير
عِشَگنه والعشگ واحد .. شيعة وللنبي نعاهد
علي والزهرة حبينه .. يرب صلِ اعله هادينه
""""""""
اله الكون سبحانَ .. خِتَم بالهادي اديانه
وانزل رحمة قرانه .. رحمنه الخالق بلطفه
محمد مغفرة ورحمه .. دعه لدين الله بالحكمه
عناية الهادي للامه .. غُمرنه بطيبته وعطفه
محمد ساطعة حروفه .. عظيمة السيرة معروفه
اليشبهه بالبشر وينه .. يرب صلِ اعله هادينه

جديد الاول مره تنشر

لشاعرها الحبيب اخوي الغالي
انيس الخفاجي الكربلائي

مسلم المطيري

الشاعر حسين لعيبي الحريشاوي:
ابوذيه لولادة النبي الاكرم محمد صلى الله عليه واله وسلم

ماعندي مهم غيرك ولاهام
يطه ولنشغل كلبي ولاهام
فرح هليوم لادمعه ولاهام
بولادة سيدي خير البريه

يمن يعجز لسان البشر وصفه
يبو الزهره زلال الماي وصفه
ذكرك للعليل انكتب وصفه
وميلادك فخر يابو الزجيه

مسلم المطيري. .......ابوذيات

للشاعر/ حسن لعيبي الحريشاوي

ابوذیات في حق امام جعفر الصادق ع


عجـز کل قــول یامـولاي وصفــاک
مــاي امــن الزلال وعــذب وصفاک
منو‌ ابعلمــه اجیبـه اویاک‌ وصفاک
المذاهب کلهه قدمتلک تحیه


للشیعــه نشـــرت وشلـت علمـاک
اشکثر غرّگ‌ سفّن من فاض علماک
ابـن نعمــان منـک وصــل علمــاک..
ان ونــورت للــدین ضیــه


وحـــگ الــي الـه القـــرآن منــزل
علــی المــذهب نضل للموت‌ منزل
الـک وســط الگلــب مولاي منــزل
سور الدین انته وثخن فیـه

✍حمید خنفري

.

مسلم المطيري. ...ابوذيات

للشاعر/ حميد خنفري

قصيده المولد النبوي الشريف

17_ربيع الآۆلْ


ظهر نوره ظهر نوره

على الكعبه ظهر نوره


بامر رب الجلاله

نزل وحي الرساله

بيده دين الله وحلاله

على الكعبه انرسم صوره
〰〰〰〰〰〰〰

نولد فخر البريه

يشع نوره عليه

رسول الله وصفيه

زال الظلم وي جوره

〰〰〰〰〰〰

دعينه الله لحضوره

عشق قلبي،وسروره

بعد ظلمة دهوره

على الامه وضع سوره

〰〰〰〰〰〰〰〰

يشع ضيه وهلاله

جمع بيهن خصاله

نبي آلله وصاله 

هبل طيح غروره

〰〰〰〰〰〰〰〰〰

نزل قران صادق

وحي من الله ناطق

جمع بيها المناطق

بكتاب الله ونشوره

🌺🌺🌺🌺🌺🌺🌺
الشاعره ام باقر الشويلي

ابو هاشم الربيعي

ميلاد الفرح هاليوم سرنه
انجمعنه وللحفل هاليله سرنه
على نهجك يظل مولاي سرنه
نجدد عهد للباري ونبيه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
حبهم بالگلب ثابت وظل بي ( باقي بي )
يلوذ ابحبهم التايه وظل بي ( ظل في )
ابدربكم ابد مازلن وأظل بي
حب أل النبي سيد البريه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
فاز اللي ببو الزهره تمسك
يظل طول العمر بيهم تمسك
النار وبالحشر لا ما تمسك
شفيعك بالحشر طه وصيه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
صواني الفرح للصادق وزينه
وصفات الطيب من جده وزينه
اشموع ابمولده نعلگ وزينه
ونعيش اجواء فرحتنه سويه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
ميلادك يظل كل عام منهل ( نبع صافي )
ودمع الفرح عالوجنات منهل ( من هل )
يبو الكاظم اليله العيد منهل
فرحت بي كل الجعفريه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الشاعر علي غني الصفار الحلي

ابو هاشم الربيعي

هوسات فرح .. للرسول وللامام الصادق ع

    اليله    ابمولدك     طه     فرحنه
    وعلى  حبك  يبو الزهرة  انجمعنه
    ابعالي الصوت يالمحبوب صحنه
     ها .. الشافع هو الشافع
      يوم المحشر طه اهناك
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
     علينه اهلال عيدك يهل كل عام
     نبي   الرحمه  يطه   وسيد الأنام
     بزغ  فجر  النبوه   وعز   الاسلام
     ها .. امبارك والله امبارك
      هذا  العيد  وهذا  اليوم
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
     إنشمك  إبنفاسنه   نسمت  هوه
     والارض  شعت  من نورك   ضوه
     انته   للعله   يبو  الزهرة    الدوه
     ضواهه  ها .. ها
     ضواهه للدنيه ابنوره
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
     الشيعه  فرحانه  وكلها   تحتفل
     ابمولد الصادق ابن سيد الرسل
     جعفريه  وياك  يحديها    الأمل
     ها ..الصادق انت الصادق
     وانت  الصادق   بالاقوال
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
     ابو الكاظم  امامي  وبحر  العلوم
      وكرامه انطاه ربه ابمولده اليوم
      توالم  مولده  وي  سيد   القوم
      ابميلاده ..  ها ها
      ابميلادة فرحانه الدنيه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
      محتفله الشيعه  وطشت  الازهار
      بحفيد المصطفى وكاشف الاسرار
      استاذ    العلوم    ومنهج    الانوار
       اعلومه .. ها ها
       اعلومه من حيدر ماخذها
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
      اليوم عيدين ابفرد عيد انجمع
      نورهم شع  وعلى الوادم  طلع
     نور ابو الزهرة  والصادق  سطع
      انهنيها .. ها ها
      انهنيها للزهرة اليله
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الشاعر علي غني الصفار الحلي

ابو هاشم الربيعي

فرحانه الخلگ هاي المــسيه
هــــاليله انولـد سيد البـــريه
👏👏👏👏👏👏👏👏👏
هالليله انولد بالــدنيه مــولانه
خاتم للرسل ولمصحف السانه
بميلاده السمه والدنيا فرحانه
املاك وُرسل مـــحتفله ويـانه

انس والجّان محتفله ســويه
فرحانه الخلگ هاي المــسيه
👏👏👏👏👏👏👏👏👏
فرحانه الخلگ هالليله محـــــــلاها
بزخ نور النبي والدنيا ضـــــــــوّاها
وإخذ نوره الگمر منّ النبـــــــي طه
الشمس نزلت عليه وتمم اضـــواها

نزل حتى الوحي يلقي التحيه
فرحانه الخلگ هـــــاي المسيه
👏👏👏👏👏👏👏👏👏
عيد الليله عدنه وكلـــها مسروره
تشعشع بالسمه وجّه النبي نــوره
نزلت يا محمد بيــــك جِم سـوره
الامه الوالتك منّ الله مــــنصوره

الجنه الباري يطيهم هـــــديه
فرحانه الخلگ هاي المــسيه
👏👏👏👏👏👏👏👏👏
انزرع وسط الگلب حبك يهادينه
يمن لجله انخلق هالكون تكوينه
يبو الزهره الشفيع انته وتنجينه
على دربك نسير ونمشي خلــينه

غيرك ما نحب يا بو الزجــيه
فرحانه الخلگ هاي المــسيه
👏👏👏👏👏👏👏👏👏
نحبك سيدي ومن حگنه نتّباها
مثل نعـمة محـبتك وين نلگاها
محبتك جنتة الله وهذا معناها
وبس البايعك هالجـــــنه نالاها

تصير ايامه ورديه وزهيـــــه
فرحانه الخلگ هاي المــسيه
👏👏👏👏👏👏👏👏👏

الشاعر علي كاظم المنصوري

ابو هاشم الربيعي