قصائد الانصار ع

هدوا الوفايه.   رايه تتبع رايه

فزعوا انصاره النشامه.  فزعه وحده اعله الحرب
وزلزلوهه الغاضريه    وعرش لحسين انصب
صاح شيخ انصاره بيهم.     انه اول من يطب
كلبي ملهوف اعله زينب.   خلي اشبعهم رعب

هد حبيب بشيبه...... وفزعوا  اهل النيبه
رايه بيه كفايه..... وأيدوه برايه
هدوا الوفايه
ــــــــــــــــــــــ
الدنيه من دون الحسين. طلگوهه   انصاره
وزامطوا     او رگاب گلفه.    منهه اخذوا ثاره
غاره شدوهه اعله غاره.    وغاره تبع غاره
وعون هوس بسم خــــــــاله .وهزهم ابتاره

الخاله هوس هوسه.        بالفخر مغموسه
وبيها غيره اهوايه.   ..... عالحجي معلايه
هدوا الوفايه
ــــــــــــــــــــــ
عفس وجه الغاضريه.     ونزل عابس يرتجل
وثلث ترباع المعاره       بجفه گضاهه سحل
اروس كطغه اعله روس   وروس دماهه الفحل
وروس من گد ماشمرهه.   وصلت الكوكب زحل

تعلم من الكافل.......  وصار هيح يقاتل
واكثر من الرايه......  رجف العنايه
ــــــــــــــــــــــ
نافع وجون النشامه.     دگو الظهر بظهر
وگله راح اركض عليهم.  وانت اركض عالنهر
احنه انصار الحسين.   واحنه الموت الحمر
ومانبطل من ذبحهم.   الا  انشبع سقر

غاره تتبع غاره...... رجعوهه انصاره
بدمه امحنايه  ...... وذللوهه اهوايه
هدوا الوفايه
،ــــــــــــــــــــــ

.حسين من گد ما تحبه.  ازلامه رفعت راسه
وفرح بيهه انصـــــــاره حيل.  واشر العباسه
يگله ذاك الــــبيده رايه. يشبه النه باسه
وذاك البـــــــصفه حبيب.  جر علمهم داسه

وصوت منهم صاحه. ـــــــ  طلگينه الراحه
نحبك احنه اهوايه..... وكلنه الك فدايه
هدوا الوفايه
ــــــــــــــــــــــ

خادم الزهراء ع ابو احمد الطائي

الاداء ملا جواد الغرباوي

للانصار




حي الله الانصار ، حي الله الانصار

=+=+=+=

بكربله النار ، شنو الصار ، حرك حركوها
زلم الــحسين ، والـحسين ، دمه سووها
فصلو الروس ، بالشموس ، جثث خلوها

بالحرب انصاره
كــلــمـن ابتاره
بس دمه تجاره
والعده محتاره

حي الله الانصار ، حي الله الانصار

=+=+=+=

والله الجفوف ، بالطفوف ، نثر نثروها
ترسو الــگــاع ، بالــنـحــو ، بتر بتروها
حـدو احدود ، للجنود ، جثث حطوها


ياهــو يوصل ليها
الــمعركه نمحيها
بس دمـه انخليها
امـن الزلم والبيها

حي الله الانصار ، حي الله الانصار

=+=+=+=

خـِوفــو الـخوف ، بالسيوف ، لمن سلوها
عزمو اليوم ، على الگوم ، صدك يگضوها
رجـفو الكاع ، هالسباع ، خسف خسفوها


بالــحــرب ازلامــه
هـــوسو گـــدامــه
حسين رفعو هامه
بأفـضــل ابتسامه

حي الله الانصار ، حي الله الانصار

=+=+=+=

اوياهم الـموت ، منو يفوت ، يحدد يومه
حــتـى عزريل ، تعب حيل ، نزل بالحومه
رف الجناح ، على الطاح ، سلبله ارسومه


ركــــعوها ارجاله
خـــــيل والخياله
ياهــــــــو يدناله
ابو الاكــبــر وآله

حي الله الانصار ، حي الله الانصار

=+=+=+=

ضلت اجسام ، هـــالزلام ، حــدر رجليهم
چنها صـفـيـن ، والــحسين ، يعاين بيهم
كتبو اعــــلام ، ع العلام ، طـوي نطويهم


والله دگــــــــو ثايه
ابكل فـــــخر وفايه
علگــــوها الــــرايه
حسين عدهم غايه

حي الله الانصار ، حي الله الانصار

=+=+=+=



✍️عباس العيساوي

غيور     صبور
حبيب بن مظاهر
شـيخ وذب الخاچـيه
اكبال حيود البــدويه
حبيب بن مظاهر
➖➖
شيخ بمضيفه  وبالحرب  هم شيخ ميدان
والـــدّله سيفه وضل يفر  بالـزلم  فـــنجان
ضل يذبح العشره سوه  مـــن دون عــوان
يردم ردم ضل بالــزلم  ما چنـه عطــشـان

كضاه     الدناه  ...  ابد ما چـنه شايب
ضل يطگ ميه بميـه
اكبال احيود البدويه
حبيب بن مظاهر
➖➖➖
يم الخيم صاح وفتـح ميدان الانصار
ورفت بيارغهم ســوه ورباطـهم حــار
مهوالهم عابس صبح ضل يرتجـل نار
لليدنه علـوية علي راسه انحسـم طار

زهير      برير   ..   اله سوو عــراضه
يهوس كام بعـوجيه
كبال احيود البدويه
حبيب بن مظاهر
➖➖➖
صاحلها ها يا بت علي امني اعله الخيام
والعين التصـــد للـــحرم  اعميــها بسهام
رايد مـــنيته اليوصـــلج يا بنــت الاكرام
ذوله احنه سور اعله الخيم كل احنه خدام
 
جبير      واصير  ..   شباب بساعة الكر
وتحــــــزّم بالجــفيه
كبال احيود البدويه
حبيب بن مظاهر
➖➖➖
بروس الزلم عزب مثل ما عزب الضيف
من دخّن ابراسه العزم وتناوش الـسيف
عطّاب من ايده طــــلع وستنگه بالكيف
جمرة سموم وهد لهب بحرورة الصـيف


اليفوت    يموت  ..  اليلاكيه ابنزاله
وعي الطف بيهم عيه
كبال احيود البـدويه
حبيب بن مظاهر
➖➖➖
شايب لجن مـا ينلوي ماكو زلم صاح
فـر الزلم بيـده مثـــل فــرت المسباح
والما يلوحه من الزلم بعوچيته ينلاح
تستنگه عينه عالرگب صمصامه ذباح

علاه     لواه   .. عله بعلو المناير
تكفه اتكـله  العلويه
كبال حيود البدويه
حبيب بن مظاهر
➖➖➖
✍️حيدر عبدالله السعيدي

✍حيدر عبدالله السعيدي

الاداء ملا ستار الصالحي

بحق الانصار عليهم السلام 🏴🏴🏴


أنصارك احــنه و للأبد
أشتامر وتــطلب بــعد
لا والله ما همنه العدد
حسين
٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭
حبيب يحشم الانصار … دون حسين وكفتكم
من يفزع علينه الجيش … اعرف شنهي همتكم
ليوث وداست اعله الموت … ادري الموت ميهمكم
المخيم عدنا خط النار .… خدر زينب أمانتكم

اليوصل الحد الخيم
أتوذره بسيوف الزلم
ونخلي مجمعهم بدد
حسين
٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭
عابس صاح عالي الصوت … جنني اميري حسين
والله لو وذر أصبح … اموتن دون هالطيبين
هز المعركة بسيفة … ذاك الحيد ابن القين
اتفقو هلال وجون … اليوصل ينشطر نصين

من دگو الظهر بظهر
نادو فلا ألكم مفر
يالمرتضى صاحو مدد
حسين
٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭
ابن مسروق ظل صوته … يدوي بساحة الميدان
يأذن للحرب قامت … اليوم تبين الشجعان
ما يبرد عزم والله … الحومه تشتعل نيران
برير يرتل الايات … شباب تنام عالتربان

لاوالله منهاب الخطر
حتى ولو صرنه وذر
من ماتو ابعمر الورد
حسين
٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭
أجه الحـُر وشهر سيفه … صاح الموت ميهمنه
اخــــــلي كـربله تشهد … بسيفي الجيش اذلنه
قائدنا ابو السجاد … وغـــــير حسين ما عدنه
ثوب الذله مو ثوبي … مـــــــن عندك تعلمنه

لو ينگطع مني النحر
يمك أظل قطرة بحر
الموت چن دونك شهد
حسين
٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭
زهير و نافع و مسلم … شدو عالكتايب حيل
سحكو عالمنايه بزود … خلو خيل تسحك خيل
جيمه تحشم بجيمه … تصيح الغوث أجانه السيل
نهار الطف غده ضلمة… چن چلچل عليها اليل

واحدهم يسل صارمه
توثق كـــلام الملحمه
ويرتل القل هو أحد
حسين
٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭
نــــــزلو كلهم الانصار … كلهم گالو حجاية
كلنا نموت دون حسين … ندگـ بكربله الثاية
تظل زينب غريرة عين … المناحر ترخص بهاية
مــــا عنده طمع والله … أنـت حسينه الغاية

هيهات لا ما ننكسر
دونه بالـطف الاجر
ونام عالغبرة رغد
ياحسين
٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭
الخادم غازي الساعدي

جديد محرم الحرام
ه‍ـــــــــــ١٤٤٢ـــــــــــ
بحق الانصار 🏴🏴🏴🏴
أنصارك احــنه و للأبد
أشتامر وتــطلب بــعد
لا والله ما همنه العدد
حسين
٭ ※ ٭ ※ ٭ ※ ٭ ※ ٭ ※ ٭ ※ ٭ ※ ٭
الخادم غازي الساعدي

لليريد علومها. هو هذا يومها
،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،
ذوله الانصار، يكرار إجوك اعلا العهد
بدمنه ماشين، للحسين نرووي المعتقد
هاي الارواح، ثمر طاح وشتطلب بعد
الحرب عيد، يصنديد يطوفان وصعد

بالعشگ. لتلومها،،،،،،،،،، هو هذا يومها
لليريد. علومها
،،،،،،،،،،،،،،،، ، ،،،،،،،،،،،،،،،،،،،،،،،، ،،،،،،،،
والله يخسون، يؤم عون احنه الهم تره
اليطلب مراد، اجه وراد يضحي بمنحره
دون الخيام، والايتام تضل مخدره
عابس وجون، بلجنون نالو مفخره

نسحگ اعلا خشومها،،،،،،،،، هو هذا يومها
لليريد علومها
،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،
وين الاصحاب، الاطياب ياميت هله
سلو لسيوف، بلطفوف هذي كربله
دون الحسين، ضوه العين يرخص كلشي له
نفدي الارگاب، للانجاب لحسين وهله

بالحرب جيدومها،،،،،،،،،، هو هذا يومها
لليريد علومها
،،،،،،،،،،،،،،،،،،،،،،،،،،،،،،،،،،،،،،،،،،
احنه سبعين، مجبلين على الموت بشغف
والله عشاگ، نفس ضاگ نموت احنه بشرف
بحب الحسين، مجانين بجنونه اعترف
كلنه خدام، للاكرام ولا گلب ارتجف

كربلا وعلومها،،،،،،،،،،،، هو هذا يومها
لليريد علومها
،،،،،،،،،، ،،،،،،،،،،،،،،،،،،،،،،،،،،،،،،
هاي الاعلام ،ولسهام بصدور العده
ارخصنه هل يوم، يجيدوم نصير الكم فده
نشگ هام، هل اقزام. وانت تشاهده
الصبر طال، والابطال هل متحشده

خل تفيض دمومها،،،،،،،،،،،،، هو هذا يومها
لليريد علومها
،،،،،،،،،،،،،،،،،،،،،،،،،،،،،،،،،،،،، ،، ،،،،،،،،،
خادم الحسين
عبدالكاظم الجابري

ميمر ( الانصار )

وكفو سوه. اكبال الضوه
وياهم كمر. شايل لوه

صاحوا اله عد عيناك خدامك ونصارك

*******************

الطف عشك موقفهم وداهم
ومن كلب ولسان الولي وداهم
فرحوا مو جن للحرب وداهم

هوسوا اله. بالمرجله
فدوه الك. والكربله

هوسوله كل احنه انهون بس كون زينه اخبارك

*******************

الموت صار لخاطره عدتهم
سيوف وعشك وكت الحرب عدتهم
السبعين الف سبعين الف عدتهم

ما نختلف. وبلا حلف
بس الكمر سبعين الف

وحيدر امس كل لحسين هذه الكمر فقارك

*******************

صفوا وابن ظاهر وكف قيدهم
وتحرروا من كل امر قيدهم
قائدهم لجنة عدن قايدهم

عابس نظر. وجه ابتشر
جنه عدن. تالي الدهر

بين الاصابيع احسين كله انظر لمقدارك

*******************

صاحو اله الاجل النبي حاربنه
ودم المراجل علحرب حاربنه
الحاربنه احنه ابكل وكت حار بنه

يبن الولي. وعرش العلي
نوكف الك. وكفت علي

يامحلى الموته وياك بالذبح هم نتشارك

*******************

همت علي وكت الشدد همتنه
الدنيه شوكت وبيا طمع همتنه
طبرت علي نظبر الك هامتنه

ننزف دمه. ونصعد سمه
نيتنه نظرت فاطمه

اهلاً النه الزهره اتصيح وبالجنه نسكن دارك


نسألكم الدعاء
#علي حسين المياحي

زنجيل

ذولي انصار ابو السجاد

شدوها ال جفافي ابزود وال خياله شدوها
ذولي انصار ابو السجاد كل الحومه كلبوها
واحدهم صكر بال غيم يا ستار طبوها
بالخزرات مو بل سيف كل الزلم كتلوها

طارت روس لغيمه
جيمه تردم بجيمه
والحومه صفت هيمه
..........................

مثل الريح فزعو هيج ما يلزم واحدهم
گصايت زالم مرين تكتل حيل شارتهم
طبو ابشط من السيف محد وصل ثايتهم
كام بشيبته المهيوب يفرض بيهه قادهم

قائد حبيب الصار
سواها الزلم طشار
والشياب بيهه انصار
............................

رفو بل بيارغ حيل حلفو كون نگضيهه
كله الخاطر اخت حسين حته شمس نجويهه
هاي الحومه طاست ماي كون اليوم نچفيهه
شياب ونهد عل كوم طويت فرش نطويهه

حمرا الكاع نگلبهه
كون اليوم نرعبهه
مثل الغزل ونظبهه
.......... .........

سوو عيه بل ميدان والقاده ارجف كلهه
نزلو بيهه جن بركان وينه الراد يوصلهه
زلمه اليشرد ومبخوت كالو من يطب الهه
وتريس حبيب الجيش ب فعاله وي نجلهه

كلهم طبو الغاره
كلمن سحب بتاره
ماترهم بعد جاره
............................
ماخلو جسم بيه راس وگفو موت بالحومه
شدو حيلهم ب حسين وليكرب وصل يومه
حته الخوف منهم خاف بلطف نشف زردومه
بل دم غركت ال ميتين من كامو فرد كومه

طبوها ونعم صوبين
خيالت شكر صلفين
يازلمه الوصل الحسين
...............................

وداد البخاتري