ابيات نعي


اخ  الوجع مــــــــــاكل دليلي
ومن ليلي ابـــــجي لحد ليلي
السامره اجيت بضلع مكسور
للعسكري ومهــــــدوم حيلي
  

ابجي ابعزائه وأجــري الدموع
ومر عله بالي النحره مكطوع
حسين فــــوكه دبجت الخيل
وبصدره  حافر ضال مطبوع

انــــــــه الزجيه ام كلب الهفان
انه الولدها انـــــــذبح عطشان
مسلبه  اهدومه ونحره محزوز
بحر الشمس ضـــل ابني عريان


ارد ابجي وعمــــــيها النواضر
للصـــــــــدره مسحوك ابحوافر
هيه الهضـــــــــيمه ابيوم عاشر
من ركضـــــــــن ابهيمه الحراير

00000000
حسين عبد الزهرة الدراجي
▪︎▪︎▪︎▪︎▪︎

على الحسن واه ويلاه

ــــــــــــــــــ
مات الحسن و انهال التراب
والمهدي جرحه بقلبه ما طاب
نفس المصير ونفس الاسباب
بالسم گضة وينعاد المصاب

بالسم كضة والحسرة والاه
ــــــــــــــــــ 
جار الظلم وي الزمن جار
والسم مشى بأحشائه واندار
وشبت بقلب العسكري النار
مثل السرت بالخيمة والدار

ولهسة باب الزهرة ننعاه
ــــــــــــــــــ
يالمهدي دون احبابك اوحيد
كل عيد يطلع ينذبح عيد
موتت ابوك لحزنك تزيد
حزنك جبير بلا مواليد

قلبك نبض وحزانه وياه
ــــــــــــــــــ
جادر نصبتة وآخر وداع
آخر سفينة واخر شراع
اهلك گضو ضمتهم الگاع
وكلساع ميت انت كلساع

أعجب بشر انت عرفناه
ــــــــــــــــــ
حر المصاب بدمعة العين
والقلب يصبح همة نصين
نص الحزن والآخر حسين
والحيرة تكبر وي السنين

بمصيبتك تصرخ حسيناه
ــــــــــــــــــ
آخر عزيز وتفگده شلون
ما غوشت من دمع العيون
حالك صعب وي اليشيعون
تابوت ابوك يهد الامتون

كل ذكرة حزنك مانسيناه
ــــــــــــــــــ 
شايل جبل مو جنة تابوت
قلبك نبي ومصابك الحوت
لو جان نعلم بالدمع صوت
جا صوت دمعك وكف الموت

دمعك دمه بالهم دريناه
ــــــــــــــــــ 
الشاعر زين العابدين الشمري 
▪︎▪︎▪︎▪︎▪︎

( جرح المهدي )
أستشهاد الامام الحسن العسكري
……………… .............................،…………

المهدي شنهو اليوم حاله
هـم سـرح للطـف خـياله
من بده ايصلي اعل ابوه •• ذكر جده السلبوه

……………………………………………………………


او يلمهدي مولود الحزن • توم و تربّه ابمهده
معصور گلبه امن انولد  • اهوايه الجروح العنده
فارگ ابوه امـن الزغـر  • ما شبع حضن و كعده
عيـن اتهمل للعـسكري • و عين المصيبة جده

من گعد يم والده و غمضله عينه
ذكر جـده اعل لتراب امگطعينه

اندار وادموعه اتجاره
الكـربلـه ايأدي الزياره
السلامُ اعل الولوه •• ذكر جده السلبوه

……………………………………………………………


و الوالـده حـضّر چـفن • و للـغسل مـايه ايديره
بعيـونه مـوج امن الدمع  •  و اباله ميـت حيره
مـن كربله انعرضت اله • صـورة مآسـي اچبيره
صورة جسد عاري الهدم • ملموم فوگ احصيره

غسّـلنه اسـيوفهم  مـن فـيض دمـه
والتچفنه اسهام منثوره اعل جسمه

اه يا جدي و رضيعه
يا ورد فـارگ ربيـعه
حلم ماي وما سگوه •• ذكر جده السلبوه

……………………………………………………………


مـن سـمع صـوت العايله • يبچن بنات الزهـره
ببيوت مامونه وحرس • اهل الچفافي الخضره
للتل سـرح يـم عمته • عل راس تشـبچ عشره
لو بالحـبل يعـثر جدم  •  لـو يلّسـع بالجـمره

المهدي زينب عمته اتعيش ابكيانه
ايگله كـون اسـياطهم  بمـتوني آنه

وحگ عباسچ و چفه
الثارج وهيهات اغفه
ثار ضعن الي سبوه •• ذكر جده السلبوه

……………………………………………………………


مهدينا يشعر باليتم • مـن شال ابوه ايشيعه
مهيوب وآلاف البشر • اتسلّم عليه مـجتمعه
اتراواله ايتام وركض • عدهم غزيره الدمعه
لا خيل ترحم لا بشر • سوط وشتيمه وصفعه

ازغار و انثرت نثر فـوگ البريه
ذكر جده الباقر او جوية رقيه

ليل وحشه ودمع طفله
ذكر جـوع و ناگه هـزله
وعد عمهم ما نسوه •• ذكر جده السلبوه

……………………………………………………………


سامره راجت بالحزن • على العسكري مفجوعه
و جنازته ابعلـو النجـم •  بيد الخلـگ مرفـوعه
بفكاره لن منظر جسد • عاري و فتات اضلوعه
طاحنته خـيل ابلا رحـم • اثار بيـه مـطبوعه

الشمس تصهر والرمل حباته جمره
ابلا دفـن ايـام مـحـد  حـفـر گبره

المهـدي فاتحتين عنـده
والده  وحسين جده
وبدمعكم شاركوه •• ذكر جده السلبوه

……………………………………………………………


المهدي لا مانسي ابد . عاشور كل ايامه
معرض صور للفاجعه . يبدي العرض جدامه
صورة رمح شايل ضوه . عينه اعله نار اخيامه
صورة مره امضيعه الخدر . تركض تلم بيتامه

وصورتين اكباله ينعرضن سويه
الخرابه واذن مجروحه الرقيه

صوره الها النوح كله
طفل وسط الرگبه نبله
اه عبدالله اذبحوه •• ذكر جده السلبوه

……………………………………………………………
✍️ ( سيد خضر الزاملي )

الشاعر السيد خضر الزاملي

بصوت خادمكم ستار الصالحي

كل موالي وحيدري..ينتحب للعسكري
ويه أمه فاطمه...ويه أمه فاطمه

بينه لوعة حزن عاشور المصايب
ويه مهدينه حملناهه النوايب
بالمصايب چم گلب مولانه ذايب
انواسي ام الحسن جينه بالمواكب
الليله لمصاب الحسن...مهدي دمعاته جرن
عالچبدته امسممه...عالچبدته امسممه

كل موالي ايحب علي حامي الحميه
الليله ثوب اسود لبس لجل الرزيه
تنحب املاك السمه وتبچي المسيه
اتواسي طه المصطفى وبنته الزچيه
ننحب ابهالفاجعه..واحنه اجينه انشيعه
والعزيه قائمه...والعزيه قائمه

الليله لمصاب الحسن تبچي العوالم
كلهه تندب عظم اجرك يبو القائم
ننصب اعله العسكري هايه المآتم
هالعزه طول الزمن للحجه دايم
بالدموع الهامله...هالعزاء انواصله
والمجالس دايمه...والمجالس دايمه

يالحسن جينه نواسيك ابمحنتك
نلعن الناس الذي سمت چبدتك
احنه ولدك يالولي وكلنه ابخدمتك
نبقه زوارك نجي ونگصد حظرتك
تبقه شامخ يالولي..بيك ريحه من علي
اي وحگ حامي الحمه...اي وحگ حامي الحمه

يا أملنه ويا فخرنه ويا سندنه
كفرونه وعنكم ابدا مابعدنه
ابمجلسك هالليله يامولاي ردنه
ارفع ايدك سيدي وادعي الحشدنه
يالدعائك مايرد...ارفع ايدك للحشد
غالي ضحو والدمه...غالي ضحو والدمه

سيد علي الموسوي

الاداء ملا مسلم المطيري

قصيده ميمر للامام الحسن العسكري عليه السلام


گبتك مثــل شمس الكـــون         يالعسكـــري بسامـــره

*
نــورك سطـــع للعـــالم وشـــع ضيّــه
أبنــور الجـــلاله أتشـعشـع القـدسيــه
آيـــه تظــل طـــول الــدهــر محميـــه
حاميها رب الأكـــوان      رغم النفاق ومكره

*
شمــس الله تـفتـــر عالمنــاره أبلهفـــه
وكــت الغـــروب ابحضرتك چن تغفــه
تطفــه الشمس نــورك ابــد مـــا يطفه
شيطفي نور القران        وعِدّله تظل العتره

*
راد الــظـــلام أنــــــوارك ايطـفيــهـا
لـــو گـبّتَـــك مـــن الأرض يمحيــها
مـــا تنمحــي ونــور الله ساكن بيها
نور الله نورك ظل دوم       رب الجلالــه ينشـــــره
*
قبلــه ضريحـــك شيعتـــك حجــاجــه
بحـــر الكــرم يتــلاطـــم بــأمــواجــه
مـــا تـــرد نــاس الگصدتك محتاجه
بابك يـــدگه المحتـــاج        بالكـــرم گلبـــه أتســره

*
ظنــوا لــوّن تفجيـــر نـــورك يخمــد
ونـــور العــرش بيك  بفخــر يتجسد
نـــورك يبوالمهـــدي امتـــداد لأحمد
مـــا يطفه ابــد نور الله       وسر مصدره من الزهره

*

أبــدم المنــاحـــر مـرقـــدك حــراســه
والـــي وصــل يَمّــه سحگنـه بــراسه
عــونــه الـــذي لجلك رخــص أنفاسه
اليضحي لجــل الأطهــار        وي العتره ربه يحشره

*
مــن گبتك أنــــادي ونهــل الدمعـــه
يــــا ربــي عجــل للــولــي الطلعــه
اگلوب التنطره كــل وكــت ظل تنعه
يا ربي ندعي بدمعات         مهدينا عجــل أمـــره

*
الشاعر
موسى البديري

الاداء ملا عصام المحمداوي

قصیده في حق استشهاد الأمام الحسن العسکري علیه السلام




مات العسكري الليله  و المهدي انهدم حيله
         دمعاته  جریه   ناصبله عزیه
****
اشگد  حزینه الشمس متغیر ضواها
بالکسوف الیوم اجت لبست رِداها
الأرض ناحت و السمه اتعزي فضاها
و الزچیه    عالأبن    عالي    بچاها

السامره اجت تنعه   و بخدها أثر صفعه
    و اتنوح الزچیه   ناصبله  عزیه
****
العسکري نوره انحجب بدیار غُربه
ابثامن  و عشرین عمره انگضه نحبه
المُعتمد عذبه  اهوایه ابشنو  ایطلبه
تالي  بالسم ابوالمهدي انمرد  گلبه

مرت عنه اقسه ایام  عاصرها ثلث حُکام
         و اتحمل اذیه   ناصبله عزیه
*
العسکري  رحمه و لا  واحد  یرحمه
گضه   عمره   یجرع  ابچاسات   هَمه
ابیا    جریمه   المُعتمَد   قرر   یسمَه
و الچبیره  لا   اهل   لا   ابنه   عنده

العدو یقصد تره ایچتله  یحرگ بس گلب اهله
        و ابهاي الرزیه    ناصبله  عزیه
*
هالأمام  من  السجن  للسجن  ینقل
کل  سجن  یطلعله  ضیق  من الأول
تالي  عشر  ایام بالسم  چبده  یذبل
صار  یدعي ربه  عن  هالدنیا  یرحل

مثل اجداده ظل مسموم  علیه طیر المنیه ایحوم
         معروفه  القضیه   ناصبله عزیه
*
ایعالج ابروحه و دمعته تچوي خده
عاش  بالغُربه و یموت  الیوم  وحده
العسکري مات و تگطع  وسفه  چبده
الظالم   اشیعتذر  یم   الهادي   جده

الحقد یسري ابخلایاهم  و یعیش ابلیس ویاهم
          جرعو  المنیه    ناصبله عزیه
**
المهدي شیع نعشه بدموعه و نحیبه
ابحجر ابنه یا وسف اصبح مغیبه
ایصیح  بویه  امنین اجتك هالمصیبه
عگب  وجهك  دنیتي صارت غریبه

اروحن فدوه لعیونك   بالسم منخطف لونك
          فرقتنه  المنیه   ناصبلك  عزیه
*
لخادم الحسین علي فلاح الواسطي

الاداء ملا عدي الربيعي