شد احزامه العباس   كام ايطك راس براس
***
عباس طب للمشرعه   وبجفوفه شال الرايه
بالجيش طلع حركته   وبالماي سوه اسوايه
صارت اشويه كربله   وعباس صار اهوايه
بلعت لسنه اعله النهر   من شافته الرمايه

شايل غيره ونوماس  كام ايطك راس براس
****
شيخلص اليوم النهر   عباس عنده اطلابه
يكلب الدنيه بكربله   لو بيده شد انكابه
هذا ابن قتال العرب   والكوم كلها اتهابه
مو جربه راح امن النهر   جر الفرات وجابه

ادخيل اتصيح الحراس   كام ايطك راس براس
**
عباس شيخ المرجله   وتذبح ذبح خزراته
لو صال وسط المعركه   تشبه علي صولاته
عباس لو شال العلم   وترجل اشمحلاته
بالسيف ضل يلعب لعب   عباس دك اثباته

والطاح بجدمه انداس   كام ايطك راس براس
****



الفرسان كلها تراجعت   ونسحبت الخياله
عباس من كد ما رزن   حته الفرس ما شاله
وحسين والله بهيج اخو   امعدل الف هنياله
مسرع نزل للمشرعه   وما واحد ادناله

انحبست كل الانفاس   كام ايطك راس براس
***
ام البنين الطاهره   ما ادري شمرضعته
عباس من كد الوفه   يمشي ويسولف بخته
والرايد ايمس الخيم   هذا امه ما جايبته
ذواق حيل وكربله   مدري اشكثر عاجبته

اتسولف بفعاله الناس   كام ايطك راس براس
**
عالماي ناصب سيطره   ومحد يمر من عنده
والنهر من كد ما ذبح   بالروس كالو سده
ياهو اليمر بعرضته   وعباس جيش الوحده
فن واحد ايجر النفس   وهناك راسه ايمده

طبع الحر ما ينقاس  كام ايطك راس براس
**
تمت
تحسين الخفاجي

نزال بحق مولانا العباس عليه السلام

شاف ضعنه عطشان
شاف ضعنه عطشان
   سرفن الها الذرعان
سرفن الها الذرعان:
ابو فاضل  ابو فاضل:
…………..
تعنت الاطفال ركضه كاصدين الخيمته:
وين عمنه هل عطشنه وجايين الشيمته:
عرگت ونشفت شهامه ابو فاضل گصته:
لزم السيف بيمينه وعل متن حط جربته:

صاح ابشرو يااطفال:
صاح ابشرو يااطفال:
انه عمكم كفال:
انه عمكم ‏كفال:
ابو فاضل ابو فضل:
………1……
هلهلت زينب لخوها وابوفاضل يبتسم:
يكلها مااهتم جمعهم كالت ادري والنعم:
ياكفيلي ادريك بالطف تسحگ اخشوم الزلم:
ماتخيب ظن اخيتك انه عندي كل علم:

توصل الشاطي الماي:
توصل الشاطي الماي:
خويه اعرفك وفاي:
خويه اعرفك وفاي:
ابو فاضل ابوفاضل:
……..2……
هوس ابهوسه ابدويه والسمع جلده نگشط:
كل قوافيه مراجل بعد عباس وزمط:
ترخص حسين بقفلها هيج رباطه ربط:
كال ترخصني ياخويه ارد اجيبن لختي شط:

ليش عطشانه ام عون:
ليش عطشانه ام عون:
وانه حادي الاظعون:
وانه حادي الاطعون:
ابو فاضل ابو فاضل:
…….3…….
لزم بتاره وتنخه سيفه جنه زلزله:
يصيح وين القاده بيكم ياهلا وميت هله:
گام يتخير ابكيفه وكض جمعهم بسله:
من گصد صوب الشريعه ميت اليگرب اله:

اخذ بيهم  الحيف:
اخذ بيهم  الحيف:
بالرگب حد السيف:
بالرگب حد السيف:

ابو فاضل ابو فاضل:
………4………
ثنه بالشاطي عله كيفه ظل يروي بجربته:
بالنخل الجيم لاذت خايفة من هيبته:
واحد يحذر الثاني يكله تكتل سطرته:
هذا العباس هذا الگناطر شافته:

الگاع من عنده اتخاف:
الگاع من عنده اتخاف:
يچتف الجيش چتاف:
يچتف الجيش چتاف:
ابو فاضل ابو فاضل
………..5…….
ماشرب من العذيبي وعطش چبده جن جمر:
استنكف ورد للعساجر صارن اعيونه حمر:
الما يلوحه السيف جفه كام يشمرله شمر:
لا ابن جوشن يرده ولا حصين ولاعمر:

صال بالحومه صال:
صال بالحومه صال:
مالكه بيها ارجال:
مالكه بيها ارجال:
ابو فاضل ابو فاضل:
……..6…….
مجيد الصالحي

الغيـره الغيـره الغيـره.*.عبـاس راعـي الغيـره
***
شـال العلـم سل السيـف ونتخـه بحيـدر عـوده
مثـل الاسـد بيـهم صـاح محـد ڰـرب لحـدوده
والـزلم فـرت والخـيل مـن سـرفنـاها زنــــوده
ياشمـر ويـن الشجـعان مـامش زلـم بالـديـــره
****
هـذا انـه وسـط الميـدان يـاشمـر ويـن افعـالك
راح انــه اخيـرك بثنـيـن ڰـدام هـاي ارجـــالـك
لـو تنسـحب لبـن زيـاد لـو تبـرز انتـه الحـــالـك
هـذا الامــر مـن ثنيـن ياشمـر ميصـح غيــــره
****
بيـن العسـاكـر والجيـش عباس هـوس هـوسـه
نـهـر الفـرات بيـمناي ويـن الشـجاع يـدوسـه
لا نـفـع بيـهم خيـال واليـرمي كسـر قـوسـه
عالمشـرعـه اربـع الاف ڪل فـرد راح بديـره
****
عالمشرعـه اربـع الاف ماثبـت منـهم واحـد
والـرعب عـم ڪل الجيـش قـائد يڰل القـائد
مـن سيـف عبـاس اليـوم يسلـم بـروحـه الشارد
ورطنـا ورطـه ابـن زيـاد حيرنا بالطف حـيره
****
مانـدري يـوم الـطف هيـج مـوت وعـذاب وعثـره
يابـن سعـد كـض عبـاس وقسـم عليـه بالـزهـره
وڰلـه الشـمـر ذاك يڰـول وقـع الـك بالعــشـــره
ومـن حذرت اسـف ڰـال ﭼـي مـاخـذت تحذيره
****
حـي اللـه خيـال الخـيل ڰـول وفعـل سـواهـا
مـن عـطشت سڪيـنه اغتـاض شال النهـر رواهـا
والرايـه هيـج وي الغيـم شيـخ الـزلم عـلاهــــا
وخـلاها مـن جـيل الجـيل تنـذڪر هـاي السيـره
****
خـلاها مـن عـام العـام تنذڪر ذيـج الـساعـه
حـر ونـﭼـر صڰـر مخـيـف مـاغيراها اطبـاعه
يـوم شتبـك رمـح وسيـف راي الـظلم ماطـاعه
ڪل مــرآ۽ لازم ڰـال حـڰ يعـرف تڰـديـره
****
مـن حڰـها زيـنب عبـاس تفتخـر بيـك هوايـه
مـن مثلك يـشيل المـاي مايـرتوي مـن مايـه
زيـنات عبـاس هـواي خـل تـنعي الـــنعايـــه
الـف وكسـر صـار الـناس تنعـم بفضلـه وخيـره
****
عبـاس العيـسـاوي... .

الشاعر ورادود ابو ماجد الشغانبي:
(بدوي الحن)


حــي الله اب عباس هز فرسانها
بــــل مصارع رجـــفت عـدوانـها
انــتـه مـدرسة الـــزلـــم علــمتها
فــي طــف نينوى. ضـيقت الهوه
چـفــــك لو صطر.مــايـرهـم دوه

..............................................
كاسر اظهور الخيل فــي الحرؤبي
بــعــج الترايب ظلـميت الـدرؤبي
يـــاشبل حـيـدر باـمعارك رهــوبي
ياخزرتك واگفـت نـبـض الـقلوبي

يـــــالسيفك روه.... بعركت نينوى
گص في نحرهم،... شــيال الــوى
كـــــل العساكر بل حـرب حيرتها
انـــــته مـدرسـة الـــــزلم علـمتها
.............................................
ياشمرت حسين اونضرته وجماله
اومن اخوك الحسن ماخذ خصاله
يـــل تشبه الـــــكرار انـته ابكماله
يشهدلك  التاريخ  اراعي  الكفاله

لـــــــوعت العده..بسيفك من بده
رمحك ماخطه.. مـــــــــن اسدده
والــــكتايب يـــاگـــــمر شرددتها
انتـــــــه مـــــدرسة الزلم علمتها
.............................................
محتاره بيـك الگوم اوهل الگبايل
ترمي رمي شجعان ماترمي مـايل
لابس عگال حسين بلحرب صايل
گاصد تجيب الماي تروي العوايل

اليوصل يبتلي... بي شمرت علي
امـــــه الوصته... اجــــليهم جلي
مــن درة الطيبات انـته ارضعتها
انتــــه مـــدرسة الـــزلم علــمتها
.............................................
شمرت علي الكرار والباقي زودك
مـحد وصل لخيام كلها ابوجودك
يتـورط ابدنياه اليوصل احدودك
عيله اوحرم وطفال اتاني جودك

شايــــل جـربته...اورايــه بيمنته
صـوب العلکمي... الــگوم تعــنته
طوف الــــغنم بـــــلگاع طوفتها
انـتـه مــدرسة الـــــــزلم عـلمتها
.............................................
عـز الله ماخليت بل حومه ريـال
هذا الفعل لــدوم وذكــره الجيال
حارو الشرده منين متعذب الحال
واحد ابواحد صاح طگانه زلـزال

الـوين الــــــمفر...بوفاضل خــزر
يــــــم الشريعه...بــــركان انفجر
كل الـكـــفر عبــاس هـل كسرتها
انتــــه مــدرسة الـــــزلم علـمتها
.............................................
الشاعر ابو ماجد الشغانبي