الاداء مسلم المطيري

الولاده الميمونه للرسول الكريم (ص)




مولاي مولاي يارسول الله
مولاي مولاي يا حبيب الله

1

ياسوره بقرآني واقراها بميلادك
والدنيه ياطه تتشرف بمجادك

قـرآني واقــره يوميه
بميلادك عـاقـد النيــه
بالمحفل من تصد ليه
يمولاي

تلگاني عاشگ وهايم
خل تعرف قصتي الوادم
اتشرف انه الك خادم
يمولاي

مولاي مولاي يارسول الله
مولاي مولاي ياحبيب الله

2

يامعدن وجداني وبروحي واليتك
عالفطره ياعمري من زغري حبيتك

ياروحي واغله كل غالي
تبقـه انته سلوة أمــالي
يالحــبـك سكــن دلالـي
يمولاي

حبيتك خـل يلــوموني
يالساكن انته بعــيـوني
مجنونك خل يسمـوني
يمولاي

مولاي مولاي يارسول الله
مولاي مولاي ياحبيب الله

3

بميلادك يا طه من احضر عالفطره
اقرالك واتأمل بالمولد فد نظره

من احضر ارتجي نظره
تنظـرلي بداعت الزهره
واحسبني انه عـالفقره
يمولاي

بعيوني شلتك احچايه
ميلادك غـايــة الغايـه
يالروحي ألك وفــايـه
يمولاي

مولاي مولاي يارسول الله
مولاي مولاي ياحبيب الله

4

بعيوني وحساسي حبيتك وضنوني
والوادم معشوگك يا طه عرفوني

احچيلك والسمه شاهد
بالمولد احضر وگاعــد
تتقـبــل خــادمك رايد
يمولاي

احساسي يسبگ دموعي
بالمولد اعلگ اشموعي
بالفرحه انته موضوعي
يمولاي

مولاي مولاي يارسول الله
مولاي مولاي ياحبيب الله


5
اختملك اشواگي بالمولد احچيها
بس انته معشوگي اولها وتاليها

تبقه انته شهگـت انفاسي
محبوبي وساكن احساسي
خـلـيـتــك تاج الـبــراسي
يمولاي

ميلادك احله كل فرحه
عالدنيه اشرق بصبحه
يالروحك يالنبي سمحه
يمولاي

مولاي مولاي يارسول الله
مولاي مولاي ياحبيب الله






لاتنسون والدي وابني عباس من الرحمه والمغفره
خادمكم رياض الرسل الجابري

الاداء مسلم المطيري

هوسات //

سُبحـــانـه الإلــه شـصـوّر وابـدع
خلق طه النبي من نوره وتشعشع
من وجه النبي نور وحِسِن يسطع
( نَوّر دنيانه بانواره )



فجر سابع عشر صار بربيع اوّل
انولد نور الرسول الطاهر الأكمل
من سابـع سمـه الأمـلاك تـتـنـزّل
( تـتـبـرّك بالهادي ونوره )



مُحمّـد اشرق بوجهه اليشع انوار
حبيب الله الرسـول وهازم الكفّار
لولا المصطفه هـذا الخلق ما صار
( لعيونه الخالق سوّانه )



واحنـه بمـولـد المختـار فـرحـانيـن
ننصب محفل لراعي الشرع والدين
ويـن الرايـد ينـول الشفـــاعـة ويـن
( خل يفرح بالهادي ويانه )

خادم سيد الكائنات وحبيب الله مُحمّد صلى الله عليه واله
سيد زيد الفحام

مسلم المطيري. ...هوسات

للشاعر/ سيد زيد الفحام

هوسات لمولد الامام الصادق ( ع )
...............................................
...................................


يبو الكاظم يجعفر بحر الِعْلوم – كرامه مْن الاله المولد اليوم

نْحسَب ويه الرسول وْ نجم الِنْجوم – مْبارك والله مْبارك هذا اليوم وْهذا العيد

..............

هله بْعيدك امامي يالولي الصادق – يَآيه مْنِ العزيز القادرالخالق

وْينجم اعله النجوم وْ بالعِلم خارق – نْحير ابو صفك وانت العالم بالاديان

..............

كلام اهواي لا ما ينحصر بابْيات – يعالم عالحجج يا سيد الآيات

عشت كل العمر بالآه والونّات – الصادق انت الصادق عالم عالاعلام

..............

فدينالك عمرنه صادق الاقوال – يبن حيدر علي يمحقق الامال

وْيبن بضعة نبينه سيد الاجيال – انت الشافع انت يوم المحشر والاهوال

..............

بْرسول الله وْ حفيده نحتفل هاليوم – وْ نزّف اجمل تهاني للولي المعصوم

ابن بضعة نبينه وْ ناصر المظلوم – ونْگلّه مبارك يالوالي

..............

مطر هاليوم زخّت دنية الرحمن – بشاير خير ميلاد الولي السلطان

ابن سيد البشر ومفسّر القرآن – يوم الصادق خير وْ فرحه وْ نور



....................................
........................

خادم اهل البيت (ع )
الشاعر الحسيني
سعيد الفتلاوي الطويرجاوي

مسلم المطيري. ... هوسه

للشاعر/ سعيد الفتلاوي الطويرجاوي

ابوذیات في حق الرسول الأعظم ص
🔹🔹🔹🔹🔹🔹🔹🔹
یفوح أبطیـبک الفـردوس منهال
حجب قوسین بیک الوصل منهال
جمـالـک طیـف بالمـعراج منهال
لــــقائک صــار وي رب البـــریه
🔹🔹🔹🔹🔹🔹🔹🔹
الک اوصـــاف ربک مادحلها
و ابد لولاک أرضه مادحلها
جبتلک روحی بیدی مادحلها
و اقـدمها الک بثــنین أیدیه
🔹🔹🔹🔹🔹🔹🔹🔹
عجنها ابروحه ربک بس ترابک
و تضل عین الله دایم بس ترابک
خصال البیک لاگت بس ترابک
و صرت اشرف خلق فوگ الوطیه
🔹🔹🔹🔹🔹🔹🔹🔹
عبدالامیرالناصري

مسلم المطيري. ...ابوذيات للنبي الاكرم ص

للشاعر/ عبدالأمير الناصري

لولادة النبي الاكرم محمد صلى الله عليه وآله وسلم. (وزن الحدي )

هذا الشهر أجمل شهر. . بيه انولد سيد البشر
★★★★★
اجمل شهر بيه انولد. نور السطع فوگ المهد
من بيت توحيد وعهد.  للصنم ماواحد عبد
الكون بافلاكه ازدهر
هذا الشهر أجمل شهر
★★★★★
من السمه  نور انرسل  أحيا المحبه والامل
بموت الظلاله والجهل   نور النبوه من نزل
هدد معالم كل حجر. 
هذا الشهر أجمل شهر
★★★★★
بمكه سطع نور الوفه.  ابوجه الحبيب المصطفى
بيش الشعور ايوصفه.          نورالعلم والمعرفه
للجهل يمحي كل أثر.  
اجمل شهر هذا الشهر
★★★★★
كل معنى غَيَّرْ  للزمن      وأيامه السود انتهن
لا بعد معبد للوثن.         حتما نهاياته بدن
ابمولده اجمل  خبر.  
هذا الشهر أجمل شهر
★★★★★
يامن قبل آدم چنت.    وقبل المعالم والوكت
من نور أنته اتكونت.    يامصدر الجنه صرت
يافخر عدنان ومضر. 
هذا الشهر أجمل شهر
★★★★★
ارض وسمه جوها ابتسم.  نور وفرح بيها انرسم
يوم نولد هادي الأمم.      بسم النبي خط القلم
جد الإمام المنتظر.  
هذا الشهر أجمل شهر

الشاعر حسن لعيبي الحريشاوي

الاداء مسلم المطيري

نشيد لمولد النبي الاكرم بلحن طلع البدر علينا
ا🍃🌺🍃🌺🍃🌺🍃🌺

مولد النبي صلى الله عليه وآله وسلم

أشرقت أنوار مكهْ وَزَها وجهُ السماءْ
وُلِد المختارُ أحمدْ خاتماً للانبياءْ
ا🍃🌺🍃🌺🍃🌺🍃🌺
شعّت أنوار الرسالهْ مرحباً طٰه الرسولْ
وقريشٌ من بَهاهُ قد أصيبت بالذهولْ
عجباً منك محمدْ حين حيّرت العقولْ
سجدت اوثانُ مكهْ واكتسى الكونَ البهاءْ
ا🍃🌺🍃🌺🍃🌺🍃🌺
وُلد اليومَ محمدْ ياجنانُ استبشري
هلّلي الرحمٰن حمداً..وبفخرٍ كبّري
وعلى وجه الثريّا… كلَّ عطرٍ أمطري
واملئي الأكوان نوراً وشعاعاً وضياءْ
ا🍃🌺🍃🌺🍃🌺🍃🌺
أُمُّهُ عند المخاضِ كان يأتيها النِّدا
هذا بُشراكِ امينهْ قد وضعتِ أحمدا
صادقُ القولُ ويمسي.. للبرايا مرشدا
ينشر الإسلام دينا ويُعِزّ الضُّعفاءْ
ا🍃🌺🍃🌺🍃🌺🍃🌺
أُلبِسَ الطهرُ لباساً ..من إله العالمين
حجةُ الله محمدْ وختامُ المرسلين
وعليٌ والبتولُ حسنٌ ثم حسين
تسعة أطهارٍ منهُ… اتقياءٌ نجباء
ا🍃🌺🍃🌺🍃🌺🍃🌺
فاطمٌ ثم أبوها بعدَهم إثنا عشر
حججُ الله علينا خصهم رب البشر
ختم الله الإمامهُ بالحبيب المنتظر
بهمُ الأعمال تُقبَل وهمُ باب الدعاءْ
ا🍃🌺🍃🌺🍃🌺🍃🌺

#خادمة_ال_محمد_كفاية_الشيخ

الاداء مسلم المطيري